أبوالغيط : أخبار ساره للجاليه المصريه بالسعوديه ؟؟ مابين تصريحات المسئولين وتوقعات المواطنين!!!

[lovelyramy]

بعد زياره الرئيس مبارك للسعوديه ومباحثاته مع الملك عبدالله خرج علينا المسئولين بالتصريحات التاليه وفقا لجريده الاهرام المصريه:-

مصر مستعدة لتقديم كل أشكال

الدعم للسعودية من أجل ردع المتسللين الحوثيين

مبارك وخادم الحرمين يؤكدان ضرورة التسوية

السلمية للملف النووي الإيراني ودارفور

حل مشكلات أبناء الجالية المصرية

بالسعودية والإعلان عن أنباء سارة قريبا

مبـارك وخليفة يحذران من تداعيات البرنامج

النووي الإيراني علي المنطقة‏

الرياض ـ أبوظبي ـ الكويت ـ من مراسلي الأهرام‏:‏

الرئيس وخادم الحرمين الشريفين فى لقاء سابق

في محطته الثانية من جولته الخليجية‏,‏ عقد الرئيس مبارك وخادم الحرمين الشريفين الملك عبدالله بن عبدالعزيز‏,‏ جلسة مباحثات مساء أمس بالقصر الملكي بالرياض‏,‏ تناولت عددا من الملفات والموضوعات‏.‏

وقد تطرقت الجلسة إلي بحث التطورات الراهنة علي الساحة العربية‏,‏ ومستجدات الأحداث علي الساحتين الإسلامية والدولية‏,‏ وآفاق التعاون بين البلدين وسبل دعمها وتطويرها في جميع المجالات‏,‏ بما يخدم مصالح الشعبين والبلدين الشقيقين‏.‏

وقد أكد وزير الخارجية أحمد أبو الغيط‏,‏ أن الرئيس مبارك أكد لخادم الحرمين الشريفين وقوف مصر إلي جانب السعودية في مواجهتها مع الحوثيين‏,‏ وأن مصر مستعدة لتقديم كل أشكال الدعم للسعودية في وقفتها الحاسمة ضد هؤلاء المتسللين‏.‏ وأشار أبو الغيط إلي أن الزعيمين اتفقا علي تأمين أوضاع الجالية المصرية بالسعودية‏,‏ والعمل علي حل مشكلاتها‏,‏ وقال‏:‏ الفترة القليلة المقبلة ستشهد أخبارا سارة لأبناء الجالية المصرية‏.‏

وقال‏:‏ إنه دار نقاش وتشاور حول الملف النووي الإيراني‏,‏ لافتا إلي أن هناك إحساسا بضرورة التوصل إلي تسوية سياسية سلمية لهذا الملف تحقق لإيران حقها في الاستخدامات السلمية للطاقة النووية‏,‏ ولكن في الوقت نفسه تبعد خطر وشبح الانتشار النووي عن هذه المنطقة‏,‏ وبالتالي هناك حاجة لإظهار المرونة من كل الأطراف وصولا لهذه التسوية السياسية‏.‏

وقال‏:‏ إنه دار حديث أيضا خلال المباحثات حول الوضع في السودان من حيث التهديدات التي يتعرض لها هذا البلد العربي‏,‏ مشيرا إلي أن كلا من مصر والسعودية يلتقيان علي ضرورة التوصل إلي تسوية لمشكلة دارفور‏.‏

ومن جانبه‏,‏ جدد خادم الحرمين دعم بلاده الجهود التي يبذلها الرئيس مبارك لحل القضية الفلسطينية من خلال الحوار الفلسطيني ـ الفلسطيني الذي تستضيفه القاهرة‏.‏

وكانت قد عقدت صباح أمس في قصر المشرف بأبوظبي قمة مصرية ـ إماراتية‏,‏ حيث واصل الرئيس مبارك والشيخ خليفة بن زايد رئيس دولة الإمارات العربية مباحثاتهما حول تطورات الأوضاع في المنطقة‏,‏ وتعزيز العلاقات الثنائية بين البلدين‏.‏ وصرح السفير سليمان عواد‏,‏ المتحدث باسم رئاسة الجمهورية‏,‏ بأن المباحثات بين الزعيمين تناولت مساندة ووقوف مصر‏,‏ إلي جانب دولة الإمارات‏,‏ ودول الخليج الشقيقة في مواجهة أي أخطار تهدد أمن وسلامة واستقرار هذه الدول باعتبارها جزءا لا يتجزأ من أمن مصر القومي‏.‏

ويبدأ الرئيس مبارك اليوم ـ في ختام جولته الخليجية ـ زيارة مهمة إلي الكويت يجري خلالها مباحثات قمة مع الشيخ صباح الأحمد أمير دولة الكويت تتناول مجمل القضايا الإقليمية والدولية‏,‏ خاصة قضايا الشرق الأوسط‏,‏ وأهمية العمل علي تحقيق الأمن والاستقرار في هذه المنطقة المهمة من العالم‏,‏ وكذلك القضايا محل الاهتمام المشترك‏,‏ بالإضافة إلي بحث العلاقات المصرية ـ الكويتية‏,‏ وسبل دعمها وتنميتها في كل المجالات‏.‏

فهل ياترى ايه هى الاخبار الساره التى يلمح لها وزير الخارجيه؟؟؟

وكمان ايه هى توقعات كل واحد فينا عن الاخبار دى؟؟ وهتكون ايه ؟؟؟

تم تعديل 23 ديسمبر 2009 بواسطة lovelyramy

[lovelyramy]

انا اول واحد هأتوقع

انا اتوقع ان يتم فتح موضوع استقدام الزوجه دون التقيد بالمهنه ولكن بشرط الا يقل راتب المقيم عن مبلغ محدد ربما يكون 3000 ريال

ولكن ما اتمناه هو التخفيف من قيود نظام الكفاله ولو جزئيا

معلومه اضافيه :-

سيعقد اجتماع لوزراء العمل العرب فى السعوديه فى فبراير 2010 وحسب تصريحات على لسان وزيره القوى العامله المصريه فى برنامج تليفزيونى ان وزير العمل السعودي وعدها فى اتصال تليفوني بتعديل كثير من مشاكل العماله المصريه فى السعوديه وعلى رأسها استقدام الزوجه كحق أصيل انسانس لكل انسان.

[doha]

طيب دي حاجه كويسه بجد انهم يوعدونا بانباء ساره ..

اتمنى يكون لها علاقه باستقدام الزوجه او الكفيل لكن ده احتمال مش كبير اوي لان لو ده حصل هيكون على كل الجاليات مش المصريين بس فبالتالي الخبر كده هيبقى مش صحيح ..

اعتقد والله اعلم يمكن النبأ الكويس يكون امضاء اتفاقية شراكه مابين مصر والسعوديه يتم بموجبها التعاقد مع كام الف تخصص سواء بقى مدرسين ولا اطباء ولا حتى شغالين عشان يعملوا في السعوديه .. ده احتمال

احتمال تاني يكون تعديل في احد الاجراءات الروتنية .. مثلا لو عشان تثبت طفل في الاقامه مطلوب منك تروح توثق ورق في كذا حته وهيكون الخبر السار ان التوثيق بقى من حته وحده عشان يوفروا علينا المشاوير ومفيش مانع ساعتها من رفع الرسوم حبتين مقابل توفير الليموزين .. وقيس على ذلك . .

ممكن برضه الخبر السار من وجهة نظرهم ان احد ( الخدمات ) الكتير الي كانت بتتقدم لنا من قبل السفاره هنا تبقى متاحه من اماكن اخرى بدال الناس الي مش ساكنه في الرياض او جده بتتعب على ماتوصل لها فهيكون في بديل يروحوا يخلصوا اماكنهم منه ..

اما الخبر الي ارجحه بقوه هو الاعلان عن قرب تدشين عبارة جديده مثلا بين البلدين او خط ملاحي جديد .. او اي حاجه لها علاقه بالتنقل بين البلدين .. اتوقع هو ده النبأ المقصود . .

بس اجمالا انا مش عاوزه افرح اوي لسوابق التجارب مع تصريحاتنا الصحفية خاصة وال( سار ) عندهم مش بالضرورة ابدا يكون كده عندنا ..

عن نفسي اتمنى ان يكون حل لمشكلة استقدام الزوجه فعلا للي فيزته لا تسمح وبرضه ياسلام اوي لو كان الغاء رسوم التاشيرات والذهاب والعوده وماشابه .. بصراحه تبقى هدية بجد ...

تم تعديل 23 ديسمبر 2009 بواسطة doha

[lovelyramy]

يااااااااااااااااااااااااااااااااااارب

[mamdowh]

يا صباح اللى بتغنى :)

واحب اهدى كل المسؤلين اغنية ( ما باخدش منك غير كلام )

[KAhamid]

انا اول واحد هأتوقع

انا اتوقع ان يتم فتح موضوع استقدام الزوجه دون التقيد بالمهنه ولكن بشرط الا يقل راتب المقيم عن مبلغ محدد ربما يكون 3000 ريال

ولكن ما اتمناه هو التخفيف من قيود نظام الكفاله ولو جزئيا

معلومه اضافيه :-

سيعقد اجتماع لوزراء العمل العرب فى السعوديه فى فبراير 2010 وحسب تصريحات على لسان وزيره القوى العامله المصريه فى برنامج تليفزيونى ان وزير العمل السعودي وعدها فى اتصال تليفوني بتعديل كثير من مشاكل العماله المصريه فى السعوديه وعلى رأسها استقدام الزوجه كحق أصيل انسانس لكل انسان.

ياريت والله

[المهندسه]

يارب يفتحوا مدارس مصريه برسوم قليله للجاليه المصريه فى المملكه ياااااااااارب

كل يغنى على ليلاه هههههههه

[herohero]

والله الخبر السار هو الافراج عن الطبيبين المصريين

ووصولهم لمصر

وبصراحه انا بعتبر ده خبر سار جدا ويعني بيعوضنا عن ما فقده المصري في الخارج

[mamdowh]

حمد الله على سلامتهم

أبوالغيط : أخبار ساره للجاليه المصريه بالسعوديه ؟؟ مابين تصريحات المسئولين وتوقعات المواطنين!!!

(للاسف كل توقعاتكم طلعت غلط............. معلش تتعوض المره الجاية)

[Mercedes]

حمد الله على سلامتهم

أبوالغيط : أخبار ساره للجاليه المصريه بالسعوديه ؟؟ مابين تصريحات المسئولين وتوقعات المواطنين!!!

(للاسف كل توقعاتكم طلعت غلط............. معلش تتعوض المره الجاية)

السلام عليكم و رحمة الله و بركاته

شكلك كده يا أخى الفاضل عارف حاجة و مدكن و لا ايه :blink:

أصل أدام عارف أن كل التوقعات دى غلط يبقى أكيد سيادتك عارف الصح , صح و لا ايييييييييه؟؟

ايه بقى التوقعات الصحيحة :blush2:

أصل أنا عن نفسى مش مستنى أى خير من الناس اللى ذى عينة وزراء مصر دول :blink:

ألا أنا كان عندى سؤال , بجملة الوزرا بتوعنا اللى كل واحد فيهم طلع مدكن جنسية تانية غير الجنسية المصرية بما فيهم أحمد نظيف و جمال مبارك, أبو الغيط دة ما عندوش جنسية تانية هو كمان . :blink:

ربنا يقدم ما فيه الخير و يحعله عامر :lol:

MERCEDES S430

[هيشو]

و الله احنا محتاجيين اي حاجة

نفسنا نفرح

نفسنا نحس ان احنا بني آدميين و ان بلدنا بتدور علينا

موضوع الاستقدام ده مهم جدا

يعني حرام لما يبقي واحد هنا ييجي فرداني و علشان مهنتة عامل ميعرفش يجيب مراتة و يعالة و هو راتبة كويس

