تاكسي السيدات

[مغتربة]

منذ فتره وجيزه وافق محافظ الاسكندريه على مشروع تاكسى مخصص للنساء و بالفعل بدءت الخطوات الوليه لتنفيذه داخل المحافظه

و بعدها تقدم اخرون لاستخراج تصاريح لنفس الفكره فى القاهره

لكن الوضع هنا اختلف تماما

و دارت حوله مناقشات كثيره جدا

ما بين مؤيد و معارض و انبرى كل فريق فى التعبير عن وجهه نظره

وجهه نظر المؤيدين

ان هذا التاكسى لن يمنع المراه من ركوب التاكسى العادى متى ارادت و كل ما فى الامر انه خيار اضافى بالنسبه لها

كما هو الحال فى عربات المترو و صالات الجيم و المسابح و غيره

اما الطرف الثانى المعارض فيرى فيها بدايه لتقسيم المجتمع و عزل الاناث و تغير المفاهيم المجتمعيه المستورده من المجتمعات المنغلقه و انها تنطوى على تمييز ضد المراه و الطعن بعدم دستوريته

اما اطرف الاعتراضات فهى من الرجال انفسهم الذين قالوا ان هذا المشروع به تميز و لكن ضد الرجل و ليس العكس نظرا لعدم تمتعهم بحق مماثل لهم

ما رايكم فى الموضوع هل ترحب بالفكره ام تعارضها و ما هى اسبابك فى كلتا الحالات

بالنسبه لى فانا اراها خطوه جيده

فكم من سيده او فتاه احتاجت ركوب التاكسى فى وقت متاخر من الليل او من او الى منطقه نائيه

او حتى لمجرد عدم رغبتها فى الركوب مع رجل غريب

ايضا كل الاعتراضات بصراحه لم تقنعنى و احسست ان بها الكثير من التهويل

انتظر ارائكم سواء مع او ضد

[doha]

ايه هي اصلا فكرة التاكسي ده عشنا يبقى ( حريمي )

يعني هل مثلا ممنوع ركوب الرجاله فيه ولا بينطلب بالتليفون زي الليموزين ولا السائق نفسه وحده ست ؟

عن نفسي اول مرة اسمع عن المشروع فمش عارفه ابعاده فياريت لو تشرحي لي ايه الحكايه ..

ملاحظة : مبدأ ان تاكسي مخصص للسيدات وفيه فكرة جديده ايا كانت الفكرة دي من شانها حماية الستات الي راكبه فيه من الاعتداءات اعتقد هو امر جدير بالاخذ في الاعتبار ومحاولة تنفيذه .. بس عارفين ايه المشكلة ؟ ان اي ست مش هتركب التاكسي ده وهتركب تاكسي عادي هتبقى لقمه سائغه لكلاب الشوارع على اساس انها وجه ذلك والا ايه الي مركبها في ( تاكسي الرجالة ) ؟

مجرد وجهة نظر وبرضه مش نهائية بالتاكيد لاني معرفش ابعاد الموضوع كاملة ..

[عاشق الترحال]

معلش سؤال أصل انا عندي عرق صعيدي هو التاكسي ده السواق بتاعه هيبقى واحده ست ولا راجل ؟

ولو واحده ست اللي هتسوقه هل فيه قانون هيمنع أنها تركب زبون راجل معاها ؟

ولا أيه النظام من فضلك لو توضحي شوية تفاصيل وشكرا

[مغتربة]

فكره التاكسى باختصار ان يكون السائق سيده

و هو مطبق فى دبى و لبنان و الكويت

بالنسبه لهنا فى دبى

فهى تقل اما اناث فقط او اسر و لكن لا يركب فيه راجل بمفرده

مش عارفه هيكون فى مصر ستات بس و لا برضه هيسمحوا انها تركب اسر

و هى هنا فى دبى بتنطلب بالتليفون لانها بتكون تابعه لشركه خاصه

زى كده تاكسى العاصمه فى القاهره

[fatfouta]

ملاحظة : مبدأ ان تاكسي مخصص للسيدات وفيه فكرة جديده ايا كانت الفكرة دي من شانها حماية الستات الي راكبه فيه من الاعتداءات اعتقد هو امر جدير بالاخذ في الاعتبار ومحاولة تنفيذه .. بس عارفين ايه المشكلة ؟ ان اي ست مش هتركب التاكسي ده وهتركب تاكسي عادي هتبقى لقمه سائغه لكلاب الشوارع على اساس انها وجه ذلك والا ايه الي مركبها في ( تاكسي الرجالة ) ؟

انا معاكى فى الجزئية دى يا ضحى ان فعلا اى واحدة ست هتركب مع سائق رجل بعد كده هتتفهم غلط

ذى مترو الانفاق لما واحدة ست ماتلحقش عربية السيدات مثلا وتروح تركب العربيات التانية الكل يبصلها على انها عاملة حاجة غلط وبالذات بقى لو لوحدها مش معاها جوزها مثلا .... وتلاقى فى عينيهم نظرة كده ذى مايكونوا بيقولولها ماتروحى تركبى عربية السيدات هما مش عاملين لكوا عربيات...

وبعدين يعنى هو ان الست تركب مع ست زيها ده هيحميها؟

كل فكرة بيبقى ليها المؤيد والمعارض ذى مثلا فكرة ان الست تسوق اصلا فى السعودية مش تركب تاكسى وبس

بس عاوزة اسألك سؤال يا مغتربة هو المشروع ده اتنفذ فى دبى ولا لسه؟

لنا عودة

[مغتربة]

بس عاوزة اسألك سؤال يا مغتربة هو المشروع ده اتنفذ فى دبى ولا لسه؟

متنفذ يا ستى من زمان

يمكن هوه مش عليه اقبال قوى لان المواطنين هنا عندهم عربيات فمش بيركبوا تاكسى

و الباقى اجانب مش بيفرق معاهم

بس فعلا انتم خلتونى اخد بالى من النظره الغريبه دى

هى طبعا مش موجوده هنا لان الكل هنا منفتح

فعلشان كده مفكرتش فيها

و خصوصا انها مطبقه فعلا كمان فى لبنان ( اكثر الدول العربيه انفتاحا )

بس بالتاكيد المجتمعات بتختلف

و دى فعلا نقطه جديره بالاهتمام

يعنى يكون المشروع ده سبب فى زياده معاناه الى بتركب تاكسى عادى

و انه يتبصلها نظره مش تمام

همش سريع

هوه ليه بقى مستوى تفكير بعضنا منحدر قوى كده

خساره على عقول ولادك يا مصر

[fatfouta]

هوه ليه بقى مستوى تفكير بعضنا منحدر قوى كده

خساره على عقول ولادك يا مصر

طبعا منحدر وشوفى الموضوع ده هو دليل على كلامى ان لما السيدات يعطوهم اى ميزة ولم يستخدموها لازم الطرف التانى هيشوف انهم كده بيغملوا حاجة غلط

http://www.egyptiantalks.org/invb/?showtopic=75270&st=15

مش عاوزين نبعد عن موضوعك..... كلنا فكرنا فى الست اللى هتستخدم التاكسى طب حد فكر فى اللى هتسوق التاكسى فى مجتمعاتنا الشرقية ؟

مع العلم انى وانا بكتب محسسة نفسى انى مش عايشة فى الرياض اللى مفهاش سواقة للستات من اساسه

هرجع وافكر معاكى فى المضايقات اللى هتتعرض ليها السائقة نفسها

تم تعديل 12 يناير 2010 بواسطة fatfouta

[Cinnamon lover]

احب اقولكوا ان مفيش الحجات ده في الكويت لسه لاني لما كنت هناك من كام شهر مكنش فيه ولما كلمت اختي هناك قالتلي لا مفيش وهنا في مصر انا مش عارفه حضرتك تقصدي ايه التاكسي اللي بالتليفون ولا ايه بالضبط لان الموضوع ده مش عندنا

ممكن يكون في كايرو لكن في اسكندريه معتقدش وكمان يا ترى نظامه زي نظام اللي بالتليفون اللي هوا بتتحاسب بالمكالمه وكده ؟ ولا ايه نظامه

وبعدين انا اظن انه حيكون مفيد قوي قوي قوي كمان لينا حيحل مشاكل كتيره قوي بتحصل اليومين دول بسبب تخلف التكسيات

[لماضة مصرية جدا]

السلام عليكم و رحمة الله و بركاته

هو فيه ايه.....انا لسه خارجة من توبيك الستات اللي هتسوق العربيات في السعودية..... و نطيت علي تاكسي السيدات....طب هو فيه ايه.؟؟؟

تاكسي السيدات...... ليه ده فكرني بعربية الستات في المترو.....

فيه مشهد لطيف بيموتني م الضوحك..... لما تبقي خلاص قدام الباب و هيقفل عليك و تضطر أو تضطري تنطي في العربية اللي ف وشك.....

