مشاكلى كثيرة

[بنت الشاطئ1]

السلام عليكم ورحمة الله وبركاته

اريد ان استشيركم اعزائى

انا اشعر ان حياتى كلها خطأ فى خطأ

اخذ قرارات وبعد ذلك اكتشف انها كانت خاطئ

انا اخر قرار اتخذته اننى سأرجع انا واولادى مصر واترك زوجى هنا

لكن خائفة ان يكون هذا قرار اندم عليه كبقية القرارات فى حياتى

وعند اتخاذ اى قرار اكون فى حالة نفسية تعبة جدا حتى لو كان قرار فى ابسط الامور مثلا كالتصرف مع اهل زوجى

حماتى مثلا ستأتى بعد شهرين عندنا لعمل بعض الفحوصات .. مش عارفة اتخذ مثلا قرار اى حجرة هى تنام فيها

واشياء اخرى كثيرة

مشكلتى اننى بعد اتخاذ القرار وتنفيذه ..فورا اشعر انه قرار خاطئ والكل يثبت لى اننى كنت على خطأ..وذلك لأننى ليس لى صديقة هنا مقربة او قريبة استشيرها

شئ اخر اننى لى صديقة تعبانى جدا وكلما تعاملت معها اشعر بتعب نفسى شديد

ومشكلتى معها انها تستغل طيبتى وتوقعنى فى مشاكل كثيرة وعتابها يصيبنى باحباط شديد..وهى لا تنسى لى شئ مع اننى لا اعاتبها اطلاقا وانسى بسرعة اخطائها معى ..وهى جارتى ايضا ..تسكن فى الطابق الذى يعلو طابقنا ..عندما سافرت هى لمدة ستة اشهر كنت فى راحة وهدوء .. هى من النوع الذى يتصيد اخطاء وعندما حكيت لأختى الكبيرة عنها قالت لى انها تغار منك .. انا ممكن احكى بعض المواقف التى صدرت منها وانتوا تحكموا مين اللى غلطان

ومشكلة اخرى اننى وخصوصا فى هذه الفترة لا اجيد حسن التصرف مع الاخرين مش مركزة على الاطلاق ..واشعر ان هناك اناس كثيرون اخذين منى موقف .. يعنى مثلا احدى صديقاتى قالت لى ذات مرة سأتى عندك اليوم لأحضر لك شنطة السفر التى كنت مستلفاها منك

قلت لها .. ممكن زوجى وهو خارج من عمله يفوت عليكى وياخذها لأنها ثقيلة عليكى.. ردت قائلة اذن مالوش لازمة اتى ..قلت لها انت تعالى واتركى الشنطة ليوم اخر هو يأتى يأخذها بسيارته ..ولم تأت ..ومواقف كثيرة جدا جدا..وكلما تدخلت فى موضوع لأصلح بين اثنين متخاصمين ..يحصل لى مشاكل كثيرة .. او لو نصحت احداهن نصيحة .. فأنا اكتشف بعدها..بما لا يدع مجالا للشك .. انها ليست بحاجة لنصيحة اصلا ولكنها كانت تختبرنى وتريد ان تعرف شئ معين منى

وانا هنا احب ان اكتب لأننى اجد اراءا كثيرة ومتنوعة ممكن الواحد يستفيد منها

[ذهبية]

اختى بنت الشاطىء انتى كتبتى اكتر من مشكلة الان مش مشكلة واحدة

كل مشاكل حضرتك اللى بتحكى عليها ناتجة من عدم الثقة بالنفس و التردد اللى بجد سايب سلبيات عليك جدا مخليكى مترددة و انتى

بتاخدى القرار و مترددة بعد ما تاخدية ياترى اية اللى فى حياتك هازز ثقتك بالشكل الكبير دة

الثقة بالنفس دة مش شىء بنتولد بية دة شىء احنا بنكتسبة من نفسنا ومن الى حوالينا لو ما اللى حواليك ما اعطوكى الثقة دى فى

نفسك اولا وفى قرارتك ثانيا عمر ماالثقة دى هتيجى

وانتى بتهتمى باراء الناس قوى كدة لية و اى كلمة اى حد يقولها سواء كانت جدية او هزار بتتاخد عند حضرتك بطريقة جدية جدااا

وفورا يتم ترجمتة ان العيب فيكى

اولا حضرتك محتاجة تهدى اولا قبل اتخاذ اى قرار ثانيا القرارات لازم تاخد وقتها من التفكير حتى لو اتاخرت

ثانيا بعد دراستها من كل ناحية بعد اتخاذ هذا القرار لابد من تحمل مسئوليتة مهما كانت نتائجة

ولا تسمحى لاى احد كان انة يشكك فى قدراتك او شخصيتك و اللى يمثل هذا الضغط فى حياتك الغية فورا من حياتك قلتة احسن

لك كل التحيات

ذهبية

[أم مروان]

بصى ياأختى بنت الشاطئ

اولا لازم تحولى تبعدى عن جارتك هذه لاتخاصميها بس حددى علاقتها بها خليها سطحية لانها عرفت نقط ضعفك وبتحاول تضغط عليكى

ثانيا قربى من ربنا قوى واسأليه أى شىء مهما كان صغير

ثالثا خدى القرار بعد الدراسة طبعا وتحملى نتيجته حتى لو غلطتى مرة فى مرة هتعرفى الصح فين (علمي نفسك بنفسك)

رابعا شوفى ايه اللى هاذذ ثقتك بنفسك

انا كمان ساعات بيحصل معايا كدة لما تكون علاقتى مع زوجى مش مظبوطة أو فى حاجة كبيرة شغلانى

اقعدى مع نفسك وفكرى كويس جدا وأكيد هتلاقى الحل

خامسا متحكيش لأى صديقة مهما كانت قريبة عن حياتك الزوجية لان فى ناس بتحب تسمع منك بس ومتحكيش حاجة الا بسيط وغالبا بتكون حاقدة عليكى

سادسا اوعى تخلى اى حد مهما كان يهز ثقتك بنفسك

معلش طولت عليكى ربنا معاكى

[رضوي]

السلام عليكم ورحمة الله وبركاته

الفاضلة بنت الشاطئ

تتعرض السيدات لمثل هذه الظروف عندما يقعن تحت ظغوطاً عصبية تجهد الجهاز العصبي وتمنع العقل من التفكير السليم ....................

علشان كدة لازم حضرتك تحددي لو كنتي دايماً بتحسي ان قراراتك غلط .......... أو الاحساس دة بيحصل نتيجة ظروف معينة ( يعني مشغولة بمشكلة ....... بتفكري في حاجة مهمة ........)

لو كانت المشكلة دي بتحصل لحضرتك أثناء وقوعك تحت ضغوط عصبية ونفسية ,,,,, اكيد الحل بسيط ,,,,,,, ويبقي حضرتك من النوع اللي بياخد كل حاجة علي أعصابه ودة اللي بيأثر علي قراراتك ,,,,,

مثال ( يعني مثلاً موضوع زي موضوع انك عاوزة ترجعي مصر وتسيبي زوجك ,,,,,,,,,,, بيبقي عند حضرتك ضغوط كتيرة ,,,,, وبتفكري في مشكلات كتيرة ممكن تنشأ عن الوضع دة ,,,,,, يعني حتبقي مسئولة مسئولية تامة عن الاولاد ,,,,,,,,, حتحسي انك لوحدك في مصر ,,,,, زوجك في الغربة بمفرده ....الخ وفي نفس الوقت انتي محتاجة انك تنزلي مصر لأسباب تانية ليست أقل أهمية من اسباب عدم النزول ........ دة بيحطك في موقف صراع بين القرارين ,,,,,,,, وبيضغط علي الجهاز العصبي لدرجة انك بتاخدي احد القرارين دون تفكير عميق ,,,, علشان تزيلي الضغوط من علي الجهاز العصبي )

طبعاً العملية دي كلها لاشعورية يعني بتتم في اللاوعي مش حضرتك اللي قصداها ,,,,,,,, ودة بيحصل نتيجة انك بتاخدي كل حاجة علي جهازك العصبي

والحل هنا انك لازم تمعني التفكير بدقة وبدون عصبية في الموضوع محل المشكلة

يعني بفرض انك عندك مشكلة ولازم تاخدي لها قرار دلوقتي ,,,,,,,,, بتحاولي قدر الامكان انك تبعدي عن جو المشكلة وتهدي تماما , وتصلي ركعتين وتجلسي في مكان هادئ وتفكري بهدوء ......... بعد كدة تتجهي مباشرة الي اقرب شخص تثقي فيه وتتناقشوا في المشكلة

أما لو الموضوع راجع لشعورك بعدم ثقتك بنفسك فدة موضوع تاني خالص وهنا أنا اوافق الاخت ذهبية والاخت أم مروان الرأي ......

اما بالنسبة لموضوع صديقتك ............. عزيزتي ......... هي ليست يصديقة ....... فليس الصديق هو من يتذكر كل أخطاء صديقه ....... بل الصديق الحق هو من يساعد صديقه وقت الشدة قبل وقت الرخاء ...... ولايكون عبئاً علي صديقه ........أوافق الاخت ام مروان الرأي بأن يكون لعلاقتك بها حدود ......... اتخذيها جارة ولاتتخذيها صديقة .

وأخيراً ياعزيزتي عليكي بصلاه الاستخارة في كل ماتفعلينه

يارب أكون قدرت افيد حضرتك ولو بالقليل

تحياتي

[MaYousof]

الأخت بنت الشاطئ

السلام عليكم ورحمة الله

هبدأ ردي على حضرتك بمقولة "من لا يعمل لا يخطئ"

يعني السلبية أحسن وأفضل حل عشان مانعملش أي غلطات ولا نلاقي حد يزعل مننا ولا يتقمص

والناس دايما دايما هتلاقي فيهم اللي شايف انك غلطتي لما قلتي كذا أو عملتي كذا

ولو تفتكري قصة الراجل اللي خرج مع ابنه والحمار بتاعهم والناس شافوهم الراجل راكب الحمار وابنه ماشي على رجليه فماعجبهمش راح ابنه اللي ركب والرجل قال أمشي أنا ماعجبهمش راح هما الإتنين راكبين يمكن يعجب ومعجبش راح ماحدش ركب خالص يمكن الناس تبطل كلام وبرضه الناس اتكلمت وقالت إيه المجانين دول اللي سايبين الحمار وماشيين على رجليهم! قوم الراجل قال لابنه يابني مش ناقص غير إننا نشيل الحمار على راسنا من فوق عشان الناس يعجبها وبرضه مش هيعجب

يبقى يا أختي الفاضلة الناس دايما فيهم واحد مش عاجبه اللي إنتي بتعمليه ومستعد يطلع القطط الفطسانة في كل صغيرة وكبيرة إنت بتقوليها أو بتعمليها

هل معنى كده انك ماتتخذيش أي قرارات أو يبقالك أي راي أو تعزمي على حد بأي خدمة عشان ماحدش يزعل منك ولا يتقمص ولا يطلعلك القطط الفطسانه في كل كبيرة وصغيرة من تصرفاتك؟

الاجابة طبعا واضحة. مش عيب انك تتخذي قراراتك بعد اجتهاد منك وحرص إنها تكون صح وتطلع بعد كده غلط. مش عيب بتاتا والله, بالعكس إنت بتاخدي في كل مرة أجر انك اجتهدت ونيتك كانت سليمة. وخلي عندك ايمان إن ربنا مادام كل مرة بتجتهدي انك تختاري القرار الصح وبتصححي نيتك فهو مش بس معاكي لأ وكمان بتاخدي حسنات انك بتتخذي قرارك ونيتك الخير بغض النظر عن مدى صواب القرار ده لان النية هي الاهم

الرسول عليه الصلاة والسلام قال إيه؟ انما الأعمال بالنيات.

حصل وكانت نيتك كويسة انك تقعدي حماتك في الغرفة أ, بعد كده اتضح إنه قرار ماكانش كويس. الست ماكانتش مستريحة. تاخدي عشر حسنات

سيناريو تاني. إنتي لاقدر الله نيتك مش كويسة مثلا مثلا أنا بضرب مثل ليس إلا. النية كانت مش مظبوطة قوي, قوم قعدتي حماتك في الغرفة ب, الست اتبسطت جدا من الغرفة ويتضح إنه كان أحسن اختيار لصحتها ولظروف البيت كمان. تاخدي سيئة واحدة ويمكن ماتتحسبش عشان ربنا سبحانه وتعالى كبير

طب إيه الحل؟ الحل مش في إيدي أنا. الحل في ايد حضرتك يا أختي الفاضلة. هو مش حل ممكن يتم بين يوم وليله, ده عايز منك صبر وعزيمة واحسبك إنشاء الله من الصابرين ذوي العزائم

إنت أهم حاجة لما تحسي إنك متضايقة إنك ممكن تتخذي قرار غلط أول حاجة هتعمليها هتعذبلي الشيطان, مرة, اتنين, أكتر, مش هيخسر. أصل الشيطان هوايته وغيته الناس اللي نواياها كويسة زي حضرتك. ماهو لو واحد نيته مضروبة من الأول الشيطان مش محتاج يشتغل عليه. بيجي الله يجحمه يوسوس كده ويخلي الواحد أبو نية صحيحة عَمَّال يفكر هو أنا عملت ده صح ولا لأ! أصل أبو نية مضروبة مش فارقة معاه فالوسوسة بتشتغل عن اللي عنده نية سليمة بجد. بعد ما نستعيذ ربنا من الشيطان نطلب من ربنا السميع العليم في سرنا كده إنه يسدد خطانا ويوفقنا في القرار ده. ربنا سامع مناجاتك ليه حتى لو في سرك. حضرتك مش هتاخدي ربع دقيقه تستعيذي ربنا من الشيطان وتطلبي منه سبحانه وتعالى إنه يوفقك للقرار الصح. هل ممكن ربنا يسيب عبد من عباده لجأ ليه؟ ده مش من رابع المستحيلات! ده مستحيل المستحيلات كلها! حضرتك مادام ناجيتي ربنا وطلبتي منه التوفيق معنى كده إنه معاك لأ وكمان وفقك في الاختيار حتى لو شوشو جه ووسوس الله يجحمه وخلاكي تفتكري إن مع إن ربنا سمعك وهداكي للقرار الصح بس طلع قرارغلط! طب يطلع قرار غلط إزّي يا ملعون إنت مادام ربنا هو اللي وفقنا ليه؟ بس الشيطان مش هيسكت وهنا ييجي دور حضرتك. الشيطان هيلاقي ايمانيك قوي جدا وعندك يقين قاطع انك عشان استعذت بالله وطلبتي منه التوفيق إن قرارك ده صح مهما يبان من الظاهر في بعض الأحيان إنه ممكن يكون خطأ, والسبب ببساطة شديدة إننا كلنا عارفين إن ربنا مش بيوفق حد لقرار خطأ, وربنا كان معاك ساعة اتخاذك القرار عشان إنت سألتيه إنه يكون معاك. ويبقى الأمر منتهي يا شوشو ومش هتعرف تخلي أختنا الغالية بنت الشاطئ تشوف من الظاهر إن القرار خطأ عشان ربنا مابيسيبش حد سأله أي سؤال. بس شوشو الملعون مش هيسكت! الأخت بنت الشاطئ ايمانها قوي بس فيه غيرها ايمانهم ضعيف. شوشو الله يجحمه يسيب حضرتك عشان خلاص مش لاقي حل مع اليقين الخالص اللي عندك إن ربنا مابيهديش إلا للصواب ويجري على الناس اللي يعرفوك ويبدأ بقى شغله على أعلى مستوى. سمعتي يا فلانة, شفتي يا علانة, بنت الشاطئ عملت وسوت وكل عمايلها غلط في غلط. يلا إنت يا صاحبتها اجري لوميها وانت يا جارتها بسرعة الحقي عاتبيها وانت يا قريبتها اتقمصي منها واوعي تكلميها! أما حماتها بقى هيحاول يبينلها إن مفيش حل غير انك تكرهيها. معلوم هيعمل كده, أُمال ربنا هيجحمه من شوية! ماهو من عمايله السودة وكرهه للناس اللي نيتهم الخير. إنت بقى ايمان حضرتك يظهر هنا تاني. والموضوع معروف الحمد لله, هنستعيذ ربنا من ابليس اللعين ثم نطلب من رب العزة إنه يصبرنا عندما نجد إن حد من مَن تهتمين بأمره يرى خطأ منه انك إنت اللي اتخذت قرار خاطئ, وتحطي في بالك دايما انك مش ممكن ترضي كل الناس والا كان الراجل وابنه والحمار خطأ في جميع اختياراتهم بمجرد ماعتابهم الناس على كل محاولة حاولوا يركبوا فيها الحمار

يبقى عتاب الناس أبعد مايكون من دليل على خطأ قرارك. الناس هتعاتب هتعاتب والشيطان هيشتغل عليهم يعني هيشتغل, حقيقة كونية منتهى منها. إنتي اللي ربنا معاكي واختيارك هو اللي صح بفضل من الله ونعمة.

يا أختي, الناس هتعاتب هتعاتب, تعرفي حضرتك الراجل وابنه لو كانوا باعوا الحمار ده عشان يخلصوا خالص من كلام الناس؟ الناس كانوا هيقولوا إيه المجانين دول! باعوا الحمار! أُمال هيركبوا إيه!

مفيش حد مؤمن ونيته سليمة وحياته كلها خطأ فى خطأ, الله يلعنك يا شيطان. هشوف فيك يوم بإذن الله.

بنسبة للرجوع لمصر وترك الزوج, ركعتين استخارة بالليل كده وشوية تواصل مع ربنا هيحسسوك بفارق كبير وهتستريحي جدا وساعتها الاختيار هيكون فيما اختاره الله حتى لو مش ظاهر للعيان إنه الخير فهو لا محالة الخير كل الخير. مفيش أعظم من ربنا يخترلنا في الأمور الكبيرة دي ومفيش أجر أحسن من اليقين بان اختيار ربنا هو الصح حتى لو جه ابليس وصوارلنا غير كده

المؤمن ماينفعش يندم على حس نيته, وللا ينفع؟ مأظنش. أنا شيف إن الخطأ الحقيقي اللي بتقعي فيه انك بتندمي على ظنك إن قرارتك اللي اتخذتيها كانت خطأ. هو ده الخطأك

بالنسبة لجارتك اللي مش بتستريحيلها, في سرك كده كل خمس دقائق اقرأي سورة الفلق وسورة الناس وانشاء الله شيطانها مش هيشتغل عليها وهيا قاعدة معاك أو اقله إنت مش هتحسي إن نقدها ليك ده قائم على أي أساس صحيح, ببساطة لان ربنا هو اللي والله بنفسه بيساعد الانسانة الفقيرة اليه اللي محتاجاله في اختيار قراراتها لانها لجأتله وطلبت المساعدة منه.

أخيرا, لو نصحت صديقة أو زميلة تأكدي إن فيوم من الايام واحدة هتيجي وتقولك ياريتك مانصحتني بدل ماتشكرك انك مكنتيش سلبية وكنت من اللي عارفين إن من لا يعمل, يا يخطئ

الله يصلحلك حالك ويكرمك.

[president]

الأخت الكريمه

انا حاطط لحضرتك رابط لكتاب (دع القلق وابدأ الحياه ). صدقينى والله الكتاب ده أكتر من رائع . من ايام وانا في الكليه كل

مابحس انى مخنوق أقرا فيه . لو حضرتك قريته قبل كده ياريت تقريه تانى .

بس هاطلب من حضرتك حاجه ياريت ماتقريش الكتاب وانت مشغوله بحاجه لا بيت ولا اولاد ولا أى حاجه . صفى ذهنك تماما . شغلى موسيقى هاديه

وجنبك كوباية النسكافيه . وماتحاوليش توصلى للنهايه بسرعه او تحاولى تدورى على الفصل اللى بيتكلم عن مشكلتك . اقرأى براحتك خالص . اقرأى الكتاب وانت مسترخيه .

جربى مش هتخسرى حاجه ( هتخسرى ايه اكتر من اللى انت خسراه ) – هتفهمى معنى الجمله دى لما تقرى الكتاب - . دا رابط لقيته للكتاب

http://dvd4arab.maktoob.com/redirectLink.p...2Fstop.wory.pdf

لو مشتغلش معاكى . دورى باسم الكتاب وهتلاقى روابط كتير .

