مكرونة بالبشامل

[ذهبية]

و النبى يا طباخات يا ماهرات عايزة طريقة حلوة لعمل المكرونةالباشميل الصح الصح

انا باعملها بس عايزة بقى من ناس خبرة زيكم يمكن يكون عندكم طريقة جديدة و احنا كلنا نستفيد

[HanaaOsama]

و النبى يا طباخات يا ماهرات عايزة طريقة حلوة لعمل المكرونةالباشميل الصح الصح

انا باعملها بس عايزة بقى من ناس خبرة زيكم يمكن يكون عندكم طريقة جديدة و احنا كلنا نستفيد

بصي يا ذهبيه يا اختي المكرونه البشامل ديه اذواق .............. :rolleyes:

الي انا كنت اعرفه زمان و متعوده عليه من ماما بتبقي سميكه و قطعه واحده متماسكه لما تتقطع ووشها تخين

جوزي بقي طلع مش بيحبها كدا

قمت اخترعت ( اصلي اموت في الاخترعات بتاعه الاكل )

عملتها بطرقتين مختلفتين بس بصراحه طلعوا طعمهم حلو اوي ( يعني هما مطلعوش صينيه بشاميل بالمعني المفهوم )

الطريقة الاولي :-

المكرونه مسلوقه عادي و اللحمة المفرومه و صلصه و توم و بقدونس و بشامل ( نلخبطهم علي بعض )

وعلي الوش بشامل ( لما تتقدم بقي بتتغرف مش بتتقطع )

الطريقة التانيه :-

المكرونه مسلوقة و اللحمة المفرومه و فلفل الوان مفروم و زيتون اسود مفروم و طمطماية مفرومه و بشامل ( نلخبطهم علي بعض )

و علي الوش بشامل ( برضه تتغرف مش تتقطع )

و بالهنا و الشفا

[shiko]

و النبى يا طباخات يا ماهرات عايزة طريقة حلوة لعمل المكرونةالباشميل الصح الصح

انا باعملها بس عايزة بقى من ناس خبرة زيكم يمكن يكون عندكم طريقة جديدة و احنا كلنا نستفيد

بصي يا ذهبيه يا اختي المكرونه البشامل ديه اذواق .............. :D

الي انا كنت اعرفه زمان و متعوده عليه من ماما بتبقي سميكه و قطعه واحده متماسكه لما تتقطع ووشها تخين

جوزي بقي طلع مش بيحبها كدا

قمت اخترعت ( اصلي اموت في الاخترعات بتاعه الاكل )

عملتها بطرقتين مختلفتين بس بصراحه طلعوا طعمهم حلو اوي ( يعني هما مطلعوش صينيه بشاميل بالمعني المفهوم )

الطريقة الاولي :-

المكرونه مسلوقه عادي و اللحمة المفرومه و صلصه و توم و بقدونس و بشامل ( نلخبطهم علي بعض )

وعلي الوش بشامل ( لما تتقدم بقي بتتغرف مش بتتقطع )

الطريقة التانيه :-

المكرونه مسلوقة و اللحمة المفرومه و فلفل الوان مفروم و زيتون اسود مفروم و طمطماية مفرومه و بشامل ( نلخبطهم علي بعض )

و علي الوش بشامل ( برضه تتغرف مش تتقطع )

و بالهنا و الشفا

انا باموت فى الطريقة التانية دى..بس على شرط الكريمة دى تتعمل بلبن وتكون موش سميكة تانى حاجة ممكن برضه نحط موزاريلا على الوش ...ومايتحطش عليها بيض نهائى ..بجد برافو عليكى عجبتينى ...اه قصدى جوعتينى :rolleyes:

[pocy]

و النبى يا طباخات يا ماهرات عايزة طريقة حلوة لعمل المكرونةالباشميل الصح الصح

انا باعملها بس عايزة بقى من ناس خبرة زيكم يمكن يكون عندكم طريقة جديدة و احنا كلنا نستفيد

بصي يا ذهبيه يا اختي المكرونه البشامل ديه اذواق .............. wst::

الي انا كنت اعرفه زمان و متعوده عليه من ماما بتبقي سميكه و قطعه واحده متماسكه لما تتقطع ووشها تخين

جوزي بقي طلع مش بيحبها كدا

قمت اخترعت ( اصلي اموت في الاخترعات بتاعه الاكل )

عملتها بطرقتين مختلفتين بس بصراحه طلعوا طعمهم حلو اوي ( يعني هما مطلعوش صينيه بشاميل بالمعني المفهوم )

الطريقة الاولي :-

المكرونه مسلوقه عادي و اللحمة المفرومه و صلصه و توم و بقدونس و بشامل ( نلخبطهم علي بعض )

وعلي الوش بشامل ( لما تتقدم بقي بتتغرف مش بتتقطع )

الطريقة التانيه :-

المكرونه مسلوقة و اللحمة المفرومه و فلفل الوان مفروم و زيتون اسود مفروم و طمطماية مفرومه و بشامل ( نلخبطهم علي بعض )

و علي الوش بشامل ( برضه تتغرف مش تتقطع )

و بالهنا و الشفا

هناء اشهدلك بصراحه بالاكلتين دول وصدقونى عن تجربه

انا دقتها قبل كده بالطرقتين دول ولقيتها ممتازه بصراحه وراجعالكم بطريقتى التقليديه جدا

وبعض الردود التى لم اعلق عليها بعد

[shiko]

هناء اشهدلك بصراحه بالاكلتين دول وصدقونى عن تجربه

انا دقتها قبل كده بالطرقتين دول ولقيتها ممتازه بصراحه وراجعالكم بطريقتى التقليديه جدا

وبعض الردود التى لم اعلق عليها بعد

مستنينيك ...يا بوسو ...بس وحياتك وانتى جاية طبقين بقى مكرونة بالباشميل معاكى وانتى جاية...علشان خاطر الموضوع احلو والواحد جاع ...

احنا عاوزينك تقوليلنا على التريكات المهمة فى الموضوع يعنى زى مابيقولوا سر المهنة ...او سر الخلطة ...علشان انا بحب التركات اوى يعنى عندى اهم من الموضوع نفسه...

ماتنسيش ..الجبنة على المكرونة ممكن؟؟

[pocy]

عيونى ليكى يا قمر احنا عندنا احسن من شيكو نقدملها صينيه بيركس مقدم بيها مكرونه باشميل

[pocy]

اولا بناء على طلب الاموره السنيوره شيكو سنعمل احلى مكرونه بالباشميل

اولا المقادير :-

كيلو مكرونه مسلوقه

نص كيلو لحمه مفرومه ناضجه

مقادير الباشميل :-

1كوب دقيق

2 ملعقه زيت

نصف كوب لبن

بيض وجبن رومى مبشور

ثانيا الطريقه :-

1- اول حاجه هنحضر الباشميل ازاى : نحمر كوبايه دقيق فى ملعقتين كبار زيت ثم نحط عليهم كنصكوب من اللبن ونقلبه ونعجنه بالبيض وجبن رومى مبشور

2- توضع نص كميه المكرونه فى الصينيه ونفرد فوقها اللحمه المفرومه ونضع باقي الكميه للمكرونه ثم نفرد فوقها الباشميل ويدهن بالبيض ويرش فوقه جبن رومى مبشور ثم نضعها فى الفرن

ودى طريقه وفى طريقه تانيه بقي ودى اللى انا بعملها دايما وطعمها والحمد لله جنان

اولا المقادير : -

1 كيلو لحم مفروم

1كيلو مكرونه شكل قلم

15 ملعقه دقيق

4 ملاعق سمنه

2معلقه ملح + 1 معلقه فلفل اسود

نصف كوب عصير طماطم (دى ساعات بحطها وساعات لا على حسب)

4 بيضات + 1كيلو لبن +4بصلات

ثانيا الطريقه بالتفصيل الممل:-

1- نسلق المكرونه نص سلقه كده

2-تحمر البصله ويضاف اليها اللحم المفروم وفلفل وملح وتقلب حتى تمام النضج

3- طريقه عمل البشاميل :- يقدح السمن ويضاف اليه الدقيق ويحمر حتى يصفر لونه ، يضاف إليه اللبن ويقلب حتى يزيد سمكه ، نبعده عن النار

4- نضيف المكرونه فى طبق كبير ونضيف عليها نص كميه البشاميل ونقلبها

5- تدهن الصينيه بمعلقه بشميل وترص نص كميه المكرونه ويضاف اليها كميه اللحم المفروم كله

6- نص البشميل الباقي يضاف الى البيض مع الملح والفلفل ويقلب نضع النص المتبقي من المكرونه فيه ونضع فوقها بشميل البيض

7- تزج فى الفرن لمده نص ساعه تقريبا، ممكن إضافه عصير الطماطم على اللحم المعصج لو حبينا

تم تعديل 24 فبراير 2010 بواسطة pocy

[HanaaOsama]

و النبى يا طباخات يا ماهرات عايزة طريقة حلوة لعمل المكرونةالباشميل الصح الصح

انا باعملها بس عايزة بقى من ناس خبرة زيكم يمكن يكون عندكم طريقة جديدة و احنا كلنا نستفيد

بصي يا ذهبيه يا اختي المكرونه البشامل ديه اذواق .............. wst::

الي انا كنت اعرفه زمان و متعوده عليه من ماما بتبقي سميكه و قطعه واحده متماسكه لما تتقطع ووشها تخين

جوزي بقي طلع مش بيحبها كدا

قمت اخترعت ( اصلي اموت في الاخترعات بتاعه الاكل )

عملتها بطرقتين مختلفتين بس بصراحه طلعوا طعمهم حلو اوي ( يعني هما مطلعوش صينيه بشاميل بالمعني المفهوم )

الطريقة الاولي :-

المكرونه مسلوقه عادي و اللحمة المفرومه و صلصه و توم و بقدونس و بشامل ( نلخبطهم علي بعض )

وعلي الوش بشامل ( لما تتقدم بقي بتتغرف مش بتتقطع )

الطريقة التانيه :-

المكرونه مسلوقة و اللحمة المفرومه و فلفل الوان مفروم و زيتون اسود مفروم و طمطماية مفرومه و بشامل ( نلخبطهم علي بعض )

و علي الوش بشامل ( برضه تتغرف مش تتقطع )

و بالهنا و الشفا

انا باموت فى الطريقة التانية دى..بس على شرط الكريمة دى تتعمل بلبن وتكون موش سميكة تانى حاجة ممكن برضه نحط موزاريلا على الوش ...ومايتحطش عليها بيض نهائى ..بجد برافو عليكى عجبتينى ...اه قصدى جوعتينى wst::

اه ما انا نسيت اقول ان البشامل بعمله من غير بيض و بلبن بس او ممكن بيضه واحده فقط و ساعات فعلا بحط موتزريلا ع الوش ( انت كنتي معايا ولا ايه )

وبعدين يا شيكو و لايهمك ابعتهلك في ورق فويل لو جعانه

فكرنيني دانا زمان قبل ما يجو العيال كنت بخترع اختراعات .... ياااله دنيا :blink:

[HanaaOsama]

جرالكم ايه اغيب شوية وارجع الاقى الموضوع بقى اربع صفحات ولا خمسة كمان

بالراحة شوية مش ملاحقة اقرأ

تعرفوا والله عمرى مافكرت يبقى عندى سشيوار ولا مكواة من اللى انتوا بتقولوا عليهم دول .....بس لما جيت اتجوز جيبت السشيوار وماستعملتوش ولا مرة والحمد لله واهو قاعد لو واحدة فيكو عاوزاه انا فى الخدمة وخصوصا شكشك حبيبتشى .....هتقولولى طب بتعملة فى شعرك ايه هقولكم هى الطاقية........عارفة ان فيه ستات كتيييير هيقولوا ايه الطاقية دى ....بس مش هقولكوا عليها غير لما تعرفوها لوحدكوا

ذهبية.......

انا كما فاااااااااااااشلة فى المكرونة فى البشاميل ودايما ش بتزبط معايا

هحاول اجرب طرق هناء واشوف

لا عارفينها طبعا الطاقيه ديه wst::

بالنسبه للمكرونه جربي وفعلا الطعم رائع بس مش بتبقي متماسكه

بس عايزه اعرف ازاي مش بتظبط معاكي بتتطلع ايه يعني ؟

[fatfouta]

معرفش البشاميل عمممممممرها ترضى تتخن معايا هتجنن منها لدرجة انى ساعات بحطلها نشا والله

والمكرونة فى الاخر يعنى بتطلع طعمها حلو لكن مش متماسكة خالللللص وعمرى قطعتها وطلعت معايا قطعة على بعضها كده ولازم ناكلها بقى بعد كده بالمعلقة وجوزى يقعد يتنك ويقولى لا هى طعمها حلو لكن شكلها لا......حتجة صعبة يا اختشى

بس كمان هجرب طرق بوسى واشوف كده

بس اول الشهر بقى عشان مش هجيب حاجة الشهر ده تانى (هو مش استكراد....عاوزة حاجة تفضل مالمصروف يا اوختشى)

[HanaaOsama]

معرفش البشاميل عمممممممرها ترضى تتخن معايا هتجنن منها لدرجة انى ساعات بحطلها نشا والله

والمكرونة فى الاخر يعنى بتطلع طعمها حلو لكن مش متماسكة خالللللص وعمرى قطعتها وطلعت معايا قطعة على بعضها كده ولازم ناكلها بقى بعد كده بالمعلقة وجوزى يقعد يتنك ويقولى لا هى طعمها حلو لكن شكلها لا......حتجة صعبة يا اختشى

بس كمان هجرب طرق بوسى واشوف كده

بس اول الشهر بقى عشان مش هجيب حاجة الشهر ده تانى (هو مش استكراد....عاوزة حاجة تفضل مالمصروف يا اوختشى)

مامتي كانت بتعملها تطلع قطعة واحده بس اخترعت الطرق الاخري عشان جوزي مش بيحب القطعة الواحده ديه بيحبها سايبه بس بصراحة في الطعم السايبه اخلي

المهم

مش عارفه ازاي مش بيتخن معاكي دانا عشان مش عايزاها تتخن بحط اكتر من كيلو لبن

انت بتحطي دقيق اد ايه و شوربه او لبن اد ايه؟

[fatfouta]

بصى يا نوئة انا بحط تلات ملاعق دقيق كبار على معلقتين سمنة كبار برضو وولما يحمر الدقيق بقوم قالبه لتر لبن فوقيهم وكان الله بالسر عليم

تقعد ساعة واوطى النار عليها علشان ماتتحرقش وبرررررررضوا مش راضية تتخن ........اعمل ايه؟

وغير كده ايه اللى بيخليها نكهتها وطعمها حلو يعنى ماتحسيش فيها ريحة الزفارة ولا مؤاخذة؟؟؟

مرة سمعت الشيف يسرى ...عارفينه؟ بيقول عشان تجنب الزفارة حطوا مكعب مرقة دجاج.....ايه رايك قوليلى؟

[fatfouta]

الف شكر

مجهود فعلا تشكرى عليه انا كنت عاوزة اعمل كده بس معرفتش

فولانة wst:: :blink:

[Folana]

السلام عليكم ورحمة الله...

ربنا يعزك يافتفوتة...والله انا محرجة منكن قوى :blink:...بس انتم مايرضيكوش يتخصم من مرتبى بقى wst::

متشكرة بجد على تفهمك ...

خالص مودتى واحترامى

wst::

[HanaaOsama]

بصى يا نوئة انا بحط تلات ملاعق دقيق كبار على معلقتين سمنة كبار برضو وولما يحمر الدقيق بقوم قالبه لتر لبن فوقيهم وكان الله بالسر عليم

تقعد ساعة واوطى النار عليها علشان ماتتحرقش وبرررررررضوا مش راضية تتخن ........اعمل ايه؟

وغير كده ايه اللى بيخليها نكهتها وطعمها حلو يعنى ماتحسيش فيها ريحة الزفارة ولا مؤاخذة؟؟؟

مرة سمعت الشيف يسرى ...عارفينه؟ بيقول عشان تجنب الزفارة حطوا مكعب مرقة دجاج.....ايه رايك قوليلى؟

بصي انا مش من الي بقدر الحاجات بالمعلقه

لكن نقدر نقول 3 ملاعق او اربعة كبار ماشي و السمنه مش بالمعلقة المهم تغطي الدقيق و هي سايحة

( يعني الدقيق كله يكون مبتل بالسمنه لما تحطيه عليها و هي سايحة )

بعد ما يحمر الدقيق " ذهبي " تحطي اللبن او الشوربه حبه صغيره في الاول مش الكيلو كله

و تقلبي بسرعة و يستحسن اول شويه دول تحطيهم و انت شايله الحله من علي النار لغايت ما يشربهم الدقيق

و بعدين حطي شويه كمان و ترجعي الحله ع النار و توطي النار و تقلبي هتلاقيهم عملوا سمك جامد

و باقي الكيلو علي حسب السمك الي انت عايزاه ممكن ميخدهمش كلهم

بتعد ساعه تعمل ايه ع النار ...!!!!؟ wst::

و طبعا بعد ما تبرد بتحطي البيض ( البيض الكتير هو الي بيعمل ريحة الزفاره في ناس بتحط 7 بيضات مش عارفه ليه )

انا بحط واحده بس او اتنين للبشامل العادي اما الملخبط الي قلتلكوا عليه مبحتش خالص او بيضه واحده

و كمان عشان النكهة بحط شويه بهارات و جنزبيل مع الملح و الفلفل اما مرقة الدجاج انا بصراحة مش المؤيديين ليها لاني معرفش اصلا ديه معموله ازاي

لكن احيانا بحطها فعلا بتدي طعم حلو لبعض الاكلات لكن البهارات ممكن تغني عنها

و اي خدمة يا فتفوته

[doha]

بالنسبة للبشاميل عشان يبقى مظبوط لازم يكون عندك مضرب بيض يدوي .. المضرب السلك العادي

عن نفسي بعمل الآتي ..

اولا بحضر دورق فيه الحليب وممكن اقلب عليه بيضه .. لو لسه مبتدئه ومش عارفه المقادير كويس خلي البيضه على جنب دلوقت ..

بجيب كمية من الدقيق وكمية مساوية لها من السمن .. يعني بالنظر كده مثلا حطيت ملعقتين كبار دقيق يبقى ملعقتين سمنه في المقابل .. كبشة دقيق يبقى كبشة سمنة وهكذا .. ممكن ازود الدقيق عن السمنة حاجه بسيطه بس اجمالا تقريبا الكمية متساويه

بحط السمن على النار ولما تقدح ( تسيح ) بحط عليها الدقيق واقلب بسرعه لغايه مايطلع حاجه زي الطحينة كده لو الكمية متساويه او مايشبه العجينة الخفيفة لو الدقيق اكتر شويه من السمنة .. الحكاية دي بتاخذ لها مثلا دقيقة ولا حاجه مش اكتر ..

قبل مايتغير لون الدقيق صبي شويه حليب نقول كوب مثلا .. وحركي بسرعه بالمضرب اليدوي .. لما يختفي الخليط في الحليب الي صبيناه زودي قولي كوبايه كمان .. وقلبي بالمضرب بشكل مستمر .. اول مايبدأ يغلظ ممكن تحطي بقية الحليب .. ورشة ملح .

استمري في التقليب بالمضرب لغايه مايبدأ البشاميل يطلع فقاقيع كبيرة .. هاتي ملعقة واغمسيها في البشاميل وطلعيها لو تغطى ظهرها بطبقه خفيفه من البشاميل يبقى كده هو استوى شيليه من على النار وقلبية شويه عشان يبرد ..

تذوقيه وشوفي لو عاوز تزودي ملح او فلفل ..

لو مكنتش اضفتي البيضه على الحليب من البدايه فلما يبرد شويه حطي فيه البيضه وقلبي بسرعه عشان متكتلش ..

بس ياستي ده البشاميل سهل خالص ومفيهوش اي مشاكل والحمد لله دائما بعمله مبيبوظش ولا يكلكع ولابيحتاج نشا ولا يحزنون والسر كما قلت لك . .تضيفي الحليب بالتدريج عشان مش شرط تحطيه كله وطبعا .. المضرب ..

[طبيبة مصرية]

طريقتى فى المكرونة بالباشاميل

انا باعملها على البارد من غير تحمير للدقيق ومن غير ولا نقطة سمن وباكتفى ان اللبن اللى باستعمله كااااااااامل الدسم

وبتطلع تحفة ......

المقادير:

كيس مكرونة 500 جم

نص كيلو لحم مفروم

لتر لبن كامل الدسم

معلقتين ونص او3 دقيق

2بيضة واحدة مع الباشميل وواحدة لتحمير الوجه

بشر طماطماية

علبة صلصة صغيرة

ملعقة جبن كاسات او مثلث جبن نستو حسب الرغبة

ملح-فلفل يفضل ابيض حتى لا يغمق لون الباشاميل

الطريقة:

اول حاجة باسلق المكرونة فى مية كتييييييييير مع قليل من الزيت وشوية ملح

مااخليهاش تستوى على الاخر يعنى اصفى المية وهى لسه بتشد شوية صغيرة علشان هى هترجع تستوى تااااااااانى داخل الفرن علشان تفضل حبات المكرونة مفتوحة وانتى بتقطعيها فى الاخر وتقدميها.........

بجيب الخلاط واحط فيه ثلث مقدار اللبن ومقدار الدقيق كله والبيضة ومعلقة الجبنة الكريم او المثلث وملح وفلفل واضرب فى الخلاط لحد ما الدقيق يمتزج تماما مع اللبن او ممكن نفس الخطوة بالمضرب اليدوى ...........

انقل الخليط فى الحلة على نار هادية وفى ايدى مضرب السلك اليدوى وابتدى ازود باقى مقدار اللبن شوية بشوية مع استمرار التقليب بالمضرب علشان ما تكلكعش منى

واستمر كده لمدة 8 دقايق تقريبا هيكون القوام مزيجه بقى غليظ واقترب من الغليان اول ما يبتدى يغلى اطفى على طول ولو لقيتى القوام تقل منك بعد ما يبرد زودى شوية لبن تانى وقلبى كويس بمضرب السلك.........

اخد اكتر من نص كمية الباشاميل واقلبها فى المكرونة بعد تصفيتها جيدا من المية والخطوة دى مهمة علشان تحافظ على طراوة المكرونة وما تنشفش منى فى الفرن

وطبعا باكون مجهزة اللحم المفروم متعصج واضيف بشر الطماطماية والصلصة..........

وبعدين اجيب قالب بيركس او صينية فرن وادهن القاع زيت مع رشة بقسماط ناعم واحط نص كمية المكرونة وبعدين اللحم المفروم وبعدين باقى المكرونة واساوى السطح جيدا وبعدين احط باقى كمية الباشميل على الوجه وبعدين اضرب بيضة وافردها على الوجه بايدى جيدا علشان كله يتغطى

اكون مسخنة الفرن من قبلها وادخل القالب فى المنتصف واسيبها حوالى 40 دقيقة لحد ما يبتدى الوجه يتحمر وبعدين اقفل من تحت وافتح الشواية لحد ما يكتمل تحمير الوجه واسيبها شوية تهدى من نار الفرن وبعدين اقطعها للتقديم وبتطلع طرية ومتماسكة.......

وبالهنا والشفا

تم تعديل 24 فبراير 2010 بواسطة طبيبة مصرية

[لونا]

طول عمري باعمل المكرونة الباشميل بالطريقة التقليدية ( تحمير الدقيق مع السمن )

و بتطلع ناجحة و الحمد لله

و من فترة جربت طريقة مثل طريقة طبيبة مصرية

و الحقيقة كانت ناجحة جدا و طعمها حلو جدا

و بالطبع خفيييييفة

الفرق إني عملتها زي المهلبية ( قرأت الطريقة هنا في المنتدى بس مش فاكرة مين اللي قالتها )

المقادير لكل كيس مكرونة

3 ملعقة كبيرة دقيق

لتر أو 4 أكواب حليب

(ممكن 2 كوب حليب و 2 كوب شوربة

الشوربة بتدي طعم حلو و بتكون أخف من الحليب )

الطريقة :

تدوبي كمية الدقيق في بعض اللبن البارد المأخوذ من اللتر

تغلي باقي الحليب مع ملح و فلفل

ويضاف للحليب بعد غليانه

و يقلب بالمضرب السلك اليدوي حتى تخرج الفقاقيع التي تدل على غليان الباشميل

و ممكن إضافة بيضة و جبن نستو أو شيدر و يمكن الإستغناء عنها

:ninja: تحياتي

[rewsha]

:sad: wst:: bv:-

انا بقه طول عمري باعمل الباشاميل بطريقة المهلبيه بس الفرق اني بدل ما احط سكر على المهلبيه .باحط ملح وفلفل

وبقالي ...............سنه متجوزه اهو وماكنتش اعرف ان الباشاميل بيتعمل بالدقيق :wub:

لحد ماكنت معزومه عند صديقه ليه وشوفتها وهيه بتعمله بالدقيق والبيض والسمن

الطريقه بتاعتي بقه اللي اتعلمتها من ماما وانا صغيره من زمااااان :lol:

كالاْتي

نجيب اللبن وناخد منه كوبايه كبيره لوحدها ندوب فيها 3_4 معالق نشاء :) ايوه نشاء مش دقيق

وباقي اللبن نحطه على النار يغلي ونضيف له الملح والفلفل ومعلقتين سمنه ومكعبين ماجي

اول مايبداْ يغلي .نضيف عليه كوباية اللبن المضاف ليها النشاء ببطاْ مع التقليب السريع

وبس

كده بقه الباشاميل بيتعمل بسرعه جدا وعمره ما يكلكع و بيكون خفيف على المعده

ناس كتير شافوني باعمله بالطريقه دي واستغربوا جدا

لكن ما داقوا طعمه عجبهم قوي وبقوا يعملوه زيي

وبكده مافيش وجع دماغ ونوطي النار والقيق يكلكع والباشاميل يبقى تقيل على المعده

جربوه وهاتدعولي

[لماضة مصرية جدا]

السلام عليكم و رحمة الله و بركاته

لكي يا سيدتي....بس اوعي تاخدي م اللي تحت الحوض يا لينا.... :sad:

ملاحظة آديلي اسبوع ان المنتدي غرقان بشاميل......طب ايه....هيشح في السوق و لا ايه... بهزر طبعا

هشارك معاككو في ملاحظات كده ع البشاميل:

1- عمري ما استخدمت مضرب يدوي... دايما بايدي بس افضل معلقة خشب بس الصراحة دراعي بيتخدل بعديها.....(بحب اعذب نفسي انا)

2- البشاميل الحاجة الوحيدة اللي مينفعشي معاها مقادير......دايما ماما تقولي هو بالنظر.....

3- آخر افتكاسات البشاميل.... حد جرب كوسة بالبشاميل.....سبانخ بالبشاميل... طب قرنبيط.......برضك بالشاميل.... طلع حكاية

4- طب حد فكر يعمل جولاش بالفراخ بالبشاميل

بمناسبة ان شهر مارس كده شكله شهر البشاميل....لو تحبوا اقول الوصفات لاسلحة الدمار الاشامل اللي فوق....حد يناديني انا في الجيم.... :) (بحب الاكل جدا... طب اعمل ايه بس..... wst:: )

صباحكم....بشاميل....مظبوط جدا

فوتكم بعافية