وزير الثقافة يدعو المصريين للتبرع بالمال لاستكمال تشييد المتحف المصري الكبير

[ozoozo]

القاهرة (ا ف ب) - دعا وزير الثقافة المصري فاروق حسني خلال جولة مع الصحافيين في المتحف المصري الكبير على هضبة الهرم الخميس للتبرع بالاموال اللازمة لاستكمال تشييد المتحف المصري الكبير الذي بدأت المرحلة الثالثة والاخيرة في تنفيذه.

وقال وزير الثقافة ان "تكلفة المتحف ستصل الى 600 مليون دولار يقدم المجلس الاعلى للاثار منها 150 مليون دولار تم استخدام جزء كبير منها في انجاز المرحلتين الاولى والثانية والتي تشمل بناء البنية التحتية للمكان مع بناء معامل الترميم التي تعتبر من اهم المعامل على صعيد عالمي الى جانب تجهيز المحطات الكهربائية والمياه وغيرها من لوازم البنى التحتية للمتحف الذي سيكون اهم صرح ثقافي عالمي واكبر متحف في العالم".

واضاف ان "اليابان قدمت قرضا ب 300 مليون دولار بفائدة سنوية مخفضة تصل الى 1,5 في المائة سيتم استخدامها في المرحلة الثالثة التي تشمل تشييد المبنى الرئيسي للمتحف الذي سيضم بين جدرانه مائة الف قطعة اثرية بينها مجموعة الملك توت عنخ امون الى جانب تمثال رمسيس الثاني الذي يعتبر من اضخم التماثيل الفرعونية".

واوضح حسني "نحتاج الى 150 مليون دولار سنقوم بجمعها كتبرعات من المصريين لدفعة تكلفة ترميم الاثار التي ستوضع في المتحف الى جانب مصروفات اخرى بينها كلفة تشغيل المتحف في السنة الاولى من افتتاحه عام 2012".

واضاف "سندعو كل مصري للتبرع في بناء اهم صرح ثقافي مصري وعالمي (..) وحتى يشعر كل مصري تبرع ولو بمبلغ تافه انه شارك في انجاز هذا الصرح الذي يحتاج تنفيذه الى مجهودات كبيرة".

بدأ اعداد الدراسات لبناء المتحف المصري الكبير عام 2002 وبدأ تنفيذ مرحلته الاولى عام 2005 وتم الانتهاء من المرحلة الثانية منتصف 2008 وبدأ التحضير للمرحلة الثالثة وتتضمن ازاحة اكثر من 2 مليون متر مكعب من الرمال لتجهيز المكان على مساحة 117 فدان بالقرب من هضبة الهرم التي ستصبح جزءا من بانورما العرض المتحفي.

وتجول حسني مع عدد من كبار مسؤولي وزارة الثقافة مع الصحافيين في منطقة تطوير هضبة الهرم التي ستعمل على حماية الاهرامات وستحد من الاعتداءات على حرمها الى جانب تنظيم السياحة التي ستبدأ بالدخول الى منطقة الهرم فور الانتهاء من عملية التطوير من بوابة جديدة تطل على طريق القاهرة الفيوم.

وسيتم تخصيص عربات كهربائية لنقل السياح من ساحات انتظار السيارات الى منطقة الاهرامات خصوصا بعد منع اصحاب الجمال والخيل الذين ينتشرون حول الهرم من الدخول الى حرم المنطقة السياحية حيث تعتبر مخلفات الحيوانات من احد اهم عناصر التلوث والتاثير على المنطقة السياحية حول الاهرامات الثلاثة.

http://www.masrawy.com/News/Arts/AFP/2009/...24/1134846.aspx

انا بصراحه مش عارف الناس دي معندهاش دم ولا عايشين في بلد تانيه غير مصر

مش الراجل ده بتاع صفر اليونسكو

بعني تفتكروا ان في حد عاقل هايجري بسرعه يتبرع لسيدنا فاروق عشان يبني بيه متحف

وبعدين مش الشعب ده هو شعب الحراميه اللي بيسرق الحنفيات من القطارات

دلوقتي بس بقي الشعب بيفهم ومطلوب منه تدعيم السياحه في مصر

[myusername]

السلام عليكم,

طيب انا عندى فكرة... مايخصخصوا المتحف المصرى اللى فى التحرير... و بتمنه يبنوا المتحف الجديد؟

هى الناس دى مش عايزة تتلم ليه؟! صحيح.. يا فرعون مين فرعنك!