ربنا معاكى

[عنبو]

الاخت بنت الشاطىء

انتى مين قال انك بتتصرفى غلط مهو انتى جيتى اهو وعرضتى المشكله وده صح مش غلط

بص ياباشا لازم تعرفى حاجه ان وقت اتخاذ القرار بيكون الواحد بيفكر فى حاجه وبعد اتخاذ القرار ومرعفة النتيجه بيكون الواحد بيفكر فى حاجه تانيه

يعنى ايه ؟

انا سايق سيارتى وبعدين كنت هعمل حادثه اخذت قرار بسرعه ان اخد الجانب الايمن ده الى انا شفته وقتها صح ولكن بعد الحادثه لما قعدت افكر قولت لو كنت رحت شمال كان احسن "" مثال يعنى ""

بس طبعاً وقت المشكله وتفكيرى مشغول واستخدام كل الامكانيات المتاحه كان الحل الى انا اخدته كان هو الصح بالنسبه ليا وقتها علشان كده مينفعش قول انى كنت خطأ لا وقتها كنت صح لانى استخدمت كل الوسائل المتاحه

بس طبعاً الواحد بيتفكر المواقف دى ولا يلوم نفسه للخبره فقط لا غير

وعلى فكهر خدى باالك ايمانك بنفسك هو ما ينعكس على تعاملك مع المجتمع المحيط بكى

خدى المثال ده وده فعلاً حصل

فى احدى كليات العلوم قسم الرياضيات واثناء محاضره كان يلقها احد الاستاذه فى الجامعه وكانت عنوان المحاضره مسائل رياضيه لا حل لها يعنى كل العلماء عجزوا عن حلها وكان احد الطلبه ناااااااااائم من اول المحاضره لاخرها وصحى لما الدكتور خلص المحاضره

فسأل عن الهوم ورك مافييش حد جاوب عليه لقى مسائله من المسائل الى كانت على الصبوره نقلها وقال ابقى احلها فى البيت كهوم ورك يعنى

وتانى يوم اخد حل المسائله وراح للدكتور على المكتب بتاعه وقله يادكتور انا حليت المسائله دى الى هى هوم ورك قله يابنى انت حلتها ازاى دى واحده من المسائل الى عجز العلماء عن حلها ومن يومها والمسائله دى موجوده فى الكليه باسم الطالب الى جانب قصتها

المغزى من القصه ان لو الطالب كان سمع كلام الدكتور ان المسائل دى ملهاش حل مكنش فكر فيها اساساً وقال مهى مهلاش حل

لكن لما فكر فيها بدون تأثير وجد ليها حل

ياسيدتى الفاضله حاولى تبتعدى عن اى مصدر للسلبيه الى عندك وكنى واثقه ان انت عملتى الى عليكى والباقى على ربنا ولا تلتفى الى كلام الناس

وزى لما قولتك ايمانك وثقتك بنفسك هو ما ينعكس على تعاملك مع الناس

حاولى تقربى من زوجك وتتكلمى معاه فمافيش واحد فى الدينا اقرب اليكى منه كلميه فى كل حاجه احكى له فثقتك فى زوجك ايضاً هتنكس على ثقتك فى نفسك

لا تخافى من كلام الناس فلو اخذ الناس انطباع سىء عنك هذا بسببهم لا بسببك انتى

وشكراً

[بنت الشاطئ1]

اشكركم يا جماعة على كل ردودكم ..استفدت منها كثيرا وفعلا انا احيانا انسى صلاة الاستخارة ..لكن من الان فى كل صغيرة وكبيرة ..صلاة استخارة..

حاجة كمان ..انا دائما تحصل لى مشاكل مادية مع صديقاتى وقريباتى ..مثلا وصيت احدى قريباتى على ملبس معين لأنى لما بنزل مصر معنديش وقت اشترى ..وكنت محتاجة عباءة لاستقبال الضيوف اول ما اوصل ..وفعلا وصيتها .. فهى اشترت من كام يوم عباءة سوداء لها ..وقالت لى انها نادمة على شرائها لأنها اكتشفت موديلات جديدة ..فوصيتها على عباءة من الموديلات الجديدة وميكنش لونها اسود..المهم اشترطت عليها ان تححضر لى اى لون ما عدا الاسود ..وبعد ما وصلت وجدتها وقد احضرت لى عباءة سوداء من الموديل القديم واخرى سوداء من الموديل الجديد..بصراحة اتصدمت وكان ثمن العبائتين قد اقترب من الالف جنيه ..انا اخذتهم ودفعت الفلوس ولم اناقشها.. ومش ممكن كنت هناقشها او ارجعهم ليها مهما حدث ..لكن المشكلة اننى وقعت فى نفس المشكلة معها لأنها عندما تتحدث معى تقول لى انت مثل اختى واطلبى ما تريدين ..وفعلا تركت معها مبلغ من المال وقلت لها اشترى لى خاتم كخاتمك واشترطت عليها انها تشتريه عندما يرخص الذهب..ومرت الايام ورخص الذهب ..ولم اتصل بها ظننت انها ستتصرف كما تتصرف لنفسها ..واتصلت بها بعد عام وقلت لها ماذا فعلتى قالت لا شئ ..وعرضت على ان تشترى لى اسورة لابنتى مثل اسورة ابنتها ..وفى خلال كلامها قالت لى ان ابنتها لم تلبس الاسورة ابدا وانها جديدة..فهمت انها تريد ان تعطينى اسورة ابنتها لأنها اصبحت مش بحاجة لها..فقلت لها لا اريد ذهب واننى محتاجة المبلغ فى شئ معين عندما ارجع مصر ..وهى الان تكرر عروضها لى فى شراء اشياء مثل ما اشترت ولكنى ارفض ..لكن انا اتصدمت جدا فى الناس ..ولم اجد احد يتصرف بامانة فى الماديات بالذات

اما عن سؤالكم ان ثقتى فى نفسى مهزوزة ..فنعم والف نعم ..انها جارتى وهى كلما زارتنى لابد ان تحدث بعدها مشكلة فأنا انصحها بصدق ..مع العلم انه يوجد قرابه بينى وبينها من ناحية الاب..فتحدث لها مشاكل معينة مع اهلها ..فتبرر اخطائها انها استشارتنى وانها عملت بنصيحتى..اكتشف بعدها انها اخفت عنى بعض المعلومات ولذلك انا انصحها بناءا على ما قيل لى ..ولكن هناك جزء من الحقيقة انا لا اعرفه..وتكرر ذلك كثيرا ..

وتكرر هى ذلك بطريقة غير مباشرة ..يعنى فى وسط الكلام تحكى المشكلة وتعمل انها حزينة عما حدث لها وبالتدريج تنظر لى وتقول لى هل انا مخطئة ..ارد فورا ..لا انت على حق..فتأخذ كلمتى على انها تأييدا لها على ما فعلت مثلا ..ثم عندما ارجع مصر اجد ان بعض اقاربى لا يأتون عندى واحيانا وصل الأمر للخصام معهم .. ولذلك كلما زارتنى وبعد ما تمشى اجلس مع نفسى وافكر فى كلامها اجد انها اوقعتنى فى مشكلة وفعلا يكون ظنى فى محله..

المشكلة الكبيرة الاخرى هى اننى لا اتكلم اللغة الالمانية هنا واجد صعوبة من الحياة هنا ..هذه مشكلة المشكلات

وحتى لو نزلت مصر اعرف اننى لن اجد راحتى ايضا

لكن على الاقل افضل من هنا بالنسبة للأولاد على الاقل

[الباشمهندس ياسر]

فليس سوى أن تريدْ

أنت فارسُ هذا الزمان الوحيدْ

وسواك.. المسوخْ!

[Folana]

السلام عليكم ورحمة الله....

العزيزة بنت الشاطىء......يحزننى جدا انى دائما أشعر بنبرة يأس بين حروفك فى العديد من موضوعاتك.....ويحزننى أيضا أن بالرغم من تقديم النصيحة لك من الاخوة والاخوات هنا فى عدة مواقف الا انى اجد تكرار لشكواك بما يدل على انك لا تستفيدى او خلينى أقول لا تحاولين تطبيق نصائحهم...والا لكان اختلف الحال على الاقل مع صديقتك او كما تسميها واللى سببت لك حالة نفسية انت فى غنى عنها باستغناءك عن تلك الصديقة....

مشكلتك الرئيسية انك بتهتمى بأراء من حولك وتسعى لرضاهم على حساب نفسك ....وبالتالى بتلغى جزء كبير من تفكيرك ومن شخصيتك باعتمادك الدائم على الاخرين وانتظار نظرة رضا منهم......ودائمة التفكير فى مين حيقول ايه ...ومين حيشكرك على طيبة قلبك واعتمادك عليه....وده مش بيحصل...مش لانك بتكونى غلطانة..ولكن لان الناس اللى بتتعاملى معها لا يقدروا ولن يفعلوا...

ومش لان الناس دول بالتحديد مش كويسين..ولكن لانها طبيعة النفس البشرية.....وفى الغالب الاعم تجدى من حولك يستحلى طعم لحمك...بمعنى ان كل ما يجدوا انك صامتة وخانعة لتصرفاتهم يعيثوا فيك وفى حياتك فسادا....

ماحدش حيقدر يصلح من حالك الا أنت..وانت فقط.....ولكن المشكلة انك دائما منتظرة يد الاخر....وبالرغم من ان معظم مشاكلك بسبب ثقتك المفرطة فى الاخر...الا انك مازلتى بانتظار ان تكون ثقتك فى محلها فى احدهم....وده مش حيحصل...لانك بصراحة فريسة سهلة لاى انسانة تعانى امراض نفسية ان تمارس عليك نواقصها....انا مش بأحرجك او باسبب لك اى ضيق...ولكن بأحاول اكشف معاك عن الاسباب اللى ممكن تجعل اى انسان زى جارتك مثلا لا ترتدع عن ايذائك...

بأفكر معاك يعنى بصوت عالى ...فأرجو ان تقبلى كلام دون ضيق او حساسية....

اختى الفاضلة...المشكلة مش فى جارتك والتى اختزلتى كل مشاكلك فى مجرد وجودها فى حياتها...والمشكلة مش فى الغرفة اللى حتخصصيها لحماتك....سيبيها هى تختار الغرفة اللى حترتاح فيها ايه المشكلة يعنى...وحل المشكلة مش فى انك تنزلى مصر وتتركى زوجك....

المشكلة داخل نفسك...لانك انت هناك هى نفسها اللى حتبقى هنا.......اذن نحاول ان نجلس جلسة مواجهة مع نفسنا ونكتب نقاط ضعفنا بعيدا عن اى شماعة نعلق عليها اخطائنا...ونحاول ايجاد حلول بديلة لكل مشكلة....ومش عيب ابدا اننا نخطأ مرة واتنين وعشرة......المهم اننا فى النهاية نصل للقرار الصائب....ونكون راضين عنه..احنا مش حد تانى....

ببساطة شديدة جدا....مشاكلك مش حتتحل طالما انك بتفكرى فى كل مشكلة على حدة...يعنى جارتى عملت فى كذا...ارد عليها ازاى.....فلانة عملت كذا اعمل ايه.....لازم انت تتغيرى من جواك...وتعرفى ازاى تثبتى فى المواقف دى وتتعلمى ازاى تردى وتعلنى رفضك لما يحدث....حيجرى ايه يعنى؟...ولا حاجة خالص....

حيزعلوا منك؟...طيب وماله....حيزعلوا شوية ويقاطعوك شويتين...لكن فى النهاية حيتعاملوا معاك زى ما انت عايزة مش بطريقتهم هم....حتى لو طريقتك غلط الا انها بترضيك....فاهمانى؟

وحاولى تتخلى عن التواكل ده لانه بيسبب لك متاعب....يعنى اما تحبى تشترى حاجة اشتريها بنفسك....مش علشان بتثبتى لصديقتك انك بتحبيها وبتثقى فى ذوقها

تتخلى عن شخصيتك او توصليلها احساس انك عايزة كل حاجة زيها....وبالتالى تعطيعها الفرصة لاستغلال مشاعرك ....او انك بتقليدها فى كل حاجة....وبالتالى مش بتشترى لك طلبك وبتفرض عليك ارائها....وليه لأ....

وقفة مع النفس اولا يابنت الشاطىء.....وورقة وقلم ودونى كل عيوبك الشخصية اللى حتى مش بتواجهى بها نفسك....وحاولى ان تجدى حلول داخل نفسك....واكيد حتلاقى الف حل....واللى يزعل يزعل...المهم انت اولا.......وتوقفى عن اى سلوكيات بتسبب لك مشاكل وخصوصا المعاملات المادية.....ومن الممكن ان تتعلمى اللغة الالمانية فى الدولة التى تعيشين فيها ايه المشكلة يعنى......

لو قدرتى تحلى مشاكلك فى مكانك...وقتها تبدأى تفكرى فى قرار الانتقال الى مصر.....

بأعتذر طبعا لو كان كلامى ضايقك....لكن صدقينى كنت باحاول اتكلم ببساطة ....

ربنا يوفقك.....

خالص مودتى

[بنت الشاطئ1]

بعد قراءة ردودكم ..انا فعلا اشعر ان شخصيتى اصبحت مهزوزة ..ومفيش ثقة بالنفس..رجعت بالذاكرة للوراء ..هناك ذكرى فى حياتى سببت لى صدمة شديدة مع اننى وقتها كنت ابدو طبيعية اتظاهر بالمرح وكانه هذا الموضوع لا يعنينى ..مع انى كنت المفروض ابكى..وبعد سنوات عديدة بدات اتذكر من جديد بل وابكى احيانا ..وبالنسبة لجارتى والتى قلت انها تضايقنى ..وربما يبدو انها طرف فرعى ..الا انه هناك بعض المواقف معها والتى لم اذكرها ..لانها خاصة جدا..تلك المواقف ابعدتنى عن المسجد والدعوة الى الله عز وجل

فعلا انا ساقطع العلاقة نهائى ..لكن المشكلة اننى كلما تذكرت تلك المواقف والتى ايضا مر عليها سنوات عدة.. احزن واندم اننى لم اتخذ رد فعل ايجابى..وهذا ما يزعجنى بشدة كلما تذكرت موقف اليم وقديم احزن كما كاننى اعيش الموقف الان..

[أم مروان]

بعد قراءة ردودكم ..انا فعلا اشعر ان شخصيتى اصبحت مهزوزة ..ومفيش ثقة بالنفس..رجعت بالذاكرة للوراء ..هناك ذكرى فى حياتى سببت لى صدمة شديدة مع اننى وقتها كنت ابدو طبيعية اتظاهر بالمرح وكانه هذا الموضوع لا يعنينى ..مع انى كنت المفروض ابكى..وبعد سنوات عديدة بدات اتذكر من جديد بل وابكى احيانا ..وبالنسبة لجارتى والتى قلت انها تضايقنى ..وربما يبدو انها طرف فرعى ..الا انه هناك بعض المواقف معها والتى لم اذكرها ..لانها خاصة جدا..تلك المواقف ابعدتنى عن المسجد والدعوة الى الله عز وجل

فعلا انا ساقطع العلاقة نهائى ..لكن المشكلة اننى كلما تذكرت تلك المواقف والتى ايضا مر عليها سنوات عدة.. احزن واندم اننى لم اتخذ رد فعل ايجابى..وهذا ما يزعجنى بشدة كلما تذكرت موقف اليم وقديم احزن كما كاننى اعيش الموقف الان..

دا كله بسبب الشيطان استعينى بالله عليه الشيطان بيحاول يعكر عليكى صفو حياتك

ارجعى للدعوة الى الله وقربى قوى من ربنا لا ملجأ الى اليه

صدقنى عن تجربة شخصية الحل هو القرب من الله[/size

انا من حوالى 3 سنين كنت فى مصيبة ومقدرتش أخذ القرار خالص وقعدت كتير مخنوقة لحد ملقيت الحل (القرب لله)

انتى عارفةكنت حاسة انى عايشة فى الجنة بعد ماكنت يئست من حياتى صدقينى القرب من ربنا مش أحسن حاجة فى حياتنا دا هوه الحياة نفسها

دلوقتى لما افتكر مشكلتى مش بتضايق بالعكس بأحس انها كانت سبب فى قربى من ربنا بالاضافة انى اتعلمت منها كتير

لان أى حاجة بتعدى علينا فى حياتنا لازم نتعلم منها

ربنا يهديكى للطريق المستقيم

[بنت الشاطئ1]

السلام عليكم ورحمة الله....

العزيزة بنت الشاطىء......يحزننى جدا انى دائما أشعر بنبرة يأس بين حروفك فى العديد من موضوعاتك.....ويحزننى أيضا أن بالرغم من تقديم النصيحة لك من الاخوة والاخوات هنا فى عدة مواقف الا انى اجد تكرار لشكواك بما يدل على انك لا تستفيدى او خلينى أقول لا تحاولين تطبيق نصائحهم...والا لكان اختلف الحال على الاقل مع صديقتك او كما تسميها واللى سببت لك حالة نفسية انت فى غنى عنها باستغناءك عن تلك الصديقة....

مشكلتك الرئيسية انك بتهتمى بأراء من حولك وتسعى لرضاهم على حساب نفسك ....وبالتالى بتلغى جزء كبير من تفكيرك ومن شخصيتك باعتمادك الدائم على الاخرين وانتظار نظرة رضا منهم......ودائمة التفكير فى مين حيقول ايه ...ومين حيشكرك على طيبة قلبك واعتمادك عليه....وده مش بيحصل...مش لانك بتكونى غلطانة..ولكن لان الناس اللى بتتعاملى معها لا يقدروا ولن يفعلوا...

ومش لان الناس دول بالتحديد مش كويسين..ولكن لانها طبيعة النفس البشرية.....وفى الغالب الاعم تجدى من حولك يستحلى طعم لحمك...بمعنى ان كل ما يجدوا انك صامتة وخانعة لتصرفاتهم يعيثوا فيك وفى حياتك فسادا....

ماحدش حيقدر يصلح من حالك الا أنت..وانت فقط.....ولكن المشكلة انك دائما منتظرة يد الاخر....وبالرغم من ان معظم مشاكلك بسبب ثقتك المفرطة فى الاخر...الا انك مازلتى بانتظار ان تكون ثقتك فى محلها فى احدهم....وده مش حيحصل...لانك بصراحة فريسة سهلة لاى انسانة تعانى امراض نفسية ان تمارس عليك نواقصها....انا مش بأحرجك او باسبب لك اى ضيق...ولكن بأحاول اكشف معاك عن الاسباب اللى ممكن تجعل اى انسان زى جارتك مثلا لا ترتدع عن ايذائك...

بأفكر معاك يعنى بصوت عالى ...فأرجو ان تقبلى كلام دون ضيق او حساسية....

اختى الفاضلة...المشكلة مش فى جارتك والتى اختزلتى كل مشاكلك فى مجرد وجودها فى حياتها...والمشكلة مش فى الغرفة اللى حتخصصيها لحماتك....سيبيها هى تختار الغرفة اللى حترتاح فيها ايه المشكلة يعنى...وحل المشكلة مش فى انك تنزلى مصر وتتركى زوجك....

المشكلة داخل نفسك...لانك انت هناك هى نفسها اللى حتبقى هنا.......اذن نحاول ان نجلس جلسة مواجهة مع نفسنا ونكتب نقاط ضعفنا بعيدا عن اى شماعة نعلق عليها اخطائنا...ونحاول ايجاد حلول بديلة لكل مشكلة....ومش عيب ابدا اننا نخطأ مرة واتنين وعشرة......المهم اننا فى النهاية نصل للقرار الصائب....ونكون راضين عنه..احنا مش حد تانى....

ببساطة شديدة جدا....مشاكلك مش حتتحل طالما انك بتفكرى فى كل مشكلة على حدة...يعنى جارتى عملت فى كذا...ارد عليها ازاى.....فلانة عملت كذا اعمل ايه.....لازم انت تتغيرى من جواك...وتعرفى ازاى تثبتى فى المواقف دى وتتعلمى ازاى تردى وتعلنى رفضك لما يحدث....حيجرى ايه يعنى؟...ولا حاجة خالص....

حيزعلوا منك؟...طيب وماله....حيزعلوا شوية ويقاطعوك شويتين...لكن فى النهاية حيتعاملوا معاك زى ما انت عايزة مش بطريقتهم هم....حتى لو طريقتك غلط الا انها بترضيك....فاهمانى؟

وحاولى تتخلى عن التواكل ده لانه بيسبب لك متاعب....يعنى اما تحبى تشترى حاجة اشتريها بنفسك....مش علشان بتثبتى لصديقتك انك بتحبيها وبتثقى فى ذوقها

تتخلى عن شخصيتك او توصليلها احساس انك عايزة كل حاجة زيها....وبالتالى تعطيعها الفرصة لاستغلال مشاعرك ....او انك بتقليدها فى كل حاجة....وبالتالى مش بتشترى لك طلبك وبتفرض عليك ارائها....وليه لأ....

وقفة مع النفس اولا يابنت الشاطىء.....وورقة وقلم ودونى كل عيوبك الشخصية اللى حتى مش بتواجهى بها نفسك....وحاولى ان تجدى حلول داخل نفسك....واكيد حتلاقى الف حل....واللى يزعل يزعل...المهم انت اولا.......وتوقفى عن اى سلوكيات بتسبب لك مشاكل وخصوصا المعاملات المادية.....ومن الممكن ان تتعلمى اللغة الالمانية فى الدولة التى تعيشين فيها ايه المشكلة يعنى......

لو قدرتى تحلى مشاكلك فى مكانك...وقتها تبدأى تفكرى فى قرار الانتقال الى مصر.....

بأعتذر طبعا لو كان كلامى ضايقك....لكن صدقينى كنت باحاول اتكلم ببساطة ....

ربنا يوفقك.....

خالص مودتى

:sad:

شكرا عزيزتى فلانة على نصائحك

فعلا اليومين اللى فاتوا حاولت اطبق نصائحك ..لكن مجرد انى افكر فى ان اكون اكثر ايجابية..وكنت بقول لنفسى اننى اذا تضايقت من تصرف شخص سأواجهه..لكن سريعا ما ينتابنى احباط شديد وعدم قدرة على التفكير الصحيح..

وبالنسبة للغة انا فعلا اخذت بعض الكورسات لكن لم استطع اواصل..لأن لى ظروف صحية تعيق من حركتى..الحمد لله مش حاجة خطيرة لكن محتاجة كورتيزونات ..وانا مأجلة موضوع الكورتيزونات شوية ..لكن لازمنى الراحة ..وانا موضوع اللغة مش هو المشكلة الاساسية فى حياتى ..ممكن استبدلها بانجليزى مثلا..لكن مضايقة انى لم انجز شئ حتى الان ..

انا فى حياتى صدمت بأشخاص قريبة منى..انا لو اعطيهم صفة الان ممكن اسميها نفاق ..ولذلك انا محبطة جدا ..

اما قولك بأننى فريسة لمن تعانى امراض نفسية ..فهو كلام فى محله ..فأنا كنت على اتصال بطبيبة نفسية وحكيت لها بالتفصيل ..وكنت وقتها محبطة جدا وكنت اشعر اننى مريضة بأحد الامراض النفسية ..قالت لى الطبيبة ان هذه الشخصية مريضة نفسيا ..ربما عندها وسواس قهرى يجعلها تتعامل بهذه الطريقة..

وهذا يذكرنى باحدى الاخوات تعرفت عليها فى المسجد..هى لم تدخل المدرسة على الاطلاق فى بلادها ..ولما اتت هنا ارادت ان تتعلم القراءة والكتابة ..وفعلا بدأت معها خطوة خطوة ..بدأت تتغير معى ..وتفتعل المشاكل على اهيف موقف ..يعنى مرة مثلا اتفقنا اننا نذهب عند احدى الاخوات تعلمنا احكام تلاوة ..اتصلت بى الاخت المعلمة وقالت لى انها لن تستطع استقبالنا فى بيتها ..قلت لها ممكن تتفضلوا عندى قالت لى خلاص اتصلى بفلانة وبلغيها..وفعلا اتصلت واخبرتها..وجدت هجوما شديدا على ..وعتابا شديدا ام اراه فى حياتى

قلت لها انا بلغتك ما قالته لى ..لو تحبى الدرس يكون عندك مفيش مانع..ردت قائلة ولم لم تتصل بى كما اتصلت بك..قلت لها لا ادرى

وغضبت منى ولم تأتى عندى مع ان لو هى عايزة تزعل من حد يبقى تزعل من المعلمة مش منى انا..لأنى انا مجرد رسول بينهما

وبعد ذلك اتصلت انا بالأخت اياها وكلمتها عادى خالص ومجبتش سيرة الموضوع ..فوجئت ان المعلمة تكلمنى وتقول لى ان فلانة تقول لها اننى كلمتها فى التليفون ولا كأن حاجة حصلت ..ردت عليها المعلمة لأنه مفيش اصلا حاجة حصلت

وبعدين مع مرور الايام كانت تلك الاخت تحدثنى عن اهل زوجها وانهم لا يحترمونها ..قلت لها ربما لأنكم اقارب 3..قالت لى ..لأ ..لأنى غير متعلمة يستهترون بى.. علمت حينها انها تشعر بمشكلة النقص ولذلك اصبحت اعاملها على قدر تفكيرها هى ..ولا ابلغها بأى رسالة من اى نوع..

[Folana]

السلام عليكم ورحمة الله....

أختى العزيزة بنت الشاطىء....

"كلنا مرضى ولكن بدرجات".....يعنى ايه الكلام ده؟.....يعنى كل انسان فيه جزء فى تفكيره او شخصيته غير سوى..والكمال لله وحده...

أقول هذا حتى تستبصرى بأن ماتعانيه من إخفاق أحيانا فى اتخاذ قرار او فى معاملاتك مع من حولك لا يعنى بأنك الوحيدة فى هذا العالم التى تشعر بتلك المشاعر السلبية تجاه نفسها وتجاه الاخرين....

كما يعنى أيضا ان مش بالضرورة تكون الناس من حولنا مرضى ونحن نتمتع بالكمال والاتزان......لم أكن أقصد صديقتك تحديدا فيما ذهبت اليه من وصف بأنك فريسة سهلة.....وبالمناسبة الوسواس القهرى ليس له علاقة بتصرفاتها تجاهك....ولكن انت التى تقدمى لها نفسك وحياتك لكى تتغلل بداخلها وتمارس نواقصها واسقاطتها عليك...

الحقيقة لا اريد ان اصدر عليها احكام وأقيمًها وانا لا اعرفها ولااستمع الا الى نصف الحكاية فقط...ده شىء بيضايقنى فعلا.....لهذا خلينا نتكلم عن مشكلتك انت...وعنك انت لانك انت اللى معنا وبنتعامل معاك ونعرف كتاباتك...

أقول ان حضرتك اللى بتستمرئى تقديم نفسك للاخرين عن طريق تفضيلهم عليك دائما...وهذا لا يأتى بالنتائج المرجوة أبدا....كل المطلوب من حضرتك أن تكونى كما تريدن وتتصدى لأى محاولة لايقافك ...وترفضى الخضوع لسيطرة الاخرين على حياتك...الا اذا كان هذا السلوك يشعرك بشىء من الرضا اذا ما أخفقتى فى قرارك فمش حتكونى انت السبب ..لا...دى فلانة...لانها هى اللى نصحتك...وبذلك تبرىء نفسك من تحمل مسئولية ماحدث....وعلى الجانب الاخر بتحققى بعض المكاسب المعنوية المتمثلة فى وجود شخصيات اخرى فى حياتك قد تمدحك لبعض الوقت.....

من الوارد ان تصطدمى ببعض الافكار الهدامة والتصرفات الشاذة من الاخرين ..ولكن لا تبالى خليك مشاكسة شوية وتصدى لمحاولات ابتزازك نفسيا وعاطفيا....احنا لنا حياة واحدة حنعيشها...وحياة كل واحد فينا مختلفة عن الاخر حتى وان تشابهت التجارب الا اننا بنتعامل معها بشكل فردى..ومش بالضرورة الحل اللى نجح معايا ينجح معاك....لكن القاسم المشترك فى كل تجاربنا هو اننا لابد ان نحافظ على تلك الهبة ونعيشها كما نريد وليس كما يريد الاخر....

لفت نظرى فى احد مداخلاتك فى هذا الموضوع انك تحرصى على ان تقتنى كل ماتقتنيه صديقتك....يعنى العباية عايزة زيها...الخاتم عايزة زيه....اسورة بنتها عايزة زيها....للدرجة التى جعلتها تقول لك طب اشترى لك اى حاجة زيى !!...ولكنك لم تلتفتى لمعنى العبارة .....من أكثر الاشياء المدمرة للنفس هى المقارنة بالغير لان تقييمك لنفسك فيها يعتمد على ان تكونى امتداد للاخر.....وده شىء متعب جدا....ولن تصلى لدرجة الرضا ابدا...

تعلمى كيف تمتلكين نفسك أولا....لا تنظرى للامور دائما بعين واحدة...ولا تركزى تفكيرك فى زاوية واحدة ...لانك بهذا فعلا حتجدى نفسك تعيسة فى حياتك الخاصة وفاشلة فى حياتك الاجتماعية.......

وفرى لنفسك مخزون من المواقف المتباينة وردود الافعال لكل موقف تتوقعى ان تواجهيه.....يعنى مثلا لو حصل كذا لابد ان اتصرف بالطريقة هذه او تلك...ايهما يأتى بثمار ايجابية.....يعنى يكون عندك ردود فعل سابقة التجهيز.....

وكما ذكرت من قبل لا تتعاملى مع كل موقف على حدة....ومين قال ايه......ابدأى من داخلك...وده مش حيتم فى يوم وليلة....اتدربى على كده وواجهى وقاطعى اللى يضايقك بلا تردد الى ان تتحكمى فى خيوط حياتك.......احنا مش محتاجين نعدل من سلوكيات الاخر....احنا محتاجين نتعلم ازاى نتحكم فى سير امور حياتنا دون افراط او تفريط....

شاعرة انى طولت عليك......لهذا سأكتفى الان ولى عودة أكيدة ....

تحياتى

:lol:

[shiko]

الجميلة .......صاحبة القلب الابيض

بنوتة الشاطىء الجميلة........................

عفواً انا فعلا موش شايف اى مشكلة فى اللى انتى بتقولى والطبيعى بيقول انه خلق الانسان فى كبد

بس اللى انا ملاحظاه ان تصرف زى تصرف الشنطة بتاعتك اللى كانت عند صديقتك ده تصرف طبيعى جدااااااا وموش غلط بالعكس ده منتهى الجدعنة والطيبة والاخلاق العالية ....

لكن خلينا نشوف المشكلة الحقيقية من خلال كلامك وسردك للاحداث اسمحيلى المح لنقط محددة:

1- حضرتك فى منتهى الاخلاق العالية والرقى والسمو فى المشاعر وده موش مجاملة

2-يراودك تردد زائد كبير جدا جدا ....وده بيلخبط اى حاجة عند اجدع واحد

3- النفس اللوامة ...ودى بتشتغل على نفسيتك كتير

4- انتظارك الدائم لرأى من هم حولك فى تصرفاتك...وده بيديهم اكبر من حجمهم حتى لو كانوا قرييببن

رأى الشخصى واللى ان شاء الله يفيدك

1-استعينى بالله (الدعاء ثم الدعاء ثم الدعاء .... اللهم احلل عقدة من لسانى يفقهوا قولى ....)

2- اعملى اللى يمليه عليكى ضميرك ...وخليكى ثابتة واعرفى ايه الاسباب اللى هاتخليكى تعملى الحاجة دى

3- خلى دايماً معاكى كتاب بتحبى تقرى فيه حلو الرابط بتاع الكتاب ده اللى فوق ...وممكن كمان تتطلعى على كتاب لا تحزن "بالتجربة كويس جداً"

4- لا تنتظرى ردود افعال الناس واحمدى الله واثنى عليه ان وفقك للخير ان شاء الله

5-ادى لنفسك فرصة للتفكير موش كبيرة علشان متتردديش

6- خدى اى كورس فى اى حاجة بتحبيها ولازم ده يستمر على طول

7- ابدئى يومك بصلاة الفجر وحاولى ممارسة نوع من الرياضة زى المشى فى الاماكن المفتوحة

8- دللى نفسك ولو بقطعة شيكولاته او بفيلم كوميدى

9- استخدمى الكلام الجميل دايماً فى كلامك مع اللى حواليكى وحاولى دايما تكتبى الحاجات اللى ضايقتك علشان تتخلصى منها

ويارب كل الحاجات دى تساعدك انك تخرجى من الحالة دى للابد ...بس ماتنسانيش فى الدعاء وان شاء بالتوفيق

[بنت الشاطئ1]

الأخت الكريمه

انا حاطط لحضرتك رابط لكتاب (دع القلق وابدأ الحياه ). صدقينى والله الكتاب ده أكتر من رائع . من ايام وانا في الكليه كل

مابحس انى مخنوق أقرا فيه . لو حضرتك قريته قبل كده ياريت تقريه تانى .

بس هاطلب من حضرتك حاجه ياريت ماتقريش الكتاب وانت مشغوله بحاجه لا بيت ولا اولاد ولا أى حاجه . صفى ذهنك تماما . شغلى موسيقى هاديه

وجنبك كوباية النسكافيه . وماتحاوليش توصلى للنهايه بسرعه او تحاولى تدورى على الفصل اللى بيتكلم عن مشكلتك . اقرأى براحتك خالص . اقرأى الكتاب وانت مسترخيه .

جربى مش هتخسرى حاجه ( هتخسرى ايه اكتر من اللى انت خسراه ) – هتفهمى معنى الجمله دى لما تقرى الكتاب - . دا رابط لقيته للكتاب

http://dvd4arab.maktoob.com/redirectLink.p...2Fstop.wory.pdf

لو مشتغلش معاكى . دورى باسم الكتاب وهتلاقى روابط كتير .

ربنا معاكى

شكرا على رابط الكتاب بدات فعلا فى قراءته

[om marawan]

الحقيقة ردود الزملا وفت وكفت

هاقول لحضرتك على حاجة بجد والله

حضرتك خدى الردود كوبى بيست على وورد واطبعيها واقريها على مهلك وعلمى على اكتر نقط تحسى انها هتساعدك خصوصا الكلام عن ان التردد سببه الشيطان فعلا

وعاوزة اقول لحضرتك ان كلنا فينا جانب من التردد وماحدش ثقته فى نفسه كاملة يعنى

وكلنا ساعات نراجع نفسنا ونلوم نفسنا وانا عن نفسى كنت افتكر حاجات قديمة وازعل

بس بافكر انه خلاص

اولا : اللى فات انتهى ومات والندم هيستهلك طاقة بدون فايدة

ثانيا : اللى مابيغلطش مابيتعلمش فحتى لو غلطت حتى ميت مرة برضه هاراجع نفسى واتعلم

ثالثا : وصية الزملاء بالاستخارة

عارفة حضرتك انا مثلا فى الشرا باكون مترددة وكنت افكر بعد ما اجيب الحاجة هل حلوة ولا التانية احسن

لحد ما ابو مروان قالى ادعى بالاستخارة وانتى بتشترى ( على اساس مافيش فرصة تصلى )

بعد ماتشترى خللى عندك يقين ان ده احسن حاجة مهما كانت حتى مش حلوة تيقنى ان ده الخير

بالنسبة للمواضيع المادية : لا حك جلدك مثل ظفرك فتولى انت جميع امرك

بلاش الماديات لانها بتجيب مشاكل وتفتح مجال للشك

اخر حاجة هاقول لحضرتك نصيحة اخويا الكبير ليا

الدفاع عن الصمت اسهل كتير من الدفاع عن الكلام

ربنا ييسرلك امرك ويوفقك للى فيه الخير دايما

استخيرى استخيرى

واهم حاجة اللى ربنا يسر بيه بعد الاستخارة ماتشكيش لحظة انه غلط