ثم اسا ده المفروض يحصل علشان المجتمع السعودي نفسة و هيقلل من المشاكل اللي بتحصل

حتى السواقيين

المفروض السعوديين يفرضوا ان السواق اللي يجي يبقي معاه مراتة و تشتغل خدامه مثلا او شئ

و الله ده لصالح المجتمع السعودي نفسة

بدل المصايب اللي بنسمعها

[Mercedes]

السلام عليكم و رحمة الله و بركاته

أنا مش عارف اذا كان الخبر ده مكانه هنا ولا لأ , بس الخبر ده من الأخبار اللى لما قريتها لقيت الدم غلى فى نافوخى و حسيت أنه هيفرقع , قلت ما بدهاش يا واد , لازم أفك عن نفسى لحسن يجرالى حاجة و خصوصا أن أنا فى آواخر أيامى هنا فى مملكة الانسانية !!!!!

اقرأوا معاى الخبر ده كدة و لازم نتابع القضية دى :

http://www.daoo.org/news.php?action=show&id=13611

و يا ترى ياهل ترى , دى بقى هتبقى اتجار ولا هيخلوها تعاطى على أساس أن التعاطى عقوبته بتاع سنتين لكن الاتجار عقوبته 25 سنه أو اعدام - طبعا أنا ما قصدش اعدام لسيادة تاجر المخدرات السعودى - دا أنا بتكلم بوجه عام يعنى .

و بعدين هو الجدع ده غبى ولا شكله كده , جاى يبيع الميه فى حارة السقايين , دا كل المخدرات اللى فى تبوك نصها من مصر أصلا !!!! , و بعدين , بقى هو سايب السعوديين اللى بيدوروا على المخدرات بالملقاط و جاى مصر , قال يعنى السعوديين من انضباط حالهم أوى ؟؟؟؟

على رأى المثل , ليس على السعودى حرج

ربنا يهده هو و اللى ذيه , قال يعنى شايف حالنا ماشى أوى .

داحنا يا مصريين من غير حاجة حالتنا تعبانة و عيضة , يقوم يجيلنا مش عارف اسمه ايه ده كمان !!!

أخوكم فى الله / MERCEDES S430

[هيشو]

ال MERCEDES S430 فعلا عربية حلوة قوي

يارب اوعدنا

[mamdowh]

حمد الله على سلامتهم

أبوالغيط : أخبار ساره للجاليه المصريه بالسعوديه ؟؟ مابين تصريحات المسئولين وتوقعات المواطنين!!!

(للاسف كل توقعاتكم طلعت غلط............. معلش تتعوض المره الجاية)

السلام عليكم و رحمة الله و بركاته

شكلك كده يا أخى الفاضل عارف حاجة و مدكن و لا ايه :blink:

أصل أدام عارف أن كل التوقعات دى غلط يبقى أكيد سيادتك عارف الصح , صح و لا ايييييييييه؟؟ :blink:

ايه بقى التوقعات الصحيحة

أصل أنا عن نفسى مش مستنى أى خير من الناس اللى ذى عينة وزراء مصر دول :lol:

ألا أنا كان عندى سؤال , بجملة الوزرا بتوعنا اللى كل واحد فيهم طلع مدكن جنسية تانية غير الجنسية المصرية بما فيهم أحمد نظيف و جمال مبارك, أبو الغيط دة ما عندوش جنسية تانية هو كمان . wst::

ربنا يقدم ما فيه الخير و يحعله عامر :P

MERCEDES S430

ياريت والله لو اعرف حاجه كنت قلتها,باين عليك انت اللى عارف ومدكن

تحياتى

[the consultant]

انا اتوقع الغاء نظام الكفالة و استقدام جميع الاقارب حتى الدرجة الثالثة و ذوي الارحام و الاقارب بالمصاهرة بمجرد الضغط على زر مكتوب عليه (إستقدم ) على موقع وزارة الخارجية السعودية . و سوف يتم اسيراد زر الاستقدام من محافظة القليويبية . و اخيرا ترحيل العمالة الهندية و البنجالية من البلد و سد الفجوة بعمالة مصرية بضعف الاجر مع توفير سكن بكمبوند لكل عامل . يلا بقى

[se_ Elsyed]

أتوقع إن هايبقى في أسعار خاصة للتميس للمصريين ..

يعني buy one Tamees & get one free

يا مستني السمنة من قفا النملة ... مش عارف بقيت المثل

ولا أخبارة ساره .. ولا أخبار رشا

أبو الغيط لا مؤخذه قفا من القفوات المعتبرة في البلد

أعتقد كثر منا سمعه أمبارح في برنامج البيت بيتهم بيتكلم عن مشكلة الجزائر ..

هاسيب أي حد من الزملاء يفتح موضوع عن كده أحسن الضغط أرتفع عندي ووصلي 830 بشرطة من اللي بيروح العمرانية وأول فيصل ..

------

انا اتوقع الغاء نظام الكفالة و استقدام جميع الاقارب حتى الدرجة الثالثة و ذوي الارحام و الاقارب بالمصاهرة بمجرد الضغط على زر مكتوب عليه (إستقدم ) على موقع وزارة الخارجية السعودية

حلوه ..

نظام كده زي فنرسة الجزائر

يعني نقدر نقول مرمطة السعودية

قصدي مصررت السعودية

وكل واحد ييجي ... مهندس مثلاً يجيب النجع كلاته معاه ونبقى عزوه

-------------

لا بجد

فكروا بشكل عملي في موضوع التميس ده هاتلاقوه هو أقرب للواقع

[doha]

خلاص بقى بنخمن في ايه مالخبر السار تم اعلانه خلاص وهو الافراج عن الطبيبين المصريين ..

قال وانا الي كنت متشائمه وبقول ده هيبقى خبر ملوش لازمه من عينة التعاقد على توريد عدد كذا مصري للعمل في السعوديه او مد خط ملاحي جديد بين البلدين .. ده حتى لما تواضعت في احلامي اوي الحكومه طلعت اخبث مني ونزلت تحتها كمان ..

مع اعلامنا تعودت ان لا انتظر شيء ولا اتوقع شيء .. من يوم ما عماد الدين اديب شربنا المقلب وقال في مفاجأه مستنياكوا وتابعوا معانا حلقات الريس على القناه الاولى واحنا قاعدين متسمرين قدام التلفزيون مستنيين الريس يقول وكل واحد يخمن من دماغه .. وحلقة تعدي والثانيه وفي النهايه الراجل مقالش حاجه .. امال فين المفاجاه ؟ الناس كلها سألت .. قوم يطلع ايه .. عماد اديب عمل لنا المفاجأه الي هي .."مفيش مفاجأه .".

تم تعديل 27 ديسمبر 2009 بواسطة doha

[seafresh]

السلام عليكم ورحمة الله

صراحة اريد ان اضيف بعض الكلمات ...

اذا كان هناك شيئ مهم فى هذة الاخبار فهو نظام الكفالة .

واعتقد انه سيحل بين مصر والسعودية نظام اخر وهو عقود عمل مصدقة من الحكومة السعودية بحيث تؤمن المقيم المصرى من تلاعب الكفيل بمعنى ان الكفيل لن يكون له دور يذكر هنا الا فقط طلب عامل مصرى او موظف وسوف يكون تعاملة مع الدوائر الحكومية السعودية فقط .

يعنى اللى عايز يشغل مصرى ما يلزم انه يصدر تاشيرة بمبلغ معين . وبكدا بيكون فى حرية للمقيم المصرى ان يعمل فى اى مكان ولايشترط كفيل معين وهيكون هذا سلاح ذو حدين لان الاخوة السعودين مش هيعجبهم الامر وبكدا هيفضلوا اى جنسيات اخرى غير المصريين علشان يعرفوا يسيطروا على العمالة اللى عندهم .

فى النهاية لابد من اصدار قانون عمل جديد فى المملكة يضمن حرية التوظيف والتنقل بين الوظائف (لان نظام الكفيل نظام استعباد للبشر) .

وتغير نظام الكفيل هو اكبر فائدة للمملكة لانة سوف يقوم بتطوير الاقتصاد السعودى والسوق التجارى لها الداخلى والخارجى