كفاك تشويه لصورة و سمعة مصر يا خالد يوسف

[shiko]

بس عندي سؤال لتاني مره ومش عاوز حد يجاوب عليه غير بينه وبين نفسه .

هيا الأفلام والمشاهد دي ترضي ربنا ؟

المشكله يا سيدي في انك حتدخل بينا في سكه تانيه خالص بإدخال الدين في الفن

فالغناء و الموسيقى و النحت مثلا حرام من وجهة نظر بعض علماء الدين

عند بعض الوهابيين كل الموسيقى و الغناء حرام مثلا ...دول نتعامل معاهم ازاي لما نحب ننقد عمل موسيقي؟

و انا عن نفسي ارى ان حلالهم حلال و حرامهم حرام و لا أرى فيهم اي حرمانيه بعد ذلك و عندي الكثير من العلماء ممن أفاد بنفس الرأي

رقص الباليه مثلا في نظري فن راقي

و في نظر بعض المشايخ عري و قلة أدب

في نظري مثلا ان الرقص الشرقي مسخره و حرام

مفاسد ايه اللى الفن بيظهرها .....ده انحلال ووضاعة فى تناول القضايا ...

وحتى لو الفانتازيا دى موجودة فى مجتمعنا ....وده انا اشك فيه بنسبة 99% ...موش دور الفن انه يخلى اللى ماشفش يشوف واللى ماسمعش يعرف ...لانه ببساطة بينشر الرزيلة وبعدين ليه بنجزء الامور ونناقشها بعيد عن الدين مع ان الدين هو القاعدة الرئيسية

سيدى اكن لشخصك منتهى الاحترام ...ولكن دعنى اسألك ماذا اصلح ذلك النوع من الفز (ما تطلقون عليه فن ) من اخلاق امتنا ...ما ينشره خالد يوسف وامثاله من وضاعة وانحرافات ...قادر الله عز وجل ان يحفظنا من امثال هؤلاء ....وأن يرده عليهم

أخيرا...مادعاك لرؤية عورات وفضائح هؤلاء ؟؟علك ستضيف لابنائك خبرة من أى نوع ؟؟

لا تبيح للمجتمع تتبع تلك المشاهد ...فالله يحاسب على المعصية ويحاسب على الجهر بها ...فلا تجاهر بالمعاصى ...متمسحاً فى الفن

واخيرا تمانينا بدوام الخير

[MZohairy]

مفاسد ايه اللى الفن بيظهرها .....ده انحلال ووضاعة فى تناول القضايا ...

وحتى لو الفانتازيا دى موجودة فى مجتمعنا ....وده انا اشك فيه بنسبة 99% ...موش دور الفن انه يخلى اللى ماشفش يشوف واللى ماسمعش يعرف ...لانه ببساطة بينشر الرزيلة وبعدين ليه بنجزء الامور ونناقشها بعيد عن الدين مع ان الدين هو القاعدة الرئيسية

سيدى اكن لشخصك منتهى الاحترام ...ولكن دعنى اسألك ماذا اصلح ذلك النوع من الفز (ما تطلقون عليه فن ) من اخلاق امتنا ...ما ينشره خالد يوسف وامثاله من وضاعة وانحرافات ...قادر الله عز وجل ان يحفظنا من امثال هؤلاء ....وأن يرده عليهم

أخيرا...مادعاك لرؤية عورات وفضائح هؤلاء ؟؟علك ستضيف لابنائك خبرة من أى نوع ؟؟

لا تبيح للمجتمع تتبع تلك المشاهد ...فالله يحاسب على المعصية ويحاسب على الجهر بها ...فلا تجاهر بالمعاصى ...متمسحاً فى الفن

واخيرا تمانينا بدوام الخير

اشكرك يا سيدي على حوارك و اسلوبك الراقي

لكن مصر بها مهازل انا رأيت منه بعيني أكثر مما عرضها خالد يوسف

عموما كثير من الأفلام كانت سببا رئيسيا في علاج مشاكل اجتماعيه كأريد حلا مثلا و باب الحديد و الكثير

