وأخيراً وقع محمد إبراهيم سليمان

[se_ Elsyed]

إشمعنى دلوقت ؟

بسم الله الرحمن الرحيم

الإجابة : الحزب الوطني سمعته بقت زي الزفت المقطرن ... وإحنا داخلين على ايام مفترجه وأنتخابات كمان 5 شهور ولا حاجه .. فما فيش مانع يضحوا بكرت محروق أساساً ويعملوا عليه شوربه .

ولما النائب العام صاحي .... كان فين من زمان ؟

وبعدين هو ما بيصحاش إلا على المحالين على المعاش ؟؟؟؟؟ زي ماهر الجندي أو ابراهيم سليمان

[Tafshan]

إشمعنى دلوقت ؟

بسم الله الرحمن الرحيم

الإجابة : الحزب الوطني سمعته بقت زي الزفت المقطرن ... وإحنا داخلين على ايام مفترجه وأنتخابات كمان 5 شهور ولا حاجه .. فما فيش مانع يضحوا بكرت محروق أساساً ويعملوا عليه شوربه .

ولما النائب العام صاحي .... كان فين من زمان ؟

وبعدين هو ما بيصحاش إلا على المحالين على المعاش ؟؟؟؟؟ زي ماهر الجندي أو ابراهيم سليمان

مش عارف ..

بس حاسس ان في تصفية حسابات و تغير و لقواعد اللعبه و قص اظافر .. اللى راح في الوبا مش قليل ..

موضوع السمعه استبعده تماماً .. طول عمر الحكومه سمعتها زي الطبل .. و الانتخابات .. و الله ضحكتنى

واضح من التعديل الوزارى و سقوط رموز الحرس القديم ان التغير قادم .. جعله الله اكثر جمالاً .. و مبارك عليكم الانتخابات ..

[ehabtaher]

ده يقال ان الهدايا والرشاوى والنهبيات تصل الى 27 مليار

طيب سؤال انأح لما ده قدر يسرق 27 مليار ويتسبب فى سرقه ماهو اكثر

امال اللى اكبر منه سرق كام ؟

[engmido]

ا/ سى السيد

بجد برافو عليك

مع انك فى السعودية بقالك فترة الا انك عايش هموم البلد دى كأنك كل يوم بتعانى فيها

وكأنك كل يوم بتتشعبط فى الاتوبيسات والمواصلات :P والقرف وانفلوانزا الخنازير :D

[blbl]

بصراحة كل ديه تهم زغزغة.

قبل كل ده المفروض يتم التحقيق عن اسباب اختيار معظم المقاولين الكبار لمكتب جوز اخته كاستشاري لمعظم اعمال البنية الاساسية والمشاريع الكبري في مصر.

بالمناسبة اتعاب الاستشاري في مثل هذه الاعمال يصل ل2% من حجم الاعمال. بالمناسبة برضه المكتب المشار اليه لم يسبق له القيام بتلك الاعمال قبل تولي سعادته منصبه.

[سكر]

ده يقال ان الهدايا والرشاوى والنهبيات تصل الى 27 مليار

طيب سوال وعايز اجابه عليه

لما البيه يتسجن او ياخد اعدام يبقى كدة الشعب اخد حقه

[se_ Elsyed]

طيب سوال وعايز اجابه عليه

لما البيه يتسجن او ياخد اعدام يبقى كدة الشعب اخد حقه

لأ سيادتك

يبقى كده الشعب خد على قفاه

-----------

بني وطني الشرفاء

مش عاوزين ننجرف وراء إتهام الناس بالباطل

الراجل يا جماعة زي ما بيسموه بالأنجليزي

أوفر كواليفايد

يعني مؤهل لدرجة بشعة وبالتالي يستحق كل خير

وأنا باحذر أهو

عشان خاطر أختي الصغيرة مدام ذهبيه

ما تمسكيش الكهربا وترجعي تقولي دماغي بتوجعني

من فضلك أبعدي عن الموضوع ده

تحذير : سيرة محمد إبراهيم سليمان ضاره جداً بالصحة والأسكان والتعليم ههههههههه

------------------

يالا خدوا الحته دي

- الباشا الكبير بعد ما خد وسام الجمهورية والذي منه ... بالمناسبة دي بتبقى مقترنه بمرتب محترم طوال حياته غير معاش الوزاره

إوعى التقيلة بقى

بالله عليكو إمسكو نفسيكو

تقديراً من الدولة لشخص الوزير

تم تعيينه رئيساً لمجلس إدارة أحدى شركات البترول بمرتب كام ؟ شركة الخدمات البترولية البحرية

بياخد كلام فارغ

مقابل إنه بيفسح الكلب ويحميه ويفليه وكل ده بملاليم

صلي على رسول الله

مرتب شهري يا رجاله وقدره " مليون وتلتمية الف جنيه مصري شهرياً "

1,300,000 شهرياً

حار ونار في جتته

هي الناس دي اللي بيجري في عروقها إيه ؟

دم ولا ميه مجاري ؟؟؟؟

أقسم بالله المبلغ ده يعيشني أنا وعيالي طول العمر ..... من غير لا شغله ولا مشغله

أومال سامح فهمي بياخد كام ؟

ولا كبير الحتايته نفسه بياخد كام ؟

لما يوسف عبد الرحمن الحرامي صبي الحرامي الكبير يوسف والي كان بياخد 400 الف

وعقيل بشير بتاع مصلحة التليفونات بياخد 600 الف

والفسل ابراهيم سلميان ده اكتر من مليون وربع ؟

إيه الفلوس المعفنه اللي بالحفان دي ؟؟؟؟؟؟

--------------------

خُدوا دي كمان ...

وكتاب الله ما سايبك يا حرامي

الدكتور محمد إبراهيم سليمان استغل منصبه الوزارى طيلة 12 عاما فى تخصيص أراض له ولأسرته وأصدقائه وعدد من رجال الأعمال مقابل رشاوى مادية عبارة عن 5 شقق من أحد رجال الأعمال ومبالغ مالية فى صورة شراء عقارات مملوكة لأسرته بأغلى من سعرها، حيث يمثل فارق السعر مبلغ الرشوة.

على سبيل المثال قدم شريف محمد إبراهيم سليمان ــ عندما كان قاصرا ــ طلبا لوالده الوزير بتخصيص قطعة أرض فضاء بمنطقة الجولف بالقاهرة الجديدة للبناء عليها، وافق الوزير على تخصيصها بمساحة ألف متر، وعندما قام مسئولو هيئة المساحة بقياسها كتبوا أن مساحتها زادت إلى 2500 متر، وعند تسليمها على الطبيعة تبين زيادة المساحة مرة أخرى إلى 4500 متر مرة واحدة، وبمزيد من البحث والتحرى تبين أن الوزير السابق قام بدمج 4 قطع فى قطعة واحدة، وجعل القطع الأربع تحمل رقم القطعة التى قدم نجله الطلب برقمها

هأ هأ هأ

واليكم نص الطلب - من تأليفي طبعاً -

- بابا العزيز ... أنا صحيت السبح من النوم مالقتكش جنبي وفضلت أعيط عشان إنت عارف أنا بأخاف من الضلمه ... أحب أعرفك يا بابا إني كنت ماشي بعربيتي الهامر الفوشيه أنا وأصحابي توتو وسوسو نواعم ... كان عندنا ماتش جولف في الكاهرة الكديدة ... وإذ بي يا بابي تقع عيني على حتة أرض هناك مساحتها حوالي 2500 متر ... وزي ما يكون لقيتها بتطلع لي لسانها وتقول لي خدني في حضنك يا شوشو ... خصصني يا شوشو ... سقعني يا شوشو .... بابا ... ممكن تخصص لي الحتة الأسطنبولي دي لو سمحت عشان أحبك وأقول بابي حلو ؟

إبنكم المخلص شريف الشهير بشرشر العجيب ..

- طبعاً الأب قرأ الجواب ده وأنهمرت الدموع من مقلتيه وقال : الضنا غالي ... يا حبيبي يا شريف .. صحيح أعز الولد .. ولد الكـــــــــ....

إدفعوا لأمر شريف إبني حتت أرض وقدرها 2500 متر

وعشان الواد شريف ده طول عُمره مُرزق ... راح مع القياس يستلم الأرض .. شوف سبحان الله يلاقي نفس ذات الحته اللي كانت أمبارح 2500 متر ... تقوم تحصل المعجزة وتنفش وتتمدد وتتفرشحت وتبقى 4500 متر .... ده عشان نيته ونية أبوه صافيه بس ما أكتر

وأوضح أن وزير الإسكان السابق كى يتحايل على القانون أنشأ لجنة تخصيص لمدة 3 سنوات قامت بتخصيص الأراضى لزوجته وأبنائه بالمخالفة لقانون، ولم تسدد زوجة الوزير وأبناؤه ثمن الأرض التى حصلوا عليها بسعر 300 جنيه إلا بعد 3 سنوات، على الرغم من أن سعر المتر وقت التخصيص لهم كان 500 جنيه فى القطع المجاورة، ووصل إلى ألف جنيه عندما سددوا بأثر رجعى بنفس سعر الـ300 جنيه وبدون غرامات تأخير

وقامت السيدة منى المنيرى قدمت لزوجها الوزير السابق طلبا بتخصيص قطعة أرض مساحتها 1400 متر لبناء فيلا عليها، فمنحها لها، وجعل لها حديقة بمساحة 700 متر

واليكم نص الطلب من أم العيال

- حماده حبيبي ... بعد صباح الخير لو كنا بالليل ... ومساء الخير لو كنا بعد نص الليل .... إنت عارف انا عيد ميلادي قرب يا توتي وفاضل له 8 شهور ... ومش هاقول لك هاتلي بروش ألماظ ولا عقد لولو ولا فرير جلد كلب ... لأ لأ ... أنا زعلانه بجد يا ميدو ... بقى تخصص للواد المعفن المفعوص شرشر حته أسطنبولي وأنا لأه ؟؟؟؟؟؟ . لأ أخص عليك إخص ....

توتي حبيبي ... أنا في حتة منمرها عليها حوالي 1400 متر .. عاوزه ابني عليها فيلا عشان نسهر فيها أنا وصحباتي نلعب شلح والكومي وطاولة .... وطبعاً إنت عارف الطاولة ما تنفعش تتلعب الا في الجونينه .. عشان كده عاوزه حته كمان جنبها أعملها جونينه وأزرع فيها بسله وسبانخ اللي بتحبهم ..

حبيبتك موني ... أمووووووووووووه

قشطه يا حماده يا جامد

أما ابنته دينا فقدمت أيضا طلبا لوالدها الوزير السابق تطلب منه تخصيص قطعة أرض بمنطقة المشتل بالتجمع الخامس بالقاهرة الجديدة بمساحة ألف متر، وعندما توجه مهندسو المساحة لقياسها أثبتوا أنهم وجدوا مساحتها 1500 متر، وعندما توجه مسئولو وزارة الإسكان لتسليمها المساحة على الطبيعة تبين أن مساحتها وصلت على 2400 متر على الطبيعة، وبعد ذلك باعتها إلى شركة كارلتون للاستثمارات العقارية.

تفتكروا بعد شرشر وموني ما عملوا كده .. دودي هاتسكت ؟؟؟؟

دي تبقى عيبه ....

راحت هي راخره سايبه لأبوها جواب تحت سجادة أوضة الصالون ... فأبوها اتكعبل في الجواب .. وراح نافخها حتة 2400 من بيت الكلاوي ....

