حوار مع بلدى

[عنبو]

حوار مع بلدي

يا بلدي آنتى بتكرهنى لا والله يابنى بحبك

طيب ليه بتطردينى انا يابنى طردتك

لما ابقى بره مهندس وله مقام وفيكى بنداس بالاقدام

لما ارجع من الغربه مشتاقلك ونفسى اترمى فى حضنك

الاقيكى بتبعدينى عنك وتقوليلى بره احسنلك

متردى عليا ساكته ليه هو ده بيحصل ولا ايه

انت يابنى ليه ظالمنى ولكل همك محملنى

هو انا يابنى الى رميت الزباله فى الشوارع

ولا انا يابنى الى سكت عن الحق الى ضايع

قوم يابنى يمكن تغير وصحى اخواتك النعسانين

ايدك فى ايدهم تغيروا وتمحوا ظلم السنين

طيب تفتكرى ايه البدايه

البدايه انك تكون حر يمكن فى يوم تتأذى ويمكن حتى تموت

لكن هيجى اليوم الى حقك فيه مردود

[لماضة مصرية جدا]

السلام عليكم و رحمة الله و بركاته

كلمات سهلة و بسيطة.....بس بتزود الواحد حيرة

امبارح كان فيه فرمان ان بنهاية السنة ان شاء الله يبقي فيه استقرار نوهائي في مصر....

و لقيت احاسيس كتيرة اتلخبطت

عارفين الاحساس اللي بيملي الواحد لما بيكون في ارض غريبة و ماشي في الزحام و فجأة يسمع كلمة

إزيك.... و بأي.....و تؤتؤ..

وكل المفردات المتناهية جدا في الصغر...لكنها تربطنا جدا بحنين ليها و لناسها

عارفين الاحساس ان ضهرك كده اتفرد اول ما بتنزل مطار القاهرة....

بس معاهم احساس تاني.... بوجع..... بنغزة..... لما بتحس انك متقدرشي تعيش فيها و هي كده.... و متقدرش تجمد احساسك من برضه التفاصيل الصغيرة جدا الموغرة في الالم

هي حيرة .... و لا غربة.... و لا ايه

بس حاسة اني عايزة ارجع..... و اعافر فيها... و المرة دي انا مشمرة كمامي اكتر و هطول بالي اكتر و اكتر و اكتر.... يمكن اكتر من حبي ليها

بس خلاص

فوتكم بعافية

[الباشمهندس ياسر]

هذا و قد قرر محمد العنبي ان يعود الي ارض الوطن فرحانا بالقرشين اللي عملهم

و راح اشتري سيارة جديدة و راح يعمل لها التراخيص .... ابتدا يضايق و يحس ان الحياة مش وردي زي ماكان شايفها

و بعد ما غلب حماره و عمل التراخيص

و هو طالع بيها م المرور ... عدي جنبه عيل متخلف من بتوع الميكروباص

خلاه كره السواقة و قرب يكره السيارة اللي لسه بشوكها

بعدها بكام خطوة ... قابل كمين و قالوله الرخص يا بيه

و لما شافوا الرخص قالوله دي جديدة .. طب فين الحلاوة بقي

و لان عنبو راجل و قلبه جامد و علاقاته حلوة .. راح شاخط فيه و قاله امشي يالا العب بعيد

الواد امين الشرطة راح مسجل الرقم عنده و بقي كل كام يوم يكتب مخالفة علي عنبو من اياهم

و بكده كانت السيارة بس سبب ان عنبو يمشي يكلم نفسه ف الشارع و يكره نفسه و يكره اليوم اللي قرر يرجع فيه

عنبو حبيبي

تحب احكيلك عن الصعوبات اللي هتواجهك بعد كده

ولا كده كفاية

تم تعديل 6 يناير 2010 بواسطة الباشمهندس ياسر

[الباشمهندس ياسر]

عارفين الاحساس ان ضهرك كده اتفرد اول ما بتنزل مطار القاهرة....

انا هستأذنك اعلق علي الجملة دي بس

انا بحس بكمية من القرف لا تتخيليها كل ما بنزل المطار

[عنبو]

لماضة مصرية جدا مشاركة بتاريخ Jan 6 2010, 05:03 PM

السلام عليكم و رحمة الله و بركاته

كلمات سهلة و بسيطة.....بس بتزود الواحد حيرة

امبارح كان فيه فرمان ان بنهاية السنة ان شاء الله يبقي فيه استقرار نوهائي في مصر....

و لقيت احاسيس كتيرة اتلخبطت

عارفين الاحساس اللي بيملي الواحد لما بيكون في ارض غريبة و ماشي في الزحام و فجأة يسمع كلمة

إزيك.... و بأي.....و تؤتؤ..

وكل المفردات المتناهية جدا في الصغر...لكنها تربطنا جدا بحنين ليها و لناسها

عارفين الاحساس ان ضهرك كده اتفرد اول ما بتنزل مطار القاهرة....