ولكن جهة نظري هي ان الفن يجب ان يظهر المفاسد بكل قوه مع مراعاة اصول المشاهدة بقدر المستطاع

و هي انني لا استحي من مشاهدة الفيلم مع ابنائي (فوق الثمانية عشر عام مثلا فللأطفال موضوع آخر)

او مع جيراني رجالا و نساء

و خصوصا في التليفزيون

أما السينيما ففيها اختيار للمشاهد بالذهاب و المشاهدة من عدمه و بالتالي للمخرج ان يتحرر قليلا من قيود المشاهدة التليفزيونيه بشرط ان يراعي قيم المجتمع بشكل عام و ليس قيم دينيه محدده

بمعنى ان ليس كل ماهو حرام اسلاميا يجب على المخرج الا يعرضه مثل شرب الخمر و اكل لحم الخنزير و لعب الميسر و هكذا

أما الغناء و الموسيقى الراقية الغير مبتذلة فأنا عن نفسي ارفض رفضا تاما صريحا واضحا كل من و ما يحرمهم و الرفض مستند ايضا الى آراء علماء دين

اشكرك

[engmido]

ا/ عاشق الترحال

بلاش ياعم المصريين الشرفاء الرقابة شغالة فى الموضوع ده وعينها عليه الله ينور

اه ياعم التلميح الى الاعضاء والارهاب انك بتقول كل من مش عارف يختلف معاك يبقى مش مصرى ولا نزيه والكلام اللى انت عارفه ده

ا/ mzohairy

واضح من مداخلاتك اننا مش مجرد مختلفين .............ده احنا شرق وحضرتك غرب....يعنى مش هنتقابل ابدا

( احنا يعنى معظم المشاركين فى هذا الموضوع)

وعموما

شكراااااااااااااااااااااااااا

[engmido]

استدراك

الاخ mzohairy

بمعنى ان ليس كل ماهو حرام اسلاميا يجب على المخرج الا يعرضه مثل شرب الخمر و اكل لحم الخنزير و لعب الميسر و هكذا

يعنى نعرض كذا وكذا اللى هو حرام اسلاميا ولما نقابل ربنا نقول له يارب ده فن ومالوش دعوة خالص بالدين ........؟؟؟؟؟؟؟؟؟؟؟؟؟؟؟؟؟؟؟؟؟

وشكرااااااااااااااااااااااااااااااااااااااااااااااااااا

[MZohairy]

استدراك

الاخ mzohairy

بمعنى ان ليس كل ماهو حرام اسلاميا يجب على المخرج الا يعرضه مثل شرب الخمر و اكل لحم الخنزير و لعب الميسر و هكذا

يعنى نعرض كذا وكذا اللى هو حرام اسلاميا ولما نقابل ربنا نقول له يارب ده فن ومالوش دعوة خالص بالدين ........؟؟؟؟؟؟؟؟؟؟؟؟؟؟؟؟؟؟؟؟؟

وشكرااااااااااااااااااااااااااااااااااااااااااااااااااا

كده حضرتك عايز تحصر الفن و تخليه من المنظور الاسلامي 100% فقط

كمسلسل على هامش السيره و فيلم وا إسلاماه و ما شابه

يعني لا للمشاهد التي تحتوي على الخمور و لحم الخنزير و الفتيات الغير محجبات

و بالطبع حيطلع واحد اكثر منك تشددا و يقولك ما تعرضش فتيات محجبات لازم يكونوا منقبات

و هكذا

و لكن ماذا عن مشاهد هذا الفن من غير المسلمين مثلا؟

و ماذا عن المسلمين اللي عايزين يشوفوا فن غير ديني؟ (غير مقيد بأمور دينيه لا يعني انه فن جنسي مثلا)

طيب المحرمات دي على المسلم و مفيش داعي يشوفوها (رغم انه هناك من المسلمين من يشربون الخمر و يقامرون وووو)

طيب المسيحي مش حرام عليه الخمره مثلا ايه مشكلة نوعية الفن اللي حضرتك معترض عليها معاه؟

