تورتة الاناناس

[Salwa]

احبائى.

اقول لكم طريقة عمل تورتة الاناناس......اصحابى كلهم ...كل ماييجوا

عندى...ياخدوا الطريقه وبرضه متطلعش زى اللى انا بعملها.

انا بقول لكم كل الاسرار.

احلى حاجه استعمال البرام.....الاكل بيبقى له طعم تانى...والواحد

كانه عايش لسه فى بيت اجداده...

يعنى تتعمل فى البرام....احسن مليون مرة من البيركس والتيفال وغيره.

ـ كوب دقيق مخلوط عليه باكو خميرة بيكنج بودر.

ـ كوب جوز هند.

ـ 4 بيضات.

ـ علبة حليب نسله ـ مكثف ـ / معرفش صح مكثف دى والا لأ/حلو يعنى .،التقيل ده،سميك وحلو.

ـ علبة اناناس كبيرة.

ـنصف كوب سكر....وكوب آخر من السكر..،حقول لكم ليه،

ـ نصف كوب زبده.......وملعقه زبده...ندهن بيها البرام.

.......الطريقه..........

ـ نضع كوب السكر،فى طاسة طبعا،على النار ونعمل عسل زى عسل

الكريم كراميل.,,,يعنى كان بنحرق السكر,,,,

ـ نفضى الاناناس فى طبق لتصفيته ،،ونحتفظ بالعصير فى العلبه،،،

ـ نرص الاناناس على هيئة وردة.

يعنى دهننا الصينية زبده ثم نضع فوقها العسل ثم نرص الاناناس.

ـالاناناس بعد العسل.

ـ الباقى كله سهل...

نضيف الدقيق المخلوط بالخميره على الجوز هند.

ــــ نبدأ نضع نصف كوب السكر فى ، السلطانيه اللى حا نعمل فيها

العجينه.

ــ ثم نضع البيض والزبده.

نضربهم بالخلاط ثم نضيف شويه شويه الدقيق ثم اللبن النسليه

وعنما تصبح العجينه متجانسة،،عمرها طبعا ماحاتكون جامده،،

نضيفها فوق الاناناس.

وندخلها فرن متوسط.

وممكن نشوف ونعرف لو استوت..بحرف السكين.

نطلع الصينيه....وبعد 20 دقيقه او 15...نكون محضرين طبق كبير

زى طبق البيتزا...او صينية البيتزا...الزجاج.

ونقلب البرام بمنتهى الحرص.

ممكن قبل ما تقلبوا الصينيه تمشوا السكين من الجوانب علشان تتقلب ببساطة.

وحاتلاقوا منظرها خطير.....وشيك.

وطعمها...يجنن.

والله العظيم دى اختراعى انا...

بالهنا والشفا.

طلعتوا كل الاسرار الحربية.

سلام.

[Salwa]

نسيت اقول لكم.

عصير الاناناس ،تسقوا بيه التورته،

سلام.

[Falasteen]

Thank you very much for this nice recipy

it looks really really really good

[بنت الشاطئ1]

عزيزتى سلوى

شكرا على هذه الوصفة وانا من النوع الذى ينفذ اذا وجدت من يؤكد لى جمال الوصفة

لكن هل يمكن من فضلك ان تذكرى الوصفة بشئ من التفصيل

البدايه واضحة ولكن مثلا البيض هل تفصلى البياض عن الصفار

موضوع الترتيب فى اضافة المواد هل هو كما ذكرتى يعنى الدقيق قبل الزبدة

ارجو ان تشرحى الخطوات مرة اخرى واذا امكن وضع صورة التورتة او حتى خطوات العمل

وهل ا لسكر الذى فى الصينية هل محروق ام ما شكله النهائى وكم دقيقة نتركه على النار

شكرا لك

[بنت الشاطئ1]

ارجو الرد

لأنى جربت حرق السكر واصبح كالحجر

ماذا افعل ؟

[عبير يونس]

للرفع يا ماما سلوى

انا كمان عايزة أعرف التفاصيل اللي سألت عليها الفاضلة بنت الشاطيء

تحمست لأني بأمووووووووووووت في الأناناس:FN:

كل الفواكه الاستوائية الحقيقةhypr:

[Salwa]

للرفع يا ماما سلوى

انا كمان عايزة أعرف التفاصيل اللي سألت عليها الفاضلة بنت الشاطيء

تحمست لأني بأمووووووووووووت في الأناناس:FN:

كل الفواكه الاستوائية الحقيقةhypr:

كدة برضه ياعبير ؟؟

يادى الكسوف ..

ترفعى الموضوع ويتضح انى مرديتش على حد؟؟ يارب يلاقوا لى عذر ...اكيد كان عندى عذر ومكنتش موجودة .

تلاقينى ايامها بقى سافرت والا حاجة ....ونسيت ارد على الموضوع ده.

انتى يعنى لازم (( تدعبسى كدة ؟؟ ))..

شوفى بقى ياست عبير ...انا ان شاء الله سوف اضع لك هنا طريقة عمايل التورتا .

لكن؟؟

لو بصيتى على طريقتى حاتلاقيها مختلفة ف كام حاجة كدة ..

1-انا اضع زبدة بدلا من الزيت..

2-واضيف جوز هند الى الدقيق.

3-واستعمل حليب نسلة المركز...

4-واستخدم عصير الاناناس ف الآخر خالص بعد ما التورتا تطلع من الفرن.

اظن كدة الوصفة بقت سهلة قوى خصوصا انى سوف اضع فيديو صغير ..

وبجددددد

جربى طريقتى انا...وبالهنا والشفا.

اصل لابد من الاضافات بتاعتنا احنا..

رمضان كريم..

http://www.youtube.com/watch?v=elJTpkDUS5I

[مصرية و أفتخر]

تسلم الأيادى

[Salwa]

تسلم الأيادى

اهلا ومرحبا يامصرية .

لسا امبارح ( سبحان الله ) ... عملت التورتا دى

وبنتى قالت لى ياماما مش حاتبطلى بقى تعملى الحاجات اللى اكيييد بتبوظ اى نظام غذائى ؟؟

وقلت لها خلاص...بكرة حاعمل لكم عيش بالزيتون .

هههههههه

الصراحة اى حاجة بتتعمل بحب بتبقى حلوة .

شكرا جزيلا وتسلمى يارب . :give_rose: