مصر قبطية قبل أن يدخلها الإسلام

[znaty]

اخواني الاعزاء

كنت ناوي ماكتبش تاني في المواضيع دي علشان حرقة الدم واحساسي ان الكلام دة ممكن ما ينتجش عنه الا الاسوا ..نظرا للظروف الحالية

بس اخر 4 او 5 مداخلات دفعوني دفعا اني اقول رايي واوجه مجموعه من الرسائل

اولا للاخ العزيز سكوربيون

اول مرة يا اخي اقرا مداخلة في الموضوع دة تخش دماغي كدة

ما تزعلش مني ..فيها ايه يعني لو اعتمدت الكنيسة المصرية الرسمية الاسلوب دة في الحوار العلني بعد اشهر الاحداث اللي تمت في الفترة الاخيرة بدلا من الصمت او الاعتكاف او الامتناع عن التعليق ..اللي مالوش اي تفسير غير التسخين والمزيد من الاحتقان..وكانه رسالة علنية للمسيحيين باعلان الغضب سواء بحق او بغير حق ؟؟؟؟

على سبيل المثال ..خطاب من الكنيسة بعد اسلام وفاء قسطنطين يقول يا اخوان وفاء ماتخطفتش زي مانتوا فاهمين وهيا حرة في دينها ؟؟( وهو دة اللي حصل بالطبع )

خطاب بعد المسرحية الشهيرة في اسكندرية ..يا اخوانا نحن لا نهين الاسلام وسنحقق في الموضوع دة ولو ثبت سنحاسب المسئولين عنها ونحن نتبرأ منها ..ان شاء الله يا اخي كدة وكدة على الاقل كانت المظاهرات والاحداث المؤسفة دي حصلت من اساسه

خطاب بعد احداث الاميرية يشجب ويدين مقتل الاسرة المسلمة على يد متطرفين مسيحيين زي ما طالبوا بمنتتهي القوة بدة في احداث نجع حمادي ..بل العكس ..من الواضح انهم عايزين يستفيدوا بالموقف ويحققوا انجازات من وراء دم الضحايا دول ..لان كلنا ..رسمييا وشعبيا ..ادنا الموضوع دة بشدة ..بس واضح ان دة موش كفاية ..من تحركات جورجيت قليني وغيرها

ماتقدرش تنكر ..اخي العزيز ..ان الكنيسة نفسها ..عايزة تزود ولاء المسيحيين للكنيسة ..على حساب ولائهم لمجتمعهم ...انا شخصيا يا اخي .باحس ان المسيحيين في خلال ال 30 سنة اللي فاتت .. ..وهما بينعزلوا اكتر عننا وبينفصلوا من المجتمع شوية شوية وكانهم ميليشيا جوة مجتمع ..حتى ولو كان تصريحات الكنيسة في موضوع المواطنة والوطن غير كدة ..بس دي حاجة احنا حاسينها على الارض والواقع ..بغض النظر عن الديبلوماسية

عموما اسلوبك في الحوار راقي جدا وتمنيت لو الخطاب الرسمي للكنيسة يبقي كدة ..اكيد هاتفتح القلوب وتطهرها من كل الضغائن والاحتقان ونفتح صفحة جديدة ونرجع زي ما كنا من 30 سنة

برغم اني متحفظ على نقط كتيرة في مداخلتك ..بس نيتك من ورا المداخلة نقية جدا وطيبة وتدعوا للاحترام

بعض نقاط التحفظ ..:)

1- عايز اوضحلك ..ماعرفش انت فهمت مقولة سيدنا على بن ابي طالب صح والا لا ( انه حمال اوجه )

ببساطة شديدة وعلشان ماخرجش من الموضوع

كان فيه فتنه بين المسلمين ..سيدنا على بن ابي طالب وسيدنا معاوية بن ابي سفيان

المهم ارتضوا الاتنين التحكيم بينهم

الخوارج علشان جهلة ..قالوا كيف يلجا على بن ابي طالب للتحكيم والقران يقول ( ان الحكم الا لله ) ؟ فكفروا الاتنين واباحوا دمهم.. وفعلا نجحوا في قتل سيدنا على بن ابي طالب وفشلوا في قتل سيدنا معاوية وعمرو بن العاص..في حين من قال لهم ان التحكيم سيكون بغير ما انزل الله ؟

المقصود ..كيف تحاجي قوم بهذا الغباء بالقران ؟؟ مايهفسروا بمزاجهم ويفهموا براحتهم

2- اعتقد ان الاخوة اللي استشهدوا بلينكات ومواقع زي الدكتورة ام احمد وصعيدي من مونتريال وغيرهم ..كان قصدهم توضيح ان من ضمن اساب الاحتقان ..هو تصرفات بعض المسيحيين نفسهم ..موش الاحتقان كدة من غير مبرر الا كونهم مسيحيين فقط ..موش قصدهم الدعوة الي الاسلام اطلاقا

وانا شخصيا سمعت اللي نشرتة الدكتورة ام احمد في شريط كمان اصلي موش على النت

ومن حقك تماما الاعتراض على ما جاء فيه وتكذيب الكلام دة ..زي ماحنا بنعمل مع اكاذيب زكريا بطرس

