عيد ميلاد جماعي ....تاني

[rewsha]

بما ان ماحدش كلف نفسه وبص على الخمسه اللي واقفين مستنين في الشمس دول من صباحية ربنا (في الصفحه الرئيسيه )

ودخل يقول لهم كل سنه وانتوا طيبين

قلت ومالوا .

ادخل انا اقول لنفسي وللاربعه اللي معايا(ابو عمر -ساحر العيون -عصام ابو الفتح-eaglsson) كل سنه واحنا طيبين :lol: .(وخمسه وخميسه )

وهاجيب تورتايه كبيرررررررره .......قد كدهوت .... :P

وكل اللي هايدخل يهني هاديله حته

وهاولع شمع كمان :D

واحتفل بعيد ميلادي .

وهافتح باب التهنئه من دلوقتي لحد الساعه 12

واللي هايجي بعد كده مالوش عندي حاجه ....أه....مهو التورتايه هاتكفي مين وله مين

وحسابك معايا بعدين يا دودي :lol:

تم تعديل 4 يناير 2010 بواسطة rewsha

[doudy]

حبيبتى امولة كل سنة و انتى طيبة يا جميلة

و عقبال مليون سنة :P

و معلش ع التاخير سامحينى

و كل سنة و كل اللى عيد ميلادهم النهاردة طيبين و بخير :D :lol:

[rewsha]

ربنا يخليكي يا دودي

وانت طيبه يا حبيبتي

وادي اول حتة تورتايه راحت لصاحبة اول صوت

ها ............. مين التاني ؟؟؟؟؟؟

الحقوا نفسكم دي التورتايه كلها على بعضها من اللي قطرها 20 سم

يعني اللي يلحق

بعد كده هاوزع ورد بس :P

[rewsha]

اااااه .........

نسيت اقول لكم

ان الورده :P برخمسه ريال .......يعني كل واحد هاياخد وردايه يمد ايده ب\بالخمسايه من سكات

انا هالاحق تورته وفلوس للورد منين ؟

[se_ Elsyed]

يا عيب الشوم !!!

كل سنة وإنتي طيبه يا فندم وعقبال 100 سنه

وكل سنة والأستاذ أبو عمر .. وصديقي عصام .... وكمان ساحر العيون والزميل إيجيلسون ( إنتي سويدي ؟ )

والجميع طيبين يارب

عاوز حتت تورتايه بس كريمه الله يخليكي

عيد ميلادكم هايبقى يوم تاريخي يا ولاد عشان أفتتحوا فيه برج دبي وكانت حاجه عظمه قوي

[doha]

كل سنة وانتم جميعا بالف خير وعقبال مية سنة ..

بالنسبة للجاتوه متشيليش هم انا محوشه شويه من ايام لولا ومغتربة لميتهم بعد مالليلة انفضت .. ممكن ابيعهملك بنص التمن .. يلله ان شاله ماحد حوش ..

[rewsha]

يا عيب الشوم !!!

كل سنة وإنتي طيبه يا فندم وعقبال 100 سنه

وانت طيب يا ابو عمر (بس ابو عمر يعني ابو الاسيان .مش ابو عمر اللي عيد ميلاده النهارده ) اه معلش احنا بنتكلم يعني

وبعدين 100 سنه بس ؟

هوه كده يبقى فاضل لي كام سنه على ال 100 .........ايوه صح ....فاضل .......امممممممم فاضل ......80 سنه ....(انا مش باغالط ولا باحمرق في الحساب .بس اصل انا كنت ادبي )

عاوز حتت تورتايه بس كريمه الله يخليكي

شوفت الحظ بقه .اصل انا باحب التورته بالشوكولاته ....بس لو كنت اعرف .........عموما السنه الجايه هاعمل حساب ان في ناس بتاكلها كريمه بس

ايه راْيك تاخد ورده المره دي؟ :P

اصلي جايباها كلها شوكولاته

عيد ميلادكم هايبقى يوم تاريخي يا ولاد عشان أفتتحوا فيه برج دبي وكانت حاجه عظمه قوي

انا طول عمري باقول ان يوم 4/1 ده هايبقى له شاْنه

اهم اختاروه مخصوص علشان يفتتحوا فيه برج دبي ........مش دبي دي في قطر برضو :D

تم تعديل 4 يناير 2010 بواسطة rewsha

[rewsha]

كل سنة وانتم جميعا بالف خير وعقبال مية سنة ..

بالنسبة للجاتوه متشيليش هم انا محوشه شويه من ايام لولا ومغتربة لميتهم بعد مالليلة انفضت .. ممكن ابيعهملك بنص التمن .. يلله ان شاله ماحد حوش ..

وانت طيبه يا ضحى

ربنا يخليكي يارب وتجبري بخاطري دايما كده

يعني عماله اغري الناس بالتورته والورد وماحدش حاطت في باله .علشان كده هاديكي حتتين بحالهم

بس بالنسبه للجاتوه .....ده خشب وله بلاستيك؟ :blink:

يعني .....قصدي .....لسه عايش يعني وله عمره الافتراضي خلاص؟ wst::

[عنبو]

انا فكرت انزل بالسبق الصحفى ده بس للاسف انشغلت فى الشغل ولما رجعت نمت وصحيت لقيت التوبك اتعمل قولت ادخل الف مبروك وعبقال كل سنه والكلام ده يعنى

كل سنه وكلكم جميعاً بخير ويارب يجعل السنه دى كلها سعاده وحب وامل

[rewsha]

