عاجل .. حركة ((جنتله)) من الجزيره الرياضيه

[أسامة الكباريتي]

حد شاف طارق ذياب و العك اللي عمله ؟؟؟

و جوز المعيز اللي جمبه اللي مش عارفين يردوا عليه

و لا الأخضر بالريش اللي وشه كان مكفهر و بيقول مبروك و هوا هيطق

الله ينور عليك

يبدو أنك كنت تتفرج على قناة موريشيوس!!

لا كان فيه ريش ولا ديوك ولا كتاكيت حتى

المذيع هو التونسي : هشام الخالصي ومش الاخضر بلريش!!

وتعليقات ذياب هي كده وشه ما بيضحكش ولا للرغيف الساخن ..

طبيعته .. كأي من أهالي شمال إفريقية .. العابسين دوما.. ومش علشان يزعلك..

الجزيرة الرياضية تقرر اذاعة مباريات مصر وتونس علي قنواتها المفتوحة

بقلم: كريم سعيد | بتاريخ- 12/01/2010 04:20:00 م

قررت ادارة قنوات شبكة الجزيرة الرياضية اذاعة مباريات مصر وتونس في كأس الامم الافريقية علي قنواتها المفتوحة علي قمر النايل سات.

وقال التونسي هشام الخالصي مقدم البرامج بالشبكة الرياضية ان الجزيرة قررت اذاعة مباريات مصر وتونس في كأس الامم الافريقية علي القناة الثانية المفتوحة بجانب القناة التاسعة المشفرة وذلك تأكيدا علي مصداقية القناة تجاه محبيها في كلتا الدولتين.

وجاء هذا القرار بعد ان حصلت الجزيرة علي موافقة من الشركة المالكة لحقوق بث مباريات كأس الامم الافريقية.

ونفذت الشبكة بالفعل قراراها بداية من مباراة مصر ونيجيريا والتي اقيمت مساء الثلاثاء وستتبع بمباراة زامبيا وتونس والتي ستقام مساء الاربعاء.

الجدير بالذكر ان اتحاد التلفزة في كل من مصر وتونس فشلا في الوصول إلي اتفاق مع شبكة الجزيرة من اجل إذاعة مباريات المنتخبين عبر البث الأرضي في الدولتين.

تم تعديل 13 يناير 2010 بواسطة أسامة الكباريتي

[Ahmed Anwer]

تقريبا محدهش فاهم قصدي علي أيه

عموما اتفرجوا علي اللينك ده

http://www.youtube.com/watch?v=fajju82ngco

[أسد]

ولكن .. هل هذا مقبول ..

مهما كان ..

المصريون يشاهدون بطولة إفريقيا عبر قناة موزمبيق

مصر تذيع مباريات منتخبها "مجاناً" مقابل 3 ملايين جنيه غرامة

المصريون "لجأوا" إلى موزنبيق لمتابعة كأس إفريقيا بأنغولا

دبي-العربية.نت

تغلب المصريون على "مشكلة" تشفير مباريات بطولة الأمم الإفريقية، بالوصول إلى قناة موزنبيق، عبر التقاط إشارة القمر الصناعي الذي تبث عليه، فيما قرر اتحاد الاذاعة والتلفزيون المصري بث مباريات "الفراعنة" في البطولة على الهواء مباشرة دون الاضطرار لدفع 55 مليون جنيه طلبتها القناة صاحبة حقوق البث.

وذكرت صحيفة "الوفد" المصرية، الأربعاء 13-1-2010، أن رئيس الاتحاد أسامة الشيخ خصص القناة الثانية الأرضية لهذا البث المفتوح، بعد اكتشافه ثغرة في بنود عقد الاتحاد الدولي لاذاعة المباريات، تنص علي تغريم المخالفين 100 ألف دولار عن المباراة الواحدة التي تجري إذاعتها علي الهواء مباشرة (حوالي نصف مليون جنيه مصري).

وبهذا سيكون إجمالي المخالفات 3 ملايين جنيه فقط في حالة وصول مصر إلى المباراة النهائية، لأنه يتبقى له مباراتان في المرحلة الأولى بالاضافة إلى مباراة واحدة بدءا من دور الثمانية.

وكانت قناة "الجزيرة الرياضية"، التي اشترت قنوات A.R.T"" المحتكرة للبطولة، دخلت في مفاوضات مع الجانب المصري لنقل المباريات انتهت بالفشل، مما أدى إلى غضب شديد بين المصريين.

وأدى هذا بالبعض إلى البحث، خلال الأيام الماضية، عن قنوات بديلة على أقمار أخرى، فاكتشفوا ان تلفزيون موزنبيق (المشاركة في مجموعة مصر بالدور الأول) يذيع مباريات البطولة، ما دفعهم لمتابعة مجريات المسابقة عبر أثيره.

هل يجوز أن تتخذ الدولة ممثلة في أحد مؤسساتها الهامة بمخالفة القوانين على الملأ هكذا ؟؟؟؟؟؟

هل يجوز أن تظهر الدولة بمظهر البلطجي اللي مش هامه حاجة .. وآهي ديتها إيه ..

ديتها غرامة ..

[se_ Elsyed]

[

هل يجوز أن تتخذ الدولة ممثلة في أحد مؤسساتها الهامة بمخالفة القوانين على الملأ هكذا ؟؟؟؟؟؟

هل يجوز أن تظهر الدولة بمظهر البلطجي اللي مش هامه حاجة .. وآهي ديتها إيه ..

ديتها غرامة ..

إذا عرفت خلفيات الموضوع

يبقى أيوه ونص

وإذا عرفت إنك بتتعامل مع يهود مش عرب ولا تجار يبغون الربح

يبقى أيوه

إذا عرفت إن القصد من احتكار البطولة هو محاولة إذلال شعب بحاله ..

يبقى أيوه

وإليكم التفاصيل بمستندات تم عرضها بالأمس على القنوات المصرية الفضائية من قبل رئيس الإذاعة والتليفزيون الذي كان طرفاً في المفاوضات ..

مستندات من الجانب القطري على فكره وعلى أوراقهم الرسمية

1- الجانب المصري بدأ بالتفاوض مع قناة إيه أر تي على إذاعة البطولة من شهر مايو واتفقوا على كل شيء عادي زي كل مره وما كانش في أي خلاف .. بدليل إن مصر حصلت على حقوق بث مباريات كأس العالم اللي هاتبدأ بعد 5 شهور وتم توقيع العقود مع الايه أر تي قبل أن تُباع بدون اي مشاكل

2- في شهر نوفمبر اعتذرت الايه ار تي عن استكمال المفاوضات لأنها باعت حقوق البث للجزيرة القطرية .

3- بدأت مصر بالتفاوض مع الجزيرة فطلبت الجزيرة 9 مليون ...

4- مصر ردت وقالت المبلغ كبير ...

5- ردت الجزيرة وقالت أخر مبلغ ممكن تقبلة هو

هو

8 مليون دولار مقابل ايه ( وكله رسمي على أرواق رسمية منهم تم عرضها بالأمس )

مقابل :

1- السماح للتليفزيون المصري بإذاعة 10 مباريات على القنوات الأرضية فقط ... وللجزيرة الحق في إختيار المباراة التي ليس طرفها مصر ... وفرضوا علينا إذاعة مباراة بوركينا فاسو وتوجو .. ومالي ومالاوي ... نوع من انواع الإذلال ...

ماشي

2- حصول الجزيرة مجاناً .. واخدين بالكم .. مجاناً .. على حق إذاعة مباراة الأهلي والزمالك مجاناً .... ونهائي كأس مصر ... ونهائي كأس السوبر ... مجاناً واخدين بالكم .

3- للجزيرة الحق في الحصول على الأرشيف الرياضي المصري كاملاً عن الخمسون عاماً الماضية .... مجاناً

4- للجزيرة حق تأسيس شركة توزيع أشتراكات .. غير الشركة المصرية للتوزيع الرقمي الموجودة حالياً اللي المفروض بقى تقفل ساعتها ....

5- للجزيرة الحق في بث جميع مباريات المنتخب المصري التي تقام على ارض مصر ...... مجاناً

مش عارف ليه أفتكرت منظر هولاكو وهو باعت الر سول بتاعه لأحمد مظهر في فيلم وا إسلاماه

ومش عارف ليه كنت منتظر إنهم يطلبوا نهر النيل ... وشارع صلاح سالم فوق البيعة ...

يبقى بعد ده كله مصر توافق ؟؟؟؟؟؟؟؟؟؟

[se_ Elsyed]

نكمل

ليه الجزيرة عملت حركة الجنتلة من وجهة نظركم ؟؟؟؟؟؟؟

1- الجزيرة كده لبست في الحيط بعد أن رفضت مصر الركوع امام هذا الاجحاف الصهيوني .....

2- حاولت الجزيرة تفرض نفس الشروط على تونس ....

تونس عملت ايه من الأخر ووش كده على طول ؟

3- منعت تونس توزيع كروت الأشتراك في تونس .... يعني الجزيرة أكلت هوا

4- أكتر من 90 % من الأعلانات في المباريات هي أعلانات مصرية من شركات مصرية او شركات عالمية شغالة في مصر .

5- وُضعت الجزيرة أمام الأمر الواقع لما عرفت إن المصريين والتوانسة عندهم بدائل وهايتفرجوا هايتفرجوا غصب عنها

فقالت بجملت بقى وليها تيجي مني أنا وأكذب وأقول حكوماتكم رفضت وأنا طلعت اجدع من الحكومات

[حسام يوسف]

حدش علق على سي طارق ذياب التونسي؟

[se_ Elsyed]

حدش علق على سي طارق ذياب التونسي؟

ايه الجذمة ده ؟

والاتنين القلل اللي قاعدين جنبه زبالة برضوا وواخدينها سبوبه ومش عارفين يرودا

اهو الحمد لله ربنا كبسهم والجزائر شالت ... وتونس فلتت من هزيمه اليوم أمام زامبيا وتعادلت بالعافية معاها

منذ متى يتحول تحليل مباراة إلى هرتله سياسية ؟

طب يا بتاع العروبة وتحرير غزه .... إنت مش عندك رئيس راجل ودول رجالة إسمها تونس ؟

روح قول لهم الكلام ده ... وشوف زين العابدين بن علي هايعمل فيك وفي أهلك إيه ؟

[حسام يوسف]

مرضتش أجيب كليب اليوتيوب بتاع الموقف

عشان عليه كمية شتايم بالهبل

مش عارف والله فيه ايه

ممكن اقول وافهم ان الجزائر تكرهنا

طيب تونس راخرة عملنالها ايه؟

وسي طارق ذئاب ده اللى كان عايز نيجيريا تفوز على مصر

هوة نسي ان نيجيريا خرجته من كأس العالم؟

ايه الحول ده؟

[dawn walker]

مقابل :

1- السماح للتليفزيون المصري بإذاعة 10 مباريات على القنوات الأرضية فقط ... وللجزيرة الحق في إختيار المباراة التي ليس طرفها مصر ... وفرضوا علينا إذاعة مباراة بوركينا فاسو وتوجو .. ومالي ومالاوي ... نوع من انواع الإذلال ...

ماشي

2- حصول الجزيرة مجاناً .. واخدين بالكم .. مجاناً .. على حق إذاعة مباراة الأهلي والزمالك مجاناً .... ونهائي كأس مصر ... ونهائي كأس السوبر ... مجاناً واخدين بالكم .

3- للجزيرة الحق في الحصول على الأرشيف الرياضي المصري كاملاً عن الخمسون عاماً الماضية .... مجاناً

4- للجزيرة حق تأسيس شركة توزيع أشتراكات .. غير الشركة المصرية للتوزيع الرقمي الموجودة حالياً اللي المفروض بقى تقفل ساعتها ....

5- للجزيرة الحق في بث جميع مباريات المنتخب المصري التي تقام على ارض مصر ...... مجاناً

مش عارف ليه أفتكرت منظر هولاكو وهو باعت الر سول بتاعه لأحمد مظهر في فيلم وا إسلاماه

ومش عارف ليه كنت منتظر إنهم يطلبوا نهر النيل ... وشارع صلاح سالم فوق البيعة ...

يبقى بعد ده كله مصر توافق ؟؟؟؟؟؟؟؟؟؟

حاجة كده بالظبط زى امتياز ت الانجليز ابام الخديو توفيق

..الجزيرة تحتوى على كتيبة اعلامية antiegyptians >>>>>

[engmido]

يا اخواننا اتفق تماما مع ا / سى السيد

وان الحكاية مش محتاجة تفسير

هى الحداية بتحدف كتاكيت

ميجوش يقلعونا هدومنا احسن

الله يمسيك بالخير يا ا/ابراهيم حجازى

بيقولك دى قناة وطلعلها دولة

[Abu Reem]

إقتباس

مقابل :

1- السماح للتليفزيون المصري بإذاعة 10 مباريات على القنوات الأرضية فقط ... وللجزيرة الحق في إختيار المباراة التي ليس طرفها مصر ... وفرضوا علينا إذاعة مباراة بوركينا فاسو وتوجو .. ومالي ومالاوي ... نوع من انواع الإذلال ...

ماشي

2- حصول الجزيرة مجاناً .. واخدين بالكم .. مجاناً .. على حق إذاعة مباراة الأهلي والزمالك مجاناً .... ونهائي كأس مصر ... ونهائي كأس السوبر ... مجاناً واخدين بالكم .

3- للجزيرة الحق في الحصول على الأرشيف الرياضي المصري كاملاً عن الخمسون عاماً الماضية .... مجاناً

4- للجزيرة حق تأسيس شركة توزيع أشتراكات .. غير الشركة المصرية للتوزيع الرقمي الموجودة حالياً اللي المفروض بقى تقفل ساعتها ....

5- للجزيرة الحق في بث جميع مباريات المنتخب المصري التي تقام على ارض مصر ...... مجاناً

مش عارف ليه أفتكرت منظر هولاكو وهو باعت الر سول بتاعه لأحمد مظهر في فيلم وا إسلاماه

ومش عارف ليه كنت منتظر إنهم يطلبوا نهر النيل ... وشارع صلاح سالم فوق البيعة ...

يبقى بعد ده كله مصر توافق ؟؟؟؟؟؟؟؟؟؟

ياحاج سين سين ،،، مبروك لمصر اولا

ثانياً، معلش ممكن تقول لي أنت شوفت الاوراق الرسمية اللي فيها الاتفاقية دي فين ، ولو كان الأمر مجرد سماع كلام يقوله المسؤولين عن الاعلام في مصر ، يبقى اسمح اقول لك اني لا أثق في هذا الكلام ...وذلك لاسباب كلنا عارفينها ، خصوصا ان لنا مواقف سابقة مع كلام مسؤلي الاعلام والإعلاميين بتوعنا.

واللي كمان يخليني لا أصدق معظم في ماجاء في هذه الشروط ،،، سبب بسيط جدا ومنطقي .....لماذا لم نسمع عن هذه الشروط أثناء المفاوضات.....لماذا لم يوضح ذلك الأمر قبل البطولة وحتى بعد أن بدأت البطولة ..لم نسمع واحد قال أو تحدث عن هذه الشروط...كل ما في الأمر أنهم قالوا ان المبلغ 9 مليون دولار أو 10 وهو مبلغ كبير ،، وايضا قالوا ان هناك مباريات ستختارها قناة الجزيرة لبثها باستثناء مباريات مصر ستذاع كاملة.

- اذن كل ما سمعناه وقرأناه هو عن المبلغ الكبير والمباريات العشر ( وأظن ده من حقهم يطلبوا مبلغ كبير ) كما تعسفنا نحن معهم من قبل أثناء طلبهم لنقل مباريات مصر مع الجزائر وبعض المباريات الأخرى....

- وموضوع تأسيس شركة لبيع الاشتراكات لقناتهم في مصر أمر معروف وأظنه ليس فيه شيء طالما احتكروا شراء بطولات كبرى يعني في نظري أن ممكن الجزيرة تكون طلبت الشروط 1 ، 2 و4 ( وهذه شروط ممكن تكون مقبولة في ظل تعاون قادم متوقع معهم أم 3 ، 5 أظن هذه من تاليفنا ) هذا بافتراض صدق وجود هذه الشروط جميعا.

