طب المخلل ازاي بيتخلل

[Simba]

أظن العنوان سؤال واضح وصريح :h!!!h:

والنبي يا شيف بندق ولماضة هانم واللي من اخر الصعيد المحاورات رجعت كاملة لينا والمشرفين اليوم بعيد

عايز حد يفهمني بس براحة وهو بيفهمني يا واش يا واش :coffeenews:

انا كل اللي اعرف مية وخل وملح وتوم وما شابه

محدش يقولي حاجات بقي من اللي بيعملوا بيها الأعمال ويربطوها علي رجل نملة يتيمة

ياريت الوصفة تبقي سهلة ... تبقي هايلة

ومالقيش نفسي ضعت وتهت

[بندق أفندى]

على حسب يا عم سيمبا

يعنى البنجر مش زى الخيار

شوف يا عزيزى

مثلا الخيار اغسله كويس ورش عليه رشة مل محترمة وبيته من بالليل ..

تانى يوم شيله من ملحه وجهز له ما يلى:

ماء (على حسب كمية الخيار) كل لتر ماء 5 ملاعق ملح كبيرة .. وفنجان خل

صرة شاش بها كمون مطحون وثوم ..

هنشيل الخيار من الملح ونزيله تماما .. هنضع صرة الكمون والتوم فى قاع برطمان التخليل الجاف

هنرص الخيار واقف الى جوار بعضه فى البرطمان

هنضع الماء المملح مع الخل حتى يغطيه تماما مع ملاحظة انه لا تلمس شئ بيدك ولا تستخدم ادوات مبتلة من قبل

تقفل البرطمان جيدا 3 او 4 أيام بالضبط هتلاقيه بدأ يصفر .. لما تجده اتخلل تماما صفى ماؤه وضعه فى علبة ثلاجة واحفظه فى الثلاجة

ممكن ترش عليه شوية زيت زيتون لو تحب

وقت الاستخدام طلع خيارة او أكثر وقطعها للتقديم .. كده الخيار هيستمر حوالى 6 شهور بيقرمش وزى الفل

بنفس الطريقة اللفت والفلفل والجزر .. ويمكن عمل مشكل من كل هذا ..

البنجر (زى بتاع المحلات بيكون مسلوق وبعد السلق يوضع له ملح وخل وزيت زيتون وبس)

ادعيلى بقى

[Simba]

على حسب يا عم سيمبا

يعنى البنجر مش زى الخيار

شوف يا عزيزى

مثلا الخيار اغسله كويس ورش عليه رشة مل محترمة وبيته من بالليل ..

تانى يوم شيله من ملحه وجهز له ما يلى:

ماء (على حسب كمية الخيار) كل لتر ماء 5 ملاعق ملح كبيرة .. وفنجان خل

صرة شاش بها كمون مطحون وثوم ..

هنشيل الخيار من الملح ونزيله تماما .. هنضع صرة الكمون والتوم فى قاع برطمان التخليل الجاف

هنرص الخيار واقف الى جوار بعضه فى البرطمان

هنضع الماء المملح مع الخل حتى يغطيه تماما مع ملاحظة انه لا تلمس شئ بيدك ولا تستخدم ادوات مبتلة من قبل

تقفل البرطمان جيدا 3 او 4 أيام بالضبط هتلاقيه بدأ يصفر .. لما تجده اتخلل تماما صفى ماؤه وضعه فى علبة ثلاجة واحفظه فى الثلاجة

ممكن ترش عليه شوية زيت زيتون لو تحب

وقت الاستخدام طلع خيارة او أكثر وقطعها للتقديم .. كده الخيار هيستمر حوالى 6 شهور بيقرمش وزى الفل

بنفس الطريقة اللفت والفلفل والجزر .. ويمكن عمل مشكل من كل هذا ..

البنجر (زى بتاع المحلات بيكون مسلوق وبعد السلق يوضع له ملح وخل وزيت زيتون وبس)

ادعيلى بقى

كتر خيرك استاذ بندق وأكثر الله من أمثالك :lol:

تصدق انا اخدت علي خاطري خالص امبارح وقولت الموضوع عدي عليه وقت كتير ومحدش عبرني ونمت وخاطري مسكور :lol:

بس حقيقي وصفة محترمة وسهلة وشلها وصفة محترفة :closedeyes:

[doha]

وصفة الشيف بندق للخيار بتجري الريق بجد . .

بص ياسيدي لو مخلل خيار ممكن تعمله زي مالشيف قالك او تقطعه كل واحده اربع اجزاء بالطول .. يعني تشققه لشرائح طويلة ..

بعدين تحشي الاجزاء دي بثوم مدقوق مثلا نقول لكل خياره ثومه او اثنين بالكثير . .

بعدين ترصه واقف في البرطمان

تحضر ماء وتذوب فيه خل وملح وتتذوقه لو عجبك الطعم يبقى التركيبه كده تمام .. تغطي الخيار بالمحلول ده وتتركه يومين ولا حاجه وبالهنا والشفاء ..

===========

مخلل اللفت بقى .. بتجيب اللفت وتغسله كويس اوي عشان تتخلص من الرمل الي فيه .. طبعا بتختار اللفت المستدير الي شكله ( يفرح) وفيه لون بنفسجي . ومتختارش الطويل اوي او الي تشقها من الداخل تلاقيها زي الاسفنجه او مخرمه من الداخل . .

هتقطع اللفت دوائر عرض الواحده حوالي سانتي .. ولو ناوي تتركه مده طويلة يعني تاكله على مدار كذا شهر بتقطع الواحده اثنين او تتركها صحيحه لان كل ماقطعته صغير كل مااستوى اسرع والعكس صحيح .

لو شاري اللفت بالعروق والاوراق بترميها كلها وبتترك بس بعض العروق بارتفاع سانتي مثلا والي بتبقى لاصقة اصلا في اللفت ..

هترص اللفت في صينية وترش عليه كمية كويسه من الملح .. لو مقدار اللفت كتير هتعمل طبقات متبادلة من الملح واللفت يعني طبقة لفت وملح كتير بعدين طبقة ثانية وهكذا .. هتترك اللفت منقوع في الملح لمده 12 ساعه تقريبا .. يعني تعمله الصبح تكمله بليل او العكس ..

بعد مضي الوقت ده هتلاقي ان اللفت نزل ماء ارميه كله واغسل اللفت ..

رص اللفت في برطمان زجاج نظيف وحاول تزنقه مع بعضه قدر الامكان ..

حضر محلول من ماء ( بيقولوا دائما ماء سبق غليه وتبريده عشان الجراثيم بس انا بستخدم مية معدنية بدون غلي ولا شيء وبتوفي الغرض )

هنحط في الماء ملح برضه وخل وشطه وفصين ثوم ونقلب كويس ونذوق .. لو لقيناه يفتح النفس يبقى هو ده المطلوب لو لقينا الطعم مش هو نشوف ايه ناقص ونزوده او ايه زايد فنحط مية اكتر وهكذا .. لما نظبط الطعم نبدأ نغطي اللفت بالمحلول ده ..

عاده الناس بتحط اللفت في البرطمان والاجزاء منه الي لاصق فيها عروق بتحطها على الوش من فوق عشان تحكم الاغلاق ..

هتملاه للآخر وتغطيه كويس بغطاء محكم وتتركه لمده اسبوع بالظبط متفتحوش قبل كده والا مش هتصبر عليه وهتخلصه قبل مايستوي كويس .. اللفت من المخللات ال كل مابتغيب طعمها بيتحسن اكتر . يعني لو فتحه بعد خمس ايام هتلاقي طعم مختلف خالص عن بعد اسبوع الاثنين حلوين بس كل مابيقدم بيحلو اكتر زي ماقلت لك .

في ناس بتحب اللفت بملح خفيف ( وانا منهم ) وناس تانيه بتحبه حادق فانت اظبط بالطريقة الي بتحبها ..

واخيرا ممكن تحط ثمرة بنجر واحده مع الخليط ده كله عشان تدي اللون الاحمر للمخلل او تكتفي بيه كده زي ماهو هيبقى لونه وردي في الآخر ..

واخيرا في سكينه مخصوصه لتقطيع المخللات بيكون شكلها مسطح عريض وفيها تعرجات ودي عشان تديلك الشكل بتاع المخلل الجاهز الي على راي سيد زيان ( معضوض قبل كده )

وبس خلاص

[Folana]

السلام عليكم ورحمة الله....

ياخبر ..ياخبر...!!!!

دى طريقة الخيار المخلل دى جديدة تماما يا استاذ بندق....اول مرة اعرفها الحقيقة...

ده انا ماطلعتش "طباخة شاطرة" بقى ولا حاجة...وانا اللى كنت فاكرة ان طبيخى حلو..أتاريها اوشاعات...

انا باقطع الخيار وعليه مية وكام فص توم وشوية ملح ...وعلى اخر النهار أكله....اتارى الحكاية مختلفة تماما....

تسلم ايدك يا استاذ بندق....وشكرا لسمبا على الموضوع اللى خلانا كلنا نستفيد...

وعلشان الرد اتأخر وعلشان ماتزعلش يا سمبا...شوف الموضوع ده للغائبة الحاضرة "ايناس"...ملف كامل عن المخللات

http://www.egyptiantalks.org/invb/?showtopic=26240

تحياتى.....

[بندق أفندى]

السلام عليكم ورحمة الله....

ياخبر ..ياخبر...!!!!

دى طريقة الخيار المخلل دى جديدة تماما يا استاذ بندق....اول مرة اعرفها الحقيقة...

ده انا ماطلعتش "طباخة شاطرة" بقى ولا حاجة...وانا اللى كنت فاكرة ان طبيخى حلو..أتاريها اوشاعات... :blush2:

انا باقطع الخيار وعليه مية وكام فص توم وشوية ملح ...وعلى اخر النهار أكله....اتارى الحكاية مختلفة تماما....

تسلم ايدك يا استاذ بندق....وشكرا لسمبا على الموضوع اللى خلانا كلنا نستفيد...

وعلشان الرد اتأخر وعلشان ماتزعلش يا سمبا...شوف الموضوع ده للغائبة الحاضرة "ايناس"...ملف كامل عن المخللات

http://www.egyptiantalks.org/invb/?showtopic=26240

تحياتى..... :lol:

يا أفندم اليد الطولى لحضراتكن ... احنا يا دوب بنمر من جانب المطبخ بس ..

[بندق أفندى]

نسيت أشرح الفكرة من وضعه فى الملح ليلة

الصبح هنلاقيه كرمش وصفى ميته .. لما نحطه فى محلول التخليل هيعوض المية دى تانى وهيتخلل بطريقة مختلفة

يمكن اضافة بعضا من وريقات الكرافس مع المخلل هتعطى نكهة ورائحة

[Simba]

شكرا استاذ بندق وضحي ومدام فولانة لاهتمامكم :blink:

بالمناسبة عايز اسأل الشيف بدل ما اعمل موضوع تاني انا بحب البطاطس المهروسة جداااااااااااا

بس انا بعملها بقطعها مكعبات صغيرة جدا واحطها مع زيت ومية وملح بس لحد ما تبقي لخبطيطة خالص وعجينة

ياتري فيه طريقة تانية احسن وأطعم

[بندق أفندى]

شكرا استاذ بندق وضحي ومدام فولانة لاهتمامكم :closedeyes:

بالمناسبة عايز اسأل الشيف بدل ما اعمل موضوع تاني انا بحب البطاطس المهروسة جداااااااااااا

بس انا بعملها بقطعها مكعبات صغيرة جدا واحطها مع زيت ومية وملح بس لحد ما تبقي لخبطيطة خالص وعجينة

ياتري فيه طريقة تانية احسن وأطعم

شوف يا عم سيمبا .. شكلك كده ما فيش عندك أسنان .. وعشان كده مركز على الحاجة المفرومة هههههههههههههههه

هتفرق لو كانت مشوية أصلا أو مسلوقة .. الطعم هيختلف يعنى .. لكن الغالب اللى بيعملوها بتكون مسلوقة ..

ممكن تعملها بيوريه صينية فى الفرن ..

بطاطس مسلوقة متقشرة .. تهرسها (بالشوكة او بالمهرسة الخاصة)

وتتبلها بملح وفلفل أسود .. وزبدة (يعنى سنتوفة مش كتير هتدى طعم مختلف خالص ..

ممكن تكسر معها بيضة .. وتفرد شوية بقسماط فى صينية وتفرد عليه البطاطس المهروسة .. وبعدين تدخلها الفرن .. بس

تم تعديل 18 يناير 2010 بواسطة بندق أفندى

[قلب ابيض]

بندق افندى .. اسعد الله اوقاتك

باختصار عندى كميه جزر وفلفل رومى لابأس بها وعلى ما يخلصوا لو اتاكلوا فرش هايبوظوا

عاوزه من سيادتك طريقه تخليل عبقريه كده زى الخيار الرهيب ده ...على فكره بعد ماصفيت الخيار وحطيته فى العلب البلاستيك اضفت له خل ورشه قرفه طلع حكاااااايه والله

ياريت تجربوه ..اناا كنت دقته فى "مطعم فدريكرز" قبل كده وعجبنى جدا فجربته ونال اعجاب الاسره

المهم انوه لسيادتك انك الجزر كله حجم واحد " اى والله " وصغير ...تفتكر فى امل؟؟؟؟

وتقبل احتراماتى واعجابى الشديد :lol:

[اغابي]

مع ان يا سمبا احنا هنا فى الكويت يعنى اكبر تجمع لاغرب انواع المخللات واكيد انت وقلب ابيض ملاحظين انواع المخليلات الغريبة

ومع انى بكسل من موضوع التخليل وباستسهل اشتريها لكن حابة اشارك بكام حاجة ويارب تعجبكم

اولا : مخلل الفلفل الحار بالزيت

المواد والمقادير المطلوبة :

كيلو فلفل حار - نصف كيلو ليمون يفضل الاصفر الكبير– ثلاث ملاعق كبيرة ملح – زيت زيتون .

الطريقة : يغسل الفلفل الحار ويقطع إلى قطع متوسطة – يقشر الليمون الحامض ويقطع إلى قطع صغيرة جدا – يخلط الفلفل والليمون ويضاف لهم الملح ويترك حوالي نصف ساعة – يوضع الخليط في مرطمان زجاجي ويضاف له زيت الزيتون ويمكن أكلة بعد فترة أسبوع

ثانيا : مخلل الطماطم

المواد والمقادير المطلوبة :

5 كيلو طماطم متوسطة الحجم – خل – ثلاث رؤوس ثوم – كوب ملح – نصف كوب فلفل احمر – ملعقة كبيرة كزبرة ناشفة مطحونة –ماء

الطريقة : ينظف الطماطم وينشف من الماء وتبقى حباته كاملة – قطع حبة الطماطم إلى أربعة أقسام دون أن نفصلهم عن بعض –

اعملي الخلطة وهي الثوم والملح والكزبرة والفلفل الأحمر –

احشي الطماطم بالخلطة إلى أن تنتهي منها –

نرص الطماطم في (مرطبان) زجاج ثم اقلب المرطبان بحيث يكون فتحة المرطبان من اسفل ونضعها على مصفاة –

بعد حوالي أربع ساعات اقلبيها- أضيفي لها الخل كامل دون زيادة أي من الماء –

اتركي المخلل مدة أسبوع أو أسبوعين ويكون جاهز للأكل –

ثالثا : مخلل الخضار المشكلة

المواد والمقادير المطلوبة :

أنواع الخضار –

جزر صغير الحجم - فاصوليا خضراء – بصل صغير – خيار صغير الحجم – فلفل اخضر حار – ( كرونب و قرنبيط حسب الرغبة)

الخلطة : ملعقة سكر - لكل كوب ماء تحتاجين إلى كوب خل – لكل كوب ماء تحتاجين إلى ملعقة متوسطة من الملح

الطريقة : ننظف الخضار ونجففها كويس– و نقطع الجزر إلى قطع متوسطة – نقطع الخيار إلى قطع متوسطة – نقطع الفاصوليا إلى قطع متوسطة – البصل ننزع الرأس ويقطع إلى نصفين – نفصل ورقات الكرنب ونقطعها إلى نصفين كل ورقة والقرنبيط قطع صغير – اما الفلفل يترك كما هو دون تقطيع .

الآن نضيف الملح والسكر والماء ونحركهم جيدا – أضيف الماء والخل والملح والسكر إلى الخضراوات المقطعة بعد أن تضعيها في مرطبان زجاجي ناشف – اترك المخلل لمدة أسبوعين إلى أن ينضج المخلل .

مخلل البصل يا شباب وصــــل

رابعا : مخلل البصل

المكونات والمقادير

2 كيلو بصل يفضل حجم صغير

3 أكواب ملح الطعام

5 أكواب خل أبيض

ملعقة ملح طعام

ملعقة سكر

1 ½ ملعقة شاي قرنفل ( حسب الرغبة )

2 ملعقة شاي فلفل احمر ( حسب الرغبة )

طريقة التحضير

ضعي البصل من غير تقشير مع الملح في القدر، ضعي كمية من الماء كافية. غطيه واتركيه لمدة يومين مع التقليب من وقت لإخر.

نصفيه من الماء وأزيل القشرة بحذرمع ترك النهاية متصلة.

ضعي البصل في سلطانية وأضيفي عليه الماء المغلي، اتركيه لمدة 3 دقائق ثم صفيه من الماء.

نكرر هذه العملية مرتان. ثم انقلي البصل الحار في برطمان جاف وساخن.

اغلي ما تبقى من المقادير مع بعض، ثم اتركيه على النار لمدة 15 دقيقة. اسكبيه على البصل حتى يغطيه تماما، غطيه وضعيه في مكان بارد ومظلم.

ضعيه في الثلاجة اذا فتحتيه.

او طريقة تانية لمخلل البصل اسهل شوية

بصل و فلفل حار و ماء و خل

يقشر البصل و يوضع فى ماء مملح بس بنكون غليانه من قبل كنوع من التعقيم و يوضع البصل فيه ما بين مده ( 36-48 ) ساعة - يضاف الفلفل الحار ملعقه كبيره لكل كوبين و نصف ماء إلى الخل و يغلى يوضع فى وعاء و يصب فوقه الخل البارد ثم يضاف ويحكم غطاء الوعاء المعقم و يحفظ فى مكان بارد

:lol:

[MZohairy]

نسيت أشرح الفكرة من وضعه فى الملح ليلة

الصبح هنلاقيه كرمش وصفى ميته .. لما نحطه فى محلول التخليل هيعوض المية دى تانى وهيتخلل بطريقة مختلفة

يمكن اضافة بعضا من وريقات الكرافس مع المخلل هتعطى نكهة ورائحة

يابن اللذينه يا بندق :lol:

شوفتوا استخدام خاصية الضغط الاسموزي في المخلل؟؟؟؟

الراجل بندق ده معجزه و الله

[بندق أفندى]

بندق افندى .. اسعد الله اوقاتك

باختصار عندى كميه جزر وفلفل رومى لابأس بها وعلى ما يخلصوا لو اتاكلوا فرش هايبوظوا

