كله يغش بس بشوييييييييييييش(عبود علي الحدود)

[Nassarlink]

وا اسفاه علي التعليم في مصر

من ساعه تقريبا رحت اجيب بنتي من امتحان الصف السادس الابدائي

ولانها مدرسه تجريبيه

وعدد الطلاب فيها قليل جدا

تقريبا 300 طالب ابتدائي واعدادي وثانوي

والحمد لله اولياء الامور الي حد ما عاوزين يعلموا ابناؤهم تعليم جيد

كنا دائما بنتابع بعد كل امتحان سواء امتحان شهري او نصف العام او آخر العام

ولو تصادف ان تم الابلاغ عن محاوله غش

مديرة المدرسه مشكوره بتحاسب المسؤل وبتمنع تكرار اللي حصل بحزم شديد

لكن الي حصل اليوم في لجنه الامتحان ادهشني كثيرا

كل طلاب الشهاده الابتدائيه خارجين مستغربين من اللي حصل في اللجنه

كل طالب بيقول لابوه المنتظره علي احر من الجمر

تصور يابابا

المراقب قال لنا اللي عايز يغش يغش بس بشويش

من غير ما نطلب منه اننا نغش

لاننا متعودين علي عدم الغش في الامتحانات

طبعا اللي حصل ده كان بسبب ان لجنه المراقبه من خارج المدرسه

ومتعودين علي نظام الهيصه والسبهلله

وطبعا الطلاب لما شعروا ان الحكايه بسيطه

منهم اللي فتح موبايله وكلم ابوه

ومنهم اللي فتح البلوتوث ونقل اغاني من اصحابه في اللجنه

ومنهم اللي لف وشه لزميله يدردش معاه ويسلي نفسه لحين انتهاء وقت الامتحان

ومنهم اللي فضّل الهدوء واكتفي بسماع الاغاني من الموبايل مع نفسه

بس طبعا كل واحد واخد باله

انه كل شيئ بهدوء حسب تعلميات البيه المراقب

علشان نقدر ننهض بالعمليه التعليميه

طبعا الرساله وصلت

عليه العوض ومنه العوض

عليه العوض ومنه العوض

نصّار

[عاشق الترحال]

وا اسفاه علي التعليم في مصر

من ساعه تقريبا رحت اجيب بنتي من امتحان الصف السادس الابدائي

ولانها مدرسه تجريبيه

وعدد الطلاب فيها قليل جدا

تقريبا 300 طالب ابتدائي واعدادي وثانوي

والحمد لله اولياء الامور الي حد ما عاوزين يعلموا ابناؤهم تعليم جيد

كنا دائما بنتابع بعد كل امتحان سواء امتحان شهري او نصف العام او آخر العام

ولو تصادف ان تم الابلاغ عن محاوله غش

مديرة المدرسه مشكوره بتحاسب المسؤل وبتمنع تكرار اللي حصل بحزم شديد

لكن الي حصل اليوم في لجنه الامتحان ادهشني كثيرا

كل طلاب الشهاده الابتدائيه خارجين مستغربين من اللي حصل في اللجنه

كل طالب بيقول لابوه المنتظره علي احر من الجمر

تصور يابابا

المراقب قال لنا اللي عايز يغش يغش بس بشويش

من غير ما نطلب منه اننا نغش

لاننا متعودين علي عدم الغش في الامتحانات

طبعا اللي حصل ده كان بسبب ان لجنه المراقبه من خارج المدرسه

ومتعودين علي نظام الهيصه والسبهلله

وطبعا الطلاب لما شعروا ان الحكايه بسيطه

منهم اللي فتح موبايله وكلم ابوه

ومنهم اللي فتح البلوتوث ونقل اغاني من اصحابه في اللجنه

ومنهم اللي لف وشه لزميله يدردش معاه ويسلي نفسه لحين انتهاء وقت الامتحان

ومنهم اللي فضّل الهدوء واكتفي بسماع الاغاني من الموبايل مع نفسه

بس طبعا كل واحد واخد باله

انه كل شيئ بهدوء حسب تعلميات البيه المراقب

علشان نقدر ننهض بالعمليه التعليميه

طبعا الرساله وصلت

عليه العوض ومنه العوض

عليه العوض ومنه العوض

نصّار

مستغرب لأنها حصلت في مدرسه تجريبيه لغات ؟ ولا مستغرب ان ده حال التعليم في مصر ؟

لو كنت بتتكلم عن اللغات التجريبيه اللى جنب أمن الدوله فى المنصوره فأكيد تعرف الملك الصالح الاعداديه كان فيها لجنة إمتحان الثانويه العامه بتاعتي سنة 95 وكنت أول دفعه فى النظام الجديد بعد ما ألغوا الثانويه القديمه ولو حكيتلك عاللي كان بيحصل مش هتصدق هتقول ده فيلم هندي وخصوصا أنا كنت بمتحن في لجان منازل فكان معايا أمناء شرطه وطلبه معمره في التعليم من زمااااان أوي والله كانت مسخره وعيني عينك كده بكل بجاحه فمابالك إحنا النهارده في 2010 فتتوقع ايه ؟!!!

هو حال البلد مايل من قليل ؟

[Nassarlink]

مستغرب لأنها حصلت في مدرسه تجريبيه لغات ؟ ولا مستغرب ان ده حال التعليم في مصر ؟

لو كنت بتتكلم عن اللغات التجريبيه اللى جنب أمن الدوله فى المنصوره فأكيد تعرف الملك الصالح الاعداديه كان فيها لجنة إمتحان الثانويه العامه بتاعتي سنة 95 وكنت أول دفعه فى النظام الجديد بعد ما ألغوا الثانويه القديمه ولو حكيتلك عاللي كان بيحصل مش هتصدق هتقول ده فيلم هندي وخصوصا أنا كنت بمتحن في لجان منازل فكان معايا أمناء شرطه وطلبه معمره في التعليم من زمااااان أوي والله كانت مسخره وعيني عينك كده بكل بجاحه فمابالك إحنا النهارده في 2010 فتتوقع ايه ؟!!!

هو حال البلد مايل من قليل ؟

انا مش مستغرب

انا زعلان

اوتقدر تقول حزين

لان احنا ما صدقنا اننا عودنا الطلاب علي عدم الغش في الامتحان

كخطوه علي طريق النجاح في الحياه ورقي الامم

تيجي اللجنه دي وتهد كل اللي عملناه

وزي انت ما بتقول ان الحال ده موجود في شريحه كبيره من مدارسنا

وخصوصا لجان الشهادات

احنا مش عايزين اللجنه تكون شديده بحيث انها توتر الطلاب

لكن تكون السمه العامه هي الالتزام

علشان كل طالب ياخد حقه وفي نفس الوقت يتعلم المسئوليه والاعتماد علي نفسه

لو كنت بتتكلم عن اللغات التجريبيه اللى جنب أمن الدوله فى المنصوره ؟

لا مش اللي جنب امن الدوله

انا بتكلم عن التجريبيه الفرنسيه

[rewsha]

يااااااااااه

من الواضح ان مش انا بس اللي كنت باعاني من الموضوع بتاع الغش في المدارس ده

انا بنتي كانت في مدرسه خاصه

ودخلتها المدرسه دي بالتحديد لاني سمعت ان ما فيهاش غش .رغم ان في منطقتنا كذا مدرسه خاصه تانيه

المهم

زي ما بيقوا في المثل طلعت عيشه زي ام الخير

ولقيتهم في المدرسه برضو بيغششوا الطلبه .لدرجة ان بنتي لما كانت تيجي تفرحني بدرجاتها والله ماكنت باحس بطعم الفرحه لاني عارفه ان ده ممكن مايكونش مجهودها

وكنت باعتمد على اني اعرف مستواها من مدرسين الدروس

وفكرت انقلها مدرسه حكومي علشان موضوع الغش ده (على اساس ان المدارس الحكوميه مش هايبقى فيها غش)

لقيت كل اللي حواليا بيقولوا لي انت بتحلمي

ده الحكومي اسخم من الخاص كمان

واخيرا استسلمت وقلت منهم لله اللي بيعملوا كده في ولاد الناس

[engmido]

حسبى الله ونعم الوكيل فى كل من ساهم فى افساد التعليم فى مصر

لان كل مقومات الهملية التعليمية بايظة

الطلبة المدرسين المكان والتخت كثافة الفصول الااحواش والانشطة المناهج الدراسية كمادة علمية

[Salwa]

على فكرة ياجماعة ..

اعتقد ان العيب مش على نظام التعليم ..(( بس ))..

العيب على الاسرة اللى بتعلم الولد انه لابد ينجح ومش مهم ازاى ؟؟.

او بتعود المدرس اللى كان اساسا طالب فاشل نجح برضه بالغش ...انه يعيد التجربة وميوجعش دماغه ...ده مش عاوز يشتغل صح ..

وده على فكرة موجود فى كل العالم ..

هنا مثلا..

فيه نظام جميل جدااا لحد الثانوية ...يعنى اجبارى الامتحان الشفوى بجانب التحريرى وبكدة الطالب ميقدرش (( يغش )) يعنى او ينجح فى التحريرى فقط ..

وكدة يبقى معروف مستوى الاولاد طول السنة والدرجة النهائية لاتعتمد فقط على الامتحان النهائى ..

عاصرت شخصيااا....فى السنة التحضيرية للجامعة (( يعنى زى الثانوية العامة عندنا بس فيه امتحان قدرات بيتعمل مخصوص وبناء عليه بتتحدد التخصصات للطالب ))

..للأسف ..(( أم زميل لأبنتى ))..كانت النصيحة لو قدرت تغش ابقى غش ...!!!...وهذه الأم مهندسة وزوجها طبيب ....!!!!!...لأن الولد خجول ومش بيعرف يجاوب كويس فى امتحان الشفوى ..

وبما انى كنت واخدة عليها وفيه بيننا شوية ود يعنى ...قلت لها معقول ؟؟ بتطلبى منه يغش ؟؟ طيب ولو اتمسك ؟؟حايتحرم سنتين من اداء الامتحان ؟؟..معقول انتى ترضى بالغش ؟؟ وضحكت وقالت ده مش غش بالمعنى المفهوم للغش دى مجرد..(( زقة ))...علشان يفتكر ...هو عامل ملخص صغير وبس قلت له يراجع على النقط المهمة ..وبصراحة لم اعلق ...وتركتها ...!!!

الشئ الغريب فعلالالالا....ان هذا الطالب .........هو الآن .....طبيب عظام....!!!

اوقات كتير اتساءل ؟؟ هل هو فعلا كان محتاج يغش فى الامتحان التحضيرى ؟؟ ام انه كما قالت امه ...خجول ومحتاج زقة ؟؟ ....ام ان والده ساعده بعد دخوله الطب ؟؟ وكل سنة برضه بينجح جدعنة ؟؟؟

اشياء كتير بتحصل ف حياتنا وتصيبنا بغصة لكنها بتثبت دائما ان الاصل هو....الاسرة...ثم...الاسرة....ثم...الاسرة .

وعلى فكرة ...

رغم كل اعتراضكم على الوزير الجديد ......انا يمكن لاول مرة ف حياتى ...اظل فى حالة انتباه لسماع حديث (( لايهمنى شخصياااا))...اول امس فى البيت بيتك ...

فقط لمعرفة مايدور فى بلدنا ليس الا ....

بصراحة..

الرجل متواضع وشكله على الأقل لايتحدث بضآلة عن سابقه...!!...ويوعد وعود اراها منطقية جدا جداا...لو اوفى بها .

يقول انه يراعى ضميره فى كل شئ....

برنامجه عن التعليم جميل .....لحد دلوقت .

نعطى له فرصة ....ومين عارف ؟؟؟

واحد بيعترف انه كان فى مدرسة حكومية وفى فصل به اربعين طالب ...فى الثانوية العامة ...ستة وتلاتين منهم دخلوا طب عين شمس ..والاربعة الباقيين دخلوا هندسة وهو واحد منهم ....اذن...ده كان طالب متفوق وف فصل متفوق ....مكانش وصوله بالواسطة كما نعتقد لان اباه وزير ...!!!

ببساطة ممكن الحصول على اسم المراقب اللى حضرتك يااستاذ نصار بتقول عليه ....ويعاقب ...يجب ان يعاقب .

لان دى مأساة فعلا اننا نسكت .

لو كل واحد بلغ عن حد بيغش مش حايبقى فيه غش او بمعنى ادق حايقل الغش ...

كل حاجة بقى فيها غش...هى جت على التعليم ؟؟

ربنا معانا ..

[myusername]

الاستاذ الفاضل نصار... هو حضرتك متسغرب ليه؟ ما هو ده الطبيعى سعادتك!!

فكرتنى لما كنت فى الاعدادى... من سنين طويلة... لسه فاكر لغاية دلوقتى كنت فى امتحان الرياضيات بتاع آخر العام فى سنة تالتة اعدادى... و انا فى الامتحان كانت اللجنة سايبة بزيادة قوى... و صوت الطلبة اللى عماله تغش طالع بزيادة قوى, و لانى كنت شاطر فى الفترة دى... ماكنتش بغش و كنت عمال احل و اكتب... بس اتخنقت من كتر الصوت العالى... قمت مرة واحدة صرخت فى المفتش و قلت له: ما تقولهم يوطوا صوتهم بقى مش عارف اركز!! تخيلوا كان رده ايه؟ كان عايز يسحب منى ورقة الامتحان هههههههههه.. بس طبعا رد فعلى كان شديد معاه شوية - على رغم صغر سنى... و قعدت كملت الامتحان طبعا لانى عارف انى صاحب حق, و انه هو الغلطان.

انا جبت ساعتها فى الرياضيات 29 و نص من 30 فى النصف الثانى... لسه فاكر لغاية دلوقتى brd::

بس من بعد الاعدادية... مبقتش اذاكر تانى خالص... الموقف ده كان من المواقف المؤثرة فى حياتى.

ماذا تتوقع من منظومة تعتمد على التراخى و التكاسل... و كبر دماغك.. و يا عم متحبكهاش.. مش انتا اللى هتغير الكون... و امشى جنب الحيط احسن لك... و شلوت سعادتك دفعة للامام..

انا حاليا بتدرب فى مدرسة حكومية... و المدرسة دى قدامها اكوام زبالة فظيعة و بشعة و مقرفة.. و لما كلمت مدير المدرسة عشان نكلم اى مسؤل يشيل الزبالة.. قام ضحك و قالى: انتا مش من هنا ولا ايه؟ مسؤلين ايه دول اللى نكلمهم... انتا شكلك طيب يا ابنى.

ناهيك عن ان المدرسة سايبة بمعنى الكلمة... و العيال مقضياها فسحة طول الوقت... و بيتكلموا مع المدرسين بأسلوب مفيهوش اى نوع من الاحترام... (ده احنا ماكناش طلبة بقى)... و لما بلف عالفصول بلاقى مفيش مدرسين... و التخت مكسرة اساسا... و فيه فصول ملهاش باب... ده غير الاحقاد و الخناقات اللى بين المدرسين عشان الدروس و الخصومات... و الشللية ان فيه مدرسين مبتحضرش بس بيتكتبوا حضور ازاى متعرفش... ده غير ان نص المدرسين بيمشوا بعد الساعة 10..

هقولكم ايه ولا ايه... خلينى ساكت احسن

تم تعديل 11 يناير 2010 بواسطة myusername

[Nassarlink]

واخيرا استسلمت وقلت منهم لله

ما هي دي المشكله

الاستسلام

وده الي مش عاوزين نوصل له

لكن في الغالب لما الواحد بيقف في وش الخطاء

وبيلاقي نفسه لواحده

ومش بس كده

ده كمان بيواجه من مجموعه كبيره تقوله وانت مالك

سيب الملك للمالك

ومع مشاغل الحياه والشغل والهموم المختلفه

تلاقي نفسك تراجعت عن فكرة تصحيح الخطاء

وكمان بقيت ماشي مع الموجه

وممن تقول لابنك -زي صديقة مدام سلوي-لو جتلك الفرصه تغش متسيبهاش

ومن هنا تبقي الكارثه مضاعفه

[Nassarlink]

على فكرة ياجماعة ..

اعتقد ان العيب مش على نظام التعليم ..(( بس ))..

العيب على الاسرة اللى بتعلم الولد انه لابد ينجح ومش مهم ازاى ؟؟.

او بتعود المدرس اللى كان اساسا طالب فاشل نجح برضه بالغش ...انه يعيد التجربة وميوجعش دماغه ...ده مش عاوز يشتغل صح ..

انا معاكي

وعلي العكس كمان الاسره قبل نظام التعليم

زي ما اهالينا زمان كانو بيعلموا ابناؤهم الشرف والامانه

وكانوا حريصين علي التربيه الصحيحه

اما الآن اصبح شعار الكثير من الأهل هو

اخطف واجري

وتحت الشعار ده تقسيم فرعي

الاول من لهم نفوذ المال او السلطه

والثاني من لهم نفوذ البلطجه

والثالث من ليس لهم نفوذ السطه او المال ولا البلطجه

فلاول بيقول لابنه لو اعترض عليك حد قوله انت عارف انت بتكلم مين

والثاني بيقول لابنه لو اعترض عيك حد بالمطوه في وشه

اما الثالث ماشي جنب الحيط وبيسلك اموره علي قد ما يقدر

نكمل بعد الفاصل...

تم تعديل 12 يناير 2010 بواسطة Nassarlink

[عاشق الترحال]

وانا فى امتحان الثانويه العامه دخلت اللجنه متأخر وكان فيها 2 مراقبين قاعدين عالدكه بيقروا الجرايد وقعدت ابص على اللجنه لقيتها سداح مداح وكله بيغش وناس فاتحه كتب المراقب نزل الجريده من على وشه وقالى بقولك ايه خلص نفسك عاوزين نروح بدري .

ومن النماذج اللي كانت معانا من زملائي كان مطلوب رسم خريطه فى امتحان الجغرافيا واحد زميلي مش عارف ينقلها من الكتاب راح شاففها من الخريطه اللي فى الكتاب وده ثانويه عامه .

وغيره وغير وغيره كتير نماذج منيله بنيله كتير وقال ايه ثانويه عامه وتلاقي بعد كده منهم دكاتره ومهندسين وتستغربي أن دكتور نسى

فوطه ولا مقص في بطن مريض ولا عماره مايله وقعت علشان مهندس تعبان أو أو

لأ والمصيبه بقى أن كان فيه طلبه بتغش غلط من الكتاب .

طول ما التعليم بايظ حال البلد مش هيتعدل

[engmido]

لأ والمصيبه بقى أن كان فيه طلبه بتغش غلط من الكتاب .

ههههههههههههههههههههههه

على فكرة ضحكتنى جدا.............انت النهاردة مزاجك عالى جداااااااااااااااااا

فى كل مداخلاتك......ايه ياعم متقولنا ايه سبب الروقان ده؟؟؟؟

[الباشمهندس ياسر]

عندي امل ان ابن زكي بدر هيخلي المدرسين قبل الطلبة يمشوا يبصوا حواليهم

عندي احساس كده انه هيعدل المايلة

بتكلم جد و الله

[عاشق الترحال]

لأ والمصيبه بقى أن كان فيه طلبه بتغش غلط من الكتاب .

ههههههههههههههههههههههه

على فكرة ضحكتنى جدا.............انت النهاردة مزاجك عالى جداااااااااااااااااا

فى كل مداخلاتك......ايه ياعم متقولنا ايه سبب الروقان ده؟؟؟؟

والله بجد أنت مش مصدق أصل كان معانا شوية عاهات في الإمتحانات بتاع الثانويه أصل اللي إكتشف أنهم بيغشوا غلط كان المراقب اللي كان بيقول خلص نفسك عاوزين نروح كان بيبص في ورق الإجابه اللي إستلمه من الطلبه ولقيته متضايق وبيقول شوية بقر :rolleyes: حتى مش عارفين يغشوا وطبعا كنت ميت من الضحك .وبمناسبة المزاج يا عم والله من عند ربنا كده الغزاله كانت رايقه ربنا يروقها على طول.

[Nassarlink]

عندي امل ان ابن زكي بدر هيخلي المدرسين قبل الطلبة يمشوا يبصوا حواليهم

عندي احساس كده انه هيعدل المايلة

بتكلم جد و الله

يارب يتحقق الامل

بس الموضوع مش علي قد انه يبصوا حواليهم

احنا عاويزين صحوة ضمير عامه

ونبدأها بالتعليم لانه الاساس

يعني مش علي قد وضع الخطط والبرامج لانها موجوده فعلا بس علي الورق

انا بتمني ان كل اب وكل ام

زي ماهم نفسهم ابناؤهم يكونوا افضل منهم

انهم يعملوا اللي يقدروا عليه في تربية ابناؤهم التربيه الصحيحه وزرع القيم والمبادئ والاخلاق الحميده

وده اهم من انهم يشوفو ابناؤهم اطباء و مهندسين و في نفس الوقت غشاشين

انا شايف ان عامل النظافه او اي حد من اللي بيشتغلوا في المهن اللي نأبي اننا نشتغلها كلنا ويكون بيربي ابناؤه علي القيم الحميده

افضل الف مره من استاذ في الجامعه وبيربي ابنه علي الغش والفهلوه

طول ما احنا بنزرع في ابناؤنا القيم يبقي في امل في تغيير حال مصر

لكن لو توقفنا عن زرع القيم والاخلاق فيهم

قول علي مصر السلام

[عاشق الترحال]

طب أيه الحل بقى

في موضوع ولاد الأكابر اللي إمتحان الثانويه العامه بيروح لهم لحد البيت

علشان ميتعبوش نفسهم ويغشوا في اللجنه ؟؟؟

بيغشوا على بياااات من منازلهم :lol:

يعني غش على ميه بيضه ولا مؤاخذه :blush2:

تم تعديل 13 يناير 2010 بواسطة عاشق الترحال

[Nassarlink]

طب أيه الحل بقى

في موضوع ولاد الأكابر اللي إمتحان الثانويه العامه بيروح لهم لحد البيت

علشان ميتعبوش نفسهم ويغشوا في اللجنه ؟؟؟

بيغشوا على بياااات من منازلهم :blush2:

يعني غش على ميه بيضه ولا مؤاخذه

دول بقي اهلهم هم اللي محتاجين تربيه من الاول :lol:

[joo]

لا اللى يدايق اكتر فى الجامعات هم اولاد الدكاترة لان هم اكثر ناس بيحصلو على تقدير امتياز مع مرتبة الشرف ودة طبعا علشان ابوة يعيينة موعيد فى الجامعة بالرغم من انة لم يفتح كتابة طول العام وانة المفروض يجيب التقدير الشعبى مقبول

[sarmar]

طيب الحل اية والنسيج الاجتماعى مدهول وخرمان وعايش فى دنية تانية

انتم بتتكلموا عن الغش ومساوئة وانتم ممكن كام واحد نقول مليون ؟؟؟ عندك 79 مليون ولاهما هنا ولا حتى خطر ببالهم يعنى اية لما الولد او البنت يغش

تعالى اليوم وشوف ولدى بالثانوية مش عارف يكتب اثاث منزلى ولا حتى بيكتب اسمة ممكن سكون صح معاك انة طالب فاشل بس كيف وصل للثانوية ويوجد الكثير جدا من خريجى الجامعات اليوم لايستطيع قراءة الجريدة صح

طيب كيف حالك يابلد لما احنا نروح وييجى الولد يمسك الحكم ويقول مدد كيف بيكون حالك يابلد

مستقبل مصر يبدأ من التعليم والتعليم يبدأ من الاسرة السليمة والاسرة السليمة تيجى بالضمير

[joo]

على فكرة فى مشكلة ابشع وافظع بكثير وهى الجامعات اللى بفلوس يعنى الولد او البنت تجيب 50 فى

المية والوالد علشان معاة فلوس يدخلة كلية الطب او الهندسة وطبعا لازم ينجحوهم فى الكلية علشان بابا بيدفع

تخيلو معايا حال الطب والمعمار فى مصر يبأ ازاى وبعد ذالك والدة يفتح لة اكبر عيادة فى البلد او يفتح لة مستشفى اثتثمارى كبيرة

تخيل لو وقعت تحت ايد حد فيهم هيبأ حالك اية

ربنا يعيننا على ما بلانا

[Nassarlink]

لو جينا نشوف كندا ازاي مش بتتنازل عن معادلة الشهاده بتاعت المهاجرين الراغبين في الشغل بشهاداتهم

علشان عارفه التجاوزات اللي ممكن تكون بتحصل في بلد زي مصر

ومعندهمش استعداد يضحوا بجوده كل مهنه

لان السبب في احتفاظ كندا بمكانتها العالميه هو تميزها بجودة تعليمها و بالتالي جوده انتاجها

سواء كان انتاجها ده سلع او خدمات

اما مصر تقدر تقول وانت ضميرك مرتاح ان كل انتاجنا معيب

حتي مش عارفين ننتج قلم رصاص عليه القيمه

وبنستعمل اقلام رصاص مستورده من الهند او باكستان

ولا بلاش نجيب سيره الجارتين النوويتن

احنا فين وهم فين