بس معاهم احساس تاني.... بوجع..... بنغزة..... لما بتحس انك متقدرشي تعيش فيها و هي كده.... و متقدرش تجمد احساسك من برضه التفاصيل الصغيرة جدا الموغرة في الالم

هي حيرة .... و لا غربة.... و لا ايه

بس حاسة اني عايزة ارجع..... و اعافر فيها... و المرة دي انا مشمرة كمامي اكتر و هطول بالي اكتر و اكتر و اكتر.... يمكن اكتر من حبي ليها

بس خلاص

فوتكم بعافية

قرار الرجوع لازم يكون حاسم ومحسوب تماماً محسوبه كل خطوه فيها بايجابيتها بسلبيتها بكل ما فيها

الباشمهندس ياسر مشاركة بتاريخ Jan 6 2010, 07:53 PM

هذا و قد قرر محمد العنبي ان يعود الي ارض الوطن فرحانا بالقرشين اللي عملهم

و راح اشتري سيارة جديدة و راح يعمل لها التراخيص .... ابتدا يضايق و يحس ان الحياة مش وردي زي ماكان شايفها

و بعد ما غلب حماره و عمل التراخيص

و هو طالع بيها م المرور ... عدي جنبه عيل متخلف من بتوع الميكروباص

خلاه كره السواقة و قرب يكره السيارة اللي لسه بشوكها

بعدها بكام خطوة ... قابل كمين و قالوله الرخص يا بيه

و لما شافوا الرخص قالوله دي جديدة .. طب فين الحلاوة بقي

و لان عنبو راجل و قلبه جامد و علاقاته حلوة .. راح شاخط فيه و قاله امشي يالا العب بعيد

الواد امين الشرطة راح مسجل الرقم عنده و بقي كل كام يوم يكتب مخالفة علي عنبو من اياهم

و بكده كانت السيارة بس سبب ان عنبو يمشي يكلم نفسه ف الشارع و يكره نفسه و يكره اليوم اللي قرر يرجع فيه

عنبو حبيبي

تحب احكيلك عن الصعوبات اللي هتواجهك بعد كده

ولا كده كفاية

والله ياسر اذا كان الموضوع على زى ما انت بتقول تبقى فعلاً هى كده وردى بالنسبه ليا بجد

انا الظروف الى مريت بيها خليتنى ماشى بمدأ لم يكن اسوء مما كان يعنى مهما يحصل عمره ما هيكون زى اى فات

والى فاكر البلد هتتغير بين يوم وليله يبقى بيحلم او بمعنى اصح يبقى ساذج البلد لازم ليها لا يقل عن اربع خمس اجيال علشان تبقى بلد محترمه وده كله ان شاء الله هيحصل بينا وبيهم

بس اهم حاجه ان احنا نعمل على كده ونحاول فعلاً نغير مش يبقى كلام فى كلام

ياسلام لو نعمل اكتر مانتكلم ونبطل فهلوه ونتعلم

دا كل يوم بيعدى علينا بيتألم

لم نشوف غلط نصرخ ونتكلم واذا حبينا نشيله تلاقى الناس بتبلّم

الى يقولك انا خايف وعندى عيال عاوز اربيهم

والى يقولك ياعمى احنا هنيجى ايه فيهم

داحنا اخرنا نتكلم ووقت الجد نبلم

[الباشمهندس ياسر]

اسمح لي اشجعك ع المحاولات الشعرية بتاعتك

[engmido]

قال رسول الله صلى اله عليه وسلم

حب الوطن من الايمان

[عنبو]

الباشمهندس ياسر مشاركة بتاريخ أمس, 11:27 AM

اسمح لي اشجعك ع المحاولات الشعرية بتاعتك

تسلم يا ياسر باشا

engmido مشاركة بتاريخ أمس, 02:07 PM

قال رسول الله صلى اله عليه وسلم

حب الوطن من الايمان

شكر على مرورك يابشمهندس وفعلاً حب الوطن من الايمان

[رضوي]

السلام عليكم ورحمة الله وبركاته

ليه ياعنبي تيجي ع الجرح اللي واجع كل المصريين

المغتربين واللي جواها عايشين ومستحملين

شايفينها كل يوم بتتدهور وتتعب ومش قادرين يعملوا حاجة

حاسين بالذنب والثورة والغضب ..... بس مافيش رد فعل ايجابي

شايفينها وردة بتتدبل ادامنا ...... وأورقها تتساقط ....... ومش عارفين حتي نديها شوية ميه

حنقول ايه بس ولا ايه

خلااااااااااااااااااااااااااااص

اليأس والاستسلام بقي سيد الموقف

[sarmar]

اخى الحبيب مهندس ياسر

تتصور ان انا اصلا الغربة زهقت منى واذا كننا بنتغرب علشان الفلوس لكن واللة اصبحت الفلوس ليس لها قيمة عندما اجد بلدى قيمتها بتنهار ومهما اكتسبنا من عادات وتقاليد المجتمع الذى نعيش فية لكن مازلنا اغراب ومهما اندمجنا فى الغربة لكن عندنا شعور انة لابد من العودة ولكى نعود نتذكر اخر اجازة كنا فيها فى مصر

ونتذكر ان كل شىء صعب اهلنا اللى فى مصر بيتحدوا انفسهم ان يجعلوا الحياة بسيطة وسهلة فى المرض كل شىء صعب اللة يشفى كل مريض اذا تروح لدكتور يحسسك انة جهبز عصرة واوانة وانة محتكر شفاء المرضى لنفسة بمنحة الهية وهو وغيرة من ابناء مهنتة بيجربوا فينا اذا ذهبت لغيرة وعرف انك كنت عند طبيب اولانى يبحلق فى وجهك ويقول كل العلاج ارمية واشترى العلاج اللى انا كاتبة الوف تنفق وتهدر على اكوام الزبالة

اذا ذهبت تقضى مصلحة فى جهة حكومية ومن غلاوتك عندهم انهم لابد كل واحد تلف علية وينعم عليك بالرضا الوظيفى وعشان تنول هذا الرضا لازم لة اجرءات كدة وكدة مانزل اللة بها من سلطان وان كدة هيا مفتاح اى شىء مغلق

تعالى نخرج نروح مشوار ونروح نركب تاكسى اقسم باللة انى جلست فى رمضان فى الشارع من الساعة 7 بعد الفطار الى الساعة 9 احاول ان اتفاهم مع تاكسى انة يوصلنى مشوارى وكانهم متفقين مع بعض انهم يمشوا فى الشارع مايركبوا حد الا اللى على مزاجهم

فى النهاية الموضوع دة فعلا اذا حكينا فية محتاج ايام وايام وبيخلينا نتحمل مرارة الغربة عن قسوة بلادنا علينا وعلى نفسها اللة يكون فى عونكم يااهل مصر

[justme]

بص بقى يا حج عنبي

بالصلاة عالنبي كد هحدوته من حواديت انا ايه اللي رجعني هنا انا استاهل

الصيف قبل الماضي قررنا النزول عبر البر بالسيارة

المهم انا مش عايز اقولك ان كل الظروف كانت جميلة جدا

من اول العبارات العطلانة في ضبا والاردن

وانتظارنا امام الميناء يومين غير يوم جوه المينا حتى بدون حمام محترم تغسل فيه وشك

ومش هقولك هو كان حمام رجالي وحريمي الابواب فيه مكسرة (ده في الاردن لأننا نمنا في العربية في ضبا فقلنا نجرب العقبة

ومش هقولك ان الحوض مكنش له صرف يعني الميه اللي بتغسل بيها وشك بتنزل على الارض على رجليك والبلاعات مسدودة

ومش هقولك اني كنت محرج لما عرفت ان مصر اللي ورا الموضوع ده في خلاف مع مالك العبارة

ومش هقولك على الراجل الاماراتي وصاحبه المصري الل كانوا نازلين مصر اجازة ويتفسحوا مع عائلاتهم وحسيت انه مش هيرجع البلد دي ويمكن يخسر صاحبه

بس هقولك لما نزلنا مصر ايه اللي حصل وسيبك من جوه الميناء

بره بقا وانت لسه طالع من باب الميناء بتاع نويبع هتلاقي كمين على بعد 2 كيلو

خير أل بيتمموا مع اني لسه طالع

وبعدين لقيت العسكري ميل عليا وقالي خلي بالك الرادارات شغالة وحمد الله بالسلامة والرجالة عايزة تشرب شاي

إلهي يطفحوه

طبعا ده في سري وبقول برضه ربنا يهدي

يعني بقالي 5 ايام متبهدل ودول مش بيراعوا

وسعادتك عارف كام كمين قابلناهم بعد كده لغاية اما وصلنا طريق السويس

بس ركب معانا واحد مباحث من الكمين التاني طبعا بقينا معاهم فاول اما يشوفوه يقولوا عدوهم دول معاهم فلان

لغاية اما وصلنا او طريق السلام وصاحبك نزل

المهم فيه كمين في اول طريق السلام ويجي واحد يتفلسف ويقول ممنوع المخفي (فاميه على الباب الخلفي حاجة لزوم الشمس)

بعد ما قعد يبص جوه العربية قولتله بقى بعض ما فاض اللي فيا

من الاخر عايز ايه بس بنرفزة قام قالي المخفي قلتله بص بقى انا طالع من 4 ساعات والرخصة مثبت فيها التاريخ من الميناء بعد المرور ما عاينها ومحدش اتكلم روح قول الكلام ده للظابط هناك

واللي عايز تعمله اعمله

الوادتنح واداني الرخص وقالي معلش ومع السلامة

بس بقى مش هقولك دفعت قد ايه شاي

انا يمكن دفعت اللي يشرب قهوة بحالها في اليوم ده

لنا عوده