اذهب إلى المحتوى
محاورات المصريين

قهوة الشراقوة

رضوي

بواسطة رضوي
في دعوة للأبتسام

 مشاركة

Recommended Posts

لماضة مصرية جدا عضو جديد

لماضة مصرية جدا

بتاريخ:
بتاريخ:
عدناااااااااااااااااااا

عنبو : الوووووووووووو

عضو محاورات من القاهره : الوووووووووو

عنبو : ازيك يابنى انت عارف مين الى معاك

عضو محاورات من القاهره :لا معرفش

عنبو : انا محمد ياااااااض

عضو محاورات من القاهره : محمد مين ؟؟

عنبو :محمد عنبو يابنى

عضو محاورات من القاهره :اهلاً انت جيت امتى يابنى

عنبوو : يعنى بقالى يومين كده

عضو محاورات من القاهره :طيب هنشوفك

عنبو :طبعاً بس انزلى انت بقى الشرقيه علشان اعملك دماااااااااغ فلاحين اخر روشنه

عضو محاورات من القاهره :ايه دماغ الفلاحين دى

عنبوو :لما تنزل هتشوف بنفسك

عضو محاورات من القاهره :طيب هنتقابل ازاى

عنبوو : بس ياباشا اولاً انت تيجى فى القطر وتسيب العربيه بتاعتك خالص لانها مش هتلزمك هنا خالص

عضو محاورات من القاهره :ماشى

عضو محاورات من القاهره :هستناك فى محطة القطر

سلام سلام

عنبو : لما اتصل جست مى علشان نظبط الراجل الى جاى ده

عنبو : ازيك ياجست

جست : ازيك ياعنبو

عنبو : بص يا جست واحد واحد محاوراتى من القاهره جاى عاوزين نعمله دماغ فلاحى

جست : طيب انا عارف سوبر ماركت فى كفر الاشاره بيبع بانجو انما ايه زهره

عنيو : لا بانجو ايه ياجست العضو الى جاى مالوش فى الموضوع ده خالص ولا قولك هات منه علشان نعملها له مفاجأه

جست : على البركه يامعلم هطير انا بقى اجيب المصلحه ونتقابل فى محطة القطر علشان نوجب مع الزبون

عنبو : ايه يابنى اللغه دى زبون ايه وبتاع ايه احنا جايبن واحد ننصب عليه

جست : سيبك انت ياعم هى دى الموضه مسى مسى

عنبو : متنساش ياجست الميعاد ماشى

يوم اللقاء بقى

محمد عنبو لبس الجلابيه والعمه وشد الشده المظبوطه جست ومحمد عنبو معاه لوحه كاتب عليها تحت اللوحه يوجد كلاً محمد عنبو وجست

العضو شاف اللوحه ضحك محمد العنبو رمى اللوحه وراح علشان يسلم على العضو سلم عليه يامراحب وجست سلم عليه

عنبو : نورت الشرقيه ياباشا

العضو : منوره باهلها

جست : هو اهلها دى يامحمد دى كهربا عند بتوع مصر

عنبو : ابوووس على ايدك ياجست فوق شويه

جست : انا فايق مووووووت بس الواحد لازم يستفسر على كل حاجه

اتفضلوا

تااااااااااااكسى

الزراعه ياسطى

العضو : ايه ياعم محمد انت مقولتش ن انت عامل حسابك فى مواصله مكنت ياعم جبت عربيتى وخلاص

عنبو : لا ياعم اصبر بس وسيلة المواصلات واقفه بره الزقازيق علشان مش هتنفع تدخل بس خلاص ادينا وصلنا ياعم تعالوا اركبوا

العضو وجست فى نفس واحد : نركب ايه يامحمد ده انت اتهلبت

عنبو : ليه ياجماعه مش انتوا عاوزين دماغ فلاحى يبقى خلاص

العضو : بس يامحمد ده بابور بتاع حرت نركب فيه ازاى

عنبو : انا هسوق وجست على اليمن وانت على الشمال

العضو وجست : خلاص امرنا لله

عنبو : لا ياجماعه انتوا كده مخوفينى منكم ده لسه فى بلاوى هناك

وصلنا هوووووووووب اقف

سلام عليكم اهلاً وسهلاً ياهلاً وياسهلاً

عنبوووو :ده المعلم عبد اللطيف بتاع كله

المعلم : تشربوا ايه ياجماعه

عنبو : لا يامعلم

المعلم : لا لازم نوجب مع ضيوفك

عنبو : خلاص شاى

المعلم : تلاته شاى يابنى ومع كل واحد شندوتش مش

العضو وجست : يانهار ابيض ياعنبو ايه ده

عنبو : على فكره ياجماعه الراجل جه اذا مكلناش واشربنا الحاجه الى جابها هتبقى مشكله بجد

العضو : عنبو انت اهبل انت عارف انا لو كلت ده هيحصلى ايه

عنبوو : عارف ياعم بس المشكله انك لو مكلتش هيحصلك اكتر

جست : انا هاكل ومنك لله ياعنبو

عنبو : ايه ياجماعه دماااغ فلاحى ماشى احنا عاوزين نعيش بقى ياجماعه احنا فى رحله

جاب الواد الشاى مع سندوتشات المش والعيال لهطوها معرفش من الخوف ولا من حلوتها

عنبو : طيب يلا ياجماعه نروح الغيط بقى

جست المصلحه الى معايا يامعلم هنعمل فيها ايه

عنبو : اتقل شويه سقعها شويه ماشى

جست ماااااااشى يامعلم "" وشاور على عينه الاتنين كده يعنى "

انا تعبت هكمل بعدين فاااااااصل ونواصل

السلام عليكم و رحمة الله و بركاته

تصدق يا محمد

انا مرحتش الشرقية دي خالص.......

بس...... شكلي كده هروحها عشان اشوفك انت و جست مي...... كل واحد ماسك كوباية زبادي و قاعد يكلم التاني

و اعملوا معايا واجب بقي

اموت انا في البط...... و الملوخية بالارانب

فوتك بعافية

رابط هذا التعليق
شارك
  • الردود 266
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

الصور المنشورة

عنبو عضو جديد

عنبو

بتاريخ:
بتاريخ:
رضوي مشاركة بتاريخ أمس, 11:10 PM

عنبوووووووووو

بجد حرااااااااااااااااااام عليك انا وقعت م الضحك وفضحت الدنيا

ايه دة بس ............ صندويتشات مش ......... وياتري علامة الجودة موجودة ولا ( الدود يعني ) ؟

وبعدين حلوة حكاية الجرار دي ........ هموت واركبة بصراحة

هي دي الدماغ الشرقاوية

وجايبلي مخدرات كمان .......... طيب فين الغفر

ياصميدة .............. صادر المخدرات دي من عنبي واتكيف بيها انت وزمايلك

بجد ياعنبي اكتر من رائع

اكمل

اصبرى بس ياروض لما تخلص الحكايات ده لسه !!! بس علشان خاطرى بلاش صميده يصادر المخدرات علشان هنعوزها هتعرفوا بعدين

السلام عليكم و رحمة الله و بركاته

تصدق يا محمد

انا مرحتش الشرقية دي خالص.......

بس...... شكلي كده هروحها عشان اشوفك انت و جست مي...... كل واحد ماسك كوباية زبادي و قاعد يكلم التاني

و اعملوا معايا واجب بقي

اموت انا في البط...... و الملوخية بالارانب

فوتك بعافية

لماضه تنورى الشرقيه بس البط والملوخيه دول ياباشا مش من الاول لازم الاول تنجحى فى اختبار الولاء للشرقيه ويتعمل معاكى واجب زى الى هنعمله فى الزبون بتاع مصر اصبرى بس

فااااااصل ونواصل

سلام

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك
sonysam عضو جديد

sonysam

بتاريخ:
بتاريخ: (معدل)

الحمد لله ... حلمي تحقق قبل ما يتلغي النت .

أخيرا لقيت موضوع عن الشراقوة ع النت .

وعلشان الموضوع الجميل ده انا عازم كل مرتادي القهوه على العشا عند فتفت ( سندوتشات كبده ) .

ليا طلب صغير لو ممكن ... حد معاه فكة ربع جنية سلف .

تم تعديل بواسطة sonysam
رابط هذا التعليق
شارك
رضوي عضو جديد

رضوي

بتاريخ:
  • كاتب الموضوع
بتاريخ:
الحمد لله ... حلمي تحقق قبل ما يتلغي النت .

أخيرا لقيت موضوع عن الشراقوة ع النت .

وعلشان الموضوع الجميل ده انا عازم كل مرتادي القهوه على العشا عند فتفت ( سندوتشات كبده ) .

ليا طلب صغير لو ممكن ... حد معاه فكة ربع جنية سلف .

السلام عليكم ورحمة الله وبركاته

الاخ sonysam اهلا بك في قهوة الشراقوة ياعبده واحد شاي للاستاذ وصلحه

ياعيني هو انت كنت بتدور علي موضوع عن الشرقية ومش لاقي :lol:

اهلا بيك عندنا في قهوة الشراقوة

ومادام عازمنا كلنا علي صندويتشات كبدة اوكي ................. عزومتك مقبولة

وعندنا كمان عربية الكبدة واقفة قدام القهوة مش محتاج تروح لفتفت يعني

اللهم إرزقني بفرحة ... تجعلني أسجد لك باكية .

رابط هذا التعليق
شارك
sonysam عضو جديد

sonysam

بتاريخ:
بتاريخ:
السلام عليكم ورحمة الله وبركاته

الاخ sonysam اهلا بك في قهوة الشراقوة ياعبده واحد شاي للاستاذ وصلحه

ياعيني هو انت كنت بتدور علي موضوع عن الشرقية ومش لاقي :)

اهلا بيك عندنا في قهوة الشراقوة

ومادام عازمنا كلنا علي صندويتشات كبدة اوكي ................. عزومتك مقبولة

وعندنا كمان عربية الكبدة واقفة قدام القهوة مش محتاج تروح لفتفت يعني

وعليكم السلام ورحمة الله وبركاته

الدار منورة بيكم

والله انا فرحت بالموضوع جدا لأن المنتديات او المواضيع الحوارية بين الشراقوة ع النت قليلة

انا شايف الشراقوة اشتراكهم بالموضوع بقى قليل ... ياريت شوية نشاط

تحياتي الى جميع المحافظات - اقصد الجمهوريات - الشقيقة

تحيا جمهورية الشرقية

رابط هذا التعليق
شارك
justme عضو جديد

justme

بتاريخ:
بتاريخ:

ايه الحلاوة دي يا عنبي

جرارات وتاكسيات وناقص تقولي توكتوك كمان :ninja:

طب قولي لو عايز تعمل دماغ روح عند حسن بانجو بتاع الفول والطعمية مش هقولك هتضرب السندويتش من هنا وتسمعني شريط (هو السرير فين)

وده بالذات متجرب واحد صاحبي والعهدة على الراوي كان صاحي 7 صباحا يسافر القاهرة يقضي طلبات المهم قالك استفتح من عند الراجل ده وحياتك ضرب السندويتش ومكدبش خبر روح على البيت ونام على الكنبة للساعة 9 مساءا :blink:

هما سموه حسن بانجو من شوية wst::

هيييييه

وبعدين لو عايز دماغ فلاحي بجد تعال معايا بلد الوالد بقا ومش هقولك الدماغ هتبقى عاملة ازاي

فكرتني باللذي مضى

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
عنبو عضو جديد

عنبو

بتاريخ:
بتاريخ:

وصلنا الغيط

فى بداية الدخول لقينا شويه ناس ملمومه وواحد فيهم عمال يزعق ويقول هو واحد بس ازاى يقبل واحد حرام على عياله هو ايه مش بخاف ربنا ولا ايه ؟

طبعاً جست مى والعضو : هو فيه ايه ياعنبوو

عنبو : لحظه هعرف فيه ايه

عنبو : سلام عليكم ايه ياعم حسن فيه ايه مزعل نفسك ليه

حسن :ياستاذ عنبو انا جبت الجاموسه بتعتى عند الفحل بتعاهم علشان ............وبعدين كنا متفقين على كل حاجه وهو دلوقتى بزود واحد

عنبووووووو : هههههههههههههههههههه طيب انت عامل المشكله دى علشان ........طيب ربنا يخليكم للبلد

جست مى : فيه ايه ياعنبو

عنبو : لا مافيش حاجه ده اختلاف فى وجهات النظر بيحصل عند كل الناس يلا بينا بسرعه من هنا

عنبو : يا لااااااااااااالااااااااااااااا " بفتح وتفخيم اللام "

لااااالاااا : عنبووووووووووووووووووووووووو انت جيت امتى ياعم

عنبووو : بقالى اسبوع كده

لاااااالااااا: شفت المشكله اللى بين حسن وبين فحل ابو الندى ههههههههههههه

عنبووووووو:: ابوس على ايدك يا لااااااااالااااااا معايا ضيوف ومش عاوز حد يعرف حاجه دى هتبقى فضيحه بجد يقولوا ماسكين فى بعض علشان والله مش عارف هيقولوا ايه ؟؟

لاااااالااااا : طيب تمام هسكت خاالص بس انا مش قادر امسك نفسى من الضحك

عنبوووو :: الله يخرب بيتك ايه ياعم رااااااعى الموقف الزفت االلى انا فيه انا اللى غلطان دماغ فلاحى ايه وبتاع ايه

لااااالاااا : لا خلاص ياصاحبى متعرفنا ياعم على الرجاله

عنبوو : جست مى من الزقازيق وعضو من القاهره

لاااااالااا: تمام مرحب يارجاله تعالوا بقى نروح الغيط نضرب بقى هناك دره وقصب وبعدين نشوف هنعمل ايه

جست مى : طيب انا معايا بانجو ممكن نضرب مع الدره

عنبووووو : ههههههههه لا البانجو مع الدره مكروه طبياً على فكره اتقل شويه بس خليها بالليل

جست مى :: تمام بالليل احسن بقى علشان لو حد هيس ولا حاجه

الجماعه ضربوا الدره المشوى ومصوا قصب وقولنا بقى نروح نريح شويه علشان نقوم بالليل نسهر بقى نوشوف هنعمل ايه فى المصلحه اللى مع جست مى

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك
عنبو عضو جديد

عنبو

بتاريخ:
بتاريخ:

وصلنا الغيط

فى بداية الدخول لقينا شويه ناس ملمومه وواحد فيهم عمال يزعق ويقول هو واحد بس ازاى يقبل واحد حرام على عياله هو ايه مش بخاف ربنا ولا ايه ؟

طبعاً جست مى والعضو : هو فيه ايه ياعنبوو

عنبو : لحظه هعرف فيه ايه

عنبو : سلام عليكم ايه ياعم حسن فيه ايه مزعل نفسك ليه

حسن :ياستاذ عنبو انا جبت الجاموسه بتعتى عند الفحل بتعاهم علشان ............وبعدين كنا متفقين على كل حاجه وهو دلوقتى بزود واحد

عنبووووووو : هههههههههههههههههههه طيب انت عامل المشكله دى علشان ........طيب ربنا يخليكم للبلد

جست مى : فيه ايه ياعنبو

عنبو : لا مافيش حاجه ده اختلاف فى وجهات النظر بيحصل عند كل الناس يلا بينا بسرعه من هنا

عنبو : يا لااااااااااااالااااااااااااااا " بفتح وتفخيم اللام "

لااااالاااا : عنبووووووووووووووووووووووووو انت جيت امتى ياعم

عنبووو : بقالى اسبوع كده

لاااااالااااا: شفت المشكله اللى بين حسن وبين فحل ابو الندى ههههههههههههه

عنبووووووو:: ابوس على ايدك يا لااااااااالااااااا معايا ضيوف ومش عاوز حد يعرف حاجه دى هتبقى فضيحه بجد يقولوا ماسكين فى بعض علشان والله مش عارف هيقولوا ايه ؟؟

لاااااالااااا : طيب تمام هسكت خاالص بس انا مش قادر امسك نفسى من الضحك

عنبوووو :: الله يخرب بيتك ايه ياعم رااااااعى الموقف الزفت االلى انا فيه انا اللى غلطان دماغ فلاحى ايه وبتاع ايه

لااااالاااا : لا خلاص ياصاحبى متعرفنا ياعم على الرجاله

عنبوو : جست مى من الزقازيق وعضو من القاهره

لاااااالااا: تمام مرحب يارجاله تعالوا بقى نروح الغيط نضرب بقى هناك دره وقصب وبعدين نشوف هنعمل ايه

جست مى : طيب انا معايا بانجو ممكن نضرب مع الدره

عنبووووو : ههههههههه لا البانجو مع الدره مكروه طبياً على فكره اتقل شويه بس خليها بالليل

جست مى :: تمام بالليل احسن بقى علشان لو حد هيس ولا حاجه

الجماعه ضربوا الدره المشوى ومصوا قصب وقولنا بقى نروح نريح شويه علشان نقوم بالليل نسهر بقى نوشوف هنعمل ايه فى المصلحه اللى مع جست مى

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك
justme عضو جديد

justme

بتاريخ:
بتاريخ:

الله يغربل ابليسك

درة وبانجو

وبعدين مين اللي قالك هناكل ذرة دا احنا هنشربه علشان تبقى دماااااااااااااغ طحن

استمر يا عنبي ربنا يقدرك على فعل الخير وتوفق جموستين في الحلال

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
الباشمهندس ياسر عضو جديد

الباشمهندس ياسر

بتاريخ:
بتاريخ:
لماضه تنورى الشرقيه بس البط والملوخيه دول ياباشا مش من الاول لازم الاول تنجحى فى اختبار الولاء للشرقيه ويتعمل معاكى واجب زى الى هنعمله فى الزبون بتاع مصر اصبرى بس

فااااااصل ونواصل

سلام

طول عمري بقول ان موضوع كرم الشراقوة ده حدوتة اصلا و اديك اكدت الكلام اهو

الكرم بتاع وجه بحري ف المنصورة

المنصــــــــــــــــــــــــــــورة و بس

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
pocy عضو جديد

pocy

بتاريخ:
بتاريخ:

هى القهوه دى بس للشراقوه ولا ايه يعنى مينفعش بتوع السويس او القاهره يشتركوا ومنتظره ردكم يا اخوانى الشراقوه وياترى هترحبوا بينا ولا لا

الا صحيح دى قهوه يعنى للرجاله بس ولا انا متخلفه عصريا في هذا الامر

سلامى للجميع

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك
عنبو عضو جديد

عنبو

بتاريخ:
بتاريخ:
justme مشاركة بتاريخ أمس, 09:15 PM

الله يغربل ابليسك

درة وبانجو

وبعدين مين اللي قالك هناكل ذرة دا احنا هنشربه علشان تبقى دماااااااااااااغ طحن

استمر يا عنبي ربنا يقدرك على فعل الخير وتوفق جموستين في الحلال

اصبر شويه ده لسه فيه مفاجأت

الباشمهندس ياسر مشاركة بتاريخ اليوم, 02:27 AM

إقتباس(محمد العنبى @ Jan 16 2010, 08:38 AM)

لماضه تنورى الشرقيه بس البط والملوخيه دول ياباشا مش من الاول لازم الاول تنجحى فى اختبار الولاء للشرقيه ويتعمل معاكى واجب زى الى هنعمله فى الزبون بتاع مصر اصبرى بس

فااااااصل ونواصل

سلام

طول عمري بقول ان موضوع كرم الشراقوة ده حدوتة اصلا و اديك اكدت الكلام اهو

الكرم بتاع وجه بحري ف المنصورة

المنصــــــــــــــــــــــــــــورة و بس

صوابعك مش زى بعضها يا هندسه

pocy مشاركة بتاريخ اليوم, 10:15 AM

هى القهوه دى بس للشراقوه ولا ايه يعنى مينفعش بتوع السويس او القاهره يشتركوا ومنتظره ردكم يا اخوانى الشراقوه وياترى هترحبوا بينا ولا لا

الا صحيح دى قهوه يعنى للرجاله بس ولا انا متخلفه عصريا في هذا الامر

سلامى للجميع

هلا وغلا بالاخت انجى المشهور ب بوسى او بأم عمرو

بصى ياباشا انتى اولاً مرحب بيكى وبعمرو فى القهوه وواحد شيشه لعمرو يابنى على حسابى وهات لمامته واحد شاى المشروب الرسمى الشرقاوى

القهوه للكل رجاله وستات وبعدين الى فاتحه القهوه واحده قهوة المعلمه رضوى

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك
pocy عضو جديد

pocy

بتاريخ:
بتاريخ:

هلا وغلا بيك اخى الصغير يوه قصدى الكبير عنبوووووووووووو

اخبارك ايه وبرضه كده فى خال يوز الواد الصغير ويشربه شيشه برضه وهو لسه مش بدأ فى السجاير هههههههههههههههه الله يسمحك اوعى تعمل كده فعلا واللى كنت اروح فيها دانا بنزل على السلم لما بلاقي ريحه الاسانسير سجاير تخيل

اما بقي بالنسبه لي انا هاموت على كوبايه شاي بالنعناع من اللى بتعمله امي ربنا يكرمنى بيها دايما يارب والا فلا وياسلام لو شغلتوا اغنيه لام كلثوم (والبنطلون هههههههههههههه)

بجد رضوى اللى فتحاها الحمد لله مش هدفع خالص يبقي طمنتنى ههههههههههههه دا من كرم الشراقوه برضه ولا ايه هههههههههههههههههه(تلاقي رضوى زمانها بتقول ولا اعرفها الله يسمحك يارضوى فين ايام ماكنا بنلعب مع بعض في الشارع بتاع لعبه كلنا نشترك فيها طب على العموم لو هتحسابينى اه خال عمر عندك اهه اوعى تنسي تاخدى منه الحساب هههههههههههههه دلوقتى بقي عنبو هو اللى بتبري من الواد ومن امه ومن كل اللى يعرفهم وعلى راي منى زكى فى المسرحيه اللى كانوا بيستظرفوا فيها كتير دى انا كنت بضحك معاك )

طب اسيبكم وراجعه كمان شويه وابقوا قلولى لما تيجوا تعملوا يوم مجانى علشان ابقي اعزم اصحابي وجيرانهم وجران جيرانهم على حسابي في اليوم ده ههههههههههههههههههه

