من مطار فانكوفر لمطار فرانكفورت لمطار القاهره لمطار الرياض

[MZohairy]

بالمناسبه حضرتك انا عندى كومينت بسيط

يا نائح الطلح اشباه عوادينا نشجى لواديك ام ناسي لوادينا

وحضرتك دى قصيده تانيه مش فيها البيت التانى الى انت كتبته

وماادراك ما مومباى

هو انا عمري كتبت بيت شعر صح يا عم؟ md2:

انا شعري كله من النوع المختلط :lol:

ياريت تحكيلنا فعلا عن مطار بومباي لو سمحت

شكرا

[Dr.mmfriend]

مطار مومباى

اول اما الطياره تقرب من الارض بتشوف عشش وحوارى وموتوسيكلات و توكوتك هنا وهناك

تحس انك نازل مشوار شبرا او نازل مشوار لمكان معفن فى بلد معفنه

ما علينا

الظباط فى المطار شكلهم زي الى بييجوا فى الافلام الهندي بالظبط

تخين واسمرانى وبشنب وعامل نفسه زى الشرير الى بيطلع فى افلام اميتبتشان

المطار كان فاضي ورايق لانى وصلت الفجر كده

منسق ومنظم شويه صغيرين

كان فيه ناس بيسالوا عن انفلونزا الخنازير بس مجرد ورقه كده لا حراره ولا بتاع

المطار متوسط وفيه نت بس بكروت بفلوس

بس وانا راجع من الهند التفتيش كان شديد مش عارف ليه

والظابط مصمم انى عراقى

ههههههههه

اقوله ايوا انا عربى يقولى تبقي عراقى قلتله لا ايجيبشن

كانت رحله لذيذه

[goodfaith]

منظر القيشاني اللي معمول بيه صالة الانتظار في المطار كانت محسساني اني قاعد في حمام واسع شويه

بجد كله كوم ودي كوم موتتني من الضحك

انا أسوأ تجربة عشتها كانت في مطار اسكندرية كنت مهاجرة وبصراحة من اللي شفته مش ندمانة ابدا اني مرجعتش من يومها بل بالعكس كل ما افكر اني هانزل مصر اشيل هم المعاملة الوحشة والخدمات التعبانة والضغط النفسي

[maruoma]

يا ريت تفاصيل اكثر عن مطار جده يا جماعه؟؟

وكمان الاسكندريه؟؟

وبالنسبه لخطوط الطيران اللي من مصر للسعوديه ايه فيهم كويس وايه وحش

وموضوع الوزن كمان لو حد حصل معاه اي حاجه يا ريت يقول!!

[MZohairy]

يقال بأنهم بصدد انشاء مطار ضخم في جده ينافس مطار الملك فهد في الدمام و الله اعلم