وأخيراً وقع محمد إبراهيم سليمان

[se_ Elsyed]

من الأخر كل الكلام ده أونطه وما يدخلش دماغي بتعريفه ..

لأني ببساطه دماغي متكلفه ... وعارف مين رئيس ......

العصابة ههههههههههه

ومستحيل

مستحيل

مستحيل

حاجه تتم إلا بختمه وبموافقته وتنصيصه مع صبيانيه الصغيرين

بدليل

إن أي وزير فسل من دول بيتعمل عنه تقارير امنية يومية بتُعرض على رئيس الوزراء والرئيس ذات نفسه

وهانروح بعيد ليه

تعالى نشوف الوزير الشريف العفيف اللي مبارك بالرغم من كل البلاوي اللي أحاطت بسمعته المشوهه ... اول ما خرج من الوزارة من حوالي 3 سنوات .. قام على الفور بمنحه وسام الجمهورية من الطيقة الاولى

يعني الشعب شايف إن ده حرامي وإبن ستين ..... ... يبقى على قلب مبارك زي العسل وياخد لقب أمير الأمراء

الشعب شايف إن أحمد رشدي أنضف وزير داخلية جه ... يبقى يتحط في التلاجه وياخد في إيده أبو غزاله والجنزوري وحسب الله الكفراوي وعمرو موسى

يالا نقرأ سوا مع بعض ... همسه ... وسلخه ... وشلحه ... ونفحه من الأتهامات اللي وجهت إليه .. يعني بالصلاتو عالحبيب الحاجات دي تعتبر صفحتين من الخمسين صفحه بتوع باقي الإتهامات ..

وأرجوكم بجد مش باهرج

اللي عنده ضغط او امراض متعلقه بالحالة النفسية .. أرجوه يبعد دلوقت

آه بالمناسبة من أمبارح والانباء تترد عن إنه هايهرب خارج مصر لا محاله لإن الادلة دي تخليه ياخد إعدام

يالا بينا نعيش المغامرة

أعدت نيابة الأموال العامة العليا مذكرة لعرضها علي المستشار عبدالمجيد محمود‏‏ النائب العام‏‏ تمهيدا لإرسالها لوزير العدل تتضمن رفع الحصانة البرلمانية عن الدكتور محمد إبراهيم سليمان وزير الإسكان السابق للتحقيق معه بشأن البلاغات المقدمة من‏ 47‏ عضوا بمجلس الشعب‏ حول ارتكابه للعديد من المخالفات أثناء توليه منصبه‏.‏

جاء ذلك بعد أن انهت نيابة الأموال العامة العليا مناقشتها لعضو هيئة الرقابة الإدارية الذي استمر لمدة‏ 3‏ أشهر حول ارتكاب الوزير السابق للعديد من المخالفات أثناء توليه منصبه‏.‏

وذكرت جريدة الاهرام المسائي فى عددها الصادر الأحد ان تقرير هيئة الرقابة الإدارية الذي يقع في‏ 50 ‏ ورقة من القطع الكبير‏ يتضمن جميع المخالفات المتعلقة باسناد وتخصيص أراضي لأقاربه وذويه ورجال الأعمال بالأمر المباشر‏.‏

وكشفت تحريات هيئة الرقابة الإدارية عن قيام الوزير السابق

:

1- بتخصيص ‏8‏ قطع أراض بالتجمع الخامس لزوجته وولديه شريف ودينا محمد إبراهيم سليمان‏،‏ فيما يسمح القانون بقطعة واحدة للأسرة الواحدة، ( في دي عنده حق .. بيأمن مستقبل المدام والأولاد عشان لو غار في داهيه بعد عمر قصير ... 8 قطع من الحجم العائلي .. كومبو يعني .. قطعة يسقعوها .. وقطعه يبنوا عليها عمارة يبيعوها تمليك )

2- تخصيص‏ 20‏ قطعة لأشقاء زوجته وأولادهم حيث يقوم بإعطاء كل واحد قطعة أرض وفيلا بمارينا‏،‏ ( يا وعدي يا وعدي أبو نسب يا سيدي ... لسه هاياخدوا قطع ويبنوها يكون الصيف عدا من غير ما يبلبطوا ؟... قرب خد لك حتة فيلا .... وحتة الأرض الفاضية إبقى فصلها بنطلونين على مزاجك على رواقه يعني ..... صحيح اللي مالوش خير في نسايبه .... وإن كبر إبنك خاويه )

