انا ماشي ومش قاعد معاكو ... انا عندي 14 باكو

[se_ Elsyed]

النهاردة يوم مفترج يا ولاد

اخوكم الصغنن حلاوه .. قصدي سين سين أكمل 14 الف مداخلة

ومن هنا ورايح الكل يندهني ويقولبي : جناب الدوق سين سين الرابع عشر حفظه الله ورعاه وسدد خطاه في حِله وترحاله وكدهوت

آه إشمعنى لويس سانك ؟

يااااااااااااااااه ما أشبه الليل بالبارحه

الموقف ده فكرني ببيت شعر بيقول

مكر مفر مقبل مدبر مع .. كجلمود صخر حطه السيل من علي

انا عاوز بقى أقف مع نفسي وقفة رجاله ... بس مش زي اللي وقفوه لما انضربنا في 67

وأشوف أرباحي وخسايري عشان أنا داخل على الألفية الخمستاشر دلوقت ..

وعاوز اعمل كمان نيو لوك يتناسب مع المرحلة القادمة يعني أنفخ شفايفي .. أحلق كابوريا زز اي حاجه من دي

وكمان عاوز اعين طقم سكرتارية .. يعرضوا عليه المداخلات اللي أقراها كل صباح ( يجيبوا لي البوسطه يعني )

وكمان أعين عضوين تلاته مداخلاتهم ما تقلش عن الفين مداخله .. يكتبوا هما المواضيع وانا أضع اسمي على مداخلاتهم ..

هييييييييه .. ... فعلاً لازم ارتاح شويه وأقضي فترة نقاهه في اي منتجع تشيكي أو رواندي حتى

انا بالمناسبة دي اتخذت قرار ارجو ان تعينوني عليه وهو

بجد وبدون رجعه و ـــ without any hard feeling

هانقطع عن المنتدى شويه عشان أعيد حساباتي ... وكل فترة كده هادخل أشقر عليكم كزائر من وراء الستار

قراري جاء بمحض إرادتي وبكامل اهليتي وليس من اجل أي موضوعات أختلفنا فيها مع احباء وزملاء ( واخده بالك يا جيسيكا إنتي وجو ؟ )

اشوفكم بخير :blink:

الانقطاع ده هايبقى لحد المغرب بس .. هافطر وأرجع لكم تاني wst::

تم تعديل 27 ديسمبر 2009 بواسطة Salwa

[عنبو]

ياباشا لو عاوز نعملك مظاهرات لعدم التنحى انا موجود

ادلى على البلد واخلى كذا واحد يسجلوا مخصوص فى المنتدى علشان الموضوع يبقى تمام ونعمل مظاهره

ده غير طبعاً الناس الى موجوده هنا الى هتوجب معاك بس برده علشان انا بحب العب على المضمون هدلى على البلد

وانت بقى كمشرف تسهل لينا موضوع التسجيل ليهم يعنى

واى خدمه ياباشا "" ممكن تسلفنى 5000 مشاركه لحد بعد الزواج ""

تحياتى

م . ع

[التونسى]

النهاردة يوم مفترج يا ولاد الموقف ده فكرني ببيت شعر بيقول

مكر مفر مقبل مدبر مع .. كجلمود صخر حطه السيل من علي

الف مبروك يا سين سين على الاربعتاشر باكو wst:: .. وعقبال ما تكملهم أرنوب ((مليون يعنى)) :blink: .. ان شاء الله

وبما إن الموضوع فى قاعة دعوة للابتسام .. وبمناسبة على :sad: بهديك وبهدى كل الاخوة المحتفلين بيك الاغنيه دى

http://www.youtube.com/watch?v=zKAS1DFC2xA...feature=related

[SnipeR]

مبروك يافندم الاربعتاشر باكو

عقبال المليون

ايييييييييييييييييييييييييييييييييييه

زمن بيجري

فين امبارح كنت لسه بتسجل :)

[عصام]

جناب الدوق سين سين الرابع عشر حفظه الله ورعاه وسدد خطاه في حِله وترحاله ....

. قديمة

:)

[Folana]

السلام عليكم ورحمة الله....

جناب الدوق الرابع عشر وواحد...س.س.

.....تعرف انى باعرف انك صاحب الموضوع من عنوانه...:)

انا شايفة عنبووو تطوع للانضمام لبلاط جناب سموك....مابلاش ياعنبوووو....

انت لسه الحياة قدامك ...خلى عندك امل ...وبلاش الانتحار ده :lol:

س.س. سكته واعرة ومطلوب أمنيا دلوقت....

احنا نصحناك وعملنا اللى علينا...

