قهوة الشراقوة

[justme]

ايه ده يا مدام قلب ابيض

انتي عايزة تخطفي الزباين من هنا

لأ

ده اعلان للحرب

من دولة شومبونجو علينا

طب ما ايه رأيك بدل مل نعمل كده نعمل علاقات مشتركة وسفرا بقى وحوارات زي دي

يعني نفتح سفارة شومبونجو فرع الزقازيق قدام المحافظة في برج علي زكي

في الدور العشرتاشر

بس فاضل اعتماد السفير بتاعك

ابعتي اوراقه بالإيميل

[se_ Elsyed]

أي حد تاني غير الشراقوة هايفتح كهوه .. هاشمعها له بالشمع الأصفر .. او على الأقل هارمي له فيها طُربة حشيش وأبلغ عنه إنه فاتح غرزة لتعاطي الممنوعات ...

ده وش كده وبالعربي الفصيح

لكن في نفس الوقت .. مرحباً بكل الأصدقاء من الدول المجاورة ... واللي هايقعد يقعد بمشروبه ...

--------------------------

وإليكم البيان التاني

بسم الله الرحمن الرحيم

بني بلدي

لقد مرت بلدنا العزيزة بفترات أسود من قرن الخروب ... وشوفنا فيها أيام سودا اسود من السواد العايم على يد حُكامنا بتوع المنوفية - سونه أجدع ناس .. سونه أجدع ناس .. انا اقصد السادات ومبارك بس .. إنما الجماعه حرمنا لأ ... دول منايفه بس تجميع تايواني وحلوين .. انا عاوز أروح سليم يابا وماحدش هاينفعني -

لذا

فلقد قمنا بأنقلاب محاوراتي لأنتزاع الحكم منهم - إييييييييييييييييه حاجه واربعين سنة كفايه ... ده احنا لو كنا واخدين إتنين مؤبد وإعدام كنا زمانا خرجنا -

وبناء عليه ...

أول خطوة سنقوم بها هي إرساء الديمقراطية ....

قرار رئيس الجمهورية ....

مادة واحد : يؤمم منتدى محاورات المصريين شركة مساهمه شرقاوية .

مادة إتنين : إجراء إنتخابات حره ونزيهه وعفيفه ..... ومن دلوقت بأقول لكم أنا اللي هافوز .

مادة تالته : يتم تعيين الشاب المثقف عنبي نائباً لرئيس الأمبراطورية بشرط إنه يتجوز .

ماده تلاته : تٌقسم بقية المناصب على أبناء الشرقية الكرام ( رضوى والأومباشا أمبيشيوس و جست مي ورؤوف أفندي والحاجه أم مروان وما فيش مانع تجيب معاها مروان يساعدها في الحكم ) بس ألعبوا سوا وماحدش يلعب في وزارة غيره ...

الله

الشرقية

سين سين

وإحنا الشراقوة وماحدش زيينا .. وإحنا الشراقوة وبنحب ربنا

[justme]

تأميم المحاورات

لحظة بس علشان اجمع

تصدق فكرة واهو بدل ما تبقى قهوة صوغننة كده يبقى موقع بحاله

احنا معاك يا كبير

اما اروح البس العدة

اهجم وادينا ميسد

ودي اغنية الحرب

احنا ولاد الشرقية

حلوين ومية مية

ولو بصاروخ ضربونا

هنرد عليهم ميه

تم تعديل 3 يناير 2010 بواسطة justme

[رضوي]

عمو سين سين انا من بلاد جنبكم بشوية كدة وخلاص قررت اقدم على الهجرة الى الشرقية هو انتو بتدو الجنسية بعد كم شهر ؟

وقولى اقدم عن طريق محامى ولا على طول اروح لعمدة بلدكم

وياريت تقولى باقى الشروط وتكسب فيا ثواب

اهلا وسهلا بحضرتك

بس لابد وحتما ان حضرتك تكون تتحدث اللغة الشرقاوية بطلاقة

وتقدم للهجرة عن طريق سفارة الشراقوة في جمهورية ساعدتك .......... أو في جمهورية القاهرة ( حتلاقيها في عبود )

وبعدين الجنسية سهلة

بس بعد اختبار انتزاع الدود من المش .................................. شد الدودة وارمي ........... ( نظام شد الفتيل وارمي )

[raouf]

ماده تلاته : تٌقسم بقية المناصب على أبناء الشرقية الكرام ( رضوى والأومباشا أمبيشيوس و جست مي ورؤوف أفندي والحاجه أم مروان وما فيش مانع تجيب معاها مروان يساعدها في الحكم ) بس ألعبوا سوا وماحدش يلعب في وزارة غيره ...

الله

الشرقية

سين سين

وإحنا الشراقوة وماحدش زيينا .. وإحنا الشراقوة وبنحب ربنا

انا عايز امسك وزير مالية جمهورية الشراقوة العظمى واول قرار بيع نص المحافظةلبع وشراء لاولادى و النص الثانى صدقة جارية علشان تكفر السيئات اللى هاحدها علشان سرقت النص الاولانى

تم تعديل 3 يناير 2010 بواسطة raouf

[رضوي]

انا جيييييت. يا طلع عندنا اخوات كتير في المنتدى مممم كويس كويس مش بطال.

ممكن دقة؟ اصل ماكونتيش باكلو الا في الشرقية لما نزور تيته. عااااادي خالص اسيب العيله و اخوش المطبخ اعيش حياتي..هااااه ايام زمان

انا عارفه ان اكييييد اكييييد مرحب بيا و محدش بيبوص على معدة حد. جست مي لو سمحت قوم من على الكرسي بتاعي..مش كل الكراسي بتعتك. بعدين انا جاية بدعوة خاصة (مش كده يا رضوى ) يعني فين السجادة الحمرة

داموووووووووووو

انتي مش محتاجة دعوة ياحياه قلبي

وبالنسبة للريد كاربت .............. دي مش تحية شراقوة ياقمر ........... عندنا انواع تانية من التحية

اجري ياواد ياحسبو ادبح جاموستين بسرعة علشان نرحب بحبيبتنا .......... بسرعة ياواد

وبراحتك المطبخ تحت أمرك كله

يا أم السعد ........ اتوصي بدامو النهاردة دي معاها الجنسية

ظبطيها بط ووز وفراخ بلدي ........... وماتنسيش الديك الرومي .............. احنا عندنا اعز من دامو

مش ممكن

القهوة دي بتجوعني جداً

يخربيت الرجيم وسنينه

وبعدين ياجست مي ......... العب مع اختك دامو مش تاخد كرسيها

كفاية عليك الكهربا اللي هناك

[رضوي]

السلام عليكم ورحمه الله وبركاته .......................... طيب ممكن تقبلوا اخت شرقاويه جديده معاكوا ياجماعه .................... وممكن اجيب معايا عربيه فشار نسرزق بيها احنا ....................... يلا واهو الا هبقعد على القهوه ياخد كيس فشار يتسلى فيه .....................تحياتى

ياسلام ياسلام

اتاري المنتدي كله شراقوة بقي

كنتوا فين ياجماعة

اتفضلي طبعا ................. فشار .. ذرة مشوي ...................... ولو عايزة سوداني .......... ولا عربية ترمس مافيش مانع

اهلا وسهلا

يامرحب بيكي

[رضوي]

اية يا جماعة الكراسى كلها اتحجزت ما شاء الله على قهوتك يا رضوى انا بقالى ساعة واقفة مش لاقية و لا مكان فاضى

ممكن تعتبرونى ضيفة عندكم من المنصورة

احلي سلام لبتوع الدقهلية اللي منورين قهوة الشراقوة

جري ايه ياحسبو ........ بقي تسيب مدام ذهبية واقفة من ساعة .......... اجري بسرعة وصلها لدوار العمدة

احنا عندنا أغلي ولا اعز من المنصورة ........... وشارع الثورة ( السكة الجديدة ) ............ ومحلات الجامعة .......والمشاية ............. ياسلاااااااااام ............. علي النيل في الصباح الباكر .......

منورة ياقمر

[رضوي]

السلام عليكم ورحمه الله وبركاته

بصراحه وبكل وضوح مينفعش تكون فيه قهوه للشراقوه ومشاركش ...بس يا ريت المحافظات التانيه متغريش ونصبح الصبح نلاقى قهوه المنايفه وقهوه الدمايطه

وهلم جره ....

وقبل ما امشى ببعت التحيه لشارع فاروق والزراعه والجامعه وسلملى على ميدان احمد عرابى

خييييييييييييييييييييييييير

لا دة احنا لازم نبخر المنتدي من الجنسيات الأخري احسن يحسدونا

بسم الله ماشاء الله تبارك الخالق

كدة بقي الواحد عنده عزوة جامدة أوي في المنتدي

ياريت بقي ياجماعة كل واحد يوضح عاوز يمسك ولايه ايه وليه .................

لاتقولي اسماعيلية ومنوفية

الشراقوة احسن محاوراتية

اهلاً بكل الشراقوة

وبكل الجنسيات الأخري

خاصة الدول المجاورة

( الاسماعلية ,,,, الدقهلية ,,,,,,, بنها ,,,,,,,,, القاهرة ,,,,,,,,,,)

والدول الشقية

وكل دولة عندنا فيها سفارة

[رضوي]

لاء لاء لاء

كده ماينفعش

الاول كانت محاورات المغتربين عن مصر

وفى باب للى فى الامارات

وباب للى فى السعوديه

وباب للى فى الكويت

واللى فى كندا

دلوقتى ان شاء الله هاتقسموها محافظات ؟؟؟؟؟

وبكره تقسموها شوارع

وبعده بيوت

ايييييييييييييييييييييييييييييه ؟

هى فرد عضلات ولا ايه ؟ 000وعم جست مى هايعمل اختبارات ؟ وسى السد حط قوانين ؟

طب ده انا والعياذ بالله من قوله انا 000بصفتى مؤسسه شومبونجو الحاصله على لقب جلاله الملكه " بالاكراه" اقصد بالأجماع ماعملتش كده

وبعدين انا نصى غرباوى ونصى شرقاوى 000ولا عشت هنا ولا هنا

طب اقعد فين بقى ؟؟؟ غير شومبونجو حبيبتى :)

دعوه عامه صريحه واضحه وضوح الشمس احذواا يا شرقاوه من غزو الشمانجه

نداء 00

يا تامر

يا سهل جدا " اين انت وحشتنا "

يا متولى

يا ياسر

ياعنبى " انت كنت من الاحرار يعنبى ايه ؟ انشقيت ولا ايه؟؟"

يا ام بودى

يا وليد

ياااااااقوم 0000هلموا

دعوه لاحياء شومبونجو

http://www.egyptiantalks.org/invb/?showtopic=83848

وانا كنت بحب المشمش دلوقتى بحب المانجه

والرزق على الله بس هه

ماما بيضاء القلب

مش عارفة اقولك ايه ( منورة .......... مش كفاية )

ايه الشرف الكبير دة

الشراقوة كلهم زيارة حضرتك زادتهم شرف

اهلا وسهلا

حضرتك كدة بما انك فيكي جزء شرقاوي ............. علي طول تاخدي الجنسية الشرقاوية

وممكن نضم جمهوية شومبونجو ونعمل وحدة وطنية عربية عالمية شرق أوسطية

( حد عنده اعتراض؟؟؟؟؟؟) bv:-

وبرضه حضرتك الملكة

ياواد ياحسبو ......... جهز قصر الرئاسة ياواد ......... خلي الملكة تتفضل تستريح

[رضوي]

أي حد تاني غير الشراقوة هايفتح كهوه .. هاشمعها له بالشمع الأصفر .. او على الأقل هارمي له فيها طُربة حشيش وأبلغ عنه إنه فاتح غرزة لتعاطي الممنوعات ...

ده وش كده وبالعربي الفصيح

لكن في نفس الوقت .. مرحباً بكل الأصدقاء من الدول المجاورة ... واللي هايقعد يقعد بمشروبه ...

