مستشفى زايد العسكرى

[Clinical chemist]

يا جماعة انا سالت من يومين فى قسم مغتربى الامارات عن مستشفى زايد العسكرى .....ولا الهوا.....محدش دخل القسم من يومين اصلا :happy:

قلت افتح موضوع مستقل احسن :lol:

المهم انا عندى مقابلة للمستشفى وكنت عايز اعرف هل المرتبات عندهم نفس مرتبات حكومة ابوظبى ام لهم لائحة خاصة بهم, واذا كان حد عنده تفاصيل عن ظروف المستشفى بصفة عامة اكون شاكر جدا......على فكرة ممكن اتلقى الرد هنا او لو فى تفاصيل دقيقة يبقى على الخاص ياريت :lol:

[Clinical chemist]

ياه......77 مشاهدة بدون رد....يبدو ان الموضوع صعب :lol:

[EmanRasmy]

أستاذ clinical chemisist ... أنا كنت عايشه في الإمارات طول عمري و والدي و والدتي كانوا دكاتره في وزارة الصحه في أبوظبي .... ما عنديش فكره قوي عن العسكري ... بس أعرف إن مرتباتهم أعلى من الوزاره ... المشكله ان وزارة الصحه في الإمارات دلوقتي بقت مختلفه عن زمان.... بقى في حاجه اسمها هيئة الصحه في أبوظبي خاصه بها و هيئه لدبي خاصه بها ... و عشان تشتغل في مستشفى تابع لهيئة أبوظبي لازم يكون معاك ترخيص منها ... و الترخيص ده ما يمشيش في دبي .... و كل مستشفيات أبوظبي و العين تابعين لهيئة الصحه ما عدا المستشفيات الخاصه و بعض المستشفيات القليله..... المهم... ان طبع العمل في مستشفى عسكري هو شئ رائع من حيث المزايا و المرتبات....

أما بالنسبه لموضوع إن عدد قراءات موضوعك كتير من غير و لا رد... هو إن كل الناس اللي بتقرا فاكره انك عامل اعلان مثلا عن وظايف هناك... ولما يقروا يطلع مافيش حاجه من دي...

اعذرني إني ما عرفتش أفيدك لأني باشتغل دلوقتي في السعوديه في الصحه و جوزي في مستشفى عسكري و بصراحه ـعلى مرتبات في المملكه و كمان مميزات كتيره ...زي السكن و المواصلات

[Clinical chemist]

مدام ايمان ....متشكر لأهتمامك :sad:

ولكنى اعتقد ان وضع المستشفيات العسكرية بالسعودية مختلف عنها فى ابو ظبى حيث ان هناك لائحة توظيف موحدة للعاملين بحكومة ابوظبى وبالتالى اعتقد ان المرتبات ستكون متساوية فى اى مستشفى حكومى حتى لو كان عسكرى.....ولا كلامى مش مظبوط؟؟

[قطرة ندى]

أما بالنسبه لموضوع إن عدد قراءات موضوعك كتير من غير و لا رد... هو إن كل الناس اللي بتقرا فاكره انك عامل اعلان مثلا عن وظايف هناك... ولما يقروا يطلع مافيش حاجه من دي...

لا والله مش موضوع اعلان يعنى انا مثلا دخلت على اساس واحد مهندس عايز مساعدة

استغربت هو مستشفى زايد بتاخد مهندسين..قلت يمكن عايز طبابة فى مستشفى زايد...وبدل الاستفهامات دى الواحد بيدخل يشوف اذا كان يقدر يساعد ولا لأ

ايه اللى خلانى افكر كده لان الغالبية العظمى من المصريين اللى بيشتغلوا هنا مهندسين