كفاك تشويه لصورة و سمعة مصر يا خالد يوسف

[Abu Reem]

و بالتالي كل واحد يحط الفيلتر اللي هو عايزه

يقدر يفلتر النت و يفلتر الريسيفر و يمنع اولاده من الذهاب للسينيما

و ده اقصى ما يمكن مع التربيه بالقيم و الاخلاق و الدين

انما اننا نمنع ما لا يرضينا فده مستحيل

يعني ياعم زوهيري ، علشان واحد حر في تصرفاته ، يخليني افلتر حياتي كلها وامشي اتلفت حوالين نفسي علشان هو ينشر القبح بحريته؟؟؟

زي مثلا لما يكون فيه واحد متعود على فعل قبيح بإنه ( يقضي حاجته ) اسفل الكباري العلوية ، أقوم أنا امنع الناس تمشي في الشارع ده وتتجنبه علشان في واحد بيعمل عمل قبيح....

واوعى تقول ان في ناس تانية شايفة ان فعله هذا غير قبيح ....لأن المهم في مثل هذه الحالات النظر الى ما اتفق معظم المجتمع عليه ...ولا ننظر الى الشاذ أو الاستثناء..( لأن حب مشاهدة الألفاظ والمناظر المخلة ليس هو القاعدة ) ..وبما أن ما قد يفعله بعض العاملين في الفن هو نشر القبح المغلف بالفن...فلابد ان لم نتسطع منعه كما قلت ..أن نستنكره ونحذر الناس منه لعل صاحب هذا

( الفن المزعوم ) قد يراجع نفسه أو يشعر بأن ما يقدمه غير مقبول .ولا يقبله الناس المحترمة سواء ..من الناحية الدينية أو الاجتماعية....... وبكده يبقى فيه شي من الايجابية من أفراد المجتمع لكي يرتقي الفنانين بأعمالهم بدلا من الاستمرار في الانحدار وبالتالي يرتقي الفن...وبالتأكيد هذا سيسعدك كعاشق للموسيقى أو الأفلام.......

هذا هو المقصود ببساطة ...

[MZohairy]

طبعا يسعدني ذلك

و كنت هأيد كلامك لو خالد يوسف بس اللي بيقدم مشاهد في بعضها خروج (و ان كانت كلمة الخروج مفهومها غير ثابت عند الجميع)

لكن هتعمل ايه في المئات اللي زي خالد يوسف؟

هل تعتقد انك تقدر توقف التيار؟ لا يمكن لأنه عالم مفتوح و له مؤيدين و معجبين بما يرونه فنا و ليس قلة ادب و عري

و منهم من هو معجبا به لأنه مابيفهمش في الفن و فاكره عمل اباحي لمجرد الإباحيه و ده اللي هو عايزه

و هتعمل ايه في الاف المليارات من الدولارات اللي بيتم انفاقها على انتاج افلام البورنو؟ (جزء لا بأس منه عربي)

كنائس العالم الغربي جمعاء فشلت في حتى و لو التقليص من انتاج الأفلام الجنسيه

اذا قد تبدي استياءك لكن محاولة المنع زي القطه اللي بتنونو على طياره

يبقى خلينا نركز في بناء الخطوط الدفاعيه على ولادنا و ده اكيد اضمن من نشر قواتنا الهجوميه المحدوده جدا في كل الدنيا بدون فايده

[msayed]

طبعا يسعدني ذلك

لكن هتعمل ايه في المئات اللي زي خالد يوسف؟

هل تعتقد انك تقدر توقف التيار؟ لا يمكن لأنه عالم مفتوح و له مؤيدين و معجبين بما يرونه فنا و ليس قلة ادب و عري

مش دورى هنا إننا نوقف التيار ولكن نقول رأينا فيه، وطبعاً إنت عارف إن فيه مواضيع كثير مش هاتتقفل فى الدنيا ولكن هايبقى ليها جولة تانية أمام الله عز وجل فى يوم الحساب وهايكون ساعتها هو الحكم.

تم تعديل 21 يناير 2010 بواسطة msayed

[Abu Reem]

و كنت هأيد كلامك لو خالد يوسف بس اللي بيقدم مشاهد في بعضها خروج (و ان كانت كلمة الخروج مفهومها غير ثابت عند الجميع)

لكن هتعمل ايه في المئات اللي زي خالد يوسف؟

هل تعتقد انك تقدر توقف التيار؟

دائما الاحظ الكلمة التي لونتها بالأحمر هي الحجة الجاهزة للهروب عن قول كلمة الحق في جميع المواضيع الخلافية

يا عزيزي زوهيري الأمور التي يستنكرها معظم طوائف المجتمع معروفة مثل القبح والشر والظلم والعري وسوء الأخلاق

ويجب استنكار ومحاولة منع وعقاب كل من يتجه الى هذه الاشياء ، تماما مثلما نمنع التدخين في الاماكن العامة وفرض غرامات على ذلك رغم ان عدم التدخين يعجب البعض ويراه من من وجهة نظرة شيء شخصي .