[justme]

يانهار ابيض داحنا لسه كتاكيت يا جدعان

ربنا يباركلك يا حج س س

بس والنبي خد بالك وانت مروح لحسان ولاد الحرام مخلوش لولاد الحلال حاجة

بقولك ايه انا عندي مشروع ميه ميه للاربعتاشر الف دول

ايه رأيك انا سمعت ان في منتدى بيدي 5% على المدخلات دي متيجي تحطهم هناك وشوف انت بقى

[engmido]

يا ا/ س س

الف ميروك بس انا قلتلك فى موضوع ال 1000 مشاركة

انى خلاص تكة واحصلك يعنى هانت :)

وبمناسبة وصولك ال 14000 مشاركة

اسمحلى نسميك سي السيد الرابع عشر :lol: :lol: ( حسب الله )

وياسيدى زى بعضه انا هاقتطع من وقتى الثمين وهافتحلك المشاركات مقابل تكتبلى 1000 مشاركة فى الشهر

زكاة عن عافيتنا

ياللا اعمل الخير وارميه البحر :lol: :lol: :lol:

[جيمي]

يا راجل .. 14 الف مداخله وهتريح لعند المغرب بس ... ده انا لما بكتب مداخله واحده بريح بعدها يجي نص ساعه :)

انا عاوز ارفعلك القبعه يا حج سي السيد :lol: لان انت ليك 14 الف مداخله وكلها مداخلات مفيده :lol:

[rewsha]

الف الف مبروووووك لل 14 مداخله يا س س (قصدي ال 14000)

شوفت الثلاث اصفار يعملوا ايه . :lol:

اوعدنا يا رب .....

(ماتسلفني شويه )وهابعت لك بدالهم ورد

:) :lol: :lol:

:lol: :lol: :lol:

[اميره]

ياسيدى ياسيدى 14000 مره واحده على فكره انا مش بقر أنا بحسد بس

والله ياسين سين إنت ليك مَعزه غلاوه يعنى احسن تفكرها ليك مِعزه عندى تبقا مشكله وأبقا ورطت نفسى

لم بلاقى موضوع لسى السيد بجيب العده والفرش وبقعد أستمخ معاك

ربنا مايحرمنا من دخلتك علينا يا جناب الدوق سين سين الرابع عشر حفظه الله ورعاه وسدد خطاه في حِله وترحاله وكدهوت

امال ايه ماإنت الأب الروحى لينا وكدهوت

[jamalpody]

ربنا معاك وتكمل رحلة المليون ياعم سمبل وان شاء الله تكون مشاركاتك كلها في ميزان حسناتك

مفيش امل تشيلي الانذار .عشان مستقبلي حيضيع كده يا باشا

[engmido]

من سيربح المليوووووووووووووووووووووووووون

طيب سؤال تانى هل فيه حد ليه مشاركات اكترمن كده؟؟؟؟؟؟؟؟

[ozoozo]

بالمناسبه دي انا عايز اعرف ايه سر كلمه كدهو وكدهوت

زي ما تكون الكي وورد في كل مواضيعك

انا متهيألي لو كتبت في جوجل ابحث عن كلمه كدهوت هايقولي هل تقصد

سين سين

تم تعديل 27 ديسمبر 2009 بواسطة ozoozo

[لماضة مصرية جدا]

السلام عليكم و رحمة الله و بركاته

حبيب قلبي عمو سين فين....

طويل العمر....

يطول عمره....

و يزهزه عرشة و ينصره علي مين يعاديه.....

هاي هيئ ...................(وش فؤاد المهندس في فيلم مش فاكره اسمه بس هو كان واقف او قاعد نص وقفة)

مش هنقولك بقي احدفلنا حبة في قورطااااااااااااس.....لا ابتا ابتا ابتا.... احنا مستنينك يا وحش في سباق الضاحية بقي (عايزين نشوف بقي الخمسين باكو....و كدهوت...... :blush2:

فوتك بعافية يا كااااااااااااااااااااااااااابير الهوااااااااااااااااااااااارة.......اعووووووووووووووووووووووووووو

[se_ Elsyed]

متشكر لكم جيمعاً على احاطتي بمثل تلك المشاعر الجميلة

أنا هاغني

أيوه هاغني

قصدي هارد عليكم

حسب أسبقية الحجز

عنبو باشا ....

ما فيش داعي للرجالة ولا للمظاهرات ... إنت لوحدك بعشر رجاله يا عنبو بس إنت محتاج شوية ثقة في نفسك وهاتبقى حلو

-----------------

بيرم باشا التونسي

ميرسي على الأغنية ومين يعيش للأرنوب يا ريس ...

