القاهره شرم الشيخ .. خواطر

[فــيــروز]

ربما لم استطع ان اكتب عن رحلة شرم الشيخ التى قمت بها مؤخرا لانها لم تكن المره الاولى لى لزيارتها !! وربما لانى لم اسعد بها كما تمنيت او لان مشاكلها كانت اكبر من متعها فضاعت المتعه ولم يبق سوى بعض الخواطر التى طافت بذهنى خلال الرحله وفكرت ان اشارككم فيها ..

[فــيــروز]

علبة تونه وباكو شاى

كنت قد اخبرت الاخ العزيز س.س. عن الرحله وحين ارسل لى رساله يتمنى لنا سلامة الوصول اضاف "ماتنسوش تاخدوا البلوبيف و السلامون" وربما اعتقد ان الامر لن يعدو ان يكون مزحه ولكنه حقيقى

فى كل مره نسافر حتى ولو الى الاسكندريه لابد ان تكون حقائبنا مثقله بملابس ربما لا نرتديها وطعام قد لا يسعفنا الوقت لتناوله !! حتى انى ارى السفر بدون حقائب او بعدد اقل و وزن اخف من الحقائب حلما بعيد المنال !! على الاقل اذا كان السفر فى رحله عائليه !! وقد تكون امى محقه بعض الشئ فى رغبتها فى توفير بعض الراحه لنا اذا نظرنا الى تكلفة تناول وجبة غداء او شرب كوب من الشاى فى اى مكان سياحى بشرم الشيخ !! وفى الحقيقه لا اريد ان اتجنى على اصحاب هذه الاماكن السياحيه فاغلب الظن انهم يستاجرون الارض التى يقام عليها المشروع باسعار فلكيه لابد من تعويضها قبل ان ينتهى الموسم السياحى المتارجح على مخاوف بضرب السياحه لكونها مصدرا للدخل القومى لا يعرف للاستقرار طريقا .. للاسف الشديد

ولكنى لا استطيع ان اقاوم الرغبه فى التفكير فى السبب وراء اصطحابنا لهذا العدد الهائل من الحقائب ونحن لن نقضى بالمدينه سوى اربعة ايام !! واذا كانت الرغبه فى ارتداء ملابس نظيفه كل يوم مع عدم امكانية غسيل الملابس المستعمله هى السبب حين ذهبنا الى شرم الشيخ فيا ترى ما هو السبب فى اصطحابنا لنفس عدد الحقائب ونحن ذاهبون الى الاسكندريه فى شقه نملكها ويمكننا تنظيف ثيابنا فيها بكل بساطه !!

[فــيــروز]

بسلامته .. عضو نقابه

الرحله كانت منظمه عن طريق نقابة التجاريين وامى عضو بها .. وكان المفترض ان تتحرك فى تمام الخامسه صباح يوم الاثنين من المكان المتفق عليه .. والحقيقه ليست هذه اول مره اذهب الى رحله مع نقابه من النقابات !! ذهبت لرحله اخرى مع نقابة المهندسين من عامين تقريبا وذهبت لشرم الشيخ مره سابقه مع نقابة التجاريين ومع نفس الاشخاص الذين نظموا هذه الرحله الاخيره

لا ادرى ما هى الصلاحيات التى يتمتع بها عضو النقابه فى مكان العمل الذى تعمل به امى حتى يتعامل مع الناس بهذه الفوقيه المقرفه المثيره للغثيان !! فهو ينظم المسافرين تبعا لدرجة قربهم الى نفسه وتبعا لوضعهم فى الشركه التى يعملون بها وهو يتعامل معنا كاننا ذاهبون الى رحله دفع هو تكلفتها من جيبه رغم ان العكس تماما هو الصحيح .. فاعضاء النقابه يزيد عددهم على اربعة اشخاص لا ادرى ما الحاجه لوجودهم بل ان احدهم اصطحب زوجته بما يعنى توفير حجره خاصه لهما بعيدا عن باقى زملائه !! وهم جميعا لا يقدمون اى خدمه للمسافرين بل يزيدوا حياة البعض منهم -انا على سبيل المثال- صعوبة و عناء حتى انى امضيت وقتا طويلا خلال الرحله اردد هذه الجمله فى سرى "I hate this country" وهم فى النهايه ذاهبون على نفقتنا نحن باعتبارهم منظمو الرحله !! فكيف يتخيل هذا الكائن انه افضل من اى منا !!

