سمك بالثوم والفلفل والمسطرة وخل البلسمك

[بندق أفندى]

سمك هامور مفتوح من الظهر

يشرح الظهر شرائح ويدهن بزيت زيتون وقليل من الثوم المفروم وملح وفلفل اسود وكمون وكسبرة مطحونة

يوضع فى صينية مدهونة بالزيت ويرش فيها قليل من الملح الخشن

توضع الصينية فى فرن حار على درجة 240 لمدة 20 دقيقة

ثم تخرج ويضاف لها خلطة من

فلفل أخضر حلو وقليل من الفلفل الأحمر الحراق وملعقتى مسطردة وزيت زيتون وخل بلسمك وخل عادى وعصير ليمون وقليل من الصويا صوص

توزع الخلطة بحيث تغطى وجه السمكة بالكامل

ثم تدخل الفرن مرة اخرى لمدة 25 دقيقة

وتخرج على الأكل عدل وهنا وعافية

حقيقى كانت رائعة والفلفل الحلو معطيها نكهة غريبة مع المكونات الأخرى

الجمبرى منزوع الرأس ومفتوح الظهر متبل بخل عنب وملح وفلفل أسود

وقليل من الخل البلسمك (خل عنب ايضا) لمدة 25 دقيقة .. صم يوضع فى شواية على النار (او قلاية) ويضاف له قليل من عصير العنب الأحمر - لا يتحتاج اكثر من 8 دقائق حتى يصير جاهز للأكل .. كان رائع بطعم مختلف

الكاميرا مش بتاعتى عشان كده جودة الصور اقل من المعتاد كثيرا

[myusername]

تسلم ايدك... و الله الموضوع ده جه فى الوقت المناسب.. خصوصا بعد ضرب النار اللى حاصل فى المنتدى :sad:

ده انا ريقى جرى والله

[myusername]

بمناسبة السمك... كنت عايز اسأل حضرتك.. لما الواحد يعمل السمك الفيليه فى الزيت, هل فيه طريقة معينة أقدر أقلل بيها الزيت اللى بيشربه السمك؟ لان ساعات السمك الفيليه بالاخص بيشرب الزيت بزيادة... و مبعرفش اكله من غير ليمون عليه عشان يظبط طعمه..

لو فيه حل للموضوع ده يبقى تمام قوى, و شكرا جزيلا لحضرتك عالاكلة الهايلة دى... :roseop:

[بندق أفندى]

بمناسبة السمك... كنت عايز اسأل حضرتك.. لما الواحد يعمل السمك الفيليه فى الزيت, هل فيه طريقة معينة أقدر أقلل بيها الزيت اللى بيشربه السمك؟ لان ساعات السمك الفيليه بالاخص بيشرب الزيت بزيادة... و مبعرفش اكله من غير ليمون عليه عشان يظبط طعمه..

لو فيه حل للموضوع ده يبقى تمام قوى, و شكرا جزيلا لحضرتك عالاكلة الهايلة دى... :blush2: :blink: wst::

الحل بسيط جدا

اول حاجة الدقيق يكون خفيف .. يعنى ما يكونش السمك مبلول كتير وانتى بتحطه فى الدقيق

تانى حاجة والأهم هو انه الزيت يكون بيغلى وتحط السمك فيه بكمية قليلة عشان ما يبردش وتكون النار عالية .. ومش هياخد اكتر من 5 دقايق وعليه سعادتك تقطع السمك على قدر السوا خمس دقايق .. يعنى يكون السمك (بضم السين) مش اكتر من 2 سم

واخيرا لما تطلعه من الزيت ترصه على فوطة ورقية من بتوع المطبخ .. لو مفيش وعندك ورق لف سندوتشات كعمش كم ورقة وافردهم وطلع عليه السمك عيمتص نسبة كبيرة من الزيت

بس باللى بتوصفه انت بتقليه والزيت مش فى درجة حرارته المثالية