أنت مش عارف انت بتكلم مين

[أبو العز]

أنت مش عارف انت بتكلم مين

كل ما أنزل مصر فى أجازة أو مهمة عمل اسمع الجملة دى كثير وفى مرة من المرات قررت انى اعرف مين اللى باكلمه فقررت انى اعمل مشكلة مع واحد من الجماعة دول وقلت رزقى على الله

ياريت لو حد عنده تجربة مع حد من الجماعة دول يحكيها لنا وانا ح اكمل لكم الحكاية لانى اخيرا عرفته ومش ناوى اسيبه

:lol:

[أبو العز]

الظاهر كلكم مابتنزلوش مصر ولا واحدقابلكم وقال لكم العبارة دى

عموما حقكم على

[herohero]

من ابناء لواءات الشرطة او المستشارين يعني فشخره كدابة بس هنعمل ايه ده حال بلدنا عامله قيمة للكل وسايبة الناس اللي تستاهل

[myusername]

من ابناء لواءات الشرطة او المستشارين يعني فشخره كدابة بس هنعمل ايه ده حال بلدنا عامله قيمة للكل وسايبة الناس اللي تستاهل

لوا شرطة مرة واحدة؟ ... طيب قول امين شرطة

[عاشق الترحال]

بالمناسبه دي هقولك على موقف حصل لواحد جارنا أبوه شغال ترزي رجالي

كان كل ماحد من أمناء الشرطه والدوريات يوقفه يقوم متنح معاه وقايل له أنت متعرفش أن إبن مين ولا أيه فيقوم أمين الشرطه ساحب ناعم ويمشيه كذا مره وصاحبنا ده ساق فيها .

لحد ما يوم ضابط وقفه والمعلم راح يتنح معاه ويقوله أنت مش عارف انا إبن مين الضابط قاله هتكون إبن مين يعني ؟

قاله إبن الأسطي حسين الترزي يا باشا :lol:

وعينك متشوف إلا النور طخ طيخ طوخ ووضبوا المعلم علقه من اللي قلبك يحبها :lol:

ومن يومها وهو بطل يقول انا بن مين :happy:

تم تعديل 9 يناير 2010 بواسطة عاشق الترحال

[عاشق الترحال]

هحكيلك على موقف حصل السنه اللي فاتت زي الأيام دي وكنت فى أجازه في مصر وأمام البوابة الرئيسيه لجامعة المنصوره اللي ناحية البارون واقف أركب وفجأه لقيت سياره هوندا سبفك موديل 95 ملاكي اسكندريه مفيم ومتشفش حاجه من جوه العربيه جايه ناحيه البوابه طايره بسرعه جنونيه والمنطقه دي موقف يعني فيها طلبه وموظفين ومواطنين واقفين مستنين يركبوا مواصلات والبيه اللي سايق هربان من عربيه ونش مرور بتطارده ولما لقى نفسه المرور هيحلق عليه ويمسكه ملقاش غير بوابه الحرم الجامعي علشان يدخلها قام المعلم حاود بالعربيه عالبوابه ودخل وطبعا ونش المرور وراه وهتقولى فين حرس الجامعه أقولك كان فيه صول واقف عالبوابه حب يعمل فيها أرنولد ويقف أمام العربيه فما كان من البيه اللي سايقها إلا أنه شاله على جنب العربيه زحفه عالأرض في خارجه النقيب اللى عالبوابه راح المعلم عامل معاه نفس الشئ وزحفه عالأرض هو وحوالى 4 أفراد شرطه كمان زحف بمعنى زحف وراح لافف وعمل حتة أمريكاني وعاوز يخرج طبعا أنا واقف اتفرج ومذهول لأنه وهو داخل من البوابه كان هيشيلني انا وواحده ست كانت شايله ابنها وواقفه تركب .

العسكري اللي سايق الونش راح زانق المعلم فى التلتوار من جنب العربيه علشان يوقفه ومفيش صاحبنا دايس عالبنزين ومالعجلات بتلف عالأرض وكأنك بتتفرج على فيلم أكشن أمريكاني وفجأه فلت المعلم بالعربيه وراح طاير عالبوابه تاني عاوز يخرج ولقيت الضابط بيقولى اقفل البوابه بسرعه طبعا ملحقتش لأن اللي بحكي لكم عليه ده حصل في خلال دقيقتين تلاته والناس ملمومه واقفه تتفرج وده مش على رجليه دا جوا العربيه وطاير بيها .

