عاجل جدا .. سؤال بخصوص تصريح العمل من مصر

[hOuSsAm]

لو عرفت إنك سافرت مصر وجددت تصريح العمل .. هاعورك يا عنبو

يا جدعان كتبت 100 مره قبل كده ... تصريح العمل أتلغى أتلغى أتلغى بالتلاته ... إلغاء بائن يعني وما ينفعش فيه رجعه

وأدي قدامكم مثال حي أهو يمشي على الأرض

7 سنين ... من ساعة ما عرفت ... وسافرت مصر ييجي 30 مره خلالهم وماحدش قال لي إنت فين ... غير مره في نوفمبر الماضي ... راجع من المطار الجديد والظابط بتاع الجوازات قال لي فين التصريح قلت له ما معييش .. فقال لي طب قول وحياة الاخوه هاستخرج تصريح وأمضي الأقرار ده .. قلت له من عيني .. وسافرت بعدها مرتين في يناير اعتقد ومارس وماحدش قال لي إسمك إيه حتى

يعني ديتها لو حد سألك قول له أوعدك يا اونكل أكبر وأطلع تصريح ...

على ضمانتي

ايوة كدة يا وديييييييييييييييييييييع

ينصر دينك يا استاذ سين سين

انا كنت هجدده بمتين جنيه

المتين جنيه دول اروح اتفسح واتمرجح واروح دريم بارك انا والعيال

افرحوا يا عيال هنتعشى لحمة وكباب

والبركة فى الاستاذ سين سين

بالا ياولاد ادعو لعمو ربنا يخليله اونكل عمر وانكل عبد الرحمن

عمو متيجى معانا واهى اللمة تحلو واهى فرصة نتعرف باونكل عمر واونكل عبد الرحمن

[عنبو]

se_ Elsyed مشاركة بتاريخ أمس, 10:56 PM

لو عرفت إنك سافرت مصر وجددت تصريح العمل .. هاعورك يا عنبو

يا جدعان كتبت 100 مره قبل كده ... تصريح العمل أتلغى أتلغى أتلغى بالتلاته ... إلغاء بائن يعني وما ينفعش فيه رجعه

وأدي قدامكم مثال حي أهو يمشي على الأرض

7 سنين ... من ساعة ما عرفت ... وسافرت مصر ييجي 30 مره خلالهم وماحدش قال لي إنت فين ... غير مره في نوفمبر الماضي ... راجع من المطار الجديد والظابط بتاع الجوازات قال لي فين التصريح قلت له ما معييش .. فقال لي طب قول وحياة الاخوه هاستخرج تصريح وأمضي الأقرار ده .. قلت له من عيني .. وسافرت بعدها مرتين في يناير اعتقد ومارس وماحدش قال لي إسمك إيه حتى

يعني ديتها لو حد سألك قول له أوعدك يا اونكل أكبر وأطلع تصريح ...

على ضمانتي

يعنى اتوكل على الله واللى يكلمنى اقوله

مش معنى سين سين

ولا مجبش اسمك فى التحقيقات

[Dr.mmfriend]

انا سافرت 3 مرات من مصر

مره واحده كان معايا تصريح عمل واخدوه منى

والمرتين الى بعد كده محدش سأل عليه اساسا وانا مكنتش عامله بناء على كلام سي السيد

والحمد لله محدش جاب سيرته

المشكله فى الموظفين بتوع الاجازات لما بروح اجدد اجازتى هما الى لسه بيسألوا عليه اما بتوع المطار فمحدش سألنى

[Mr MAGED]

أي موظف في جهة حكومية في مصر .. وواخد أجازة عشان يشتغل برة مصر لازم يطلع التصريح

حتي لو مطلعوش بناءا ً علي افادة سين سين ومحدش سأله عليه في المطار

أول ما يقرر يعمل عودة من الاجازة ويرجع شغله ... هينطلب منه انه يجيب خطاب من الأمن العام

ومعناه انه يجيب افادة من مكتب تصاريح العمل انه معليهوش مستحقات

وهيضطر وقتها انه يدفع القديم كله

حبيت بس اوضح النقطة دي

تحياتي

[Guest محمد الرميح]

مش عارف انا مسافر السعودية هل ضروري اعمل تصريح العمل علماً أني أنا مسافر بري