أخبار قصة البنات اللي سافرو الكويت ايه

[hakeem]

مشاركة بتاريخ اليوم, 12:38 PM

إقتباس(EMAD HAMDY @ Jan 7 2010, 01:38 PM)

هيا من بعد ما باست ايد طنط سوزي هتنفع .. دي ناقص تشرب سجاير ..

يا حلاوة أفراد أمن مصريين ومعاهم مؤهلات وقولنا ماشي ,, خادمات كمان ....

أنا عن نفسي مش مطمن للموضوع دا وأفكركم باليوم اللي الوزيرة ضحكت فية وبطمنا علي أوضاعهم ... لما يحصل اللي أغلبنا بيفكر فية وساعتها مش عارف ردها هيكون اية ..

وربنا يستر ...

بالنسبه لموضع الامن ده انا ليا رد عليه..انا طالع برده امن للامارات (انا بكالوريوس تجاره تقدير جيد وخبره 3 سنين ) بس اصلا لو لاقى حاجه احسن هنا فى مصر او بره مصر طبعا مكنتش اصلا فكرت فى شغلانه الامن دى بس هعمل ايه اذا كان عاجبنى كمان ولو مش عاجبنى فيه الف غيرى عيزين وخلينى بقا لما يبقى يجيلى شغل بمؤهلى (بعد عمر طويل ان شاء الله ) البنات اللى طلعوا دول اكيد فى امس الحاجه لكل مليم .فياريت حل عملى من الاخوه اللى فى الكويت يساعدوا بيه البنات دول احسن ما نقعد نندب حظنا والست الوزيره..

فكروا وانتوا ادرى بحال البلد عندكم ازاى تساعدوهم ..

اولا يااستاذ حكيم انا عايز اقولك ان انا فعلا عارف اللي انته بتتكلم فيه وكمان الشغل مش عيب طالما الانسان نفسه يعتمد على نفسه ويحس بكيانه لانه شاب وعنده طاقه هوه ده الشباب اللي المفروض نفتخر بيهم يعني شغلانة امن او دكتور او ميكانيكي صدقني كلنا بنحتاج لبعض طالما انه ليس حرام وياريت كل واحد فينا يجيد عمله اللي بياخد عليه اجر علشان يرضي ضميره ويرضي ربنا واوعى تخجل من نفسك في اي وظيفه بالعكس افتخر وانت بتقول انا شغال امن مش احسن مااقول انا صايع تفتكر انه الاحسن ؟؟؟؟؟

لا هو الشغل مش عيب طبعا وعلى رايك احسن ما اقول انا صايع ..ومش خجل من شغلانه الامن بس هى عمليه ندم بس على كل السنين اللى ضاعت فى التعليم ...ايه فايده انك اتعلمت وانت هتشتغل شغلانه محترمه طبعا بس مش بناعتك؟ بس لازم زى ما الاخ عماد قال نصبر او نصبر نفسنا ان يمكن يجيى يوم الحال يتعدل ..وشكرا لاهتمامك وردك

[om marawan]

الفاضل حكيم احترم جدا راى حضرتك ومداخلتك ولكن المقارنة مختلفة

المفروض البنت غير الولد فى الحاجات دى يعنى الراجل عمره ما هيدور فى الوقت الفاضي على شغل فى البيوت مثلا

وفيه شباب كتير امن ودليفري وكل ده شغل لا غبار عليه لأى شاب لكن مثلا لو لقيت بنت مصرية او غير مصرية بتشغل دليفري الموقف هيختلف

وفعلا عندها حق العزيزة ضحى لما قالت منهم لله اللى خلوا البنا تبقا رجالة

ملحوظة

ايه راى حضرتك تستفيد فى الفترة دى بالوقت وبالفلوس وأجل التحويش واستغلها فى زيادة الشهادات والكورسات واكيد ده ان شاء الله هيكون له أثر فى اختيار الوظيفة الجاية

للأسف التعليم الجامعي لوحده ماعادش كفاية حتى لكل الكليات وكلنا رجعنا نذاكر تاني ربنا يعينك ويوفقك