طب قول ربع أرنوب .. ورك يعني

-----------------

ياااه يا سنوبر

ده انت رجعتك ودخلتك علينا جابت الخير معاك

بس إيه ده ؟

إنت دفعة 2004 ؟؟؟؟

على كده تعرف اللواء زكي حتاته ؟ ما هي الدفعة دي أتسمت بإسمه

--------------

معالي المشرف عصام الشهير بمازنجر ملك الحركات

الناس أبتدت تتكلم عليك

يعني دفعة ديسمبر 2003 ولسه بتلعب في تلاتلاف وشوية مداخلة ؟

يا شماتة أبله ظاظا فيه

---------------------------

فلانه هانم البيرقدار

تشريفك لموضوعي هو دفعه للأمام يا فندم ... وتحيا الصداقة السينة الفلانية

-----------------

العزيز جوست مي أفندي

منتدى ايه اللي بيدي 5 % ؟

أوعي تقولي منتدى الريان ؟؟؟؟؟

--------------

يا انجنير ميدو أنت أداءك مش عاجبني ودرعاتك بقت عامله زي الفتله وإنت عندك 90 مداخله ده معناه انك ما بتشربش اللبن ولا بتاكل ساندوتشات المدرسة ..

لأ لا عاوزك تتجدعن واجي كمان اسبوع الاقيك على الاقل 500 مداخله ووشك رادد فيه الدموية

----------------

يا جيمي بيه قُبعتك دي على راسي من فوق

وبصراحه مكسوف أقول لك على حاجه

بجد الحصان اللي في الافتار بتاعك عاجبني .. ممكن اخده لفه ؟

------------

روشه هانم

حضترك دوستي عالجرح اللي لسه مغير عليه ... لأني باموت في الورد الأحمر وكل المداخلات تحت أمرك يا فندم وما يغلوش عليكي ...

------------

أميره هانم .. أميرة الأمرا

أحسدي يا فندم زي مانتي عاوزه

ده مش حسد ده غبطه ..

وما تتصوريش سعادتي لما عرفت إن حضرتك من الزوار الدائمين لموضوعاتي المتواضعة

------------

جامبلودي بيه

الله يخليك يا باشا

وبخصوص الأنذار فده وسام شرف .... عشان تبقى مميز يابني ... يعني العضو المميز دايماً بيبقى فعنده ضربة مطوه .. لطشة سكينة .... كده يعني

-------------

هاتعرف سر كدهوت لما تعدي الالف مداخله ... جرب كده وأدعيلي

-----------

لماضه اللمضه ... والله باحس إن حضرتك أختي الصغيرة الشقية ... ربنا يديم عليكي روحك المرحه واللي أسمه ايه ده سينس اوف هيومر وكدهوت

--------------

وبيني وبينكم كنت محضر مفاجآه ساره لأول 10 ردود على الموضوع داهوت

المفاجآه من الاخر هي ..

طيق ملوخية بالجمبري لكل عضو يبادر بالرد

ها ؟؟؟؟

إيه رأيكم ورأيكن ؟

أظن مافيش أطعم من كدهوت

ندخل عالشغل

إحنا نجيب نص كيلو جمبري متقشر .... وبصلايه متوسطة ... وفلفل أسود وتوابل وملح .. ومعلقتين تلاته زيت ... وطمطمايه ...

ونرفع كل ه على نار متوسطه لمدة خمس دقايق مع التقليب لحد ما يتشرب الميه بتاعته ... وبعدين نضيف كمية ميه معقوله ... عشان الشوربة خلوا بالكم ... ونسيبهم قد 10 دقايق ..

نصفي بقى الدنيا دي كلها عشان ناخد الشوربة ونعمل بها الملوخية وطريقتها معروفة ... واهم حاجه نحط مع الملوخية شوية كسبرة ناشفة وحته توم بسيطة .. خلوا بالكم ده غير بتاع الطشه ..

وإحنا بنعمل الطشة وبنحمر الثوم نضيف عليه معلقه كزبرة ناشفه ونضيفها على الملوخية وما تنسوش الشهقه اللي هي كدهوت ( هوووووووووووووه .... هاااااااااه ... هييييييييييييييييييه ...... تعالي لي ياما )

ممكن بقى ناخد الجمبري ده نضيفه على الرز ... او نقطع عليه بصل وطماطم وحركات ونسويه شويه تاني وناكله جنب الملوخيه

وبالهنا والشفا

[حسام يوسف]

الف مبروك يا أبوعمر

الحقيقة بتفق معاك أوقات

وبختلف معاك اوقات

لكنى دايما بتابع كتاباتك

وبحبها

الى الأمام يا جناب الدوق

[rar]

"لماذا أدون حياتى فى يوميات؟ هل لأنها حياة هنيئة؟ كلا، إن صاحب الحياة الهنيئة لا يدونها، إنما يحياها.

إنى أعيش مع الجريمة فى أصفاد واحدة، إنها رفيقى وزوجى أطالع وجهها فى كل يوم، ولا أستطيع أن أحادثها على انفراد. هنا فى هذه اليوميات أملك الكلام عنها، وعن نفسى وعن الكائنات جميعاً.

أيتها الصفحات التى لم تنشر، ما أنت إلا نافذة مفتوحة أطلق منها حريتى فى ساعات الصيف!"

توفيق الحكيم، يوميات مشرف في الأرياف...

انا بقي "هأحياها"... دي عالم ضيعت عمرها في المنطق، و جايلنا احنا بقي...