مصر قبطية قبل أن يدخلها الإسلام

[قطرة ندى]

عايزين ناخد الآراء ونعمل استفتاء ديموقراطى...علشان نعرف آراء الجميع

بالنسبة لموضوع رجوع مصر لأصحابها بعدما لاقوه من شدة ..يعنى عودتها قبطية كما كانت فى الأصل

الموضوع شائك حبتين لكن لا يضر اننا نعرف الآراء...

وكلنا عارفين طبعا ان الأقباط هم السكان الأصليون

وياريت نترفع عن الغلط فى بعض ونشوف هل هنقدر نعرض آراءنا بموضوعية أم لا؟

[عنبو]

اولاً حضرتك العنوان مستفز بجد وياريتك سميته مصر قبطيه قبل ان يأتى الفتح الاسلامى

ثانياً : المسلمين فى مصر هم برده سكان مصر الاصلين الى جانب اخوانهم المسحين

كل ما فى الموضوع لما دخل الفتح الاسلامى مصر اسلم من اسلم وظل البعض على ديانته الى هى المسحيه

اذاَ فمصر للمسلمين والمسحين كلاً على سواء

ده ردى على الى فهمته من كلامك وياريت لو تقصدى حاجه تانيه توضحى اكتر

شكراً

[myusername]

بصراحة انا شايف ان الموضوع ليس فى محله... و كمان ليس وقته! ده اولا...

ثانيا... مفيش بلد بتفضل على حالها.. و مفيش حاجة اسمها سكان اصليين موجودين... و طبعا احنا لو قارننا بين الفتح الاسلامى و بين عمليات الابادة الاجرامية اللتى قام بها مهاجرى امريكا و استراليا القدامى مع السكان الاصليين... فسنجد ان الاسلام دائما مترفع عن اى جريمة حرب يتم ارتكابها, على عكس الاخرين.

و نفس المثل هستخدمه.. هما فين السكان الاصليين فى اى دولة فى العالم؟ ده حتى موضوع الحدود بتاع الدول مشكوك فيه... و لو حضرتك بصيتى على اوروبا حديثا... هتكتشفى ان بعد الحرب العالمية الثانية... حدود دول اوروبا اتغيرت, و بعض الدول تنازلت عن مدن و اجزاء من حدودها... مثل بولندا مع المانيا, و الكثير من الامثلة موجودة.

فكرة عودة الارض الى السكان الاصليين هى فكرة فاشلة بكل المعايير, لان السكان الاصليين مش موجودين اصلا!

[التونسى]

عايزين ناخد الآراء ونعمل استفتاء ديموقراطى...علشان نعرف آراء الجميع

بالنسبة لموضوع رجوع مصر لأصحابها بعدما لاقوه من شدة ..يعنى عودتها قبطية كما كانت فى الأصل

الموضوع شائك حبتين لكن لا يضر اننا نعرف الآراء...

وكلنا عارفين طبعا ان الأقباط هم السكان الأصليون

وياريت نترفع عن الغلط فى بعض ونشوف هل هنقدر نعرض آراءنا بموضوعية أم لا؟

لو الموضوع حيمشى بالمنطق ده ..ليه منرجعش الامر لأصله ...ونقول ان مصر يهوديه قبل ان تظهر المسيحيه .. يعنى اليهود هما السكان الاصليين لمصر ..خصوصا ان انبياء اليهوديه وعلى راسهم سيدنا يوسف وسيدنا موسى عاشوا وترعرعوا وكان لهم مكانتهم بمصر

انا مش بسخر ولا بتهكم .. انا بتكلم بكل تحرر وتجرد عقلى :happy:

[doha]

ايوه قبطية ولما دخل الاسلام مصر الغالبية من الاقباط تحولوا الى الاسلام والبعض اختار يبقى على دينه .. ايه المشكلة في كده ؟

ويعني ايه ترجع مصر قبطية ؟ يعني الاقباط الي اسلموا يطلعوا من دينهم مثلا ولا يطلعوا من البلد ؟

مش عارفه بيتهيء لي ان الموضوع ده مش وقته الآن خالص لا هو ولا عنوانه المستفز الي متاكده ان حضرتك مش متبنياه كوجهة نظر بقدر ماهو محاولة للفت النظر .. اعذريني لو شعرت انها محاولة ـ من وجهة نظري ـ غير موفقة بالمرة فالعنوان فعلا وايا كان السبب في اختياره غير لائق .. وتوقيت عرض الموضوع يتفوق عليه في عدم اللياقه ..

مع كامل احترامي لشخص حضرتك بكل تأكيد ..

[حسام يوسف]

يعنى احنا مسلمين مصر أصولنا من بلد تانية؟

ايه الكلام العنصري ده؟

هية المشرحة ناقصة قتلى؟

المسلمين والمسيحيين مصريين

واللى فرق ان المسلمين همة المصريين اللى دخلوا فى الاسلام بكامل ارادتهم

وبلاش كلام ميلاد حنا العنصري ده بتاع ان المسحيين هم المصريين الوحيدين الأنقياء

هية ناقصة نازية ع الصبح

[Ambitious]

مش عارف ليه العصبية فى الردود يا جماعة ..

مصر دولة قبطية .. نعم مصر دولة قبطية .. وقبطية لا تعنى مسيحية اطلاقا ولكن أهل مصر يطلق عليهم الأقباط مقتبسة من الكلمة اليونانية اوكتوباس وبالعربية بقت أقباط .. وبالتالى القبطية هوية وليست ديانة ده أولا ..

ثانيا الأخت قطرة الندى شايفة الفتح العربى(مش الإسلامى) غزو وهو حقها تماما لو جنبنا الحساسية الدينية والعصبية القبلية .. انا نفسى مسلم اهو وفكرت بنفس المنطق .. دولة دخلت بقوة عسكرية دولة .. طردت قوة عسكرية تانية كانت موجودة وفرضت سلطتها عليها .. هل ده غزو ولا فتح ولا ايه الفرق اساسا ؟

ده تساؤل بيلح عليا من زمان وكنت حابب اعمل شوية بحث عليه فى الكتب والمراجع .. عارف وجهة النظر الإسلامية إن ده كان بطلب من أهل مصر لتخليصهم من الرومان والكلام ده لكن واضح ان فى وجهة نظر تانية تستحق القراءة والبحث .. وفى كل الأحوال سواء كان فتح زى ما بيقول اخوانى المسلمين او غزو زى ما بتقول فئة من إخوانى المسيحيين الأمر لا ينتقص من إسلامى فى شئ ..

أرجو الموضوعية فى الردود بعيد عن العصبية القبلية وأنا متحمس بصراحة انى اخرج من الموضوع ده بإجابة لتساؤلاتى :lol:

[myusername]

مش عارف ليه العصبية فى الردود يا جماعة ..

مصر دولة قبطية .. نعم مصر دولة قبطية .. وقبطية لا تعنى مسيحية اطلاقا ولكن أهل مصر يطلق عليهم الأقباط مقتبسة من الكلمة اليونانية اوكتوباس وبالعربية بقت أقباط .. وبالتالى القبطية هوية وليست ديانة ده أولا ..

ثانيا الأخت قطرة الندى شايفة الفتح العربى(مش الإسلامى) غزو وهو حقها تماما لو جنبنا الحساسية الدينية والعصبية القبلية .. انا نفسى مسلم اهو وفكرت بنفس المنطق .. دولة دخلت بقوة عسكرية دولة .. طردت قوة عسكرية تانية كانت موجودة وفرضت سلطتها عليها .. هل ده غزو ولا فتح ولا ايه الفرق اساسا ؟

ده تساؤل بيلح عليا من زمان وكنت حابب اعمل شوية بحث عليه فى الكتب والمراجع .. عارف وجهة النظر الإسلامية إن ده كان بطلب من أهل مصر لتخليصهم من الرومان والكلام ده لكن واضح ان فى وجهة نظر تانية تستحق القراءة والبحث .. وفى كل الأحوال سواء كان فتح زى ما بيقول اخوانى المسلمين او غزو زى ما بتقول فئة من إخوانى المسيحيين الأمر لا ينتقص من إسلامى فى شئ ..

أرجو الموضوعية فى الردود بعيد عن العصبية القبلية وأنا متحمس بصراحة انى اخرج من الموضوع ده بإجابة لتساؤلاتى :lol:

الاخت قطرة الندى مسلمة.... للتوضيح.