[hakeem]

الفاضل حكيم احترم جدا راى حضرتك ومداخلتك ولكن المقارنة مختلفة

المفروض البنت غير الولد فى الحاجات دى يعنى الراجل عمره ما هيدور فى الوقت الفاضي على شغل فى البيوت مثلا

وفيه شباب كتير امن ودليفري وكل ده شغل لا غبار عليه لأى شاب لكن مثلا لو لقيت بنت مصرية او غير مصرية بتشغل دليفري الموقف هيختلف

وفعلا عندها حق العزيزة ضحى لما قالت منهم لله اللى خلوا البنا تبقا رجالة

ملحوظة

ايه راى حضرتك تستفيد فى الفترة دى بالوقت وبالفلوس وأجل التحويش واستغلها فى زيادة الشهادات والكورسات واكيد ده ان شاء الله هيكون له أثر فى اختيار الوظيفة الجاية

للأسف التعليم الجامعي لوحده ماعادش كفاية حتى لكل الكليات وكلنا رجعنا نذاكر تاني ربنا يعينك ويوفقك

الفاضله ام مروان انا كنت اقترحت ان الاخوه اللى فى الكويت يكونوا عمليين شويه ويفكروا ازاى يساعدوا البنات دول..وطبعا زى ما حضرتك قاتى ان البنت غير الولد بس هو ايه خلاها اصلا تسافر وتتغرب؟اكيد محتاجه ع العموم ادعولهم ربنا يوفقهم ويسترها معاهم واحنا معاهم

استفيد فى الفتره دى بالوقت والفلوس ؟اى فتره تقصد دلوقتى ولا لما اسافر

ع العموم لو دلوقتى انا اصلا نفسى اتسدت من الكورسات والحاجات دى كلها انا خدت شويه كورسات كمبيوتر على شويه محاسبات س بصراحه مستفدتش منها ولا ساعدتنى

اما لو تقصدى الوقت لو ربنا سهل وسافرت فانا معتقدش انى بعد سنتين شغل فى الامن مثلا اللى انا رايح عليه هعرف اشتغل حاجه تانى

شكرا على رايك ..وربنا يجازى اللى كان السبب فى اللى بيحصلنا ده كله

لو فى نصايح تانيه من اهل الخبره ياريت مترحموناش منها

[herohero]

[quote

شكرا على رايك ..وربنا يجازى اللى كان السبب فى اللى بيحصلنا ده كله

اخي لاداعي لان نبكي ع اللبن المسكوب غيرك درسوا هندسة وتعبوا وبرده مااشتغلوش اللي ع مزاجهم او اللي خدوا كورسات فيه الشغل غير انه رزق فعندنا في مصر في حاجات مالناش دخل فيها محدش كان يقدر يخلي ابوه في الكهرباء ولا البترول ولا التصالات ولا مصر الطيران

عموما زي ماكان بيقول الشيخ الشعراوي فيما معناه " لاتسألن الظالم لماذا ظلم بل اسالن المظلوم لماذا سكت"

[وافدة هنا و عاملة بالخارج]

الأخوة و الأخوات أنا مقيمة بالكويت و لعلي أستطيع أكون المراسلة الصحفية لكم

موضوع البنات دول مش خادمات في البيوت دول عاملات في المدارس منفذات خدمة على حد التعبير الوظيفي في الكويت

مكان العمل : مدارس وزارة التربية

الراتب : 140 دينار = 00 26مصري

الوظيفة : رئيسة الفراشات الهنود

الحالة : استلموا فعلا في بعض المدارس

بنات زي الورد بنات صغيرة و شكلهم مرتب جينزات و كوت و شياكة :unsure:

لم يستلم أحد منهم في مدرستي و لكن سمعت من زميلة لي انهم بدوا يصطدموا الواقع عندما نادت الناظرة على احدهم و قالت وين الخدامة المصرية ؟

و طلبت منها ترتدي اليوني فورم بتاع الخدامات

زميلة اخري تحدثت مع احداهم و قالت لها مين قال إن هفضل كدا المهم أحط رجلي في البلد

و هنا مكمن الخطورة ؟

و هنا يبدأ النقاش ؟

ماهي طموحات هذه الفتيات ؟

هل ضيق العيش ؟

هل يعيشن الوهم ؟

هل هذه المهنة لهم وسيلة لطموح قد ينهي و يقضي عليهم ؟

انتظروني في متابعة جديدة

[Mercedes]

الأخوة و الأخوات أنا مقيمة بالكويت و لعلي أستطيع أكون المراسلة الصحفية لكم

موضوع البنات دول مش خادمات في البيوت دول عاملات في المدارس منفذات خدمة على حد التعبير الوظيفي في الكويت

مكان العمل : مدارس وزارة التربية

الراتب : 140 دينار = 00 26مصري

الوظيفة : رئيسة الفراشات الهنود

الحالة : استلموا فعلا في بعض المدارس

بنات زي الورد بنات صغيرة و شكلهم مرتب جينزات و كوت و شياكة :lol:

لم يستلم أحد منهم في مدرستي و لكن سمعت من زميلة لي انهم بدوا يصطدموا الواقع عندما نادت الناظرة على احدهم و قالت وين الخدامة المصرية ؟

و طلبت منها ترتدي اليوني فورم بتاع الخدامات

زميلة اخري تحدثت مع احداهم و قالت لها مين قال إن هفضل كدا المهم أحط رجلي في البلد

و هنا مكمن الخطورة ؟

و هنا يبدأ النقاش ؟

ماهي طموحات هذه الفتيات ؟

هل ضيق العيش ؟

هل يعيشن الوهم ؟

هل هذه المهنة لهم وسيلة لطموح قد ينهي و يقضي عليهم ؟

انتظروني في متابعة جديدة

السلام عليكم و رحمة الله و بركاته :unsure:

( وين الخدامة المصرية )؟؟؟؟؟ :sad:

عشان الوزيرة ال.......... , الله يخرب بيتها , تنبسط wst::

الهى تشوفه فى عيالها و عيال عيالها يا رب

آميييييييييييييييييييين

MERCEDES S430

[وافدة هنا و عاملة بالخارج]

خلونا نناقش بمواضعية

البنات دول لا تتحمل مسئوليتهم دولة هما مدخلوش الجيش غصب

دول قالوا للناس اللي رفضت انتو لا بترحموا و لا تسيبوا رحمة ربنا تنزل

البنات يتحمل ذنبهم أسرهم

يتحمل ذنبهم نخوة الراجل اللي تراجعت

يتحمل ذنبهم إحصائية بتقول 40 % من البيوت المصرية تتكفل بها المرأة سواء كانت بنت بتصرف علي عيله و لا زوجة زوجها مبلط و لا أم تنحي زوجها و هرب

البنات دول يتحمل ذنبهم كل الرجالة اللي تراجعوا عن مسئوليتهم [وسط][/وسط]

يتحمل ذنبهم خرق الطبيعة عندما بدأ الرجل يحتمى بالمرأة و لم يعد الظهر و السند

ارجو من الجميع قبل فتح النار على كلامي التعقل فيه قليلا و رصد بعض النماذج حوله تؤكد ذلك

[Mercedes]

السلام عليكم و رحمة الله و بركاته :blush2:

أنا لم أفتح النار على الاطلاق على أى أحد !!!! :aslam:

أنا كل اللى أنا أقصده أن الزمن دار بينا و بقت المديرة ال.............. الكويتية دى ( معروف شعبيا أن الكوايتة هو يهود العرب ) بتنادى و تقول ( الخدامة المصرية ) رغم تأكيداااااااااااات من كل الناس على أن دول مش خدامات ,دول مشرفات فى مدرسة ولا فراشات ولا مش عارف ايه .

لكن أنا لا برمى اللوم عليهم ولا عليكى ولا على أى حد mfb:

اللوم الحقيقي على الحكومة بتاعتنا اللى وصلتنا لكدة و عملت فينا كدة , المصيبة أن تكون دى بس البداية و يكون الجاى أسوا و أقذر بكتيييييير و يتسبب فى عار لكل المصريين يحتاج الى عشرات السنييييييييين عشان يتمسح و تكون الحاجات دى السبب فى أن المصريين اللى فى الخليج يمشوا فى الشارع و هم عنيهم فى الأرض , لأن بجد ربنا يكون فى عون المصريين اللى فى الكويت بعد موضوع الخدامات ده.

هتقولولى طاب الشغل مش عيب ولا حرام و أن المهم يكون شغل شريف , الكلام ده فى بلاد برة المحترمة ذى أمريكا و كندا و أوروبا لأنك هتلاقى ابن البلد نفسه بيشتغل الشغلانات دى , لكن لما يكون الغرض و كل الغرض من سفر البنات دول , أن تصبح المرأة المصرية بتشتغل خدامة عند الكويتية , المسألة مش مسألة شغل و ظروف صعبة و الكلام ده , المسألة أنك تحس أن الوزيرة دى بتعمل كل اللى فى جهدها عشان تذل و تهين المرأة المصرية اللى شرفها و سمعتها من سمعة الرجل المصرى , دا أنا جه على وقت حسيت أن الوزيرة دى قابضة فلوس من (الخلايجة - الخليجيين) عشان توافق على تصدير المرأة المصرية عشان تشتغل بس خدامة مش أى حاجة تانية , دى كانت بتعمل الموضوع دة و بتتفانى فيه بشدة بطريقة مريبة جدا مش عارف ليييييييييييييييه؟؟؟؟ md2:

يالله , ربنا يقدم الخير

MERCEDES S430 smk:

[أكسيلانس]

:blush2:

ألأخوه ألأعزاء

تعليقا علي مداخلة - وافده - و و ألاخرين

الحقيقه الوضع أخر لغبطه مش عارف أوضحهلكم الزاي - لكن منكم من يقول أنا عارف الوضع عامل أزاي في مصر ,, و منها لله الحكومه و لا الرياسه و لا الجن ألازرق

كل الكلام الي ممكن تقولوه شئ و أن حد من حضراتكم يتفضل بزيارة منطقه زي الآتي أسمائهم شئ أخر تماما

حكر أبو دومه ( ملاصق لمول أركاديا ) عشوائيات السبتيه

عزبة الهجانه - أمتداد شارع المنصه مدينة نصر

طبعا _--- منشية ناصر و الي ميعرفهاش يبقي مشربش من نيلها ---

أسطبل عنتر

كمان ال 4 مليون ألي سكنين من 25 سنه في مقابر الامام و الغفير و السيده عائشه

منطقة الزرايب

و خد عندك زيهم في القاهره فقط -- 14 منطقه عشوائيه من نوعية -- حين ميسره بتاعة خالد يوسف

علي فكره ده مش فيلم \ده حقيقه

أنا كنت تطوعت للعمل الخيري من فتره كده في أحد الجمعيات و زرت الناس ديه في عششهم لان ما لهمش بيوت

و عايز أقول كلمه بسيطه جدا

أسوء لجظه تمر علي أنسان و أخطرها علي الطلاق --- ان ييأس من رحة الله و رحمة الناس به

أن يري بشر زي زيهم -- نفس الجنسيه - من غير كفيل - ماشين جنبه راكبين عربيات و تكيف و هو مش لاقي يأكل ,, و هذا علي فكره هو ما قالوه بالفظ ( الناس كلها مرتاحه و عيشين في نعيم مع ولادهم ,, و بيقرفوا منا ,, دول حتي ما بيرضوش يبصوا علينا من العربيات - يا بيه أحنا عايزين ألاكل الي بيرموه في الزباله بس ,, و أحنا نبقي ميت فل )

ظاهرة السرقات و الدعاره و ألتسول المنظم و أطفال الشوارع -- أصبحت جزء لا يمكن أن تتجهاهلوه - او تتنصلوا منه -- و يزداد يوميا

عشرات الاف من هؤلاء الفتيات تنام في الشارع يمارسن الحنس من سن 9 و عشر سنسن .

العام المضي العديد من حالات النتحار الجماعي - أب يقتل أسرته بالكامل يئسا من الحياه مع الفقر

شاب من قرية الخلاقانيه قليوبيه - ينحر يو وقفة العيد - لعدم تمكنه من تلبية أحتياجات بنته الوحيده في العيد

أب عمره 55 سنه يلقي بنفسه من أعلي كوبري قصر النيل فيغرق - و تقر زوجته - كان مكتئب من ساعة ما خرج معاش مبكر من عشر سنين و العيال كانو طلبتهم كتير و بيتريقوا عليه ,, ما أستحملش

هتقولوا حالات فرديه ,, ياريت ترجعوا لتقارير معدلات الجريمه في مصر و الفقر -- و تفسير لاهم أسبابها

لقد رأيت لاومره في حياتي عشرات المحاضر عن زني المحارم-- أباء مع بنتهم و أخوه و أعمام

فقر + جهل + غل _+أهمال = قنبله كبيره جدا

لذلك و رغم مرارة المسمي و الشعور بالعيب و العار

قد تساعد مثل هذه الفتيات أخوه لها علي الخروج من الضياع أو قد تتزوج من عامل مصري هنا أو هناك

أو حتي و هو أضعف ألايمان ,, قد تتمكن أنت يا أخي المغترب أن تساعدهم علي البقاء مصرين شرفاء -- لماذا لا تكونوا جمعيه لوجه الله -- لرعية المغتربين المصرين

أو تتعاونوا مع أي جهه قائمه علي مساعدة هؤلاء حتي علي التعلم

صدقوتي هناك مناطق يعيش فيها ملاين من البشر في مصر لو فتحوا الحدود مع أسرائيل سيكونوا أول الغزاه ,,,

عايز تحس بيهم ,, خد نفسك ,, و خلي ولادك في البت يا سيدي - و روح نام تحت الكوبري - او في أي حوش -- يا عم بلاش الغم ده كله

أجرلك عشه في حكر أبو دومه -- و عندك عشش الترجمان - أخر شياكه وراء رمسيس هيلتون مباشرة -- و أسكن يومين وقلي رأيك أيه

أسف علي ألأطاله

:aslam:

تم تعديل 16 يناير 2010 بواسطة أكسيلانس

[عماد حمدي]

لا أملك إلا أن اقول الحمد لله علي حالي فعلاً لو عايزين نحس بنعمة ربنا علينت لازم نبص للأقل مننا ...

[herohero]

انا مقتنع ان البنات دول فيه ظروف ضغطت عليهم لكن لو سيبنا الحكاية كحكومة لضغط الظروف نقول اللي يسرق مش مشكلة واللي يغتصب مش مشكلة ماهو الظروف معلش دول كتير فيها الحال بتاعنا يعني هي الفلبين اغنى مننا لما سعر الخدامة الفلبينية يرتفع اذا كانت بتيجي اصلا الحكومة لازم تحط قوانين تمنع حاجات معينة الفلبين مانعة عيالها من السفر للعراق مع ان الفلبينيين عاوزين يروحوا اهو يشتغلوا ومش مهم يموتوا ولا يتخطفوا يعني ده نموذج

ولما بنت تقول انا بس احط رجلي ف المكان وانا هتصرف هتتصرف ف ايه ؟؟؟؟ طموح في بلد زي الكويت وانت متكتف بقوانين عمل مجحفة في كل دول الخليج يبقى ساعتها هتتضطر لتحقيق طموحك اللي هيكون مادي باساليب تانيه وهنا مربط الفرس

زمان انا كنت حاضر فترة الجيل اللي اتولد من ام مصرية يعني ايام الكوايته ماكانوا بينزلوا الحوامدية والبدرشين يتجوزوا من هناك كان صحابي ف المدرسة بيعايروا الولد الكويتي اللي امه مصرية وبيتقال له يا بن المصرية لان ف نظرهم المصرية اللي تتجوز كويتي شيئ عليه علامات استفهام وانا بقول متجوزها ومعترف بزواجه منها وابنه موجود ف المدرسة يعني ده نظرتهم فما بالكم بالوضع اللي هيكون في الخفاء للاسف الشديد ما اراه ان الفكرة ان محدش يعرفنا ف البلد فنعمل بقى اي شيئ يوصلنا

يعني اللي تجيله فرصة تتعرف ع حد هناك مصري وله الاولوية يعني طبعا او كويتي او ايا كان انا مش عاوز اظلم حد بس للاسف هو ده اللي بيقوله الواقع

اما اننا نحلل المشكلة ونقول ان الراجل تخلى عن مسئوليته فده موضوع تاني لما تبقى بلده تخلت عن مسئوليتها البلد سابت عيالها يسرحوا ف بلاد الله

انا عاوز اعرف يعني ايه مشرفة ع العاملات الهنود طول عمرنا ف الكويت العاملات او الفراشات هنود وبنجلاديش

والله ماعيب بس ف البلاد المحترمة انما الكويت والسعودية يا جماعة الناس ده عندها مشكلة نفسية مع المصريين وده يتفتح لها مواضيع

اتمنى ان ربنا يسترها على البنات دول لانهم للاسف الشديد مش فارق معاهم احساسي انهم بايعين القضية ف مقابل تحقيق منفعة مادية وللاسف المتضرر الاكبر مصر

وعموما سمعة مصرنا العزيزة مش ناقصة

[وافدة هنا و عاملة بالخارج]

عايز تحس بيهم ,, خد نفسك ,, و خلي ولادك في البت يا سيدي - و روح نام تحت الكوبري - او في أي حوش -- يا عم بلاش الغم ده كله

أجرلك عشه في حكر أبو دومه -- و عندك عشش الترجمان - أخر شياكه وراء رمسيس هيلتون مباشرة -- و أسكن يومين وقلي رأيك أيه

حضرتك خلط الأمور دولهما ملهموش دعوى خالص بدكهوما :unsure:

دول لا عمرهم ناموا تحت كوبري و لا هم اولاد الشوارع دول من اسر و اتربوا في بيوت و ابوهم و امهم موجدين

و الموضوع مش موضوع دولة و لا ظروف لان في زيهم بيرحوا بيوت الناس في مصر و بيشتغلوا من 8 الي 2 في البيت برضوا و بتاخذ اربعين جنيه يعني بتوصل الشهر ال 1000 جنية و بترجعها بيتها الظهر و بتيجي شيك جدا و تغير و تلبس لبس الشغل و تخرج من بيتي في ميعاد الموظفين و في بلدها

دول مش بيجروا بس وراء لقمة العيش بقدر ما يجروا وراء وهم الثراء بالزواج من ثري او غيره

[وافدة هنا و عاملة بالخارج]

ولما بنت تقول انا بس احط رجلي ف المكان وانا هتصرف هتتصرف ف ايه ؟؟؟؟ طموح في بلد زي الكويت وانت متكتف بقوانين عمل مجحفة في كل دول الخليج يبقى ساعتها هتتضطر لتحقيق طموحك اللي هيكون مادي باساليب تانيه وهنا مربط الفرس

اتفق معك و هنا وجب التنبيه

و في الحقيقة أنا دعوت كل صديقاتي بمن يعمل في مدرسته البنات أن يكون الناصح و المتابع لوجه الله

ولكن البنات دول تحدوا كل المثقفين و اصحاب الخبرات التي نصحتهم و لكن ربما تكون النصيحة على ارض الواقع مختلفة

و ربنا يحميهم و يسترها معهم و يفقن قريبا من وهم السفر إلى الخليج و الثقافة السينمائية التي تصور من يسافر الخليج اربع سنوات يرجع بالذهب و يركب السيارات الفارهة و يسكن هناك القصووووووووور

اللي ما يعرفش يقول عدس

تم تعديل 17 يناير 2010 بواسطة وافدة هنا و عاملة بالخارج

[herohero]

و ربنا يحميهم و يسترها معهم و يفقن قريبا من وهم السفر إلى الخليج و الثقافة السينمائية التي تصور من يسافر الخليج اربع سنوات يرجع بالذهب و يركب السيارات الفارهة و يسكن هناك القصووووووووور

اللي ما يعرفش يقول عدس

ده صورة قديمة معقولة لسه فيه ناس فاكراها الحمد لله انتهى هذا العصر للابد كان ايام السبعينات والثمانينات وانا حضرت الكويت ايام الدينار الاحمر ابو 9 جنيه كانت ايام خير انما بعد الغزو انتهت الكويت ومازلت مقتنع ان خططها الاستثماررية وقفت اه ع الكويت ده زمان كانت عز وبلد فوق الخيال والله الكويت كانت مهياة تبقى زي دبي

بس الظروف

[M Mido]

انا مقتنع ان البنات دول فيه ظروف ضغطت عليهم لكن لو سيبنا الحكاية كحكومة لضغط الظروف نقول اللي يسرق مش مشكلة واللي يغتصب مش مشكلة ماهو الظروف معلش دول كتير فيها الحال بتاعنا يعني هي الفلبين اغنى مننا لما سعر الخدامة الفلبينية يرتفع اذا كانت بتيجي اصلا الحكومة لازم تحط قوانين تمنع حاجات معينة الفلبين مانعة عيالها من السفر للعراق مع ان الفلبينيين عاوزين يروحوا اهو يشتغلوا ومش مهم يموتوا ولا يتخطفوا يعني ده نموذج

ولما بنت تقول انا بس احط رجلي ف المكان وانا هتصرف هتتصرف ف ايه ؟؟؟؟ طموح في بلد زي الكويت وانت متكتف بقوانين عمل مجحفة في كل دول الخليج يبقى ساعتها هتتضطر لتحقيق طموحك اللي هيكون مادي باساليب تانيه وهنا مربط الفرس

زمان انا كنت حاضر فترة الجيل اللي اتولد من ام مصرية يعني ايام الكوايته ماكانوا بينزلوا الحوامدية والبدرشين يتجوزوا من هناك كان صحابي ف المدرسة بيعايروا الولد الكويتي اللي امه مصرية وبيتقال له يا بن المصرية لان ف نظرهم المصرية اللي تتجوز كويتي شيئ عليه علامات استفهام وانا بقول متجوزها ومعترف بزواجه منها وابنه موجود ف المدرسة يعني ده نظرتهم فما بالكم بالوضع اللي هيكون في الخفاء للاسف الشديد ما اراه ان الفكرة ان محدش يعرفنا ف البلد فنعمل بقى اي شيئ يوصلنا

يعني اللي تجيله فرصة تتعرف ع حد هناك مصري وله الاولوية يعني طبعا او كويتي او ايا كان انا مش عاوز اظلم حد بس للاسف هو ده اللي بيقوله الواقع

اما اننا نحلل المشكلة ونقول ان الراجل تخلى عن مسئوليته فده موضوع تاني لما تبقى بلده تخلت عن مسئوليتها البلد سابت عيالها يسرحوا ف بلاد الله

انا عاوز اعرف يعني ايه مشرفة ع العاملات الهنود طول عمرنا ف الكويت العاملات او الفراشات هنود وبنجلاديش

والله ماعيب بس ف البلاد المحترمة انما الكويت والسعودية يا جماعة الناس ده عندها مشكلة نفسية مع المصريين وده يتفتح لها مواضيع

اتمنى ان ربنا يسترها على البنات دول لانهم للاسف الشديد مش فارق معاهم احساسي انهم بايعين القضية ف مقابل تحقيق منفعة مادية وللاسف المتضرر الاكبر مصر

وعموما سمعة مصرنا العزيزة مش ناقصة

كلامك عجبني اوي و ده الكلام الصح، الحكومة لازم تمنع حاجة زي دي عشان سمعت البلد مهما كانت ظروف البنات دول، دا لو شحتوا في مصر يبقى اكرم ليهم.

وبرضه فيه مسئولية كبيرة على اهاليهم فازاي يسمحوا بحاجة زي دي و اللي يقولك انا باعت راجل وكلام فارغ و ساذج، بس ربنا يستر و ميكنش في تكرار للتجربة الزبالة دي.