عيد ميلاد شاعرة المحاورات...لولا

[لولا]

كل سنة وانتي بالف خير يارب وعقبال مية سنة ..

بس ليه كده .. هتخلوني احب برج الجدي غصب كده ياجماعه .. نص المحاورات طالعه منه.. ايه الحكايه ..

من يومين كنت بشاور عقلي في الحكاية دي بس خلاص مدام طلعتي جدياوية يالولا يبقى لاه ثبتت الرؤيا .. طلع الجدي بتاع الفنانين فعلا وانا كنت فاكره ان الميزان بس الي كده ..

بس سيبك انتي .. فين (القاتوه )؟؟

طبعا لازم تحبى برج الجدى يا ضحى .. مش محتاجه كلام دى خالص خالص :lol: انا متحيزه موووووت للبرج بتاعى :lol:

وانتى طيبة يا ست الكل .. والف الف شكر على التهنئة الجميلة دى :blush2:

اما الجاتوة .. جاى فى السكة يا ضحى متقلقيش ابتا ابتا .. انا عديت امبارح على مفتش التموين عصام باشا فى العمارة اللى جنبنا

وقلتله يشوف حل فى المونة اللى قاطعة فى اعياد الميلاد دى بقالها فترة وهو ان شاء الله ان شاء الله حيشوف الموضوع فى المستعجل

على عيد الميلاد الجاى كده :lol:

ميرسي يا ضحى وكل سنة وانتٍ بالف خير وسعادة ديما

لولا

[لولا]

الشاعرة والاديبة لولا

كل سنة وانتى طيبة وبخير وسعادة

معجبة جدا بكتباتك ..............مزيد من النجاح فى حياتك :blush2:

جيسكا الجميلة ..

وانت بالف خير وصحة وسعادة

ميرسي يا حبيبة قلبى على المعايدة الجميلة دى .. وميرسي على متابعتك لكتاباتى يارب اكون استاهل الحب والإطراء دوت.

دومى بود دائما

لولا

[لولا]

شاعرتنا المحبوبة

كل سنة وانت طيبة وبصحة وسعادة وراحة بال

والسنة الجاية تكوني محققة كل اللي تتمنيه يارب

عيد ميلاد سعيد يا لولا

:blush2: :lol:

سمية الغالية .. بحب قوى اشوفك منورة المحاورات .. وسعادتى كبيره بتواجدك هنا فى عيد ميلادى.

ان شاء الله كلنا نحقق احلامنا .. كل حلم وليه اوانه .. ربنا كريم .

الف شكر ليكٍ وربنا يعود علينا الأيام كلها اعياد وسعادة وينولك انتى كمان كل اللى فى بالك .

نورتينى فعلا :lol:

لولا

[لولا]

الفاضلة لولا

كل عام وانتى واسرتك فى غاية الهناء والسرور

اعتقد بأن معظم الاعضاء يتفقون معى فى انه عندما تذكر لولا يتبادر الى الذهن رقى المشاعر ونبل الاخلاق التى تتجلى من كتاباتك الغاية فى الروعة

العزيز رفاعى ..

ادام الله عليك السعادة اخى ومتعك فى الدارين ووفقك دائما .

شكرا على هكذا اطراء اتمنى ان اكون استحقه . تطيب المحاورات حقا بأهلها ..بكم جميعا وممتنة انا جدا انى لى بينكم مكان

هنا ورغم كل الغيابات التى صارت تأخذنى اعود لأشعر اننى فى ارض ولدت فيها من جديد واكتشفت الكثير .

للكلمة اجنحة تحلق عندما نمنحها الرؤية التى تستحقها .. وأظننى هنا حلقت كثيرا

احب ان اقرأ لك على فكرة ,, ليست مجاملة متبادلة ولكنها حقيقة .

ممتنة لطفك وشاكرة معايدتك :blush2:

لولا

[لولا]

كل عام وأنتي بخير لولا

لولا الخت العزيزه

والكاتبه الرقيقه

صاحبة القلم المتميز والمتالق

وصاحبة اللمسه الخاصه

فلوجودها في أي موضوع رونق خاص حقا

كل عام وانتي بألف خير ومحبة للحياة وسعيده :lol: :lol:

ايها الساهر ..

اصبحت تغيب كثيرا .. اممم مثلى ربما :blush2:

تسعدنى جدا معايدتك ساهر .. وتضيء الصفحة وتسعد النفس ..

ايها الأخ العزيز لك منى اجمل الأمنيات وارقها وفقك الله ساهر واسعد ايامك

واطرائك الرقيق هذا يخجلنى ..

انا حقا ممتنة ..

كن بالقرب دوما ولا تغيب

ميرسي ياساهر .. ميرسي جدا :lol:

لولا

[لولا]

لولا .... كى

كل سنة وانتى طيبة ..

وآدينى أهوه فكرتك بحاجة من أيام ما كان عندك 3 شهور

:blush2:

ايه ده .. :lol:

مين ده يا عصام :lol:

وبعدين واخد اسمى ولا زقه كده على شريط عينى عينك كده :lol:

متاكد انى عمرى كان تلات شهور وقتها ؟؟ ههههه الواحد كبر فعلا :wub:

وانت طيب وبالف خير ياغرندايزر ..

لولا

[لولا]

كل سنة و أنتي طيبة يا لولا

وعقبال 100 سنة يا رب وانتي في صحة وراحة بال

وانتى بخير ياولاء .. عقبال ما افرح بيك كده واشوفك محققه كل احلامك :happy:

ميرسي حبيبتى على التهنئة الرقيقه دى وربنا يسعدك ديما

لولا

[لولا]

مدام لولا

فعلاً عندما تُذكر لولا يجى فى ذهنى الادب والشعر

كل عااااااااام وحضرتك طيبه

وياااااااااااارب السنه الى جاااااااااايه تكونى محققه كل ما تتمنيه

تحياتى

محمد

عنبو يا عنبو .. وانت بالف خير يا طيب

ميرسي قوى على المعايدة وعقبال ما اشوفك كده فى بيت العدل

لولا

[لولا]

الأخت الفاضلة لولا .... كل سنة و انت طيبة و كل سنة و انت منورة أي مكان تتواجدي فيه .... ربنا يكتبلك السعادة و راحة البال زي ما وهبك العقل الكبير و الأخلاق النبيلة ..... عقبال مية قولي مية و خمسين سنة :happy: :happy: :blink: ::

مية وخمسين سنة كتير قوى ياسهران .. وميه سنة كمان تو متش .. اعمل فيهم ايه دول

تبدوا الحياة احيانا قصيرة لشدة ما تمضى بنا الأيام .

للحياة اسرار كثيرة .. مثيرة ومحيرة ..واضحة ومعقدة فى آن واحد

يبدوا المشوار كرحلة لتسلق جبل .. حتما يحمل الكثير من التعب ولكن العيش فى القمة لن يكون ممتعا عندما لا نشعر بتعب المشوار

وفى كل يوم جديد هناك أمل وجناح نملك ان نطير به .. نحتاج حقا ان ننام قليلا ونحلم كثيرا ببساطة نكون فيها نحن .

حسنا يبدوا لى انك تخليت عن عادة السهر فلم نعد نراك كثيرا هنا كالسابق

شكرا على معايدتك ورقة كلماتك وتمنياتى لك بسعادة مماثلة وراحة بال لا تنقطع wst::

لولا

[لولا]

:happy: :happy: :blink:

لولا العزيزة

كل لحظه وانتى طيبه وسعيدة ومحققه ما تتمنى

ميرسي ياسهيلة وربنا يحققلك كمان كل اللى تتمنيه ويسعدك وسط احبائك واسرتك الكريمة .

بجد شكرا wst::

لولا

[لولا]

الحقيقة مش عارف انا متأخر والا جاى فى ميعادى

كل سنة وانتى طيبة يالولا وبعودة الايام *** تفرحى وتتهنى وفى عيدك نغنى ونضرب سلام

انا المرة غيرت التورتة العهدة وجيبت لك حاجة جديدة ، يارب تحبيها

آآآآآآآآآآآن ....... آآآآآآآآآآن wst::

تؤتؤ

نو واى اللى بيحصل دوت

فين التورته الشهيرة بتاعة المحاورات اللى بقالها خمس سنين بتلف على كل الأعضاء :happy:

طب تصدق .. وحشتنا اى والله :blink:

ده انا وسوسورانى عاملين حسابنا عليها حتى

ميرسي يا جنرال على الهدية الجميلة دى وعلى خطوتك العزيزه جداااا وربنا يجمعنا ديما على خير . :happy:

لولا

[لولا]

كل سنه وانت طيبه يا مدام لولا ...