[عنبو]

انا هقول لحضرتك هو ليه فتح مش غزو لان مكنش الهدف هو السيطره على البلدان ولا نهب غزواتها ولا تخليص دوله من دوله اخرى ولا ضم دوله لدوله اخرى

ولكن الهدف كان تعريف الناس معنى لا اله الا الله محمد رسول الله بس

علشان كده كان فتح وليس غزو

واذا حضرتك عندك اى كلام عن ان المسلمين ارتكبوا جرائم فى مصر لما فتحوها او عملوا اى شىء يدل على ان غرضهم كان عزو ولم يكن فتح ياريت حضرتك تذكره

وشكراَ

[Ambitious]

انا هقول لحضرتك هو ليه فتح مش غزو لان مكنش الهدف هو السيطره على البلدان ولا نهب غزواتها ولا تخليص دوله من دوله اخرى ولا ضم دوله لدوله اخرى

ولكن الهدف كان تعريف الناس معنى لا اله الا الله محمد رسول الله بس

علشان كده كان فتح وليس غزو

واذا حضرتك عندك اى كلام عن ان المسلمين ارتكبوا جرائم فى مصر لما فتحوها او عملوا اى شىء يدل على ان غرضهم كان عزو ولم يكن فتح ياريت حضرتك تذكره

وشكراَ

معنى كلامك إن لو دولة ما جت دخلت مصر او اى دولة بالقوة العسكرية بهدف تعريف الناس بمعنى المسيح هوالإله او بوذا هو الإله او ايلوهيم هو الإله .. ممكن نسميه الفتح المسيحى او الفتح البوذى أو الفتح اليهودى لمصر ؟

تم تعديل 9 يناير 2010 بواسطة Ambitious

[doha]

انا هقول لحضرتك هو ليه فتح مش غزو لان مكنش الهدف هو السيطره على البلدان ولا نهب غزواتها ولا تخليص دوله من دوله اخرى ولا ضم دوله لدوله اخرى

ولكن الهدف كان تعريف الناس معنى لا اله الا الله محمد رسول الله بس

علشان كده كان فتح وليس غزو

واذا حضرتك عندك اى كلام عن ان المسلمين ارتكبوا جرائم فى مصر لما فتحوها او عملوا اى شىء يدل على ان غرضهم كان عزو ولم يكن فتح ياريت حضرتك تذكره

وشكراَ

معنى كلامك إن لو دولة ما جت دخلت مصر او اى دولة بالقوة العسكرية بهدف تعريف الناس بمعنى المسيح هوالإله او بوذا هو الإله او ايلوهيم هو الإله .. ممكن نسميه الفتح المسيحى او الفتح البوذى أو الفتح اليهودى لمصر ؟

ياسيدي الفاضل ربنا سبحانه نزل آدم في الارض يعبده باسمه .. لما انحرفت الشريعه باتباع ادم ارسل رسل تانيين .. من اول ابراهيم ومروروا بموسى وعيسى وانتهاء بمحمد عليه السلام ..

كل مالناس كانت بتنسى او تنحرف بدينها عن الحق ربنا يرسل لهم الي يهديهم اليه ..

لما بعث محمد عليه السلام في وسط العرب مكانش مبعوث للعرب فقط . وانما للعالمين .. شأنه شأن كل الانبياء هدفهم يهدوا العالم كله لربنا . .سواء بقى بعثوا لفئة بعينها ضالة على اساس ان وسائل الاتصال مكانتش متاحه اوي وقتها فكان لازم نخصص لكل ( تجمع ) نبي .. او للعالم كله لما يكون الضلال منتشر اوي ومحتاجين صحوة تغير البشرية جمعاء ..

النبي محتاج له اتباع يساندوه وهو ماكان من بني اسرائيل حول موسى والحواريين حول عيسى والصحابه حول محمد عليه وعلى انبياء الله جميعا ازكى صلاة وسلام ..

محمد صلى الله عليه وسلم مكانش ممكن ابدا ينشر دعوته لوحده ويعلم الناس كلها في كل مكان اصول الدين الي خالقهم ارتضاه لهم .. فمكانش في حل غير انه يعلم الجماعه الي حواليه وهم ينتشروا في اصقاع الارض يعلموا الدين لغيرهم ..

المسيح عليه السلام بشر قبل رفعه بأن في نبي جاي من بعده بينما محمد عليه افضل الصلاه والسلام قال لا نبي بعدي ..

فمنطقي جدا ان من كان على دين المسيح وقتها انه يعتنق الاسلام لكن نبقى عارفين كده وشايفين دينا صح وعارفين ان مفيش نبي جديد هيبعث ومؤمنين ان الدين الي احنا عليه هو الاصح وعلى هذا اتبعناه وتيجي دولة تانيه ( تدخل علينا ) وتقول ياجماعه انا جايبه لكم دين جديد هو ده المطلوب .. تيجي ازاي ؟

في الحاله دي هنقولها لاه معليش قفي عندك .. مش هنتحول لدينك بمزاجنا وعليه لو غصبتينا هيبقى دخولك احتلال وغزو ولايمكن يطلق عليه بحال مسمى فتح . .

لما تقول ان المسلمين الاوائل غزاه مقارنة بما يحدث حاليا فالقياس هنا باطل بكل تأكيد فلا مقارنة بين ناس بتنفذ شرع ربنا في نشر دينه وبين ناس تيجي بدين موجود اصلا وخلاص المفروض اننا محددين موقفنا منه وتحاول تفرضه علينا بالغصب ..

على كل حال ولو حضرتك شايف ان الوضع هو نفسه بكل بساطه خلي دولة تانيه تيجي بدين جديد وتقولنا ياجماعه الدين اهوه فمن شاء فليؤمن ومن شاء فليكفر زي ماعمل المسلمين الاوائل لما دخلوا مصر وكل حته في الدنيا عشان ينشروا دين ربنا .. لو ده حصل فكل واحد عقله في راسه ويتبع الدين الي على هواه وفي النهايه كل واحد هيتحاسب على اختياره ..

[abaomar]

السلام عليكم

الاخوه الكرام جزاكم الله خيرا

.

مصر مسلمه قبل الفتح الاسلامى لها ..هذا هو الرد

المسيح عيسى بن مريم كان مسلما موحدا بالله عز و جل و اتباعه من الموحدين (الاريوسيين )

و الذين كانوا يعيشون فى مصر الواقعه تحت إضطهاد الاحتلال الرومانى الكاثوليكى قبل فتح الاسلام لمصر .

. يقول القرأن على لسان عيسي عليه السلام

.

( إِنَّ اللَّهَ رَبِّي وَرَبُّكُمْ فَاعْبُدُوهُ هَذَا صِرَاطٌ مُّسْتَقِيمٌ ( 51)فَلَمَّا أَحَسَّ عِيسَى مِنْهُمُ الْكُفْرَ قَالَ مَنْ أَنصَارِي إِلَى اللَّهِ

قَالَ الْحَوَارِيُّونَ نَحْنُ أَنصَارُ اللَّهِ آمَنَّا بِاللَّهِ وَاشْهَدْ بِأَنَّا مُسْلِمُونَ ( 52 ) ال عمران

بل و موسى نفسه كان مسلما و ابراهيم ابو الانبياء كلهم مسلمون .

.

كان اجدادنا الفاتحين محملين برساله توصيل لا اله الا الله محمد رسول الله للناس فمن شاء امن و من شاء بقى على كفره

دون إضطهاد او تمييز كما فعلت الملل الاخرى مع مخالفيها و المجال اضيق من ذكر ذلك ....

[abuAdham]

قل اانبئكم بالاخسرين اعمالا الذين ضل سعيهم في الحياة الدنيا وهم يحسبون انهم

يحسنون صنعا )) صدق الله العظيم

مصر كانت فرعونية ثم قبطية وسماها الاحتلال Egypt اي ارض الاقباط ثم دخول الاسلام فأسلم من اسلم وتمسك بدينة من تمسك وهناك العديد من وصايا الرسول بأقباط مصر عند فتحها

مسئلة انها المفروض ترجع لأصلها فبأقترح علي الاخت تحاول ترجعها لأصلها قبل المسيحية ايضا يعني نعمل دي ان اية لرمسيس ونبحث عن احفادة ونسلمهم البلد وكل واحد يذهب الي حيث اتي

ياجماعة الخير احنا شركاء في الوطن فلو فية اخ مسيحي فكر ان مصر بلدة لةاحدة والمسلم اخذها منة يبقي غلطان والمسلم ايضا لازم يعرف ان المسيحي اخية في الوطن وبلاش تفكير عقيم لاهيزيد ولا ينقص انا مسلم ولي صديقي عزيز مسيحي ولي جار مسيحي لما بنتعامل مبنفكرش في الدين لأن كل واحد حر في دينة المثل المصري بيقول عقلك في راسك تعرف خلاصك وكل واحد لو فكر بعقلة وبحيادية هيشوف حاجات مكنش واخد باله منها لاداعي للسطحية والبحث عن الامور التي تخلق الشحناء والتي لم تغير من الامر شيئ هتخلينا فقط نكره بعض وعلي فكرة لو لقدر الله حصل سوء لمصر مبيفرقش بين مسلم ومسيحي لما حصل زلزال سنة 1992 لم يبتعد عن منزل هذا ويهدم هذا وفي اكتوبر 1973 كنا كلنا في خندق واحد افكركم فقط ان عيسى العوام في جيش صلاح الدين كان قبطي ولا احنا دلوقتي بقينا فاضيين ومفيش حاجة شغلانة فنبتدي نخبط في بعض

[wonderer]

............

الاخت قطرة الندى مسلمة.... للتوضيح.

لو الزميلة صاحبة الموضوع مسلمة

ما الداعي لنوعية الكلمات التي اختارتها في طرحه؟

هل تضايقت مثلا من تقديم العزاء للاخوة المسيحيين عن الحادث الارهابي في نجع حمادي

فقررت ان تطرح هذا الموضوع بهذه الصيغة لتحفز البعض باستخدام لهجة شديدة في الرد ؟

[Ambitious]

انا هقول لحضرتك هو ليه فتح مش غزو لان مكنش الهدف هو السيطره على البلدان ولا نهب غزواتها ولا تخليص دوله من دوله اخرى ولا ضم دوله لدوله اخرى

ولكن الهدف كان تعريف الناس معنى لا اله الا الله محمد رسول الله بس

علشان كده كان فتح وليس غزو

واذا حضرتك عندك اى كلام عن ان المسلمين ارتكبوا جرائم فى مصر لما فتحوها او عملوا اى شىء يدل على ان غرضهم كان عزو ولم يكن فتح ياريت حضرتك تذكره

وشكراَ

معنى كلامك إن لو دولة ما جت دخلت مصر او اى دولة بالقوة العسكرية بهدف تعريف الناس بمعنى المسيح هوالإله او بوذا هو الإله او ايلوهيم هو الإله .. ممكن نسميه الفتح المسيحى او الفتح البوذى أو الفتح اليهودى لمصر ؟

ياسيدي الفاضل ربنا سبحانه نزل آدم في الارض يعبده باسمه .. لما انحرفت الشريعه باتباع ادم ارسل رسل تانيين .. من اول ابراهيم ومروروا بموسى وعيسى وانتهاء بمحمد عليه السلام ..

كل مالناس كانت بتنسى او تنحرف بدينها عن الحق ربنا يرسل لهم الي يهديهم اليه ..

لما بعث محمد عليه السلام في وسط العرب مكانش مبعوث للعرب فقط . وانما للعالمين .. شأنه شأن كل الانبياء هدفهم يهدوا العالم كله لربنا . .سواء بقى بعثوا لفئة بعينها ضالة على اساس ان وسائل الاتصال مكانتش متاحه اوي وقتها فكان لازم نخصص لكل ( تجمع ) نبي .. او للعالم كله لما يكون الضلال منتشر اوي ومحتاجين صحوة تغير البشرية جمعاء ..

النبي محتاج له اتباع يساندوه وهو ماكان من بني اسرائيل حول موسى والحواريين حول عيسى والصحابه حول محمد عليه وعلى انبياء الله جميعا ازكى صلاة وسلام ..

محمد صلى الله عليه وسلم مكانش ممكن ابدا ينشر دعوته لوحده ويعلم الناس كلها في كل مكان اصول الدين الي خالقهم ارتضاه لهم .. فمكانش في حل غير انه يعلم الجماعه الي حواليه وهم ينتشروا في اصقاع الارض يعلموا الدين لغيرهم ..

المسيح عليه السلام بشر قبل رفعه بأن في نبي جاي من بعده بينما محمد عليه افضل الصلاه والسلام قال لا نبي بعدي ..

فمنطقي جدا ان من كان على دين المسيح وقتها انه يعتنق الاسلام لكن نبقى عارفين كده وشايفين دينا صح وعارفين ان مفيش نبي جديد هيبعث ومؤمنين ان الدين الي احنا عليه هو الاصح وعلى هذا اتبعناه وتيجي دولة تانيه ( تدخل علينا ) وتقول ياجماعه انا جايبه لكم دين جديد هو ده المطلوب .. تيجي ازاي ؟

في الحاله دي هنقولها لاه معليش قفي عندك .. مش هنتحول لدينك بمزاجنا وعليه لو غصبتينا هيبقى دخولك احتلال وغزو ولايمكن يطلق عليه بحال مسمى فتح . .

لما تقول ان المسلمين الاوائل غزاه مقارنة بما يحدث حاليا فالقياس هنا باطل بكل تأكيد فلا مقارنة بين ناس بتنفذ شرع ربنا في نشر دينه وبين ناس تيجي بدين موجود اصلا وخلاص المفروض اننا محددين موقفنا منه وتحاول تفرضه علينا بالغصب ..

على كل حال ولو حضرتك شايف ان الوضع هو نفسه بكل بساطه خلي دولة تانيه تيجي بدين جديد وتقولنا ياجماعه الدين اهوه فمن شاء فليؤمن ومن شاء فليكفر زي ماعمل المسلمين الاوائل لما دخلوا مصر وكل حته في الدنيا عشان ينشروا دين ربنا .. لو ده حصل فكل واحد عقله في راسه ويتبع الدين الي على هواه وفي النهايه كل واحد هيتحاسب على اختياره ..

انا وانتى نؤمن بنبوة المسيح ونبوة سيدنا محمد ممكن نتقبل الكلام ده .. لكن ماذا عن الأطراف الأخرى ؟؟

لو مشينا بالقاعدة دى .. خلينا نتفق أولا إن إدعاء ان حد يبقى شايف ان دينه خاطئ ويصر على اتباعه حاجة مش منطقية على الإطلاق .. بمعنى ان نسبة كبيرة من متبعى الأديان سواء عن اقتناع او وراثة واثق ان دينه هو الدين الحق وان تعاليمه هى تعاليم خالق الكون والا مكنش اتبعه ..

لو كل واحد اتبع المنطق ده فى توصيل كلمة ربنا للناس .. يبقى ملمش أى كيان يحتل أى كيان تانى بهدف انه يوصل كلام ربنا وينشر رسالته وهيبقى العالم فى وضع فوضوى

عايز توصل كلمة ربنا للناس أهلا وسهلا وصلها بالحكمة والموعظة الحسنة .. بتعاملك مع الناس زى ما أنتشرت فى جنوب شرق أسيا وجنوب أفريقيا ..

سؤالى : ايه المبرر انى ادخل دولة عسكرية وأحكمها حتى لو عاملت أهلها بالحسنى ولم اسئ إليهم ولم أضطهدهم ؟

[ehabtaher]

فيه فرق بين كلمه قبطى ومسيحى

فكل من فى مصر هم اقباط (egypt(

المسلمين فيها اقباط والمسيحيين فيها اقباط

وعندما جاء الفتح الاسلامى هناك من الاقباط اى سكان مصر من اسلم وهناك من الاقباط من ظل على دينه

كون انه يطلق على المسيحيين فى مصر اقباط فهو صح ولكن لو اطلق على المسلمين ايضا اقباط فهو ليس خطاء

اما المسلمين والذين هاجرو الى مصر من الجزيره العربيه مثلا مثل قبيله جهينه فى الصعيد وابناء العتيبى الذين فى المنصوره فماذا تقولون فيهم هل هم ليسو مصريين اى يجب مثلا ان يطردوا من مصر والا قصدكم ايه

الاخت اللى اصدرت العنوان لهذا التوبيك وان كانت مسلمه فهى لم تقرأ التاريخ على ما اعتقد

والا بالمنطق الذى تقوله إذا مصر ليست للاقباط ( المسيحيين) او المسلمين (الفاتحين) ولكنها للفراعنه ان كان لهم وجود وايضا هؤلاء هاجروا لمصر فى قديم الازل عندما جفت اراضيهم واستقروا حول نهر النيل فيجب اذا بمنطقها ان يرحل الفراعنه ايضا الذين نفتخر بهم وياخذوا معهم اثارهم

[الغريب]

أنا مش عارف ليه المشرفين غافلين عن الموضوعات ******* اللي زي كدة

غزو إسلامي!!!

وطبعا هتييجي الأخت اللي كاتبه الموضوع بعد ما الدنيا تولع تقول أنا كنت مستنية الردود وبعدين هوضح الموضوع

والمصيبة أن "قطر الندى" صاحبة الموضوع قالت قبل كدة أنها خريجة أزهر شريعة يعني مش عارف هدفها ايه من موضوع زي ده؟؟؟

[ehabtaher]

انا اعتقد انها فتحت الموضوع لسبب ما وهو

انها عايزه تفكر الاقباط اللى هم المسيحيين ان مصر للمسيحيين والمسلمين اللى هما اقباط ايضا حتى لا يتحدث احد ويقول انها للاقباط اللى هم المسيحيين (من وجه نظرهم) ولكنها للاقباط اللى هما مسلمين ومسيحيين .... بس ده احنا كلنا عارفينه ومحدش منتظر ان حد يقوله لنا

[msayed]

والله الموضوع ده ممتاز جداً

لن ينتهى الإحتقان بين جهلة المسلمين وجهلة المسيحيين إلا إذا وضحت هذه الأساسيات للجميع حتى لا يستغل البعض هذا الجهل ويخدع الناس.

لذا أحيى الأخت صاحبة الموضوع.

عموماً دعوات الأديان الربانية لم تكن أبداً دعوات إستبدالية أى أنه لا يوجد دين من الأديان الربانية أتى ليحتل بلد للتخلص من أهلها وإستبدالهم بناس آخرين محتلين، ولكن دعوات الأديان هى تغيير ديانة البلد الجديدة بتغيير ديانة الأشخاص.

وبالتالى فعندما دخل الإسلام إلى مصر انتقل أغلب أهل مصر إلى الدين الجديد وبقى الباقى على دينهم.

كما أنه كان هناك أصلاً فى مصر موحدين "الأريسيين" الذين تحدث عنهم الدكتور فاضل سليمان فى رسالة الدكتوراه الخاصة به.

يعنى من الآخر كل الناس قاعدة فى البلد إلا إلا صنف واحد هايهج قريب قبل ما يموت بحسرته

طلبة الإبتدائى والروضة بعد ما يشوفوا إللى هايعمله فيهم أحمد زكى بدر :lol:

تم تعديل 9 يناير 2010 بواسطة msayed

[abuAdham]

قُلْ هَلْ نُنَبِّئُكُمْ بِالْأَخْسَرِينَ أَعْمَالاً * الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعاً (الكهف:103-104)

مصر كانت فرعونية ثم قبطية وسماها الاحتلال Egypt اي ارض الاقباط ثم دخول الاسلام فأسلم من اسلم وتمسك بدينة من تمسك وهناك العديد من وصايا الرسول بأقباط مصر عند فتحها

مسئلة انها المفروض ترجع لأصلها فبأقترح علي الاخت تحاول ترجعها لأصلها قبل المسيحية ايضا يعني نعمل دي ان اية لرمسيس ونبحث عن احفادة ونسلمهم البلد وكل واحد يذهب الي حيث اتي

ياجماعة الخير احنا شركاء في الوطن فلو فية اخ مسيحي فكر ان مصر بلدة لةاحدة والمسلم اخذها منة يبقي غلطان والمسلم ايضا لازم يعرف ان المسيحي اخية في الوطن وبلاش تفكير عقيم لاهيزيد ولا ينقص انا مسلم ولي صديقي عزيز مسيحي ولي جار مسيحي لما بنتعامل مبنفكرش في الدين لأن كل واحد حر في دينة المثل المصري بيقول عقلك في راسك تعرف خلاصك وكل واحد لو فكر بعقلة وبحيادية هيشوف حاجات مكنش واخد باله منها لاداعي للسطحية والبحث عن الامور التي تخلق الشحناء والتي لم تغير من الامر شيئ هتخلينا فقط نكره بعض وعلي فكرة لو لقدر الله حصل سوء لمصر مبيفرقش بين مسلم ومسيحي لما حصل زلزال سنة 1992 لم يبتعد عن منزل هذا ويهدم هذا وفي اكتوبر 1973 كنا كلنا في خندق واحد افكركم فقط ان عيسى العوام في جيش صلاح الدين كان قبطي ولا احنا دلوقتي بقينا فاضيين ومفيش حاجة شغلانة فنبتدي نخبط في بعض

تم تعديل 9 يناير 2010 بواسطة moheltohamy
تعديل شكل النص القرآني