3- قام الوزير بتسليم حسن درة رجل الأعمال ‏1500‏ فدان بالقاهرة الجديدة والشيخ زايد و‏6‏ أكتوبر والشروق ومازال حسن درة متعثرا ولم يقم بالسداد منذ بداية التعاقد عام ‏1994‏ حتي الآن وبعد جدولة ديونه ‏4‏ مرات‏.‏ هأ هأ هأ .. ده على أساس إننا لازم نساعده وده رجل اعمال في مقتبل حياته ويا عم 1500 فدان لو حسبنا المتر بـ 500 ج بس وإن شالله ما حد حوش بحوالي 3 مليار وشويه والراجل متعثر وظروفه صعبه من 16 سنة وكإنه ماسك علينا ذله أو الـ 1500 فدان صاررهم في منديل ومخبيهم في عبه ومش عارفين نستردهم منه ...

4- كما أعطي الوزير لوجدي كرار رجل الأعمال فندقا بمارينا بحق الانتفاع وباع له مبني البولينج وسينما بمارينا بالأمر المباشر ( الراجل كراره ده باسمع إسمه كتير أصله من المقربين لجمال مبارك وفي لجنة الساسيات أعتقد ....... فندق ومبنى بولينج عشان الأولاد يلعبوا فيه بدل لعب البلي ...وسيما عشان يتفرج عالافلام أول باول .. وكله بلوشي يا معلم ) ‏.‏ فيما رفض نائب رئيس مجلس الدولة ورئيس قسم الفتوي والتشريع بوزارة الإسكان التوقيع علي العقد وقرر ببطلانه لأنه مخالف للقوانين واللوائح‏.‏

5- وتضمنت التحريات قيام زوجة الوزير السابق ببيع قطعتي أرض بالشيراتون لرجل الأعمال وجدي كرار ( إرحم يا عم كركر .. ده ربنا بيرحم .. إنت كده هاتزور من كتر اللغ )

5- وأعطي لشركة المهندسون المصريون بالأمر المباشر أكثر من‏300‏ فدان

6- وللشركة المتحدة للاستثمارات‏ 300‏ فدان بشارع‏ 90‏ بالتجمع الخامس بسعر المتر‏250‏ جنيها حيث كانت مخصصة كنادي ( يا بلاش ... اومال بيقولوا الغلا والأسعار نار والكلام ده ليه ؟؟؟ إشاعات مغرضه هدفها بلابيل الرأي العام وزعازيع الأستقرار ) والظاهر والله أعلم إنه كان بيتفائل برقم 300

7- وتبين من تحريات هيئة الرقابة الإدارية أن الوزير أصدر تعليماته بأنه لا يتم تخصيص أي قطعة أرض إلا بعد موافقته‏.‏ ( طبعاً .. هو ده الظبط والربط .. وكل حاجه لازم ولابد تخرج من عبايته .. أومال يسيطر على الوضع إزاي ؟ )

وصرح مصدر قضائي بأن نيابة الأموال العامة العليا تحت إشراف المستشار علي الهواري المحامي العام الأول تقوم بإعداد مذكرة لعرضها علي النائب العام تتضمن رفع الحصانة البرلمانية عنه تمهيدا لاستجوابه فيما جاء بتحريات هيئة الرقابة الإدارية ومباحث الأموال العامة‏.‏

وأشار المصدر إلي أن الوزير السابق يواجه مجموعة من الجرائم تتمثل في الاستيلاء علي المال العام والاضرار العمدي به والرشوة‏.‏

ومن المقرر أن يتسلم النائب العام المستشار عبدالمجيد محمود مذكرة النيابة التي أعدها المستشار طارق الحتيتي رئيس نيابة الأموال العامة العليا في القضية التي تحمل رقم‏408‏ حصر أموال عامة عليا‏.‏

كل ده .. ده غير اللي عمله في الدويقة

أسكتوا مش هو نائب مجلس الشعب عن الدايرة دي .... ولهف ملايين الملايين من دولة الأمارات على حس تطوير المنطقة ودخل المبالغ دي في ميزانية الوزارة عشان يمزمز فيها براحته ... وفعلاً طورها وأفناها ووقع الجبل عليهم .

الوزير الهمام يوسف بطرس غالي اللي بيتشطر على الغلابه ويقول لك " أطبخي يا جاريه " والدولة هاتجيب لكن منين ... ما فكرش في مره هو وصاحبه الوزرا يدوروا على المليارات المتبعتره دي ؟

والله العظيم إن جهنم لمشتاقه لمثل هؤلاء .. وعلى رأسهم

كبيرهم الذي علمهم السحر

حقاً .. إننا نعيش في ازهى عصور الفساد والنهب

[myusername]

على فكرة... انا جتتى نحست و الحاجات دى مبقتش تأثر فيه خالص..

و على فكرة كمان... انا اصلا مستنى لما مبارك يموت, عشان كل المجلات و الجرايد الامريكية تكتب هما اكتشفوا عنده كام مليار فى سويسرا... بالظبط زى ما حصل مع سوهارتو... و متسألونيش مين سوهارتو.

[se_ Elsyed]

هو بجد لسه عندنا شرفاء ومسئولين محترمين أو أعضاء مجلس شعب ما بيسيبوش الدين ؟

هو بجد الناس دي عندها نظر وبتعرف تقرأ وتكتب وتفك الخط وتعرف إن مصر لبست 400 مليون جنيه مبلغ تعويض هايندفع زي ما حكيت لكم قبل كده عشان هبره عملها عاطف عبيد وخلى أوروبا تحجز على بنوكنا في أوروبا ويا الدفع يا الحجز ولسان حال مبارك بيقول " معليش عيل وغلط ... ويا سيدي جل من لا يغلط .... وعاطف عبي خدمنا كتير وخرم قصدي خرب البلد ... ومش كتير عليه 400 مليون ... وادي إبراهيم سليمان كذا مليار .. ودول رجلاتنا ولحمنا ودمان )

[عصام]

أهوه ..

ويرجع يقولى عصام شوقى مش عارف ايه ..

يا عم رووووووووووح

[raouf]

تجب ازوودلك يا ابو السيد

عارف شركة المهندسون المصريون اللى كاتب انها احدت بالأمر المباشر اتباعت الاسبوع اللى فات ب 3 مليار اه والله مليار وعارف لمين

لبنك الاسكان و التعمير بعتى بالصلاة على النبى كده اصحاب الشركة اكلوا ب 6-7 مليار خلعوا ياريت حد يخلى باله من توقبت البيع و السعر وسلم لى على الكوسة و البتنجان و البامية وياريت تزود الدقة

تم تعديل 3 يناير 2010 بواسطة raouf

[سكر]

بفرض ان فى قضاء نذيه وحكم نذيه

هل حكم الاعدام فيهم كفايه

انا مستعد اعمل اعلان ان الراجل دة انا مسامحة فى حقى ومش عايزة يا خد اعدام بس لى طلب واحد

يرجع الفلوس والارض وهقوله شكرا

الحكم على عاطف عبيد وابراهيم سليمان هو الحكم على كارت محروق

المهم مش فى الشخص المهم فى الاموال لان كدة بقت فعلا عزبه ابوهم

كان فى خبر من كذا يوم ان وزير الاسكان الحالى متوقع ارتفاع متر الارض فى التجمع الخامس بارض الجولف الى 7 لاف جنيه

عايز اسال بقى سوال للمغترب

ايه رايك بدل الغربه

تتسجن كدة 3 سنين فى سجن مكيف مع تليفزيون ونت وحديقه وتاخد بدلهم 3 او 4 مليار او حتى لو مليون يبقى كدة رضى

[doha]

بفرض ان فى قضاء نذيه وحكم نذيه

هل حكم الاعدام فيهم كفايه

انا مستعد اعمل اعلان ان الراجل دة انا مسامحة فى حقى ومش عايزة يا خد اعدام بس لى طلب واحد

يرجع الفلوس والارض وهقوله شكرا

الحكم على عاطف عبيد وابراهيم سليمان هو الحكم على كارت محروق

المهم مش فى الشخص المهم فى الاموال لان كدة بقت فعلا عزبه ابوهم

كان فى خبر من كذا يوم ان وزير الاسكان الحالى متوقع ارتفاع متر الارض فى التجمع الخامس بارض الجولف الى 7 لاف جنيه

عايز اسال بقى سوال للمغترب

ايه رايك بدل الغربه

تتسجن كدة 3 سنين فى سجن مكيف مع تليفزيون ونت وحديقه وتاخد بدلهم 3 او 4 مليار او حتى لو مليون يبقى كدة رضى

{وَلَوْلَا أَن يَكُونَ النَّاسُ أُمَّةً وَاحِدَةً لَجَعَلْنَا لِمَن يَكْفُرُ بِالرَّحْمَنِ لِبُيُوتِهِمْ سُقُفًا مِّن فَضَّةٍ وَمَعَارِجَ عَلَيْهَا يَظْهَرُونَ} صدق الله العظيم ..

الشرف غالي اوي ياجماعه ومش خساره ابدا في الي يبيعه مليون ولا حتى مليار .. بس خلي المليار ينفعه ..

[ذهبية]

ياريت و النبى يا سى السيد قبل ما كنت تكتب هذا الخبر انك تحزر اللى عندهم القلب او الضغط العالى او السكر بعدم دخول هذا التوبك

لانى و الله م شعارفة اهدى نفسى من ساعة ما قريت الحال اللى احنا فية معندكش حباية للضغط

[ابو محمود]

[quote name='doha' date='Jan 3 2010, 11:12 PM' post='55129

{وَلَوْلَا أَن يَكُونَ النَّاسُ أُمَّةً وَاحِدَةً لَجَعَلْنَا لِمَن يَكْفُرُ بِالرَّحْمَنِ لِبُيُوتِهِمْ سُقُفًا مِّن فَضَّةٍ وَمَعَارِجَ عَلَيْهَا يَظْهَرُونَ} صدق الله العظيم ..

الشرف غالي اوي ياجماعه ومش خساره ابدا في الي يبيعه مليون ولا حتى مليار .. بس خلي المليار ينفعه ..

العزيزة ضحى

يعنى نسامح ونشوف ونسكت ؟؟؟ ربنا امرنا ان نحارب ونقاتل من يغير ميزان الخلق لقد قال ايضآ فى سنة نبية ان يتم قطع يد السارق شوفى وانزلى الى المدن الفقيرة المعدمة وهتشوفى اشياء تجعلك تستغيثين بالخالق على حال الغلابة ومن يبيتون بالعراء وجامع طعامهم من بقايا البشر

صدقينى هناك مصائب كبرى حلت بمصر لن تتغير بالدعاء او الاتكال والتواكل لكنه بالتوكل على الله وازاحة كل شيء من فوق صدور الغلابة حتى لو خسرت مصر نصف ثروتها البشرية لابد من نوبة صحيان لأن القادم يوضح ان السلة كلها ستكون فى مرمى العدو فلو تم اخراج نصف السلة من الهلاك بيكون مكسب والعراق والصومال دليل دامغ والسنين العشر ليسو بزمن ربنا يسترها علينا

[الباشمهندس ياسر]

أهوه ..

ويرجع يقولى عصام شوقى مش عارف ايه ..

يا عم رووووووووووح

ابييييييييييييه عصام

ممكن اعترفلك بحاجة

مكنتش بحس من كلامك غير انك متشائم زيادة عن اللزوم

دلوقتي

لو قابلت مداخلة ليك قديمة ... بحس انك بتجيب م الاخر

بس انا اللي استيعابي كان بيتاخر شويتين تلاتة

يلا

تسونامي جاي و مش هيخلي يا صديقي

[doha]

العزيزة ضحى

يعنى نسامح ونشوف ونسكت ؟؟؟ ربنا امرنا ان نحارب ونقاتل من يغير ميزان الخلق لقد قال ايضآ فى سنة نبية ان يتم قطع يد السارق شوفى وانزلى الى المدن الفقيرة المعدمة وهتشوفى اشياء تجعلك تستغيثين بالخالق على حال الغلابة ومن يبيتون بالعراء وجامع طعامهم من بقايا البشر

صدقينى هناك مصائب كبرى حلت بمصر لن تتغير بالدعاء او الاتكال والتواكل لكنه بالتوكل على الله وازاحة كل شيء من فوق صدور الغلابة حتى لو خسرت مصر نصف ثروتها البشرية لابد من نوبة صحيان لأن القادم يوضح ان السلة كلها ستكون فى مرمى العدو فلو تم اخراج نصف السلة من الهلاك بيكون مكسب والعراق والصومال دليل دامغ والسنين العشر ليسو بزمن ربنا يسترها علينا

حد جاب سيرة سماح وتواكل ؟؟

كلامي كان رد على الجزئية دي تحديدا من الرد الي اقتبسته في ردي :

عايز اسال بقى سوال للمغترب

ايه رايك بدل الغربه

تتسجن كدة 3 سنين فى سجن مكيف مع تليفزيون ونت وحديقه وتاخد بدلهم 3 او 4 مليار او حتى لو مليون يبقى كدة رضى

انا شايفه ان الكفاح بشرف في حد ذاته انجاز حتى لو مكانش له مردود اما عن الحرامية واللصوص فخلي ملايينهم او ملياراتهم تنفعهم وبالتاكيد مهما كبرت ثرواتهم فده مش هيقلل من حجم ( انجازاتنا ) احنا لاننا بجوارها حافظنا على شرفنا الي هو اغلى من كل كنوزهم الي برضه مازلت اصر .. مش هتنفعهم ..