وتمنياتى لكى ان تسعدى كما تسعدنا كلماتك ..وتمنياتى ان القاكى يوما وقد حققت كل ما تتمنين ... :happy:

وانتى بالف خير ياصفاء ..

سعادتى هى بوجودى بينكم حقا وبمشاعركم الجميلة اتمنى ان اكون جديرة بها .

ارق امنياتى لك ايضا وشاكرة لك حقا تهنئتك :happy:

لولا

[MZohairy]

من في العواهن بين الاتاخن لل.....

و للا بلاش

كل سنه وانتي طيبه يا لولا هانم

و كل 76 سنه و انتي طيبه

خدامكم مظهيري :)

[لولا]

من في العواهن بين الاتاخن لل.....

و للا بلاش

كل سنه وانتي طيبه يا لولا هانم

و كل 76 سنه و انتي طيبه

خدامكم مظهيري :closedeyes:

مين ... مظيهرى اخويا :lol:

يامرحبا ..يامرحبا

خد دى ..

تمطى العواهن بسدول بترتر

وعند الأتاخن تصهال خيل

فكأن المنون تردى بنا ارعن

شلال واذ تلظى الصلاء

هدية بسيطه كده لزوم الترحيب بزيارتك الجميلة دى

وانت بالف خير يا زهيرى .. ميرسي اوى .

لولا

[moheltohamy]

أوووووبس... وللسنة التانية على التوالي...

أتأخر في توصيل التورتة للولا :blink:

معلش يا لولا... بجد اليومين اللي فاتوا دول كانو زحمة ، وبالي ما كانش رايق خالص! :blink:

وكل سنة وانتي بألف خير يا لولا ، وأتمنى بس تكوني قضيتي يوم سعيد ، وأضفتي لحياتك عام جديد بخبرات وذكريات ومعرفة تضيف لرصيدك الممتلئ بالكثير :blush2:

سامحيني مرة تانية

[لولا]

أوووووبس... وللسنة التانية على التوالي...

أتأخر في توصيل التورتة للولا :blink:

معلش يا لولا... بجد اليومين اللي فاتوا دول كانو زحمة ، وبالي ما كانش رايق خالص! :sad:

وكل سنة وانتي بألف خير يا لولا ، وأتمنى بس تكوني قضيتي يوم سعيد ، وأضفتي لحياتك عام جديد بخبرات وذكريات ومعرفة تضيف لرصيدك الممتلئ بالكثير :sad:

سامحيني مرة تانية :blush2:

تصدق يا تهامى مش بعرفك لما تكلمنى كده من غير اى تحريفات لغويه من بتاعتك :blink:

وبعدين انت جاى متأخر وداخل بتورته مش بتاعتك كمان ;)

روق بالك انت بس وكله حيبقى زى الفل ..

اكيد طبعا مش متأخر ابدا المهم انك بخير . ربنا يوفقك آمين وينولك اللى فى بالك ياتهامى يا بن طنط ام تهامى :D

ميرسي جدا

لولا

[التونسى]

كل سنه وحضرتك طيبه اختى الفاضله لولا

:lol: :lol: :lol:

تم تعديل 26 ديسمبر 2009 بواسطة التونسى

[لولا]

كل سنه وحضرتك طيبه اختى الفاضله لولا

:closedeyes:

شاعرنا الجميل التونسي

ادام الله عليك اياما سعيدة وبارك لك ..

ممتنة لتهنئتك جدا

ولحرفك منى اكاليل اعجاب ايها الشاعر

دمت بخير اخى الفاضل .

لولا

[shahd]

كل سنة وانتِ طيبة يا قمر وعقبال دشليووووووووووووووون سنة :closedeyes:

[لولا]

كل سنة وانتِ طيبة يا قمر وعقبال دشليووووووووووووووون سنة

شهد العزيزة يُبهج قلبى ان تكونى هنا

طال غيابك عنا كثيرا .. ومع الغياب نفتقد رونق خاص كان يميز حرفك المفعم دوما بروائح المطر لتجعل لنا موعدا مع البراءة والصدق

الذى تحمله دوما حكاياتك واشعارك.

لا تطيلى الغياب فعقود الروعة لا تكمل بدونك.

ولك منى دشليون وحشتينى :blush2:

لولا