بخصوص تأشيرة الزيارة التجارية

[aboyoumna]

السلام عليكم اهل المنتدى الكرام

موضوعى له شىء من التفصيل فهل يتسع صدركم؟؟؟

اللى موافق يقرأ.....واللى ماعندوش سعة صدر ...... برضه يقرأ هههههههه يمكن يفيدنى

اولا :انا عايز اعمل تأشيرة زيارة تجارية للسعودية وكفيلى مقيم فى الرياض بس هوه مش عارف يتصرف

مهنتى بالجواز:صاحب مكتب توريد زيوت سيارات ومحروقات وعندى سجل تجارى بالنشاط ده

واشمعنى النشاط ده؟ لان كفيلى عنده مؤسسة بنفس النشاط عشان كده انا عملت سجل تجارى باللى ينفع مع نشاطة

لغاية كده كويس؟؟؟ طيب اكمل

لما جه يعمل الزيارة وبعد انتظار فى قالوله ماينفعش اكون صاحب عمل ولازم اكون تبع شركة وهى اللى تبعتنى للشركة المضيفة(فى الرياض)وانى اكون متعين وليا رقم تأمين وحوار كده

ومش عارف الكلام ده صح ولا غلط؟

الغرض من الزيارة التجارية انى ماعرفتش اسافر بتأشيرة عمل (وكانت معايا) بسببب الملعون فيروس سى اللى هد طوح ناس كتير قبلى

واكتشفت الفيروس ده وانا بعمل التحاليل عشان السفر اول مرة

واشار عليا ولاد الحلال انى اعمل تأشيرة زيارة زيارة تجارية (ومن المفروض انها سهلة) وبعدين لما اروح احولها لزيارة

عن طريق خطاب موافقة الامير او واسطة من الداخلية وده يعتبر متوفر الى حد ما

والمشكلة دلوقتى انى مش عارف ايه الشروط اللى بيها يوافقوا على عمل تأشيرة الزيارة التجارية

ويا ريت لو حد عنده اى حل او حتى واسطة يخلصلى بيها الموضوع ده يقولى ويوفرلى وسيلة اتصال

وانا اخلى كفيلى يكلمة فى الرياض ويقابلة ويخلص معاه

وطبعا كله بثمنة

وياريت اى حد عندة معلومات يفيدنى او يشور عليا او ينصحنى واللى مجرب يقولى

الموضوع ده مهم جدا بالنسبة لى وخصوصا انى لو ربنا سهل وسافرت ناوى استقر انا واسرتى فى السعودية

لان شغلى هيكون مرتبط بكفيلى اللى هوه قريبى وتقريبا هنعمل مشروع سوا يعنى العمل هيكون خاص ان شاء الله

عشان كده انا مازلت متمسك بموضوع السفر وبفتح له اى سكه لانه فى كل الاحوال بإذن الله هيكون احسن من هنا بكتير

ولا يخفى على اخوانى المواطنين المصريين المقيمين بها ما نتوصل اليه كل يوم من انحدار مستوى المعيشة

عافاكم الله جميعا من سوء المعيشة

وكتب لكم التوفيق والفلاح

[عماد حمدي]

بص يا باشا انا ممكن أديك رقم مكتب تعقيب كويس يقدر يتابعلك الموضع دا لو سيادتك بس تضيفني واقولك هتعمل اية ...

وان شاء الله ربنا يصلح لك الحال

دا ايميلي يا جميل

emadhamdy56@hotmail.com

[aboyoumna]

شكرا ليك يا EMAD HAMDY

بعتلك على الخاص وان شاء الله اتواصل معك قريب واضيفك عندى

[MZohairy]

صورة السجل التجاري للشركه المصريه اللي انت شغال فيها

خطاب تعريف من الشركه المصريه اللي انت شغال فيها

صورة السجل التجاري للشركه السعوديه اللي عايزاك تشتغل فيها

صورة المؤهل الدراسي

صورة طلب اصدار التأشيره (اللي بتقدم عليها الشركه السعوديه عن طريق النت)

ورقة النت (بتاخدها من اي مكتب سفريات جنب القنصليه السعوديه في مصر)

صورتين شخصيتين

جواز سفرك

تاخد ده كله و اذا قدرت تقدمه للقنصليه بنفسك كان بها

ماقدرتش يبقى تروح مكتب الحاق عماله بالخارج و تديهم الورق و هم يقدمولك

نسبة قبول الموضوع من السفاره 50% و الاسباب غير معلومه

و ربنا يوفقك

[aboyoumna]

الاخ الكريم mzohairy جزاك الله خير على توجيهك الطيب

ولكنى كما ذكرت فى بداية الموضوع اننى صاحب مكتب واللى حضرتك تقصده يسمى خطاب دعوة ونسبة قبوله بالسفارة هنا اقل حتى من 50% ولى اصدقاء قاموا بهذه الخطوة والنتيجة الطبيعية هى الرفض طبع دون ابداء الاسباب غير ان السفارة لا تتعامل مع اشخاص وبالتالى لابد من التوجة لمكتب الحاق عمالة وسيأخذ 1000جنية اذا تمت الموافقة و100جنية اذا لم يتم الموافقة وفى كل الاحوال يظل المبلغ 1000 جنية عنهم لاكثر من شهر وكل يوم وعود وكلام ليس حقيقى وفى النهاية يأخذوا 100جنية نظير المحاولة ويردوا 900 جنية ده طبعا بعد طلوع الروح (عن تجربة صديق) لعل الاخرون يستفيدوا ايضا

وشكر الله لك مجهود مشاركتك

[عماد حمدي]

بص الزيارة بعد ما تقدم الورق يومين وتطلع واللي يقولك زيادة عن كدة يبقي فشنك ... دي حاجة

الحاجة التانية كلام زهيري زي الفل ولو شوفت رسالتي الخاصة هتلاقي نفس الكلام دا .. أحييك يا زهيري

خطاب الدعوة دا انسي ان القنصل يأشرلك عليه لأسباب غير معلومة قعلا ًَ لانهم بيعتبروه تحايل وكلام في الفاضي كدة ...

عاما ً الزيارة التجارية زي ما قولتلك المفروض يومين بالكتير اوي وتطلع سواء بالموافقة او الرفض ...

شوف بس رسالتي علي ايملك وخلي كفيلك من هناك يتابع الموضوع ..

وربنا ييسرلك الأمور

[drmedo]

طيب متحاول حضرتك تطلع بفيزا عمرة وبعدها تقدر تحولها في السعودية لفيزا عمل بالفلوس عن طريق كفيلك واي معقب

لست متاكد وده اقتراح

[aboyoumna]

والله مافكرتش فى الحكاية دى قبل كده عشان مكلفة شوية ده غير ان تحركاتها محكومة بأفواج والجواز بيكون مع مشرف الرحلة

اعتقد انها صعبة ؟

[عماد حمدي]

دا الإمارات طلعت نعمة .. الحمد لله اني خلعت من السعودية ونظامها المعقد ...

[aboyoumna]

ليه بس ؟؟ شكلك عانيت مع السعودية!!!!!!

والله انا لا جربت ده ولا ده ومع ذلك بدور فى كل اتجاه ومنهم الامارات بس بخاف من نصب المكاتب طبعا

لكن السعودية بالنسبة أأمن لان فى ناس اعرفهم هناك وممكن يساعدو ولا انت رأيك ايه؟؟؟

ممكن تفيدنا بتجربتك

[عماد حمدي]

بص دي مسأله نصيب يا باشا ويمكن ربنا مش كاتبلي رزق في السعودية وربنا كرم وجاتلي الإمارات ...

بس أنا ليا أصحاب كتير هنا وهنا ونصحوني بالإمارات لانها بلد فيها عدالة ولا فرق بين مواطن ووافد .. ونظام العمل هناك أفضل والإستقدام أسهل وكل الأمور تسير دون تعقيد .. بس طبعا ً غالية جدا ً

وأنا في طريقي لأنهاء أوراقي والسفر قريبا ً .. وإن شاء الله هعمل موضوع أعرض فية تجربتي الشخصية في السعودية و الإمارات واية هيا المزايا والعيوب هنا وهنا بالنسبة ليا كشاب عازب في أول الطريق ..

وربنا ييسر الأمور لكل المسلمين أجمعين ..

[mama nona]

فيه مكاتب بتخلص اى حاجة من السفارة بفلوس

حاول توصل لاى مكتب يخلصهالك من غير الاوراق الكتير دى

تم تعديل 12 يناير 2010 بواسطة mama nona

[aboyoumna]

ربنا يكتبلك التوفيق ان شاء الله يا عمدة ويجعل لك الخير فى كل خطوة

اهلا مامانونا المكاتب اللى حضرتك بتقولى عليها دى قليلة جدا ولازم تكون عن طريق حد موثوق فيه ومجرب التعامل معاه لان معظم المكاتب زى ما حضرنك عارقة بيماطلو وبكرة وبعدة لغاية ما الزبون يزهق

هوه فعلا كل حاجة بالفلوس لكن مين اللى يدلنى ع السكة تعرفى حضرتك انا بقالى اكتر من سنة بدور على حد يعدينى من تحاليل فيروس سى اللى هوه سبب كل الحوارات اللى انا فيها دى وهتستغربى ان اقرب اصدقائى موجود فى اللجنة اللى بتسحب العينات للناس اللى بيسافروا ومع ذلك فيه حذر شديد لان كان فيه واحد بياخد فلوس ويعدى العينات اللى فيها فيروس لغاية ما اتقفش بعدها بقى الكل يخاف يغامر ايه رأى حضرتك بقى فى الكلام ده؟؟؟ العملية مزنقة ع الاخر يعنى لو فيه سكة تخلصلى التحاليل ما كنتش سيبتها ومع ذلك املى فى ربنا كبير انه هيحلها ان شاء الله

وربنا يوفق الجميع

[عماد حمدي]

هوه كل الدول عايزة تحليل فيروس سي أكيد لأ وأعتقد ان الإمارات مثلا ً بتحلل هناك الإيدز بس عفانا الله وعفاكم ..

مش عارف أقولك اية ..

بس قول الحمد لله

[aboyoumna]

انا سمعت بعض الاقاويل(ومش عارف حقيقة ولا اوشاعة) ان الامارات بدأت تطلب تحليل فيروس سى

[ahmedraslan]

تأشيرات زيارة حكومية و زيارة تجارية للسعودية وعمرة رمضان و حج 2011

6 شهور متعددة السفرات تستخدم لاداء فريضة الحج و عمرة رمضان لاصحاب المؤهلات العليا و الفنيين . اسال عن السعر و اجعلنا للنهاية.

كما يسعدنا انهاء اجراءات تاشيرات الزيارة التجارية للسعودية متعددة السفرات لاصحاب السجلات التجارية .

0171729185 egyptiancvs@gmail.com

[خالد شحاته]

انا سمعت بعض الاقاويل(ومش عارف حقيقة ولا اوشاعة) ان الامارات بدأت تطلب تحليل فيروس سى

السلام عليكم ورحمة الله

الامارات انت بتعمل التحليل هناك بعد السفر لقدر الله طلع عندك شي بترجع من الامارات

[samyewais]

السلام عليكم

انا مسئول عن التاشيرات في الشركة اللي بشتغل فيها وعملت اكثر من تاشيرة زيارة تجارية للاردن ودول اوربية والمطلوب

1- صورة الجواز

2- تقديم الطلب علي الانترنت موقع وزارة الخارجية

3- طباعة الطلب وتصديقه من الغرفة التجارية

4- الدخول علي الموقع مرة اخري بعد يومين تكون التاشيرة موجوده

5- ارسال صورة التاشيرة للزائر لمراجعة السفارة

طبعا ده كله بيتم بواسطة الشركة السعودية