وداعا -----قناة أنا

[حسام يوسف]

أغلقت قناة أنا الاجتماعية الهادفة شاشتها بعد حوالى عام من البث الرائع لاعلام محترم هادف

محترم فى كل شيئ

أهدافه

أدواته

برامجه

محاوريه

والسبب

أزمة مالية

حقيقي اتضايقت جدا أنا وزوجتى بسبب الاغلاق ده

وأتمنى أن تعود القناة مرة اخرى

[myusername]

السلام عليكم,

هى الازمة المالية دى ورانا ورانا ولا ايه؟

عموما مش مشكلة.. بتحصل فى احسن عائلات. بس انا كنت شايف القناة شغالة و زى الفل من كام يوم؟

و طبعا مش محتاج اقول ان قنوات ميلوتشى (ميلودى سابقا) من السهل جدا انها تجيب تمويل و اعلانات... بس القنوات الهادفة يكون دائما حولها الشك و التضييق.. ياللا, ما علينا.

[محمد عبدالعزيز]

اتصدمت صدمة قوية لما لقيت القناة قفلت

فعلاً كانت قناة هادفة ومفيدة جداً جداً جداً فى زحمة التفاهة والهيافة اللى مالية الفضائيات

للأسف الحاجة المفيدة مش بتجيب إعلانات فى الزمن ده.

ياريت يكون فى طريقة لجمع تبرعات للقناة عشان ترجع تانى.

[حسام يوسف]

اتصدمت صدمة قوية لما لقيت القناة قفلت

فعلاً كانت قناة هادفة ومفيدة جداً جداً جداً فى زحمة التفاهة والهيافة اللى مالية الفضائيات

للأسف الحاجة المفيدة مش بتجيب إعلانات فى الزمن ده.

ياريت يكون فى طريقة لجمع تبرعات للقناة عشان ترجع تانى.

الصديق العزيز محمد عبدالعزيز

لسة بفكر في حاجة

لقيتك كاتبها

ده الايميل اللى جالى منهم لما سألتهم عن اغلاق القناة

"الأستاذ الدكتور /حسام يوسف

وعليكم السلام ورحمة الله

شكر الله لكم يا دكتور ولأهلك الأكرمين

حبكم واشادتكم تاج على رؤسنا ، وهو أفضل اجر يمكن لنا أن نتلقاه نتيجه جهدنا فى القناة

نعم يا سيدى ... للأسف تكلفة القناة مرتفعة جداً لا تقل عن مليون جنيه شهريا

والإعلام المستقر كما تعلم يحتاج الى تمويل مستقر وهو غير متوافر الآن

نشكر لك جدا مشاعركم تجاه القناة

تقبل خالص تحياتنا وتقديرنا"

الحقيقة فوجئت ان مطلوب مليون جنيه شهريا

انا برضة بتاع دوا وتسويق دوائي لا أكثر ولا أقل ماليش فى الاعلام

ياترى ممكن نناقش أفكار ازاى نجيب بيها موارد للقناة الهادفة الرائعة دي؟

الكل مدعو :blink:

[حسام يوسف]

مقطع من برنامج براح أحد برامج قناة أنا الرائعة

http://www.youtube.com/watch?v=rUSwxVhWeWI

[لهيطه]

معلشي هو كده الحاجه المحترمه ملهاش نصيب

و ليلتكو سرسوووب

:sad:

[بندق أفندى]

اتصدمت صدمة قوية لما لقيت القناة قفلت

فعلاً كانت قناة هادفة ومفيدة جداً جداً جداً فى زحمة التفاهة والهيافة اللى مالية الفضائيات

للأسف الحاجة المفيدة مش بتجيب إعلانات فى الزمن ده.

ياريت يكون فى طريقة لجمع تبرعات للقناة عشان ترجع تانى.

الصديق العزيز محمد عبدالعزيز

لسة بفكر في حاجة

لقيتك كاتبها

ده الايميل اللى جالى منهم لما سألتهم عن اغلاق القناة

"الأستاذ الدكتور /حسام يوسف

وعليكم السلام ورحمة الله

شكر الله لكم يا دكتور ولأهلك الأكرمين

حبكم واشادتكم تاج على رؤسنا ، وهو أفضل اجر يمكن لنا أن نتلقاه نتيجه جهدنا فى القناة

نعم يا سيدى ... للأسف تكلفة القناة مرتفعة جداً لا تقل عن مليون جنيه شهريا

والإعلام المستقر كما تعلم يحتاج الى تمويل مستقر وهو غير متوافر الآن

نشكر لك جدا مشاعركم تجاه القناة

تقبل خالص تحياتنا وتقديرنا"

الحقيقة فوجئت ان مطلوب مليون جنيه شهريا

انا برضة بتاع دوا وتسويق دوائي لا أكثر ولا أقل ماليش فى الاعلام

ياترى ممكن نناقش أفكار ازاى نجيب بيها موارد للقناة الهادفة الرائعة دي؟

الكل مدعو :sad:

ايجار القناة وتكلفة البلاى آوت فقط 27 الف دولار شهريا

[التونسى]

ياترى ممكن نناقش أفكار ازاى نجيب بيها موارد للقناة الهادفة الرائعة دي؟

الكل مدعو :blush2:

القناة محتاجه وديع :sad: .. والقناة اللى من غير وديع .. تضيع :blink:

طبعا دى مزحه .. والقافيه حكمت .. عذرا

انا طبعا عمرى ما شفت ولا سمعت عن القناة بحكم اقامتى الشبه دائمه خارج مصر ولو كنت فى مصر كنت حتابعها لانى بحب مثل تلك النوعية من القنوات .. لكن بتساءل .. وبما انى دارس اعلام واشتغلت فيه بعض الوقت .. مدام القناة لها متابعين زى حضرتك وزى اخرين .. يبقى اكيد لها جمهور وشعبيه فى مصر .. ومن هذا المنطلق كان مفروض يتم التسويق للقناة والدعايه لها بحيث تجذب وكالات الاعلان على اساس ان لها جمهور .. وكانت وكالات الاعلان دى حتسوق الاعلانات المناسبه لتلك القناه

انا شايف انه فيه خلل فى الدعايه والتسويق للقناه .. وياريت يتم دعوة احد القائمين على القناه لمناقشته فى ذلك

[hebapharm]

فعلا خساره كبيره قناه اكثر من رائعه...ياريتها كانت ميلودي اللي اتقفلت واتمحت من على الأرض..واضح اننا شعب ملوش في الطيب نصيب

[حسام يوسف]

أتمنى لو حد عنده فكرة ممكن نقولها للقناة يقدروا بيها يوفروا دخل للقناة

ياريت يقولها

أفكار منطقية أو تقليدية

أو أفكار غير تقليدية

الكل مدعو

[doha]

القناة محتاجه وديع .. والقناة اللى من غير وديع .. تضيع :blush2:

نهارك ابيض .. .

تعليق ... في الجون ..

للاسف اول مرة اسمع عن القناه الي بتتكلموا عنها دي .. على العموم ربنا يعوض ..

[حسام يوسف]

القناة محتاجه وديع .. والقناة اللى من غير وديع .. تضيع :FN:

نهارك ابيض .. .

تعليق ... في الجون ..

للاسف اول مرة اسمع عن القناه الي بتتكلموا عنها دي .. على العموم ربنا يعوض ..

تصدقى بالله يا مدام ضحي

هتصدقى ان شاء الله

حضرتك بالذات وأخونا س س كمان

كنت مستنى أفكاركم ازاى نساعد القناة دي بأفكار تجيب ليهم تمويل

مع خالص تحياتى :blush2:

[adrianocrespo]

انا طبعا عمرى ما شفت ولا سمعت عن القناة بحكم اقامتى الشبه دائمه خارج مصر

للاسف اول مرة اسمع عن القناه الي بتتكلموا عنها دي .. على العموم ربنا يعوض .

و انا اضم صوتي لصوت السيد التونسي و الاستاذه ضحي

انا اول مره اسمع عن القناه

يبقي المشكله كما ذكر الفاضل التونسي في التسويق او الدعايا

[التونسى]

انا طبعا عمرى ما شفت ولا سمعت عن القناة بحكم اقامتى الشبه دائمه خارج مصر

للاسف اول مرة اسمع عن القناه الي بتتكلموا عنها دي .. على العموم ربنا يعوض .

و انا اضم صوتي لصوت السيد التونسي و الاستاذه ضحي

انا اول مره اسمع عن القناه

يبقي المشكله كما ذكر الفاضل التونسي في التسويق او الدعايا

جميل :wub: .. يبقى فيه خيط مسكناه ...وممكن نمشى وراه .. نص حل المشكله متوفر .. الا وهو تحديد ايه هى المشكله اصلا .. واللى هى فى حالة القناه دى... عدم وجود تمويل كافى لاستمرارها ... النص التانى هو البحث عن سبل لحل المشكله .. زى ما قلت من قبل البحث عن شركة دعايه توفر الاعلانات التى تتناسب مع جمهور القناه .. يعنى لو كانت القناه دى رياضيه مثلا .. يبقى الشركات المنتجه للملابس الرياضيه حتفضل انها تعلن فيها دون اى قنوات اخرى . وهكذا

حل تانى .. وهو ان القناه دى تحاول الانضمام او بيع نفسها الى مؤسسه اعلاميه كبيره ذات الباقات والقنوات المتعدده زى الجزيره او الارت او الاوربت او اسم النبى حارسها وصاينها النيلا سات .. يعنى مشى حالك يا استاذ ;)

[محمد عبدالعزيز]

مليون جنيه شهرياً مبلغ مش قليل برضه, يعنى لو افترضنا إن فى 100 ألف شخص قبلوا يتبرعوا ب 10 جنيه شهرياً لمدة 6 أشهر كفترة للقناة تقف على رجليها وتحاول تجيب إعلانات تقدر تصرف منها على نفسها أعتقد ممكن يكون ده بداية حل للمشكلة, بس هل ياترى فى 100 ألف شخص ممكن يعملوا كده؟

للى يحب يشوف البرامج اللى القناة قدمتها:

http://www.youtube.com/anatvchannel#p/u

القناة دى عبجتنى جداً فى موقف التزموا بيه فى خلال عيد الأضحى, وهو إنهم يوقفوا بث برامج خلال أيام العيد عشان كانوا عاملين دعوة قبل العيد لصلة الرحم والتزاور والخروج للفسح وكده, وعشان يدوا فرصة للناس أو يشجعوهم إنهم يعملوا كده فضلوا ملتزمين بعدم بث أى برامج طوال أيام العيد.

[مغتربة]

اول مره اسمع عن القناه دى

هى طلعت امته و اختفت امته

[حسام يوسف]

اول مره اسمع عن القناه دى

هى طلعت امته و اختفت امته

من سنة يا اختنا العزيزة مغتربة

وتهتم القناة بكل ما يخص الانسان من برامج تنمية بشرية

واخلاقيات وسلوكيات تعامل

الحقيقة أكتر ما كان بيعجبني فيها

جمعهم بين الالتزام الاسلامي والوسطية وعدم التحريم عمال على بطال

يعنى ماكانش عندهم مش كلة حتى لو مذيعة مش محجبة مادامت محتشمة

وعندهم برنامج ثابت عن أنشطة ثقافية وغنائية لساقية الصاوي

وبرامج لعلماء الأزهر

ودكاترة فى الصحة النفسية زي محمد المهدي ويحيي الرخاوي

وما بين قنوات وديع وجوليا

وقنوات التحريم والتكفير اياها

ضاعت الوسطية ومش لاقية تمويل

[engmido]

انا برده اول مرة اسمع عن القناة دى

حتى معرفش تخصصها ان كانت ثقافية رياضية اخبارية.........

عموما قناة الحكمة المحترمة الدينية اغلقت بالفعل بسبب الازمات المالية ولكن بفضل الله تم بتكاتف الجهود اعادة فتحها

ولكن لاسف يصرف على القنوات التى لا تبث الا الكلام الفاضى.... مثل لمح بع

[engmido]

استدراك

مثل مل لمح البعض ........وديع ومش عارف ايه

نحن لسنا ضد الترفيه ولكن ضد الاسفاف وتضييع القيم وقلة الادب

وربنا يوفق ويولى من يصلح...........وشكرا

[حسام يوسف]

http://www.youtube.com/watch?v=lLw5Ui69z4Q

احد فقرات القناة للشاعر على سلامة :happy:

أنا قناة عربية تهتم بكل جوانب حياتك وتقدم لك نصائح واستشارات تحتاجها في حياتك اليومية. يرد على تساؤلاتك نخبة من أبرز المستشارين العرب من خلال مجموعة من البرامج المميزة . www.ana-live.com

رسالة القناة : العمل على تأكيد وتفعيل القيم الإنسانية داخل المجتمع العربي على امتداده، ليكون مجتمعا منتجا وايجابيا، عن طريق تقديم خدمات تلبي الاحتياج اليومي للمواطن/ الإنسان، عبر أشكال وقوالب مختلفة تنطلق من الحاجات اليومية التفصيلية لحياة الناس لتقدم لهم خطاب المعاش ، في إطار من الحرفية المهنية، والانضباط العلمي ، وبأكبر قدر ممكن من مشاركة الجمهور

رؤية القناة : أن تكون للقناة الريادة في تقديم خطاب المعاش اليومي في المجتمع العربي، وـن تصبح مثالا يحتذى به في جرأة الطرح وعملية المضمون، وجاذبية الشكل، وأن تبني جسرا متصلا متينا وشخصيابين الجمهور والقناة يسمخ بأن تكون مرجعهم الأول يستشيرونه في كل ما يخص حياتهم اليومية .

تم تعديل 28 ديسمبر 2009 بواسطة حسام يوسف