المهم صاحبنا خلع وخرج من البوابه والونش بتاع المرور وراه ومن هنا لهنا ولزحمة السيارات فى الوقت ده اتزنق فما كان منه إلا أنه هدى بالعربيه علشان ينزل ( المزه ) اللي كانت جنبه فى العربيه وبعد كده حاول يخلع إلا إن المرور حاصره ووقفه ومسكوه ولقيت الضابط بتاع حرس الجامعه وهدومه طبعا متمرمطه من التراب اللي زحف عليه راح جرى علشان يمسك المعلم والكل متشوق علشان يعرف الباشا ده مين لقيته حته عيل ( سيس ) بجد ( عيل ملوش لزمه لو ضربته قلم تقلبه راجل ). وعمره حوالي 18 سنه تقريبا

المهم اللي عجبني الواد العسكري كان شكله من اللي عيال ولاد البلد الجدعان راح رازعه كفين على وشه والتاني يسب لهم ويقولهم أنا هعرفكم يا ولاد ال ....أنا مين وبيدور عالموبايل علشان يكلم ال ماما وال بابا والضابط وصل للعربيه بصراحه كنت مفكره هيطرقع للواد ويوضبه بس لما الواد هب فيه خاف ولقيته بيقول له أدام الناس أنت بتعمل كده في ضابط شرطه أنا هوريك وركب فى الونش بتاع المرور وخلى العسكري يسوق وأخدو ا الواد فى النص بينهم .

بس هنا عاوز ألفت إنتباه حضرتكم لشئ أن برغم ده كله واللى الواد عمله إلا إن الناس كان متعاطفه معاه ضد الشرطه ولما العسكري والضابط حبوا أنهم يضربوا الواد ده الناس وقفت وقالتله فيه قانون يحكم بينك وبينه وفعلا الضابط إتهت من الكلام أن كان فيه ناس بتصور بالموبايلات المهم الضابط أخده عالقسم وعرفنا بعد كده أنه لا عرف ياخد حق ولا باطل من الأمــور علشان أنكل تقريبا كان شغال في أمن الدوله والموضوع إتلم و عرفنا سبب الفيلم ده وهو أن الأمور ننوس عين أمه كان في وضع مش ولابد مع الموزه اللي كانت معاه في السياره ولما المرور وقفه هرب منهم وحصل اللي حصل.

تفتكروا لو كان الأمور ده إبن ناس غلابه كانوا عملوا فيه أيه ؟

[أبو العز]

هحكيلك على موقف حصل السنه اللي فاتت زي الأيام دي وكنت فى أجازه في مصر وأمام البوابة الرئيسيه لجامعة المنصوره اللي ناحية البارون واقف أركب وفجأه لقيت سياره هوندا سبفك موديل 95 ملاكي اسكندريه مفيم ومتشفش حاجه من جوه العربيه جايه ناحيه البوابه طايره بسرعه جنونيه والمنطقه دي موقف يعني فيها طلبه وموظفين ومواطنين واقفين مستنين يركبوا مواصلات والبيه اللي سايق هربان من عربيه ونش مرور بتطارده ولما لقى نفسه المرور هيحلق عليه ويمسكه ملقاش غير بوابه الحرم الجامعي علشان يدخلها قام المعلم حاود بالعربيه عالبوابه ودخل وطبعا ونش المرور وراه وهتقولى فين حرس الجامعه أقولك كان فيه صول واقف عالبوابه حب يعمل فيها أرنولد ويقف أمام العربيه فما كان من البيه اللي سايقها إلا أنه شاله على جنب العربيه زحفه عالأرض في خارجه النقيب اللى عالبوابه راح المعلم عامل معاه نفس الشئ وزحفه عالأرض هو وحوالى 4 أفراد شرطه كمان زحف بمعنى زحف وراح لافف وعمل حتة أمريكاني وعاوز يخرج طبعا أنا واقف اتفرج ومذهول لأنه وهو داخل من البوابه كان هيشيلني انا وواحده ست كانت شايله ابنها وواقفه تركب .

