قهوة الشراقوة

[ام سلمي]

السلام عليكم

الاخوة الشراقوة , انا الحقيقة مش شرقاوية بس زوجي شرقاوي فحبيت اسلم عليكم بالنيابة عنه ومحتاجة مساعدتكم في موضوع

هو زوجي عنده قطعة ارض صغيرة في منطقة اسمها عبس تقريبا هي ارض مزروعة ليمون ومعروض عليه يبيعها واحنا برة مصر دلوقتي يا ريت لو حد يعرف سعر الفدان يبقي كام بالتقريب في المنطقة دي علشان نعرف نقرر نبيع واللا لأ وجزاكم الله خير

[رضوي]

ممكن ننضم للعضوية أخوكم زقازيقى قديم ومثلت الشرقية فى كثير من المحافل الرياضية المحلية والدولية

اهلا اهلا اهلا اهلا

ايه النور دة

كمان محافل رياضية وعالمية

ياتري في لعبة ايه بالظبط

علشان بس تعرفوا الشراقوة جامدين

كدة بقي حضرتك تاخد وزارة الشباب والرياضة ............ تعملنا شغل جاااااااااااااااااااااااااااامد

وعايزين بقي بطولات وجوايز

وشوية فتوات كدة علشان لو حد حاول يكلمنا يردوا عليهم

عايزين شوية عيال من اللي بيعملوا بدي بلدنج يبقوا صورة مشرفة للشرقية

ونشغلهم في الحراسات الخاصة

نبعت كام واحد لسي السيد ( بما انه الامبراطور )

وابعتلي الباقي يدربوا الغفر اللي عندي

منور والله

[رضوي]

الا مين مسئول عن الترفيه يا جماعة؟ مفيش ؟ شوفو النصيب خلاص هتوكل على الله و همسك الترفيه...و هسميها وزاره المراجيح ( سامع يا جست مي) و احب احذر ان اللي هيوقف في طريق انتخابي باي شكل انا عندي معارف و عاااادي خالص اعمل انقلاب و احتل القهوة كلها مش الوزارة بس.

انتهى الخطاب

طبعا يادامو وزارة المراجيح ..................... يالا بقي اعمليلنا اجدع دريم بارك شرقاوي علشان عايزة اخرج واتفسح شوية

وبعدين مين اللي يقف قدامك اصلا

احنا عندنا ديمقراطية

احنا مش بنهزر ............ اللي عايز وزارة يمسكها فورا

[أبو العز]

ممكن ننضم للعضوية أخوكم زقازيقى قديم ومثلت الشرقية فى كثير من المحافل الرياضية المحلية والدولية

اهلا اهلا اهلا اهلا

ايه النور دة

كمان محافل رياضية وعالمية

ياتري في لعبة ايه بالظبط

علشان بس تعرفوا الشراقوة جامدين

كدة بقي حضرتك تاخد وزارة الشباب والرياضة ............ تعملنا شغل جاااااااااااااااااااااااااااامد

وعايزين بقي بطولات وجوايز

وشوية فتوات كدة علشان لو حد حاول يكلمنا يردوا عليهم

عايزين شوية عيال من اللي بيعملوا بدي بلدنج يبقوا صورة مشرفة للشرقية

ونشغلهم في الحراسات الخاصة

نبعت كام واحد لسي السيد ( بما انه الامبراطور )

وابعتلي الباقي يدربوا الغفر اللي عندي

منور والله

فى رياضة الكاراتيه وكنت فى منتخب مصر

والان انا حكم دولى وعضو اللجنة العليا للحكام

[رضوي]

سلامو عليكو

أنا شرجاوى بس من النوع ال chronic

باصبح على القهوة كلها

وتحيا الجماهيرية الشرقاوية العظمى

وعاش الأخ الفريق قائد القهوة الملهم س.س

وولى عهده الأمين والمفتش العام

وأصحاب المعالى والسعادة

عايز بقى واحد شاى تجيل سكر برة علشان اعدل دماغى

وعليكم السلام

ايه دة

دة انت كدة شرقاوي اصيل كماني ......... وليك الحج في كل اللي تجول عليه

امااااااال ........ دة انت كمان كاتب العنوان ع الشرقية ( ان ما فيه حد فينا عملها )

سياتك بجي حتمسك اركان حرب في الحربية

ولا تحب تمسك جسم الترجمة الفورية للغة الشرجاوية

براحت راحتك يعني

[رضوي]

ايــــــــــــــــــــــــوة كبدة مين بيطلب كبدة كبدة جملى وبقرى طازة

وعندك كمان ربع هناك عند الباشا زنزل ربع مشوى عند الست اللى هناك

اخلص طلبات الزباين اللى بياكلونا عيش ونيجى نتكلم معا فخامت الامبراطور

لانى بصراحة استاهل وزارة التموين عايز اخلى الناس تاكل لحمة خللى الغنى والفقير ياكل لحمة ولا اية راى فاخامتك يامبراطور

من فضلك واحد كبدة اسكندراني محبشة جامد بالفلفل الحراق

من حقك تمسكي وزارة التضامن الاجتماعي طبعاً

بس شوفي بتوع ابو كبير الاول ......... بلاش مشاكل ( ممكن نمسكك وزارة اكبر شوية :lol: حلوة الانتاج الحربي ؟ )

[رضوي]

فى رياضة الكاراتيه وكنت فى منتخب مصر

والان انا حكم دولى وعضو اللجنة العليا للحكام

الله اكبر

بسم الله ماشاء الله

رفعت راس الشراقوة

حد عايز يلعب كراتيه ؟؟؟؟؟؟؟؟؟

:lol:

معانا الحم ذات نفسه ......... حد عايز حاجة ؟؟؟؟؟؟

اهلا بحضرتك يافندم .... تشرفنا بمعرفتك

[رضوي]

السلام عليكم ورحمة الله وبركاته

موضوع القهوة دة خلانا نكتشف ان فيه شراقوة كتيييييييييييييييييير جداً في المحاورات ....... لدرجة اننا ممكن نحتل المحاورات ......... وتبقي محاورات الشراقوة ..... بهزر طبعاً :closedeyes:

بجد كل الشراقوة منورين ( مع ان الولايات لسة ماتوزعتش )

بالنسبة بقي للناس اللي عايزة تاخد الجنسية الشرقاوية فدة متاح عندنا .......... طبعاً ما احنا اهل الكرم

حد بقي يسألني يقولي يارودي ايه حكاية اهل كرم دي ؟

وليه الشراقوة بيشتهروا بالكرم .؟

سؤال وجيه ........... مش الشراقوة بس اللي كرما كل العرب يشتهروا بالكرم لأن ديننا الحنيف بيأمرنا بده

بس الشراقوة اشتهروا بموضوع القطر ؟؟؟؟؟؟؟؟

فعلاً

حد يعرف حكاية القطر ؟؟؟؟؟؟؟؟؟

أسألوا بتوع فاقوس

طيب عقبال لما حد من فاقوس ييجي ويحكيلنا حكاية القطر ....... احكليكم انا شوية

صلوا علي النبي

في يوم من أيام شهر رمضان المبارك وفي بلد بمركز فاقوس بمحافظة الشرقية قصدي الولايات المتحدة الشرقاوية

كان فيه قطر ماشي ......... وبعدين القطر حصله عطل ( عادي السكة الحديد بقت خربانة ...... ابقوا فكروني احكيلكم حكاية للسكة الحديد ) ....... المهم المدفع ضرب والمغرب اذن ....... والناس اللي في القطر طبعاً صايميين ......... فأهل القرية اللي القطر عطل فيها كل واحد عنده اي اكل شارك بيه في مائدة عظيمة لمشاركة ركاب القطر الفطار ........ وكل الناس فطرت مع ركاب القطر ........... وبعد كدة عرفت الشرقية بالكرم علشان عزموا القطر علي الفطار ...........

بس خلاص

الموقف دة لو حصل في أي مكان في مصر ................. حنلاقي نفس الاستجابة لان الخير في نفوس كل المصريين بل كل المسلمين ........ بس الفرصة ...........

مش المسلمين بس علي فكرة .......... لا المسيحين كمان

زماااااااااااااان وانا صغيرة فاكرة كويس

طنط ام مدحت .... جارة تيتة ,,,,,,,,,, كنت لما بروح عند تيتة دايماً الاقيها قاعدة معاها

وكانت هي واولادها في رمضان مش بيرضوا ياكلوا الا مع اذان المغرب

احكيلكم بقي علي حكاية للسكة الحديد

الحكاية دي جدو الله يرحمه قالهالي

جدو كان بيقولي ان مواعيد السكة الحديد مظبوطة بالفنتو ثانية ........... يعني لو اتأخرت ربع ثانية عن معاد القطر مش حتركبه ( كانت افضل من مواعيد طيران الايام دي )

وبعد جلاء الانجليز عن مصر ,,,,,,,,و السكة الحديد بقت مصرية

جدي راح يركب القطر ......... كان في اسوان .... وعايز يرجع القاهرة

وكان في رمضان ..... ومعاد القطر يقوم قبل المغرب بنصف ساعة

المهم ....... جدو وصل المحطة في معادة وركب القطر وانتظر ........... القطر مااتحركش ........ ربع ساعة عدت علي معاد القطر ........ ولاحس ولاخبر ........... ايه القطر دة مش حيتحرك ؟؟؟؟؟

جدو قام راح يسأل ناظر المحطة ... خير القطر مش حيتحرك المعاد عدي من ثلث ساعة

قاله ......... يابيه لسة باقي علي المغرب ربع ساعة ........ السواقين حيفطروا ويصلوا المغرب وتتحركوا باذن الله ........ خلاص بقي السكة الحديد بقت بتاعتنا .......

لاتعليق

لما جدي قالي الحكاية دي ......... زعلت جداً وحسيت بالالم والمرارة ........ يعني الانجليز عندهم ضمير أكتر مننا احنا المسلمين !!!!!!!!!!

دة مالوش دعوة بالقهوة .......... بس الشئ بالشئ يذكر

[أبو العز]

شكرا للاخت رضوى

يشرفنى الانضمام لجروب بلدياتنا الزقازيقاويين

[justme]

مهي المشكلة بقى ان دي سبب ش ك ع بمعانيها المختلفة

حد فاهم حاجة

[أبو العز]

مهي المشكلة بقى ان دي سبب ش ك ع بمعانيها المختلفة

حد فاهم حاجة

ش : شرقاوى

ك : كريم

ع : عظيم

وسيبك من المعانى الخبيثة الأخرى

[justme]

وسيبك من المعانى الخبيثة الأخرى

حضرتك مبيعرفوض غير الحاجات التانية ومحدش بيصدق

بالمناسبة احنا ممكن نخلي ده شعار القهوة

وفي تحية العلم :closedeyes:

[عنبو]

justme مشاركة بتاريخ أمس, 10:46 PM

إقتباس(أبو العز @ Jan 9 2010, 11:32 PM)

وسيبك من المعانى الخبيثة الأخرى

حضرتك مبيعرفوض غير الحاجات التانية ومحدش بيصدق

بالمناسبة احنا ممكن نخلي ده شعار القهوة

وفي تحية العلم

الى يقولك على المعنى الوحش هبقى قولك على معنى وحش تانى كده تقوله عليه

[رضوي]

السلام عليكم ورحمة الله وبركاته

مين دة اللي بيقول كلام وحش علينا

مين اللي يقدر يعملها

شاورولي عليه بس وانا اقطعه ................. طبعاً

وبعدين معانا الحكم الدولي ............... كارتيه ومصارعة وكنغ فو كمان

حد يقد يتكلم وانا بلا فخر شيخ الغفر

طب دة حتي جنابي كان يقطعه :lol:

طيب حد يحاول كدة من بعيد وانا اوريكوا حعمل في ايه

[رضوي]

السلام عليكم ورحمة الله وبركاته

ايه ياغفير صميدة.......... هي القهوة مالها فاضية ليه ؟ فين الشراقوة؟؟؟؟؟؟؟؟؟؟؟؟؟؟؟؟ فين الامبراطور ؟ سيبتوا البلد وهاجرتوا ليه ؟

وانا قاعدة ع الترعة كدة بمصمص جصب ( حد يقولي القصب دة بيتزع في الصعيد بس .... هقوله لا والف لا ليس في الصعيد وحده يزع القصب ....... حدانا في الشرجية كماني بنزع جصب )

ماعلينا

واني جاعدة كدة ع الترعة وماسكة عود الجصب كدة .... اوم ايه لقيت الست ام بهانه جاية وبتعزمني علي فرح بنتها بهانه ؟؟؟؟؟؟؟؟؟؟

ايه دة ؟

ياست انتي هي مش بنتك دي لسة في سنة تانية اعدادي ؟ هتجوزيها ازاي بس ؟

-قالتلي : ياحاجة رضوي ( ان شا الله يارب ) ............. ياحاجة رضوي اني عملتلها شهادة تسنين ؟

- نعم طيب وليه ماتسيبي البنت تكمل تعليمها .........