لو كنتي بنت....و نطيتي في عربية الغضنفرات الرجالة هتضطري بقي ترسمي علي وشك طول الطريق نظرة مفترسة.....يعني اوعي تفكر تقرب حتي 2 ياردة....و لما تيجي المحطة اللي بعديها تبدلي

و لو كنت غضنفر بقي.... و نطيت في عربية الستااااااااات....... (هييييييييييييييييييييييييييه راجل)..... هتبقي واقف في نص هدومك

شخصيا انا شفت الموضوع بتاع تاكسي السيدات في لبنان... عاملين لونه بينك و اتهيالي سواق التاكسي حاجة كده تفتح النفس للحيااااااااااة و الله العظيم كانت حاطة واردة فوق ودنها....ده غير الفول ميكب... (بيتنيلوا يلحقوا يحطوه امتي طيب)

الامارات بقي.... تقريبا كده اتكعبلنا في واحدة (بس منقدرشي نحكم اصل الفلبينين الحقيقة... لما بيطولوا شعرهم الدنيا بتتلخبط خالص)

بس دبي لا استبعد انهم يعملوا فيها اي حاجة..............

انا رايي الشخصي....

شاورلي للتاكسي....

نطي فيه....

إيدك ع الاوكرة.....

اوصلي بالسلامة...

و انتي بقي نازلة ابقي خدي بالك كان راجل و لا ست...

و متنسيش ترجعي الاوكرة مكانها

فوتكم بعافية

و شفت برنامج عن ست جدعة جدا اضطرت تنزل تسوق تاكسي لان جوزها كان تقريبا حصلت ليه حادثة.....

[janman]

السلام عليكم

كنت فى المعادى ... قولت اوقف تاكسي

ركبت طبعا من قدام عادى جدا وفوجئت انها واحده ست ..... طبعا ارتبكت جدا ...كانت اول مره اشوف واحده ست سايقه تاكسي ...بس فعلا كان باين عليها ست محترمه جدا وطول الطريق صعبانه عليا انها اضطرت للمهنه دى علشان عيالها

ومره تانيه كنت جى من اسكندرية وسواق المكروباااااااااااااااااااااص واحده ست ........ بس كانت استازه واحنا فى الموقف كانت ست بشنبات معلمه بمعنى الكلمه ركبت جمبها بنت جامعيه قعدت تكلمها بادب واحترام واحتواء ... طبعا وانا رامى ودنى معاهم .... استغربت ازاى كانت في الموقف مع السواقين حاجه ومع الزباين او المحترمين منهم حاجة تانيه

الخلاصه ان لو حد شاف واحده ست بتسوق اجره في مصر بيحترمها جدا اما بقى لما بشوفهم برا مصر زى الامارات وغالبيتهم من الفلبينيات فمفيش فرق كبير بينهم وبين رجالتهم

[ذهبية]

والله لو فية المووضع دة يبقى فكرة كويسة جداااااااااااااااااا بالذات فى الاوقات المتاخرة ساعات الواحدة بتضطر غصب عنها تنزل للدكتور او تشترى دواء لو جوزها مش موجود

و بالذات فى اوقات الشتا ء بجد انا اشجع الفكرة دى جدااااااااااا

[مغتربة]

هوه ليه بقى مستوى تفكير بعضنا منحدر قوى كده

خساره على عقول ولادك يا مصر

طبعا منحدر وشوفى الموضوع ده هو دليل على كلامى ان لما السيدات يعطوهم اى ميزة ولم يستخدموها لازم الطرف التانى هيشوف انهم كده بيغملوا حاجة غلط

http://www.egyptiantalks.org/invb/?showtopic=75270&st=15

مش عاوزين نبعد عن موضوعك..... كلنا فكرنا فى الست اللى هتستخدم التاكسى طب حد فكر فى اللى هتسوق التاكسى فى مجتمعاتنا الشرقية ؟

مع العلم انى وانا بكتب محسسة نفسى انى مش عايشة فى الرياض اللى مفهاش سواقة للستات من اساسه

هرجع وافكر معاكى فى المضايقات اللى هتتعرض ليها السائقة نفسها

ماهى بشايرها باينه يافتفوتة

مش انا كاتبه ان من ضمن الاعتراضات

ان رجاله معترضه باعتبار ان ده تميز ضدهم لانهم معندهومش حاجه خاصه بيهم زى الستات

[مغتربة]

احب اقولكوا ان مفيش الحجات ده في الكويت لسه لاني لما كنت هناك من كام شهر مكنش فيه ولما كلمت اختي هناك قالتلي لا مفيش وهنا في مصر انا مش عارفه حضرتك تقصدي ايه التاكسي اللي بالتليفون ولا ايه بالضبط لان الموضوع ده مش عندنا

ممكن يكون في كايرو لكن في اسكندريه معتقدش وكمان يا ترى نظامه زي نظام اللي بالتليفون اللي هوا بتتحاسب بالمكالمه وكده ؟ ولا ايه نظامه

وبعدين انا اظن انه حيكون مفيد قوي قوي قوي كمان لينا حيحل مشاكل كتيره قوي بتحصل اليومين دول بسبب تخلف التكسيات

موضوع الكويت انا معنديش خلفيه عنه غير مما يكتب

لكن موضوع الاسكندريه هما اخدوا الموافقه بس لسه فى المراحل التحضيريه

يعنى لسه مشتغلش

[عاشق الترحال]

ممكن سؤال

طيب هو مش ممكن شركات أجنبيه تتولى المشروع ده ؟ وطبعا السائقه تكون حاجه ( شبيشيال معتبره )

وأنتوا عارفين أن الأجانب ناس طيبين أوي

وإحنا زي ما أنتوا عارفين عندنا عقدة الخواجه .

أنا مع الموضوع بس يبقى أجنبي . ولا الرجاله شايفين أيه ؟

آآآآآآخ يا تاكسياتك يا هولندااااااااااااااا

تم تعديل 13 يناير 2010 بواسطة عاشق الترحال

[Salwa]

احب اقولكوا ان مفيش الحجات ده في الكويت لسه لاني لما كنت هناك من كام شهر مكنش فيه ولما كلمت اختي هناك قالتلي لا مفيش وهنا في مصر انا مش عارفه حضرتك تقصدي ايه التاكسي اللي بالتليفون ولا ايه بالضبط لان الموضوع ده مش عندنا

ممكن يكون في كايرو لكن في اسكندريه معتقدش وكمان يا ترى نظامه زي نظام اللي بالتليفون اللي هوا بتتحاسب بالمكالمه وكده ؟ ولا ايه نظامه

وبعدين انا اظن انه حيكون مفيد قوي قوي قوي كمان لينا حيحل مشاكل كتيره قوي بتحصل اليومين دول بسبب تخلف التكسيات

طيب ما هو فيه ف اسكندرية (( تاكسى العاصمة ))...!!!

وده سهل جدا جدااا.....يعنى تطلبى التاكسى بالتليفون وييجى لك .....(( وممكن تسألى ف امكانية ان يكون السائق.... سيدة ..!!

منتشر ف اسكندرية سائقات التاكسى وانا شفت الكلام ده بنفسى ..

فاكرين فيلم سيد العاطفى ؟؟ عبلة كامل كانت سواقة تاكسى ....برضه...مفيش مشكلة ..

[أبو اياد المصرى]

انا أويده فى حالة انه يميز برضه الرجال بأن يبقى فى أيضاً تاكسيات مخصصة لهم

لكن المشكلة إن هناك سيدات كتيرات لا ترضى ركوب التاكسى وحدها ليلاً حتى ولو اعتمدت هذة الفكرة ستبقى نفس المخاوف ليلاً!!!!!!!!!!!!

[تامر السعدني]

هي ليه مصر مش منفتحة زي دبي ولبنان

مجرد سؤال؟؟؟

[Sherief AbdelWahab]

1-أعرف أن دعاوى "الفصل بين الجنسين" تأتي من الاتجاهات "المحافظة" أو "الدينسياسية" أو "المتمذهبة" ، لكن أليس غريباً أن تأتي هذه المرة بمباركة من "الليبراليين" و "الاعتصاميين"؟

2-ماااااشي..

لنعتبر أن هناك ضرورة مجتمعية ملحة لوجود تاكسي للنساء في مصر.. هل سيقود التاكسي رجل أم ستقوده امرأة؟هل يوجد في مصر عدد كافٍ من سائقات التاكسي؟

3-لماذا لم تتحرك جمعيات حقوق المرأة في مصر لتشجيع الفتيات والننسوة المصريات على العمل كسائقات للتاكسي بنفس الدرجة اللواتي يتبنين بها البحث عن تولي المرأة منصب القضاء؟ أليست شراكة المرأة والرجل في أي مجتمع على كافة المستويات وليس فقط على مستوى "القمة"؟ أم أنها المظهرية الغبية في تبني القضايا التي تعنى بتولي المنصب فقط دون أن تعتني بالتواجد داخل المجتمع؟

في الدويتشة فيللة شاهدت تنويهاً عن مسيرة النساء في الجيش الألماني وعملهن بالقوات البحرية منذ بدايته قبل ستة عشر عاماً.. ونحن نبحث عن آخر السلم متجاهلين فكرة كونه سلماً لا يمكن الصعود على الدرجة الثالثة قبل صعود الدرجتين السابقتين لها!