العسكري اللي سايق الونش راح زانق المعلم فى التلتوار من جنب العربيه علشان يوقفه ومفيش صاحبنا دايس عالبنزين ومالعجلات بتلف عالأرض وكأنك بتتفرج على فيلم أكشن أمريكاني وفجأه فلت المعلم بالعربيه وراح طاير عالبوابه تاني عاوز يخرج ولقيت الضابط بيقولى اقفل البوابه بسرعه طبعا ملحقتش لأن اللي بحكي لكم عليه ده حصل في خلال دقيقتين تلاته والناس ملمومه واقفه تتفرج وده مش على رجليه دا جوا العربيه وطاير بيها .

المهم صاحبنا خلع وخرج من البوابه والونش بتاع المرور وراه ومن هنا لهنا ولزحمة السيارات فى الوقت ده اتزنق فما كان منه إلا أنه هدى بالعربيه علشان ينزل ( المزه ) اللي كانت جنبه فى العربيه وبعد كده حاول يخلع إلا إن المرور حاصره ووقفه ومسكوه ولقيت الضابط بتاع حرس الجامعه وهدومه طبعا متمرمطه من التراب اللي زحف عليه راح جرى علشان يمسك المعلم والكل متشوق علشان يعرف الباشا ده مين لقيته حته عيل ( سيس ) بجد ( عيل ملوش لزمه لو ضربته قلم تقلبه راجل ). وعمره حوالي 18 سنه تقريبا

المهم اللي عجبني الواد العسكري كان شكله من اللي عيال ولاد البلد الجدعان راح رازعه كفين على وشه والتاني يسب لهم ويقولهم أنا هعرفكم يا ولاد ال ....أنا مين وبيدور عالموبايل علشان يكلم ال ماما وال بابا والضابط وصل للعربيه بصراحه كنت مفكره هيطرقع للواد ويوضبه بس لما الواد هب فيه خاف ولقيته بيقول له أدام الناس أنت بتعمل كده في ضابط شرطه أنا هوريك وركب فى الونش بتاع المرور وخلى العسكري يسوق وأخدو ا الواد فى النص بينهم .

بس هنا عاوز ألفت إنتباه حضرتكم لشئ أن برغم ده كله واللى الواد عمله إلا إن الناس كان متعاطفه معاه ضد الشرطه ولما العسكري والضابط حبوا أنهم يضربوا الواد ده الناس وقفت وقالتله فيه قانون يحكم بينك وبينه وفعلا الضابط إتهت من الكلام أن كان فيه ناس بتصور بالموبايلات المهم الضابط أخده عالقسم وعرفنا بعد كده أنه لا عرف ياخد حق ولا باطل من الأمــور علشان أنكل تقريبا كان شغال في أمن الدوله والموضوع إتلم و عرفنا سبب الفيلم ده وهو أن الأمور ننوس عين أمه كان في وضع مش ولابد مع الموزه اللي كانت معاه في السياره ولما المرور وقفه هرب منهم وحصل اللي حصل.

تفتكروا لو كان الأمور ده إبن ناس غلابه كانوا عملوا فيه أيه ؟

اولا : لو ابن ناس غلابة ماكنش ركب عربية مفيمة من الاساس

ثانيا : ابن الناس الغلابة مافيش مزة بتعبره ولا بتبص فى خلقته

ثالثا : بقى لو كان معدى جنب الونش ومادفعش المعلوم كان طلع عين اللى خلفوه

[engmido]

ايام الرسول كانت قريش أهمهم شأن المرأة المخزومية التي سرقت فقالوا من يكلم فيها رسول الله صلى الله عليه وسلم فقالوا ومن يجترئ عليه إلا أسامة حب رسول الله صلى الله عليه وسلم فكلمه أسامة فقال رسول الله صلى الله عليه وسلم

أتشفع في حد من حدود الله ثم قام فاختطب فقال أيها الناس إنما أهلك الذين قبلكم أنهم كانوا إذا سرق فيهم الشريف تركوه وإذا سرق فيهم الضعيف أقاموا عليه الحد وأيم الله لو أن فاطمة بنت محمد سرقت لقطعت يدها وفي حديث بن رمح إنما هلك الذين من قبلكم

لو احنا بنتعامل بهذا المبدا مكانش ده بقى حالنا

حسبى الله ونعم الوكيل فى نظام الكوسة اللى بوظ البلد