ما ضايقنى اكثر ان امى كانت تطلب منا عدم التعليق على اى شئ لا يعجبنا !! رغم ان هذه لم تكن طبيعتها على الاطلاق وهذا ما يضايقنى اكثر وجعلنى اتساءل .. ترى ما الذى غيرها؟ هل احساسها ان "مفيش فايده"؟ ام هى لا تريد مشاكل رغم انها قاربت سن المعاش وكل هؤلاء النقابيين لا يمثلون بالنسبة لها اى شئ !! امى منذ زمن كانت شخصيه ثائره لا تقبل الاوضاع المائله وربما كان هذا سببا فى تاخرها فى الترقى بالوظيفه رغم احقيتها التامه فما الذى جرى لها !! ما الذى غيرها؟ سؤال لم استطع ان اصارحها به حتى لا تحزن ..

[فــيــروز]

تشجيع القطاع العام !!

وصلنا لموقع تحرك الرحله فى تمام الرابعه و الثلث !! وجدنا اتوبيسا فخما ينتظر وحين سالنا هل هو تابع لرحلتنا اجاب السائق نعم ولكن .. لابد من الانتظار لان هذا الاتوبيس مخصص لعشرين راكب فقط "الرحله عددها سبعين" !! وباقى السبعين راكب عليهم انتظار اتوبيس آخر !!

لم يكن من الصعب توقع ان هذا الاتوبيس الفخم من نصيب المحظوظين من النواب و اعضاء مجلس الاداره المفضلين لدى النقابى المحترم منظم الرحله !! وصح توقعى للاسف .. وتحرك الاتوبيس بالمحظوظين الذين جاء اسمهم فى الكشف الاول و غيرهم ممن استطاعوا ملاطفة عضو النقابه ليسمح لهم بالركوب خرقا للنظام الذى اصر على تطبيقه على الباقين ممن ينظررون اليه شذرا امثالنا بعد ان اخترق البرد عظامنا من الرابعه حتى السابعه صباحا ونحن ننتظر الاتوبيس الآخر الذى لم يات سوى فى السابعه و ثلاث دقائق !!

اتوبيس متهالك لا يمكن ان يذهب لابعد من طنطا مع التفاؤل ومن شركه قطاع عام !! ولم يكن من الممكن بعد الحاله السيئه التى وصلنا اليها نحن ركاب الترسو ان نعترض .. فالسائق يتحجج بوجود حادث على الطريق اخره كل هذا الوقت وعضو النقابه لا يهمه فى كثير او قليل غضبنا بل انه يرى انه وحيد عصره و اوانه لانه ومجر فى وجه السائق لدى وصوله وكاد يشتبك معه فى خناقة مرصعه بما لذ وطاب من الالفاظ البذيئه !!

بالامس ونحن فى طريق العوده كانت امى تبدى استياءها لاحد الزملاء فى الرحله الذى اجابها موضحا ان هناك لائحه تجبر النقابه على التعامل مع شركات القطاع العام واستئجار الاتوبيسات منها تشجيعا له !! رغم انى لم استطع ان اهضم هذه الادعاءات لان الاتوبيس الاول لم يكن تابعا لشركة قطاع عام اصلا وكذلك الاتوبيسات التى عدنا فيها !!

الاكثر اثاره فى الامر ان الزميل يطالب امى بعدم الغضب لان هذا هو الواقع الآن !! و الحياه اصبحت مصالح وهذه هى قواعد اللعبه مؤخرا !! وكما قلت سابقا طوال هذه الرحله شعرت انى تلقيت ضربه قويه على راسى افقفدتنى القدره بل و الرغبه فى الكلام اصلا ..

[Farida]

على فكره يا فيروز اللى بتقوليه بينطبق على كل نواحى حياتنا و هى تحكم فرد و ما يقوم به من مخالفات و سكوت الكثيرين ممن يرون الخطا و يسكتون عنه و المصيبه انهم كلهم رافضين لكن لو واحد اتشملل و صارح الشخص الخاطئ ده تلاقي اللى حواليه سكتوا و اصبح هو فقط اللى بيتكلم و هو فقط اللى رافض ..... المشكله فينا احنا مش عارفين نتجمع و ناخد حقنا ...... الفساد و الخطأ بقى اكبر من اى مقاومه

[الأفوكاتو]

إن ما تشعرين به الآن يا أخت فيروز هو ما يقال عنه: الإكتشاف من الداخل.

و صدق المثل القائل:

اللى إيده فى النار.... مش زى اللى إيده فى المية.

و رحلة شرم الشيخ وضعت يدك فى النار.

حمد الله بسلامة عودتك,

و علقة تفوت,و لا حد يموت

[فــيــروز]

الحقيقه يا فريده يبدو انى لم اتعامل مع الناس الحقيقيين من زمن !!

اقصد يعنى انى لم اتصور ان الفساد صار مقبولا حتى ممن يتضررون منه و يعتبرونه امرا واقعا !! شئ مؤلم جدا وبجد حسيت انى راجعه من الرحله وانا مريضه بشئ مش عارفه ايه هو ..

استاذنا الافوكاتو

يا ترى حضرتك تقصد انى اكتشفت الناس ولا اكتشفت روحى من الداخل

انا كنت متخيله انى ايدى بالفعل فى النار من قراءاتى فى الجرايد ومن مناقشاتنا فى المنتدى لكن الواقع يسوء بسرعه وبصوره مخيفه ومفجعه ..

[فــيــروز]

لاقينى ولا تغدينى

وصلنا الى الفندق .. يقع على مساحه متسعه للغايه ما شاء الله .. كان الاتوبيس الاول قد وصل قبلنا بساعه تقريبا وركابه لايزالوا فى انتظار الحصول على مفاتيح غرفهم !! وعند مكتب الاستقبال وجدت احد اعضاء النقابه المحترمين .. فكرت ان اجرب حظى معه فسالته ترى كيف سنحصل على مفاتيح الغرف !! وبكل ذوق ادار ظهره الى ولم يرد .. وبالطبع كدت انفجر من الغيظ .. ليس منه ولكن من نفسى لانى فكرت ان اساله وعليه استدرت لموظف الاستقبال لاساله عن الحجرات المحجوزه باسم امى !! هنا فقط تذكر عضو النقابه انى موجوده فالتفت الى قائلا : الم اقل لك انتظرى حتى احصل على مفاتيح غرف فلان بيه !! وبصعوبه سيطرت على اعصابى وقلت له انت لم تجب على سؤالى اصلا !! وشعر موظف الاستقبال بتوتر الموقف فاخذ منى الاسم !! وحتى هذا لم يعجب النقابى المحترم الذى حاول ان يحصل للبيه الذى قدم بعدنا على مفاتيحه اولا ثم مفاتيح الهانم الفلانيه و الاسره العلانيه !!

وضاعت على فرصة تصوير قتيل فى الاستقبال بسبب ذوق موظف الاستقبال الذى اصر على اعطائنا مفاتيحنا اولا قبل الباشا المتبرم !! ربما كان افضل ما فى الرحله جميع العاملين بالفندق بلا استثناء و لطفهم فى التعامل معنا على عكس بعض الفنادق الاخرى التى شاء الحظ ان اقيم فيها رغم انها من المفترض من ذوات النجوم الكثيره !! لدرجة ان بعض السياح طلبوا التصوير مع العاملين فى المطعم وتبادلوا معهم الوداع الحار فى صوره شعرت معها بالفخر و السعاده الحقيقه .. لم اشعر هناك انه ينبغى ان انزل فى الفندق بجواز سفر اجنبى حتى احصل على معامله محترمه !! بالعكس شعرت بسعادتهم بنا كمصريين فى الفندق على سبيل التغيير !! اخيرا بارقة امل

[ragab2]

هذه

كلمات من القلب تصف الداء وأمراض المجتمع المصرى

وتشبه مذكرات الجبرتى فى وصف مصر أيام الطغيان

حمد الله على السلامة

[Masrawy Abroad]

انتي شوقتينا نعرف اسم الفندق ايه ويا ترى جاتلك فرصة وخدتي فكرة عن أسعاره؟

[sos]

ما ضايقنى اكثر ان امى كانت تطلب منا عدم التعليق على اى شئ لا يعجبنا !! رغم ان هذه لم تكن طبيعتها على الاطلاق وهذا ما يضايقنى اكثر وجعلنى اتساءل .. ترى ما الذى غيرها؟ هل احساسها ان "مفيش فايده"؟ ام هى لا تريد مشاكل رغم انها قاربت سن المعاش وكل هؤلاء النقابيين لا يمثلون بالنسبة لها اى شئ !! امى منذ زمن كانت شخصيه ثائره لا تقبل الاوضاع المائله وربما كان هذا سببا فى تاخرها فى الترقى بالوظيفه رغم احقيتها التامه فما الذى جرى لها !! ما الذى غيرها؟ سؤال لم استطع ان اصارحها به حتى لا تحزن ..

اولا....حمد لله على سلامة الوصول

والدتك لم تتغير

اكتسبت خبرة السنين

والاهم انت واخوتك....اصبحتى وربما غيرك من اخوتك فى سن الزواج

فى هذا التجمع....ماذا سيكون رد فعل الناس....اذا عملتى او عملتم مشكلة...سيقال انكم بتوع مشاكل...معذرة فى اللفظ

يا فيروز الدنيا اصغر مما تتخيلى....بشكل انه لو حصل معكم مشكلة....سيظن انكم من فعلها...وسيعلم بها...من لا تتوقعى انه ممكن ان يعلم بها...كيف...كل او اغلب من فى الرحلة..فى نفس مجال عمل والدتك....وهذ يكفى

والدتك...تقدر الامور بحق

هاحكى لك مثل....لا اقصد منه الا توضيح ما قلت...ارجو لا تسيئى فهمه

يقال ان بنت السلطان عضها جمل....فأصدر السلطان فرمان بذبح جميع الجمال

وجد حمار يجرى هاربا....قيل له ان الفرمان بشأن الجمال....لا تخف

فرد الحمار.....حلنى على ما يعرفوا انى حمار

تبعا فهمتى...ان ده مش من حمير حديقة الحيوان

[Salwa]

يـاه....

حمدلله على السلامة يافيروز...

وهى دى بلدنا ...........للأسف.

على فكرة انا كتبت رد تانى .....وبعدين مسحته ..

قلت اكيد لو حد شاف الرد ده ...اسمى حايكون // فى البلاك ليست //..

قدرنا يافيروز ....والدتك بتحبكم ....ومش عاوزة مشاكل ..وفعلا هى عرفت واتأكدت ان مفيش فايدة ..حاتحاسبى مين والا مين والا مين ...

مرة تانية حمدلله على السلامة .

سلامى.

[فــيــروز]

الجبرتى مره واحده يا دكتور رجب

ربنا يكرمك يا رب

الاخ مصراوى ابرود

اسم الفندق جميل خالص :blink: اسمه غزاله و اعتقد انه اربع نجوم .. انا كنت نزلت قبل كده فى شيراتون المنتزه و اعتقد انه خمس نجوم لكن الحقيقه انا ماحسيتش ان فيه فرق خصوصا انى ماعرفش عدد النجوم بيتحدد بناء على ايه

فيه ناس كانوا نازلين فى الفندق بس مش مع مجموعه بيقولوا ان الغرفه فى الليله كان سعرها 400 جنيه و هما خدوا تخفيض وبقت 370

الحقيقه انا احرجت اسال الناس عن اسعار الاقامه بتاعتهم بس سمعت الاسعار دى صدفة يعنى

الاخ SOS

شكرا جزيلا الله يسلمك :blink:

يعنى امى ممكن تكون اتغيرت خلال تلات اربع سنين بس !! طيب و عمرها كله اللى عاشته بطبيعه مختلفه وطريقه اخرى راح فين !!

يمكن يكون رايك صحيح بخصوص خوفها من ان يقال اننا بتوع مشاكل .. قصدى يعنى ان اعتراضاتها السابقه على الاوضاع المائله عمرنا ما كنا بنبقى حاضرين فيها .. كل واحد بيمارس اعتراضه فى مكان عمله وبس وبمعزل عن الباقين .. وطبعا الناس لن تتفهم ان نعترض نحن وهناك رجال كبار و محترمين واقفين مستانسين ومش طالع لهم حس !! شكلنا احنا ساعتها اللى هيبقى مش حلو مش هما