ده كان تعليقي على جزئية المقابل المادي للغربة مقارنة بالانحراف .. اما عن قضية الفساد نفسها فلا تعليق لدي .

تم تعديل 3 يناير 2010 بواسطة doha

[أسد]

حساب على كلامك ياسي السيد ..

وانتوا ياللي ماشيين وراه

يتحاسب ..

وقع ..

مين ده اللي وقع ..

إنسىوا..

[عندى أمل]

على فكرة... انا جتتى نحست و الحاجات دى مبقتش تأثر فيه خالص..

و أنا كمان

و على فكرة كمان... انا اصلا مستنى لما مبارك يموت, عشان كل المجلات و الجرايد الامريكية تكتب هما اكتشفوا عنده كام مليار فى سويسرا... بالظبط زى ما حصل مع سوهارتو...

و أنا كمان

و متسألونيش مين سوهارتو.

أحمد سوهارتو هو الرئيس السابق لأندونيسيا

[عصام]

ابييييييييييييه عصام

دا انت اللى أبيه يا معلمى .. bv:-

أنا مش متشائم ..

أنا يمكن واقعى شوية وباتعامل بالمعطيات اللى موجودة قدامى ..

واللى بتقول .. إن مصر راحت سكة اللى بيروح ما يرجعش ..

أقولك ليه باختصار ؟ وللا انت عارف؟ ومافيش داعى للكلام المكرر؟ bv:-

الاربعين سنة اللى عشتهم فى مصر الحقيقة انهم تخللتهم أحداث كتير أوى فيها احتكاك بالحكومة بشكل أو بآخر .. وكلها كانت تجارب فاشلة تماما ..أثبتت لى إن مافيش فايدة ولا دلوقتى ولا بعدين !!

خاااااااااااااااالص

[myusername]

على فكرة... انا جتتى نحست و الحاجات دى مبقتش تأثر فيه خالص..

و أنا كمان

و على فكرة كمان... انا اصلا مستنى لما مبارك يموت, عشان كل المجلات و الجرايد الامريكية تكتب هما اكتشفوا عنده كام مليار فى سويسرا... بالظبط زى ما حصل مع سوهارتو...

و أنا كمان

و متسألونيش مين سوهارتو.

أحمد سوهارتو هو الرئيس السابق لأندونيسيا

انا قلت انتا عندك أمل... bv:- و هتقولنا كلمتين حلوين يروقوا الجو... bv:-

[Tafshan]

بس مش غريبه شويه ؟؟

هو اتغضب عليه ليييييييييه ؟؟؟

ما حدش يقول لى نزاهه و شفافيه و بطيخ من ده .. الموضوع فيه "ان"

[صبح]

بس مش غريبه شويه ؟؟

هو اتغضب عليه ليييييييييه ؟؟؟

ما حدش يقول لى نزاهه و شفافيه و بطيخ من ده .. الموضوع فيه "ان"

لأ أبدا

كل الحكاية والله أعلم إن النائب العام على حد شوفي هذه المرة راجل محترم

وشايف شغله ومخلي كل اللي تحته يدعبسوا في الأوراق القديمة

لاحظوا كل المصايب اللي تم دفنها ... هوا قام بنبش قبورها مرة ثانية

كنت أعتقد أنه لن يعمر طويلا ... ومستغرب قوي هما إزاي لسة سايبينه bv:-

[محمد عبدالعزيز]

بس مش غريبه شويه ؟؟

هو اتغضب عليه ليييييييييه ؟؟؟

ما حدش يقول لى نزاهه و شفافيه و بطيخ من ده .. الموضوع فيه "ان"

أنا كمان مندهش بصراحة من الموضوع ده, ومنتظر أشوف ال "إن" إيه هى

[عصام]

بصرف النظر ...

عقبال كل اللى مشى وكل اللى موجود .. وكمان عقبال كبيرهم هذا

[مغتربة]

بس مش غريبه شويه ؟؟

هو اتغضب عليه ليييييييييه ؟؟؟

ما حدش يقول لى نزاهه و شفافيه و بطيخ من ده .. الموضوع فيه "ان"

أنا كمان مندهش بصراحة من الموضوع ده, ومنتظر أشوف ال "إن" إيه هى

يعنى هيكون اغلى عندهم من الشاذلى و لا الشريف

صحيح دول متحاكموش

بس اتقصوا

مفيش عزيز و لا غالى

الى متقلقش منه ارميهلهم علشان يتلهوا بيه

و و برضه احنا نعرف نقول اهوه بصه احنا بنحارب الفساد و مبنتستشر على حد

(من حكم الدكتاتوريين المعاصرين )