نصائح هامه للإخوه والاخوات قبل الشراء شقه

[سكر]

تم نقل هذة الخبرات من منتدى اخر بعد سوال صاحبها

السلام عليكم

ابحث منذ فتره على شقة وقد شاهدت الكثير واشتريت وحدثت مشاكل واسترددت ما دفعت بعد عذاب واذكركم واذكر نفسي ببعض النصائح لوجه الله

1- لا تشترى باى حال من الاحوال شقة غير موجوده فعلا او لم تنشاء ولم تشاهدها على الطبيعه

2- لا تشترى على الرسم فقد اشتريت شقة على مقاييس الرسم والمقاييس الفعلية بعد التنفيذ للاسف كانت فى حدود النصف

3- قيس مقاس شقتك بنفسك شاهدت شقة 140متر اتضح ان الصافى حوالى 90 متر فخذ معك متر واحسب مقاس الشقة ثم اضف فى اقصى حد 20 فى المائة للخدمات

4- لا تشترى فى دور مخالف غير وارد فى الرخصة باى حال من الاحوال

5- اذهب الى مكان الشقة والشارع مره فى النهار ومره ليلا لتتعرف على المنطقة جيدا مثلا هناك مناطق هادئة فى الصبح وفى الليل يكون هناك مقهى تحت البيت تسبب قلق شديد ومعاكسات للسكان

6- عند شراء شقة فى دور علوى بدون اساسنسير لا تتخذ قرارك بسرعه فكر فى يوم تكون لا قدر الله مريض او راجع تعبان ومعاك مشتريات كثير او تحمل اولادك لانهم نائمين او تحتاج النزول لاكثر من مره فى فتره قليلة

7- ابحث كثيرا ولا تتعجل فكلما بحثت وجدت الافضل

8- لا تدع فرصة لسمسار او مالك يوهمك ان الشقة لقطه يجب ان تشتريها الان حتى لا تضيع خذ وقتك واسائل جيدا

9- اذا اخذك سمار لشقة اذهب مره اخرى بدونه واسال فى المنطقة عن متوسط الاسعار من البوابين والسماسره واذا اعجبتك اتفق عليها واعط السمسار حقة

10- عند التفاوض على السعر تفاوض مع المالك وليس السمسار لان بعض السماسره يزيد ويتشدد اكثر من المالك لان نسبته تزيد من المالك اذا اتى بسعر جيد للمالك

11- احذر من شراء شقة بدون عداد

12- سوف تدفع ما قد تعبت فيه لسنوات فلا تغامر خذ نسخة من بيانات العقار عقد الارض والرخصة واستفسر من الحى عنه لو كان عقار جديد

13- تاكد من بيانات البائع لك وملكيته للعقار

14 - تاكد من العقد ومن ان لك حصة فى الارض ومن كافه حقوقك واحذر بعض الشركات تلزمك بمبلغ كبير اذا حاولت اعادة البيع

وبعد ذلك توكل على الله

والله الموفق للجميع

[ذهبية]

الف شكرا على النصائح القيمة وفقك الله

[أشرف محمد]

بسم الله الرحمن الرحيم

الأخ الكريم / موعود

جزاك الله كل خير على هذه المعلومات المفيدة

تقبل تحياتي

مهندس / أشرف محمد

[hOuSsAm]

الاخ موعود

جزاك الله كل خير عالنصيحة

[miramikhail]

معلومات جت فى وقتها

11- احذر من شراء شقة بدون عداد

تقصد عداد كهرباء طيب ماهو ده لازم بدخله أنا بعد ما أشترى الشقة ولا أية

[mama nona]

فعلا معلومات مهمة الواحد مكنش بياخد باله منها

جزاك الله كل الخير

ويا ريت ال عنده اى معلومات فموضوع القارات والشرا يحطها وميبخلش علينا بيها

[president]

انا حصل معايا موقف . اشتريت شقه من شركه وكان فى شرط فى العقد انى مش من حقى اتصرف فى الشقه غير اما أسدد كامل الأقساط .

وفى نفس الوقت كتبت شيكات بنكيه بباقى الأقساط . بعدها بفتره قبلت واحد صاحبى وحكتله على الموقف .

فقالى انه اشترى شقه حاول صاحب الشقه يعمل نفس الشرط بس محامى صاحبه قاله لأ . لأنه طالما كتب الشيكات البنكيه يبقى هوا مدين لصاحب الشقه .

وبالتالى من حقه انه يتصرف فى الشقه فى أى وقت . لأنه لو حصل اى تعثر هيخسر الشقه ويخسر اللى دفعه ولسه الشيكات هتبقى عليه ومينعش يتصرف فى الشقه

عشان يسدد الشيكات . وفعلا صاحبى لغى الشرط ده من العقد . بس يمكن تعامل الأفراد غير تعامل الشركات . لغاية دلوقتى مش عارف دا الطبيعى فى العقود

ولا لأ ؟

تحياتى

[عطر الجنة]

نصائح مفيدة فعلا

لكن فى بعض الاحيان صعب تطبيقها و نيجى نشوف نقطة نقطة

- لا تشترى باى حال من الاحوال شقة غير موجوده فعلا او لم تنشاء ولم تشاهدها على الطبيعه

الم نسال انفسنا ليه بنشترى بالطريقة دى

بالطبع لانه لا يتوفر تمن الشقة كاش و بالتالى لا نستطيع ان ننظر الى الشقق الجاهزة

و فقط المتاح لنا حسب نسبة السيولة معنا

لان فلوس كاش = استلام فورى

- لا تشترى على الرسم فقد اشتريت شقة على مقاييس الرسم والمقاييس الفعلية بعد التنفيذ للاسف كانت فى حدود النصف

اول شئ ده بيحدث عندما لا نسال عن المساحة الصافية للشقة و ندونها فى العقد و ننخدع بسعر متر شقة قليل

و هذا ما يحدث فى المدن الجديدة الان تجدهم يعلنوا عن شقة مساحة 145 متر و تمن المتر 1000 جنيه

و لما تسال تجد اول شئ ان الشقة 100 متر ارضى + حديقة 45 متر

مع ان الحديقة بتكون حق انتفاع اى تصبح

شقة 100 متر تمنها 145 الف جنيه

اى المتر 1450 جنيه ده غير نسبة المنافع فى الشقة و التى غالبا هنا تتعدى 20 %

هذه اعلانات فى ظاهرها الرحمة و فى باطنها العذاب

- قيس مقاس شقتك بنفسك شاهدت شقة 140متر اتضح ان الصافى حوالى 90 متر فخذ معك متر واحسب مقاس الشقة ثم اضف فى اقصى حد 20 فى المائة للخدمات

بالطبع ده يصلح فى حالة الكاش و ليس التقسيط لمبنى فى علم الغيب

لكن نقدر نشوف مساحة الشقق و مساحة الارض المقام عليها العقار فيجب ان تتساوى المساحتين

و هكذا

تحياتى

[مرنو]

[- قيس مقاس شقتك بنفسك شاهدت شقة 140متر اتضح ان الصافى حوالى 90 متر فخذ معك متر واحسب مقاس الشقة ثم اضف فى اقصى حد 20 فى المائة للخدمات[/color

...جزاك الله خيرا ...والف شكر على المعلومات القيمه لأنه حصل مع غش فى هذا الموضوع ..كنت ناوى أشترى شقة فى التجمع الخامس بالقاهره الجديده منطقة النرجس فيلات الدورالثالث والاخير ومعه السطح وقيل لى ان الشقة مساحتها 125م2 صافى شامل المبانى بدون الخدمات وعلى الطبيعة لم تتجاوز ال 90م2

صافى لانها كانت تجميع غرف السطح معا لتكون شقه وغرف السطح معروف انها 25%فقط من مساحه المبانى.

وشكرا.

[مهندس تحكم]

استاذ / موعود...

شكرا ليك علي نصائحك الغالية .....وللاسف فعلا ما فيش ضمير ولا أمانة عند اغلبية التجار والشركات...الا من رحم ربي...

الناس للاسف فاهمه ان الدين عبادة وبس....ومش عارفين ان في شق تاني كبير اسمة معاملات...واساسة الصدق والامانة والعدل....

ايلي بيضحك علي الناس وبينصب عليهم ويدلس ويغش...ابسط شيء إن فلوسة دي اصبحت حرام ...وزية زي ايلي بيسرق او ينهب ...وحول حلال ربنا لحرام علشان الطمع والجشع والرغبة في الثراء السريع ...يعني اكلة وشربة ولحمة ولحم عيالة بينبت من حرام.....وكل لحم نبت من سحت فالنار اولي بة.

ياريت الناس تشوف وتقرأ فقة المعاملات وخصوصا البيع والتجارة....علشان تعرف خطورة الموقف ..."وأن التجار هم الفجار إلا المتقون"

ربنا يهدي ويرحمنا

[الأقصرى]

فعلا بقى فيه ازمة ضمير فى مصر حتى ولو اخذت كل الاحتياطات

اخى اشترى شقه فى عباس العقاد ب 495 الف من ثلاثة سنوات من صاحب العماره الل كل الورق باسمه وهو استاذ جامعى وركب العداد وسجلها فى الشهر العقارى من سنه تقريبا

وفجاءه وبدون مقدمات جاله محضر بيقوله سلم الشقه دى لفلان لانه اخذ حكم نهائى بصحة عقد البيع للشقه دى

طلعت القصه ان العماره شرك بين صاحب الارض واللى هو الدكتور الجامعى

والشريك الثانى اللى هو المقاول واللى بايع الشقه دى لواحد ثانى قبل اخويا بسنتين

طبعا راح لمحامى قاله القضيه لسه حتروح لخبير وحيعيش فى المحاكم فتره والدكتو ر صاحب العماره عارض عليه يرجعله اللى دفعه فقط

يعنى حاجه تقلق وتحرق الدم ربنا يكون فى عونه كأن فلوس الغربه لقيها فى الشارع

فعلا ربنا يسترها معانا جميعاُ