الوزارات في مصر ...

[أسد]

علشان نكون متأكدين إن الوزارات في مصر بتمشي بالبركة..

وزيد زي عبيد .. ومفيش فرق .. غير في فرش المكاتب والعربيات الجديدة .. اللي بتتغير لما يتغير الوزير .. وجيش من السكرتارية والمساعدين والمستشارين ..

مضى أكثر من شهر ..

والوزارة بدون وزير ..

كانوا بيقولوا إنها وزارة مهمة .. وكبيرة وحيوية ..

وهي بالفعل ..

لكن هذا يثبت لكم أنها كانت ماشية بالبركة ..

والراجل لاكان متفرغ للوزارة ولا يحزنون ..

أمور محبطة وتجيب الإكتئاب ..

وآدينا قاعدين ومستنيين لما نشوف إيه اللي حيحصل ..

هذا يبرهن ويؤكد على أن هذا الوضع ليس فقط في وزارة النقل .. ولكن في الكثير من الوزارات العديدة .. والتي بفضل نظام الحكم في مصر .. والذي أقل مايوصف بالمتخلف ..

أصبح الوزراء في مصر عبارة عن موظفون .. يؤدون أعمالاً روتينية .. وينفذون سياسة وخطوات محسوبة عليهم وينفذون فقط تعليمات توجه إليهم ..

فيما ندر منهم نجده يضع سياسات .. أوخطط مبتكرة أو جديدة ..

طبعاً في مصر يوجد نظام بيروقراطي عتيق .. وقوي ومتماسكجداً ..يستطيع أن يصمد لفترة ..

ولكن مع تفشي الفساد الإداري .. بدون وجود القيادة المناسبة .. ينحدر ويتدهور المستوى ..

حتى أنه مع استمرار بعض الوزراء في مواقعهم لفترات طويلة جداً .. تجد أن تلك الوزارات قد نشأ فيها بؤر عميقة للفساد يصعب التحكم والسيطرة عليها ..

مثل ما حدث في وزارة الزراعة .. أو حتى وزارة النقل والمواصلات ... على سبيل المثال لا الحصر ..

السؤالالذي يجول بخاطري هنا ..

لماذا لم يتم تعيين وزير للنقل حتى الآن ؟؟؟

هل لا يوجد الشخص المناسب ؟؟

هل الوزارة كلها ستتغير أي أن هناك تعديل وزاري مرتقف .. وقالوا خليها مرة واحدة ؟؟

هل الرئيس متردد لتلك الدرجة .. أو هل رئيس الوزراء متردد لتلك الدرجة ..؟؟

لماذا تلك الدرجة من التعتيم على قرارات الدولة والتي تهم الناس ... ؟؟؟

ليه محدش فاهم حاجة ولا حد عارف حاجة .. ولا حد بيقول لنا حاجة ؟؟؟

لاسؤال الأخير أنا عارف إجابته ؟؟؟

لأننا غير مهمين بالنسبة لهم .. ولسنا في دائرة أولوياتهم ليتحدثوا إلينا

[myusername]

هما لسه مجابوش وزير لغاية دلوقتى؟ انا سمعت انهم كانوا هيستوردوا واحد من الصين.. بس بيقولك بتاع الصين ده طلع عنده زمة - تصدق, فغيروا رأيهم..

عموما.. احنا عارفين كويس انها ماشية بالبركة, و كمان ماشية بالمركزية. هى دى المشكلة.

و بعدين لو جه وزير هيعمل ايه يعنى؟ تفتكر هتفرق فى حاجة؟

اصل الحكومة فى مصر بتتغير.. لكن النظام واحد.. طبعا فيه وزرا معروفين انهم جزء من النظام و مبيتغروش بتغير الحكومات... الا بقى لما بيزودوها قوى زى الجدع بتاع الاسمدة المسرطنة ده.

[mamdowh]

مالها البركة ...............حد عنده اعتراض................. ربنا يخلى لنا البركة الكبير

[عصام]

للأسف أخى العزيز أسد ..

تلك النوعية من الموضوعات لن تحظى بأى ردود مفيدة .. لأنه ببساطة ليس لدى أحد ما يدلى به .. سوى الشكوى إلى الله أو نكتة ظريفة .. يصبر بيها نفسه ..

كان نفسى أكسر القاعدة دى واضيف حاجة .. لكن أعمل إيه ..

أنا تخصص نص الكوباية الفاضى انت عارف ..