هل تعلم انه في العالم يا سيدي ما يقارب من المليار ملحد مثلا؟

و اكثر من خمسه مليار غير مسلم؟

حندخل في حوار ليس له اول ولا آخر بسبب ادخال الدين في الفن

بإختصار يمكننا تهذيب الفن و لكن لا يمكننا تديينه (الا في الأعمال المتخصصة كما اسلفت)

[engmido]

شكراااااااااا

ياريس..........فعلا حضرتك غرب واحنا شرق

[MZohairy]

شكراااااااااا

ياريس..........فعلا حضرتك غرب واحنا شرق

ربنا خلق الدنيا هكذا يا سيدي

شرق و غرب

و ده الطبيعي

اشكرك

[engmido]

الحمد لله ان احنا مش الغرب

عفوااااا

[MZohairy]

الحمد لله ان احنا مش الغرب

عفوااااا

الكمال لله

لا الغرب كامل و لا الشرق كامل

رغم اني مش فاهم ماذا تعني بالشرق و الغرب

الا ان الفن رساله عالميه لمن يستطيع تذوقه ايا كان جنسه و جنسيته و لونه و دينه

تحياتي

[msayed]

واضح من مداخلاتك اننا مش مجرد مختلفين .............ده احنا شرق وحضرتك غرب....يعنى مش هنتقابل ابدا

( احنا يعنى معظم المشاركين فى هذا الموضوع)

عفوااااا

بما إنك عملت حزب للأغلبية فاسمح لى أنضم ليه فى الموضوع ده بس.

لاتفترض من النقاش إن الحزب التانى يقتنع بكلامك، لا تجعل هذا هو هدفك من النقاش ولكن اعرض رأيك فى هدوء وهو يعرض رأيه أيضاً وكل واحد له ما يحكم به.

أنا عن نفسى لا يمكن أحيد الدين فى أى موضوع أناقشه طالما الدين له حكم فيه وتأثير قوى، إحنا هنا مش بنناقش الهندسة الكهربية أحسن ولا المدنية علشان نحيد الدين، إحنا بنتكلم فى ثوابت مجتمع له مرجعية. زى بالظبط إنى لايمكن أسرق واحد وبعدين أقول للقاضى حيد القانون.

سؤال: هو إللى بيعمل حاجة حرام فى فيلم ربنا بيغفرله علشان هو بيمثل؟

[MZohairy]

سؤال: هو إللى بيعمل حاجة حرام فى فيلم ربنا بيغفرله علشان هو بيمثل؟

اذا اتفقنا ان لغة الفن هي لغه عالميه

و اذا اتفقنا ان الحرام يختلف باختلاف الدين مثل الخمر مثلا بين المسيحيه و الاسلام

ده غير الديانات التانيه

يبقى اي ربنا اللي هيحكم العالم و بأي منظور ديني؟

ربنا بتاع البوذيين ولا المسلمين ولا المسيحيين ولا البهائيين و لا الهندوس ولا الملحدين ولا.............................؟

اذا كان كل دين من دول هيحرم شيئ معين لا يصلح عرضه فنيا يبقى مش هيفضل حاجه للفن تتعرض مطلقا

و ده مش منطقي طبعا

تحياتي

[hebapharm]

engmido

الأخ الفاضل لم لا تفكر بانهاء الموضوع وغلقه؟؟؟؟؟

تحياتي للجميع

[msayed]

engmido

الأخ الفاضل لم لا تفكر بانهاء الموضوع وغلقه؟؟؟؟؟

تحياتي للجميع

أظن الموضوع إتقفل من تلقاء نفسه

[لولا]

احب ان انوه ان مداخلات "الشات" الغير هادفه ، ومداخلات تكرار الشكر دون اى اضافه تم حذف جزء منها

وان اى مداخلات بهذا الشكل ستحذف من الموضوع .

الرجاء مراعاة اضافه مداخلات هادفة لموضوع مطروح للنقاش فى القسم الجاد .

للتوضيح عن سبب الحذف جرى التنويه..

