اذهب إلى المحتوى
محاورات المصريين

تعديل وزاري ابن زكي بدر بقي وزير التعليم

Diab

بواسطة Diab
في سياسة داخلية

 مشاركة

Recommended Posts

Diab عضو جديد

Diab

بتاريخ:
بتاريخ: (معدل)
1/3/2010 2:39:00 PM

القاهرة -محرر مصراوي - أصدر الرئيس حسني مبارك قرارا جمهوريا بتعيين الدكتور أحمد زكي بدر وزيرا للتربية والتعليم، والدكتور علاء الدين محمد فهمى أحمد وزيرا للنقل والمواصلات.

كما أصدر الرئيس حسنى مبارك قرارا جمهوريا بتعيين 5 محافظين جدد لكل من جنوب وشمال سيناء وحلوان ومطروح وبنى سويف.

وتضمن القرار تعيين : محمد عبدالفضيل محمد شوشة - محافظا لجنوب سيناء، قدرى يوسف محمود أبو حسين - محافظا لحلوان، مراد محمد أحمد موافى - محافظا لشمال سيناء، أحمد حسين مصطفى إبراهيم - محافظا لمطروح، وسمير أحمد سيف اليزل محفوظ - محافظ لبنى سويف.

http://www.masrawy.com/News/Egypt/Politics.../ministers.aspx

طبعا القرار ده اتخذ وهو بيشرب الشاي بتاع الصبح

الله يرحمك يا سادات :roseop:

اجمل تعليق في مصراوي حتي الأن

تعليق :tetoبتاريخ : 03/01/2010 03:36:00 م الله يرحم مصر

لا تتصورو مدى نزول هذا الخبر كالصاعقة فقد اختار هذه المرة ابشع خلق الله والذى سوف يقضى على التعليم تماما فى مصر وسيحول التعليم الى عزبة فساد كما فعل فى جامعة عين شمس

الله يخرب بيوتكوا

الله يخرب بيوتكوا

الله يخرب بيوتكوا :roseop::roseop: bv:-

تم تعديل بواسطة Diab

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك
صبح عضو جديد

صبح

بتاريخ:
بتاريخ:

الله يخرب بيوتهم الله يخرب بيوتهم

وكمان

الله يخرب بيوتهم

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
Diab عضو جديد

Diab

بتاريخ:
  • كاتب الموضوع
بتاريخ: (معدل)

بالمناسبة بقي يا عم صبح

يعني ايه سيف اليزل بتاع محافظ بني سويف

ده حبوب و لا كبسول

تم تعديل بواسطة Diab

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك
صبح عضو جديد

صبح

بتاريخ:
بتاريخ:
بالمناسبة بقي يا عم صبح

يعني ايه سيف اليزل بتاع محافظ بني سويف

ده حبوب و لا كبسول

لبوس رافع للحرارة :roseop:

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
Mercedes عضو جديد

Mercedes

بتاريخ:
بتاريخ:

السلام عليكم و رحمة الله و بركاته :roseop:

أنا شايف أن موضوع تعيين ابن ذكى بدر وزير تعليم , مش حاجة تخوف ولا هى حاجة وحشة ولا حاجة لأن هو ده التطور الطبيعى للحاجة الساقعة :roseop: قصدى لتدهور التعليم و ده كان وضع طبيعى فى الأيام اللى احنا فيها دى bv:- .

و لأن من علامات الساعة هى أن تجد الرويبضة يتحدثون فى أمور العامة وعلى فكرة , الرويبضة معناها الناس الذين اذا تحدثوا جدير أن لا يسمع لهم و ده من تفاهتهم ولا مؤاخذة :roseop:

و بعدين ابن ذكى بدر ده أبوه كان من خيار الناس و كان راجل كبارة , دا حتى بيقولك أن ذكى بدر بعد ما طردوه من وزارة الداخلية راح السعودية و اشتغل مستشار عند وزير الداخلية السعودى - الأمير نايف بن عبد العزيز آل سعود - عشان يكمل و يطلع عينين المصريين اللى هناك , أصله ,الله ..........يرحمه , ما كانشى مكفيه المصريين اللى فى مصر , شايفين المصايب , قال و بعد ما مات , جايبين ابنه عشان يمسك منصب علينا , هم الناس دول اشترونا ولا ايه :) .

ان الله يمهل ولا يهمل و ان شاء الله هيموت موتة ذى بتاع ( حمزة بسيونى ) bv:- و أنا هسيبكم تدوروا على الطريقة ال Funny اللى مات بيها حمزه بسيونى على النت .

بس أنا متفاءل خير من المصايب اللى بترخ على دماغنا دى لأن كلما ازداد الظلام سوادا فهذا يعنى قرب بزوغ الفجر ان شاء الله و أكيد لما الفجر يبزغ , الناس دى كلها هتكون انتقلت لمزبلة التاريخ .

ربنا يقدم ما فيه الخير

أخوكم / MERCEDES S430 :)

و لا تحسبن المجد تمرا أنت آكله ....................لن تبلغ المجد حتى تلعق الصبرا

رابط هذا التعليق
شارك
justme عضو جديد

justme

بتاريخ:
بتاريخ:

ان الله يمهل ولا يهمل و ان شاء الله هيموت موتة ذى بتاع ( حمزة بسيونى ) :roseop: و أنا هسيبكم تدوروا على الطريقة ال Funny اللى مات بيها حمزه بسيونى على النت .

مات على ايد عزة

معلى ما افتكر

وبعدين اسيبكم مع الرابط ده اصلي بصراحة معرفش عنه حاجة فقلت ادور على النت وطلعت في ايدي مدونة لا للكوسة

شوفوا كتبوا ايه لما مسك جامعة عين شمس

http://no4kosa.blogspot.com/2007/11/81-23-23.html

بس انا برضه متفاءل

ونديله فرصه يمكن يطلع احسن من اللي قابله

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
msayed عضو جديد

msayed

بتاريخ:
بتاريخ: (معدل)

إلحقونى أنا جالى سكتة قلبية

أحمد زكى بدر ده درس لى فى الكلية وكان واضح جداً إنه مسنود وكانت محاضرته ضحك فى ضحك على ضحالة علمه.

ماكانش عنده أى مقومات دكتور جامعة إلا فكره الأمنى إللى ورثه عن أبوه.

كان الطلبة بينزلوا فيه تريقة وتصحيح فى أخطاؤه العلمية فى أبسط النقاط العلمية.

هاتشوفوا بكرة إنه هايسيب مشاكل التعليم ويقعد يثير فى قضايا أمنية كل ربع ساعة شوية مع المحجبات وشوية مع الملتحين وشوية مع الإخوان وفكك من التعليم.

وبكرة تفتكروا كلامى وتفطسوا من الضحك لكن بالدموع

الله يسامحك يادياب على الخبر المهبب ده

ياراجل كنت إستنى سواد الليل يعدى وقولهولنا الصبح بالتدريج

تم تعديل بواسطة msayed
رابط هذا التعليق
شارك
engmido عضو جديد

engmido

بتاريخ:
بتاريخ:

لو الحكاية كده يبقى عليه العوض فى التعليم اللى اساسا حالته لا تسر عدو ولا حبيب

لا مدرسين ولا مرتبات ولا مكان ولا تختة ولا ادب ولا ادارة حازمة تربوية ولا طلبة متربية ولا استعداد للعلم ولا مناهج سليمة او حتى مفيدة

انا مش عارف المدارس دى شغالة ازاى

يا اخواننا الواحد من كتر ما سمع عن المدارس واللى بيحصل فيها نفسيته تعبت

يبقى واحد بالمواصفات دى متوقع يعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

﴿ قال رسول الله صلى الله عليه وسلم
كلمتان خفيفتان على اللسان ثقيلتان فى الميزان حبيبتان الى الرحمن ﴾


24556918.jpg

nX0pp2.png
رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

أنا متخيل دلوقت منظر واحد صاحبي وحبيبي دكتور في هندسة عين شمس ويعرف طبعاً إبن ذكي بدر عز المعرفه

متخيل منظره وهو شايل المسطرة وحاطط البرجل في دماغه وماشي يقول : أوعى الجازززززززززز اوعى الجاز

ده من اندهاشه وأزبهلاله من الخبر

أما من ناحية اخرى

فممكن يجيب لوحه من اللي بيرسموا عليها الرسومات ويتحزم ويرقص عشان المخفي انزاح من الجامعة ولو إن مبارك ممكن يدور على إين خالة أحمد ذكي بدر أو جوز بنت عمته .. ويجيبة يمسكه الجامعة عشان ربنا ما يقطع له عاده

كان بيقول لي فيه قصائد شعر جاهلي عن أضمحلاله العلمي والثقافي وقلة ادبه

لكن أعتقد إن دي مؤهلات كافيه وزيادة عند مبارك لكي يختاره رئيس وزراء كمان

الأخ وزير النقل ما أعرفش عنه حاجه غير إنه بوسطجي زي بتاع التضامن الأجتماعي .. والظاهر إن البوسطه بقت وش خير على كل اللي بيشتغل فيها

لكن قرأت عنه تعليقات تودي في داهيه

أعتقد إن ما يحدث هو أنفراجه للأزمه

فاضل أسابيع قليلة على انتخابات مجلس الشعب ومن بعدها الأنتخابات الرئاسية

يبقى لازم الناس تفوق وتعرف مبارك سايق البلد لفين ..

ده احنا نزلنا تحت الأرض يا خواننا

وصوت اللي جابونا أتنبح عشان تطوير التعليم اللي هو مستقبل البلد

وفي الأخر رايح يجيب واحد نكره الكل بيُجمع على أنه جهول ...

مش هاقول تاريخ أبوه الأسود كأسوء وزير داخليه جه في مصر ومقولته الشهيرة " أنا معايا تصريح من رئيس الجمهورية إني أقتل 25 % من الشعب "

لأ لكن لما كل من تعامل مع شخص يُجمع على أنه سيء وليست لديه أي انجازات .... يبقى متوقعين إيه ؟

الأغرب من ذلك

هو اداء الوزراء بيتقيم إزاي ؟

بالكيلو يعني واللي وزنه كتير يبقى حلو واللي الميزان بتاعه يطب يبقى شين .. ولا بنجيب جردل ونسقط فيه الوزير ولو بألل يبقى كويس ولو لأ يبقى وحش

يعني حسين كامل بهاء الدين وبعده يسري الجمل عملوا إيه ؟

إيه هي انجازاتهم والطفرات اللي عملوها في التعليم ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
msayed عضو جديد

msayed

بتاريخ:
بتاريخ:

والله العظيم أنا كنت فاكرها نكتة لغاية ما قريت الخبر بتاع بدر البدور ولازم تتشال فوراً من موضوع النكت بتاع دياب

واحد رايح يرشح نفسه لرئاسة الجمهورية فالموظف قالله "إنت غبى؟" قالله "هى دى من الشروط"

أهى طلعت أهم شرط يا رجالة.

رابط هذا التعليق
شارك
tantrum عضو جديد

tantrum

بتاريخ:
بتاريخ:
الأغرب من ذلك

هو اداء الوزراء بيتقيم إزاي ؟

بالكيلو يعني واللي وزنه كتير يبقى حلو واللي الميزان بتاعه يطب يبقى شين .. ولا بنجيب جردل ونسقط فيه الوزير ولو بألل يبقى كويس ولو لأ يبقى وحش

يعني حسين كامل بهاء الدين وبعده يسري الجمل عملوا إيه ؟

إيه هي انجازاتهم والطفرات اللي عملوها في التعليم ؟

طب سؤال غريب شويه

هو إيه فايدة الوزراء فى مصر و هل هم ضروريين أو لهم أى فاعلية أو تغيير واضح؟؟؟ :lol:

رابط هذا التعليق
شارك
om marawan عضو جديد

om marawan

بتاريخ:
بتاريخ:
يعني حسين كامل بهاء الدين وبعده يسري الجمل عملوا إيه ؟

إيه هي انجازاتهم والطفرات اللي عملوها في التعليم ؟

هى الوزارة دى موكوسة محوسة على طول كده ياجدعااااااان ؟؟؟

ماهو الوزارة دى اساس البلد واساس التطور يبقبا هيمسكها حد كويس ليه بأه

يعنى الواحد يولع فى نفسه ولا يعمل ايه بس md2:

ماكانش عنده أى مقومات دكتور جامعة إلا فكره الأمنى إللى ورثه عن أبوه

ماهو فكره الامنى ده اللى جابه التعليم وياللا بقا قضايا امنية قضايا امنية ماهى بايظة بايظة

شوفوا ياجماعة الامل فى ان الامور عمرها ماهتبوظ اكتر من كده

على ما اعتقد يعنى :lol:

يا بخت من يقدر يقول

واللي ف ضميره يطلَّعه

يا بخت من يقدر يفضفض بالكلام

وكل واحد يسمعه

يقف في وسط الناس ويصرخ : آه يا ناس

ولا ملام

ييجى الطبيب يحكي له ع اللي بيوجعه

يكشف مكان الجرح ويحط الدوا

ولو انكوى

يقدر ينوح

وأنا اللي مليان بالجروح

ما اقدرش أقول

ما اقدرش أبوح

والسهم يسكن صدري ماقدرش أنزعه

صلاح جاهين

رابط هذا التعليق
شارك
myusername عضو جديد

myusername

بتاريخ:
بتاريخ:

همممممم من تحليلى السريع للموقف... ان الراجل ده جه عشان المدرس اللى قال للتلاميذ: هاتوا ضد مبارك, و بكده... الراجل ده هيموت المدرسين و التلاميذ... عشان محدش تانى يفكر انه يجيب ضد مبارك!!

مش عارف... بس انا حاسس ان البلد هتشد اليومين اللى جايين دول, لان من الواضح كده ان مبارك سكت كتير قوى عالناس اللى بتتكلم و بتقول انه بقى كبير... هو بقى هيعرفهم انه كبير بجد. يا رب استر ده احنا غلابة.

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك
التونسى عضو جديد

التونسى

بتاريخ:
بتاريخ:

ألف مليون مبروك لجامعة عين شمس :closedeyes:

اللهم أرنا الحق حقا و ارزقنا اتباعه

و أرنا الباطل باطلا و ارزقنا اجتنابه

آمين آمين آمين

رابط هذا التعليق
شارك
أسد عضو جديد

أسد

بتاريخ:
بتاريخ:

في تعليقات في برنامج العاشرة مساء بالأمس من المذيعة والضيوف .. وهم الهواري رئيس تحرير الأهرام الاقتصادي وبكري .. المعارض الحكومي ... أي أنه يعمل في الحكومة المصرية بوظيفة معارض ..

أتى على لسان الجميع .. بما فيهم منى الشاذلي أن أحمد زكي بدر كان اسمه مرشحاً بقوة لشغل منصب وزاري ..

حتى أنه كان مرشح لمنصب وزير النقل ....

المهم .. أي وزارة والسلام ..

وزارة التعليم .. وزارة تحتاج لنقلة نوعية .. تحتاج لشخص لديه فكر .. ولديه منهج .. وفلسفة .. واضحة المعالم .. ورؤية قابلة للتطبيق للنهوض بمصر ..

ولكن أقولكم إيه ..

هي دي نفسية وعقلية الراجل اللي بيحكمنا ...

مش ملاحظين حاجة ..

ان الحكومة دي مليانة مهندسين ..

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني .. بنحبك يامصر .. ...

 

1191_194557_1263789736.jpg


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 

رابط هذا التعليق
شارك
Diab عضو جديد

Diab

بتاريخ:
  • كاتب الموضوع
بتاريخ:
في تعليقات في برنامج العاشرة مساء بالأمس من المذيعة والضيوف .. وهم الهواري رئيس تحرير الأهرام الاقتصادي وبكري .. المعارض الحكومي ... أي أنه يعمل في الحكومة المصرية بوظيفة معارض ..

أتى على لسان الجميع .. بما فيهم منى الشاذلي أن أحمد زكي بدر كان اسمه مرشحاً بقوة لشغل منصب وزاري ..

حتى أنه كان مرشح لمنصب وزير النقل ....

المهم .. أي وزارة والسلام ..

وزارة التعليم .. وزارة تحتاج لنقلة نوعية .. تحتاج لشخص لديه فكر .. ولديه منهج .. وفلسفة .. واضحة المعالم .. ورؤية قابلة للتطبيق للنهوض بمصر ..

ولكن أقولكم إيه ..

هي دي نفسية وعقلية الراجل اللي بيحكمنا ...

مش ملاحظين حاجة ..

ان الحكومة دي مليانة مهندسين ..

bv:-

مالهم بقي المهندسين يا عمنا

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك
عنبو عضو جديد

عنبو

بتاريخ:
بتاريخ:

هو ياجماعه منصب الوزير ده مش المفروض مهنه ؟؟ ولازم الى يشغلها يكون مؤهل ولا اى واحد يبقى وزير وخلاص

ده راجل هيمسك وزراة التربيه والتعليم ايه هى مؤهلاته علشان يمسك المنصب ده هو ياجماعه اى استاذ دكتور ينفع يمسك اى وزراه ليه مايمسكش الورزاه يكون واحد من المدرسين الى عاش مع الطلبه ودرس لهم وعارف قوى مستوى الطلبه فى مصر عامل ازاى ؟؟ وعارف مشاكل المدرسين ده هيكون اكتر واحد اصلح للمنصب ده

بس نرجع ونقول الوزير فى مصر ما هو الا قطعة شطرنج يحركها الرئيس كيفما يشاء

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك
justme عضو جديد

justme

بتاريخ:
بتاريخ: (معدل)

يا جماعة المشكلة اصلا ان احنا الدكاترة عندنا اصلا بيتعينوا كده

يعني سعادتك كنا بنشوف دكاترة في التربية بيدرسوا طرق تدريس وهما اساسا مش بيعرفوا يطبقوا اللي بيقولوه

وفيه على فكرة تخصص اسمه اليادة التربوية

وطالما الموضوع مين جاب مجموع اعلى سيظل التعليم زي ما هوا

المنظومة كلها محكوم عليها بالفشل حتىولو جابوا وزير من اليابان

احنا المشكلة فينا

كما تكونوا يول عليكم

ومش هقولكم المدرسين في مصر عاملين ازاي

والله بيصعبوا عليا لما بشوف واحد جاي طازة كده واول مرة يطلع برة مصر

فمش هيفرق لا الجمل ولا احمد بدر كتير قوي

احنا لازم نصحى ونصحصح لنفسنا ونشتغل بذمة وهنشوف النتايج

تم تعديل بواسطة justme

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

جت في بالي لعبه

لو قرار التتكليف إتلخبط وزكي بدر بقى وزير نقل

والأخ التاني بقى بتاع تعليم ؟

تفتكرو تفرق كتير على رأي ورده ؟؟؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...