وعجبي..

خلص الكلام

[تامر السعدني]

1-أعرف أن دعاوى "الفصل بين الجنسين" تأتي من الاتجاهات "المحافظة" أو "الدينسياسية" أو "المتمذهبة" ، لكن أليس غريباً أن تأتي هذه المرة بمباركة من "الليبراليين" و "الاعتصاميين"؟

2-ماااااشي..

لنعتبر أن هناك ضرورة مجتمعية ملحة لوجود تاكسي للنساء في مصر.. هل سيقود التاكسي رجل أم ستقوده امرأة؟هل يوجد في مصر عدد كافٍ من سائقات التاكسي؟

3-لماذا لم تتحرك جمعيات حقوق المرأة في مصر لتشجيع الفتيات والننسوة المصريات على العمل كسائقات للتاكسي بنفس الدرجة اللواتي يتبنين بها البحث عن تولي المرأة منصب القضاء؟ أليست شراكة المرأة والرجل في أي مجتمع على كافة المستويات وليس فقط على مستوى "القمة"؟ أم أنها المظهرية الغبية في تبني القضايا التي تعنى بتولي المنصب فقط دون أن تعتني بالتواجد داخل المجتمع؟

في الدويتشة فيللة شاهدت تنويهاً عن مسيرة النساء في الجيش الألماني وعملهن بالقوات البحرية منذ بدايته قبل ستة عشر عاماً.. ونحن نبحث عن آخر السلم متجاهلين فكرة كونه سلماً لا يمكن الصعود على الدرجة الثالثة قبل صعود الدرجتين السابقتين لها!

وعجبي..

خلص الكلام

صراحة مش عارف اقول ايه

3 نقاط جامديم جدا جدا جدا

شكرا اخونا الفاضل شريف على لفت الانتباه للنقاط الهامة دي

[مغتربة]

السلام عليكم و رحمة الله و بركاته

هو فيه ايه.....انا لسه خارجة من توبيك الستات اللي هتسوق العربيات في السعودية..... و نطيت علي تاكسي السيدات....طب هو فيه ايه.؟؟؟

تاكسي السيدات...... ليه ده فكرني بعربية الستات في المترو.....

فيه مشهد لطيف بيموتني م الضوحك..... لما تبقي خلاص قدام الباب و هيقفل عليك و تضطر أو تضطري تنطي في العربية اللي ف وشك.....

لو كنتي بنت....و نطيتي في عربية الغضنفرات الرجالة هتضطري بقي ترسمي علي وشك طول الطريق نظرة مفترسة.....يعني اوعي تفكر تقرب حتي 2 ياردة....و لما تيجي المحطة اللي بعديها تبدلي

و لو كنت غضنفر بقي.... و نطيت في عربية الستااااااااات....... (هييييييييييييييييييييييييييه راجل)..... هتبقي واقف في نص هدومك

شخصيا انا شفت الموضوع بتاع تاكسي السيدات في لبنان... عاملين لونه بينك و اتهيالي سواق التاكسي حاجة كده تفتح النفس للحيااااااااااة و الله العظيم كانت حاطة واردة فوق ودنها....ده غير الفول ميكب... (بيتنيلوا يلحقوا يحطوه امتي طيب)

الامارات بقي.... تقريبا كده اتكعبلنا في واحدة (بس منقدرشي نحكم اصل الفلبينين الحقيقة... لما بيطولوا شعرهم الدنيا بتتلخبط خالص)

بس دبي لا استبعد انهم يعملوا فيها اي حاجة..............

انا رايي الشخصي....

شاورلي للتاكسي....

نطي فيه....

إيدك ع الاوكرة.....

اوصلي بالسلامة...

و انتي بقي نازلة ابقي خدي بالك كان راجل و لا ست...

و متنسيش ترجعي الاوكرة مكانها

فوتكم بعافية

و شفت برنامج عن ست جدعة جدا اضطرت تنزل تسوق تاكسي لان جوزها كان تقريبا حصلت ليه حادثة.....

ازيك يا لموضه

ايه كل الاستعدادات دى كلها

دى كده مش توصيله

دى كده معركه حربية