وبنفس مبدأك على الناس ان تتحمل كل ما هو عير مالوف طالما ( ستختلف الناس في نظرتهم للخطا والصواب )

فدعنا نتكلم عن مجتمعنا نحن فقط ( مصر ) واظن ان الغالبية تتفق على مفهوم الخطأ والصواب القبح والجمال ...لذلك على الشاذ ان يحترم الأغلبية واذا اراد ان يفعل ما يحبه فيجب أن يكون ذلك بعيدا عن أذى الأخرين

تم تعديل 22 يناير 2010 بواسطة Abu Reem

[MZohairy]

و كنت هأيد كلامك لو خالد يوسف بس اللي بيقدم مشاهد في بعضها خروج (و ان كانت كلمة الخروج مفهومها غير ثابت عند الجميع)

لكن هتعمل ايه في المئات اللي زي خالد يوسف؟

هل تعتقد انك تقدر توقف التيار؟

دائما الاحظ الكلمة التي لونتها بالأحمر هي الحجة الجاهزة للهروب عن قول كلمة الحق في جميع المواضيع الخلافية

يا عزيزي زوهيري الأمور التي يستنكرها معظم طوائف المجتمع معروفة مثل القبح والشر والظلم والعري وسوء الأخلاق

ويجب استنكار ومحاولة منع وعقاب كل من يتجه الى هذه الاشياء ، تماما مثلما نمنع التدخين في الاماكن العامة وفر

احنا وضحنا النقطه دي سابقا يابو ريم بس ممكن نوضحها تاني

ظهور واحده ببنطلون جينز و تي شيرت و غير محجبه بالنسبالي منظر عادي

بس بالنسبالك ممكن يكون خروج لأنها غير محجبه مثلا

بينم ظهور واحده محجبه كاشفه للوجه بالنسبالك منظر عادي انما لواحد متشدد دينيا يراه خروج لأنها مش منقبه

و استماعي لاوركسترا القاهره السيمفوني حاجه جميله و متعه

بينما بالنسبالك خروج عن الدين لأنه ملهاه

و المتشدد التالت هتلاقيه مابيفتحش الراديو مثلا من الأساس

في بعض الطبقات المجتمعيه في مصر يعد تقبيل يد المرأه عند التصافح من أساسيات الإحترام و الوقار

و في ناس تانيه الستات ما بتسلمش غير على الستات و الرجاله على الرجاله فقط

في مجتمعات تانيه تصرف زي ده يدبحوك عليه

و هكذا .....الموضوع نسبي يابو ريم

و لكن لا شك في ان هناك افعال و اشياء مرفوضه من كل الطبقات و الثقافات

انما كلامي كان على اشياء وسطى يوجد من يرفضها بقوه و يوجد من يقبلها بقوه و بدون اي نية سيئة

شكرا

[Abu Reem]

كويس ان وصلنا لنقطة اتفاق أن ما هو مرفوض وغير مقبول من معظم الثقافات يجب ان يتم استنكارة والعمل على منعه وتقييده بقدر الامكان ومحاولة نشر مساؤه واثاره لكي لا ينجرف وراءه باقي المجتمع

- اما المسائل الاخرى في الاختلاف بين المجتمعات كلبس الجينز او رؤية الوجه التي قد تعتبر مقبولة عند البعض ومرفوضة عند البعض فأهم ما يمكننا عمله عند الاختلاف حول هذه الاشياء ، هو توضيح وجهة نظر كل طرف ، ولا مانع من مناقشته ، لمحاولة الوصول الى اي الفريقين قريب من الصواب .....لأنه بالفعل قد يكون أحد الفريقين على صواب ...ولكن من يرفض الاقتناع فهو حر طالما..لم يؤذي الاخر بفعله وقناعته ...وخاصة في الأمور التي قد تضر المجتمع...بدرجة واضحة ومؤثرة ...ولا أظن أن الأمثلة التي ذكرتها تسبب مثل هذا الضرر....

[reemragab]

السلام عليكم يا هندسة

الحقيقة نفسى ارد على موضوع سعادتك من زمان وللاسف ماكانتش الظروف تسمح بانى ارد على موضوع كويس زى ده

بسرعة كده فى كلمتين وبصراحة اكتر انا اتضايقت جدا اما قريت المشاركات والردود لسببين:اولا حسيت ان الموضوع زى ما قالت لولا

معلق عليه يافطة:(المختلفون يمتنعون) اصوات عالية ونبرات حادة ليه؟ المفترض فى اى توبيك بينزل ان بيبقى فيه رأى ورأى مختلف وانا بسمع الاتنين

وبرد على الاتنين برضه بنفس الدرجة من تفهم وجهات النظر وده الهدف من( المحاورة )على عكس (المظاهرة )مثلا اللى المفروض ان كل اللى ماشى فيها معايا وفى صفى وبيررد ورايا وبكده فى النهاية بنوصل لاصح الاراء مع اضافة ان رايى او رايك ما يفقدش قيمته لانه وارد يكون رأى صح وسليم فخسارة انه يضيع مع الصوت العالى والشدة.

وزى ما الرسول عليه الصلاة والسلام قال (ما دخل اللين فى شىء الا زانه... لاخر الحديث الشريف)

لو سمحت لى ابدأ من عنوان التوبيك اللى هو صورة وسمعة مصر

عارف حضرتك فيه كام حاجة بتحصل فى مصر وللمصريين او من المصريين يومياً ممكن تسىء لصورة وسمعة مصر يا هندسة؟

ده احنا محتاجين 100 موضوع زى موضوع حضرتك ويارب يكفوا اننا نتعرض لكل ما يسىء لمصر ولا المصريين

نقول ايه ولا ايه؟

الا يسىء لمصر القبض على شبابها يومياً قرب حدود اى دولة اثناء رحلة الهجرة (او الهروب) غير الشرعى بحثاً عن لقمة العيش وهربا من سوء الاحوال المادية

ده دول المحظوظين اللى لسه ربنا كاتب لهم العمر والاجل طب ايه رأى سعادتك فى الغرقى قرب السواحل الايطالية ولا غيرها...

بلاش .طب ايه رأيك فى اى تقرير لمنظمة اجنبية يضع بلدك فى المركز الاخير من حيث الشفافية (يعنى ولامؤاخذة الاول من حيث الفساد ده بالبلدى)

بلاش. تقارير منظمات الحريات الدينية اللى بتشكك وبتقول ان احنا عندنا اضطهاد دينى..

ولا بتوع حقوق الانسان اما بيشاوروا علينا بس..

تجاوزات السياسيين ورجال الاعمال والاموال المنهوبة بالمليارات...

مقتل الجندى المصرى على الحدود منذ ايام...

ولا اقولك بلاش النكد ده يا شيخ

ايه رأيك فى اى اجنبى بيجيلنا وبيلاقى اكوام الزبالة تسد عين الشمس ولا بيتعرض او بتتعرض للاستغلال المادى او التحرش مثلا

اقولك بالمناسبة ايه رأيك فى موسم( المزاج الصيفى) للخليجيين فى مصر ولا ما تسمعش عنه وطبعا انت فاهم انا اقصد ايه بس هاقصر عشان الرقابة

طب ندور الدفة شوية خلينا فى الموضوع اللى بيمسنا كلنا وبيكون دايما وفى النهاية الفيصل لمعظم امور حياتنا وهو الدين

ايه رأيك فى الشيخ خالد الجندى مثلا؟ انا شخصيا عاصرت الشعراوى وعبد الله شحاته وعطيه صقر طبعا والمعروف بتزمته الشديد

والله عمرى ما سمعت ان فيه عالم منهم مهما بلغ من العلم او المنصب طلع فى يوم حط راسه براس ممثل ولا مغنى ولا رقاصة مثلا

والا لو هى دى الموضه وده الصح نبقى نخلى د/ سعاد صالح مثلا مسئولة عن مرمطة غادة عبد الرازق وعبلة الكحلاوى تمسك سمية الخشاب من شعرها وما ترحمهاش

ماذا يفعل هو؟ الا يسىء؟ عالم الدين اسمى بكثير .عليه التوجيه والنصح بما وهبه الله من علم واخلاص لله لا ان يكون ندا لهذا او لتلك..

وبالمرة بقى ايه رايك فى المفكر الاسلامى (المصرىىىىىى) الكبير والجليل(جمال البنا)؟

فعلا وبعد التوبيك بتاع حضرتك ده لازم يتعمله توبيك لوحدة

(كفاك تشويه لصورة وسمعة مصر يا جمال يا بنا)

لانه ببساطة ده اللى انا اخاف على نفسى وعلى اولادى منه فى المستقبل تعرف حضرتك ليه؟ اهو هو ده اللى هدفه فعلا ان(ننهل جميعا السم بملعقة الدين)

الا يسىء هو الاخر لمصر؟ ولما لم نذكره؟

احل المسيار والمتعة والقبلات لا و فتوى ارضاع الكبير عشان تكمل

قولى بقى يا هندسة الا يحب ان تشيع الفاحشة هو الاخر؟

طب ما جبتش سيرته ليه هنا؟

طب هيا الناس اللى بتشوف افلام خالد يوسف جوه وبره مصر وبتتضايق منها اوى كده ما بيشوفوش برامج دين خالص ؟ وما وصلوش ليه رأيهم فى راجل

زى جمال البنا بالمرة ؟

حاجة غريبة فعلاً (ولا هما اصلا ما بيشوفوش غير افلام خالد يوسف بس )

الاخ اللى بيقول اصل الفن ينتتشر اسرع وتاثيره اشد على البلد والناس والاطفال

طب قولى يا فندم انا اذا كنت غير متزوجة او كان هناك شابا غير متزوج وشاهدت انا او هو فيلم لخالد يوسف وشاهدت انا او هو برنامج لجمال البنا (والذى يحل كل ما سبق ذكره ويا بختنا بيه)

واقتنع او اقتنعت تماما بكل ما فيه (ولما لا فهو يصدر من عالم ومفكر اسلامى كبير ) بعكس خالد يوسف (المنحرف) والذى لا يقدم سوى الافكار المنحرفة مثله

واللى احنا طبعا فى سننا ده ما نعرفش عنها اى حاجة خالص wst::

حد يقدر يقولى تاثير مين اللى اخاف منه على نفسى او على ولادى؟

الا يسىء لمصر وصورتها وصورتنا احنا شخصياً كل ما سبق على حد سواء...يسىء والله يا هندسة يسىء وكتاب الله يا شيخ يسىء

يعنى من الاخر اذا حبينا نتكلم عن مصر وصورتها وصورتنا كمصريين واحنا خايفين اوى على الصورة دى وخايفين كمان على بيوتنا وولادنا يبقى لازم نتكلم عن

كل حاجة بمنتهى الموضوعية ما نتكلمش عن موضوع ونسكت

ولا عن شخص ونسكت

لانه الموضوع فعلا له ابعاد اكتر من كده بكتير..

وميرسى جدا على سعة صدر سعادتك...

واتمنى الايكون هناك فتوى باهدار دمى على المحاورات :unsure:

تم تعديل 12 فبراير 2010 بواسطة reemragab

[engmido]

الاخت ريم

مبدئيا الموضوع طرح للمناقشة وليس للخروج عن الموضوع ومماثلة غير الشبيهين

ثانيا عندما فتحت هذا الموضوع كنت اعتقد انه لن يختلف احد عليه ....لانه طبيعى جدا اننا نتفق على نبذ كل ماهو ضار بالمجتمع

ولكن فوجئت ببعض المختلفين باسم الفن وها الكلام الى اخره ( عموما الموضوع قتل بحثا وعرضت وجهات النظر هذه قبل سابق ومفيش داعى لاعادتها)

ارجو انك تضيفى رايك عادى سوى بالموافقة او بالمعارضة ( هذا حقك )

- نقطة اخرى انا ماليش دعوة بالاخت لولا ولا براى احد...كل واحد حر فى رايه والكلام مش بفلوس

اخيرا ....مفيش مجال للمقارنة بين اقل المشايخ وبين المدعو خالد يوسف

لان هذا الشيخ اللى مش عاجبنا ..اسوأ الفروض هو شيخ والله اعلم بظروفه...ووارد الخطا وعندما اخطا فاعتقد اول ناس وقفت له هم المتدينون او المهتمين بالدين

وحتى عندما اخطا ورده الناس عاد واعتذر وعزلته جامعة الازهر من التدريس واتخذوا معه اللازم

لكن ماذا يفعل المخرج العظيم المعجزة ...يقول ده فن ..ده مش عارف رسالة والكلام الخايب ده اللى لا بيودى ولا بيجيب

هل مرة اعتذر ..ابدااااااااااااااااااااا

ثم الخطا وارد فى كل البشر ...فمثلا عندما يخطىء طبيب فى عملية تؤدى الى الوفاة ...هل نمنع الاطباء من مزاولة عملهم ...مبيحصلش اكيد

- اما بالنسبة لحكاية ان ما يفعله خالد يوسف ليس الوحيد الذى يشوه سمعة مصر

وان هناك كذا وكذا

كل هذا لا يوضع مع ذاك ...ليييييييييه لان كل الدول المتقدمة والنامية عندها مشاكل وعندها سلبيات لكن مبتحاولش تظهر هذا الوجه او هذه السلبيات ولكن مع انتشار وسائل

الاعلام برده بنعرف عنهم كل حاجة ..وبيوصلنا عنهم اللى بنشوفه او نقراه

ومثال على ذلك ...اليابان كلنا نسمع ونقرا ونشوف انها متقدمة منظمة...ولكن عندهم برده قضايا فساد...عمرك سمعتى عنه؟؟؟

مع انه اتعرض برده فى وسائل الاعلام

ايشحال بقى ده فيلم وبيعرض فى كل الدول العربية ومش فيلم واحد دى سلسلة ....حسبى الله ونعم الوكيل

ختاما: اظن كلامى واضح ومش محتاج لتعليق

[حسام يوسف]

الاخت ريم

مبدئيا الموضوع طرح للمناقشة وليس للخروج عن الموضوع ومماثلة غير الشبيهين

ثانيا عندما فتحت هذا الموضوع كنت اعتقد انه لن يختلف احد عليه ....لانه طبيعى جدا اننا نتفق على نبذ كل ماهو ضار بالمجتمع

ولكن فوجئت ببعض المختلفين باسم الفن وها الكلام الى اخره ( عموما الموضوع قتل بحثا وعرضت وجهات النظر هذه قبل سابق ومفيش داعى لاعادتها)

ارجو انك تضيفى رايك عادى سوى بالموافقة او بالمعارضة ( هذا حقك )

- نقطة اخرى انا ماليش دعوة بالاخت لولا ولا براى احد...كل واحد حر فى رايه والكلام مش بفلوس

اخيرا ....مفيش مجال للمقارنة بين اقل المشايخ وبين المدعو خالد يوسف

لان هذا الشيخ اللى مش عاجبنا ..اسوأ الفروض هو شيخ والله اعلم بظروفه...ووارد الخطا وعندما اخطا فاعتقد اول ناس وقفت له هم المتدينون او المهتمين بالدين

وحتى عندما اخطا ورده الناس عاد واعتذر وعزلته جامعة الازهر من التدريس واتخذوا معه اللازم

لكن ماذا يفعل المخرج العظيم المعجزة ...يقول ده فن ..ده مش عارف رسالة والكلام الخايب ده اللى لا بيودى ولا بيجيب

هل مرة اعتذر ..ابدااااااااااااااااااااا

ثم الخطا وارد فى كل البشر ...فمثلا عندما يخطىء طبيب فى عملية تؤدى الى الوفاة ...هل نمنع الاطباء من مزاولة عملهم ...مبيحصلش اكيد

- اما بالنسبة لحكاية ان ما يفعله خالد يوسف ليس الوحيد الذى يشوه سمعة مصر

وان هناك كذا وكذا

كل هذا لا يوضع مع ذاك ...ليييييييييه لان كل الدول المتقدمة والنامية عندها مشاكل وعندها سلبيات لكن مبتحاولش تظهر هذا الوجه او هذه السلبيات ولكن مع انتشار وسائل

الاعلام برده بنعرف عنهم كل حاجة ..وبيوصلنا عنهم اللى بنشوفه او نقراه

ومثال على ذلك ...اليابان كلنا نسمع ونقرا ونشوف انها متقدمة منظمة...ولكن عندهم برده قضايا فساد...عمرك سمعتى عنه؟؟؟

مع انه اتعرض برده فى وسائل الاعلام

ايشحال بقى ده فيلم وبيعرض فى كل الدول العربية ومش فيلم واحد دى سلسلة ....حسبى الله ونعم الوكيل

ختاما: اظن كلامى واضح ومش محتاج لتعليق

يعنى ياباشمهندس لما الاخت ريم قالت ان الموضوع اللى حضرتك فتحته مش تشوية لسمعة مصر بقدر مصائب أخرى هية بالفعل الأكثر خطار على سمعة مصر

بقت بتخرج عن الموضوع؟

بالعكس

ده هوة ده الموضوع

مش حضرتك برضة بتتكلم عن سمعة مصر اللى اتشوهت؟

ولا كل اللى قالته الأخت ريم مش بيشوه سمعة مصر

وخالد يوسف وأفلامه هوة اللى بيشوهها؟

مش قادر أتفق معاك خالص

[عاشق الترحال]

ببساطه إذا كان المعيار اللي بنقيس بيه كمسلمين هو المعيار الديني فأكيد هنشوف افلام خالد يوسف وغيره حرااااااااام نظرا لما تحتويه من عري وزنا وقمار وخمر وأفعال محرمه ودعوى صريحه لكل ما هو بذئ وقبيح ومحرم .

وبالأمس سمعت كلمه في برنامج من أحد الأفاضل ردا على سؤال متصل يسأل عن رأي الدين في مشاهدته لبرنامج معين لا أتذكره هل هي حلال أم حرام ؟

فأجابه ببساطه تخيل أن النبي عليه الصلاه والسلام زارك في بيتك فهل كان سيجلس معك ليشاهد هذا البرنامج أو هذا الفيلم ؟؟؟

وقاله من هنا إجعل هذا معيار لك في كل الأمور .

ومع احترامي للجميع بس مفيش حاجه اسمها بلاش ندخل الدين في السكه دي لأننا ببساطه كمسلمين ملناش غير معيار الدين وما أحله الله وما حرمه الله هو المعيار .

أما الناس اللي عندها معيار تاني تقيس بيه فهم أحرار وكل سيسأل عن عمله وعما روج له من أفكار .

وأذكر الجميع بقوله تعالي بسم الله الرحمن الرحيم ( إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ ) صدق الله العظيم .

ومش واجب بس على رجال الدين التصدي لهذا الفساد لأ ده واجب على كل رجل حر شريف عنده غيره وحياء ونخوه ورجوله فعلا أن يقول لهؤلاء المفسدين كفايه تشويه لصورتنا وصورة مصر وكفايه نشر للفساد والرزيله والقباحه .

وأقولها بكل ثقه وهتحاسب عليها امام الله إن كان الأمر بيدي كنت منعته هو وأمثاله من نشر سمومهم في المجتمع .

تحياتي :ninja: :lol: :wub:

[MZohairy]

ومع احترامي للجميع بس مفيش حاجه اسمها بلاش ندخل الدين في السكه دي لأننا ببساطه كمسلمين ملناش غير معيار الدين وما أحله الله وما حرمه الله هو المعيار .

لأ طبعا

لأن احنا قلنا قبل كده مش كل اللي بيتناقشوا مسلمين ...و ده اولا

و قلنا ان حتى المسلمين مش كلهم من طبقات اجتماعيه و ثقافيه واحده لتشترك في قبول او رفض كل الأمور معا

أما الناس اللي عندها معيار تاني تقيس بيه فهم أحرار وكل سيسأل عن عمله وعما روج له من أفكار .

سبق و تناقشنا كثيرا حول معيار الفاحشة و اظن اننا اذا كررنا كل ما قلناه في السابق سيضيع الكثير من وقت القارئ و الكاتب

تم تعديل 13 فبراير 2010 بواسطة mzohairy

[عاشق الترحال]

ومع احترامي للجميع بس مفيش حاجه اسمها بلاش ندخل الدين في السكه دي لأننا ببساطه كمسلمين ملناش غير معيار الدين وما أحله الله وما حرمه الله هو المعيار .

لأ طبعا

لأن احنا قلنا قبل كده مش كل اللي بيتناقشوا مسلمين ...و ده اولا

لا أعتقد أن دين المسلمين أو دين غير المسلمين يأمر معتنقيه بمشاهدة الخلاعه والقباحه أو يدعوا لإشاعه الرزيله !!!

و قلنا ان حتى المسلمين مش كلهم من طبقات اجتماعيه و ثقافيه واحده لتشترك في قبول او رفض كل الأمور معا

بس أكيد عالأقل المرجعيه واحده وهي الكتاب والسنه ومهما إختلفت الأفكار بين العلماء فالكل مجمع على أن الزنا حرام والخمر حرام والقمار حرام والعري حرام والقباحه دي حرام صح ولا حضرتك لك رأي تاني md2:

أما الناس اللي عندها معيار تاني تقيس بيه فهم أحرار وكل سيسأل عن عمله وعما روج له من أفكار .

سبق و تناقشنا كثيرا حول معيار الفاحشة و اظن اننا اذا كررنا كل ما قلناه في السابق سيضيع الكثير من وقت القارئ و الكاتب

معيار الفاحشه بيتقاس ازاي معلش ممكن حد يوضح لي ؟؟؟!!!

وهل ما يقدمه خالد يوسف ومن على شاكلته من مشاهد قبيحه يجوز لنا أن نعتبرها بهذا المعيار الذي تتحدث عنه أنه بيقدم فضيله وحكم ومواعظ وأخلاق ساميه ومثل عليا وعزه وشهامه ونخوه وغيرها من آداب المجتمع ؟؟!!!!

زهيري باشا أنا معياري كمسلم هو الدين والحلال ما أحله الله والحرام ما حرمه الله حتى ولو ضعفت في لحظه وإرتكبت معصيه من المعاصي فلا أكابر وأحلل الحرام لنفسي وأسأل الله أن يغفر لي ذنوبي وللمسلمين .

وكما قلت سابقا اللي عنده معيار تاني هو حر وكل سيسأل عن عمله . لكن اقولها بكل وضوح وصراحه أنا ضد أفلام خالد يوسف حتى ولو كانت بتناقش قضايا مهمه لأنه يستغل مناقشته للقضيه في الترويج لأفكار هدامه كالذي يدس السم في العسل .

واتفرج على سينما اليومين دول والأفلام اللي ماليه السوق وانت تعرف أن خالد يوسف وغيره من القوااااديين فعلا عندهم رساااااااااااله بجد !!

لكنها رسااااااااااااااله شيطانيه هدفها الأول والأخير هدم المجتمع وطمس كل ما له علاقه بالأخلاق والدين والأدب والذوق .

وأقولها بأعلى صوتي ( حسبنا الله ونعم الوكيل )

تحياتي wst:: md2:

تم تعديل 13 فبراير 2010 بواسطة عاشق الترحال

[osaimi]

هذا المخلوق لا يعبر إلا عن نفسة وعن شلة العاهرين والعاهرات أمثاله ، والله يجب علينا جميعا تقديم بلاغ للنائب العام عن مرمطة سمعتنا كمصريين بهذا الشكل

[engmido]

يا ا/زهيرى هو حضرتك لسه معترض ؟؟؟؟

زى ما الراجل قال المرجعية واحدة واللى عايز يختلف هو حر...او بمعنى اصح اللى مش عايز يعمل بالذى هو معروف هو حر

او كما قال : {وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالًا مُّبِينًا} ...صدق الله العظيم

وشكرااااا

الاخ عاشق الترحال ..لا فض فوك ( يسلم فمك....هههههههههه)

[MZohairy]

يا ا/زهيرى هو حضرتك لسه معترض ؟؟؟؟

زى ما الراجل قال المرجعية واحدة واللى عايز يختلف هو حر...او بمعنى اصح اللى مش عايز يعمل بالذى هو معروف هو حر

او كما قال : {وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالًا مُّبِينًا} ...صدق الله العظيم

وشكرااااا

الاخ عاشق الترحال ..لا فض فوك ( يسلم فمك....هههههههههه)

طبعا معترض يا فندم

فإذا اردتوا ان تظهروا ان من يعارض فن خالد يوسف ملائكة طاهرون و هم اللي بيعملوا المعروف و من يخالفونكم الرأي شياطين فاسقون و اعمالهم خبيثه...يبقى سامحوني لازم اعترض و اقول ان كلامكم غير صحيح

و مش ممكن حنعيد كل الكلام اللي قلناه قبل كده تاني و الا يبقى حوار الطرشان اكثر قدره على السمع من حوارنا هذا

حاولوا تقروا الموضوع من اوله كويس عشان مفيش داعي نقعد اسبوعين ساكتين و نرجع نبتدي من الأول تاني فضلا

شكرا

[Abu Reem]

نفسي يا عزيزي زوهيري ان تقف في صف المنطق والحق دون مراوغة ، فمن الذي لم يقرأ الموضوع من أوله

نحن نقول ان ما ينشره خالد يوسف في افلامه خطر على مجتمعنا وخطأ وله مضار كثيرة...وكتبنا مرارا ما اسباب هذا الذي نقوله

- فترد وتذكر شيء اخر وتتسائل هل من ينتقدون خالد يوسف ملائكة وهمه اللي يعملوا المعروف وان من يخالف هذه الرؤية شياطين...

يا عزيزي من ينتقد هذه المخرج ليسوا ملائكة وقد يكونوا يفعلوا أخطاء كثيرة ولكننا نتكلم عن من ينشر خطأه وافكاره على الملأ ..يشاهدها ملاييين في بيوتهم...!!! فأنا أعترض على افلامه واعمل ذنوب واخطاء فهل لا يحقي لي انتقاد افلامه والتحذير منها؟؟

- وهل لما اقول ان من يؤيد أفلامه ويحبها ات تشيع وتنتشر في المجتمع أنه مخطيء وعليه ان يراجع نفسه ..هل معنى هذا أنني أعني أن مؤييده ابالسة وشياطين ويستحقوا الشنق....ولكنهم بالتأكيد ...يحتاجوا تنبيه ..ونصيحة....على الأقل في مجتماعتنا..الشرقية..العربية...ذات الغالبية المسلمة والمسيحية التي لا ترضى ...بنشر الإنحلال.......

[msayed]

أصبح الفن هو المقنن للرذيلة أو بمعنى أصح أصبحت الرذيلة فيه رسالة عندما خرجت الحكمة أو القول المأثور القائل بان المشاهد الإغراء فيه ضرورية ومطلوبة طالما هى "فى السياق الدرامى" أما غير ذلك فهى تبقى قلة ادب وكلام فارغ. ولم نعدم من الفنانين من يأتى بعد فيلم مليء بالحرام والعرى ليقول "الحمد لله إنه وفقنى والعمل نجح". وتظهر الممثلة بعد فيلم او مسرحية مليئة بالملابس الفاضحة وتقول نفس الكلام.

ولا ادرى فى أى مشهد بالظبط وفقهم الله عز وجل؟؟؟!!!!! هدانا الله وكل الناس لى ما فيه رضاه ونسأل الله أن يرنا الحق حقا ويرزقنا إتباعه وأن يرنا الباطل باطل ويرزقنا إجتنابه.

تم تعديل 13 فبراير 2010 بواسطة msayed

[MZohairy]

نفسي يا عزيزي زوهيري ان تقف في صف المنطق والحق دون مراوغة ، فمن الذي لم يقرأ الموضوع من أوله

نحن نقول ان ما ينشره خالد يوسف في افلامه خطر على مجتمعنا وخطأ وله مضار كثيرة...وكتبنا مرارا ما اسباب هذا الذي نقوله

- فترد وتذكر شيء اخر وتتسائل هل من ينتقدون خالد يوسف ملائكة وهمه اللي يعملوا المعروف وان من يخالف هذه الرؤية شياطين...

يا عزيزي من ينتقد هذه المخرج ليسوا ملائكة وقد يكونوا يفعلوا أخطاء كثيرة ولكننا نتكلم عن من ينشر خطأه وافكاره على الملأ ..يشاهدها ملاييين في بيوتهم...!!! فأنا أعترض على افلامه واعمل ذنوب واخطاء فهل لا يحقي لي انتقاد افلامه والتحذير منها؟؟

- وهل لما اقول ان من يؤيد أفلامه ويحبها ات تشيع وتنتشر في المجتمع أنه مخطيء وعليه ان يراجع نفسه ..هل معنى هذا أنني أعني أن مؤييده ابالسة وشياطين ويستحقوا الشنق....ولكنهم بالتأكيد ...يحتاجوا تنبيه ..ونصيحة....على الأقل في مجتماعتنا..الشرقية..العربية...ذات الغالبية المسلمة والمسيحية التي لا ترضى ...بنشر الإنحلال.......

طب و رحمة امي كده التاريخ بيعيد نفسه يابو ريم و بنكرر حوار للمره مش عارف الكام

نعيد تاني...

انا قلت قبل كده اني مابحبش مبالغته في اظهار الواقع

و قلت انه احيانا بيجيب مناظر خارجه للتعبير عن مضمون معين عايز يوضحه بس كان يقدر يجيب مناظر اقل خروجا و برضه حيفضل المعنى واضح جدا

يعني انا مش راضي عن اجزاء من شغله

لكن لا شك عندي انه فنان

و الكثير من اعماله رغم ما بها من خروج احيانا مفيده للمجتمع لكشف الواقع المبتغى اصلاحه

و اتفقنا على ان الفاحشه واضحه المعالم لدى الجميع و لكن هناك الكثير من التصرفات يراها بعض المستويات الاجتماعيه غلط او عيب او فاحشه و لا يراها باقي المجتمع كذلك

فالخلط هنا واضح

و ربط الفن بالدين صعب جدا في ظل بعض المفاهيم الدينية المتشددة التي انتشرت حديثا

فكما شرحت سابقا ان من يرى كل اعمال خالد يوسف حرام

يرى ايضا كل انواع الموسيقى حرام

و كل انواع رسم الإنسان حرام

و كل انواع النحت حرام

و التصوير حرام

و بالتالي سيصبح الدين بهذا المفهوم قاتل لكل الفنون و هو ابعد ما يكون عن مقاصد الدين الصحيح و هو اقرب للدين بالمفاهيم الاجتماعيه المستوردة من الخارج المنغلق

المختصر المفيد علينا ان ننصح خالد يوسف بمحاولة مراعاة مشاعر المتفرج المتشدد قليلا بالبعد عن المناظر الخارجة قدر الامكان

و اتاحة الفرصة للرقابة التليفزيونية (فقط و ليست السينمائية) بالقيام بدور ما في قص ما قد يزعج و لا يلائم بعض اصناف المشاهدين للتليفزيون

و ننصح ايضا المشاهد المتشدد بعدم مشاهدة افلام خالد يوسف اذا كانت تسبب له ازعاجا

شكرا

[osaimi]

مقال من محيط - شبكة الاعلام العربية

زنا، دعارة، شذوذ..

الجنس عند "غادة" و"خالد" لازم يكون في الحرام!

محيط ـ عادل عبد الرحيم

[غادة عبد الرازق وخالد يوسف]

غادة عبد الرازق وخالد يوسف

ماذا تريد غادة عبد الرازق ومخرجها خالد يوسف من المشاهدين، وهل المطلوب فقط تحقيق أعلى الإيرادات والسعي للشهرة على حساب القيمة السامية للفن، وكيف نتوقع أن ينجذب الجمهور لفيلم جاد بعدما شاهد ما تخفيه ملابس هذه الفنانة ولهثت مشاعره خلف مشاهد السرير الذي يهتز من هول ما يجري فوقه؟

هذه التساؤلات وغيرها أول ما يقفز على فكر كل من يتعرض لجرعة الجنس الزائدة جدا التي يحرص المخرج "الفلتة" خالد يوسف في جميع أفلامه والتي يعتبرها حصان الرهان لاكتساح منافسيه عبر الاستمالات الجنسية الرخيصة المبتذلة التي لا تصنع فنانين حقيقيين، وإن كانت تضعهم في إطار آخر لا مجال لذكره حاليا.

فحسبما يرى الكثيرون فإن الجنس محرك قوي للحياة.. وهذه حقيقة لا تقبل الشك، لكن أن يتحول هذا المارد الكامن إلى أداة لسلب إرادة المشاهدين وتحويلهم إلى قطعان جنسية فهذا ما لا يقبله أحد.

وبقراءة بسيطة لأشهر فيلمين للمخرج "الواقعي" خالد يوسف وممثلته "الشهية" غادة عبد الرازق، وهما حين ميسرة

وكلمني شكرا، سيجد المشاهد نفسه أمام مخرج يقدم ممثلة قربانا لهذا المارد الجنسي، ففي الأول تقوم غادة بدور "قوادة" تدير شقتها لممارسة الرذيلة والعهر وفي نهاية الليل تتحول هي إلى "سحاقية" تمارس الشذوذ مع من تتصيدها.

وكم كانت الصدمة عنيفة لدرجة يعرفها كل من شاهد هذا المشهد الذي قدم يوسف من خلاله غادة وهي تراود "صاحبتها" سمية الخشاب على النصف الأسفل من جسدها، فيما تصرخ سمية قائلة: "انتم كلكم طمعانين في جسمي" فترد عليها غادة باقتدار: "وهو انت حيلتك غيره يا بنت .....".

أما الفيلم الأخير المعروف بـ"كلمني شكرا"، فلم يترك خالد يوسف شاردة ولا واردة في جسد غادة إلا عراها، وكانت نموذج "للخيانة الزوجية"، بحسب تعبير الممثل الذي كان يحبه الكثيرون عمرو عبد الجليل، حتى أن قمصان النوم ومشاهد اللقاءات الجنسية بداية من "توشكى" وانتهاء بصاحب العمارة الذي تقدم له جسدها بديلا عن دفع الإيجار.

هذا طبعا بخلاف الكلام الجنسي الصارخ بداية من : "ابقى دور على ميتك تسخن" التي قالتها عقب انتهاء مشهد جنسي ساخن مع توشكى، ومرورا بقمصان النوم التي شهد بفظاعتها كل من تعرض للفيلم.

كذلك لم ينس يوسف توظيف جسد الممثلة داليا إبراهيم في مثل هذه المشاهد الساقطة، ولم أكن أتصور أن يأتي الفيلم الذي أسمع فيه هذه العبارة الجنسية التي أطلقها عبد الجليل حين قال: "أنا قلبي في النص التحتاني الحقيه بقى بسرعة أحسن خلاص ....".

هذا طبعا بخلاف القنبلة الجنسية الشابة "حورية" التي لم تحرم عيني المشاهدين من تعرية أدق تفاصيل جسدها مقابل شحن الموبايل في دلالة لتدني الأخلاق والشرف، والتي استطاعت من خلاله ببراعة "وقف كل أجهزة جسم الرجال"، على حد تعبير شيخ السجادة المنافق الذي وظفه خالد يوسف كنموذج سيء للملتزمين دينيا.

أما بالنسبة لغادة عبد الرازق التي لا يستطيع أحد التقليل من مواهبها الفنية، فإنها كما يرى الكثيرون تنزلق دون أن تحسب حساباتها إلى هوة سحيقة لا يعلم مداها أحد، فهي تترك نفسها لأي مخرج يوجهها حيث يشاء كما حدث في فيلم الريس عمر حرب الذي ظهرت فيه أيضا كعاهرة تقدم جسدها مقابل الحصول على أموال للعب القمار، حتى أنها قدمت ابنتها الطفلة الصغيرة لثري عربي ليهتك عرضها مقابل حصولها على 10 آلاف دولار.

وإذا تحدثنا عن المخرج خالد يوسف فلا يمكن أيضا إغفال عبقريته ودقته المتناهية في إخراج عمله الفني بصورة قد تفوق الواقع عدة مرات إلى حد المبالغة الممقوتة، فهل رأى أحدكم جيران بهذه السفالة والوقاحة للدرجة التي يختلط فيها الأزواج بالزوجات، وإن كانت هناك حالات فرية فهل من الطبيعي تقديمها على هذا النحو من الفجاجة التي توحي بأن المصريين شعب لا يعرف إلا الرذيلة ولا يفكر سوى بأعضائه التناسلية.

فيوسف لا يتذكر في جميع أعماله سوى تجسيد العلاقات الجنسية الحرام بجميع صنوفها، زنا، دعارة، شذوذ، وكأن المجتمع المصري يطفو أعلى فوهة بركان ينطلق بالحمم الجنسية المحرمة غير السوية، حتى أن البعض لاحظ أن جميع أفلام يوسف لم تحتو على مشهد سريري بين رجل وزوجته، والسؤال هنا لماذا كل هذا.

مشهد مقزز آخر يحرص خالد يوسف على دسه في أغلب أفلامه وهو عبارة عن عادة جاهلية انقرضت تماما من مصر ألا وهي إشهار فض غشاء البكارة أو ما يطلق عليها "الدخلة البلدي" وهي مسألة غاية في الامتهان لكرامة الفتاة وزوجها بفضح ما يدور بينهما خلال العلاقة الحميمية الأولى، مما يعزز الرأي القائل أن مثل هذه الأفلام لا تعطي إلا الانطباعات السلبية عن مصر والمصريين.

انتهي

---------------------------------------

واللي عاوز يقرا الردود

http://www.moheet.com/show_news.aspx?nid=344208&pg=19

[engmido]

ا/ osaimi

مش عارف ارد اقول ايه....ولكن بارك الله فيك وعليك

واللى بيحصل ده مالوش علاقة خالص بالموضوع بتاع الفن والذى منه

ا/ حسام

انا مش معترض على مداخلة الاخت ولكن انا فاتح موضوع للمناقشة....ورديت ووضحت المقصود منها

مثلا انا بقولك انت وحش ...ترد تقوللى يعنى مفيش غيرى....طبعا لا متغيرش الموضوع....خليك فى نفسك ( الموضوع عبارة عن انت وحش يبقى نبحث اسباب وحاشتك دى ايه)

وشكراا لك

ا/ زهيرى

استحلفك بالله العظيم

احنا لا بنعيد ولا بنزيد وحضرتك اللى مصر فعلا تراوغ وتغير الموضوع وتعيد من اول وجديد

ياسيدى لو حضرتك معترض على كلام الله وعلى كلام رجال الدين اللى مش عاجبينك ( محدش بيشرع بمزاجه) انت حر

والقران والسنة مش بيتفهموا بالمزاج او مجدش بيفهم لوحده ويقول لا هى كده

بس استحلفك بالله العظيم ماترجعش الحوار اللى بقاله 15 صفحة اهه

واذا كان عندك رد جديد ف اهلا ومرحبا بك

واذا كنت هتعيد نفس الكلام وتكلمنى عن الفن والموسيقى والنحت والفن التشكيلى والتجريدى والسريالى والتصوير والكلام اللى احنا ما تطرقنالوش خااااالص

فارجوك اعفينا مشكوووووووووورا

وشكرااااا لك