عيد ميلاد شهاب

[SoSo R]

النهاردة عيد ميلاد واحد من زملائنا الأعزاء...الرفيق المناضل شهاب :lol:

وهو برضه رزيع قديم للحلل...يعنى من الآخر أنا هالحق أهنى...وأجرى

لأن عيد الميلاد دة هيقلب ضلمة بعد شوية

وأصحابه وعلى رأسهم د.هشام إبراهيم....هييجوا يعملوا واجب معاه

وهتبقى ليلة ليلاء

معلهش يا شهاب ماعرفتش أجيب لك تورتة...أختك مابتعرفش فى الحاجات دى

بس ممكن هشام يلحقك بجمجمة ونحط فيها شمعتين

كل سنة وأنت طيب وعقبال ديشيليون سنة

إلا أنت عندك كام سنة دلوقتى يا باشمهندس

تحياتى

تم تعديل 11 يناير 2010 بواسطة SoSoRaNy

[عنبو]

كل سنه وانت طيب يا سهاب والله شكلها هيجى عليا اليوم الى هشوف واحد اسمه شهاب كبير فى السن وعجوز

ومافيش اسرع من الايام ربنا يدينا ويدك طول العمر

[Shehab]

و الله يا دكتورة بتحريجنى با خلاقك الرفعية ديه .....مش عارف اوشى ودى منك فين الحقيقة!!! brd::

مش بقولك ...شكلك هتبقى الكفيل بتاعى .....بس ما كانش ليه لازمة الاحراج ده و تخليها ع الملأ كده

ع العموم الف شكر يا دكتورة و عقبال ما نهنيكى فى افراح بناتك.....!!

بس ع فكرة ....موضوع التورتة ده ما ينفعش يعدى كده.....يعنى لازم تشوفى لك صرفة!!!

انت عارف اى مناسبة عندنا الاكل فيها مهم ..خاصة و ان انت فى ذمتك كيس شيبسى من زمان!!

فكرة انا لا ليه فى رزع حلل و لا كبايات ....كل الحكاية انا كان فى اخ فاضل...هو عضو هنا برده حاول يتدرجنى

انما على مين.....نفدت الحمد لله!

بالنسبة لموضوع السن ما انت عارفة ...هو انت غريبة ..... ا2 الا ربع بالتمام و الكمال!! wst::

[Shehab]

كل سنه وانت طيب يا سهاب والله شكلها هيجى عليا اليوم الى هشوف واحد اسمه شهاب كبير فى السن وعجوز

ومافيش اسرع من الايام ربنا يدينا ويدك طول العمر

و انت طيب يا فندم.....و الف شكر ع اهتمامك!!

ع فكرة انا حاسس انا شوفتك قبل كده....انا فاكرك....انت ...انت...يا سيدى اسمك ...لأ مش قادر افتكر!!!!

احنا اتكلمنا فى الموضوع ده فى مداخلة ما بس مش فاكر امتى!!

انا مش عارف ايه اللى تاعبك فى الاسم ليه مش متخيل انه ممكن يكون فى حد كبير اسمه شهاب(مش انا طبعاً) ؟

طيب اقولك انت لو بتاخد بالك من اعلانات الجرايد ...مشاريع الانشاءات و كده....هتلاقى فى واحد معمارى مشهور جداً

اسمه شهاب مظهر...يعنى الراجل ده اكيد بالميت معدى ال 17 سنة!!

تحياتى ليك يا باشا ...و الف شكر مرة تانية brd:: wst::

[حسام يوسف]

كل سنة وأنت طيب ياباشمهندس شهاب

ربنا يديك الصحة

والمال

وروقان البال

وحسن المآل

ويسعد كل اوقاتك يارب brd::

اوعى تكون أنت شهاب مظهر رائد العمارة فى مصر wst::

[د هشام ابراهيم]

يا خبر أبيض ...شهوب يا حبيب هارتي ...كل سنة و أنت طيب يا باشا brd::

الصيت و لا الغني ...شفت بقيت معدني صخري بشهادة رسمية أهو

ربنا يصلح لك الأمر كله يا صديقي إنت بني أدم محترم و إبن حلال مصفي و تستاهل كل خير

wst:: :ninja: :lol:

ديه أحسن تورتة عندي ما بتطلعش غير للغاليين بس ( برضه فال حلو بدل حكاية المحيط ديه :happy:)

[MARDUK]

كل سنه و انت طيب يا شهاب باشا tot::

بالنسبه للتورته اتفضل اهيه , بس متتخضش :blink:

طبعا مسيرك تبقي معدني زينا :) بس محتاجين نشوف بتحب تسمع ايه و ندخلك من الشبيه المعدني :)

[Shehab]

يا خبر أبيض ...شهوب يا حبيب هارتي ...كل سنة و أنت طيب يا باشا :lol:

الصيت و لا الغني ...شفت بقيت معدني صخري بشهادة رسمية أهو

:) brth) brth)

ديه أحسن تورتة عندي ما بتطلعش غير للغاليين بس ( برضه فال حلو بدل حكاية المحيط ديه :D)

تسلم لى يا كبير...بس الكلام ده كتير عليه يا باشا ...انا مش كده خالص ع فكرة...يمكن انت بس عشان متعرفنيش

كويس واخد عنى فكرة غلط!!

بالنسبة بقى لموضوع التورتة فهى فال حلو طبعاً....يا مسهل يمكن العملية تتعدل و الغراب يبيض!!!! :lol:

بس مش عارف ليه حسيت ان الجو برد اول ما بصيت لها :lol:

و طبعاً احسن من المحيط....بس لو ما عرفناش يبقى المحيط افضل من غيره بكتييييييير!! :)

[Shehab]

كل سنة وأنت طيب ياباشمهندس شهاب

ربنا يديك الصحة

والمال

وروقان البال

وحسن المآل

ويسعد كل اوقاتك يارب :lol:

اوعى تكون أنت شهاب مظهر رائد العمارة فى مصر :)

و انت طيب يا دكترة ...الف شكر ع الدعوات الجميلة

لأ يا باشا انا لا شهاب مظهر و لا احمد مظهر...ولا رائد العمارة و لا عميد النجارة

بس يا باشا ما يمنعش يكون ذكرك ليه فال خير...يمكن يبهت علينا و لا حاجة!!!

كل سنه و انت طيب يا شهاب باشا brth)

بالنسبه للتورته اتفضل اهيه , بس متتخضش :lol:

طبعا مسيرك تبقي معدني زينا :) بس محتاجين نشوف بتحب تسمع ايه و ندخلك من الشبيه المعدني :lol:

اهلاً اهلاً.....عمى و عم اللينوكس فى مصر

يعنى الريد هات اه....و الاكس بي لأ

يعنى الاوبنتو اه....و الفيستا و السيفن لأ

يعنى Linux certified engineer

(مش هى كده و لا انا كاتبها غلط!!!)

يعنى الناس الجامديـــــــــن اوى!!!!!

ازيك يا باشا اخبارك ايه...يا رب تكون بخير

بالنسبة للتورتة...فان ماتخضتش....انا اتفزعت بس!!!

و اديك حققت نص النبؤة.....الا و هو الجمجمة ....كان ناقص بس الشمعتين!!

بالنسبة للمعادن....فاشك يا باشا.....صديقك اياه لاعلامى الفذ موتو حاول معايا...و محاولاته باءت بالفشل الذريع

الظاهر انه ادانى جرعة مركزة شويتين....و انا فيصت منه...فما اعتقدش انك ممكن تقدر!!!

[moheltohamy]

شهاب يا عسل... كل سنة وانتا طيب يا جميل ، وعقبال كل سنة وانتا راضي وسعيد ، وتحقق الأحلام البعيدة :lol:

معلش هيه التهنئة اتأخرت والتورتة باتت ، بس مش فارقة كتير... التورتة دي متاكلة قبل كده أصلاً :lol:

مش كده ولاّ إيه يا مشمش؟ :closedeyes:

ويا رب أتشرّف بمقابلتك عن قريب

[Shehab]

و انت طيب يا باشا ....دايماً صاحب واجب و بتحرجنى

و ان شاء الله اشوف معاليك قريب و يا دكتور الشرف هيبقى ليه انا طبعاً . :lol:

سؤال بس يا دكتور و امانة عليك ما تكسفنى :happy:

ايه موضوع التورتة اللى اتاكلت ديه...و مين مشمش ده.؟؟؟

يرجى ارسال الاجابة الصحيحة ع الخاص...كفاية فضايح ...منه لله اللى مجرسنى فى المنتدى!!!

[MARDUK]

اهلاً اهلاً.....عمى و عم اللينوكس فى مصر

يعنى الريد هات اه....و الاكس بي لأ

يعنى الاوبنتو اه....و الفيستا و السيفن لأ

يعنى Linux certified engineer

(مش هى كده و لا انا كاتبها غلط!!!)

يعنى الناس الجامديـــــــــن اوى!!!!!

ازيك يا باشا اخبارك ايه...يا رب تكون بخير

بالنسبة للتورتة...فان ماتخضتش....انا اتفزعت بس!!!

و اديك حققت نص النبؤة.....الا و هو الجمجمة ....كان ناقص بس الشمعتين!!

بالنسبة للمعادن....فاشك يا باشا.....صديقك اياه لاعلامى الفذ موتو حاول معايا...و محاولاته باءت بالفشل الذريع

الظاهر انه ادانى جرعة مركزة شويتين....و انا فيصت منه...فما اعتقدش انك ممكن تقدر!!!

ايييه دا كله ياعم , احرجتني والله :happy:

ادعيلي انت بس علي الصيف اكون سيرتيفايد :lol:

بس كويس انك فكرتني ان مطلوب مني اجندك لحاجتين مش حاجه واحده بس

[Shehab]

ايييه دا كله ياعم , احرجتني والله

ادعيلي انت بس علي الصيف اكون سيرتيفايد

بس كويس انك فكرتني ان مطلوب مني اجندك لحاجتين مش حاجه واحده بس

يا باشا ان شاء الله تبقى سيرتيفايد و جرانتيد...و مش بعيد يكون ليك تاريخ صلاحية كمان

ما تقلقش ...شد حيلك انت بس

بالنسبة لموضوع التجنيد ...فانا مستعد....فى شوية حاجات كده باظبطها...و يمكن ارمى عليك الهيلب

و استعين بيك....بس فى اللينوكس بس...عشان دماغك ماتروحش بعيد :D

تم تعديل 14 يناير 2010 بواسطة Shehab

[Shehab]

معلش هيه التهنئة اتأخرت والتورتة باتت ، بس مش فارقة كتير... التورتة دي متاكلة قبل كده أصلاً :baby:

مش كده ولاّ إيه يا مشمش؟

أنت متأكد من الكلام ده يا دكترة؟؟؟....اصلاً قعدت ادقق فى الصورة بس شايفها سليمة

و لا يمكن انا مش واخد بالى ؟؟؟

طيب مش يمكن تكون واحدة شبه اللى اتاكلت....يخلق من الشبه اربعين

ركز يا دكت رةمش عايزين نظلم حد!!! :D