الكبدة الأسكندرانى (سؤال)

[mnman]

الكبدة الاسكندراني... كل ما اعملها يطلع طعمها مش ولابد.. ممكن حد من اهل الخير يدلنا علي السر والاجر والثواب علي الله.. :cool: :cool: :cool:

[Cleo]

الكبدة الاسكندراني

الكبدة و هى نية يتقطع عليها توم على قد ما ربنا يقدرك (يعنى 1/2 راس توم مثلا)

و فلفل أخضر و توابل على حسب المزاج (خصوصا الفلفل الأسود و الشطة) يتحط عليها سمنة أو زبدة حسب المزاج

قبل ما تستوى بحاجة بسيطة يتعصر عليها 1/2 ليمونة

بما إن الليمون بيدى حدق للأكل يبقى نقلل شوية كمية الملح المضافة لكل الأطعمة المضاف عليها ليمون زى الكبدة

اتبقى ملحوظة مهمة.. إن الكبدة ماتحبش النار الكتير.. يعنى بالكتير من 7-10 دقائق على نار هادية لحد ما لونها يتغير....

(المرة الجاية بفلوس) :twisted:

بالهنا و الشفا

[Farida]

و الله موضوع يفتح النفس بصحيح المهم بخصوص الملوخيه حتى لا تسقط يجب الا تغلى يعنى اول ما تظهر علامات الغليان نطفى و نضيف التقليه و نقلب بسرعه مع الشهقه طبعا ....

اما طريقه الكبد الإسكندرانى فهى كالأتى :

1/2 كيلو كبده تقطع شرائح

2 ملعقه صغيره توم مدقوق

2 ملعقه خل

2 ملعقه زيت

2 ليمونه

2 ملعقه كمون

ملح و فلفل

توضع الكبده فى هذه التتبيله لمده ساعتين ثم فى طاسه نقدح معلقتين كبار زيت و نسوى فيهم الكبده و قرب ما تستوى نقطع فلفل اخضر و طماطم فوقها بس تكون قطع صغيرة و نتركها تستوى مع بعضها

و جربوها و ادعولى

[عمو عمرو]

اقولكم انا بعملها ازاي؟

1/2كجم كبده يقطع شرائح صغيره

سبعه فصوص ثوم متوسطه الحجم

خمسه قرن فلفل شطه

ملعقتين صغار كمون

3ملعقه كبيره خل

ملح وفلفل اسود

بصله صغيره

يفرم الثوم والبصل والكمون والملح والخل ويخلط مع الكبده وتترك في الثلاجه ساعه يوضع 1/4كوب زيت علي النار ويضاف اليه الكبده مع التقليب فتفرز قليل من الماء ولما تبدا تشربه تاني يضاف قليل من الفلفل الاخضر وكده تبقي استوت وبالهنا والشفا