مقتل 5 أقباط في إطلاق نار خارج كنيسة بالصعيد

[aymaneng]

يا جماعة ده حادث فررررررررررررررررررررررردى

زى ما فى فى مصر عالم ورجل اعمال ناجح ومهندس ودكتور فى واحد متشدد ومتعصب شىء عادى جدا فى اى بلد فى العلم يعنى زى فى المانيا اللى قتل مروة الشربينى معنى كده ان المانيا فيها فقر وجهل

انا ملاحظ انكم مكبرين الموضوع اوى ومخلينه قضية ومشكلة مجتمع مع انه حادث فردى

تم تعديل 7 يناير 2010 بواسطة aymaneng

[أسد]

يا جماعة ده حادث فررررررررررررررررررررررردى

زى ما فى فى مصر عالم ورجل اعمال ناجح ومهندس ودكتور فى واحد متشدد ومتعصب شىء عادى جدا فى اى بلد فى العلم يعنى زى فى المانيا اللى قتل مروة الشربينى

انا ملاحظ انكم مكبرين الموضوع اوى ومخلينه قضية ومشكلة مجتمع مع انه حادث فردى

حادث فردي إزاي يعني ..

ما الذي يجعلك أن تقول ذلك ..

مين اللي يقول ان ناس تطلق النار بشكل عشوائي على مجموعات من البشر في يوم عيدهم .. ونقول ان ده حادث فردي ..؟؟

[إبن مصر]

تعازيا القلبيه لكل القتلى من المصريين .

بالطبع الموضوع يتحمل العديد من التبريرات والعديد من الاسقاطات .. ولكن لا يصح الا الصحيح.

هو ليس موضوع ثار فقط بل هو موضوع تخلف وزرع كراهيه الاخر والانتقام الاعمى بذريعه لا يعلمها الا من يعمل فى الخفء على تأجيج هذه النار .

ولكنى اتوجه بسؤال من القلب لاخى سكوب لما اثق فيه من موضوعيه وصراحه مطلقه وحب للخير ومواطنه اصيله مصريه لا يستطيع اى كائن ان ينازعه عليها أو يشكك فيها .

وهذا السؤال لم نسأله قط فى اى من المشاكل او الظواهر التى حدثت بلا .

اخى العزيز ما هو الحل من وجهه نظرك؟؟؟ انا متأكد ان لك رؤيه فى هذا الموضوع.. ما هو الحل الذى يكون عادلا من وجهه نظرك كمسيحى قبطى تخبر به اخيك المسلم القبطى..

ما هو التصرف الذى تراه مناسبا على الدوله ان تقوم به كى لا يكون هناك هذه المراره او الشعور والذى عبرت عنه بهذه الجملع

و للأسف يدفع ثمنه الأغلي في تلك الحالة أقباط مصر ... فهو ثمنآ يتعلق بالأرواح نفسها ....

لانى عتقد ان هناك تصور لديك بالحل المفروض.

واكرر تعازى القلبيه لكل المصريين.

[aymaneng]

طيب واللى قتل مروة الشربينى حادث فردى ولا حرب بين المسلمين والمسحيين فى المانيا

اللى اطلق الرصاص على زمايله فى الجيش الامريكى حادث فردى ولا جهل وفقر الشعب الامريكى

حادث فردى من شاب متهور او مجموعة متهورة مش هما دول اللى يدوا انطباع عن مصر او المسلمين

بس الفكرة اننا بنحب اوى نقطع فى بلادنا وفى شعبها فى اى فرصة

تم تعديل 7 يناير 2010 بواسطة aymaneng

[Scorpion]

مش عارف مختلف معاك يا عزيزي سكوربيون

في جملة يدفع ثمنه الأغلى أقباط مصر

الوضع السيئ

والتطرف

الكل مسئول عنه

المسلمون والمسيحيون

والتطرف الديني والتعصب يؤذي مصر كلها

لأن التطرف من الجانبين

وعلى أعلى المستويات

وكل سنة وأنت طيب

وعذرا ان كانت تلك الأحداث أساءت لجو الأعياد

أخي العزيز حسام ...