شاكرين لكم تفهمكم وتعاونكم معنا .

عن فريق الإشراف والتنسيق

لولا

[engmido]

بداية لا أحب خالد يوسف و لا أحب استاذه يوسف شاهين الله يرحمه

لا يعجبني طرحهم و لا أفكارهم و إن كنت احترم أحترافيتهم و تميزهم الفني عن اقرانهم

برغم هذا أشعر بالتعاطف مع خالد يوسف من جراء الهجوم العنيف عليه ....أفهم أن نختلف أو نكره (لم أكره في حياتي فيلم عربي مثلما كرهت الريس عمر حرب ) انما لا أفهم أبدا التعدي باللفظ و القول و اباحة النيل من العرض و الحكم علي النوايا و السرائر

مدخلنا لنقد خالد يوسف مدخل ديني أخلاقي بالمقام الأول و أري إن الهجوم القاذع هو مخالفة صريحة لنفس المدخل الذي نستخدمه و نوع من أنواع النفاق

...الأختلاف وارد و طبيعة بشرية و لن أقول من كان منكم بلا خطيئة .....لكن ما ينفعش يبقي أتأمرون الناس بالبر إلي أخر الاية الكريمة ........ ما يفعش أبدا نتهم حد بكل الأتهامات ديه و نواصل اللمز و الغمز في عرضه و في شرفه و نحكم علي نيته و قلبه و كل من كان يمت له بصلة و لو حتي إعجاب و احنا أصلا بننقده من مدخل ديني أخلاقي

هو كان ليه أفلام كويسة و أفلام عليها علامات استفهام و أفلام سيئة جدا في رأيي ...... انما طريقة النقد صراحة استفزتني مع اني أصلا ما باحبوش

تحياتي و احترامي للجميع

محاولة لشرح وجهة نظري مرة أخري

ماخذنا (و أنا منكم ) علي خالد يوسف إنه يتجاوز الخطوط الحمراء في النقد ..... لكي تنقد وضع ما .... لا داعي أبدا لكسر القواعد الدينية و الأخلاقية لمجتمع ما في نقدك حتي لو كانت نيتك الاصلاح

علي نفس القياس نقد خالد يوسف يجب أن يلتزم بنفس القواعد ..... اذا بررنا كسر الخطوط الحمراء في نقد خالد يوسف يبقى بنبرر لخالد يوسف كسر الخطوط الحمراء في نقد المجتمع ..... لم أطلع علي كل موضوعات المنتدي بطبيعة الحال و لكن لم أري حتي الآن موضوع به كمية السباب و القذف و اللعن و الخوض في الاعراض مثل هذا الموضوع

اختلف مع خالد يوسف كما اختلفت مع يوسف شاهين و لكني لا أجرؤ علي الحكم علي نيتهم و لا أملك أن أشق عن صدرهم لاحكم عليهم و لا استطيع أبدا أن أخوض في أعراضهم ...هكذا أنا و أحسب أن يوجد مثلي الكثير

عودة لنقد خالد يوسف ....... اتفق مع خالد يوسف في نقطة ذكرها سابقا ...." الواقع أشد ايلاما " ....... و لكني اختلف معاه في طريقة التناول

الشيء بالشيء يذكر .... في تاريخ السينما توجد علامتين بارزتين لافلام غيرت قوانين .....جعلوني مجرما و أريد حلا .....قد يكون هدف خالد يوسف صدمة المجتمع و لفت انتباهه لمشاكل تنخر فيه .....الله أعلم بالنيات ...... لكني صدمت كلية من الريس عمر حرب و من حين ميسرة .....لم أشاهد أخر أفلامه دكان شحاتة لظني إنه علي نفس الشاكلة رغم تأكيد الكثير إنه مختلف تماما

يبقى أن أذكر إنه كمخرج سينمائي متميز جدا في مجاله و يتميز بحرفية عالية لعله استمدها من دروس استاذه يوسف شاهين

ختاما ربنا يهديه و يهدينا جميعا

د.هشام

الرد ده كويس جدا .......بس برده مالوش علاقة باللى حضرتك قلته اولا ولا ردى انا عليه.........الااذا كان خانك التعبير اولا

شكرااا لك

باشمهندس ميدو .....مش كده صح

دول التالت مشاركات اللي كتبهم العبد لله في الموضوع ده سابقا ...فين حضرتك أوجه الاختلاف فيهم ..... أكون شاكر لو قلت لي

و ده كان رد حضرتك :

الاخلاق والدبن والحياة لا يفترقان ابدا ولا يمكن تنحية اىا منهم جانبا عند البحث او التعامل مع الاخرين

ثانيا نحن لا نأمر الناس بالبر وننسى انفسنا ....عفوا كلنا ذنوب

ولكن عندما يصل الامر الى المجاهرة بالمعصية واعبتارها حق اصيل وعااااااادى خالص ده اللى ميصحش ابدا

واذكر حضرتك بقول الرسول فى الحديث الشريف

( لا غيبة لفاسق ) الحديث صحيح وتقدر تتاكد بنفسك

ومعناه ان ميبقاش الواحد مفسد وبايظ ومجاهر علان كده وبالبلدى كل الناس عارفة بلاويه ونقول هتك اعراض وغلط وسرة الناس ...خااااااالص

يعنى لما نقول على رقاصة انها كذا وكذا ميبقاش غيبة لانها فاسقة ولا ده منظور دينى بحت؟؟؟؟؟؟؟؟؟؟؟؟؟؟؟؟؟؟

وشكرااااااااااااااااا

حضرتك رأيك إنه نحكم علي خالد يوسف بالفسق و عليه فشتمه و سبه و النيل من عرضه حلال .....و جبت حديث لا غيبة لفاسق ....هي الغيبة بتبقى باللعن و السباب و النيل من عرض بني آدم ؟

رغم عدم اقتناعي إن الحديث ده يصرح لينا بكده دعني أسأل حضرتك فيه كام آية قرانية كريمة و كام حديث شريف و كام قول مأثور و كام آثر طيب كلهم بيدعوا لمكارم الخلق و اللفظ حتي في الأختلاف

سيدي الفاضل أعتقد اني وضحت وجهة نظري لحضرتك و صراحة ما عنديش كلام تاني أضيفه

في رعاية الله و حفظه

د هشام

واضح انك زعلان مش عارف ليه

عموما الحمد لله انك جبت المداخلات كلها عشان توفر علينا اللف

حضرتك كل اعتراضك على اسلوبنا فى الاعتراض ومعترض على الاحتجاج بالحديث وبتحتج بالايات الاخرى

ماشى ياسيدى

اولا ماعتقدش ان فيه مداخلة تجاوزت مثل ما يعتقد البعض لان كلها تقريبا

مفسد ...فاسق.....انحراف.... ده يرضى ربنا...وحاجات تانية وكلها الفاظ تدل على نفس المعانى السابقة

طيب بالذمة ما يحدث هذا مش فسق مش فجور مش دعوة للفاحشة

وقبل ما تتسرع فى الحكم ....لعلمك انا باتفرج على تليفزيون وبنشوف عادى.....ولكن عندما يتحول المادة المعروضة كلها الى كده

ومتكررة فى اكتر من فيلم ( باشوف الاعلانات بتاعتها بس كفااااااية قوى) ....يبقى الشخص ده قاصد ومتعمد ويحاسب على تصرفاته...( مش عارف انت بتحسبها ازاى)

يبقى لما اشوف الحرامى بيسرق اقول عليه حرامى .....لما اشوف واحد كل همه نشر الفساد (ومحدش يقول الفن)... يبقى نقول عليخ مفسد

مش نقول اصل الفن واصل نيته ....ياسيدى هنا مفيش نية .....هنا الافعال واضحة ...وهو يسال ايضا عن تصرفاته

يبقى هو مجاهر بالمعصية يبقى نقول عليه فاسد يبقى الاحتجاج بالحديث صحيح.....احنا مقلناش انه كذا وابن كذا واللى يقول عليه حلو يبقى زيه ( محصلش كده خاااااالص)

حضرتك واخرون قلتوا بلاش نخليها من منظور دينى بحت......

وانا قلتلك الدين والحياة ما يفترقوش خالص.....يبقى ايه المشكلة؟؟؟؟

عموما واضح ان حضرتك مش عايز تتناقش وطبعا براحتك بس حبيت اوضحلك انى مش داخل افترى على حد او الفق كلام على حد

والمداخلات واضحة وجلية عندك اهه ......شكرا لك

ورعاك الله وحفظك معنا.....!!

[doha]

في المواضيع الي زي دي بهتم بالمتابعة .. مش متابعة الردود لا سمح الله .. وانما متابعه ( الي بيردوها )

احلى حاجه اني لقيت ردود كتير اوي على طريقة دكتور ايوب مخترع الفنكوش (( تحكم رهيب في العضلات )) ..

على كل حال وبلا فلسفة من الي بيحاولوا يجدوا مبررات لخالد يوسف وبلا تشنج من الي بيحاولوا ييؤكدوا على خبث نواياه ..

خلاصة الوضع ان خالد يوسف له جمهوره وان مايقوم باخراجه سواء اتفقنا معه او لم نتفق بيتم لفئة معينة من الناس بتحب الكلام ده وبتحب تتفرج عليه .. ايوه فئة عاوزه تشوف عري ( وتنبسط ) لها شويتين واهي الفرجه ( ببلاش ) ..

صدقوني ياجماعه في ناس بتتفرج فعلا ومش شايفه في الي بيحصل ده مشكلة .. ومش شايفه ان كم التفسخ في المشاهد ده كم يسترعي القلق او الانزعاج .. شايفينها ايزي يعني ..

ليه وصلوا للمرحلة دي او ليه تفكيرهم بقى كده برضه دي مش مشكلتنا .. المهم ان الناس دي مبتكذبش على نفسها ولا على الآخرين لما تقول انها بتحب افلام خالد يوسف او شايفه فيها ( رؤيا ) تستحق النقاش والنقد ..

هي اختلاف في وجهات النظر ..

الي مش من جمهور خالد يوسف ومش من الناس الي هو بيخرج لهم شايف انه مش مخرج او حتى مخرج بس بيخلط سمه في العسل .. الي مش من جمهوره ( بتجرح عينه ) مشاهد العري لدرجه تخليه مش قادر يشوف ( فن ) خالد يوسف من ورائها وعلى هذا بيصدر قراره بوضع علامه اكس كبيرة على اسم المخرج ده ..

اما الي من جمهوره والي خالد يوسف بيخرج لهم دول جمهورة ودول مشاهديه الي بيستهدفهم وطبيعي جدا يكونوا شايفين الراجل ( قاصد خير ) .. الناس دي الي هو بيخرج لها مش بتنأذي بالي بتشوفه او يمكن بتؤذى ولكن بدرجه بسيطه لا تمنعها من انها تتابع للآخر وتخلص فيلم ورا التاني ويبقى عندها بعد كل ده فرصة تحكم على خالد يوسف ( كفنان ) .. الناس دي ـ جمهور خالد يوسف ـ شايفين ان الراجل صح وده طبيعي فهو بيخاطبهم فهم بيردوا عليه ..

فوتكم بعافية بقى والله ماحد يقوم من مكانه كملوا لوك لوك انا عارفه السكه هطلع لوحدي ..

ملاحظه : الحاجه الي انحدفت وانا طالعه دي تبع مين ؟

[engmido]

اخت doha

سؤال معظم الناس اللى بتقول انها متفقة او محبة او شايفة ان اللى بيعمله خالد يوسف ده فن

هى هى نفس الناس اللى بتقول انا بطلع من الفيلم نفسيتى تعبانة ومكتئب

ومش عارف اوحش فيلم الريس عمر حرب وكذا وكذا وانه مش متفق معاه فى اسلوب عرضه وانه زودها حبتين

معلشى هو احنا بنغنى ونرد على نفسنا

- معلشى معاش اللى يرمى عليكى حاجة وانتى خارجة :waf:

[MZohairy]

من المستحيل على استاذ اللغة العربية (مهما بلغت براعته و تمكنه من لغته)

ان يفهم شعرا بالألمانية مثلا

لازم يتعلم الماني الأول و بعدين يتمكن منه و بعدين يقرأ اشعارا بالالماني

و بعدين يقدر يفهم الشعر الالماني و ينتقده

صباح الفل و جوتن مورجن

[jasmin hamed]

لو حضرتكم ها تتكلموا فى حرام و حلال فالفن كلة من اول الست ام كلثوم لحد شعبولا حرام حرام حرام الفن يلهى عن ذكر الله و لكن اذا كان درجة تدينك تسمح لك انك تتفرج على الافلام تعالى نتكلم اية مشكلة خالد يوسف...............

اول طرق لاعلاج هو الاعتراف بالمرض و العشوائيات حقيقة بتذيد يوم عن يوم حتى الطبقة ما تحت المتوسطة فى مصر ما ان ينهار له بيت ولا يطرد لن يجد له مكان الا العشوئيات طب و فى العشوئيات هنلاقى اية ,,, هتلاقى سلطة لى احد اصدقائى و هو وكيل نيابة بمنطقة المقطم و القصص الى حكاهالى عن هذة المناطق تشيب من سفاح لداعرة اطفال لقرف ماينتهيش طيب هى دية حالات فردية احب اقولكم ان سكان العشوائيات زيادة عن نص مليون في القاهرة بس

المشكة ان حضرتكم ناس محترمة جدا يمكن عمرك فى حياتك ما شوفت مدمن ولا واحدة متجوزة عرفى و مش هاقول فتاة ليل و لا حتى طفل من اطفال الشوارع و لو كنتوا شوفتوهم يمكن عمروكوا ما هتفكروا تتكلموا معاهم . انا نفسى بحس بالقرف لمجرد انى اشوف طفل من اطفال الشوارع . بس الى خالد يوسف عملوا هوا انى لما اشوف طفل بيجرح العربية بمسمار و لا بيحدف عليك طوب فى الشارع انوا عندو الف حق اذى اساعد حد انا قرفان منوا و مش شايفوا و لا معترف بوجودوا اصلا و بقول مصر مفيهاش النماذج دية ............ اذاى عايزين خالد يوسف و لا غيرة يصورلوكوا الواقع دة بطريقة جميلة من غير خدش حياء حد . اذاى يصور ام و اب و عشرة اطفال فى غرفة واحدة بطريقة جميلة الى شاف فيلم عمارة يعقوبيان ولا حين ميسرة و ما شافش غير بوس و احضان مشكلتوا هوا ..... الى ماشافش الفقر و القرف و الانسان الى ملهاش ذنب فى الظروف الى المجتمع الى هوا فية مش شايفوا ولا حاسس بية ويتمنى انوا يختفى .......... انا مبتكلمش على محدود الدخل ولا الموظف الغلبان الشريف انا بتكلم على بيدور فى الزبالة على اكلوا ............ شوية رحمة بالناس دية و الرحمة مش هاتكون الا لما اعترف انهم موجدين.............. و اما بنسبة لصورة مصر فانا هاقتبس كلمه قالها واحد سعودي عن فيديو على النت مصور فرح بلدى قذر ( كل بيت و فية حمام )

[MZohairy]

لو حضرتكم ها تتكلموا فى حرام و حلال فالفن كلة من اول الست ام كلثوم لحد شعبولا حرام حرام حرام الفن يلهى عن ذكر الله

اعترض بشده على الجمله اللي فوق دي

فكل شيئ في الدنيا ممكن يلهي عن ذكر الله

و بالتالي كل شيئ في الدنيا حرام حرام حرام

يبقى القعده على القهوه حرام و الذهاب للنادي حرام و مشاهدة التليفزيون حرام و قراءة الجرايد حرام و القعده على النت حرام و الاف الأمثله الأخرى

حرام كده و الله :lol: