مشاكل التخاطب والنطق عند الاطفال

[aymaneng]

تفتكروا ايه السبب يا جماعة فى مشكلة النطق عند الاطفال هل سبب عضوى ولا نفسى

وتفتكروا جلسات التخاطب هى الحل والعلاج

ولا المعاملة الخاصة من الوالدين والاهل

[صبح]

والله أنا عندي نفس المشكلة مع إبني الجديد (سنة ونصف الآن) وما زال يهمهم مع إن إخواته البنات نطقوا بدري

[goodfaith]

يسهل معرفة اذا السبب عضوي او نفسي لانه فيه اختبار للسمع

بيتم اجرائه للاطفال المواليد اسمه hearing test للتأكد من سلامة حاسة السمع

لدى الأطفال بعد ذلك يكون السبب نفسي ممكن عدم محاولة

الكلام مع الطفل او وجود الطفل في مجتمع مغلق او محدود او ترك الطفل ساعات

طويلة بدون اي تواصل ولو بالنظر او اللمس مع الابوين كلها عوامل تأثر على نفسية

الطفل واعتقد ان عرض الطفل على طبيب اطفال مختص لتحديد

الحالة اولا وان كان بحاجة لاخصائي تخاطب او مجرد معاملة خاصة من الابوين

والاهل

وكذلك يجب الوضع في الاعتبار التوحد وهو انتشر

كثيرا في الفترة الاخيرة ولا يوجد له سبب محدد لا عضوي ولا نفسي لكن اكتشافه

المبكر يؤدي الى نتائج طيبة ان شاء

الله

بالتوفيق

تم تعديل 3 يناير 2010 بواسطة goodfaith

[goodfaith]

والله أنا عندي نفس المشكلة مع إبني الجديد (سنة ونصف الآن) وما زال يهمهم مع إن إخواته البنات نطقوا بدري

انا ايضا ابني سنة ونص ويتكلم لغات صيني وهندي وفرنسي الا لاعربي ههههه

الاولاد عادة تطورهم متاخر شوية عن البنات والطفل اللي عمره سنة ونص عدد الكلمات اللي ممكن ينطقها ولها معنى من 12 ل18 كلمة

مثلا ماما دادا تاتا مممم

عند سنتين ممكن يكون جملة من كلمتين والانطلاقة بتكون عند 3 سنوات مش حنعرف نسكتهم

[aymaneng]

انا ابنى عنده 4 سنين ونص هو بيتكلم بس المشكله انه ساعات بيتلعثم وساعات ينطق علطول و مخارج الحروف عنده مش واضحة بالمقارنة باللى فى سنة طبعا ... انا كنت بودية جلسات تخاطب 5 مرات فى الاسبوع عند 2 مختلفين بس للاسف ساعات يتحسن وساعات بيرجع كلامه بايظ تانى والله مش عارف ايه السبب

[goodfaith]

انا ابنى عنده 4 سنين ونص هو بيتكلم بس المشكله انه ساعات بيتلعثم وساعات ينطق علطول و مخارج الحروف عنده مش واضحة بالمقارنة باللى فى سنة طبعا ... انا كنت بودية جلسات تخاطب 5 مرات فى الاسبوع عند 2 مختلفين بس للاسف ساعات يتحسن وساعات بيرجع كلامه بايظ تانى والله مش عارف ايه السبب

طيب لو لاحظت تحسن في حالته بعد جلسات التخاطب استمر فيها بس انصحك تخليه يستقر مع اخصائي واحد فقط لان كل اخصائي وله اسلوب يعني جرب وديه اسبوع لواحد والاسبوع اللي بعده للتاني ولاحط التحسن في النطق كان عند مين اكتر وهو ده اللي تستمر معاه

كمان حاول تشوف امتى بيتلعثم والاسباب يعني مثلا بيكون خايف تضربه اومن حاجة غلط هو عملها او شاف حاجة خوفته

وحاول دايما تطمنه وتتكلم معاه باستمرار وممكن كمان تخليه يحفظ قرآن واناشيد لما هيرددها اكتر من مرة لسانه هينطلق ان شاء الله

ممكن مخارج حروفه كمان مش واضحة لانه بيتكلم بسرعة فلو ده السبب قوله انا مفهمتش انت بتقول ايه كلمني بالراحة عشان افهمك وعشان يتعود كمان يدي كل حرف حقه

لان بعض الاشخاص ومنهم اخويا بيتكلم بسرعة جدا وانا بجد مش بافهمه الا لو كلمني بالراحة او بسرعة عادية

[om marawan]

تفتكروا ايه السبب يا جماعة فى مشكلة النطق عند الاطفال هل سبب عضوى ولا نفسى

وتفتكروا جلسات التخاطب هى الحل والعلاج

ولا المعاملة الخاصة من الوالدين والاهل

اعتقد انه افضل الدكتور يحدد اذا كان فيه احتياج لجلسات التخاطب لانها على الرغم من بطء نتايجها لكنها فعالة ومعاملة الاهل لا تغنى عنها فى حالة لو حددها الطبيب

لانه احيانا بيكون مافيش مشكلة خالص لتاخر النطق وبيكون الطفل محتاج اسلوب بس بسيط لتعلم الكلمات

والله أنا عندي نفس المشكلة مع إبني الجديد (سنة ونصف الآن) وما زال يهمهم مع إن إخواته البنات نطقوا بدري

عاااادة ومش دايما البنات بتسبق شوية فى النطق والحقيقة ان سنة ونصف ده ماعندوش لسه مشكلة ودى فروقات فردية لكنها فى خلال المعقول او الطبيعى يعنى

حضرتك ركزى معاه على كلمات بسيطة كل يوم ربع ساعة مثلا اثناء اللعب

يعنى زى هات ... هات لماما .. ايه ده ؟ .. فين .. بطة .. وهكذا كلمات صغيرة يعنى ولها مدلول عنده

[سكر]

طيب انا ابنى عندة بكرة بالضبط سنتين والحمد الله بيسمع كويس بس فى الكلام ضايع خالص

ماما وبابا بالعافيه وبالحرف وبالتحايل غير كدة استحاله تعرف هو بيقول ايه

مش عارف دة طبيعى ولا اعمل ايه

تم تعديل 3 يناير 2010 بواسطة موعود