- ماهي اخرة البنت بيت جوزها برضه

-ياستي انا ...... البنت لسة صغيرة جدا وماتعرفش يعني ايه جواز ومسئولية

- يوه ....... هتاخد ايه م التعليم يعني....... بلاش وجع راس

ومهما اتكلم واهاتي وريقي نشف ومافيش فايدة

--------------------------------------------------------------------------------

طب قومي يابنت ياعزيزة اعمللنا رغيفين عيش نعشي بيهم عمك الحاج

ياغفير صميدة ولع الحطب يالا علشان الليل دخل علينا والدنيا برد

طب بجد بقي فاكرين موضوع الحطب دة والنار اللي بيولعوها باليل في البيوت علشان يتدفوا ؟؟؟؟

انا فاكرة الموضوع دة جداً علشان لسة لحد النهاردة بشوفه في بيوت الفلاحين .......

طب بجد احكلكم حكاية

كان فيه وحدة صحبتي في الشرقية باباها دخل المسشتفي بسبب النار والحطب دول ......... حصله اختناق والراجل كان حيروح فيها بس ربنا سترها

وعلي الرغم ان صحبتي دي متعلمة ومعاها بكالويوس تمريض ......... الا انهم تاني يوم ولعوا النار دي عادي خالص وكل اللي عملوه انهم حطوا النار في اوضة تانية بعيد عن باباها وكأن باباها هو اللي عنده مشكلة خاصة والنار دي مش بتعمل حاجة

هرجع لكم بعدين .......... ونشوف كل الوزاراء والسفراء والعمد في الولايات المتحدة الشرقاوية راحوا فين ؟

طيب فين الامبراطور ؟؟؟؟؟

ياغفير صميدة

فوراً تعملي تحريات شاملة عن سر اختفاء الشراقوة ؟

[عنبو]

السلام عليكم ورحمة الله وبركاته

ايه ياغفير صميدة.......... هي القهوة مالها فاضية ليه ؟ فين الشراقوة؟؟؟؟؟؟؟؟؟؟؟؟؟؟؟؟ فين الامبراطور ؟ سيبتوا البلد وهاجرتوا ليه ؟

وانا قاعدة ع الترعة كدة بمصمص جصب ( حد يقولي القصب دة بيتزع في الصعيد بس .... هقوله لا والف لا ليس في الصعيد وحده يزع القصب ....... حدانا في الشرجية كماني بنزع جصب )

ماعلينا

واني جاعدة كدة ع الترعة وماسكة عود الجصب كدة .... اوم ايه لقيت الست ام بهانه جاية وبتعزمني علي فرح بنتها بهانه ؟؟؟؟؟؟؟؟؟؟

ايه دة ؟

ياست انتي هي مش بنتك دي لسة في سنة تانية اعدادي ؟ هتجوزيها ازاي بس ؟

-قالتلي : ياحاجة رضوي ( ان شا الله يارب ) ............. ياحاجة رضوي اني عملتلها شهادة تسنين ؟

- نعم طيب وليه ماتسيبي البنت تكمل تعليمها .........

- ماهي اخرة البنت بيت جوزها برضه

-ياستي انا ...... البنت لسة صغيرة جدا وماتعرفش يعني ايه جواز ومسئولية

- يوه ....... هتاخد ايه م التعليم يعني....... بلاش وجع راس

ومهما اتكلم واهاتي وريقي نشف ومافيش فايدة

--------------------------------------------------------------------------------

طب قومي يابنت ياعزيزة اعمللنا رغيفين عيش نعشي بيهم عمك الحاج

ياغفير صميدة ولع الحطب يالا علشان الليل دخل علينا والدنيا برد

طب بجد بقي فاكرين موضوع الحطب دة والنار اللي بيولعوها باليل في البيوت علشان يتدفوا ؟؟؟؟

انا فاكرة الموضوع دة جداً علشان لسة لحد النهاردة بشوفه في بيوت الفلاحين .......

طب بجد احكلكم حكاية

كان فيه وحدة صحبتي في الشرقية باباها دخل المسشتفي بسبب النار والحطب دول ......... حصله اختناق والراجل كان حيروح فيها بس ربنا سترها

وعلي الرغم ان صحبتي دي متعلمة ومعاها بكالويوس تمريض ......... الا انهم تاني يوم ولعوا النار دي عادي خالص وكل اللي عملوه انهم حطوا النار في اوضة تانية بعيد عن باباها وكأن باباها هو اللي عنده مشكلة خاصة والنار دي مش بتعمل حاجة

هرجع لكم بعدين .......... ونشوف كل الوزاراء والسفراء والعمد في الولايات المتحدة الشرقاوية راحوا فين ؟

طيب فين الامبراطور ؟؟؟؟؟

ياغفير صميدة

فوراً تعملي تحريات شاملة عن سر اختفاء الشراقوة ؟

من كلامك يارضوى واضح انك بقالك لا يقل عن عشرين سنه منزلتيش الشرقيه

هحضر حاجه حلوه وارجع تانى سلام

[رضوي]

عنبييييييييي

يابني انا الحمد لله شرقاوية اصيلة جداً

وعلاقتي بالشرقية لاتنتهي

مش معني ان اللي كتبته دة لسة موجود بالظبط في الشرقية ............................ بس فعلاً والله ياعنبي لسة فيه حاجات من دي موجودة

اما بقي موضوع الحطب والنار دة فإلي يومنا هذا مازال يستخدم في بعض المناطق الريفية !

شوفت بقي من فينا اللي مانزلش الشرقية من زمااااااااااااااااااااااااااان ؟ :blink:

[رضوي]

السلام عليكم ورحمة الله وبركاته

اجمل واروع واحلي صباح في الدنيا علي عيون الشراقوة والمصريين كلهم في كل بقاع الارض

فينك ياعنبو

انت سافرت الشرقية تجيب اخبار ولا ايه :rolleyes: :lol:

بس اجمل صباح برضه كان في الشرقية لما اصحي الصبح علي آذان الفجر واسمع الناس وهي راجعة م الجامع ....... وبعدين كل الناس تصحي ماتستناش شروق الشمس

بس دة كان زمااااااااااااااااااان دلوقتي ماحدش بيصحي بدري

علي الرغم من روعة استقبال يوم جديد مفعم بالأمل

اما بقي عن زقزقة العصافير علي الشجر وصوت الكروان الرائع فده فعلاً افتقده هنا علي الرغم من كثرة الاشجار في المكان اللي اسكن فيه

طيب ليه مش هنا فيه شجر وهناك برضه شجر ؟

بس الوضع مختلف تمام الاختلاف ........... هنا

هناك فيه دفا وسكون ........ جري ولعب وتنطيط طول اليوم

مابنتعبش م اللعب .............

نخرج ونرجع ونروح ونييجي

بس هنا لا

الخروج بحساب ........ الرجوع بحساب ................ ومافيش تنطيط اصلاً

الشرقية مكان دافي لطيف لايشعر بدفئه غير اللي عاش جواها......... وشرب من بحر مويسها وجري في ارضها ولعب فيها

[عنبو]

عدناااااااااااااااااااا

عنبو : الوووووووووووو

عضو محاورات من القاهره : الوووووووووو

عنبو : ازيك يابنى انت عارف مين الى معاك

عضو محاورات من القاهره :لا معرفش

عنبو : انا محمد ياااااااض

عضو محاورات من القاهره : محمد مين ؟؟

عنبو :محمد عنبو يابنى

عضو محاورات من القاهره :اهلاً انت جيت امتى يابنى

عنبوو : يعنى بقالى يومين كده

عضو محاورات من القاهره :طيب هنشوفك

عنبو :طبعاً بس انزلى انت بقى الشرقيه علشان اعملك دماااااااااغ فلاحين اخر روشنه

عضو محاورات من القاهره :ايه دماغ الفلاحين دى

عنبوو :لما تنزل هتشوف بنفسك

عضو محاورات من القاهره :طيب هنتقابل ازاى

عنبوو : بس ياباشا اولاً انت تيجى فى القطر وتسيب العربيه بتاعتك خالص لانها مش هتلزمك هنا خالص

عضو محاورات من القاهره :ماشى

عضو محاورات من القاهره :هستناك فى محطة القطر

سلام سلام

عنبو : لما اتصل جست مى علشان نظبط الراجل الى جاى ده

عنبو : ازيك ياجست

جست : ازيك ياعنبو

عنبو : بص يا جست واحد واحد محاوراتى من القاهره جاى عاوزين نعمله دماغ فلاحى

جست : طيب انا عارف سوبر ماركت فى كفر الاشاره بيبع بانجو انما ايه زهره

عنيو : لا بانجو ايه ياجست العضو الى جاى مالوش فى الموضوع ده خالص ولا قولك هات منه علشان نعملها له مفاجأه

جست : على البركه يامعلم هطير انا بقى اجيب المصلحه ونتقابل فى محطة القطر علشان نوجب مع الزبون

عنبو : ايه يابنى اللغه دى زبون ايه وبتاع ايه احنا جايبن واحد ننصب عليه

جست : سيبك انت ياعم هى دى الموضه مسى مسى

عنبو : متنساش ياجست الميعاد ماشى

يوم اللقاء بقى

محمد عنبو لبس الجلابيه والعمه وشد الشده المظبوطه جست ومحمد عنبو معاه لوحه كاتب عليها تحت اللوحه يوجد كلاً محمد عنبو وجست

العضو شاف اللوحه ضحك محمد العنبو رمى اللوحه وراح علشان يسلم على العضو سلم عليه يامراحب وجست سلم عليه

عنبو : نورت الشرقيه ياباشا

العضو : منوره باهلها

جست : هو اهلها دى يامحمد دى كهربا عند بتوع مصر

عنبو : ابوووس على ايدك ياجست فوق شويه

جست : انا فايق مووووووت بس الواحد لازم يستفسر على كل حاجه

اتفضلوا

تااااااااااااكسى

الزراعه ياسطى

العضو : ايه ياعم محمد انت مقولتش ن انت عامل حسابك فى مواصله مكنت ياعم جبت عربيتى وخلاص

عنبو : لا ياعم اصبر بس وسيلة المواصلات واقفه بره الزقازيق علشان مش هتنفع تدخل بس خلاص ادينا وصلنا ياعم تعالوا اركبوا

العضو وجست فى نفس واحد : نركب ايه يامحمد ده انت اتهلبت

عنبو : ليه ياجماعه مش انتوا عاوزين دماغ فلاحى يبقى خلاص

العضو : بس يامحمد ده بابور بتاع حرت نركب فيه ازاى

عنبو : انا هسوق وجست على اليمن وانت على الشمال

العضو وجست : خلاص امرنا لله

عنبو : لا ياجماعه انتوا كده مخوفينى منكم ده لسه فى بلاوى هناك

وصلنا هوووووووووب اقف

سلام عليكم اهلاً وسهلاً ياهلاً وياسهلاً

عنبوووو :ده المعلم عبد اللطيف بتاع كله

المعلم : تشربوا ايه ياجماعه

عنبو : لا يامعلم

المعلم : لا لازم نوجب مع ضيوفك

عنبو : خلاص شاى

المعلم : تلاته شاى يابنى ومع كل واحد شندوتش مش

العضو وجست : يانهار ابيض ياعنبو ايه ده

عنبو : على فكره ياجماعه الراجل جه اذا مكلناش واشربنا الحاجه الى جابها هتبقى مشكله بجد

العضو : عنبو انت اهبل انت عارف انا لو كلت ده هيحصلى ايه

عنبوو : عارف ياعم بس المشكله انك لو مكلتش هيحصلك اكتر

جست : انا هاكل ومنك لله ياعنبو

عنبو : ايه ياجماعه دماااغ فلاحى ماشى احنا عاوزين نعيش بقى ياجماعه احنا فى رحله

جاب الواد الشاى مع سندوتشات المش والعيال لهطوها معرفش من الخوف ولا من حلوتها

عنبو : طيب يلا ياجماعه نروح الغيط بقى

جست المصلحه الى معايا يامعلم هنعمل فيها ايه

عنبو : اتقل شويه سقعها شويه ماشى

جست ماااااااشى يامعلم "" وشاور على عينه الاتنين كده يعنى "

انا تعبت هكمل بعدين فاااااااصل ونواصل

[رضوي]

عنبوووووووووو

بجد حرااااااااااااااااااام عليك انا وقعت م الضحك وفضحت الدنيا

ايه دة بس ............ صندويتشات مش ......... وياتري علامة الجودة موجودة ولا ( الدود يعني ) ؟

وبعدين حلوة حكاية الجرار دي ........ هموت واركبة بصراحة

هي دي الدماغ الشرقاوية :rolleyes:

وجايبلي مخدرات كمان .......... طيب فين الغفر

ياصميدة .............. صادر المخدرات دي من عنبي واتكيف بيها انت وزمايلك

بجد ياعنبي اكتر من رائع

اكمل