فيزا حرة محاسب عام

[geeemooo]

السلام عليكم ورحمه الله وبركاته : اعضاء المنتدى الكرام عاوز اقولكم كل سنة وانتم طيبين وكل سنة وانتم بتفيدونا بأرائكم ومقتراحاتكم المفيدة جدا حقيقى يا جماعة انتم عاملين شغل هايل قوى ويارب تقدروا تحققوا كل الى المصريين محتاجينه فى الغربة

المهم انا كنت شغال من سنة 2002 فى شركة سعودية بالرياض ورجعت مصر فى سنة 2005 عشان اتعرض عليا فرصة عمل كويسة فى مصر بس حصلت ظروف هنا فى مجال عملى وطول فترة نزولى وعملى بالشركة فى مصر كان بينا انا وصاحب الشركة فى السعودية الى انا كنت شغال معاه اتصالات كتير ولما عرف انى عاوز ارجع تانى قالى انا كمان محتاجك بس المشكلة انه معندوش فيزا محاسب عام عرض عليا انى اسافر على فيزا عامل او خلافه وانا رفضت.... بعد كدة قالى دور على فيزا حرة محاسب عام ولما تيجى نعمل نقل كفالة عليا طبعا انا ما كدبتش خبر دّورت لحد ما لقيت شركة شغالة فى مجال الفيزا الحرة وكان عندها فيز محاسب عام ب 25000 جنيه مصرى

السؤال يا جماعة واتمنى الإفادة من حضراتكم

هل 25000 جنيه مبلغ مبالغ فيه ولا اصلا استخراج الفيزا من السعودية مكلف وغالى

و ايه الخطوات بالظبط من اول ما استلم التأشيرة فى السفارة لحد ما انقل الكفالة فى السعودية على كفيلى القديم وهل لما اسافر على طول ينفع انقل كفالة ولا ايه انا مستنى ردودكم