--------------------------

وإليكم البيان التاني

بسم الله الرحمن الرحيم

بني بلدي

لقد مرت بلدنا العزيزة بفترات أسود من قرن الخروب ... وشوفنا فيها أيام سودا اسود من السواد العايم على يد حُكامنا بتوع المنوفية - سونه أجدع ناس .. سونه أجدع ناس .. انا اقصد السادات ومبارك بس .. إنما الجماعه حرمنا لأ ... دول منايفه بس تجميع تايواني وحلوين .. انا عاوز أروح سليم يابا وماحدش هاينفعني -

لذا

فلقد قمنا بأنقلاب محاوراتي لأنتزاع الحكم منهم - إييييييييييييييييه حاجه واربعين سنة كفايه ... ده احنا لو كنا واخدين إتنين مؤبد وإعدام كنا زمانا خرجنا -

وبناء عليه ...

أول خطوة سنقوم بها هي إرساء الديمقراطية ....

قرار رئيس الجمهورية ....

مادة واحد : يؤمم منتدى محاورات المصريين شركة مساهمه شرقاوية .

مادة إتنين : إجراء إنتخابات حره ونزيهه وعفيفه ..... ومن دلوقت بأقول لكم أنا اللي هافوز .

مادة تالته : يتم تعيين الشاب المثقف عنبي نائباً لرئيس الأمبراطورية بشرط إنه يتجوز .

ماده تلاته : تٌقسم بقية المناصب على أبناء الشرقية الكرام ( رضوى والأومباشا أمبيشيوس و جست مي ورؤوف أفندي والحاجه أم مروان وما فيش مانع تجيب معاها مروان يساعدها في الحكم ) بس ألعبوا سوا وماحدش يلعب في وزارة غيره ...

الله

الشرقية

سين سين

وإحنا الشراقوة وماحدش زيينا .. وإحنا الشراقوة وبنحب ربنا

لقد خلقنا الله احرارا ولن نورث أو نستعبد بعد اليوم

( أحمد عرابي )

الله اكبر

ايوة كدة ناخد حقنا بقي

بس ماتنساش ياريس تقسم الولايات ونحط عمدة لكل ولاية ................ امال حتبقي الولايات المتحدة الشرقاوية ازاي

بس انا مش حتنازل ابدأ عن حلمي

ايوة شيخ الغفر

وجيبولي كام غفير كدة ........... تبقي وزارة داخلية تمام

والأمن دايما حيبقي مستتب

اي حد حيفكر انه يتنفس ............................... هو حر

( وجنت علي نفسها مراكش )

غير بقي اننا حنحط باقي الوزارات تحت السيطرة .........

اي وزير هيفكر يعمل انقلاب ............. مش هيلحق يكمل تفكيره

وتبقي مثال صارخ للديمقراطية العالمية

كل الدول هتستورد النموذج بتاعنا في الأمن المركزي

والأمن الغذائي كمان

الا مين وزير الزراعة ................

ولازم نعمل وزير مخصوص لتنمية الثروة السمكية .................. ويبقي مكان الوزارة في مركب في بحر مويس

علشان زيادة انتاج السمك ............

ويخلي باله من الثروة السمكية ......... والانتاج العالمي للسمك البلطي

[tantrum]

الإخوة الشراقوة الأحرار

إنتوا فاتحين كام قهوة بالضبط..؟؟؟؟؟

شريط عناويين الموضوعات فيه قهوتين لحد دلوقتى

هاتحتلوا المحاورات و ألا إيه..؟؟؟؟ :lol:

[رضوي]

السلام عليكم ورحمة الله وبركاته

عارفة

زهقتوا مني مش كدة :lol:

لازم بعد كدة يا شراقوة الدخول ........................

ايوة برافو عليكوا

الدخول بالملابس الرسمية

يعني الواحد يلبس لبس الشراقوة ويدخل

ايوة

نعم

حضرتك بتقول ايه

عارفة ان الشراقوة بيلبسوا عادي ............... مش مختلفين ولا حاجة

بس الجديد بقي في جمهورية الشرقية الجديدة ( الولايات المتحدة الشرقاوية )

ان فيه يونيفورم مخصووووووووووووووص ................ للشراقوة

واللهجة كمان ................. فيه من النهاردة لغة جديدة للشراقوة

من النهاردة مافيش قانون .................... الشراقوة القانون

وبعدين ياجست مي انت ودامو

سايبين الضيوف وقاعدين تتخانقوا مع بعض .......

يابني سيب اختك الصغيرة مش كدة بالراحة عليها

دة بدل ماتعلمها الانتماء والوحدة الشرقاوية .......... تقوم عايز تسحب الجنسية منها

لا الشرقية عمرها ما تطرد ولادها ابتا ابتا

العبوا مع بعض ماتتخانقوش

عنبي

فين النشيد ؟؟؟؟؟؟؟؟؟؟

الاوركسترا كلها مستنية سيادتك علشان نلحن النشيد .................

ويلا بقي علي السادة الراغبين في ترشيح انفسهم لمنصب عمدة الولاية التقدم بطلب علشان نلحق نزور الانتخابات .......

وفي المرحلة الأولي عندنا والولايات دي ........ حيتم استقلالها وتعيين عمدتها بالانتخاب ( حلوة تعيين بالانتخاب دي ..... ديمقراطية 100% )

- اولاد صقر

- ابو كبير

- مشتول السوق

- كفر صقر

- ابو حماد

- بلبيس

- منيا القمح

-كفر صقر

-ديراب نجم

-الابراهيمية

- فاقوس

- الصالحية

العاشر من رمضان

- ههيا

- وأخيرا العاصمة الأم الحنون ( الزقازيق )

والباقي ان شاء الله المرحلة التالية

يالا بقي كل اللي عايز يرشح نفسه يتفضل بدفع مقدم الرشوة قصدي الرسوم والباقي بالتقسيط المريح لمدة 15 ساعة

[om marawan]

لاء لاء لاء

كده ماينفعش

الاول كانت محاورات المغتربين عن مصر

وفى باب للى فى الامارات

وباب للى فى السعوديه

وباب للى فى الكويت

واللى فى كندا

دلوقتى ان شاء الله هاتقسموها محافظات ؟؟؟؟؟

وبكره تقسموها شوارع

وبعده بيوت

طب تصدقى بالله ياريسة انا كنت لسه هابعت انادى لحضرتك تيجى تقصى الشريط

بس اصل الزباين جت بسرعة واتشغلنا فى الطلبات

فقلت نعمل قاعة لكبار الزوار ونعزمك

بس طلعتى صاحبة قهوة

قصدى صاحبة بيت

وبعدين هو احنا عندنا أغلى من شومبنجو

ده الادب والاخلاق شومبنجو

هو انا خلفت الا شومبنجو

احنا هنظبط وزارة الخارجية اللى انا هامسك وزيرتها :lol: ونبعت لسيادتك وفد رسمى لتوطيد العلاقات بين الدولتين

ماده تلاته : تٌقسم بقية المناصب على أبناء الشرقية الكرام ( رضوى والأومباشا أمبيشيوس و جست مي ورؤوف أفندي والحاجه أم مروان وما فيش مانع تجيب معاها مروان يساعدها في الحكم ) بس ألعبوا سوا وماحدش يلعب في وزارة غيره ...

خلاص ياكبير الخارجية والداخلية عندنا انا والواد مروان وممكن حضرتك حتة من وزارة الصحة أمسكها للبنتين الصغيرين عشان يخللوا بالهم من سلسلة صيدليات مامى :lol:

ايه ياجماعة 3 وزارات مش كتير علينا انا والولاد ولسه الوزارات كتير ماتقلقوش md2:

[se_ Elsyed]

[وممكن حضرتك حتة من وزارة الصحة أمسكها للبنتين الصغيرين عشان يخللوا بالهم من سلسلة صيدليات مامى :lol:

يخللوا إيه بس الله يهديكي يا دكتوره

بأقول لك وزيرة

وزيره

تقولي لي يخللوا صيدليات وكلام من ده ؟؟؟؟؟

إيه سقف الطموح المنخفض عن سطح البحر ده ؟؟؟؟؟؟؟؟؟؟؟؟

طب يمين بالله

قرار رئيس الجمهورية رقم 4

تُباع جميع شركات الأدوية الموجوده في ميدان السواح وإنت رايح على الأميرية بالأمر المباشر للدكتوره ام مروان وإبنها مروان بسعر رمزي ... وخلي رمزي يضرب دماغه في الحيط

يعني بنتكلم في امون وممفيس وهاضم لك معاهم جلاكسو بتاعت التاميفلو .. وأسمها إيه دي الشركة بتاعت باسيلي اللي في مدينة السلام ...

أنا عاوز وزرا عندهم طموح

سيبوكو بقى من الشغل الصغير ده اللي جابنا ورا

[ozoozo]

[وممكن حضرتك حتة من وزارة الصحة أمسكها للبنتين الصغيرين عشان يخللوا بالهم من سلسلة صيدليات مامى :lol:

يعني بنتكلم في امون وممفيس وهاضم لك معاهم جلاكسو بتاعت التاميفلو .. وأسمها إيه دي الشركة بتاعت باسيلي اللي في مدينة السلام ...

أنا عاوز وزرا عندهم طموح

سيبوكو بقى من الشغل الصغير ده اللي جابنا ورا

عندك ياريس

التاميفلو بتاع شركه روش

انت عايز تقطع علينا ولا ايه

[om marawan]

الله أكبر

هدية مقبولة ياااااااااااااريس mfb: mfb:

يمين على يمينك ماهم راجعين

انا مارضتش أأممهم انا ليقولوا استغلال نفوذ لا سمح الله ولا حاجة bsh:)

انت عارف طهارة اليد والشفافية اهم حاجة ... ( ولو ان الشفافية دى قدمت اوى عاوزين نفكر فى كلمة جديدة )

بس طالما هدية ماقدرش أرجعها أبداااااا

بس كده هنحتاج نتفاهم مع بتوع المالية ليجيلوا يقولك ضرايب والكلام اللى يزعل ده احنا عاوزين نلغى الضرايب نوهااااااااااائى

إيه سقف الطموح المنخفض عن سطح البحر ده ؟؟؟؟؟؟؟؟؟؟؟؟

:lol: md2: :lol:

[om marawan]

امتى بقا يطلع قرار من الرياسة بتأميم مارينا والساحل الشمالى واعتبارهم ولاية من الولايات الشرقية

عادى يعنى حتى لو كانوا فى غرب مصر ده حتى احنا أقرب من اسكندرية وبيينا وبين نقطة أبيس يادوب ساعتين تلاتة :lol:

[om marawan]

وانا باقلب فى المحاورات لقيت موضوع للريس سين سين عن محمد ابراهيم سليمان وزير الاسكان الاسبق

ولقيت الناس ببتوعد له بسجن على كام اعدام على تشكية كده ليه بقااااااا ؟

وذكرت جريدة الاهرام المسائي فى عددها الصادر الأحد ان تقرير هيئة الرقابة الإدارية الذي يقع في‏ 50 ‏ ورقة من القطع الكبير‏ يتضمن جميع المخالفات المتعلقة باسناد وتخصيص أراضي لأقاربه وذويه ورجال الأعمال بالأمر المباشر‏.‏

وقلت انا سمعت كلمة الامر المباشر دى فين

اااااااه افتكرت وانا باستلم هديتى فى الوزارة

وعلى هذا قررنا نحن ام مروان والعائلة ان " اتنحى عن منصبى " انا والعيال يعنى وابوهم وخليلكم يا سيدى شركاتكم بسلطاتها ببا غنوجها

واللى عاوزنى يبعت لى اى عيل صغير ع القهوة

ايوا جاااااااااااااااااااااااى

[justme]

لأ مينفعش كده يا ام مروان

ايه الاستقالة السريعة دي

كده شكلك هتتبعتي هناك لأنك اعترضتي على قرار سين سين

وده ميعرفش ابوه

احسنلك اسحبي الاستقالة

لحسان زعله وحش قوي

سامعني يا عم سين سين

متمسكني التعليم

ونفتح معهد الشوم والنبابيت :closedeyes:

وبقترح يكون مكانه عند الصاغة جنب المديرية

علشان اللي مش هيمشي على النظام هنعلم الغفر اللي عند رضوى ازاي هنكسر راسه