بس المهم انك توضحلنا ..تكذب هذا الكلام بالحجة او بالمنطق او حتى تتبرا منه..اما الدكتورة ام احمد ليست وكيلة نيابة علشان تحقق في صدق او كذب هذة الادعائات..دي حاجات سمعتها وعملت عندها وعند غيرها قناعة معينة ..مطلوب منك تغير هذه القناعة كطريقة للحل ..موش تاخد انذار .. ..دة من وجهة نظري

اما بخصوص الدعوة الى الاسلام ..فالمنهج الاسلامي اللي امرنا بيه الله عز وجل ونبيه الكريم واضح ومافيهوش نقاش.. لانه بنصوص صحيحة صريحة

ادع الى سبيل ربك بالحكمة والموعظة الحسنة ..

ولا تجادلوا اهل الكتاب الا بالتي هي احسن ..

من ظلم ذميا فانا حجيجه يوم القيامة

والكثير الكثير من الايات والاحاديث اللي سيادتك طبعا قريتها وسمعتها مرارا وتكرارا من ساعة ما بدات الازمة اللي بتحض على حسن المعاملة والعشرة وغيره

كون بعض الناس بتستخدم اسلوب تاني ودة فعلا موجود ..فده طبعا موش ذنب الاسلام نهائيا

بمعني اخر .فان الاسلام حجة على المسلمين ..وليس المسلمين حجة على الاسلام

3-نيجي بأه للنقطة الحساسة

واكرر ماتزعلش مني بس انت اللي فتحتها

ان اعتقاد المسلمين ان المسيحيين بيعتبروهم كفار خاطئ تماما ..وان كل المسيحيين بيعتبروا المسلمين غير كفار لانهم بيعبدوا الله الواحد برده

ولو ان نيتك حسنة كما ذكرت في الاول

بس للاسف ..انت عارف كويس ان دة موش صحيح

وخللي اللي في القلب في القلب يا كنيسة

وانه لا يوجد مسيحي واحد يعترف بنبوة محمد صلي الله عليه وسلم ولا ان القران هو كلام الله ..وان المسيح لن يخلص الا من اعترف بالوهيته.. وباللاهوت والناسوت

يعني من الاخر لسنا في وجهة نظركم ديانة سماوية من الاساس

واحنا بالطبع ..موش بالعند يا صاحبي.. بس دي عقيدة ثابته ..لا نؤمن بالوهية اي بشر ..ولا نؤمن بأن الله قد تجسد في شكل جسد بشري وهو سيدنا المسيح بن مريم عليه الصلاة والسلام.. بل نبي كريم كسائر انبياء الله عليهم جميعا عليهم الصلاة والسلام

يعني فيه تصادم واضح وقوي في العقيدتين ..مع الاحتفاظ بمحاولة كل منا عبادة اله واحد ..بس كينونة الله العظيم مختلفة عندنا احنا الاتنين تماما

ودة طبيعي ..ماهو لو انت مقتنع بان الاسلام الديانة السماوية الخاتمة... كنت عملت ابدايت واسلمت :)

وانا لو مقتنع بالمسيحية الحالية كنت تنصرت

بس انا موش شايف مشكلة اطلاقا اننا نعيش مع بعض في ود وحب ووحدة رغم الاختلاف دة ؟؟؟؟؟ مالنا احنا باللي هايخش الجنه واللي هايخش النار ؟؟؟ دي حاجة بتاعة ربنا موش بتاعتنا احنا ..والايات واضحة

لا ينهاكم الله عن الذين لم يقاتلونكم في الدين ولم يخرجوكم من دياركم ان تبروهم وتقسطوا اليهم

سامعين يا ناس ؟؟؟ عارفين معني البر والقسط ..البر يا اخوانا اعلى درجات الحب والمودة ؟؟؟

يا ايها الذين امنوا لا يضركم من ضل اذا اهتديتم ؟؟

والله اذا كان اصل الخلاف ان انت خايف عليا علشان مادخلش النار.. والا انا خايف عليك علشان ما تدخلش النار ..يبقي الاصل هو المحبة اهو ؟؟ خلاص بلغت ..يبقي نرجع نعيش مع بعض في حب وتواد ونسيبنا من شغل الاهلي والزمالك دة

خللي الجنة والنار لله عز وجل .....وخلينا احنا بقي نعيش في انسجام ووحدة وحب زي زمان

اخيرا ..صديقي العزيز واخي سكوربيون ..اسعدني كلامك جدا ..وارجوا انك ماتزعلش من بعض المداخلات الغاضبة ..دي طبيعة النت

اخي ابو هنا

في اخر السورة سيدنا عيسى بيقول ايه ؟

ان تعذبهم فانهم عبادك ..وان تغفر لهم فانك انت العزيز الحكيم

ماشفتش في مداخلة الاخ سكوربيون اي حاجة بتقول والا بتطلب مننا نغير ايات القران الكريم اطلاقا ..كل اللي طلبه ان احنا لا نعتمد مبدا الكراهية في العتامل لمجرد الاختلاف في وجهة النظر ..او حتى الاختلاف في العقيدة

اعتقد انه كان ينتظر ردودا اهدا من ردك ..فلم اجد كلمة واحدة مما قاله سكوربيون تستحق ..غير الاشادة والحب ..حتى مع اختلاف وجهة النظر

اقدر غيرتك على دينك جدا ..بس الحكمة مطلوبة يا صديقي وخصوصا اننا كلنا مسلمين ومسيحين ..عاوزين الحب والمودة تاني بينا لا اكثر

يا اخوانا ..دة ازهي عصر عاش فيه اليهود في تاريخهم كان في الاندلس تحت الحكم الاسلامي

وازهي عصر عاش فيه المسيحيين في بيت المقدس كان تحت حكم عمر وصلاح الدين موش الرومان والا الاوربيين والا اليهود

اخوانا في الادارة الموقرة:

برغم حرصكم الشديد على منع اشعال فتيل الفتنة في المنتدي ..خصوصا ان شعور الناس بعدم وجود رقابة هايخليهم يشربوا ماية الجدعنة ..وهايقولوا اللي عاوزينه واللي موش عاوزينه بدون مايفكروا في عواقب كلامهم ..وفي دي انتوا عندكم حق

بس بشرط ..موش كل واحد يقول وجهة نظر تخالفكم او تخالف وجهة نظركم ...يبقي غلطان ويتوقف ويتنذر والكلام دة ..ولو كتروا المعارضين يبقي الموضوع دة كله يتقفل ..كدة انا حاسس اني باكتب في جرنان حكومة

خللوا الناس تتكلم ..في حدود الادب وليس في حدود الافكار ...حتى لا نشعر انكم منحازين ..لان الكثير من الافكار اللي انتوا حذفتوها او عاقبتوها ..صحيحة او على الاقل تستحق المناقشة

كاعضاء ..قولوا اللي انتوا عاوزينه ..كاشراف خليكم على الحياد

الاخوة اللي بيفتحوا الموضوعات:

اتقوا الله في وطنكم ..واخوانكم ..وفينا رحمكم الله

تحياتي للجميع

[tarek hassan]

كانت هذه مقدمة لشرح أننى فتحت رابط وضعته "الدكتورة" الفاضلة ام احمد للتدليل على سبب لبس رجال الدين المسيحى للملابس السوداء .. فالمعلومة مثيرة للانتباه ولا بأس من التحقق منها

فتحت الرابط فسمعت عجبا .. واحد كان إسمه إسحق (إسم سهل ويمكن تذكره بسهولة)

الفاضل : أبو محمد

لست أدري هل من حقي أن أقول أن مداخلتك هذه المرة غير موفقة

- لأنك حددت سبب وضع الدكتورة للرابط

- ثم خرجت من الموضوع الأساسي لكلام عرضي ليس من كلامها وليس في صلب الموضوع المناقش ولكنه من كلام هذا الرجل الموضح بالرابط الذي اعتبرته نكرة

http://www.islamonline.net/servlet/Satelli...d=1173087734891

- ولأنك اعتبرت أن ناقل الكفر - إن كان كفرا - كافرا

- ثم لجعلك عقابها بسبب كونها مثقفة

- ثم بما تلا ذلك من إجراءات ضد الدكتورة

- لأنك اعتبرت أن جريمة نجع حمادي فتنة طائفية وهي ليست كذلك بشهادة الجميع وحكمت بما لم يحكم به القضاء أو بما يتنافى مع سير التحقيق

فعلا .. إذا كان هذا هو حال الحاصلين على أعلى الشهادات .. فمعذور الجاهل الذى طعن نجيب محفوظ ، ومعذور من ارتكب جريمة نجع حمادى وكل جرائم الفتنة الطائفية فى بلدنا ..

لأن المجرم مسجل خطر وليست له أي ميول دينية

- ولأنك وضعت قيودا جديدة على حرية التعبير في المحاورات

أرجو ألا تحذف مداخلتي كما حذفت مداخلة أخرى لي بالأمس أراها كانت مهمة دون أن أنبه برسالة من الإدارة

شكرا للجميع

تم تعديل 19 يناير 2010 بواسطة tarek hassan

[aymaneng]

الموضوع ده مش كان الموقع قفله ايه اللى فتحة تانى مش فاهم بصراحة ادارة الموقع تقفله شوية وقلت انها اخيرا خدت بالها من الكلام اللى ملوش لازمة فى الموضوع ازاى بقى تفتحوه تانى ... بصراحة ده تهريج

[أبو محمد]

كانت هذه مقدمة لشرح أننى فتحت رابط وضعته "الدكتورة" الفاضلة ام احمد للتدليل على سبب لبس رجال الدين المسيحى للملابس السوداء .. فالمعلومة مثيرة للانتباه ولا بأس من التحقق منها

فتحت الرابط فسمعت عجبا .. واحد كان إسمه إسحق (إسم سهل ويمكن تذكره بسهولة)

الفاضل : أبو محمد

لست أدري هل من حقي أن أقول أن مداخلتك هذه المرة غير موفقة

طبعا من حقك الذى لا ينازعك فيه أحد يا أستاذ طارق .. فأنا بشر يخطئ كثيرا ويكون موفقا فى بعض الأحيان

- لأنك حددت سبب وضع الدكتورة للرابط

- ثم خرجت من الموضوع الأساسي لكلام عرضي ليس من كلامها وليس في صلب الموضوع المناقش ولكنه من كلام هذا الرجل الموضح بالرابط الذي اعتبرته نكرة

http://www.islamonline.net/servlet/Satelli...d=1173087734891

- لأنك اعتبرت أن ناقل الكفر - إن كان كفرا - كافرا

إسمح لى أنا أيضا بوصف مبرراتك بأنها غير موفقة .. فأنت قد أعطيتنى أكثر من قدرى وبذلك حمَّلتنى من المسؤولية بأكثر مما ينبغى .. فقد حملتنى ذلك القدر من المسؤولية دون ملاحظة أن الإعلان الذى صدر عن فريق الإشراف كان قرارا بالإجماع (وليس قرارا فرديا) ، وأن الإعلان فى الفقرة الخاصة بالدكتورة قد بين أن دفعك بالقول : "ناقل الكفر ليس بكافر" لم يغب عن مداولات "الفريق" قبل أن تدفع به حضرتك ، وأن الإعلان قد بين سبب عدم الأخذ بهذا الدفع

- ثم لجعلك عقابها بسبب كونها مثقفة

صحيح أنه كانت لى مداخلة (كعضو مثلى مثل الدكتورة وليس بصفتى الإشرافية) إستنكرت فيها وضعها لتلك الروابط (الأربعة) .. وكانت مداخلتى بدافع من الحيرة والتساؤل .. هل مررت الدكتورة ما جاء فى تلك الروابط على مصفاة عقلها العلمى الذى استحقت على استخدامه أعلى الدرجات العلمية ، وشهادة رفيعة بأنه عقل قادر على البحث واستخلاص النتائج ؟ ..

عقل بهذا القدر ، يعى - بلا شك - الظرف الحساس الذى يوضع فيه مثل هذا الكلام الساذج المرسل الذى لا يقوم عليه أى دليل .. "أى دليل" ..

فعقلى "المتسائل دائما" لم يستوعب وضع أربع روابط ليأتى ما أرادت الاستدلال به (على سبب لبس السواد) فى الرابط الرابع ..

ثم أفاجأ بأن الدليل الذى اعتمدت عليه الدكتورة لم يأخذ أكثر من بضع ثوان (من كلام مرسل) وسط سيل من كلام متناقض ومتهافت لا يرقى أبدا إلى مستوى العقل القادر على البحث واستخلاص النتائج الذى تتمتع به الدكتورة وتدل عليه الشهادة الرفيعة التى حصلت عليها (بغض النظر عن فرع العلم الذى كان فيه البحث واستخلاص النتائج) ..

ومن منطلق مقدرة عقل الدكتورة ووعيه بالظرف الذى وضعت فيه الروابط (الأربعة) كان تعليقى على مداخلتها

- ثم بما تلا ذلك من إجراءات ضد الدكتورة

صحيح أننى من أغلق الموضوع .. وصحيح أننى من عرض أمر المخالفين على فريق الإشراف .. ولكن صحيح أيضا أن الإجراء الذى اتُّخذ كان قرارا "بإجماع الآراء" وُضعت فيه المخالفة وفى مقابلها الدفوع .. ومنها دفعك بأن "ناقل الكفر ليس بكافر" قبل أن تدفع به حضرتك

- لأنك اعتبرت أن جريمة نجع حمادي فتنة طائفية وهي ليست كذلك بشهادة الجميع وحكمت بما لم يحكم به القضاء أو بما يتنافى مع سير التحقيق

أنا لم أحكم يا سيدى الفاضل .. أنا أقول رأيى .. مثلى فى ذلك مثلك ومثل جميع من أبدى رأيا فى الحادث .. ولا زلت .. لم أجد إلى الآن ما يدعونى إلى تغيير ذلك الرأى .. وأعدك أن أغيره عندما أجد إجابة على تساؤلاتى هذه بما يقنعنى بعدم وجود بعد الفتنة الطائفية فى الحادث :

منك لله يا زوهيرى .. خليتنى استعمل خاصية البحث .. فرأيت عجبا .. لا أريد أن أضعه فأصبح كمن يحشو الجرح ملحا

هل لى الحق فى التساؤل عن سبب اختيار اليوم الذى نفذت فيه الجريمة ؟

اليوم هو يوم عيد مسيحى .. المكان كنيسة العدرا .. هل هناك شك فى البعد الطائفى للحادث ؟

ولماذا إشعال نار الطائفية داخل مصر صبيحة جريمة أخرى على الحدود مع إمارة غزة الإخوانية ؟

هل سمعنا عن أن الجرم الأكبر يستغرق الجرم الأصغر ؟

هل لى الحق فى التساؤل .. أم أن التساؤل يخرجنى من الملة ؟

لأن المجرم مسجل خطر وليست له أي ميول دينية

دون البحث ، ودون الحاجة إلى قص ولصق .. أسألك : وهل البلطجية والمسجلين "خطر" الذين تستعين بهم الأحزاب فى الانتخابات هم رجال سياسة .. أو لهم أدنى علاقة بالسياسة ؟

- ولأنك وضعت قيودا جديدة على حرية التعبير في المحاورات

هل هى ما جاء فى تبريرك لعدم توفيقى والتى رددت عليها الواحد تلو الآخر ؟ .. أم أن هناك قيودا جديدة تراها ولكنك لم ترد الإفصاح عنها ؟

أرجو ألا تحذف مداخلتي كما حذفت مداخلة أخرى لي بالأمس أراها كانت مهمة دون أن أنبه برسالة من الإدارة

مداخلتك كما هى .. بل إننى أحتفيت بها ووضعت ردا على كل ما جاء فيها .. أما عن مداخلتك التى حُذفت دون أن تصلك رسالة بذلك ، فمن حقك الاستفسار عن سبب الحذف ومن حقك أن تتلقى ردا .. وأنا واثق من أنك تعرف وسيلة الاستفسار

[أبو محمد]

الموضوع ده مش كان الموقع قفله ايه اللى فتحة تانى مش فاهم بصراحة ادارة الموقع تقفله شوية وقلت انها اخيرا خدت بالها من الكلام اللى ملوش لازمة فى الموضوع ازاى بقى تفتحوه تانى ... بصراحة ده تهريج

هذا رأيك وله احترامه .. ولكن ليس من الضرورى أن تحظى طريقة تعبيرك عن هذا الرأى بنفس القدر من الاحترام

[aymaneng]

الموضوع ده مش كان الموقع قفله ايه اللى فتحة تانى مش فاهم بصراحة ادارة الموقع تقفله شوية وقلت انها اخيرا خدت بالها من الكلام اللى ملوش لازمة فى الموضوع ازاى بقى تفتحوه تانى ... بصراحة ده تهريج

هذا رأيك وله احترامه .. ولكن ليس من الضرورى أن تحظى طريقة تعبيرك عن هذا الرأى بنفس القدر من الاحترام

طبعا انا معاك ان لازم اعبر عن رايى باحترام وعشان كده قلت ان ده تهريج لان دى الحقيقة ان ده تهريج بصراحة انتوا بموافقتكم النقاش فى موضوع زى ده بتثيروا فتن كتير ملهاش لازمة.. بس طبعا اهو الناس بتكتب والموقع فرحان بكده.. مش مهم الكلام ده حلال ولا حرام حد بيغلط وهو مش حاسس وبيقول كلام ممكن يكفر والعياذ بالله كل ده مش مشكلة المهم الناس تتكلم ... الكلام عن الدين مكانه مش هنا ..الكلام ده ليه ناسه وهى اللى تعرف تحدد العلاقة بين المسلم والمسيحى طبقا للدين والسنة مش فتاوى وخلاص...

[znaty]

كنت لسة باسجل دخول للرد على الاخ ابو مشاركتين دة اللي خد كوبي وباست لمقالة بتاعة مدير دراسات مركز المقريزي في لندن لقيت المداخلة اتشالت

بصراحة ..كتر الف خير اللي شالها..وتسلم ايده ..علشان دي حاجة توجع البطن

يا اخي اقرا احنا بنكتب ايه وايه االي بيتقال قبل ما تقرفنا بلعبة الكوبي وباست التي لا تعبر عن راي.. وتبث سموما واكاذيب وتعصب اعمي

بكره هاتعرف انكم لو في خندق واحد في حرب ..هو اللي هايحمي ضهرك وانت اللي هاتحمي ضهره..وهتقسموا اللقمة سوا

دامت مصر وطنا امنا للمسلمين والمسيحيين ..ودامت بينا الاخوة والعشرة

اخواني المسيحيين .. اتشرف بكونكم مثلي ..مصريون

[أحمد سيف]

الموضوع ده مش كان الموقع قفله ايه اللى فتحة تانى مش فاهم بصراحة ادارة الموقع تقفله شوية وقلت انها اخيرا خدت بالها من الكلام اللى ملوش لازمة فى الموضوع ازاى بقى تفتحوه تانى ... بصراحة ده تهريج

هذا رأيك وله احترامه .. ولكن ليس من الضرورى أن تحظى طريقة تعبيرك عن هذا الرأى بنفس القدر من الاحترام

طبعا انا معاك ان لازم اعبر عن رايى باحترام وعشان كده قلت ان ده تهريج لان دى الحقيقة ان ده تهريج بصراحة انتوا بموافقتكم النقاش فى موضوع زى ده بتثيروا فتن كتير ملهاش لازمة.. بس طبعا اهو الناس بتكتب والموقع فرحان بكده.. مش مهم الكلام ده حلال ولا حرام حد بيغلط وهو مش حاسس وبيقول كلام ممكن يكفر والعياذ بالله كل ده مش مشكلة المهم الناس تتكلم ... الكلام عن الدين مكانه مش هنا ..الكلام ده ليه ناسه وهى اللى تعرف تحدد العلاقة بين المسلم والمسيحى طبقا للدين والسنة مش فتاوى وخلاص...

أيوه احنا يهمنا الناس تكتب وتعبر عما تعتقده ما دام ذلك في إطار الاحترام والموضوعية ... ولا نفرض أنفسنا أوصياء عليهم ونحدد لهم ما هو الحلال والحرام والإيمان والكفر ... ولا نقبل أن يعيّن أحد الأعضاء نفسه كسلطة "حسبه" على أعضاء المنتدى جميعا وعلى إدارته ... والموضوع اساسا لم يفتح لمناقشة الدين بل لمناقشة التاريخ وحتى لو كان مفتوحا لمناقشة الدين فسنرحب به طالما يتم النقاش دون إساءة للعقائد أو إصدار فتاوى دون مرجع (لاحظ فتاوى وليس آراء ... وهناك فرق) كما هو مبين في قواعد المشاركة. ومحاولة تكميم الافواه التي دأب البعض على اللجوء اليها نرفضها جملة وتفصيلا وسنتصدى لها كأعضاء ومشرفين ... أرجو أن يكون هذا الأمر واضحا للجميع ومنهم حضرتك.

عن فريق الإشراف

أحمد سيف

[tarek hassan]

أرجو ألا تحذف مداخلتي كما حذفت مداخلة أخرى لي بالأمس أراها كانت مهمة دون أن أنبه برسالة من الإدارة

مداخلتك كما هى .. بل إننى أحتفيت بها ووضعت ردا على كل ما جاء فيها .. أما عن مداخلتك التى حُذفت دون أن تصلك رسالة بذلك ، فمن حقك الاستفسار عن سبب الحذف ومن حقك أن تتلقى ردا .. وأنا واثق من أنك تعرف وسيلة الاستفسار

الفاضل : أبو محمد

أولا شكرا على الرد

لقد قامت الإدارة مشكورة بحذف حوالي عشرة كلمات تحتوي على شتائم من مداخلة لعضو يشتم عضوا معاقبا غير متواجد بناء على تنبيهي في مداخلة لي محذوفة وبقي العضو بلا عقاب على ما جاء في مداخلته

ألم يكن ممكنا حذف الرابط أو الروابط التي أتت بها الدكتورة دون أن يكون هناك إنذار كما هو متبع في حالات أخرى أو أسوة بما حدث مع هذا العضو ؟

هنا تكمن أهمية مداخلتي المحذوفة وهذا ما قصدته فيها

كنت أريد أن أبني على موقف الإدارة من هذا العضو

ومحاولة تكميم الافواه التي دأب البعض على اللجوء اليها نرفضها جملة وتفصيلا وسنتصدى لها كأعضاء ومشرفين ... أرجو أن يكون هذا الأمر واضحا للجميع ومنهم حضرتك.

عن فريق الإشراف

أحمد سيف

أنا معاك يا أستاذ : أحمد

وربنا يعينك

تم تعديل 19 يناير 2010 بواسطة tarek hassan

[aymaneng]

أيوه احنا يهمنا الناس تكتب وتعبر عما تعتقده ما دام ذلك في إطار الاحترام والموضوعية ... ولا نفرض أنفسنا أوصياء عليهم ونحدد لهم ما هو الحلال والحرام والإيمان والكفر ... ولا نقبل أن يعيّن أحد الأعضاء نفسه كسلطة "حسبه" على أعضاء المنتدى جميعا وعلى إدارته ... والموضوع اساسا لم يفتح لمناقشة الدين بل لمناقشة التاريخ وحتى لو كان مفتوحا لمناقشة الدين فسنرحب به طالما يتم النقاش دون إساءة للعقائد أو إصدار فتاوى دون مرجع (لاحظ فتاوى وليس آراء ... وهناك فرق) كما هو مبين في قواعد المشاركة. ومحاولة تكميم الافواه التي دأب البعض على اللجوء اليها نرفضها جملة وتفصيلا وسنتصدى لها كأعضاء ومشرفين ... أرجو أن يكون هذا الأمر واضحا للجميع ومنهم حضرتك.

عن فريق الإشراف

أحمد سيف

طيب بمناسبة ان كل واحد من حقه يعبر عن رايه انا عندى راى عايز اقوله....

فى فرق كبير بين المسيحى والكافر

المسيحى هومن يوحد بالله وبشهد ان سيدنا عيسى عليه السلام رسول الله ولكن مش بيشهد بسيدنا محمد عليه الصلاةو والسلام

اما الكافر انسان بيشرك بالله وبقول ان سيدنا عيسى عليه السلام ابن الله او سيدنا موسى او اى انسان على وجه الارض

يعنى اى حد يا جماعة بيقول ان سيدنا عيسى ابن الله ده انسان كافر

وطبعا كلنا عارفين علاقة المسلم ايه بالكافر

اظن الرسالة وصلت

واظن انا كده مش بقول فتوى دينية اكيد اى حد عارف ان ربنا قال " لم يلد ولم يولد ولم يكن له كفوا احد" يعنى مش محتاجة تفسير

يعنى اى حد يقول ابن الله اخو الله مش عارف اى كلام فى الضياع كده اكيد كافر ولا ايه

تم تعديل 20 يناير 2010 بواسطة aymaneng

[MZohairy]

المسيحى هومن يوحد بالله وبشهد ان سيدنا عيسى عليه السلام رسول الله

بكده يبقى كل المسيحيين تقريبا كفار بالنسبالك

و بالتأكيد انت كافر كمان بالنسبالهم ايضا

و ده اللي مفروض كلنا عارفينه من زمان

طب نعمل ايه؟

يبقى نتعايش بقى على الوضع ده مع بعض بدون اساءات او اهانات او يا مسيحي يا كافر او يا مسلم يا كافر

خلي قناعاتك داخلك او مع من يؤمنون بها فقط بدون علنيه (الكلام للطرفين بالطبع)

و تعايش مع الآخر الإنسان في سلام و ود و محبه بدون النظر في دينه الكافر

لأنكم حتعيشوا مع بعض غصب عنكم و ده قدركم

يبقى نعيش كويسين ولا نعيش نشتم في بعض ونكفر في بعض و بعدين نقتل في بعض؟

ربنا يهدي شعب مصر لما فيه الخير و السلام

[لونا]

المسيحى هومن يوحد بالله وبشهد ان سيدنا عيسى عليه السلام رسول الله

بكده يبقى كل المسيحيين تقريبا كفار بالنسبالك

و بالتأكيد انت كافر كمان بالنسبالهم ايضا

و ده اللي مفروض كلنا عارفينه من زمان

طب نعمل ايه؟

يبقى نتعايش بقى على الوضع ده مع بعض بدون اساءات او اهانات او يا مسيحي يا كافر او يا مسلم يا كافر

خلي قناعاتك داخلك او مع من يؤمنون بها فقط بدون علنيه (الكلام للطرفين بالطبع)

و تعايش مع الآخر الإنسان في سلام و ود و محبه بدون النظر في دينه الكافر

لأنكم حتعيشوا مع بعض غصب عنكم و ده قدركم

يبقى نعيش كويسين ولا نعيش نشتم في بعض ونكفر في بعض و بعدين نقتل في بعض؟

ربنا يهدي شعب مصر لما فيه الخير و السلام

الأستاذ/mzohairy

بالرغم من إختلافي مع الكثير من أفكارك ..... و لكن

أعتقد أن ما كتبته في هذه المداخلة يجب أن يكون ميثاق للتعامل بين كل المصريين

بكل بساطة نتبع الآية القرآنية : ( لكم دينكم و لي دين )

بغض النظر عن إعتقادي في دينك أو إعتقادك في ديني

فيجب أن يظل هذا الإعتقاد في القلب

فنحن نعيش سويا في نفس المكان على نفس الأرض

و ربنا لم ينهانا عن معاملة النصارى أو البيع و الشراء معهم

و الرسول صلى الله عليه و سلم كان يزور طفل يهودي مريض

يعني ليس فقط معاملات تجارية و حياتية و لكن معاملات إنسانية راقية أيضا

[قطرة ندى]

أيوة أنا جيت أهه

س: فتحتى الموضوع ده ليه؟

فتحته عشان أفتح العقول المغلقة

س: انتى نصابة ..او مسيحية أو صاحبة فتنة..ويمكن تكونى أزهرية كمان

ج انا لا نصابة ولا مسيحية ولا أزهرية ولا صاحبة فتنة

س:مبترديش ليه

ج: سايباهم لوحدهم يستنتجوا ان دى مش طريقة للرد ..

س: انتى جاية من كوكب آخر

ج: لا أنا واحدة خرجت وعشت برة بقالى 12 سنة وقابلت مختلف الأديان وشفت ازاى متعايشين مع بعض

(وجعلكم شعوبا وقبائل لتعارفوا)

س: امال ليه عايزاهم يصتدموا

ج: انا مش عايزاهم يصتدموا..أنا عايزاهم يتفاهموا... وحبيت أوصل وجهات النظر المختلفة للطرفين

س: ايه اللى مزعلك فى طريقة الحوار

ج: اللى مزعلنى ان فيه فئة كبيرة فى مصر مش قادرة تتقبل فكرة الاختلاف يعنى دايما الرد بيكون من شاكلة (رأيك غير مقبول)

طب ليه يا أخى غير مقبول...أنا لا أرى شيئا أبدا اسمه رأى غير مقبول..أمال لو شفتوا الغرائب اللى برة ..واحد هندى بيحاول يقنع واحد مسلم بدينه وهو بيعبد البقرة ...بيقوله البقرة هى الأساس انت أمك رضعتك كام سنه؟ قاله سنة واحدة..رد عليه الهندى قاله ..أما البقرة بترضعك طول العمر!!!

ولا المسلم هدده ولا عوره ولا شتمه..

عشان كده صعب أدخل فى الحوار ده وأنا شايفة ان ضرب الطوب شغال

أخاف على عينى

آه يا عينى...ضربنى بعينه على ايدى يا سعادة البيه

مش غلط اننا نتناقش ..الغلط هو طريقة النقاش مش كده

والله يخليكم اللى يرد عليا بالراحة عشان أنا خايفة من الروصيات والبوانى

[الباشمهندس ياسر]

ج: لا أنا واحدة خرجت وعشت برة بقالى 12 سنة وقابلت مختلف الأديان وشفت ازاى متعايشين مع بعض

(وجعلكم شعوبا وقبائل لتعارفوا)

تصحيح الاية

وَجَعَلْنَاكُمْ شُعُوبًا وَقَبَائِلَ لِتَعَارَفُوا

[znaty]

طيب بمناسبة ان كل واحد من حقه يعبر عن رايه انا عندى راى عايز اقوله....

فى فرق كبير بين المسيحى والكافر

المسيحى هومن يوحد بالله وبشهد ان سيدنا عيسى عليه السلام رسول الله ولكن مش بيشهد بسيدنا محمد عليه الصلاةو والسلام

اما الكافر انسان بيشرك بالله وبقول ان سيدنا عيسى عليه السلام ابن الله او سيدنا موسى او اى انسان على وجه الارض

يعنى اى حد يا جماعة بيقول ان سيدنا عيسى ابن الله ده انسان كافر

وطبعا كلنا عارفين علاقة المسلم ايه بالكافر

اظن الرسالة وصلت

واظن انا كده مش بقول فتوى دينية اكيد اى حد عارف ان ربنا قال " لم يلد ولم يولد ولم يكن له كفوا احد" يعنى مش محتاجة تفسير

يعنى اى حد يقول ابن الله اخو الله مش عارف اى كلام فى الضياع كده اكيد كافر ولا ايه

انت كدة ما بتفتيش ؟؟ :sad:

يا صديقي اي واحد لا يؤمن بأن محمد صلى الله عليه وسلم يبقي في الطراوة ( تعبير اخف :lol: )

لكن لا يا صديقي

اهل الكتاب حتى ولو ضلوا لا يعاملوا معاملة الكفار اطلاقا ونصوص الشرغ واضحة ومتعددة في كدة يا باشا

دول قوم احبابنا وانبياءنا عليهم الصلاة والسلام عيسي وموسي واوصانا بيهم اخوهم محمد صلي الله عليه وسلم

دول موش قوم بوذا والا عباد النار والبقر والاصنام يا ريس

دول اتباع ديانات سماوية ..

[znaty]

المسيحى هومن يوحد بالله وبشهد ان سيدنا عيسى عليه السلام رسول الله

بكده يبقى كل المسيحيين تقريبا كفار بالنسبالك

و بالتأكيد انت كافر كمان بالنسبالهم ايضا

و ده اللي مفروض كلنا عارفينه من زمان

طب نعمل ايه؟

يبقى نتعايش بقى على الوضع ده مع بعض بدون اساءات او اهانات او يا مسيحي يا كافر او يا مسلم يا كافر

خلي قناعاتك داخلك او مع من يؤمنون بها فقط بدون علنيه (الكلام للطرفين بالطبع)

و تعايش مع الآخر الإنسان في سلام و ود و محبه بدون النظر في دينه الكافر

لأنكم حتعيشوا مع بعض غصب عنكم و ده قدركم

يبقى نعيش كويسين ولا نعيش نشتم في بعض ونكفر في بعض و بعدين نقتل في بعض؟

ربنا يهدي شعب مصر لما فيه الخير و السلام

خلاصة ..دة خلاصة الكلام

[joo]

احب اقول شيء أخير

الدنيا فانية

والمسيحيين لا يهمهم مصر قبطية ولا اسلامية

لانها فى الاخر شوية تراب واحنا هنموت ونتحول تراب فمفيش داعى للجدال

[أحمد سيف]

بكده يبقى كل المسيحيين تقريبا كفار بالنسبالك

و بالتأكيد انت كافر كمان بالنسبالهم ايضا

و ده اللي مفروض كلنا عارفينه من زمان

طب نعمل ايه؟

يبقى نتعايش بقى على الوضع ده مع بعض بدون اساءات او اهانات او يا مسيحي يا كافر او يا مسلم يا كافر

خلي قناعاتك داخلك او مع من يؤمنون بها فقط بدون علنيه (الكلام للطرفين بالطبع)

و تعايش مع الآخر الإنسان في سلام و ود و محبه بدون النظر في دينه الكافر

لأنكم حتعيشوا مع بعض غصب عنكم و ده قدركم

يبقى نعيش كويسين ولا نعيش نشتم في بعض ونكفر في بعض و بعدين نقتل في بعض؟

ربنا يهدي شعب مصر لما فيه الخير و السلام

الله يفتح عليك يا عم زهيري ... انت كده وصلت بنا لكلمة سواء يمكن أن يتفق عليها جميع العقلاء

[عنبو]

دول موش قوم بوذا والا عباد النار والبقر والاصنام يا ريس

دول اتباع ديانات سماوية ..

حتى لو عباد معرفش ايه طالما بنعيش فى وطن واحد وكل واحد بيؤدى حقوقه تجاه الوطن يبقى من حق كل مواطن ان يكون آمن على اهله وماله وعرضه

دى اخلاق المسلمين فى الفتوحات الاسلاميه "" بالنسبه ليا يعنى اصل فيه ناس تقولك غزو ""

اما ان يستغل البعض ويقولك دول كفار يبقى حلال لينا كل حاجه ده اسمه بلطجه ولازم يكون الرد بأيد من حديد سواء كان على مسلم او مسيحى علشان الكل يعرف ان فيه حاجه اسمها سلام

[MZohairy]

حاسس و الله اعلم ان ده حيكون اول موضوع في تاريخ المنتديات بيتكلم عن الأديان و ينتهي باتفاق الجميع

ربنا يستر