تحياتى .. وربنا يصبرك ويصبرنا .. واصبر على جار السو .. يايرحل يا تجيله مصيبة تاخده ..

قول آمين

[doha]

عارف دي مسؤولية مين يااستاذ اسد ؟

مسؤولية كل واحد راح قال ( نعم ) وصوت لعضو مجلس شعب ميستاهلش الكرسي الي هو قاعد عليه ..

ناس صوتت عشان تضمن خدمات ( للدايرة ) او وظيفة لابنائها

وناس صوتت عشان مشيت ورا العواطف وقالت جماعة فلان اولى بيها من حزب علان ..

وآدي النتيجه ..

لو عندنا مجلس شعب بجد كان مفروض قضية زي دي من اولى اولوياته ..

وبرضه قانون زي قانون الضريبة العقارية الي نكد علينا كلنا مكانش المفروض يقر هو وامثاله لو ان عندنا واحد ..

لكن نقول ايه .. فاكرين عضو مجلس الشعب يجيب لهم موافقات من الوزراء وآدي النتيجه .. مش لاقيين حد يحاسب الوزراء ولا حتى يحاسب على غيابهم ..

للاسف هي مش ماشية بالبركه دي ماشية بقوة الجاذبية الارضية .. ولاننا نازلين من فوق اوي فللاسف قوة الارتطام ممكن متخليش فيها حد ..

ربنا يستر ..

[سكر]

الفايدة الوحيدة من الوضع الحالى ان البلد موفرة مرتب وبدلات الوزير

[Tafshan]

اجمل ما قرأت تعليقاً على هذا الموضوع كان للكاتب احمد رجب على ما اظن : "بعد نجاح تجربة وزارة النقل ببقائها بدون وزير و مع ذلك انخفضت نسبة حوادث القطارات .. تفكر الحكومه تعميم التجربه على باقى الوزارات "

انا مع عصام ..مافيش تعليق ايجابي على موضوع مالناش دخل فيه .. يعنى على رأي المثل الله جاب .. الله خذ .. الله عليه العوض

[أسد]

هذا يؤكد بالنظرية والبرهان والتطبيق العملي ..

إنه مفيش فايده ..

طول ما النظام الحالي موجود ..

أو سلفه ..

أو خلفه ..

أو أي حد حيخرج من عباءته ...

مفيش فايدة ..

ومن سئ إلى أسوأ ...

ومن نقرة إلى دحديره ..

مفيش فايده ..

بدون تغيير حقيقي وشامل ..

مفيش فايده ..

[Alshiekh]

عارف دي مسؤولية مين يااستاذ اسد ؟

مسؤولية كل واحد راح قال ( نعم ) وصوت لعضو مجلس شعب ميستاهلش الكرسي الي هو قاعد عليه ..

مين بس اللى قال نعم يامدام ضحى؟

نسبة التصويت كانت اقل من 15% ،

ربعهم لمرشحى الاخوان يعنى 3.5%

ونصفهم تزوير وبلطجة 7%

والربع الباقى بين المستقلين وباقى الاحزاب بما فيهم الوطنى. 3.5%

يعنى الحكومة بوزرائها ورئيسها كلهم على بعض حكومة غير شرعية وغير منتخبة

================================================

المشكلة الرئيسية هى ان وزرائنا مجرد موظفين بدرجة وزير

ومحافطينا مجرد موظفين بدرجة محافظ

ليس من بينهم سياسى حقيقى

[أسد]

علشان نعرف نفسية الراجل اللي حاكمنا ..

بيحب يشوف إليه اللي بينكد على الناس ويعمله ..

يقوم يجيب وزير للتعليم ابن أفظع وزير داخلية جه في مصر في القرن الماضي

ومجرد ذكر إسمه يخلي الواحد يتعكنن

يقوم يعمل إيه ..

ينكد على الناس كلها ويجيب لهم واحد يفكرهم باللي فات

مش عارفين إيه المبرر في اختيار الناس دي ..

الوزير التاني .. الثاني من البريد للنقل ..

مش فاهم ازاي ..

ده على اعتبار انهم بينقلوا البوسطة .. عن طريق السكة الحديد .. فتكون هي دي العلاقة ..

ومحافظين .. بعضهم قرأت مديح له مثل محافظ بني سويف ومحافظ مطروح ..

يقوم يغيرهم ..

الظاهر .. إن العملية عند ..