تعديل وزاري ابن زكي بدر بقي وزير التعليم

[se_ Elsyed]

أحلى تلعيق قرأته من شاب مصري دمه زي العسل بيقول

كده هايبقى عندنا في الداخلية ( مباحث الاداب .. ومباحث المخدرات .. ومباحث التعليلم ) هههههههههههههههههه

[MARDUK]

معيد بيدينا من عين شمس بيقولي , بكرا يزرع مخبرين في المدارس عشان يعرف التوجه السياسي لطلبه ابتدائي

[mamdowh]

طالما ان التعليم دخل فى المباحث والمخبرين

بكرة يبقى التعلم زى النكته اللى بتقول

تلميذ ابوه حرامى دخل امتحان الشفوى وبعد الامتحان ابوه بيقول له عملت ايه قال له قعدوا يسألونى ما فتحتش بقى باى حاجه ما تخافش عليه دا انا ابنك

[engmido]

يا اخواننا لو تتذكروا قبل يسرى الجمل كان فيه راجل محترم وكان له فكره وتصور للفترة القادمة

وهو الدكتور احمد جمال الدين رئيس جامعة المنصورة

وعشان طلع راج ل كويس..............شهرين بالظبط وراحوا شايلينه

لييييييييييييييييييييييه.؟؟؟؟؟ عشان راجل عايز يشتغل

انما هما عايزين خيال مآتة يحركوه ويبوظوا التعليم .........بس مش عارف لمصلحة مين التعليم يبوظ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[bentmasria]

حسبنا الله ونعم الوكيل بجد اللهم اعننا وصبرنا على الوزراء والمدرسين والمدارس واولادنا اللى بيتعلموا من منازلهم انا بدى دروس فى اولى ابتدائى والحصة ب 30 جنيه التسعيرة ماذا وغلا امتحان التقويم الشهرى يروح ف البطاطس لان المنهج خلص فى 28 يوم كله ياعينى يابنى كانوا بيسقوه المناهج بطفاية حريق فلا فهم ولا حفظ ولا انا قدرت الاحق على الشرح والحفظ وحل الواجب الكثير بايدى الشمال

واعتقد ده حال الجميع

وبدل ما بيعدلوها

طينوها

حسبنا الله ونعم الوكيل بجدددددددددددددد

[إبن مصر]

المستفيد الوحيد من هذا القرار هم اعضاء هيئه التدريس فى جامعه عين شمس وخصوصا كليه الطب اذ ان ذهاب هذا الجهبذ قد يعيد لهذه الجامعه العريقه انفاسها ويعيد البحث العلمى اليها من جديد فهذا الجهبذ كان اكبر بصماته اغلاق مركز الابحاث الخاص بالجامعه والذى كان به العديد من الابحاث المشتركه مع جامعات اجنبيه وهيئات بحثيه محترمه واغلق هو بقرار احادى هذا المركز مما ادى ان توضع جامعه عين شمس فى القائمه السلبيه للعديد من مراكز دعم الابحاث وعلى رأسها ( NIH) فى امريكا ب تعدى هذا الى الغاء كافه الابحاث التى يقوم بها الساده الباحثين قى الجامعه بدعوى الفساد.. متناسيا ان الرقابه على هذه المشاريع تتبع المؤسسات الاجنبيه الى جانب الجهات السياديه المصريه!!!!.

ربما هذه هى الحسنه الوحيده....... الكارثه لو ادار وزاره التربيه بنفس النهج الذى ادار به الجامعه .,...... يا نهار اسود!!!!!!!!!!!!!!!!!!!!!!!!!!!!

[سكر]

لازم نفهم ونفوق بقى احنا فى عصر

الوزير التنفيذى وليس الوزير السياسى

يعنى شالوا الدو جابوا شاهين

والله مش فارقه خالص طول ما راس الافعة موجود خلاص

[سكر]

فى نقطة فى قله الذوق محدش واخد باله منها

فى نفس يوم اعلان القرار وهو يوم اعلان التطعيم فى المدارس

وابنى الحمد الله اصلا مش بيروح المدرسه بسبب انفلونزا الخنازير

بس الوزير السابق يسرى الجمل طلع على الشاشه وطمن الاولاد والاهل الكلام دة انا شفتنى بعينى لحد الظهر تقريبا

والراجل يا عينى اطعم وقال للناس انا اطعمت اه شايفين الدم

ايه قله الذوق والوقاحة الى فى البلد دى يعنى يكون الراجل طالع على شاشات الفضائيات ويقول اطعموا او يكون بينفذ خطة

بغض النظر عن صحة او فشل الخطة ويروح البيت عشان يتغدى يلاقى قرار الاقاله فى التلفزيون

دة سلوك بلد انا لو مشغل عندى واحد بيمسح الجزمة كنت قلتله انا ارفت منك وريحتك بقت وحشه لكن مش بالطريقه المعفنه دى

[myusername]

فى نقطة فى قله الذوق محدش واخد باله منها

فى نفس يوم اعلان القرار وهو يوم اعلان التطعيم فى المدارس

وابنى الحمد الله اصلا مش بيروح المدرسه بسبب انفلونزا الخنازير

بس الوزير السابق يسرى الجمل طلع على الشاشه وطمن الاولاد والاهل الكلام دة انا شفتنى بعينى لحد الظهر تقريبا

والراجل يا عينى اطعم وقال للناس انا اطعمت اه شايفين الدم

ايه قله الذوق والوقاحة الى فى البلد دى يعنى يكون الراجل طالع على شاشات الفضائيات ويقول اطعموا او يكون بينفذ خطة

بغض النظر عن صحة او فشل الخطة ويروح البيت عشان يتغدى يلاقى قرار الاقاله فى التلفزيون

دة سلوك بلد انا لو مشغل عندى واحد بيمسح الجزمة كنت قلتله انا ارفت منك وريحتك بقت وحشه لكن مش بالطريقه المعفنه دى

فعلا... انا كمان استغربت من الحركة دى, و قلت فى نفسى... ان اكيد ابن زكى بدر مش عايز يتطعم, عشان كده استنى لغاية اما الوزير يتطعم... لانه اتطعم بصفته لا بشخصه!

عموما.. ده ان دل على شىء, فهو يدل على حاجة من الاتنين.... لاما يسرى الجمل مالوش علاقة قوية بالنظام, و مالوش حبايب عشان يعرفوه ان القرار طالع قبليها بيوم... لأما القرار ده طلع فأجة زى كل القرارات اللى بتطلع.

[mfarag]

انا شايف ان دة قرار حكيم جدا جدا جدا

بعد ما جامعات مصر فشلت فى ان تصبح من ضمن افضل 500 جامعة فى العالم

و بعد اتجاة دول ذى قطر و السعودية لتطوير جامعتها

كان لازم نتحرك

و تعيين اب ابو الزيك خطة استراتيجية

عشان

جامعات

مصر

تبقى

من افضل

100

جهاز مباحث فى العالم

شفتوا باة ان انتوا مش فاهمين و ظالمين الحكومة

[عاشق الترحال]

حقيقي هذا الشبل من ذاك الأسد

الجماعه اياهم الكبار راجعوا أوراقهم وسجلاتهم السوده فوجدوا هذا الفارس المغوار في صفحه سوده من صفحات التاريخ فقالوا بقى ده اسمه كلام مش خساره أمثال هؤلاء يترموا كده في مزبلة التاريخ فحبوا يكرموا الراجل فقاموا جابوا إبنه علشان يفكروا الشعب بالذي مضى ولا أنتم نسيتوا ( زيكا ) بيه

للأسف سياسة الحكوميه الرشيده بتاعتنا بتقول مرحبا بكل مفسد وحرامي ومرتشي مش بس فى الوزاره لأ في كل مكان داخل البلد بس يسمع الكلام وينفذه من سكات ومن غير ما يناقش ولا يجادل وطبعا السرقه اللي هيسرقها والرشوه اللي هيرتشيها والفساد اللي هيعمله كله متخزن في الملف ومتعان فى الدرج علشان لما يحب يلعب بديله كده ولا كده أو يعمل فيها دكر نطلع المستخبي له ونجرسه ونعمله مسخه وعبره لغيره.

وطبعا لا مرحبا بأي رجل شريف أو نزيه لا مرحبا بأي رجل يتبنى فكر بناء ويريد أن ينهض بمستوى البلد في أي مكان وإسألوا عن الجنزوري وأمثاله من الشرفاء لماذا تم عزلهم وأين هم ولماذا لا يسلط الإعلام الضوء عليهم ؟!!

وبعد ده كله بتسأل وتقول بجد مش عارف لمصلحة مين التعليم يبوظ ؟؟؟

ده التعليم والصحه والإقتصاد والسياسه والثقافه والأدب والأكل والشرب وووووووووووووو إلخ

وعجبي.

[se_ Elsyed]

اللهم صلي عالنبي

المعلومات اللي الواحد قرأها وسمعها عن الوزيرين في الأيام اللي فاتت

بصراحه تبشر بالخير

حاجه زبالة

زبالة زبالة يعني مش اي كلام

وناس عليها إجماع منقطع النظير

أجدع حاجه بقى إن أحمد نظيف متهمش في الموضوع ده تماماً .. وشكله كان بيتغدا واتفاجيء بالخبر زيه زي عبدو السفرجي اللي كان جايبه له دقيه الباميه اللي بيحبها

اللي ما حتي يا كبد امه أجتمع معاهم زي ما بييجي في الأفلام ولا حتى شكله كان موجود وهما بيحلفوا بالطلاق على صيانة الداستور وأكل حقوق الشعب

بس بيني وبينكو الواحد في المواقف دي بيقول : الحمد لله إني ما أتفمرتش مع اللي أتفرموا .. ومش مهم باميه باميه بس أعيش

وكيلو باميه .. القطه العامية .. سرقت قميصي الأنجليزي ... وعسكر فوق وعسكر تحت .. اخص عليك ياللي في بالي

[engmido]

الواحد نفسيته صفر

يا ا/سى السيد انت والله بتخلى الواحد عايز يعيط ومن كتر العياط عايز اضحك

شفتو احوال البلد عاملة فينا ايه؟؟؟؟؟؟؟؟؟؟؟؟؟؟؟؟؟؟؟؟

[الباشمهندس ياسر]

يعمر بيتكم يا س س

انا داخل و متحمس بقي و هنقول

بالمناسبة

ابن زكي بدر واد سكر زي ابوه

و بالمناسبة برده ابوه كان راجل بس بزيادة شويتين

خليتني مش عارف اجمع كلمتين علي بعض من اساسه

[الباشمهندس ياسر]

شوفوا الموقف ده و احكموا عليه يا جماعة الخير

الاخ س قاعد مع مجموعة من علية القوم ف احد المجالس و قال باللفظ

جه علينا اليوم اللي نبقي قاعدين و معانا تييييييت (( شواذ يعني )) ف القعده

رد عليه ص و قاله .. مش كده يا س بيه ...

رد عليه س و قاله ... انا قلت تيييييت ( شواذ يعني ) و مقلتش تييييييييت ( قوادين يعني )

راح ع قال ... س بيه لو سمحت نقي كلامك احنا ناس محترمين

رد عليه س و قاله ... هو انا جبت سيرة تييييييت ( اهانة طبقية )

السؤال بقي

الراجل س ده يبقي واد كله رجولة ولا ايه السيستم

[عماد حمدي]

شد السيفون ...

[الباشمهندس ياسر]

مش ملاحظين حاجة ..

ان الحكومة دي مليانة مهندسين .

مالهم بقي المهندسين يا عمنا

تقريبا اسد يقصد ان رئيس الوزارة مهندس و جايب اصحابه

بس بكل اسف محدش فيهم اتصل بيا :waf: