كفاك تشويه لصورة و سمعة مصر يا خالد يوسف

[engmido]

وانتم زعلانين من خالد يوسف ليه ؟ متوقعين ايه من تلميذ يوسف شاهين ؟؟

من جهة فنان هو ( للاسف فنان ) ومن جهة انه احسن واحد في جيله فبرضه للاسف هو كده اخراجه لا غبار عليه وفعلا من القلائل الي ممكن نطلق عليهم مخرجين .. اما من جهة طرحه وتصويره لمصر على انها دعارة وانحراف ومخدرات فقط لا غير فده شيء طبيعي جدا مش لان مصر كده ولا حتى لان في بعض اماكنها كده وانما لان كل اناء ينضح بما فيه وكل يرى الناس بعين طبعه ..

عن نفسي كل ماشوف تلميذ يوسف شاهين النجيب في لقاء تلفزيوني او اسمعه بيدافع عن افلامه افتكر مشهد اشرف عبد الباقي في فيلم رشة جريئة والمخرج بيقوله انا اخترتك انت من دونهم كلهم عارف ليه ؟ .. عشان كله داهن .. وانت راشش ..

خالد يوسف بيدي الصنعة حقها و ( راشش ) ياجماعه خلاص بقى سيبوه في حاله :blush2: ..

الاخت doha

انا حاسس كده انك عايزة تقولى ( ان طلع العيب من اهل العيب ميبقاش عيب)..........ههههه

بس عموما شكرا لمشاركتك............وارجو ان توضحى موقفك دون ديبلوماسية

يعنى لو عايزة تقولى انه منحط قولى ..........لو عايزة تقولى انه فنان والكلام ده برده مفيش مشكلة

ولكن المتاجرة بالفاحشة وسمعة بلد.......... والمغتربين كما وضحت فى مداخلات سابقة اكثر من يعرف معنى هذه الكلمة لا علاقة لهم بالفن ولا حتى بالداب العامة والاخلاق

لان الافلام عموما فى افضل حالاتها لمن يشاهدون الافلام ...........ليست الا للترفيه ولكن حتى الترفيه ليس له علاقة بما يعرض

وشكرا لمداخلتك مرة اخرى :blink:

[myusername]

وانتم زعلانين من خالد يوسف ليه ؟ متوقعين ايه من تلميذ يوسف شاهين ؟؟

من جهة فنان هو ( للاسف فنان ) ومن جهة انه احسن واحد في جيله فبرضه للاسف هو كده اخراجه لا غبار عليه وفعلا من القلائل الي ممكن نطلق عليهم مخرجين .. اما من جهة طرحه وتصويره لمصر على انها دعارة وانحراف ومخدرات فقط لا غير فده شيء طبيعي جدا مش لان مصر كده ولا حتى لان في بعض اماكنها كده وانما لان كل اناء ينضح بما فيه وكل يرى الناس بعين طبعه ..

عن نفسي كل ماشوف تلميذ يوسف شاهين النجيب في لقاء تلفزيوني او اسمعه بيدافع عن افلامه افتكر مشهد اشرف عبد الباقي في فيلم رشة جريئة والمخرج بيقوله انا اخترتك انت من دونهم كلهم عارف ليه ؟ .. عشان كله داهن .. وانت راشش ..

خالد يوسف بيدي الصنعة حقها و ( راشش ) ياجماعه خلاص بقى سيبوه في حاله :blush2: ..

الاستاذة الفاضلة ضحى... كلما رأيت احدى تعليقاتك, سعدت بها... أسلوبك الساخر المدمج بكلام له مضمون حقيقى... دائما ما يثير الكثير من الافكار... و الضحكات أحيانا فى قلبى.

و عموما... كما قلتى, ماذا نتوقع من واحد اتجوز عرفى بنت عندها 21 سنة... هنتوقع منه ايه يعنى؟

[om marawan]

اما الحديث عن السلبيات فقط.. فهو امر لا طائل منه!

خالد يوسف او اى مخرج بيقدم فن مرفوض بشكل او باخر هيستمر طول ما افلامه تثير نوع من الجدل او حتى الرفض والاشمئزاز

الاخ اللى طلع يبكى من فيلم دكان شحاتة وفاكر ان ده حال مصر والمجاعة هو السبب فى ان خالد يوسف يخرج تانى وتالت

محمد صبحى امس فى دائرة الضوء قال ان المشاهد اللى بيضع ال 20 مليون ايرادات فى جيب المنتج بيرتكب جرم لا يقل عن جرم المخرج والمنتج اللى بيقدموا فيلم سطحى او مرفوض او غيره

الأهم هو ان نلتزم فى حياتنا عموما كل منا بقيمه و ردود أفعاله و بخااااااصة ايضا ""أسلوبه فى الخلاف ""

وأعتقد الأفضل عدم مهاجمة احد من بلد اخر او شخص يتبنى رأى اخر ونعتبر ان اراءنا فقط هى للناس اللى لسه عندها قيم ومبادىء

[حسام يوسف]

هة؟

مفيش حد تانى عايز يشتم خالد يوسف؟

مفيش حد تانى عايز يهاجم اللى بيقدره ويحبه ويحترمه يا من تحترمون أصول الحوار وأدب الخلاف؟

[ابو محمود]

الفن دة لة ناسة ومريدية وياسلام بقى لوكل واحد قدر يعرفنا اي فايدة افلام محشوة بالعرى العقلى والشذوذ وكأن مصر اهلها كدة

العجيب بقى ان كل اهل الفن اليومين دول لا يمتون للفن بل للأوبيج والملايين وسيبكو بقى من التعارك

وخلينا نسترجع الفن الاصيل لما كانت السينما بتعلم شعب ازاى يكون محترم مش شمام وشاذ وزانى

الفن هو وجة حضارى لأهلة اما عندنا فهو موجهة من نظام يعى تمامآ هو عايز يوصل لأية كرهو الناس فى التعبد والتستر ويريدون ان ينشرو الرزيلة

مثال لو انت عايز تعلم ابنك الادب وانة ما يزنيش او ما يشربش مخدرات تعمل قدامة الفحشاء ولا تخدة وتعرفة بيوت الداعرات وكيفية التعرف عليهم ولا تفهة ان من يفعل الفحشاء لابد ان تفعل بة

ولا لازم يجيب الفنان المخرج منظر جنسى او شاذ فاضح من اجل تعريفنا ان الفحشاء غلط ؟

زمان كانو عندما يعرضو تلك المفاهيم علينا كانو بيستخدمو ايحاءات محترمة وما بيظهرش لك الا منظر ما تتخيل فية وقوع الفاحشة من المشهد اللى انت شايفة

حتى المخدرات بقو لازم يظهرو القاعدة بتاعة الشمامين او المحششين وبيقولو دة فن طب يأخى اظهر ما هى حالة من اصابة لعنة التعاطى والادمان واحنا ولادنا هيخافو من منظرهم

زمان كانت الافلام بتطلق على مدمنى المخدرات كلمة (سوكالانة ) يعنى تحويل شخص سليم الى ممياء تمشى بين البشر وتعرفنا عليها فى صبانا بهذا الاسم الان تظهر علينا السينما من خلال الفنانين ماهو يعلم ابناءنا ويعرفهم كيف يحصلو على المخدرات وكيفية تعاطيها الله يرحم الفن ورجالاتة

[wagdi]

" هذه الشاشة ليست سوى قطعة قماش، لا تفرق كثيرا عن ملاة السرير، الصور التى سوف ترونها تنعكس على الشاشة ولا تنبعث منها. بعد قليل سترون قطارا مسرعاز تذكروا أيها السادة أن هذه مجرد صورة للقطار، وبالتالي لا يوجد أى خطر عليكم"....

هذه العبارة كتبها علاء الأسواني في مقدمة كتابه نيران صديقة...و الحكاية أن عندما جاء أول عرض سينمائى لمصر كان في الأسكندرية عام 1896 وأقيم في قاعة يملكها رجل إيطالي... وكان الفيلم المعروض عبارة عن لقطات متفرقة بدائية لمشاهد قصيرة... مثلاً مشاهد للشوارع أو للبحار.. وكان أحد المشاهد عبارة عن صورة قطار مسرعاً يتجه نحو المتفرجين... وحدث أن في العروض الأولى كان المتفرجون يصابون بالذعر وقد يصرخون أو يتدافعون خارجين من القاعة هرباً من القطار... فأهتدى صاحب القاعة الإيطالي لفكرة أن يجعل الناس يلمسون الشاشة قبل العرض ويشرح لهم أن الصورة التي يرونها ما هي إلا إنعكاس وأن لا خطورة عليهم...

أنا أفتكرت مقدمة علاء الأسواني عندما رأيت هذا الموضوع والتعليقات عليه....

يا جماعة الخير... لو فيلم أو مقال أو رواية حيأثر في سمعة بلد يبقى حاجة من أتنين.. يا البلد دي هشة جداً جداً جداً لدرجة إن فيلم يأثر في سمعتها يا إما هيا أصلاً سمعتها وحشة من غير حاجة...

والفيلم أبو مناظر وحشة بيبقى قدامه فيلم بمناظر حلوة... والكتاب إلى بيقول يمين المفروض فيه جنبه كتاب يقول شمال وكتاب يقول فوق وكتاب يقول تحت وكتاب يقول مافيش فايدة...

طب يعني الرئيس الأمريكي... أي رئيس أمريكي بيتمسح بيه بلاط السيراميك تريقة على الكبيرة والصغيرة... في الأفلام وفي البرامج وفي الكتب والمقالات وممكن كمان يطلعوه في الأفلام السكس... والرئيس أو الملك العربي... اي رئيس أو ملك عربي...يصور كإله أو كنبي لا ينطق عن الهوى في كل الوسائل المرئية والمسموعة والمشمومة... طيب بذمتكوا... مين فيهم إلى سمعته وحشة... مين إلى بيطلع يجري على التاني علشان يبوس الأيادي...

العبرة مش بالأفلام والمسلسلات والروايات... دى المفترض أنها عالم إفتراضي.. ممكن تخليه شبه الواقع وممكن تخليه جزء من الواقع وممكن تخليه لا يمت للواقع بصلة... وممكن تعمل خليط من كل دول.... وإلى بيتفرج أو بيقرا المفترض فيه إنه تعدى مرحلة الطفولة ويقدر يفرق بين الخيال والواقع...

والأمريكاني لما بيدخل فيلم فيه العربيات كلها بتسابق بعض في الشوارع والبطل ماسك مسدس وعمال يبرطع طول الفيلم في الشارع محدش بيكلمه عارف إن ده خيال أو على الأقل مبالغة شديدة... ولما بيطلع من السينما ويبص على الواقع بيتأكد له إن ده كان خيال أو مبالغة...

أقولكوا بقى المشكلة فين... المشكلة لما تتفرج على فيلم كله إسفاف وقلة ذوق وعشوائيات وتطلع من السينما تلاقى الكلام ده وأكتر في الواقع...

هنا المشكلة....

تصبحوا على خير...

[حسام يوسف]

" هذه الشاشة ليست سوى قطعة قماش، لا تفرق كثيرا عن ملاة السرير، الصور التى سوف ترونها تنعكس على الشاشة ولا تنبعث منها. بعد قليل سترون قطارا مسرعاز تذكروا أيها السادة أن هذه مجرد صورة للقطار، وبالتالي لا يوجد أى خطر عليكم"....

هذه العبارة كتبها علاء الأسواني في مقدمة كتابه نيران صديقة...و الحكاية أن عندما جاء أول عرض سينمائى لمصر كان في الأسكندرية عام 1896 وأقيم في قاعة يملكها رجل إيطالي... وكان الفيلم المعروض عبارة عن لقطات متفرقة بدائية لمشاهد قصيرة... مثلاً مشاهد للشوارع أو للبحار.. وكان أحد المشاهد عبارة عن صورة قطار مسرعاً يتجه نحو المتفرجين... وحدث أن في العروض الأولى كان المتفرجون يصابون بالذعر وقد يصرخون أو يتدافعون خارجين من القاعة هرباً من القطار... فأهتدى صاحب القاعة الإيطالي لفكرة أن يجعل الناس يلمسون الشاشة قبل العرض ويشرح لهم أن الصورة التي يرونها ما هي إلا إنعكاس وأن لا خطورة عليهم...

أنا أفتكرت مقدمة علاء الأسواني عندما رأيت هذا الموضوع والتعليقات عليه....

يا جماعة الخير... لو فيلم أو مقال أو رواية حيأثر في سمعة بلد يبقى حاجة من أتنين.. يا البلد دي هشة جداً جداً جداً لدرجة إن فيلم يأثر في سمعتها يا إما هيا أصلاً سمعتها وحشة من غير حاجة...

والفيلم أبو مناظر وحشة بيبقى قدامه فيلم بمناظر حلوة... والكتاب إلى بيقول يمين المفروض فيه جنبه كتاب يقول شمال وكتاب يقول فوق وكتاب يقول تحت وكتاب يقول مافيش فايدة...

طب يعني الرئيس الأمريكي... أي رئيس أمريكي بيتمسح بيه بلاط السيراميك تريقة على الكبيرة والصغيرة... في الأفلام وفي البرامج وفي الكتب والمقالات وممكن كمان يطلعوه في الأفلام السكس... والرئيس أو الملك العربي... اي رئيس أو ملك عربي...يصور كإله أو كنبي لا ينطق عن الهوى في كل الوسائل المرئية والمسموعة والمشمومة... طيب بذمتكوا... مين فيهم إلى سمعته وحشة... مين إلى بيطلع يجري على التاني علشان يبوس الأيادي...

العبرة مش بالأفلام والمسلسلات والروايات... دى المفترض أنها عالم إفتراضي.. ممكن تخليه شبه الواقع وممكن تخليه جزء من الواقع وممكن تخليه لا يمت للواقع بصلة... وممكن تعمل خليط من كل دول.... وإلى بيتفرج أو بيقرا المفترض فيه إنه تعدى مرحلة الطفولة ويقدر يفرق بين الخيال والواقع...

والأمريكاني لما بيدخل فيلم فيه العربيات كلها بتسابق بعض في الشوارع والبطل ماسك مسدس وعمال يبرطع طول الفيلم في الشارع محدش بيكلمه عارف إن ده خيال أو على الأقل مبالغة شديدة... ولما بيطلع من السينما ويبص على الواقع بيتأكد له إن ده كان خيال أو مبالغة...

أقولكوا بقى المشكلة فين... المشكلة لما تتفرج على فيلم كله إسفاف وقلة ذوق وعشوائيات وتطلع من السينما تلاقى الكلام ده وأكتر في الواقع...

هنا المشكلة....

تصبحوا على خير...

وحضرتك من اهله

:blush2:

[بركة]

الحقيقة شاهدت فيلم دكان شحاته بناءا على اعجاب كثير من الاعضاء هنا به ومدحه في موضوع قديم خاص بالفيلم

وبعدما شاهدته ندمت ايما ندم واستغفرت الله

وسؤالي لنفسي ولكل محب لمصر هي مصر هتنهض وحالها هيتغير بالافلام اللي زي دي ؟؟

يعني لما الواحد يخرج من السينما بعد الفيلم هيبقى استلهم فكرة عظيمة جدا لصالح الناس اللي في العشوائيات

دول وللا هيخاف يقرب منهم ؟؟؟؟

هيعمل لهم حاجة تحل مشكلتهم وللا حتى تواسيهم ؟؟؟

الافلام دي بتخليني شخصيا أخاف من بلدي اكتر وأقول القرف ده متستر ومسيرة هيكسح في طريقة الكويس والمحترم

وبقول لما الناس بتقول ماهي هي دي حقيقتنا أقول طيب شكرا ثم ماذا

رفعت ظلم عن مظلوم

سدت حاجة محتاج

سترت عريان

هدت عاصي

جعلت البلطجية يحسوا بغلطتهم ويتحولوا الى منتجين فاعلين شرفاء

أما برنامج زي واحد من الناس قناة دريم اتنين كل حلقة يجيب الحالات الانسانية اللي في الفقر والذل ده

وبالتالي ناس بتساعدهم أو مسؤل بيتحرك ويعمل اللي كان مفروض يتعمل من غير ما مقدم البرنامج يحرجه

نتيجته علينا ايه البرنامج ده هل القرف وللا الفعل الحقيقي

أو برنامج زي اللي بيقدمه عمرو خالد والافكار الهادفة القابلة للتنفيذ اللي بيطرحها على الناس عشان يغيروا وينفعوا بلدهم

وبالنسبة للفن عموما ده منحة ربانيه بيديها للانسان وهو يستخدمها في الخير أو الشر

وبعدين ييجي يوم الحساب

وكل واحد هيعرف جزاؤة هل هو من أهل الحق وللا من أهل الباطل ؟

[المصمم]

الاخوه المدافعين عن الفن

هل لو كان الاتهام موجه للاسلام كنت تحركتم ودافعتم عنه كما تدافعون عن هذا الغير خالد يوسف

اريد ان اطرح عليك سوال هام وهو غير موجه لاى شخص بعينه انما هو للتوضيح وليس للاساءة

هل لو حدث داخل بيتك وكام لك لا قدر الله اخ يتعاطى مخدرات ولك اخت سلوكها غير سليم واب يشرب الخمر

هل كنت تطلع خارج البيت وتكلم الجيران وكل من يمر بالشارع لتنشر الامر بين الناس حتى لا تضع راسك فى الرمل

ام تبحث عن السبب الذى اوصاهم لذلك وتعالج هذا السبب بدون تجريح وفضائح

اذا قمت بنشر الامر وفضحهم فكل من ياتى اليك سوف ياتى ليتفرج عليك وعلى اسرتك

بل وساعدت على نشر الفتنه بعرض اختك واخيل بهذا المنظر وسط الناس

اما اذا ناقشت الموضوع بعقل وبحثت اسبابه وذهبت للمختصين للبحث عن العلاج لو جدت اكثر من طريقة للعلاج وكان هناك امل

نيجى لموضوع الفن وانا بشون ناس بتتكلم على الفنخ كانه دين ايه يعنى الفن وليه الانسان يقدم تنازلات عشان الفن

الفن ده للاسف تمانين فى المئة منه فساد ودعارة ونفاق الا نسبه قليلة

حتى الفن الامريكي للاسف محترم عننا فى كتير من افلامه فعلا بيحترم المشاهدين وبيقدم فن فيه فكر ووجه نظر

انما احنا رقص ودعارة ومناظر وقلق ادب بتدافع عن ايه بس ده التلفزيون كله مكملش عمره ميه سنه محسسنى ان الفن ده حاجه عمرها ملايين السنين

الفن شى قيم لو كان فن هادف وده مش موجود وشى مدمر لو فن زى الى موجود الان

اشوفكم على خير

[عاشق الترحال]

في البداية بس مش عاوزين الناس تزعل من بعضها علشان خالد يوسف لأننا مش بنتكلم على نبي ولا واحد من الصحابه ولا من الأولياء يعني.

الفن الوقتي بقى واحده عريانه نايمه جنب واحد أو من غير ملابس وقبلات حاره وتجرأ على ربنا وقلة أدب وهيصه والأمثله بالعبيط ومش محتاجه ذكر وأظن اللي مبشوفش من الغربال يبقى ؟.......

هو علشان أناقش مشكله مصر والعشوائيات وغيره يبقى لازم أجيب غادة عبدالرازق وهيا نايمه تتحسس جسد سميه الخشاب ولا لازم أبين رجول الست هيفا وأعرض مشاهد كلها دعاره ( زنـــــــــــــا ) ومخدرات وعندك أجيال من المراهقين اللي كل دماغهم التقليد بيبقى عاوز يعيش دور المسطول ويعيش دور فلانتينو ويروح يدور على واحده علشان يعمل معاه كده .

إسأل اللي عايش في الخليج بيقولوا عنا إيه ؟

إحنا شكلنا بيبقى مش لطيف بالمره والناس فى الخليج بيقولوا لنا شوفو المصاريه بيعملوا ايه هشك بشك ورقص وزمر و و و و و !!!!

أنا عاوز أسأل الساده المعترضين سؤال واحد ويجاوبوا عليه بينهم وبين نفسهم

هيا الأفلام والمشاهد دي ترضي ربنا ؟

يعني الواحد لما يموت ويقابل ربنا يبقى واقف كده وفرحان بيها و يدافع كده عنها بكل شجاعه أمام الله ويقول له يارب أنا صاحب رؤيه ؟

أو أقول لربنا أنا كنت بدافع عن خالد يوسف وأمثاله علشان هما أصحاب رساله وفن ؟

انا بتكلم عن نفسي مع أن الناس اللي أمثال يوسف شاهين وخالد يوسف وعادل إمام ومن على شاكلتهم من الفنانين عموما حتى لو كانت نفسي ضعيفه وبتفرج عليهم إلا أني من قرارة نفسي لا أشجعهم وأكرههم وأتمنى أنهم يمنعوا الفن اللي بالشكل ده من أساسه أصلا علشان إتسببوا فى فساد أجيال بكاملها.

وأتذكر كلمه وجهها أحد العلماء لهم كتذكره ( مازنى زاني وما أمسك كأس خمر إلا وكان لك من الأجر مثله ) بتكلم عالناس اللي بيشوفوا فيلم لممثل ما ويقلدوه وهو ماسك كاس ويسكي أو بيزني مع فلانه من الناس فللممثل نفس الأجر اللي بياخده هذا الشخص

متنسوش ( من سن فى الإسلام سنه حسنه ومن سن فى الاسلام سنه سيئه ) فما بالك بقى باللي بيحصل !!!

تم تعديل 9 يناير 2010 بواسطة عاشق الترحال

[president]

هيا الأفلام والمشاهد دي ترضي ربنا ؟

يعني الواحد لما يموت ويقابل ربنا يبقى واقف كده وفرحان بيها و يدافع كده عنها بكل شجاعه أمام الله ويقول له يارب أنا صاحب رؤيه ؟

أو أقول لربنا أنا كنت بدافع عن خالد يوسف وأمثاله علشان هما أصحاب رساله وفن ؟

ليه كده بس ياعاشق :happy: . انت هتاخد الموضوع فى حته تانيه خالص ... الموضوع هيتغير من مناقشة فن هابط او متميز .

لحوار ليبرالى علمانى دينى بحت ... ولو دخلنا فى الحته دى هنوصل لنفس نهاية مواضيع كتير وهى النهايه المفتوحه .

بالعكس ممكن يكون بعض الأخوه ضد افلام خالد يوسف بس توجهاتهم الدينيه ممكن تديك انطباع خاطئ عن رأيهم فى خالد يوسف .

على العموم دى أسئلتك واستحمل بقى ياريس :lol:

بس انا عايز اسأل كمان سؤال .

الأخوه المؤيدين لخالد يوسف ايه التميز اللى شايفينه فى افلامه عشان نحطه فى مصاف المخرجين الأفذاذ ؟

حد فاكر فيلم البرئ لأحمد زكى ..الفيلم كان بينتقد بشكل جامد اللى بيحصل فى البلد ... وبلاوى المعتقلات . تفتكروا ممكن نقارن فيلم زى ده

باحد روائع خالد يوسف ؟

الغريب فعلا فى خالد يوسف ان معظم افلامه فيها علاقات غير مشروعه يعنى فيلم ويجا وخيانه مشروعه فيه علاقات شاذه وغير مشروعه .

ياترى فعلا واقع مصر كده كله علاقات غير مشروعه ؟

تحياتى

[ابو حودة]

يحعلى فكرة الصورة الذهنية ( وهي الصورة التي تتكون لدى المتلقي عن شئ لم يراه بالفعل ) بما يعرض عليه

ومن واقعة حدثت امامي انا شخصيا حيث كنا في الباص في طريقنا للحج وصعد للباص احد الشباب السعوديين المسئولين عن الاحصاء لمعرفة جنسيات

الحجاج وكان غالبية الباص من المصريين الا شخص واحد لبناني

فما كان من الشاب السعودي الا ان ضحك وقال لبناني بتعجب

فرد اللبناني لماذا تضحك

احرج الشاب السعودي وقال هذه اول مرة اشوف لبناني بيحج

وهو ما يعكس ما اراد غالبية المداخلات قوله

اما من ناحية الفن

فيحضرني فيلم ليه يا بنفسج وكانت فيه عبلة كامل بائعة هوى

ولم يظهر من شئ في الفيلم وعندما سئلت عن عملها قالت

باشتغل استغفر الله العظيم

ووصلت الرسالة

وصلت؟

[التونسى]

هو مخرج صاحب رؤيه ...و موهبه ..و فكر .. ولكنه يروج ((بحسن او سوء نيه ... والله وحده أعلم)) يروج للسم .. المخلوط بقليل من العسل... ولكن رغم ذلك لديه جمهوره ومتابعيه .. ولا لوم عليهم... ولا لوم علينا .. فكلٍ ينظر اليه من زاويته الخاصه

[hebapharm]

السلام عليكم جميعا

أنا بتابع كتيير جدا كتيير من المواضيع في المنتدى ولكن بصمت غالبا يعني بدون مشاركات لسببين الأول لأني بشوف رد مشابه لوجهة نظري في الموضوع والاقي انه رد كافي وملوش لازمه تكرار الكلام.. الثاني ان الموضوع بيكون فيه جدل كتيير ومفيش فايده كل واحد مقتنع بكلامه ورأيي مش هيقدم ولا يأخر

وفي هذا الموضوع تحقق السببين فالمفروض اني لا أشارك أيضا ...ولكن هذه المره لااااااااااااااااااااااا

لا ياخوانا مش قادره حرام عليكم بجد ازاي في اختلااف في الرأي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طبعا لا وألف لا

خالد يوسف ليس بمخرج محترم ولا ذرة شك عندي في كلامي...ياخوانا أنا لست بمتشدده ولا متعصبه انا انسانه عاديه ولكن من يقول ان ما يقدمه فن محترم أو هادف بجد يراجع نفسه كتيير ربما ستكون شهاده يحاسب عليها امام ربنا ..والله بقول كده مش ارهاب ولا تخويف ولكن حبا في الجميع وحرصا على كل مسلم.. لا ياخوانا ده مش فن ولا يخدم الناس ولا المجتمع

ربما نتفق مع هذا الشخص في انتقاده لسياسة الحكومه والكلام ده ...ولكن مثل ماقال الأستاذ التونسي فهو يدس السم في العسل ..يافرحتنا انه بيهاجم الحكومه بأفلام أقل مايقال عنها انها شيطانيه ساقطه وأتذكر اني عندما شاهدت فيلم الريس عمر حرب ظللت يوم كامل لا استطيع الأكل لأحساسي بالغثيان والقرف ...الى جانب اني حاولت مسحه من الجهاز حتى لا تراه ابنة اختي ذات ال16 عام ووالله اني خجلت من زوجي ان يعلم اني شاهدته ولا أعلم كيف سيكون الحال لو رأيت بنتي وابني في يوم من الأيام يشاهدون هذه المناظر الشيطانيه

نعم شيطانيه ولا وصف لها غير ذلك...بماذا أفادت أفلامه المجتمع.؟؟؟؟ جاوبني يامن تحترموا فكره بماذا أفاد خالد يوسف المجتمع ؟ وهل سينصلح حال المجتمع بالمشاهد التي تدعو بالغاء قيمة الحياء اللذي هو شعبه من شعب الأيمان؟؟؟

من رأيي ان الفن طبعا المحترم يفيد المجتمع ويسمو به طبعا لا جدال ..من أمثلته مثلا قصيده درسناها في الثانويه العامه لمحمود سامي البارودي اسمها دعوه الى الثوره على الظلمياريت حد من اخوانا ينزلهالنا نفتكرها جميعا

من أيام أيضا شاهدت عمل فني رائع وهادف اسمه عزازيل انشاء الله انزله لمن لم يشاهده ليكون من وجهة نظري المتواضعه مثال للفن النافع المفيد اللي ممكن اشاهده وبجانبي ابنائي دون خجل أوخوف

عندما يسوق لي الفن معنى هادف بوسائل شيطانيه لا يختلف احد عليها انها حرام فلا اهلا بالفن هذا

ياجماعه ارجوكم والله من حبي لجميع اخواني في الله راجعوا انفسكم وضعوا خط احمر بين الفن والجمال والرذيله والأنحلال

ولن اتكلم عن دور هذه الأفلام في سمعة مصر ..كلنا عارفين اين وصلت سمعة مصر ...بدايه من عينة هذه الأفلام الى مشهد طابور العيش أمام الأفران البلدي...وطابور اخر وقفت فيه شخصيا منذ أيام في فندق جراند حياة لعمل انترفيو لوظيفه في الأمارات ..سمعت حديث جانبي ان المستشفى جاءت لأخذ أطباء وصيادله من مصر لأنها لا تريد تعيين اماراتيين في هذه الوظائف لأن مرتب الأماراتي الواحد يجيبوا به 3 من مصر... لكم ان تتخيلوا احساسي وقتها وأين وصل الأنسان المصري الذي لو وجد حقوقه في بلده لما وقف في مثل هذه الطوابير....ليست العشوائيات المناطق الوحيده المظلومه في مصر ف 4/3 المصريين في ظلم ..ولن يكون خالد يوسف باباحيته وشيطانيته من سيخلص الناس من الظلم ..مره اخرى ادعوكم لتذكر قصيدة محمود سامي البارودي دعوه الى الثوره على الظلم ...اصلح الله احوالنا جميعا

[شيدوان]

لكل عصر واقعه ومشاكله التى يهتم بها الناس ، ولكل فئه من الناس طريقتها فى التعامل والتى تختلف عن طريقة الفئه الاخرى 00

وواقعنا الآن وبلا اى مداراه او مجامله هو واقع آثم اليم 00 عشوائيات وبطاله وفقر وبلطجه وخطف واغتصاب وظلم وذل ، وارذل واحقر التصرفات والالفاظ من غير المحترمين الذين من المفروض انهم يمثلون الشعب 00 واللى معاه قرش يساوى قرش وااللى ممعهوش ميلزموش ، واللى ملوش ضهر ينضرب على بطنه و0000الخ

وخالد يوسف مجرد واحد من فئة الفنانين اراد ان يعبر عن الواقع بالطريقه التى يفهمها ، وقد عبر عنه بصراحه مطلقه تتناسب مع الصراحه المطلقه التى نرى بها كل عيوبنا امامنا دون خجل او حرج او محاوله للاصلاح منا او من المسئولين الذين ينظرون لكل شئ ويبصقون على كل شئ لانهم ولاد ناس وقرفانين من الغنم ولاد00

اعتقد ان فيلما الآن عن الحب او الرومانسيه او الحق او العداله او الشرف ، او اى شئ يمكن ان نصفه بالخير والجمال ، لن يجد من يحتفى به او يصدقه او يحلم به 00

شكرى وتحياتى

[engmido]

الاخوة wagdi حسام يوسف تونسى شيدوان

اولا : خالد يوسف ليس بيننا وبينه اى شىء لانه اقل من اننا نحطه فى دماغنا

ثانيا: اذا كنتم تتكلمون عن الفن والكلام ده فما يحدث فى الافلام لا يمت للفن ولا للاخلاق ولا لاى شىء بصلة ( واوعى حد يقول اصل دى سكة ودى سكة تانى..الله يكرمكم)

وايه اللى دخل الفن فى الدين والكلام ده

ثالثا: موضوع بقى ان الفيلم اللى يأثر على بلد تبقى بلد هشة.........لا يا اخواننا الفيلم ده يعتبر اعلام سلبى والاعلام السلبى يؤثر على الدول

طالما انه يعرض فى دول اخرى وعلى الفضائيات خاصة اذا كان عبارة عن سلسلة من الافلام على هذه الشاكلة القذرة لنفس الشخص

رابعا: ماينفعش نبص ع الغلط ونقول( اصل كل واحد حر فى وجهة نظره)...........ابدا الحكاية عمرها ما بتبقى كده

احنا نختلف على لون قميص على لون بدلة على اذواق فى الطعام وااكل فى طريقة المعيشة ومبادىء التوفير

انما لا نختلف بتاااااااااااااااااتا على الاخلاق والقيم والاعراف ونتذرع بالفن وحسن نية ( انه حسن نية دى ...بأمارة ايه..........بأمارة القذارة التى تعرض؟؟؟؟؟؟؟؟؟؟؟)

خامسا: اكرر واقول واعيد وازيد ..... ما يحدث هذا لا يحل مشاكل ولا يقدم خطوة واحدة لكن بكل اسف تواصل تشويه صورتنا ( واسألوا مغتربى مصر يحكولكم كيل كيل)

وحل مشاكل هذا الوطن ليست بالافلام مع اختلاف اشكالها....والافلام وهذا الكلام لا يزيد عن كونه ترفيها مثل الملاهى و السيرك انما تحل مشاكل ابدا

الاخوة عاشق الترحال hepa pharma hf,p,]m

بارك الله فيكم وعليكم ولافض فوكم ولا حرمنا الله منكم

وشكرا لكل من قال كلمة حق لله........الحمد لله

وقال رسول الله صلى الله عليه وسلم

( الخير فى وفى امتى الى يوم القيامة) صدق الحبيب المصطفى

[التونسى]

هو مخرج صاحب رؤيه ...و موهبه ..و فكر .. ولكنه يروج ((بحسن او سوء نيه ... والله وحده أعلم)) يروج للسم .. المخلوط بقليل من العسل... ولكن رغم ذلك لديه جمهوره ومتابعيه .. ولا لوم عليهم... ولا لوم علينا .. فكلٍ ينظر اليه من زاويته الخاصه

انت قريت مداخلتى كويس :big_boss:

دول هما سطرين .. معقول موصلتش؟؟؟؟؟

تم تعديل 9 يناير 2010 بواسطة التونسى

[qenawy]

كلمة علي السريع

الافلام دي بتفكرني زمان لما كنت شغال في القاهرة وكنت ادخل عزبة ابو حشيش نعبي ولاعات البوتاجاز

افلام حلوة الصراحة

تراث :closedeyes:

فهي مصر التي لا يعرفها احد الا اللي عدوا في بيوتها غصب عنهم

[justme]

شوفو يا جماعةاول حاجة صلو على النبي

الحوار ببساطة يحتاج الى تحليل عميق

نقيم العمل كعمل فني

الاول ما هو الهدف من الفن

اللي اعرفه ان الفن بيبقى تعبير خارج من احساس الشخص بشيء ما

وهو بيعبر عنه باسلوبه

طيب اصبروا معايا شوية والنبي وركزوا في الفكرة دي

طيب هل كل مات نعبر عنه فنا

بالطبع لا واعتقد ان الشرط هو ان يكون في حرفية في التعبير وتذوق من المتلقي ووجود رؤية او رساله

طيب علشان ماطولش عليكم ايه هي رؤية ورسالة افلام خالد يوسف

ان الدنيا بايظة ومفيش امل تقريبا

كل الافلام نهايتها معفنة

وكتير الشر بينتصر ود مخالف لعدل الله في الارض وفطرة الانسان

انا عايز اقول ان الفكرة اللي بيقدمها خالد جزء منها فعلا يعبر عن الواقع وبحرفية عالية مقارنة بغيره لكن الرساله غلط والاسلوب غلط والموضوع غلط

يعني مش علشان اعالج مشكلة الدعارة والفساد اطلع المجتمع كله كده وفي ين ميسرة الحياة كلها زفت ومفيش امل

وعن أبي هريرة -رضي الله تعالى عنه- قال: قال رسول الله صلى الله عليه وسلم: إذا قال الرجل هلك الناس فهو أهلكهم أخرجه مسلم

وانا بصراحة مشفتش بصيص امل في افلامه مش عارف ليه

يعني بنطلع بعد الفيلم بيبقا شعورنا انكساروذلة ما اعتقدش حد بيطلع ويعمل حاجة ايجابية بعد الفيلم ده

بلاش كده انا جوز اختي وامي واختي وانا كنا خارجين وقرر يعزمنا على فيلم ورحنا لقينا الفيلم ده ومش فاكر الفيلم التاني بس كانوا شايفينه فدخلناه

والله كنت قاعد مكسوف ان امي واختي بيتفرجوا معايا

الحاجات اللي كانت في الفيلم كانت ............... مأساوية

لما طلعت مش هقولكم كان احساسي بايه كنت عايز اركب اول طيارة واهرب

طيب من ناحية فنية ايه رسالة الفيلم

من ناحية اخلاقية بقى

ايه اللي يعطين الحق في استخدام العري والمخدرات والالفاظ المؤذية في توصيل رسالة

لا تنسوا جميعا ان هذه الافلام تصبح جزأ من تاريخنا المسجل يعني ايه فكرة احفادكم عن بلدهم لما يشوفوا فيلم زي ده

طيب انا هقول انوا عايز يصلح البلد

طيب النبي صلى الله عليه وسلم في وسط الجاهلية لم يلفظ بكلمة واحدة فيها سباب لأحد علشان يبين واقع العرب وقتها

ومع ذلك صنع امة بحق استمرت

يعني بكلمة ممكن نصنع امة ما بالك بالصورة وهي كما قالوا احيانا افضل من الف كلمة

هل لابد ان تحمل هذا القدر

باختصار

انا ممكن احترم خالد يوسف لو وظف قدراته باستخدام الفاظ لا تخدش الحياء او صور اخجل من دخول اختي او امي او ابني او بنتي من رؤيتها

لكن في الوضع الحالي

انا مقاطع هذا النوع من الفن واي فن ياتي بما يخالف عقيدتي وديني واخلاقي

الرؤية الشخصية مكانها نفسي لكن في خطاب المجتمع والامة لابد ان يوضع كل في نصابه

[engmido]

الاخ just me

برافو برافو احسن ياريس

مش ملاحظ اننا دايما متفقين :lol:

عشان كده انا مرضيتش اسأل كتير فى كرسى الاعتراف ........اى خدمة wst:: gsm::