مكرونة بالبشامل

[غادة شريف]

ثلاث موضوعات تم دمجها معا عن المكرونة بالبشامل آخرها تم فتحه أمس.

الإدارة

أنا ترجمت الطريقة دى من كتاب بس بصراحة أحسن طريقة لاقيتها للمكرونة بالبشامل و كل اصحابى بيحبوها جدأ. و جوزى اللى كان بيكره المكرونة بالبشامل قبل الجواز دلوقتى بيطلبها بنفسه!!!

المقادير:

اولا تجهيز المكرونة:

نصف كيلو مكرونة

4 ملعقة كبيرة زبدة

4/3 كوب جبن رومى مبشورة

4/1 ملعقة صغيرة جوزة الطيب

ملح وفلفل

3 بيض مخفوق قليلا

تجهيز حشو اللحم المفرومة:

بصلة كبيرة مفرومة

1 فص ثوم مهروس

2 ملعقة كبيرة زبدة

4/3 كيلو لحم مفروم

2 ملعقة كبيرة معجون طماطم

1 ملعقة كبيرة خل احمر

2/1 فنجان شوربة دجاج

2 ملعقة كبيرة بقدونس مفروم

1 ملعقة صغيرة سكر

ملح وفلفل

البيشاميل:

3/1 كوب زبدة

2/1 كوب دقيق

3 كوب لبن

4/1 ملعقة صغيرة جوزة الطيب

ملح وفلفل

بيضة مخفوقة

الطريقة:

1- اسلقي المكرونة بالماء والملح حتى تنضج ثم صفيها

2- ذوبي الزبدة حتى تحمر ثم اضيفي المعكرونة واضيفي 2/1 كوب جبن واضيفي الجوزة الطيب والملح والفلفل اخلطيها جيدا ثم اتركيها تبرد اضيفي البيض وحركيه جيدا ثم اتركيه جانبا

3-حمرى البصلة و التوم خفيف ثم اضيفى اللحمة و البهارات لحد ما تتشرب ماية اللحمة. أضيفى الخل و قلبى مدة دقيقة ثم ضيفى الصلصة و الشوربة. ارفعى من على النار و قلبى عليها البقدونس المفروم.

4- جهزي البيشاميل. ذوبى الزبدة على نار هادية وضيفى الدقيق مع التقليب لد ما لونة يصفر. صبى اللبن بالتدريج مع التقليب المستمر. استمرى فى التقليب حتى يغلى الخليط ثم ارفعيه من على النار واتركيه حتى يبرد قليلا. بعد أن يبرد، قلبى البيض في البشامل وضيفى البهارات.

5- اضيفي مقدار 2/1 كوب من البيشاميل على اللحم وحركيه جيدا

6 - ادهني صينية الفرن بالزبدة و صبى نصف المكرونة ثم اللحم ثم المكرونة الباقية سوي السطح وصبي البيشاميل عليه

ثم رشيه بباقي الجبن و اطبخيه في فرن متوسط الحرارة 350 فهرنهايت لمدة 50 دقيقة حتى تتحمر

7- اتركيها ترتاح 10 دقائق قبل تقطيعها

و بالهنا و الشفا

[شينكاوي]

السلام عليكم

كل عام يا اخواتنا وامهاتنا وانتم بألف خير بمناسبة العيد

يا رب يكتر لحمتكم وشوربتكم وفتتكم ويقلل من الكوليسترول والسمنة وتبقوا كلكم احلي من هيفاء يا رب wst::

الدعوات دول مش مجانا في مقابل ايوة في مقابل ومقابل كبير كمان

بما ان زوجتي بمصر ولسه ما جتش الكويت وانا عايش لوحدي ومش عارف انزل ع العيد علشان الشغل

فلو ممكن حد فيكم يشرحلي طريقة عمل المكرونة بالبشمل والفتة لو سمحتم بس الله يبارك فيكم

يا رب... ممكن بالتفصيل واللي هتشرح بالتفصيل هدعيلها ع الفطار يوم عرفة يعني ما يرديكمش اقعد لشهر فبراير من غير

مكرونة بالبشميل ولا العيد يعدي من غير فتة : :lol:

بس هه اللي هتشرح غلط والطبخة هتبوظ هطالبها امام جميع الأعضاء بتكلفة الطبخة

ارجوكم ارجوكم ارجوكم ساعدوا واحد مسكين عايش لوحده وما عارف يأكل اكلة زي الناس :lol:

تعاطفكم وحده مش كفايه وااله يجيبك بالسلامة يا ام مصعب :lol:

ويا رب يحلي طبيخكم وما يشمت فيكم حماة ولا جارة يا رب العالمين

اميييييييييييييييييييييييين

[badroora]

يسلام يا شينكوا انت تئمر وطبعا بما ان نساء المنتدى مشغولين بالعيد فانا هنفرد بالرد لوحدى

استعنى عالشقا بالله

الفته

هاقولك اللى انا شخيصا باعملها بش مش باكله لانى عندي حاسيسية من الفته

بص يا سيدي بما انك فى الكويت حيث التوست المتوفر

جيب التوست وافتح فرن البوتجاز وارمية لحد ما ينشف مش يتحرق يعنى قبل الحرق بشوية كدا ابقي شيلة

وبعدين جيب اللحمة واغسلها كويس وخالى الماية تغلى وارمى فيها اللحمة

وحط عليها اى شيء فى المطبخ غير السكر والشاى والقهوة اى شيء تلاقيه بعد كدا حطة كله بيدي طعم

وبعدين هات فصين تلاته توم ودشهم كويس وجيب حله او طاسة وادلوق شوية زيت حط عليهم التوم يصفر بخ عليه شوية شوربه وشوية صلصة

وبعدين جيب حالى اكبر شوية

وكسر التوست الى قطع غصيرة

وادلوق عليها التوم بالطماطم

والشوربة

هتلاقي اتعجن شوية مش مشكلة كله بردوا

وجع البطن ولا دلق الطبيخ

انتهينا من الفته

المكرونه

استنضف نوع كويس ومستخسرش وتجيب مكرونه تتعجن منك

وبعدين جيب حلة

ادلوق فيها ماء قيمة ملوها كدا وحط عليه شوية زيت

تغلى افتح كيس المكرونه الغالى اللى اشتريته الرخيصة لاء لان طريقتها تختلف

وسيب المكرونه لحد ما تستوى تعرف انها استوت ازاى بالمعلقة طلع مكروناية وحاول تفعصها لو اتفعصت تبقي استوت

وتجيب مصفة وتصفي المااااااااء وتغسل المكرونه لازالة الدسم :lol: بماء جارى

والحلة طبعا نضيفه مكان السلق مافيش داعى تغسلها هو تبزير وخلاص

المهم جيب لتر لبن وكسين باشاميل من الجاهز اللى بينباع دا واضرب الكيسين مع لتر اللبن وقلبهم كويس وطول ماهى عالنار قلب لحد ما يغلظ القوام اطفي عليها .

وبعدين نجيب حلة تانية

ونخرط بصلة وزيت واللحمة المفرومة نسبها لما تستوى وبعدين نجيب صنينة تكون مش سطحية يعنى عميقة شوية

نودلق فيها شوية زيت ونضيف باشميل للمكرونه وبعدين تحط نص المكرونه فى الصينية وتدوس عليه لحد مايلزق فى قعر الصنية مش مش فتيرة يعنى

وبعدين اضف اللحمة المفرومة ووزعها توزيع جيد ويجب مراعاة الزوايا

وبعدين نودلق باقي المكرونه وباي حاجة وبكل قوته بطط المكرونه وخليها متساوية

وبعدين ادلق باقي الباشاميل على المكرونه

وحط بقي جنبه اللى نفسك فيها عليعا وعلى فكرة فى ناس بتحط بيض مع الباميل قبل وضعه على الماكرونه

شوف انت حابه باية

وبعدين حطها فى الفرن الاول من تحت

وبعد ماتشم الشيات من تحت ارفعها لفوق واول متشيط من فوق تبقي استوت وبالهنا والشفا

شينكاوى

المواصفات دي متطلعش غير للغالين بس

الشيف نجفة االضب

وعيدك مبارك

[amrhoras]

ضع مقدار كوبين من الدقيق على كوب من الحليب (ممكن يستبدل بماء)

وقم بالتقليب جيدا

قم برج بيضتين فى كوب ثم ضعهم على المزيج مع الملح حسب الطلب

وقم بالتقلبيب ع النار الى ان يصبح المزيج سميكا

=====

المكرونه

اسلق المكرونه ودى فن ضعها فى ماء يغلى بقليل من الملح الى ان تصبح لينه ومفيهاش قرمشه بالبلدى كدى بالصلاتو ع النبي

واعمل الصلصه (طماطميتن فى حبة زيت او صلصه جاهزه فى زيت برده ) وضع قليل جدا من الماء

الى ان تشعر ان الصلصه نضجت (استوت) ابدأ بوضع المكرونه واحده واحده عشان بتطش وتتبهدل اسألنى انا

الى ان تشعر ان المكرونه بدأت تستوى اطفى عليها

=======

اللحمه المفرومه طبعا بصله على حته سمن (زيت) وملح وفلفل اسمر ولمونه عشان مش يكون لها ريحه لغايم لما تصبح مستويه

======

استلف صنيه من عند جارتكم وتكون غويطه ( عميقه وبحوائط)

ضع قليل من زيت الزيتون تحت

ثم افرش فرشه من الباشميل

طبقه من المكرونه

طبقه من اللحمه

طبقه من البشاميل

طبقه من المكرونه

لا ياحلو مفيش لحمه (انت هتخلصها ولا ايه خدلك معلقتين فى ساندوتش بتكون طعمه اوى والله )

قم طبقه ع الوش من البشاميل

وحط الصنيه فى الفرن يكون على درجة حراره امممم بص بالبلدى يكون حامى من الاخر يعنلا سيبك من كلام التى في يقولولك 80 و 90 والكلام الفاضى ده

بعد كدى ياطويل العمر اول ما الوش يحمر طلعها وبالف هنا وشفا وابعتلى حته ع الدمما عشان اشوف تعليمي جه بفايده ولا لا

والف هنا وشفا

تحياتى

عمرو اه متقولش لحد انى قولتلك عشان انت عارف بقى

انا قريت العنوان بعد ماكتبت مش عارف اخرج انا ولا تغير الستات دى خليها كل العضاء يراجل كبستني مش عارف بقى منظرى وحششششششششش

تم تعديل 17 ديسمبر 2007 بواسطة amrhoras

[miramar]

هو انا مش هاقدر افيدك لأني صراحة زي ما بيقولوا ابيض يا فل بكل ما يتعلق بالطبخ

بس اقدر اقولك ان وصفة بدرية وعمرو صحيحة لأني باشوف ماما بتعمل كدة يعني

انا حكم بس اراقب وادوق لكن ماطبخش

وبعدين حطها فى الفرن الاول من تحت

وبعد ماتشم الشيات من تحت ارفعها لفوق واول متشيط من فوق تبقي استوت وبالهنا والشفا

هذه طريقة مجربة مني انا شخصيا احط الاكل واستنى لحد ما يشيط اعرف انه استوى

ثم افرش فرشه من الباشميل

طبقه من المكرونه

طبقه من اللحمه

طبقه من البشاميل

طبقه من المكرونه

لا ياحلو مفيش لحمه (انت هتخلصها ولا ايه خدلك معلقتين فى ساندوتش بتكون طعمه اوى والله )

قم طبقه ع الوش من البشاميل

يوووووووووووووه بجد طبقاتك شوقتني للمكرونة بالباشاميل :lol: بس الحمد لله بكرة الوقفة واكيد هاخلي ماما تعملها ماليش دعوة

[Folana]

السلام عليكم ورحمة الله....

كل سنة وانتم طيبيين يا جماعة...انا بافكر انقل الموضوع فى باب الابتسام....

انا مش حأقول ولا حأتكلم علشان عايزة أستفيد شوية وصفات مفتكسة كده منكم قبل العيد...

بدردر....فين الخل ؟؟

اسعد الله مساكم....

[شينكاوي]

السلام عليكم

ربنا يبارك فيكم يا بيه يا رب

Badria Mekkawy رد اليوم, 08:52 PM

يسلام يا شينكوا انت تئمر وطبعا بما ان نساء المنتدى مشغولين بالعيد فانا هنفرد بالرد لوحدى

استعنى عالشقا بالله

الفته

هاقولك اللى انا شخيصا باعملها بش مش باكله لانى عندي حاسيسية من الفته

نعم نعم نعم يعني عمرك ما دوقتيها وعاوزة تجربيها في زعلت منك يا ام الضب قوي قوي برده كده دا انا اخوكي الغلبان

ما علينا حلينا مع ابو حورس وبعدين شوفي يا نجفة انتي وكل اللي هيردوا انا مش عاوز تضارب في الطبخات

كلكم كاتبين كلام غير بعض يعني اللي انتي قلتيه صنف وابو حورس صنف واللي جاي الله اعلم بيه.

شكرا يا ميرامار شكرا ليكي يا اختي انت بس بتأكلي

عدي علينا العيد من غير مستشفيات يا رب

[amrhoras]

لا بدريه تكسب طبعا

انا بس ماشي بمبدأ الجيش اتعامل مع نفسك يعنى

وكمان برده شيل الستات ن العنوان انا مش عارف بعمل ايه هنا

يراجل الطبخ للجدعان

[شينكاوي]

السلام عليكم

Folana رد اليوم, 09:13 PM

السلام عليكم ورحمة الله....

كل سنة وانتم طيبيين يا جماعة...انا بافكر انقل الموضوع فى باب الابتسام....

انا مش حأقول ولا حأتكلم علشان عايزة أستفيد شوية وصفات مفتكسة كده منكم قبل العيد...

بدردر....فين الخل ؟؟

اسعد الله مساكم....

وسع وسع الخبرة وصلت يا معلم <img src= " border="0" alt="book.gif" />

يعني ايه اطبع الورقة ولا لأ الله يخليكي يا ست فلانة اللي بيقولوه ده صح ولا ايه؟؟؟

دي بقي لعمرو وبدرية

يا فشلة بالطبيخ يا فشلة

[badroora]

بدردر....فين الخل ؟؟

اسعد الله مساكم....

طب والنعمة ما شوفته ولا جيت جنب التلاجة نهائي

دايما ظلمانى كدا

كل سنه وانتى طيبة يا كبيرة وانتى بردوا دورك مهم فى الموضوع دا كل اللى بنكتبه دا من تعليمك يا كبيرة

خشي علينا بقي انتى بالوصفة الاصلية سيبك من التيوانى بتاعتنا دا

كل سنه وانت طيبة وعيدك مبارك

[om marawan]

ولا يهمك يا ابو حورس ادينى جيت اطبخ معاك ولو ان الأكل بالطريقة الجيشى اللى وصفتها تأكدلى انكك تدى العيش لخبازه احسن

اخى شينكاوى

أنا هاقولك على طريقة امى وتتوكل على الله وتدعيلى هى هتبقى دسمة شوية بس مخدومة

اولا الفتة

طبعا الحاجة مالهاش فى التوست فممكن تجيب العيش الابيض المدور العادى بتاع الاكياس ده وتقطعه عادى وبعدين تاخده قليه واحدة فى الزيت يادوب يقرمش على خفيف علشان مايعجنش فى الشوربة

وده تحطه على جنب

نيجى للحمة المية تغلى وتحط بصلة كبيرة مبشورة وملح وفلفل وحبهان وممكن ورق لورا لو عندك ولما تغلى غلوتين كده تحط اللحمة المغسولى وياريت يكون فيها شوية سمين علشان الشوربة يكون لها طعم

حلو الكلام

لما تغلى الشوربة باللحمة توطى البوتاجاز وتستنى ساعة ساعتين كده على ماتستوى حسب اللحمة يعنى وطبعا اتاكد ان الشوربة ملحها مظبوط

تاخد الشوربة تسقى بيها العيش وتغطى عليه شوية وبعدين ....

نيجى للتومة بالخل زى ماقالت الشيف بدرية تفرم التوم وتشوحه فى معلقة زيت او سمن او زبدة وتحط عليها الخل اول ماتصفر والخلطة دى تحطها على العيش المتحمر المسقى بالشوربة

ممكن بأه شويو رز ابيض على الوش وعليه الصلصة وممكن الصلصة برصضه تضيفها على شوية من خلطة التوم

وبالهنا والشفا

اما بالنسبة للمكرونة الباشاميل فخليها تانى يوم العيد احسن

[شينكاوي]

السلام عليكم

شكرا يا مروان باشا ونجرب ع العيد وندعيلك وندعي للوالدة

[om marawan]

انا بهزر طبعا شكلك مصر على المكرونة هو اللى قالته الشيف نجفة تمام بس ماتنساش تحط شوية ملح حلوين وانت بتسلق المكرونة فى الاول

وطريقة عمرو مظبوطة بالنسبة للمكرونة لو انت بتحب المكرونة الباشاميل بالصلصة يعنى فيه ناس تحبها من غير صلصلة وناس لأ

يعنى ......................

سلقنا المكرونةفى ميه بتغلى وملح وزيت .............. ....صفيناها وغسلناها بالمية

ممكن نحط لها صلصة او لأ

اللحمة المفرومة زى ماالدكاترة قالوا

سمن او زيت بسيط وبصلة مفرومة ولحمة وملح وفلفل اسود وممكن برضه تعملها بالصلصة (يعنى تحط عليها معلقة صلصة من اللى فى العلب)

طيب نيجى بقى للباشاميل

فيه طريقتين :

كيسين جاهزين وتقرا الطريقة من على الكيس

او تعملها بطريقة الحاجة وتعيها برضه احسن أكلها وحشنى

شوف يايدى لازم سمنة طبعا مش زيت هنا

هتجيب معلقتين سمنة وتحط فيهم شوية دقيق تحمره (يعنى تقلب الدقيق كويس على النار فى السمنة وهتلاقى شكله زى العجينة شوية تقلب بسرعة علشان مايتحرقش)

تكون الشوربة جاهزة لازم سخنة جدا تروح قالب ييجى كبايتين ونص كده على الدقيق وتقلب بمضرب بيض يدوى وده السر اللى يخللى الباشاميل مايعجنش ابدا حتى مع الاكياس الجاهزة

تقلب كويس جدا وتروح مزود شوية لبن ييجى كباية ساقعة او اقل او اكتر حسب قوام الباشاميل

تشيل من على النار وتحط ملح بسيط وفلفل لأن الشوربة هتكون اصلا مملحة

وبعد الباشاميل مايبرد شوية صغيرة تروح كاسر عليه بيضة ومقلب بالمضرب كويس

اوعى تستخدم المضرب الكهربا

المضرب اليدوى اللى شبه السلك عارفة

وبعدين ترص زى ما الباش مهندسين قالوا

ويارب يجيبلك العائلة على خير ويجمع شملكم

وكل سنة وانتم طيبيبن

[Folana]

السلام عليكم ورحمة الله...

هو فيه مشكلة انك تحصل على عيش بلدى؟؟...مش عارفة طبعا العيش المتوفر عندك ايه...لكن لو عيش بلدى بيكون افضل...

انت طبعا لوحدك...نقول تقطع رغيفين قطع صغيرة وتحطهم فى صينية وعليهم ملعقتين سمن وتدخلهم الفرن يتحمصوا مع السمن...بس خلى بالك علشان مايتحرقش

سلق اللحمة ..بترفع الميه على النار ...واما تضيف اللحمة وهى المية باردة للحصول على شوربة دسمة ومغذية..او تضيف اللحمة بعد غلى المية علشان تحتفظ بالبروتينات فيها ..

لما اللحمة تغلى تبدأ تنزع الريم اللى بيظهر على وش الحلة بملعقة او اى حاجة..ولما يخلص الريم تضيف بصل مبشور وحبهان وممكن ورق لورا...واذا بتحب طعم المستكة ضيف واحدة او اتنين

ووطى النار وقبل اللحمة ماتستوى بشوية ضيف الملح..

الارز...طبعا بتغسل الرز وتجيب حلة وتضيف السمن وتقلب الرز بعد ما تغسله وتصفيه فى السمن ..لما المية اللى فيه تنشف ...تضيف عليه ماء او شوربة او الاتنين ..لحد ما تغطى وشه ..طبعا لو حتسويه فى الشوربة يبقى ما تضيفش ملح لحد ما تشوف هو محتاج ولا لأ...

لما الرز يغلى وطى النار ..ولما المية تبدا تقل..وطى النار اكتر..يعنى توطى العين كانك بتطفيها على فوق لحد مايبقى فيه شعلة ضعيفة...

واضح لحد هنا؟؟

الخل والثوم....حتهرس كام فص توم بعد التقشير طبعا...وتحمرهم فى ملعقتين سمن لحد الاصفرار بس ..وتضيف شوية خل..وتلات او اربع ملاعق شوربة وتسيبه يغلى دقيقتين وتطفى

فى حالة انك عايزها بالطماطم ...بعد ماتحمر الثوم بتضيف الطماطم ..او الصلصة بقى اسهل وعليها شوية شوربة صغيرة ..ولما تغلى شوية تضيف الخل وملعقتين تلاتة شوربة كمان...وشوية فلفل اسود مطحون..

كده عناصر الفتة اكتملت..

نرجع للعيش ...نضيف عليه شوربة ساخنة..(لو حتستخدم العيش الابيض واللى حتحمصه برضه اما فى الفرن او زى ما مروان قال... يبقى خلى الشوربة قليلة ومش سخنة قوى علشان يحتفظ بقرمشته ومايعجنش)...وتضيف على العيش شوية فلفل اسود وتقلبه وتضيف شوية من صلصة الفتة وتغطيه..لحد ما يفقد صلابته شوية ...

فيه ناس بتضيف ملعقتين ارز على العيش وتقلبه ..وبعد كده ترصه فى الطبق وعليه باقى الارز...زى ماتحب يعنى

وفيه ناس بتضيف لحمة مفرومة بالصوص فوق الوش...يعنى تغطى طبق الفتة كله باللحمة المفرومة فى صوص الطماطم ده بجانب التوم والخل طبعا لانه حجر الاساس فى الفتة

حترص العيش وعليه الارز ....وعليهم الصلصة بالتوم والخل..

بس كده

المكرونة بقى مروان قام بالواجب بس الباشميل بيتعمل باللبن أفضل.. ووصفة الفتة بتاعته تمام...

صباحكم جميل...

[مصري أصيل]

السلام عليكم ورحمة الله...

هو فيه مشكلة انك تحصل على عيش بلدى؟؟...مش عارفة طبعا العيش المتوفر عندك ايه...لكن لو عيش بلدى بيكون افضل...

كل سنه وانت طيب استاذ شنكاوي أنا هاقولك علي طريقه أسهل بكتير لعمل المكرونه الباشميل بما انك في الكويت بس اديني التليفون علي الخاص وهتلاقي صينيه مكرونه عندك .. بس يا عم في طريقه اسهل من كده؟؟؟؟

وبالنسبه للخبز البلدي ده بيكون اطعم فعلاً في الفته بكتير زي ما بتقول الأخت فولانه وده هتلاقيه في مخبز في الفروانيه في الشارع اللي فيه سوق المحاميد بجوار مطعم السيد البدوي . واي حاجه انت تأمر بس

[amrhoras]

السلام عليكم ورحمة الله...

هو فيه مشكلة انك تحصل على عيش بلدى؟؟...مش عارفة طبعا العيش المتوفر عندك ايه...لكن لو عيش بلدى بيكون افضل...

كل سنه وانت طيب استاذ شنكاوي أنا هاقولك علي طريقه أسهل بكتير لعمل المكرونه الباشميل بما انك في الكويت بس اديني التليفون علي الخاص وهتلاقي صينيه مكرونه عندك .. بس يا عم في طريقه اسهل من كده؟؟؟؟

وبالنسبه للخبز البلدي ده بيكون اطعم فعلاً في الفته بكتير زي ما بتقول الأخت فولانه وده هتلاقيه في مخبز في الفروانيه في الشارع اللي فيه سوق المحاميد بجوار مطعم السيد البدوي . واي حاجه انت تأمر بس

اده اده اده ماشيه معاك ياعم شينكاوى :rolleyes: بالنص انت اول ماناديت لبيت وجيتلك واديتلك الوصفه :rolleyes:

ماشي ياسيدى بالهنا والشفا على فكره ياجماعه انا رقم تليفونى 050000000 اللى عاوز يتصل او يبعت حاجه ميتكسفش مفيش احراج بينا :closedeyes:

يله كل سنه وانتو طيبين عنئذنكم عنى غسيل وتنفيط :rolleyes:

عمرو :rolleyes: :rolleyes:

[om marawan]

والله يافلانة باشا انا ريحة الفتة جت لحد عندى أهو كده شغل الشيفات المحترفين

مبروك عليك ياعم شينكاوى اجدع وصفة فتة ...ده بقا ياسيدى اللى بيقولوا عليه النفس فى الأكل

نسيت أقولك ان المكرونة الباشاميل تتحط فى الفرن فى الرف اللى فى انص او اعلى رف احسن علشان تتحمر من الوش بسرعة وتولع الفرن عادى مش الشواية اللى فوق وسيبها يطلع ساعة او ساعة الا ربع كده هتستوى وتتحمر ولا هتشم شياط ولا حاجة

احنا كمان هناكل فى العيد محروق ولا ايه مش كفاية بقيت السنة ؟؟ :blush2:

وبالهنا والشفا ياسيدى

ياعم عمرو .... انت بتقر على الراجل ليه ماتاخد ياعم الوصفة وتطبخ وتشغل ايدك فى المطبخ كده بدل ماتقعد فاضى فى العيد واهه ياسيدى دخولنا الموضوع جه بفايدة

صباح الفل وكل سنة وانتم طيبين

تم تعديل 19 ديسمبر 2007 بواسطة marawan

[شينكاوي]

السلام عليكم

اولا نفسي اشكركم شكر مش عارف ازاي :wub:

احنا جربنا الفتة ومن يوم العيد والشباب نايمين في الحمام :wub: لحد النهاردة الصبح وطبعا مش عاوز اوضح لحضراتكم كمية

التهزئ :wub: اللي واخدها من امبارح بس الحمد لله عدت علي خير

اما بخصوص المكرونة بالبشاميل فشكرا شكرا مش ناويين نخش المستشفي والحمد لله انها جاءت علي قد كده.

مصري أصيل رد Dec 18 2007, 10:04 AM

إقتباس(Folana @ Dec 18 2007, 09:38 AM)

السلام عليكم ورحمة الله...

هو فيه مشكلة انك تحصل على عيش بلدى؟؟...مش عارفة طبعا العيش المتوفر عندك ايه...لكن لو عيش بلدى بيكون افضل...

كل سنه وانت طيب استاذ شنكاوي أنا هاقولك علي طريقه أسهل بكتير لعمل المكرونه الباشميل بما انك في الكويت بس اديني التليفون علي الخاص وهتلاقي صينيه مكرونه عندك .. بس يا عم في طريقه اسهل من كده؟؟؟؟

وبالنسبه للخبز البلدي ده بيكون اطعم فعلاً في الفته بكتير زي ما بتقول الأخت فولانه وده هتلاقيه في مخبز في الفروانيه في الشارع اللي فيه سوق المحاميد بجوار مطعم السيد البدوي . واي حاجه انت تأمر بس

مش عارف اشكر حضرتك قد ايه يا مصري يا اصيل انت بالفعل اثبت انك اسم علي مسمي بس انا الصراحة الموضوع محرج بالنسبة لي

فمش من اول معرفة نقضيها كده بس اللي اكييد انني اتشرف بمعرفة حضرتك ومن غير صينية مكرونة ويبقي لي عند حضرتك صينية مكرونة

وان شاء الله هبعت لحضرتك رقم موبايلي ع الخاص ويشرفني اتعرف بيك .

اما ابو حورس ومروان فبقول اشوف فيكم يوم قعدوا تقروا لحد ما الموضوع وصل للحمامات :D

ومش انسي اشكركم جميعا علي المساعده بس في حاجة نفسي اقولها ربنا ما يحرمنا من الستات لن المطبخ مش سهل بالمرة

يعني احنا اخرنانسلق فرخة او حتة لحمة مع تقلية لكن الشغل التقيل له ناسه :D

[ام البنات]

شنكاوى

وصفه سهله وسريعه وطعمها حلو

شفت قد ايه التلخيص

طبا عارف السوسيس ماشى هاتجيبه من السوبر ماركت حلوانى او فرج الله او امريكانا

ماشى الحال

هتجيب 4 كوسات واذا كنتم اكتر من الاتنين زود الكوسه شويه

هتغسل الكوسه كويس ..متقشرهاش..الفايده فى القشرة

قطعها قطع مكعبات صغيرة

جيب بصله وقطعها بالطريقه اللى تعجبك قطع صغيرة او ترانشات

ملح وفلفل

هتجيب طاسه كبيرة شويه

وتحط فيها 3 ملاعق زيت

وتقطع البطل وتحطه وعليه تقطع السوسيس قطع صغيرة وبعدين تشوحه شويه

يعنى ايه يعنى تقلب السويس والبصل مع بعض شويه

وبعدين تروح حاطط الكوسه

وتوطى النار قوى..حط بالظبط فنجان قهوه ميه

وغطيها بعد ما تحط الملح والفلفل

اجمل طعم هتلاقيه

بس الشرط انك تكون بتحب الكوسه

بتبقى رائعه جنب مكرونه مسلوقه ومتقلبه فى الزبده وتحط عليها السوسيس والمكرونه

لو عملت الاكل دى

هيدعو لك

وتدعوا لى

وبالهنا والشفاء

تم تعديل 2 يناير 2008 بواسطة ام البنات

[amrhoras]

شميت ريحة زكيه جدا لوجبه شهيه

جيت اجرى

مع انها مش ليا انما برده وماله المشاركه برده

بس م/ أم البنات بعد التحيه

:closedeyes: سؤال محرج شويه هو مينفعش حاجه تانيه غير الكوسه والبصل لو فيها طمع من حضرتك يعنى تشوفيلى اكله حلوه كدى من غير بصل او كوسه :rolleyes:

عندى لحم قعدان(جملى) وزهقت من الشويه وعنى نص فرخه و كيس باميه وبسله وممكرونه ورز اللى هو الرزايه طويله شويه وصلصه

صراحة انا محبش الطبيخ

عملت مره اختراع ليا

جبت فاصوليا قعتها زشوحتها مع حتة بصله صغننه اوى وحطيت كل مايخطر على بالك من خضار بسله ع فلفل على بقدونس على حبة بهارات

وجبتن الفرخه وخليتها من العضم وقطعهتا طرانشات رقيقه جدا ورحت حاطتها مع فلفل اسمر ولمونه على نار هاديه

لغايه لما بدأت تعمل مرقه بسيطه جدا رحت حاطط خليط الخضار السابق عليهم ورحت حاطط صلصه وتوم وشطه حراقه وزيت

وعلى نار هاديه الى ان تم ونشفت الميه وبدأ كل وبدأ الطاجن فى الاحمرار

انا بصراحه مش عارف ايه ده بس كل اللى داقها بيقولى انت كنت شغال فى الشيراتون ولا عمرك اشتغلت طباخ :closedeyes:

وعملت جنبها مكرونه باللحمه المفرومه والله عجب العجاب

فبسأل حضرتك ان كان فى اى طبخه بعيدا عن الطبيخ والمرقه والدمعه والكوسه والبصل :closedeyes: معلش هتعبكم شويتين

*****

لمؤاخذه ياشينكاوى ياخويا