سلام مؤقت

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك
om marawan عضو جديد

om marawan

بتاريخ:
بتاريخ: (معدل)

بجد رضوى اللى فتحاها الحمد لله مش هدفع خالص يبقي طمنتنى

طب اسيبكم وراجعه كمان شويه وابقوا قلولى لما تيجوا تعملوا يوم مجانى علشان ابقي اعزم اصحابي وجيرانهم وجران جيرانهم على حسابي في اليوم ده ههههههههههههههههههه

سلام مؤقت

يانهاااااااااار ابييييض ام عمرو باشاااا منورة القهوة يا اهلا وسهلا

مشاريب ايه وجيران ايه الحساب كله عندى ده احنا اصلا كنا عاملين الافتتاح مشاريب مجانا

هات يابنى كراسى و نزل شاى بوسطة لعمرو باشااااا وشيل الشيشة دى ( ماشي ياعنبو شيشة وممنوعات شكلك هتودينا الملوخية قصدى المديرية )

انتى بس هاتى حبايبك وتعالى

الا محاوراتية الكويت ده الريسة قلب ابيض هنا من بدرى وعملنا اتحاد شراكة ولا بتاع سوريا وتركيا كده اللى لغوا التأشيرات :yahoo:

على فكرة احنا عملنا وصلة من ام خمسة جنيه من عند جارنا ابو اسماعيل وهنشوف الماتشات هنا كلها مش بس مصر يعنى

صباح الورد والسحلب والشاى ابو نعنااااااااع اااااه بتفكرينا بيه ليه بس :lol:

تم تعديل بواسطة om marawan

يا بخت من يقدر يقول

واللي ف ضميره يطلَّعه

يا بخت من يقدر يفضفض بالكلام

وكل واحد يسمعه

يقف في وسط الناس ويصرخ : آه يا ناس

ولا ملام

ييجى الطبيب يحكي له ع اللي بيوجعه

يكشف مكان الجرح ويحط الدوا

ولو انكوى

يقدر ينوح

وأنا اللي مليان بالجروح

ما اقدرش أقول

ما اقدرش أبوح

والسهم يسكن صدري ماقدرش أنزعه

صلاح جاهين

رابط هذا التعليق
شارك
رضوي عضو جديد

رضوي

بتاريخ:
  • كاتب الموضوع
بتاريخ:
لماضه تنورى الشرقيه بس البط والملوخيه دول ياباشا مش من الاول لازم الاول تنجحى فى اختبار الولاء للشرقيه ويتعمل معاكى واجب زى الى هنعمله فى الزبون بتاع مصر اصبرى بس

فااااااصل ونواصل

سلام

طول عمري بقول ان موضوع كرم الشراقوة ده حدوتة اصلا و اديك اكدت الكلام اهو

الكرم بتاع وجه بحري ف المنصورة

المنصــــــــــــــــــــــــــــورة و بس

نعم نعم !

نعم نعم يعني !

ماااااااااااااااااااااااله كرم الشراقوة

مافيش زي كرم الشراقوة ياباشمهندس

طيب جربت كدة ذات مرة تجرب كرم الشراقوة !!!!!!!!!!!!!!!!!!!!!!!!

وبعديييييييييييييييييييييييييييييييييييييييييييييييييييييييييييييييييييييييييين !!!!!!!!!!!!!!!!!!!!!!!!!

لابقي كله الا كدة ............ دة انا حتي كنت بقول ان احنا ولاد عم !

فيه ابن عم يعمل كدة في ولاد عمه؟

طيب اسأل كدة بتوع المنصورة يقولولك علي كرم الشراقوة

فين حبيبتي ذهبية تقوله وتعرفه

ياعنبي ..................... اعزم الزبون عندنا في الشرقية وقوم معاه بالواجب المتين

ولا اقولك .......... الواجب المرة دي عندي ............... هاته ياعنبي ...... ورايا

اللهم إرزقني بفرحة ... تجعلني أسجد لك باكية .

رابط هذا التعليق
شارك
رضوي عضو جديد

رضوي

بتاريخ:
  • كاتب الموضوع
بتاريخ:
هلا وغلا بيك اخى الصغير يوه قصدى الكبير عنبوووووووووووو

اخبارك ايه وبرضه كده فى خال يوز الواد الصغير ويشربه شيشه برضه وهو لسه مش بدأ فى السجاير هههههههههههههههه الله يسمحك اوعى تعمل كده فعلا واللى كنت اروح فيها دانا بنزل على السلم لما بلاقي ريحه الاسانسير سجاير تخيل

اما بقي بالنسبه لي انا هاموت على كوبايه شاي بالنعناع من اللى بتعمله امي ربنا يكرمنى بيها دايما يارب والا فلا وياسلام لو شغلتوا اغنيه لام كلثوم (والبنطلون هههههههههههههه)

بجد رضوى اللى فتحاها الحمد لله مش هدفع خالص يبقي طمنتنى ههههههههههههه دا من كرم الشراقوه برضه ولا ايه هههههههههههههههههه(تلاقي رضوى زمانها بتقول ولا اعرفها الله يسمحك يارضوى فين ايام ماكنا بنلعب مع بعض في الشارع بتاع لعبه كلنا نشترك فيها طب على العموم لو هتحسابينى اه خال عمر عندك اهه اوعى تنسي تاخدى منه الحساب هههههههههههههه دلوقتى بقي عنبو هو اللى بتبري من الواد ومن امه ومن كل اللى يعرفهم وعلى راي منى زكى فى المسرحيه اللى كانوا بيستظرفوا فيها كتير دى انا كنت بضحك معاك )

طب اسيبكم وراجعه كمان شويه وابقوا قلولى لما تيجوا تعملوا يوم مجانى علشان ابقي اعزم اصحابي وجيرانهم وجران جيرانهم على حسابي في اليوم ده ههههههههههههههههههه

سلام مؤقت

اهلا اهلا

بوسي الدنيا كلها منورة بيكي

وعندك واحد شاي جامد بالنعناع لام عمر ...........وصلحه

مش بس المشاريب اللي مجانا القهوة كلها تحت أمرك وأمر عموري

والله ياعنبي ربنا كتبهالك وبقيت خال ............. اهدي بقي وبلاش تكون قدوة سيئة للواد وتقولي مخدرات وبانجو وكلام من دة ............. الا صحيح وبعدين ايه اللي حصل مش هتشرب الزبون المخدرات ولا دي جبس !!!!!!!!!!!!!!

وعندك واحد كراوية دافية لعمر حبيبي

ولا ياحموووووووووووو الخنزيرة يالااااااااا ( سناء جميل مش فاكرة اسم المسلسل )

اللهم إرزقني بفرحة ... تجعلني أسجد لك باكية .

رابط هذا التعليق
شارك
لماضة مصرية جدا عضو جديد

لماضة مصرية جدا

بتاريخ:
بتاريخ:

السلام عليكم و رحمة الله و بركاته

حبايبي الحلوين..... اللي م الشرقية.... الحتة دي محتلين..... و احنا بقي عليكوا نازلين

انا بقدم رجل و اخر رجل.....اديني لابسة الجلابية و الاسة بتاعت الصعايدة.... و الشومة في ايدي.... و حاجة موكن خالص

انا فيه سؤال..... يعني انا ملاحظة ان الناس بتيجي تقعد ع القهوة... و انتم تكتفوهم في الكورسي و بعدين هاتك يا شاي لما بطن الواحد عامت خااااااالص

طب هي القهوة.....هنعمل فيها ايه..... هنشرب شاي.... و بعدين نروح نعمل بيبي... و نرجع نشرب شاي تاني....؟؟؟ طب ايه

طب انا طبعا مش هقولكوا خليها قهوة بقي زي قهاوي زمان بتاعت المفكرين و الشعرا....زي فيلم الكرنك.... عشان انا مش بحب بقي نتكلم و نزعق (حدش ملاحظ ان المنتدي اليومين دول الناس كل ما نفتح موضوع يقعدوا يتخانقوا؟؟؟)

و لا هقولكوا تعالوا نلعب دومينو.... و طاولة.... لان اخر حاجة لعبتها كانت السلم و التعبان و الشطرنج

بس انا نفسي في حاجة

زمان لما كانت فكرة السفر عامللاي باروما في دماغي...... حد من اصحابي قالي...... طب سافري جوه الاول.....(و تقريبا شبهني بحاجة كده زي البطيخ...زي الشمام.....آه قالي زي القرع.....طول عمري ليا شعبية وسط طبقات الشعب... ما علينا)

طب ما حد بقي يحيكلنا ايه بقي اللي بيميز الشرقية......طبعا طبعا..... غير القهوة الالاجة اللي احنا قاعدين فيها

يعني لو هزورها مثلا ممكن الواحد يروح فين....... يجي منين......(هو اصلا لا هيلحق يروح و لا ييجي..... انا متخيلة الواحد لو فكر يعملها هيلاقي الاخ عنبو... و جست مي... مستنينه علي باب المحطة ... و من قفاه بقي ع القهوة..... و هناك يدفع الاتاوة للمعلمة رضوي... بالمناسبة يا معلمة اسمها فضة المعداوي المسلسل الرائع الراية البيضا.......... :roseop: )

و متخافوش.......برضك هنشرب شاااااااااااااااي..... أه يا بطني.....

فيه شاي لاتييه طيب؟؟؟

فوتكم بعافية

رابط هذا التعليق
شارك
رضوي عضو جديد

رضوي

بتاريخ:
  • كاتب الموضوع
بتاريخ:
السلام عليكم و رحمة الله و بركاته

حبايبي الحلوين..... اللي م الشرقية.... الحتة دي محتلين..... و احنا بقي عليكوا نازلين

انا بقدم رجل و اخر رجل.....اديني لابسة الجلابية و الاسة بتاعت الصعايدة.... و الشومة في ايدي.... و حاجة موكن خالص

انا فيه سؤال..... يعني انا ملاحظة ان الناس بتيجي تقعد ع القهوة... و انتم تكتفوهم في الكورسي و بعدين هاتك يا شاي لما بطن الواحد عامت خااااااالص

طب هي القهوة.....هنعمل فيها ايه..... هنشرب شاي.... و بعدين نروح نعمل بيبي... و نرجع نشرب شاي تاني....؟؟؟ طب ايه

طب انا طبعا مش هقولكوا خليها قهوة بقي زي قهاوي زمان بتاعت المفكرين و الشعرا....زي فيلم الكرنك.... عشان انا مش بحب بقي نتكلم و نزعق (حدش ملاحظ ان المنتدي اليومين دول الناس كل ما نفتح موضوع يقعدوا يتخانقوا؟؟؟)

و لا هقولكوا تعالوا نلعب دومينو.... و طاولة.... لان اخر حاجة لعبتها كانت السلم و التعبان و الشطرنج

بس انا نفسي في حاجة

زمان لما كانت فكرة السفر عامللاي باروما في دماغي...... حد من اصحابي قالي...... طب سافري جوه الاول.....(و تقريبا شبهني بحاجة كده زي البطيخ...زي الشمام.....آه قالي زي القرع.....طول عمري ليا شعبية وسط طبقات الشعب... ما علينا)

طب ما حد بقي يحيكلنا ايه بقي اللي بيميز الشرقية......طبعا طبعا..... غير القهوة الالاجة اللي احنا قاعدين فيها

يعني لو هزورها مثلا ممكن الواحد يروح فين....... يجي منين......(هو اصلا لا هيلحق يروح و لا ييجي..... انا متخيلة الواحد لو فكر يعملها هيلاقي الاخ عنبو... و جست مي... مستنينه علي باب المحطة ... و من قفاه بقي ع القهوة..... و هناك يدفع الاتاوة للمعلمة رضوي... بالمناسبة يا معلمة اسمها فضة المعداوي المسلسل الرائع الراية البيضا.......... :lol: )

و متخافوش.......برضك هنشرب شاااااااااااااااي..... أه يا بطني.....

فيه شاي لاتييه طيب؟؟؟

فوتكم بعافية

السلام عليكم ورحمة الله وبركاته

لمضمض

لااااااااااااااااااااااااازم تشرب

سؤال وجيه ................ بما تشتهر الشرقية

اقولك ياستي انا ......................... من واقع الخبرة العميقة اللي عشتها في الشرقية ( والله اكتر حاجة بحبها هناك بيتنا وشجرة البرقوق ......... وتجمعات العائلة كل مناسبة ياسلااااااااااااااااااام كل واحد فينا في الشرق والغرب ومتفرقين لكن في اي مناسبة كلنا بنسيب القاهرة بزحامها بكل مافيها ونروح البلد ........ احساس رائع .......... ماعلينا )

طبعا تشتهر الشرقية ان احنا منها .............. ايون حد عنده مانع ؟؟؟؟؟؟

لا بجد

اولا الخيول العربية الاصيلة ........... دي بقي تلاقيها في بلبيس ولو متابعة مسابقات الخيول تعرفي .

ثانياً مدينة العاشر من رمضان وهي من اهم المدن الصناعية في مصر

ثالثا آثار صان الحجر وتل بسطة

رابعاً مدينة الصالحية الجديدة .......... مش عارفة بيعملوا فيها ايه غير استصلاح الاراضي

خامساً بحر مويس ......... اللي لحد دلوقتي عنبي مش عايز يقولي علي اسمه التاني مع اني سألت والله وقالولي ان ملوش اسم تاني ......... الله يرحمك ياجدو كان زمانك قلتلي كل حاجة عنه بالتفصيل الدقيق ........ اه والله كان موسوعة علمية ثقافية . رحمه الله عليه

وبالنسبة لبحر مويس يحكي انه تم تسميته بهذا الاسم نسبة الي سيدنا موسي عليه السلام ( وأوحينا إلي أم موسي أن أرضعيه فإذا خفت عليه فألقيه في اليم ولا تخافي ولا تحزني إنا رآدوه إليك وجاعلوه من المرسلين ) سورة القصص ............. فكان هذا اليم هو بحر مويس .......... هذا والله اعلم الحكاية دي انا معرفش مدي صحتها من عدمه ......... لو حد متأكد ياريت يقول

وطبعاً العاصمة الزقازيق

ايام الهكسوس لما دخلو مصر ( ايون الهكسوس واحمس وكتاب التاريخ والناس دي ) وعدوا علي الزقازيق سمعوا صوت عصافير بتزقزق بصوت جميل مرتفع وواضح فأطلقوا عليها اسم الزقازيق ........ والحتة دي بقي اسيبها لأخويا الكبير جست مي ............... مااقدرش ااجي نحيتها ............ اتفضل ياحست الميكروفون معاك

بس بجد عندنا في الشرقية صوت مختلف تماما للعصافير دة بجد من اول شعاع شمس لاخر شعاع ....... وعربية بابا اللي بتتبهدل لما بيركنها تحت الشجر ........

وطبعاً عندنا شخصيات محترمة جداً وشكلت تاريخ مصر علي مر العصور كانوا من أصول شرقاوية

زي مثلاً

- الامبراطور سي السيد ............. امبراطور كل العصور وقائد ثورة الديمودكتاتورية الحديثة .

- الاستاذة العلامة ام مروان .......... محررة المرأة الشرقاوية والمصرية والعربية وكل نساء العالم .

- الجميلة مصرية مغتربة ........ قائدة ثورة التجديد من اجل التحديث ....... وتوحيد كل القاب الدنيا في لقب الشرقاوي وبس .

- العالم الخطير جست مي ......... مخترع اي حاجة ليها علاقة بالاليكترونيات والمالتيميديا .......

- عالم الذرة والبيولوجي عنبوو ........ مكتشف الفنتو ثانية وأهميتها في تحريك عداد التاكسي .

- اختكم الصغيرة رضوي .......... استاذ علم السياسة وتسييس السايس علشان ينضف العربية كويس

وطبعاً الكثير والكثير من اعضائنا الافاضل ...........

لا نتكلم جد شوية

- أحمد عرابي ............... لقد خلقنا الله احرارا ولن نورث أو نستعبد بعد اليوم .

- عبد الحليم حافظ ............ اسمر يااسمراني مين اساك عليا ...... لو ترضي بهواني برضه انت اللي ليا

- احمد زكي ............... النمر الاسود

- مين جاب سيرة وزارة التضامن ........ مش عارفة ..... انا ماقلتش حاجة ياعنبي علي فكرة !