عاوزه من سيادتك طريقه تخليل عبقريه كده زى الخيار الرهيب ده ...على فكره بعد ماصفيت الخيار وحطيته فى العلب البلاستيك اضفت له خل ورشه قرفه طلع حكاااااايه والله

ياريت تجربوه ..اناا كنت دقته فى "مطعم فدريكرز" قبل كده وعجبنى جدا فجربته ونال اعجاب الاسره

المهم انوه لسيادتك انك الجزر كله حجم واحد " اى والله " وصغير ...تفتكر فى امل؟؟؟؟

وتقبل احتراماتى واعجابى الشديد :lol:

ربنا يخليكى يا قلب أبيض ..

الفلفل لا يمكن تخليله مع الحزر لاختلاف عمر التخليل فى كل واحد ..

هنفتح الفلفل شق بالطول ونرش فيه قليل من الملح ..

وهنعمله بنفس طريقة الخيار عدا انه يتنقع فى الملح ويضاف اليه بعض الكرافس المقطع قطع كبيرة

الجزر هنزيد الخل للضعف وطبعا هياخد وقت أطول فى التخليل وهنضيف له قطع ليمون مع عصير ليمون

لكن الأصل فى المخلللات ان تكون بدون خل وتاخد وقتها فى التخليل الذى يصل مثلا فى الليمون المعصفر الى 6 شهور

او فى الزيتون الأخضر لحوالى شهرين

تم تعديل 25 مارس 2010 بواسطة بندق أفندى

[بندق أفندى]

نسيت أشرح الفكرة من وضعه فى الملح ليلة

الصبح هنلاقيه كرمش وصفى ميته .. لما نحطه فى محلول التخليل هيعوض المية دى تانى وهيتخلل بطريقة مختلفة

يمكن اضافة بعضا من وريقات الكرافس مع المخلل هتعطى نكهة ورائحة

يابن اللذينه يا بندق :lol:

شوفتوا استخدام خاصية الضغط الاسموزي في المخلل؟؟؟؟

الراجل بندق ده معجزه و الله

امال ايه يا اكسلانس ..

فى فيلم أجنبى قديم .. مش فاكر لا اسمه ولا الممثلين (كان بيدور عن عملية سرقة عبقرية - لشحنة دهب على متن طائرة .. وبدون سطو)

احد اللصوص بيقول للبطل .. جيد انه عندك خطة بديلة ..

قاله انا لا أربط حذائى بدون خطة بديلة

انا لا أعمل كوب شاى بدون استخدام اللى عرفتها فى حياتى العملية ومحاولة التطبيق بدون فلسفات

ايه رأيك يا اكسلانس بقى؟

[قلب ابيض]

بندق افندى .. اسعد الله اوقاتك

باختصار عندى كميه جزر وفلفل رومى لابأس بها وعلى ما يخلصوا لو اتاكلوا فرش هايبوظوا

عاوزه من سيادتك طريقه تخليل عبقريه كده زى الخيار الرهيب ده ...على فكره بعد ماصفيت الخيار وحطيته فى العلب البلاستيك اضفت له خل ورشه قرفه طلع حكاااااايه والله

ياريت تجربوه ..اناا كنت دقته فى "مطعم فدريكرز" قبل كده وعجبنى جدا فجربته ونال اعجاب الاسره

المهم انوه لسيادتك انك الجزر كله حجم واحد " اى والله " وصغير ...تفتكر فى امل؟؟؟؟

وتقبل احتراماتى واعجابى الشديد

ربنا يخليكى يا قلب أبيض ..

الفلفل لا يمكن تخليله مع الحزر لاختلاف عمر التخليل فى كل واحد ..

هنفتح الفلفل شق بالطول ونرش فيه قليل من الملح ..

وهنعمله بنفس طريقة الخيار عدا انه يتنقع فى الملح ويضاف اليه بعض الكرافس المقطع قطع كبيرة

الجزر هنزيد الخل للضعف وطبعا هياخد وقت أطول فى التخليل وهنضيف له قطع ليمون مع عصير ليمون

لكن الأصل فى المخلللات ان تكون بدون خل وتاخد وقتها فى التخليل الذى يصل مثلا فى الليمون المعصفر الى 6 شهور

او فى الزيتون الأخضر لحوالى شهرين

يسلموووووووووووا هالديات يا بندق افندى ياللى عامل طعم للمنتدى بمخللاتك ووصفاتك اللذيذه دى :lol:

تصدق وتأمن بالله 0000

انا سهل جدا انى اخش على عمو جوجل وهو يخلل لى كل المسائل ...بس انا بحس انها من ايديك انت حاجه تانيه خاص

يمكن النفس ؟؟؟؟

دام الله العز يا افندى باشا gsm::

واشكرك على الرد

[قلب ابيض]

نسيت معلش

خل التفاح انا مابحبهوش وللاسف عندى منه كميه لاباس بها

ممكن يتحط فى التخليل ؟؟؟ ولا استخدمه فى ايه بحيث مايبانش طعمه الوحش ده

محدش يقولى ازاى " انا حره مابحبهوووووش"

تم تعديل 25 مارس 2010 بواسطة قلب ابيض

[بندق أفندى]

بندق افندى .. اسعد الله اوقاتك

باختصار عندى كميه جزر وفلفل رومى لابأس بها وعلى ما يخلصوا لو اتاكلوا فرش هايبوظوا

عاوزه من سيادتك طريقه تخليل عبقريه كده زى الخيار الرهيب ده ...على فكره بعد ماصفيت الخيار وحطيته فى العلب البلاستيك اضفت له خل ورشه قرفه طلع حكاااااايه والله

ياريت تجربوه ..اناا كنت دقته فى "مطعم فدريكرز" قبل كده وعجبنى جدا فجربته ونال اعجاب الاسره

المهم انوه لسيادتك انك الجزر كله حجم واحد " اى والله " وصغير ...تفتكر فى امل؟؟؟؟

وتقبل احتراماتى واعجابى الشديد :lol:

ربنا يخليكى يا قلب أبيض ..

الفلفل لا يمكن تخليله مع الحزر لاختلاف عمر التخليل فى كل واحد ..

هنفتح الفلفل شق بالطول ونرش فيه قليل من الملح ..

وهنعمله بنفس طريقة الخيار عدا انه يتنقع فى الملح ويضاف اليه بعض الكرافس المقطع قطع كبيرة

الجزر هنزيد الخل للضعف وطبعا هياخد وقت أطول فى التخليل وهنضيف له قطع ليمون مع عصير ليمون

لكن الأصل فى المخلللات ان تكون بدون خل وتاخد وقتها فى التخليل الذى يصل مثلا فى الليمون المعصفر الى 6 شهور

او فى الزيتون الأخضر لحوالى شهرين

يسلموووووووووووا هالديات يا بندق افندى ياللى عامل طعم للمنتدى بمخللاتك ووصفاتك اللذيذه دى :lol:

تصدق وتأمن بالله 0000

انا سهل جدا انى اخش على عمو جوجل وهو يخلل لى كل المسائل ...بس انا بحس انها من ايديك انت حاجه تانيه خاص clp::

يمكن النفس ؟؟؟؟

دام الله العز يا افندى باشا :lol:

واشكرك على الرد

الله يخليكى يا أفندم

[قلب ابيض]

طيب بالنسبه لخل التفاح؟؟؟ ايه بقى؟؟ ينفع؟

[بندق أفندى]

طيب بالنسبه لخل التفاح؟؟؟ ايه بقى؟؟ ينفع؟

ينفع طبعا ..

وأفضل وافيد شئ يضاف للسطات الطازجة مع زيت الزيتون وعصير الليمون (1:1:1) ويخلط جيدا باضافة زيت الزيتون بالتدريج هيعمل صوص سميك رائع