مدام سلوى :) الله يسلمك يا رب

الحقيقه

انا عارفه ان دى بلدنا لكن لو لم نعترض الامور ستسوء زياده

بس انا حبيت اوضح شعورى بالصدمه .. خفت احسن تكون امى عجزت وده سبب استسلامها الغير معتاد بالنسبه لى .. حسيت ان فيه حاجه غلط مش مخليانى اعرف اركز

[الأفوكاتو]

إقتباس

استاذنا الافوكاتو

يا ترى حضرتك تقصد انى اكتشفت الناس ولا اكتشفت روحى من الداخل

انا كنت متخيله انى ايدى بالفعل فى النار من قراءاتى فى الجرايد ومن مناقشاتنا فى المنتدى لكن الواقع يسوء بسرعه وبصوره مخيفه ومفجعه ..

العزيزة فيروز

كان قصدى إكتشاف الناس و الواقع الإجتماعى, عن طريق المعايشة, و الإندماج, و ليس عن طريق ما نقرأه فى الصحف, او ما نراه على شاشات التليفزيون.

أى الوصول الى " قلب" الحقيقة

تحياتى

[afiona]

حمد الله على السلامة............

رغم ان هذه لم تكن طبيعتها على الاطلاق وهذا ما يضايقنى اكثر وجعلنى اتساءل .. ترى ما الذى غيرها؟ هل احساسها ان "مفيش فايده"

أيوه مفيش فايدة...

الاكثر اثاره فى الامر ان الزميل يطالب امى بعدم الغضب لان هذا هو الواقع الآن !! و الحياه اصبحت مصالح وهذه هى قواعد اللعبه مؤخرا !!

كلام الزميل صح وعين العقل وبيقطر حكمة...

يا تلعب وفقا لقواعد اللعبة يا طريقك زراعى...

الحقيقه يا فريده يبدو انى لم اتعامل مع الناس الحقيقيين من زمن يعنى انى لم اتصور ان الفساد صار مقبولا حتى ممن يتضررون منه و يعتبرونه امرا واقعا !!

حمد الله على السلامة.............

Take it easy و بصى للجانب المشرق للحياة....

عقلى الباطن: يوم ورا يوم تثبت أهمية التحشيش والأفينة فى تغييب العقل وتبلد الأحاسيس وإلا كان الواحد طق......

تم تعديل 31 يناير 2004 بواسطة afiona

[wa7d]

ممكن أسأل سؤال يمكن يظهر أنه لاعلاقة له بالموضوع ولكن هو فيه علاقة .

إذا قامت مجموعة برحلة ( إلى أى مكان مش مهم ) ماذا وكيف يقضون وقت رحلتهم وكيف يسلون أنفسهم ويتمتعون بالرحلة . لقد كانت لى تجربة شخصية عند زيارة لمصر وذهبت فى رحلة إلى شاطئ ما على البحر الاحمر فى سيناء . وكانت سيناء فى مرحلة التكوين . الذى حدث أننى وجدت خيم مقفلة وكل عائلة أخذت خيمة مقفولة . وتم قضاء اليوم الذى كان فى رأيى ممل جدا .

النقطة التى أريد أن أوضحها هى إذا إنعزلت المجموعة وأصبحت كل عائلة فى حاجز منعزل . سوف لا يكون فيه أى تجمع قوى مترابط يخيف أى أحد . بل العكس هم فى وضع ضعف شديد . بالطبع لو شعر أى منظم لرحلة أن الناس متصلين ببعض وتكونت رابطة إجتماعية بين الأفراد سوف يخشاهم ، وسوف تكون كلمتهم قوية ومسموعة .

لماذا أصبح المصرييون كيانات منعزلة وقد تكون متنافرة ( ربما ) . أرجو ألا تكون التجربة التى مررت بها لا تمثل إتجاه عام وتكون هى حالة نادرة .

[فــيــروز]

معاك حق يا استاذ افوكاتو

يبدو ان الواقع غير ما نقراه فى الجرائد او نسمع عنه فى المنتديات

افيونه

مش عارفه ليه حاسه ان حالتك المعنويه مضمحله شويتين !!

الخروف طلع معضم؟ معلش حصل خير المهم النيه ..

السوق نايم و الناس بطلت تشترى صنف؟ معلش انت عارف ان هذه ايام مفترجه وربنا يهدى الناس اجمعين ..

مش هاناقشك فى اهمية التحشيش و الافينه عشان ربنا ما يجعلنا من قطاعين الارزاق .. بس اصل المشكله انى مالحقتش اشترى قبل السفر وخفت اتقفش بيه هناك فاضطريت اروح وانا محتفظه بكامل قواى العقليه .. توبه من دى النوبه

نيجى لسؤال الاخ واحد

فيه حاجه من اتنين

تكون طالع الرحله وانت عارف ان لها برنامج معين مقرره منظم الرحله وده كان الحال فى المرتين اللى رحت شرم فيهم قبل المره الاخيره

او انك تكون عارف حد فى المنطقه اللى انت رايحها ممكن يساعدك فى تنظيم الرحله وقد تكون انت شخصيا عارف فتصرف امورك بنفسك

فى الرحله الاخيره لم يكن هناك برنامج من الاصل .. لكن الفندق به حاجه اسمها Hot Spot كانت بتنظم رحلات الى معالم المنطقه .. سفارى ورحلات لسانت كاترين و راس محمد ودهب و غيرها من معالم المنطقه .. بس طريقة عرضهم للرحله تسد النفس الصراحه .. للاسف الشديد فى اليوم الاخير للسفر لقينا شركه اخرى بتوزع اعلانات جذابه جدا لمعالم اكثر و باسعار اقل وطريقة الاعلان جميله جدا تحسسك انك عاوز تروح الرحله فى التو و اللحظه

المشكله ان معظم الرحله مكونه من اسر غاية ما تريده ان ينزل الاطفال الى البحر وخلاص .. هو ده اقصى ترفيه ممكن يعملوه بالاضافه لركوب ال Glass Boat اللى هو مش وحش فى حد ذاته لكنه غير كافى كترفيه .. وطبعا اما تبقى رايح مع مامتك هتفضل تقول لك "سفارى ايه احسن حاجه تطلع علينا فى الصحرا ومش عارف مين حصل له ايه وبيتش باجى ايه اللى اركبه على آخر الزمن" فنفسك تنسد و تقول فين القاهره عاوزين نرجع ياهوووووووه

طبعا انا باهرج لانه ممكن الواحد يروح الرحلات دى لوحده ويستمتع بيها لكن ضيق الوقت لم يساعدنا ورخامة المشرفين ضيعت بهجة الرحله

من حيث انضمام العائلات معا لها اكثر من تبعه : اولا انك تمر على كل اسره وتشرح لهم النشاط المقترح ومش بعيد يكون رد فعلهم زى رد فعل مامتك "مامتى انا يعنى" .. او يقولوا ماشى عاوزين نروح و تانى يوم الصبح تلاقيهم غيروا رايهم بعد ما تكون حجزت وعملت حسابك !! او يكونوا مش عاوزين يروحوا حاجه زى دى لانهم راحوا قبل كده !! فالحل انك تدور على الشباب الفاقدين اللى فيهم امل و تنسق معاهم .. ده درس اتعلمته بردو آخر يوم ..

[Sherief AbdelWahab]

معجب جدا بخواطر فيروزة المنتدى..كنت ناوي أكتب خواطر مماثلة عن مغامراتي في قاهرة المعز لكن للأسف زياراتي قليلة جدا لها..

كل سنة و أنتم جميعا بألف خير..

خلص الكلام

[se_ Elsyed]

حمد الله عالسلامه يا فيروز يابنتي ..

طب واخبار الناس بتوعنا أيه في الرحلة .. إوعي يكونوا طلعوا بومبه ولا أيه ؟ والله أزعل قوي وأزعلهم كمان .. انا عامة لسة ماكلمتهمش .. مستني أسمع منك الاول..

[فــيــروز]

الحقيقه يا س.س. اما كلمت الجماعه لقيتهم مسافرين القاهره تانى يوم :)

قلت خلاص بقى اتصرف انا عشان ماعملش دوشه و قلق

وشكرتهم الحقيقه لانهم عرضوا طبعا المساعده بس الوقت كان ضيق شويه و على فكره :D اندهشوا خالص اما لقونى عارفه موضوع اوشين rs: وبيسلموا عليك كتير :o

حمدلله على سلامتك يا ريس .. وربنا يطمنك على اخيك ان شاء الله و يجعله فى ميزان حسناتكما