انا فكرت انزل بالسبق الصحفى ده بس للاسف انشغلت فى الشغل ولما رجعت نمت وصحيت لقيت التوبك اتعمل

اعتبر القلم ده (قصدي) الكلام ده حقيقي ....وله بجد ؟

وش محمد هنيدي في فيلم وش اجرام

عموما هاعتبره بجد ........كل سنه وحضرتك طيب وعلشان البوقين الحلوين دول . مد ايدك وقول بسم الله وخد الطبق بتاعك

عليه حتتين جاتو ه من سعد الدين

اصل انا لقيت مشروع التورته ده كده هايبقى فاشل ومش هايكفي

(الزباين بدؤا يهلوا )فقلت اجيت دستتين جاتو ه كمان يسدوا جنب التورتايه

بس جيبتهم برضو جاتوه شوكولاته ......مع الاعتذار لابو الاسيان ........انا عند وعدي السنه الجايه هابقى افتكرك بحته كريمه

قولت ادخل الف مبروك وعبقال كل سنه والكلام ده يعنى

الله يبارك فيك ويخليك ......وميرسي ..والكلام ده برضو

كل سنه وكلكم جميعاً بخير ويارب يجعل السنه دى كلها سعاده وحب وامل

سعاده وحب وامل !!!!!!!! ياااااااااه الواحد سمع الكلام ده فين قبل كده ......تصدق ؟ الواحد نسي الحاجات دي من زمان

يارب يارب السنه دي فعلا تكون احسن من السنه اللي فاتت علينا كلنا

تم تعديل 4 يناير 2010 بواسطة rewsha

[enjisultan]

KOL SANA WE ENTY TAYBA YA REWSHA se

BGD SORRY I TOLD U IN A MESSAGE WHAT IS WRONG

WISH U AVERY VERY BIRTHDAY

THANK U COZ U REMEMBERED ME THAT IS MY ANNIVERSERY IS TOMMOROW :) :blink: :lol: :roop:

تم تعديل 5 يناير 2010 بواسطة enjisultan

[لولا]

والله انت عسل ..عسل ..عسل hpc:!:

ابتسمت قوى لما دخلت ولقيت موضوعك دوت كل سنه وانا طيبه ... بجد بقى حقك علينا ..طبعا كان واجب علينا نفتح الموضوع

ليك ولكل الأخوة الأفاضل كمان لأنه عيد ميلاد جماعى جميل فعلا .

كل سنة وانت طيبة ..

عيد ميلاد سعيد وسنة سعيدة ويارب تحققى كل احلامك ويديم عليك الفرحة والبسمة اللى ديما بتنشريها بيننا هنا ومشاركاتك الجميلة

angl:: :wub: :D :lol:

عيد ميلاد سعيد لكل الأخوة كمان ابو عمر واستاذ عصام ..فعلا عيد ميلاد كوكبة جميلة من اقلام المحاورات المميزة.

لولا

[rewsha]

ربنا يخليكي يا انجي ميرسي ليكي خالص

ومش مشكله انك تيجي عيد الميلاد متاْخره ........لكن المهم انك تشرفيني بحضورك

وميسرسي تاني على الورد اللي انت جايباه معاكي

اهو يوفربرضو معانا (اصل انا وعدت كل واحد هايجي يهني هاديله وردايه ) angl::

انت جايبه معاكي 6 وردات .وانت ماشيه اديكي واحده واخد ال5 الباقيين افرقهم على المعازيم ....(قصدي على الموهنئين بعيد الميلاد)

حلوه كلمة موهنئين دي ...مش كده ؟ :D

:wub: خدي الورده بتاعتك بقه وانت ماشيه :lol:

[rewsha]

والله انت عسل ..عسل ..عسل

شاعرة المحاورات بحالها بتهنيني وتقول لي كمان ان انا عسل عسل عسل ......بالثلاثه؟

يادي الهنا يادي الهنا

انا ماحدش قدي النهارده بس اصل انت ما حددتيش ...عسل من انهو نوع؟ :ninja:

ابتسمت قوى لما دخلت ولقيت موضوعك دوت كل سنه وانا طيبه ...

..

والله يكفيني فخرا وذخرا... اني اكون السبب في ابتسامك.........(انا باسمعهم يقولوا كده ...فخرا وذخرا)

ويارب تحققى كل احلامك ويديم عليك الفرحة والبسمة اللى ديما بتنشريها بيننا هنا ومشاركاتك الجميلة

wst:: :lol: :roseop

:

امين يارب العالمين

واْدي كمان 4 وردات 100%

كده انا ضمنت اني هادفع حق التورته والجاتوه بس

لكن الورد اللي هاوزعه هايبقى ببلاش mfb: مش هادفع فيه ولا مليم

يعني منكم ...واليكم :blink:

عيد ميلاد سعيد لكل الأخوة كمان ابو عمر واستاذ عصام ..فعلا عيد ميلاد كوكبة جميلة من اقلام المحاورات المميزة

مش عارفه ليه انا لوحدي اللي عماله ارد ....امال فين شركائي الاربعه الباقيين ؟ :lol:

لاْحسن يكونوا فاكرين اني هادفعهم معايا في ثمن التورتايه والجاتوه والورد؟

تم تعديل 5 يناير 2010 بواسطة rewsha

[Damo]

سوري على التأخير wst::

wst:: HAPPY BIRTHDAY wst::

[rewsha]

ولا يهمك يا دامو

انا عارفه ....ان ده فرق التوقيت بس بين عندنا وعندكم

وميرسي على الورد :closedeyes: