هل سب الدين هو حل العشوائيات ؟

[miramikhail]

نا مش بنقي الطماطم يا باشمهندسة

و بالمناسبة انا بتكلم كــ مقاول قبل ما اكون مشتري

يعني تهمني فلوسي قبل معالي الوزير و قبل ما المنظر بيضايق حضراتكم

و اخيرا

اصحاب الابراج العاجية لا يستطيعوا التعامل مع انفسهم قبل التعامل مع مشكلات الاخرين

معلش سورى أنا مش فاهمة أية علاقة الطماطم بالموضوع السطر الأول ده مش بتاعى أنا برد عليه فقط و بعدين أنا مش فى برج عاجى ولا حاجة بالعكس أنا اللى شايفة أن الحكومة هى اللى لازم تتحرك و ما تسمحش بالعشوائيات و طبعا مش ترمى الناس فى الشارع تعمل شقق زى زمان لمحدودى الدخل و متوسطى الدخل و بلاش كمان لمعدومى الدخل بس مش تبيعها زى ما باعت أرض القاهرة الجديدة و الشروق

تم تعديل 2 يناير 2010 بواسطة miramikhail

[عصام أبوالفتح]

اعتذر للباشمهندسة ميرا ميخائيل لان الاسم اختلط على وخاطبتها على انها محاور وليست محاورة

قد يكون ذلك سبب سوء تفاهم بين الاخ ياسر وبينها .. خصوصا ان الاقتباس كان غير دقيق

-----------------------------------------------

ولا زلت انتظر اجابات الاخوة والاخوات على هذا السؤال

هل لك اى علاقة بالعشوائيات ؟

الاجابات :

1- لا توجد اى علاقة لى بها

2- اسكن فى احدى المناطق العشوائية

3- تملكت او ورثت قطعة ارض وبنيتها بدون رخصة

4- عملت كمقاول او لدى مقاول فى بناء احد الابنية بالعشوائيات - بدون رخصة او بمخالفات للقانون 109 .

5- اشتريت شقة فى احدى المناطق العشوائية

6- سكنت ايجار قديم او جديد فى احدى المناطق العشوائية

7- كنت ضمن الجهاز الحكومى المشرف على المنطقة - حى - مكتب تراخيص - وزارة المياه او الكهرباء او التليفونات

--------------------------------------------------

اخى الباشمهندس ياسر .. لا شتيمه ولا غيره .. كل مافى الامر اننى احسست انك تدافع بلغة مقاول شارك فى هذا الموضوع ولهذا طرحت السؤال السابق وقد اجبت انت عليه بشكل غير مباشر واتضح فعلا انك تتكلم كمقاول .. لكنها اجابة ناقصة .. وانت تعلم ما ينقصها

[Tafshan]

اسمحولى في شوية الرغى اللى ح اقولهم دول :happy:

احنا هنا عايزين نفرق بين حالتين : الفساد و الافساد ..

الاول سهل : لاقينا فاسد .. يأخذ بالجزمه .. خلاص خلصت المشكله ..

الثانى صعب جداً جداً جداً ..

تفاصيل ...

انا مهندس معايا فلوس و عايز ابنى عماره .. يعنى ح اشترى ارض .. استنى القرعه ؟؟ موت يا .. اشترى ارض مرخصه ؟؟ مافيش او غاليه قوى .. و لو حصل و اشتريتها يبقى فتحت على نفسي بوابة جهنم .. يأمه ح ادفع اكراميات عشان امشى نفسي يأمه ح اعمل شريف و عمرى ما ح اشوف الترخيص في حياتى و لا حياة اولادى .. طيب يبقى اللى بيتعامل في السليم برضوا لازم يمشى غلط ..

طيب الحل الثالث : اشترى ارض كلها مبانى لكن ترخيصها زراعى .. يعنى منطقه عشوائيه .. و ابنى العماره و اسكِنها و اسرق ماء و صرف و كهرباء و برضوا ادفع رشاوى و يمشى الموضوع ..

يعنى من الاخر عشان افضل حاسس انى شريف و نظيف و مش باعمل حاجه حرام لازم اسيب البلد و امشى .. مش كده و لا ايه ؟؟

النظام في مصر مش بس بقى فاسد .. ده بقى كمان بيطلب من المتعامل معاه يبقى فاسد عشان يقدر يأكل عيش .. الموضوع ما لوش دعوه بالجهل او السرقه .. ده بقى عرف اجتماعى سائد .. عيني عينك بيطلب منك شاى و دخان و بتقبل كده عن طيب خاطر في كل معاملاتك اليوميه ..

الفساد في مصر بقى عامل زي السرطان .. محتاج مش بس لاستأصال للفاسدين .. ده كمان محتاج لكيموسيربي عشان ترجع الدنيا زي ما هى .. و ده لازم يبقى ببطأ و بحكمه .. يأمه ح نلاقى نفسنا فى انقلاب جديد يرجعنا تانى للصفر ...

طيب ..نرجع تانى للعشوائيات ..

هل تأهيل العشوائيات معناه نكفى على الخبر ماجور ؟؟

نرغى تانى ..

هل قرار ان الاراضى اللصيقه للقاهره انها تفضل زراعيه اساساً قرار صح ؟؟ طب و النمو الطبيعي للمدينه نعمل فيه ايه ؟؟ و بعدين هل القاهره تسمح اصلاً بقيام نشاط زراعى ؟؟ و بعدين ايه المنتج الزراعى اللى بتنتجه القاهره ؟؟ هو مش معنى كلامى ان الزراعه في القاهرة اساساً عشوائيه ؟؟

عشان نصلح المنظومه ح نلاقى نفسنا في لفه طويله عريضه عامله زي البيضه و الفرخه ..

بالنسبه لمقترح عصام ح ارد عليه بكلمه واحده : التكلفه ..

اولاً : الهدم و البناء عمليه مكلفه جداً و بالتالى وضعها في ميزانيه ما ح يكون السبب في تأجيل المشروع الى اجل غير مسمى .. بالمقارنه هدم بعض المبانى في منطقه عشوائيه بغرض تأهيلها بمعنى انشاء طرق و مستشفى و مدرسه و خلافه و الابقاء على الباقى سيكون فيه خساره اقل و سيتم التنفيذ في زمن اقل ..

ثانياً : ذكر المهندس عصام ان التكلفه ح تكون عن طريق بيع الارض .. طب ما بعد البيع المستثميرين ح يبنوا عمارات تانيه .. فين بقى الاراضى الزراعيه اللى بنتكلم عليها ؟؟؟ ايه بقى الفرق بين ابقاء المبانى او هدمها و بناء غيرها ؟؟ ما نخلى الوضع على ما هو عليه و يقوم مهندسيننا باعادة التأهيل و خلاص ...

[miramikhail]

أولا شكرا على التوضيح

الأجابة هى الأولى لا