ولإن البنات ما لهمش في البنا والصنايعية والكلام الفارغ ... البنت باعت الحته السُقع دي بمبلغ وقدره.. وأشترت بثمنهم بيها غوشتين وكردان عيار 21 دهب بُندقي

كما مكن الوزير السابق أولاده من الحصول على 3 فيلات متلاصقة ومتجاورة فى مارينا بالساحل الشمالى لأبنائه القصر شريف ودينا وجودى وذلك من مال الوزير نفسه لأنهم كانوا قاصرين، حيث كان الوزير يبيع بصفته وزيرا ثم يشترى بصفته أبا لأبنائه القصر

هع هع هع

انا اركب دقن أبقى وزير ... وأخلع الدقن أبقى البايع والمشتري ... واللي ما يشتري يتننيل

فضلا عن منحه ابنته جودى قطعة أخرى بمساحة 750 متر بمنطقة الجولف بالتجمع الخامس

وكتاب الله عمال أقرا ملف الإتهام وأنا مُشفق على جوجو .. وأقول إشمعنى هي ؟

ولا عشان صغيره وأخر العنقود وما بتتكلمش والبنت يا كبد أبوها شايفه فلل بتطير وأراضي بتتبعتر

وربنا أستجاب لدعايا لإن اللي بييجب على الولايه ما بيكسبش ... يا حبيبتي يا جودي ...

750 متر بس ؟

دي يا دوب تفصلهم جيبه .... وفوق الركبه كمان

وانتقل الضابط بعد ذلك إلى تناول المخالفات التى تمكن مع زملائه من اكتشافها فى تعاملات الوزير السابق مع عدد من رجال الأعمال فأوضح أن سليمان قام بإلغاء إنشاء نادى مدينة القاهرة الجديدة وحديقة عامة كان من المقرر إنشاؤهما على مساحة 60 فدانا، وقاما بتخصيصها لرجل الأعمال (ع. ح) وبسعر 250 جنيها للمتر.

أه يابن الــــ

60 فدان ؟؟؟؟؟؟؟؟؟؟؟؟؟؟

وأوضح أن رجل الأعمال قدم طلبا للوزير بعد ذلك يفيد وجود 400 فدان ملاصقة لأرضه، ويرغب فى أخذها بالشفعة، ووافق الوزير على طلبه، وسلمها له بالأمر المباشر بالمخالفة للقانون.

يا جدعان حد يشيلني من هنا

وعندك واحد 400 فدان وصلحه

وأوضحت الرقابة الإدارية كذلك أن الوزير السابق خصص 1500 فدان بالأمر المباشر لرجل الأعمال المقاول الكبير (ح.د) بدون مزاد بالمخالفة للقانون،

460 ومعانا 1500 زائد 4200 ناقص 5 على 6 يبقى كده كام ؟

يبقى كده فاضل الزقازيق هي اللي ما أبتعاتش

هههههههههههههههههههه

وفى ذات التوقيت باع الوزير لرجل الأعمال فيلته الكائنة بالقناطر الخيرية بمبلغ 10 ملايين جنيه فى حين أن ثمنها لا يزيد على 3 ملايين جنيه فى أفضل الأحوال، بفارق مبلغ 7 ملايين جنيه عن ثمنها الحقيقى

وضمت النيابة مستندات البيع والشراء، وقام رجل الأعمال فيما بعد بالحصول على قروض من البنوك بضمان الأراضى المخصصة، وتأخر فى سداد 90 مليون جنيه قيمة أقساط لوزارة الإسكان

الحركة دي بأشوفها كتير

زي شركة الاهرام للمشروبات اللي أتباعت للزيات وقبل ما يدفع ثمنها أخد قرض من البنك بضمانها وسدد الفلوس من دقنه وأفتله وبعدين باعها بأضعاف مضاعفه لشركة هنكل .. كل ده وهو ما طلعش مليم من جيبه

وأوضحت التحقيقات أن الوزير السابق خصص بالأمر المباشر 80 فدانا لرجل الأعمال (و.ك) فاشترى الأخير من زوجة الوزير قطعتى أرض بمنطقة الشيراتون، وأرفقت النيابة صورا رسمية من العقود المبرمة بين زوجة الوزير ورجل الأعمال، وهذه العقود صادرة من شركة مصر الجديدة باعتبارها المالك الأصلى.

ده الراجل كان شغال تاجر جُمله وما بيهزرش

كما مكن رجل الأعمال نفسه من شراء مبنى البولنيج بمنطقة الشانزليزيه بمارينا بمساحة 1300 مترا بسعر 1900 جنيه للمتر شاملا الأرض والمبانى والتجهيزات.

يا بلاش

ده سعر المتر ما يجيلش ثمن فورة بولينج

يا نهار مش فايت

أومال رئيس الوزرا اللي حصل في عهده تلك المساخر كان بيعمل إيه هو راخر ؟

انا دماغي ولعت وحاسس بكلاب سعرانهه بتجري ورا بعض في المخيخ

[myusername]

بعد قرائة المداخلة الاخيرة للفاضل سين سين... احب ان اوجه شكر للاب الحنين... محمد حسنى مبارك... اللى مبيزعلش حد.. نصير الغلابة و المبلولين... و احب اقوله شكرا عشان انتا ماشى على مبادىء الثورة - محاربة الاقطاع, و مبادىء الديموقراطية... و الكلام اللى مبيجبش همه ده.

و كمان احب اقول... ان الرئيس مبارك هو احسن واحد من ساعة محمد على, و يمكن هو احسن من محمد على نفسه (وش عماد الدين اديب فى العاشرة مساءا)...

مش عارف اذا كان كلامى هيغير من المسار.... بس هل نحن فى حاجة الى محمد على جديد؟ حتى و لو كان أجنبى زى محمد على؟

انجازات محمد على لسه موجودة لغاية دلوقتى... المطابع الاميرية, و محالج الاقطان... و القناطر الخيرية.... و غيره و غيره..

محمد على أسس دولة... بل امبراطورية وصلت للسعودية و بلاد الشام... و هددت الخلافة العثمانية و وصلت حتى سويسرا و النمسا (بدون مبالغة) , لولا الاتفاقية اللى ارغموه عليها... و على الرغم من كده, ما زالت انجازاته العظيمة - فعلا و بدون مبالغة - لسه موجودة لغاية دلوقتى... بعد اكتر من 200 سنة... الراجل ده عمل نقلة حضارية كبيرة قوى لمصر محدش فاهمها ولا مدركها لغاية دلوقتى...

انا معنديش اعتراض ان ييجى ديكتاتور... يجمع ضرايب... و يحكمنا... و يدينا على قفانا كمان.. بس يعمل نص الانجازات اللى عملها محمد على! و اللى مش عجباه كلمة "يدينا على قفانا"... ما احنا بناخد على قفانا و راضيين و ساكتين و من غير انجازات!

[عصام]

بنتى سألتنى السؤال دا (فى سادسة ابتدائى)

هى مش غريبة يا بابى (أنا يعنى :P ) إن محمد على يعمل كل دا لمصر وهو مش مصرى؟

وفى عينيها يا عين امها سؤال مكتوم معناه "هو ليه حسنى ما بيعملش زيه؟" :blink:

حاكم أنا بنتى مطلعة شويتين بالنسبة لسنها wst::

[الباشمهندس ياسر]

ابييييييييييييه عصام

دا انت اللى أبيه يا معلمى .. :blink:

أنا مش متشائم ..

أنا يمكن واقعى شوية وباتعامل بالمعطيات اللى موجودة قدامى ..

واللى بتقول .. إن مصر راحت سكة اللى بيروح ما يرجعش ..

أقولك ليه باختصار ؟ وللا انت عارف؟ ومافيش داعى للكلام المكرر؟ wst::

الاربعين سنة اللى عشتهم فى مصر الحقيقة انهم تخللتهم أحداث كتير أوى فيها احتكاك بالحكومة بشكل أو بآخر .. وكلها كانت تجارب فاشلة تماما ..أثبتت لى إن مافيش فايدة ولا دلوقتى ولا بعدين !!