-بجد فيه علماء افاضل كتير من الشرقية بس فعلاً لم تسعفني الذاكرة ............ حد بقي من الشراقوة يتفضل

اما بقي لو عايزة تنورينا في الشرقية ........... ياسلام ياسلام .......... طيب نعملك احلي واجب ....... لما عنبي يخلص واجب العضو بتاع القاهرة ( يعني مش لاقي غير القاهرة ماقلتلك انا مزدوجة الجنسية وعندي حتة اسكندرانية كمان مالتي ناتشونالز يعني )

نعملك واجب جامد اخدك اخليكي تزوري جنينة الحيوانات اللي عندنا في الزقازيق ( طيب والله مرة اخدت العيال اصحابي بتوع المنصورة ووديتهم هناك انبهروا ......... ياسلام كانت ايام ....... جيبنا السندويتشات واكلناها للحيوانات ....... وقالولي بلا جزيرة الورد بلا كلام فارغ ........ طبعاً بتوع المنصورة عارفين حكايات جزيرة الورد .......... بلاش فضايح )

او نوديكي قصر ثقافة الزقازيق ......... جنب المحافظة علي طول ....... قوليلهم بس تبع رضوي ومالكيش دعوة

ولو بنحبك اوي اوي ........ نخليكي تركبي القطر ............ ياسلام ........

( علشان بس الناس اللي تتهمني في ولائي للشرقية تعرف اد ايه انا شرقاوية اصيلة )

وشعار الشرقية .......... علم اخضر وعليه حصان ابيض ..............

ايه الثقافة دي ياسلام عليكي يارضروض لما بتنوري الدماغ وبتشتغل ........

شوية اكملكم الحواديت ......

اللهم إرزقني بفرحة ... تجعلني أسجد لك باكية .

رابط هذا التعليق
شارك
عنبو عضو جديد

عنبو

بتاريخ:
بتاريخ:

الشرقيه مش مكان تنفعى تقضى فيه يوم فسحه وترجعى لا

الشرقيه عاوزه اسبوع كده تقضيه فى قريه من قرى الشرقيه بس القرى بتعة الشرقيه حاجه تانيه خالص تقدرى تقولى كوكتيل بين المدينه والقريه بس بجد انا بحس انها اخده مميزات الاتنين

الشرقيه مكان للى بحب الهدوء والاسترخاء بعيداً عن الزحمه والدوشه اينعم حالياً بدأت تتزحم بس طبعاً مش وحد على عشره من زحمة القاهره

مين جاب سيرة وزارة التضامن ........ مش عارفة ..... انا ماقلتش حاجة ياعنبي علي فكرة !

حبيبى عمى على بلدياتى وصاحبى وانا هقوله على كل حاجه بتقولوها على الوزراه هنا

من الاخر يالماضه الشرقيه تتحس مش تتشاف

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك
justme عضو جديد

justme

بتاريخ:
بتاريخ: (معدل)

وسع يا جدع

انا شمعت كلنة السر الزقازيييق

هكسوس مين وزقازيق مين هما الهكسوس كانوا بيعرفوا عربي علشان موضوع الزقزقة :lol:

لالالالا يا رضوى باشا كده هنخربط الحلل

بصي بقى انا مش متأكد بس هما بيقولوا ان في حد كان اسمه زقزوق باشا ودي كانت عزبه او حاجة زي كده

والدليل زقزوق بتاع الاوقاف (دي من تأليفي دلوقت حالا)

وعلى ايه

خدي ده من الويكبيديا ولا الزقازيق بجت اونلاين يا رجاله

وترجع أصل تسمية مدينة الزقازيق نسبة إلي أسرة السيد أحمد الزقزوقى الكبير وهم الذين أنشؤوا كفر الزقازيق قبل مجيء محمد علي إلى مصر ثم إلى نزلة الزقازيق التي

أنشأها إبراهيم الزقزوقى الكبير بجوار القناطر وهو من ذرية أحمد الزقزوقى الكبير . وقد ورد اسم كفر الزقازيق بخريطة الوجه البحري التي رسمها علماء الحملة الفرنسية في سنة 1800 م وورد محرفا باسم كفر زجزي

سبب اخر وهو الاصل الحقيقى لما صدرأمرمحمدعلي باشا بعمل قناطر في محل سد بحر مويس المعد لري أراضي مديرية الشرقية ليسهل بها الري وتصريف المياه حضرالعمال والمستخدمون وأقاموا عشش من الطين والأخصـاص لإقامتهم علي جانبي بحـر مويس وتبعهم في ذلك باعة المأكولات ونحوها وتكاثرت الناس وكان منهم من يهتم بهواية الصيد فوجد ببحر مويس نوع من الاسماك يسمى الزقزوق نظرا لإصدارة صوت الزقزقة فسميت بذلك نظرا لوجود هذا النوع النادر من الاسماك بها دون غيرها من المدن التي يجرى بها بحر مويس

أصل إنشاء مدينة الزقازيق أنه لما صدر أمر محمد علي باشا بعمل قناطر في محل سد بحر مويس المعد لري أراضي مديرية الشرقية ليسهل بها الري وتصريف المياه حضر العمال والمستخدمون وأقاموا عشش من الطين والأخصـاص لإقامتهم علي جانبي بحـر مويس وتبعهم في ذلك باعة المأكولات ونحوها وتكاثر الناس وإزدادت الأبنية الخفيفة وكثر البيع والعمارة وبانتهاء العمل بالقناطر سنة 1824بقيت هذه الاخصاص مسكونة.

وأنشئ مسجد للصلاة علي طرف الديوان فحصل التجديد للأبنيـه علي جانبي بحر مويس حتى كثرت وصارت مشتملة علي منازل وقصور مشيدة بالمونة والبياض والشبابيك والزجاج وغير ذلك.

وده الرابط

http://ar.wikipedia.org/wiki/%D8%A7%D9%84%...%B2%D9%8A%D9%82

تم تعديل بواسطة justme

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...