- أما الطلبات كما ذكرت ( 3 ، 5 ) فياريت لو حد عنده صورة من هذه الشروط يقول لنا هي فين لأنه كان ممكن نشرها على النت لو كان الأمر صحيحا 100 % ، وأظن لن يجرؤا على ذلك. لأنه طبعا ليس أي واحد يطلع وماسك شوية ورق ومراسلات مع قناة الجزيرة في ايده ويقول لنا ان هي دي الاتفاقية ولم نشاهد ما بداخلها وعاوزنا ان نصدق أن كلامه صحيح 100 % فللأسف تعودنا على عدم صدق معظم ما يقوله اعلامنا ،

يبقى الموضوع يظل مجرد كلام لأننا لم نرى هذا الكلام بطريقة موثقة على الأقل على مواقع النت ، وبالتالي تظل مصداقيته محل شك. على الأقل لأننا لم نسمع الطرف الأخر وهو قناة الجزيرة ورده على هذا الكلام ، ...وخاصة عندما لم يعلن عن هذا من قبل خاصة بعد ان اتضحت الصورة وبدأت البطولة ولم تذاع المباريات الا على القنوات المشفرة ...ومشيت الأمور عادي ...وتذمر الناس ومع ذلك لم نسمع أو نرى رئيس الإذاعة والتلفزيون يتكلم عن اسباب عدم شراؤهم للحقوق (على الأقل علشان يبرأوا نفسهم من التقصير) ولم يهتم بالمشاهدين الغلابة طالما الكبار والمتمكنيين يستطيعون المشاهدة بإشتراكاتهم .....ولكنه فقط ظهر وقال هذا الكلام واعلن عن هذه الشروط ليظهر الجزيرة بأنها شريرة وبأنه حامي حمى الغلابة من الاستغلال ، وذلك فقط بعد لإعلان عن نقل المباريات المصرية على القناة المفتوحة.....

أما تحدثهم عن هذه الشروط ....المفبركة في رأيي ( باستثناء المبلغ وحق بيع الكروت في مصر عن طريقهم ) فقط بعد ان اعلنت الجزيرة إذاعة المباريات على القناة المفتوحة....!!!! يظل في رأيي أن أمر مثير للشك وأقرب الى التلفيق.

- أما عن قناة الجزيرة وعن اهدافها و أنها كذا وكذا وكذا ....فهذا ليس مجاله الان ولكن مع كل هذا الكلام عن قناة الجزيرة...وأكيد أيضا هم ايضا ليسوا ملائكة ...مثلنا نحن الملائكة المنزهين عن الأخطاء...فمع كل هذا الكلام عن هذه القناة ..فالمثير للدهشة أننا سنجد انها أهم قناة يتابعها العرب جميعا كقناة إخبارية ..وستجد معظم الأخبار والبرامج الوثائقية، والمتابعات الحية ...يتم..الحرص على مشاهدتها والنقل والمتابعة لجميع أخبارها من جميع الفضائيات الأخرى........( إذن نجاحها وحرفيتها وتوفقها أمر لا يمكن تجاهله ) ....وهذه حقيقة بلا رياء ولا جلد للذات .

- وتساؤل اخر... أليس هم أحرار في تصرفاتهم حتى لو كانت شروطهم كلها صحيحة ...وهم في النهاية أحرار في أي مطالب طالما يتصرفوا فيما يملكوه ...ودفعوا فيه مليارات ...ولنا ان نقبل او نرفض طالما لم نستطيع منافستهم......

- أما عبارتك هذه التي سأقتبسها مش عارف بتفكرني كده لما كانت مثل هذه العبارات

وإذا عرفت إنك بتتعامل مع يهود مش عرب

كان بيرددها بعض العرب و بعض الفلسطينين علينا وخصوصا من أهل غزة اللي بيتكلموا عن موضوع الجدار وكان مبررات هجومهم على مصر أن احنا ايضا بنشارك في اذلالهم

إذا عرفت إن القصد من احتكار البطولة ( الجدار ) هو محاولة إذلال شعب بحاله

، وكنا نرد ونقولإن أحنا حريين في تصرفاتنا ، وفي سيادتنا .....وفي مصلحتنا ....مش عارف ألا تجد أن عباراتك هذه تتناقض الان مع تأييدك لسرقة حقوق البث ومحاولة عمل انفاق للوصول الى تهريب المباريات الى الشعب الغلبان المحاصر بحقوق الاحتكار !!!!!

.........معلش يا سين سين ، جت فيك انت المرة دي ،، انا عارف أني طولت وتشعبت في الكلام....ولكن أحيانا انتقادي لِما يكتب أو انتقادي لتصرفات خاطئة من مسئولين في بدلنا بيكون علشان (نبطل نبرر تقصيرنا ..بالتشكيك أو حتى الانتقاص من نجاح الأخرين) ...تماما كالمدرب الذي يبرر فشله في الفوز ...بالعوامل الجوية وضعف الحكم وسوء حالة الملعب.

[Abu Reem]

طبعا كلمة الجدار في الاقتباس السابق وضعتها انا بين قوسين وليس سين سين ( لكي أقرب المعنى للتشابه الحادث بين الموقفين ،)

[adrianocrespo]

بغض النظر عن موقفنا من قناه الجزيره

و الاتفاق علي انها ليست محايده فيما يخص قضايا مصر

الا انها لها الحق في اذاعه المباريات و تسويقها

و من يرغب في المشاهده عليه الاشتراك

مثلما يحدث في اي مكان في العالم

احنا اللي اتعودنا عالمشاهده المجانيه من زمان

و جاءت مفاجأه التشفير من ايام كاس القارات بالمكسيك سنه 99

و اكتشف المصريون انهم لن يستطيعوا مشاهده مباريات فريقهم القومي

الا من خلال شاشه ايه ار تي

و بعد الهدله في المقاهي و الكافيتيريات لمشاهده المباريات

و بعد الدعاء علي صالح كامل بالهلاك

جاءت فكره السلكه او الوصله

و تقريبا لا يخلو بيت منها

بغض النظر عن موقفها الشرعي

الا انها حقيقه واقعه في النهايه

اري ان غالبيه الشعب المصري و هو من الفقراء لا يجد مشكله في المشاهده

لانه ب 10 او 15 جنيه شهريا سيشاهد البطوله كامله

تبقي فين المشكله اصلا يا جماعه ؟

عارفين مين اللي حيعاني فعلا

من يتمسك بحرمانيه الوصله و لا يدخلها بيته و في نفس الوقت من محدودي الدخل و لا يستطيع ان يدفع الاشتراك الزائد للجزيره الرياضيه

[adrianocrespo]

حدش علق على سي طارق ذياب التونسي؟

تعليقه مستفز يا دكتور حسام

و كلامه ممكن يبقي سليم لو في موقف تاني

لو بنتكلم عن تشجيع المنتخبات العربيه لبعضها البعض

مع بعض عالقهوه

او حتي في برنامج حواري

ممكن نقول كلامه ده

ان اغلبيه العرب يتمنون هزيمه مصر

و غالبيه المصريين يتمنون هزيمه العرب في المباريات

و الطرفين يتمنون الهزيمه لبعضهما

شماته المصريين في الجزائر لخسارتها

ضيق المشجعين العرب لفوز مصر

و لا يخفي علي احد مشاعر المصريين اثناء مباريات السعوديه مثلا في كأس العالم

و الفرحه في هزائمها الكبيره

الكلام اللي فوق واقع من وجهه نظري

و لكن لا مجال لذكره بعد مباراه مصر مثلا مثلما فعل طارق دياب

الذي لم يستطع اخفاء ضيقه الواضح من فوز مصر علي نيجيريا

[president]

ضيق المشجعين العرب لفوز مصر

و لا يخفي علي احد مشاعر المصريين اثناء مباريات السعوديه مثلا في كأس العالم

و الفرحه في هزائمها الكبيره

كلام حضرتك مش مظبوط ...انا بتيجيلى كمية رسايل تهنئه من اناس سعوديين معرفتى بيهم سطحيه بعد اى ماتش مصر تكسب فيه...

واحد صاحبى كان فى الخارجيه فى الرياض تانى يوم ماتش نيجيريا ...بيقولى ناس كتير مش عارفهم وكلهم بيقولوا مبروك لمصر ...

بس خلينى اقولك على حاجه ....

انا نفسى مره البلدان العربيه تطلع راجل وتتفق كلها على انه (طظ فى العروبه ) ... انا فعلا مستنى اليوم ده

ولو حصل بعد كده اى موقف وحد جاب سيرة العروبه ... نقلع اللى فى رجلينا ونديله ... بلا عروبه بلا زفت ...

ياريت نركز بس على اننا( مصريين فينا المسلمين والمسحيين ) . ونفضى شويه لمشاكلنا .