خاااااااااااااااالص

تصدق و تؤمن بالله

انا ع الاخر اصلا

الله يسامحك يا ابا

عملتها و خلعتك

[عطر الجنة]

كان فى مسلسل فى التلفزيون بطولة الراحل محمد رضا و صلاح السعدنى

يحكى عن محافظ لمحافظة الفيوم و حوله اهم اربعة رجال فى المحافظة يسرقون و ينهبون لدرجة انهم باعوا المحافظة

و ضحكت يومها

و الان هناك من باع كل المحافظات اللى وصلوا 29 واحدة

لقد قرات يوما ان اى نظام يخشى من الطبقى الوسطى

لذا سعا الوزير الكريم الى القضاء عليها

و حول الناس الى طبقتين فقط

يعنى حما الدولة من القلاقل

فعلا يستحق وسااااااااااام

كمان الراجل كريم حتحكموه على كرمه واحد و بيفرق من عزبة ابوه انتو مالكم

الراجل الكبير سمحله يتصرف فى ماله من تدخل فيما يعنيه وجد مالا يرضيه

اذا غضب الله على عبد اطال فى عمره و زاد فى سوء عمله

فلنحسن النوايا و العمل و ليبدأ كل بنفسه

[عاشق الترحال]

أكيد المشمهندس عمل دقة نقص مع حد من الرووس الكبيره أو لعب بديله في نصبايه من غير ما يقسم مع الكبار فعملوا منه عبره لمن يعتبر

بس اللي بيعجبني في الناس دي بجد أنهم عندهم مبدأ

لو سرقت إسرق جمل

بس الظاهر أن الجمل مش بيملى العين الفارغه

ياسلام لو يجي رئيس إبن حلال كده ويتقمص لنا شخصية عبد الناصر ويأمم لنا ممتلكات ولاد (..... إلخ) بس يحطها فى الدوله مش في جيبه :)

لأ صحيح ( وش محمد شرف )

( وعلى رأي محمود عبدالعزيز فى الكيت كات ) ناس وسخه

تم تعديل 5 يناير 2010 بواسطة عاشق الترحال

[Abu El Ezz]

هو احنا داقين عصافير ولا حاجة

- الراجل طلع من الوزارة من كم سنة ليه اتفتح الموضوع دلوقتى ، وليه سكتوا كل الفترة دى كلها

- هل سيتم ارجاع تلك الغنيمة (اقصد الاراضى) أو على الاقل مطالبته برد فرق الأسعار لخزينة الدولة

[myusername]

هو احنا داقين عصافير ولا حاجة

- الراجل طلع من الوزارة من كم سنة ليه اتفتح الموضوع دلوقتى ، وليه سكتوا كل الفترة دى كلها

- هل سيتم ارجاع تلك الغنيمة (اقصد الاراضى) أو على الاقل مطالبته برد فرق الأسعار لخزينة الدولة

فى الحقيقة... السؤال يجب ان يكون: هل هيتمسك و يتحاكم اصلا؟ ولا الموضوع هيبقى غيابى؟ خصوصا ان البعض يتحدث عن جنسيته البريطانية...و هربه للخارج... الله اعلم من صحة المعلومة.

[mamdowh]

إشمعنى دلوقت ؟

بسم الله الرحمن الرحيم

الإجابة : الحزب الوطني سمعته بقت زي الزفت المقطرن ... وإحنا داخلين على ايام مفترجه وأنتخابات كمان 5 شهور ولا حاجه .. فما فيش مانع يضحوا بكرت محروق أساساً ويعملوا عليه شوربه .