[Diab]

يا عم اوزوزو فكك دي ناس معندهاش دم

هي الناس لاقية تاكل لما هتتبرع في متحف يبرطع فيه الاجانب وهيتقفل ع المصريين زي الهرم كدة

[myusername]

يا عم اوزوزو فكك دي ناس معندهاش دم

هي الناس لاقية تاكل لما هتتبرع في متحف يبرطع فيه الاجانب وهيتقفل ع المصريين زي الهرم كدة

حاجة غريبة فعلا... اللى اختشوا ماتوا. انا لى كزا صاحب حبوا يروحوا المتحف المصرى اللى فى التحرير, و بتوع الامن ضايقوهم و قالولهم انتو جايين ليه؟ تخيلوا؟!!

بمناسبة دخول الاجانب فقط.. واحدة صاحبتى امريكية جت زارتنى الصيف ده.. و رحت وديتها الهرم بس كان الوقت متأخر و كانوا قفلوا.. المهم قالت لى انا عايزة أقرب من الهرم عشان اتصور جنبه - لاننا كنا مسافرين الغردقة فى نفس اليوم و مكانتش هتنزل القاهرة تانى..

كلمة من هنا على كلمتين من هنا, العساكر فتحوا الباب - اديتهم 5 جنيه, و لما الظابط لقاها امريكية.. سابنا ندخل حتة كبيرة عشان تتصور قريب من الهرم.

تحيا مصر. :blush2:

[Mercedes]

السلام عليكم و رحمة الله و بركاته

هو مش فاروق حسنى ده بتاع صفر اليونسكو و بتاع مظاهرات ال***** اللى كانت فى ايطاليا من سنتين :blush2: .

و بعدين الراجل دة لازم يتلم و حد يديله على دماغه

النهاردة الجمعة و الواحد مش عاوز يفقد أجر النهاردة على الناس اللى مل تستاهلش دى

MERCEDES S430

[Diab]

تعليقات مصراوي تهلك من الضحك وتجسم حجم كره الشارع المصري لنظامه الغبي

بس دول احلي اثنين

تعليق :alpacinoبتاريخ : 25/12/2009 08:37:00 ص الحل الوحيد

افرضوا ضريبه جديده وسموها ضريبه توت عنخ امون واللي مش هيدفعها ابعتوه لزاهي حواس يحبسه في المقبره لحد ما يتعلم الادب

تعليق :amhanouran24بتاريخ : 25/12/2009 01:31:00 ص بلد الشحاته

د. منى ابراهيم

مصر اصبحت اكبر بلد شحاته فى العالم .

هذا بالاضافه اننا اصبحنا نفتخر لاشحاته ونتفنن بها ونعتز باننا اكبر شحاتين فى العالم.

عندما تغرق العباره ..ز تتبرع السعوديه لنا بعبارات .

عندما تحترق القطارات ...تتبرع قطر بالقطارات .

مبنى المؤتمرات ...تبرع من الصين.

الاوبرا....تبرع من اليابان.

كوبرى قناه السويس ...تبرع من اليابان

عمارات الدويقه .... تبرع من الامارات

ماذا تفعل الحكومه وكيف تدير البلد وكيف تتشدق بالانجازات؟

تم تعديل 25 ديسمبر 2009 بواسطة Diab

[myusername]

بمناسبة التبرعات.. الخط الجديد بتاع المترو برضه معمول من التبرعات و القروض الحسنة اللى فرنسا منحاها لمصر.. مقابل ان يتم تشغيل الشركات الفرنسية فى المشروع بالطبع.

انا عايز افهم.. امال ميزانية الدولة بتروح فين بالظبط؟!

تم تعديل 25 ديسمبر 2009 بواسطة myusername

[mamdowh]

انا عندى إقتراح انه ياخد فلوس التبرعات دى من واردات الضريبة العقارية

ومفيش داعى تطلب حاجه با عم حسنى من الشعب البخيل ده

[eTiger]

يعني عم فاروق حسني ده مش يخلي عنده دم ، مش كفاية دفعناله من دم قلبنا ومن الضرايب اللي بيايخدوها مننا عشان يترشح في اليونيسكو وفي الآخر جاب فشل ذريع.

كفاية استهتار بالشعب بقى