لقد كتبتها حتي لا يلتبس الأمر علي أحد .. فهي جملة أعلم انها تخلق حالة من التحفز .. لذا كتبت "أرواحهم" ...

أخي العزيز ...

ما هو أغلي شيء يملكه أي فردآ منا .. أليست حياته ...

و عندما بفقدها واحدآ منا قصرآ ... أليس هذا ثمنآ باهظآ جدآ تم تحريمه في جميع الأديان قبل السنن و القوانين ...

لذا أتفق تمامآ باننا جميعآ نعاني نفس المعاناة من ظلم و جور .. من مشاكل جهل و فقر و فساد ... نعاني جميعآ من نفس الظلم بصورة أو أخري ... و لكن تتفق معي انه من النادر جدآ جدآ بل من رابع المستحيلات أن نجد مسيحي يرفع سلاحآ في وجه أخيه المسلم أو ينهب محلاته او يحرق مكان عبادته بأسم الدين .... أكثر شيئآ يستطيع ان يقوم به ان يستخدم لسانه أو قلمه في ذكر ما يثير الغضب ... بينما العكس يحدث بصورة أصبحت شبه دورية في الحقبة الأخيرة ... فهي وسيلة إخراج كبت ... تعبير عن عجز للأسف مشترك ... و في تلك الحالة الأقباط يصبحون صمام التنفيث لحلة البريستو التي نعيش فيها جميعآ ... لهذا كتبت أنهم يدفعون الثمن الأغلي .. فليس بعد فقدان الحياة ثمنآ أكبر ...

هو مجرد اقرار واقع لا أنوي به فتح بكائيات او ما شابه ... فما دمنا قررنا الصراحة .. فتلك جانب ثابت بها بدون أي تزويق .. و الي ان يخرج علينا الآن من يتهم البابا شنودة بهذا الأمر ... لي عودة للرد علي أخي أحمد محمود الذي أرحب بعودته من كل قلبي ...

تحياتي

[doha]

للاسف الي حصل ده كارثة بكل المقاييس ..

اما عن من يسوق المبررات فلو قلبنا الصورة هتبقى بشاعتها اوضح ولجميع الاطراف ..

لو بنت مسيحية اغتصبها مسلم وتكاتف المسلمين لمنع وصول اهل البنت له فدي كارثة .. ولو رد المسيحيين بالمقابل ويوم العيد بالذات وانتقموا من مسلمين تانيين فدي هتبقى مش اقل من حرب ..

وعليه فماحدث ( مصيبة وحطت علينا جميعا )

المسيحي الي اغتصب البنت كان لازم ياخذ جزائه والموضوع ينتهي ..

الي ارتكب جريمه العيد عليه من الله مايستحقه من غضب المفروض يعدم وفي ميدان عام ..

الاولى جريمه كبيرة لكنها ابدا لا تبرر قتل ابرياء وفي يوم عيدهم دي جريمة اكبر وبمراحل .. حسبنا الله ونعم الوكيل على الي خطط والي نفذ وعلى المستفيد من كل ده .. .

للاسف الي بيحصل ده وضع طبيعي جدا ضمن منظومه الخراب الي عايشينها مؤخرا والي لازم هتنتهي بمصائب من هذا النوع وربما اكبر ..

ربنا يلطف بينا وببلدنا مسلمينها ومسيحيينها على السواء

خالص تعازي لكل مسيحيي مصر وربنا يعوض على الجميع ..

[حسام يوسف]

مش عارف مختلف معاك يا عزيزي سكوربيون

في جملة يدفع ثمنه الأغلى أقباط مصر

الوضع السيئ

والتطرف

الكل مسئول عنه

المسلمون والمسيحيون

والتطرف الديني والتعصب يؤذي مصر كلها

لأن التطرف من الجانبين

وعلى أعلى المستويات

وكل سنة وأنت طيب

وعذرا ان كانت تلك الأحداث أساءت لجو الأعياد

أخي العزيز حسام ...

لقد كتبتها حتي لا يلتبس الأمر علي أحد .. فهي جملة أعلم انها تخلق حالة من التحفز .. لذا كتبت "أرواحهم" ...

أخي العزيز ...

ما هو أغلي شيء يملكه أي فردآ منا .. أليست حياته ...

و عندما بفقدها واحدآ منا قصرآ ... أليس هذا ثمنآ باهظآ جدآ تم تحريمه في جميع الأديان قبل السنن و القوانين ...

لذا أتفق تمامآ باننا جميعآ نعاني نفس المعاناة من ظلم و جور .. من مشاكل جهل و فقر و فساد ... نعاني جميعآ من نفس الظلم بصورة أو أخري ... و لكن تتفق معي انه من النادر جدآ جدآ بل من رابع المستحيلات أن نجد مسيحي يرفع سلاحآ في وجه أخيه المسلم أو ينهب محلاته او يحرق مكان عبادته بأسم الدين .... أكثر شيئآ يستطيع ان يقوم به ان يستخدم لسانه أو قلمه في ذكر ما يثير الغضب ... بينما العكس يحدث بصورة أصبحت شبه دورية في الحقبة الأخيرة ... فهي وسيلة إخراج كبت ... تعبير عن عجز للأسف مشترك ... و في تلك الحالة الأقباط يصبحون صمام التنفيث لحلة البريستو التي نعيش فيها جميعآ ... لهذا كتبت أنهم يدفعون الثمن الأغلي .. فليس بعد فقدان الحياة ثمنآ أكبر ...

هو مجرد اقرار واقع لا أنوي به فتح بكائيات او ما شابه ... فما دمنا قررنا الصراحة .. فتلك جانب ثابت بها بدون أي تزويق .. و الي ان يخرج علينا الآن من يتهم البابا شنودة بهذا الأمر ... لي عودة للرد علي أخي أحمد محمود الذي أرحب بعودته من كل قلبي ...

تحياتي

يا اخى العزيز سكوب

أنا زعلت على الستة اللى ماتوا بنفس الدرجة

الخمسة المسيحيين اللى ماتوا يوم عيدهم باطلاق نار عشوائي

والسادس العسكرى المسلم

ولو حصل العكس

برضة كنت هزعل وبنفس الكم والكيف

لما نناقش آثار التطرف والارهاب

بيكون الضحايا مصريين

بنزعل عليهم

مسلم بقى أو مسيحي

وأنا شايف ان طريقة تفكير كام من عندنا

وكام من عندكم

هي نفس نغمة احنا وأنتم اللى أنتقدتها فى موضوع ظهورات العذراء

وهية برضة نغمة مش صح

مفيش احنا وانتم

فيه مصري برئ واتقتل

مسلم بقى مسيحي

مش فارقة

ولو كل واحد عفوا يعنى قعد يتكلم عن احنا وأنتم

ومين اللى اتضر بآثار التطرف

فمش هنخلص

وكل واحد هيرميها ع التاني

مرة حصلت مناقشة وكنت ساعتها فى شركة أدوية فى مكتبها فى سوهاج

مديري مسلم

وزميلي مندوب نجع حمادى مسيحي(طبعا لأن لو مندوب مسلم فى نجع حمادي مش هيعمل شغل أساسا ودي برضة تطرف)

فزميلي لما لمح لظلم المسيحيين فى مصر

رد مديري بأن مين اللى قالك انكم مظلومين أكتر مننا؟

طيب أمن الدولة بيعتقل منكم حد؟

لكن كمسلمين

ده أكيد

شفت بقى مين المظلوم أكتر؟

طبعا منهج مرفوض

وشبيه بالمعادلات الرياضية اللى فيها خطأ رياضي أو قسمة على صفر

احنا عايشين في بلد واحد

والغلط أى غلط فى البيت

بييجي على دماغ الكل

تطرف مسلم

تطرف مسيحي

الضحية

مصري

والامضاء الرئيس المؤمن

[الباشمهندس ياسر]

شرف ايه بس يا باشمهندس .... هو اي حجة و خلاص

الحقير يعمل عملته المهببة في فرشوط ... يقوموا يقتلوا الناس في نجع حمادي !!!!!

لو كان الموضوع شرف صحيح .. التار طول عمره في الصعيد بين العائلات ...

و البني آدم ده معروف .. و عارفين مين اهله و ناسه ... ساعتها كنت حقول لك صح ... دي عادات اهل الصعيد و جرائم الشرف شيء واقع هناك ... و الدين مالوش اي دعوة ...

لكن بالشكل ده .. و في اليوم ده .. و بالمبرر ده ... آسف لا أقبلها و أجدها استهانة بمشاعر أخوة لكم ....

عالعموم عادي .....

أوافق كل حرف كتبه العزيز أسد .... فمنظومة الفقر و الجهل المتزايد في مصر ستأكل الأخضر و اليابس ...

و آدي سبوبة حلوة جديدة لتجار مسامير نعش الوطن ...

طب بما انك يا سكوربيون تعرف عني اني بجيب اي حجة و خلاص

ف ادي دليل يا استاذنا ان دي طريقة تفكيري انا شخصيا (( اعمل ايه مش قادر اخلع الصديري الصعيدي من جوه قلبي))

وهاكملكم المرة الجاية

تكملي ايه

تعبتينا الله يهديك

الكلب اللي زي ده ملوش غير حل واحد

ولد من العائلة يضربه بالنار هو و اتنين تلاتة من اخوانه بالمرة و خلصنا علي كده

عشان يبقي درس لمن يعتبر و حاجة تفوق من لا يعتبر

الاصناف الزبالة دي من الخلايق ملهاش حل غير الابادة

و لان الابادة مش هتم غير كده.... يبقي مفيش حل تاني

انما قاضي مرتشي و اتصالات ف الداخلية و مش عارف ايه

يبقي الحمد لله ان انتي لسه سليمة و ملبسوكيش تهمة و بهدلوكي

البلد دي مفيهاش مكان للضعيف

المداخلة من موضوع اوقات عصيبة مرت بنا .. رقم 12

[Alrefaey]

قرآت الموضوع اكثر من مرة وترددت أكثر من مرة أن اكتب تعليقا لما اشعر به من إستحياء ممزوجا بالمرارة لما حدث

حقيقى أشعر بالخجل لما فعله هذا المجرم والذى للأسف محسوب علينا مسلما فى حق الاخوة المسيحين

ما ابشع قتل النفس البريئة ظلما ,وما بعد القتل من ذنب , ولا اتقبل اى مبرر للقتل الا اذا كان قصاصا

إذا كان مجرما قام بأغتصاب انسانه فلابد له من عقاب وأقول له هو لكن يقوم بقتل ناس ابرياء لاذنب لهم ولا حيله وفى يوم عيدهم

ماهذا الظلم , وبأى اسم اوصفة تطرف , إرهاب ,جهل

مهما كان المسمى الا ان اليقين ان ماحدث برىء منه الاسلام ولا يمت الى ديننا بصله

عزائى للأخوة المسيحين وأتمنى منهم ضبط النفس وأن يلجؤا للقانون عسى ان ينصفهم

[الباشمهندس ياسر]

تعقيب كمان

انا فعلا معرفش ان الموضوع بعيد عن عائلة الولد صاحب المشكلة

شكرا ع المعلومة

[الدكتورة أم أحمد]

لا شك أن ما حدث عمل إجرامي همجي بشع الإسلام والمسلمين منه براء

ما ذنب هؤلاء وماذا فعلوا ليقتلوا بذنب غيرهم

بل وأقول ومن الذي يعاقب ويحاسب من اقترف جرما، أليس القانون يحكم الجميع سواء بسواء

خير لهذا البلد أن يعيش أبناءه نسيج واحد من أن يفترقوا

أسأل الله العظيم رب العرش العظيم أن يقي بلدنا الحبيب مصر شر الفتن ما ظهر منها وما بطن .

آمييين

[Sherief AbdelWahab]

وحدث ما حذرت منه ..

فتشوا يا سادة عن السلاح..

ومن أين يأتي السلاح..

خلص الكلام

[Simba]

من الذي يصنع كل هذا الشر

جملة من فيلم اجنبي

[د هشام ابراهيم]

لا حول و لا قوة إلا بالله

السنة ديه بادية صعب قوي

جريمة بشعة بكل المقاييس ....ربنا يرحم الضحايا و يصبر أهاليهم

قد تكون جريمة شرف هي الشرارة أو لا تكون ..... لكن نار الفتنة الطائفية هي المسئولة الأولي عن جريمة اختيرت في هذا التوقيت و في هذه الظروف .....

السؤال الصعب حنعمل إيه لما أهالي الضحايا ياخدوا هما كمان بتارهم ......يعني نتخيل لا قدر الله خبر زي "إطلاق النار داخل جامع و مقتل ٥ مصلين أول يوم رمضان و لا العيد "

ربنا يستر علي مصر و المصريين

[MaYousof]

اولا الاسلام بريء تماما من هذه الفعلة الشنيعة بكل معنى الكلمة.

ولو في حد شايف إن الراجل اللي عمل الفعلة البشعة دي مسلم فأنا مش معترض, لكن ساعتها هقول إني مدين بالإعتذار لكل مسيحي شريف في مصر إن في إنسان زي ده محسوب على الإسلام والمسلمين. اعتذر لكم بصدق يا اخواني المسيحيين.

حقيقة الأمر أن الجهل تملك المصريين وعماهم تماما عن الحق. مسلميهم ومسيحييهم. فما عاد بيننا مصري مسيحي ومصري مسلم ولكن تحول الوضع اللي مصري جاهل أعمى وهم كثير ومصري واع عاقل قلة قليلة. وكان بديهي إن الجاهلين يتصارعون ويتقاتلون بعدما طغى الجهل على عيونهم.

اخى العزيز ما هو الحل من وجهه نظرك؟؟؟ انا متأكد ان لك رؤيه فى هذا الموضوع.. ما هو الحل الذى يكون عادلا من وجهه نظرك كمسيحى قبطى تخبر به اخيك المسلم القبطى..

وردا على أخي أحمد محمود الذي وجه سؤاله لمسيحي قبطي أسأله السماح لي بطرح رأيي في الحل ولكن كمسلم قبطي, الحل هو الالتفاف نحو التقصير الرهيب من ناحية علماء الدين الإسلامي تجاه دينهم وأبناء ملتهم في توعيتهم بحق اخونا المسيحيين الأقباط علينا نحن المسلمين. التغيب منهجي وكأن في صالح أحدهم أن لا يعلم المسلمين في وطننا هذا ماعليهم تجاه المسيحيين بنو الوطن. أعتقد ان هذه الجريمة هي صيحة لنا نحن المسلمين العقلاء تجاه ديننا الحنيف. لازم توعية. لازم العقل يبين للجاهل وإلا فعليك السلام يا وطن.

إنت وإنت وإنت كلكم هتقفوا امام الله يوم الحساب وتسألون عن هذا التقصير تجاه الإسلام, وأشهد الله هنا أني بريء من كل الجهلاء الذي عماهم عدم الوعي عن الحق. عل الله يرحمهم.

حقيقي عندك حق يا زهيري.

تم تعديل 7 يناير 2010 بواسطة MaYousof

[أبو محمد]

منك لله يا زوهيرى .. خليتنى استعمل خاصية البحث .. فرأيت عجبا .. لا أريد أن أضعه فأصبح كمن يحشو الجرح ملحا :closedeyes:

هل لى الحق فى التساؤل عن سبب اختيار اليوم الذى نفذت فيه الجريمة ؟

اليوم هو يوم عيد مسيحى .. المكان كنيسة العدرا .. هل هناك شك فى البعد الطائفى للحادث ؟

ولماذا إشعال نار الطائفية داخل مصر صبيحة جريمة أخرى على الحدود مع إمارة غزة الإخوانية ؟

هل سمعنا عن أن الجرم الأكبر يستغرق الجرم الأصغر ؟

هل لى الحق فى التساؤل .. أم أن التساؤل يخرجنى من الملة ؟

[حسام يوسف]

منك لله يا زوهيرى .. خليتنى استعمل خاصية البحث .. فرأيت عجبا .. لا أريد أن أضعه فأصبح كمن يحشو الجرح ملحا

هل لى الحق فى التساؤل عن سبب اختيار اليوم الذى نفذت فيه الجريمة ؟

اليوم هو يوم عيد مسيحى .. المكان كنيسة العدرا .. هل هناك شك فى البعد الطائفى للحادث ؟

ولماذا إشعال نار الطائفية داخل مصر صبيحة جريمة أخرى على الحدود مع إمارة غزة الإخوانية ؟

هل سمعنا عن أن الجرم الأكبر يستغرق الجرم الأصغر ؟

هل لى الحق فى التساؤل .. أم أن التساؤل يخرجنى من الملة ؟

أسئلة حضرتك هية الاجابة والتفسير لما يحدث فى مصر

تحياتى :closedeyes:

[جيمي]

خالص التعازي لاهالي الضحايا الابرياء ...

واحترم راي سي السيد بعدم طرح افكار واقتصار الموضوع على التعازي لما نشعر به جميعاا من الم ...

يعلم الله كم احزن عند سماعي مثل هكذا اخبار مليئه بالدم الممزوج بالجهل والحماقه والوحشيه ..

يعني انا مش فاهم .... لما اشوف كليب لواحد بيدبح تحت عنوان مقتل شيعي يغتصب السنه بالعراق ..

وعنوان خبر زي مقتل خمسه بنيران متطرف اثناء الصلاه بمسجد بالسودان ..

واخر استشهاد الف فلسطيني بنيران قوات الاحتلال بينهم نساء واطفال ..

وغيره ... وغيره ..

بسال نفسي بمنتهي التعجب والحزن والخوف فى نفس الوقت .... اين الانسانيه من كل هذا .. اين الانسانيه ..

حسبي الله ونعم الوكيل فى اي انسان يستحل هتك عرض او ازهاق روح بريئه تحت اي مسمي وباي حجه اي كانت ...

حسبي الله ونعم الوكيل فى اي احمق يشوه صورة الاديان السماويه ويغلفها بالتعصب والجهل ..

حسبي الله ونعم الوكيل ..

[Alshiekh]

خالص التعازى والمواساة لأهالى الضحايا الذين قضوا غدرا على يد أخوة لهم فى الوطن وفى الانسانية.

إننى أشعر بالعار عندما أرى جارى المسيحى لايأمن على نفسه بسبب دينه

اشعر بالعار عندما ارى جنود الحراسة على ابواب الكنائس ليحرسوها وكأنما اصبحت الكنائس سفارات لدول معادية.

أشعر بالعار عندما اقف عاجزا امام ماحدث اليوم وماحدث قبل ذلك وماسيحدث بعد ذلك ، فبذور التطرف تنمو حولنا فى كل اتجاه لعن الله من ادخل التطرف الى بلادنا.

أشعر بالغم طوال اليوم بعد سماعى لتلك الاخبار عند استيقاظى صباحا ، وقبلها صباح الامس استيقظت على اخبار مخربوا شريان الحياة والقتلة الفلسطينيين الذين تزعمتهم قيادات حماس فى تظاهرة القاء الحجارة واظلاق النار على المصريين على الحدود مع قطاع غزة.

ايه وليه اللى بيحصل ده؟

ومايزيدنى حزنا وحيرة هو ان ردود بعض المصريين ترفع الضغط عندى ، حيث اشعر انهم يؤيدون اى شيئ الا مصر.

حقيقى لو ينفع ادور لنفسى على وطن تانى ، كنت عملتها ، لكن مش قادر لانى لسه بحب مصر.

[MZohairy]

و هذه مداخله اخرى من موضوع اجحاف شركة الكهرباء توضح رؤية بعض المصريين لأهمية ان تكون حقوق المسلم المصري غير حقوق المسيحي المصري

المداخلة رقم 77 تحديدا و التي قمت انا بالرد على مداخله سابقه فيها هذه الرؤيه

و العجيب ان نستنكر بعد هذا حدوث مثل هذه الجرائم!!

http://www.egyptiantalks.org/invb/index.ph...st&p=540496

تم تعديل 7 يناير 2010 بواسطة mzohairy