ولما النائب العام صاحي .... كان فين من زمان ؟

وبعدين هو ما بيصحاش إلا على المحالين على المعاش ؟؟؟؟؟ زي ماهر الجندي أو ابراهيم سليمان

هو فعلا استعداد للاستعداد الاولانى علشان الانتخابات تبقى نزيهه ( كده وكده ) وان فيه ناس بتاكل فى قوت الشعب وبتلعب بمصالحه واحنا واخدين بالنا من كل حاجه ومش نايمين زى ما انتم فاهمين لا دا احنا ناس صايعه قوى وفايقييييييييييييييين ,

العيب ان الناس بتنسى بسرعه وهما بيستغلو الحته دى بذكاء شديد

[noureymo]

(نقلا عن المصري اليوم)مصادر أمنية تكشف اختفاء مستندات مهمة عن مخالفات إبراهيم سليمان

كشفت مصادر أمنية لـ«المصرى اليوم» عن اختفاء ملفات تتعلق بالمخالفات المنسوبة لوزير الإسكان السابق محمد إبراهيم سليمان من جهاز المجتمعات العمرانية فى منطقتى أكتوبر والساحل الشمالى. وأضافت المصادر أن الأجهزة الرقابية لم تحدد بعد ما إذا كانت تلك المستندات تحتوى على توقيعات للوزير السابق، تشير إلى موافقته على تخصيص قطع أراض لرجال أعمال فى المنطقتين.

وأوضحت المصادر أن الجهات الرقابية توجهت ظهر أمس إلى تلك الجهات بحثاً عن المستندات التى تشير إلى وجود المخالفات، فاكتشفت اختفاء ٤ دفاتر مخصصة لتسجيل طلبات التخصيص، كما تبين نزع ورقتى تخصيص أراض من دفتر يشير إلى أن تلك الأراضى فى منطقة مارينا، ولم تحدد المصادر إن كان رجال الأعمال المنسوبة إليهم مخالفات الحصول على تلك الأراضى ووردت أسماؤهم بتحقيقات نيابة الأموال العامة هم ذاتهم الموجودون فى تلك الأوراق المنزوعة أو المختفية.

وقال مصدر فى شالرقابة الإدارية» - طلب عدم ذكر اسمه - إن اختفاء تلك الدفاتر يقف حائلاً دون تقديم مستندات إضافية لنيابة الأموال العامة لإدانة الوزير السابق، وحررت الرقابة الإدارية محضراً بالواقعة، وطلبت الجهات المسؤولة التحرى عن كيفية وطريقة اختفاء تلك الدفاتر.

وحاولت «المصرى اليوم» الاتصال بالمسؤولين بتلك الجهات للتحقق من صحة الخبر، لكنهم ردوا بأن النيابة هى الوحيدة صاحبة الحق فى السؤال عن ذلك.

ومن المقرر أن تستمع نيابة الأموال العامة غداً لأقوال المسؤولين عن هيئة المجتمعات العمرانية الواردة أسماؤهم فى تقرير الرقابة الإدارية، لسؤالهم على سبيل الاستدلال عن كيفية تخصيص الوزير قطع أراض لرجال أعمال.

لاتعليق :rolleyes:

[عصام]

إنت فين يا س س يا بتاع التفاؤل؟

[ozoozo]

فاكرين فيلم غبي منه فيه

لما كان حسن حسني بيقنع هاني رمزي انه يسرف

وقاله انت فاكر الناس اللي عايشه في القصور دي جابتهم من المرتب

[se_ Elsyed]

إنت فين يا س س يا بتاع التفاؤل؟

نبرت فيها ياخويا ؟؟؟؟؟؟؟؟؟

بيقول لك مصادر امنية تُصرح إنهم لحد دلوقت مش قادرين يثبتوا عليه حاجه

آه والله

شكل زعيم العصابة تدخل شخصياً عشان يداري على الصبي بتاعه

أصل العملية فيها وسام أستحقاق وبتاع ومش معقول يطلع الحاصل على الوسام .. هجام وحرامي غسيل

عصام .... وشي منك في الأرض

[إيزيس]

بيقول لك مصادر امنية تُصرح إنهم لحد دلوقت مش قادرين يثبتوا عليه حاجه

و لا يمكن يتنازل الباشا عن اعتذار رسمي و قضية رد شرف و أهه ياخد تعويض محترم يكون بيه نفسه

نفسي أفهم لما هم هيطلعوه زي الشعرة من العجين فتحوا الموضوع ليه :lol:

تم تعديل 17 يناير 2010 بواسطة إيزيس