بيت الحكومة

[ابو حودة]

كنت فاضي وعمال اقلب على قنوات التليفزيون

لقيت قناة بتعرض مسرحية كوميدية كويتية بطولة انتصار الشراح

(مرشحة نفسها في الانتخابات وبتعرض برنامجها للحكومة ( الكويتية

لان البيت الحكومي فقط اربعمائة متر وبتقول

احنا برضه ولاد ناس ليه تضيقوها علينا

الصحراء واسعة خلوها 1000 متر

ربنا يوسعها عليكم

قفلت القناة وفكرت اننا احنا برضه عندنا صحراء لكن البهاوات بتوعنا عاملين الشقة 56 متر

والله وكمان سمعت ان فيه شقق 36 متر

وكمان الاراضي الصحراوية التي يتم بيعها بنظام القرعة لان عدد المتقدمين يفوق كثيرا عدد الاراضي المتاحة

والموضوع المثبت على هذا المنتدى شاهد على ذلك

جعلني اتساءل هو احنا برضه مش ولاد ناس

ايه رأيكم دام فضلكم

[se_ Elsyed]

إنت بتتكلم في ايه يابو جوده ؟

طول ما الريس بيطبل والمنافقين بيزمروا يبقى على الدنيا السلام

حضرتك من كام سنة الأخ الرئيس القائد كان بيفتتح مشروع إسكان شقق الشباب من بتاع مبارك ده .. أبو 63 متر

فبيسأل محمد إبراهيم سليمان وزير الأسكان وبيقول له : بس مش 63 م مساحه صغيره على شقة يا سي محمد أفندي ؟

تخيل قال له إيه ؟

- قال له أبداً يا ريس ... ده في بلاد بره شقق الشباب بتبقى 30 متر

عارف

عندي برنامج إسمه ثري دي فلور ... تصميم كده على قدي ...

فضلت يا ريس أجيب الحوائط شمال ... والحمام على جنب .. وأخبي المطبخ تحت السرير إنها تظبط معايا وأعرف إزاي ممكن تبقى شقة بمنافعها 30 متر ... ما عرفتش بصراحه إلا لو كانت أوضه من غير حمام ولا مطبخ ولا حوائط ولا سقف .

وراح فاتح عالرابع معالي الوزير وقايل له : وبعدين دي شقق شباب بيبدأ حياته يا ريس ... ولما يخلفوا أولاد بالتأكيد هايغيروها

.. أصل بيقول لك يابو جوده إن في دراسات إتعملت ولقوا الشباب بيغير شقته صيفاً وشتاءً عشان تتلائم مع الطقس ...

يعني في الصيف الواحد يقوم ضارب الشورت والفالنه الكت وطالع على شقة مارينا ..

في الشتا والبرد يروح مديها البالطو الفورير وشادد على أسوان ..

في الخريف والربيع والخماسين ... يطلع على شقته في منشية ناصر تحت صخرة المقطم

[om marawan]

فضلت يا ريس أجيب الحوائط شمال ... والحمام على جنب .. وأخبي المطبخ تحت السرير إنها تظبط معايا وأعرف إزاي ممكن تبقى شقة بمنافعها 30 متر ... ما عرفتش بصراحه إلا لو كانت أوضه من غير حمام ولا مطبخ ولا حوائط ولا سقف .

هو ياريس بيكون فعلا ستوديو ببارتيشينز (فواصل )

حضرتك مشوار صغير لحد ايكيا هتلاقى فعلا عاملين تصميم وكاتبين عليه تفضل فى منزلى واحد اعتقد 35 متر والتانى مش فاكرة كام

هتلاقى الموضوع مزنق شويتين يعنى حمام متر فى متر لكنه منظم وشكله رائع وهيعجب حضرتك

طبعا لان ايكيا بتتباهى باسلوب التقسيم واستغلال المساحات فى التوزيع والتخزين فالتصميمات دى دعاية لهم

عموما اهم ادوا الشباب 65 يقسموهم 35 متر للصيف فى مارينا

و30 للشتا فى اسوان عشان فى الشتا نحب الشقة تكون ملمومة

( وش محمد صبحى فى الهمجى اقفلى الشباك ياحورية احسن حد م الجيران بيتنفس )