عاجل جدا .. سؤال بخصوص تصريح العمل من مصر

[doha]

السلام عليكم ورحمة الله وبركاته

عندي استفسار عاجل بخصوص تصريح العمل الي بنطلعه من مصر قبل مانسافر ..

دلوقت زوجي لما جاء يسافر من مصر سالوه في المطار ان كان استخرج تصريح عمل ولا لاه فاجاب بالنفي وهنا الظابط طلب منه يمضي اقرار باحضار التصريح معاه المرة الجاية لما يكون مسافر والا مش هيتمكن من السفر ..

عرفت ان في طريقتين لعمل التصريح اما من مصر او من القنصلية هنا في الرياض .. فين المشكلة ؟

عرفنا ان من الاوراق المطلوبة عقد العمل .. وبما ان زوجي جاي على فيزا حرة يعني مفيش عقد عمل من اساسه فدلوقت احنا محتارين .. نطلع تصريح العمل ازاي ..

فسؤال للي سبق وعمل التصريح ده .. هل عقد العمل شرط اساسي لاستخراج التصاريح ولا هو حاجه صورية ممكن التغاضي عنها ؟

طيب ولو اساسي ايه شكل عقد العمل ده يعني نروح للكفيل نقوله يعمل اي عقد كده والسلام ولا لازم موثق من جهات معينة ولا فيه بنود معينه ؟

واخيرا بالنسبة للي جرب يستخرج تصريح العمل من هنا .. انا دخلت موقع القنصلية المصرية ولقيت انهم بيقدموا خدمه ( تجديد ) تصريح العمل .. فهل حد عنده فكره الخدمه دي تجديد فقط ولا ممكن تصريح اول مرة برضه ؟

ياريت حد يفيدني في الاسئلة دي وياريت باسرع وقت عشان نلحق نجهز الاوراق المطلوبة .. ( اصل الكفيل بتاعنا بيطير احيانا )

[solimady]

أنا عامل تصريح العمل منحوالى 14 شهر قبل ماسافر من عندنا من أسكندريه كل اللى طلبوه صورة التأشيره-أنا مدرب سباحه بوزارة الشؤون الرياضيه فى سلطنة عمان (يعنى حكومه يمكن الموضوع ده يفرق والله أعلم)- و تذكرة الطيران و مبلغ بس بصراحه مش فاكر كام رحت دفعته فى بنك مصر لكن مطلبوش منى العقد ولا صورته

[drmedo]

مدام ضحى بالنسبة لسؤالك عن تصريح العمل فاستخراجه لايحتاج الى عقد العمل الا لمهنتي الطب والصيدلة فقط لكن باقي المهن يتم استخراجه دون عقد عمل فقط صورة التاشيرة فهو اجر روتيني لحصر عدد العمنالة المصرية التي تعمل بالخارج ذلك عند استخراجه من مكتب تصاريح العمل من مصر وليس عندي معلومات عن استخراجه من السفارة المصرية ولكن لاحاجة لاستخراجه من السفارة المصرية بالسعودية لان زوجك مضى على تعهد في المطار ان يتم استخراجه في السنة القادمة

وذلك معناه انه ممكن استخراجه في الاجازة القادمة من مصر لان مصاريفه هنا ستكون غالية كتير عن مصر وهوه عموما المشكله انه لما يروح يطلعه من مصر المرة الجايه يدفع المدة التي قضاها في الخارج ولم يستخرج فيها التصريح يعني يدفع سنة قديمة وسنة جديدة بناء على التاريخ الذي صدرت به التاشيرة والمدون على التاشيرة في الجواز

[ozoozo]

وممكن كمان تدفعوا اكتر من سنه مقدم عشان تريحوا دماغكم

بس ياريت تروحوا المكتب الرئيسي في الدراسه تعاملهم اسهل

[modamoda]

اعتقد ان تصريح العمل محدش بيسأل عليه فى النزول لمصر . فقط عند الخروج من مصر يعنى احسن شء لما ينزل اجازة بالسلامة يعمله من هناك وحتى لو عدى عليه كام سنه عادى القديم كله بيندفع ومعاه سنه جديدة بدون غرمات ولا شئ وعلى ما اتذكر انه حسب اخر مره جددته من حوالى 6 شهور رسوم السنه للمؤهلات المتوسطه والفوق متوسط 80 جنيه والمؤهلات العليا 124 جنيه والاوراق المطلوبة صورة الجواز مع التأشيرة طبعاً وصورة البطاقة (وصورة المؤهل للمرة الاولى فقط) و 2 صورة شخصية.

[doha]

مهو المشكلة اننا خايفين ينزل مصر يعمله من هناك يفاجأ ان مطلوب عقد عمل وساعتها مش هيعرف يطول الكفيل عشان يجيب منه العقد .. لكن لو عمله من هنا وطلبوا العقد ممكن يحاول يتصرف معاه ويجيبه ..

يعني دلوقت الي فهمته من الردود دي ان مش لازم عقد العمل .. متاكدين ياجماعه ؟ ؟ رجاء لو اي حد عمله من هنا يفيدنا وبرضه لو حد انطلب منه العقد قبل كده ياريت ينورنا .

[الباشمهندس ياسر]

انا عملته من كام شهر بعد ما طلبوه مني ف المطار لاول مرة ... رغم اني سافرت اكتر من مرة من غيره

و لما عملته مطلبوش مني عقد العمل و اكتفوا بصورة الفيزا

[rewsha]

مدام ضحى بالنسبة لسؤالك عن تصريح العمل فاستخراجه لايحتاج الى عقد العمل الا لمهنتي الطب والصيدلة فقط لكن باقي المهن يتم استخراجه دون عقد عمل

الكلام ده صح فعلا .

مش بيطلبوا عقد العمل غير من الاطباء بس .وده اللي حصل معانا ,

لان زوجي لما راح يعمله كان ساْل قبل كده (هل محتاج ياخد معاه عقد العمل )والاجابه كانت ب ....لاْ.....تصريح العمل بيطلع من غير عقد

وهيه رسوم ثابته بتندفع

لكن لما راح يطلعه ...طلبوا منه العقد ولما قال لهم ناس كتير عملته من غير عقد .جاوبوه .ان مهنة الطبيب هيه الوحيده اللي بيطلبوا لها عقد العمل

ما تقلقيش .مش هايطلبوه منكم في مصر

احنا لسه مطلعينه من 4 شهور بس .والرسوم فعلا 120 للمؤهلات العليا

[noureymo]

الاخت ضحى كل عام وانتم بخير

تصريح العمل استخراجه مش هيحتاج العقد

بيحتاجوا صورة التاشيرة

صورة جواز السفر معاه صورة الصفحة المختومة عند اخر دخول لمصر

صورة بطاقة الرقم القومي

وكمان ممكن زوجك يدخل على موقع وزارة الداخلية ويختار الخدمات الاليكترونية في الادارة العامة لتصاريح العمل

ويختار اصدار تصريح لاول مرة ويدخل بياناته كلها

وبعدين في اخر خطوة يختار مكتب العمل الي عاوز يستلم منه التصريح(اقرب مكتب عمل ليكم)

الحكاية دي هتوفرلوا الوقت في مصر وياريت يعمل الموضوع ده قبل ما ينزل مصر انشاء الله بشهر تقريبا

انا عملت كده اول مرة اطلع فيه التصريح واستلمته من مكتب المطار والناس كانوا متعاونين جدت وكمان جددتوا السنة دي من نفس المكتب وماحدش سال على العقد اصلا علشان تعاقد شخصي وما كنتش بشتغل في الحكومة

تكاليف الخدمة دي من النت تقريبا 15 جنيه بيدفعهم عن طريق الفيزا كارد

وفي مصر بيدفع 137 جنيه في البنك الي جنب مكتب تصاريح العمل الي هيختاره

وعلى فكرة هيدفع زي ما الاخوة تكرموا وقالوا لحضرتك من تاريخ سفره اول مرة يعني هيضربوا عدد سنسن سفره في 137 بالاضافة للسنة القاجمة

كل سنة وانتم طيبين وبالتوفيق انشاء الله

[doha]

جزاكم الله خير جميعا على الردود الاكثر من ممتازه خاصة الاستاذ noureymo l معلومتك في غايه الاهمية اشكرك جزيلا عليها

[عنبو]

الموضوع بسيط قوى بس يفضل لحد قبل لما ينزل كده بشهر ياخد بعضه ويروح على مكتب السفاره وهو هيعمله لحد سنه مقدم وبكده يكون اشترى دماغه علشان لما ينزل مصر ميقعدش يلف ويضع له يوم فى التصريح

[noureymo]

أ /عنبي

أعتقد ان الاستفسار عن حد ما طلعش تصريح عمل اصلا قبل كده

وفي حدود علمي ان السفارات بتجدد مش بتستخرج التصريح لاول مرة

ده الي قالهولي الموظف هنا في السفارة في ابوظبي

أرجو انه ما يكونش كان بيضحك عليا

[عنبو]

أ /عنبي

أعتقد ان الاستفسار عن حد ما طلعش تصريح عمل اصلا قبل كده

وفي حدود علمي ان السفارات بتجدد مش بتستخرج التصريح لاول مرة

ده الي قالهولي الموظف هنا في السفارة في ابوظبي

أرجو انه ما يكونش كان بيضحك عليا

انا معرفش المعلومه دى بجد انا اساساً معايا واحد من مصر بس ممكن تسأل تانى وانا كنت سمعت كمان من ناس انهم لغوا اساساً

[haddadmn]

السلام عليكم و رحمة الله و بركاته

أخواني الاعزاء, اريد استشارتكم في موضوع حصل معي

كنت اعمل لدى مؤسسة محلية في الرياض و قد كنت قد نقلت كفالتي عليهم نقل داخلي , و بعد عملي لديهم سنتان قدمت استقالتي و طلبت خروج نهائي لوجود فرصه خارج السعودية, و قد قام كفيلي القديم بعمل خروج و عوده لي ليتاكد انني اذا رجعت للسعودية ان ارجع للعمل معه ورغم طلبي له بعمل خروج نهائي و لكنه رفض , و بعد فتره 5 اشهر رزقني الله بعقد عمل في السعودية يستحيل رفضه, هنا رجعت للكفيلي القديم طالبا منه نقل كفاله و لكنه رفض وقد قام بطلب مبلغ من المال من شركتي الجديده و لكنهم رفضو و انا ايضا , فطلبت منه خروج نهائي و قد قمت بالخروج من السعودية و لرجوع لها بفيزا تجاريه عن طريق فرع اخر للشركة في بلد مجاور, و حين علم برجوعي (كفيلي القديم) قام برفع دعوا في مكتب العمل بحجة انني اعمل لدى شركة منافسه , فما هو الوضع القانوني في هذه الحالة و هل يقدر ان يمنعني بالعمل داخل السعودية, و هل يختلف الحال اذا كان معي إقامة نظامية

الرجاء النصيحة من اهل الخبرة و العلم و جزاكم الله خيرا

[خالد شحاته]

الاخت ضحي

كل عام وانتم بخير جميعا

التصاريح لما بيتعمل في الرياض بيطلبو عقد اما في مصر مش محتاج اي شي بس علشان زوج حضرتك سافر هيطلبو منك شهادة تحركات علشان يعرفو انه سافر بتاريخ كم وفيه جوازات قديمه ولا لا و ويدفع جميع السنوات الا سافر فيها حتي لو قديمه

[عنبو]

ما هى الاوراق المطلوبه لتجديد تصريح العمل من القنصليه المصريه بجده ؟

[aimen]

المستندات المطلوبة لتجديد أذن العمل ( مؤهل عالي 185 ريال ومتوسط 140 ريال ) .

o عدد 2 صورة ضوئية من جواز السفر من ص 2 الي ص 9.

o عدد 2 صورة ضوئية من الإقامة

o أصل + عدد 2 صورة ضوئية من أذن العمل .

o أصل وصور من خطاب الكفيل محل التعاقد .

o قرار الإجازة للعاملين بالحكومة والقطاع العام .

o "يجب استطلاع رأي الإدارة العامة لتصاريح العمل لمن هم دون الأربعين "

المصدر : الخدمات القنصلية -

بس هو ممكن سؤال ليه تعمله هنا اصلا ؟ ايه الفائدة لا اعرف احد احتاجه هنا

[عنبو]

المستندات المطلوبة لتجديد أذن العمل ( مؤهل عالي 185 ريال ومتوسط 140 ريال ) .

o عدد 2 صورة ضوئية من جواز السفر من ص 2 الي ص 9.

o عدد 2 صورة ضوئية من الإقامة

o أصل + عدد 2 صورة ضوئية من أذن العمل .

o أصل وصور من خطاب الكفيل محل التعاقد .

o قرار الإجازة للعاملين بالحكومة والقطاع العام .

o "يجب استطلاع رأي الإدارة العامة لتصاريح العمل لمن هم دون الأربعين "

المصدر : الخدمات القنصلية -

بس هو ممكن سؤال ليه تعمله هنا اصلا ؟ ايه الفائدة لا اعرف احد احتاجه هنا

شكراً يا استاذ ايمن انا هعمله هنا علشان نازل مصر اجازه واجازتى هتبقى قصيره جداً

فمش عاوز اضيع يوم لتصريح العمل ويوم تانى لتصريح السفر والاجازه كلها على بعضها اسبوعين قابله للتقصير

بس كنت عاوز أسأل ايه هو

أصل وصور من خطاب الكفيل محل التعاقد

هل ده خطاب من الكفيل الى القنصليه يقول فيه انى شغال بوظيفة كذا وراتب كذا ومتوثق من الغرفه التجاريه ولا ايه ؟

ولا هل هل العقد اللى انا مضيته فى مصر بس العقد اللى مضيه فى مصر مكتوب فيه

عقد سنوى يتجدد تلقائى يعنى

ياريت توضح المعلومه دى ؟

[عنبو]

بعد الاتصال بجميع المعارف وجميع العاملين بالاتش ار

اجمع الجميع على ان المقصود أصل وصور من خطاب الكفيل محل التعاقد

هو خطاب من الشركه موجه الى من يهمه الامر ان الشخص المذكور اسمه يعمل لدينا بمهنة كذا

وسوف نقوم بتجديد الاقامه له حينما يحين موعد التجديد

[se_ Elsyed]

لو عرفت إنك سافرت مصر وجددت تصريح العمل .. هاعورك يا عنبو

يا جدعان كتبت 100 مره قبل كده ... تصريح العمل أتلغى أتلغى أتلغى بالتلاته ... إلغاء بائن يعني وما ينفعش فيه رجعه

وأدي قدامكم مثال حي أهو يمشي على الأرض

7 سنين ... من ساعة ما عرفت ... وسافرت مصر ييجي 30 مره خلالهم وماحدش قال لي إنت فين ... غير مره في نوفمبر الماضي ... راجع من المطار الجديد والظابط بتاع الجوازات قال لي فين التصريح قلت له ما معييش .. فقال لي طب قول وحياة الاخوه هاستخرج تصريح وأمضي الأقرار ده .. قلت له من عيني .. وسافرت بعدها مرتين في يناير اعتقد ومارس وماحدش قال لي إسمك إيه حتى

يعني ديتها لو حد سألك قول له أوعدك يا اونكل أكبر وأطلع تصريح ...

على ضمانتي