[msayed]

ضيق المشجعين العرب لفوز مصر

و لا يخفي علي احد مشاعر المصريين اثناء مباريات السعوديه مثلا في كأس العالم و الفرحه في هزائمها الكبيره

مش مظبوط فعلا الكلام ده، على طول بيجيلى إيميلات تهنئة من سعوديين وسوريين وأردنيين وسودانيين بعد أى ماتش بنكسبه

انا نفسى مره البلدان العربيه تطلع راجل وتتفق كلها على انه (طظ فى العروبه ) ... انا فعلا مستنى اليوم ده

ولو حصل بعد كده اى موقف وحد جاب سيرة العروبه ... نقلع اللى فى رجلينا ونديله ... بلا عروبه بلا زفت ...

ياريت نركز بس على اننا( مصريين فينا المسلمين والمسحيين ) . ونفضى شويه لمشاكلنا .

شوف يا president

كنت داخل أعلق على الموضوع الأصلى ولكن إستفزنى تعليقك المبالغ فى الإنفعال إللى بتغير بيه إتجاه كل موضوع فى المنتدى.

الشعوب والأشخاص يبحثون ويخترعون عن اى رابط بينهم يتقووا به وإحنا بنتحجج بسلوك الحكومات الفاشلة -كل الحكومات- علشان نفرق قوتنا اللى تعبانة أصلاً.

يا سيدنا العروبة دى هى إلل خلت السعودية زمان توقف تصدير البترول فى حرب أكتوبر وكانت متوقعة الدنيات تتقلب عليها بعدها، حتى أن الملك فيصل عندما قابل وزير خارجية امريكا امر بعمل خيمة ووضع بعض المعيز حولها وقال : حتى تعلم أمريكا أننا يمكننا ان نعود لحياة الخيام.

والعروبة هى إللى خلت ليبيا والجزائر والسودان تبعث قوات تحارب معانا فى الحرب.

وهى إللى خلت هوارى بو مدين يمضى شيك على بياض لروسيا لتسليح مصر.

وهى إللى خلت مصر تقف مواقف كثيرة مع الدول العربية ضد الإحتلال.

وهى التى تجعل سوريا الآن تدعم بشكل أو بآخر المقاومة فى العراق.

العروبة أن لم تكن أيدلوجيا فهى مصلحة مشتركة تجمع كل الشعوب فى المنطقة وليست جنس وعرق، فتجد الصومالى والجيبوتى والإريتريى يعتبر نفسه عربى وهو غير عربى المنشأ ولكن تجمعه نفس الروابط التى تجمعنا.

الحكومات العربية الآن هى التى كفرت بالعروبة لأنها لا تحتاج إليها بل هى عائق لطموحهم الواطى ووجدت فى النوم تحت رجل أمريكا بديل يحمى كراسيها وعروشها ولكن الشعوب لم ولن تكفر بالروابط التى تربطنا -الدين - اللغة - الجغرافيا - المصير المشترك - الهم الواحد -القضايا المشتركة.

انت مش واخد بالك إن الصهاينة والأمريكان بيتعاملوا مع العرب كسلة واحدة وكل واحد ليه دوروه حسب أهميته وولاؤه؟

يعنى التعامل ده لا يستدعى أن نكون نحن دعاة بناء وتواصل فى ظل هذا الواقع البغيض وألا نكون دعاة بغض تقوقع على النفس وقلع إللى فى الرجل؟!!.

على العموم تقتنع بإللى تقتنع بيه ده شيء يخصك لكن إنك تقلع وتلبس فكده بتتعدى حدود الأدب والمنتدى ها يصبح عربخانة لو تعدى كل واحد حدود ادبه.

تم تعديل 14 يناير 2010 بواسطة msayed

[التونسى]

كل الاحترام لكافة الاراء المناهضه :blush2: و التى لا ترى فى حركة الجزيره الرياضيه بنقل المباريات مجانا .. انها حركة جنتله ومجدعه ومعلمه كمان

على فكره انا قريت فى شريط الاخبار انهم حيذيعوا كل مبارياتنا مجانا .. بجد بقى لو احنا رافضين الحركه دى .. ومازال موقفنا عدائى تجاه الجزيره .. مفروض مصر تدفع حق البث ده .. يعنى عشان حتى حفظ ماء الوجه ..منبقاش بنشتم فيهم وبعدين نروح نتفرج على المباراه عندهم يعنى مش عايز اذكر مثل يناسب الموقف ده عشان محدش يزعل منى :blush2:

ما علينا :amb:

بالنسبه لطارق ذياب ببساطه انا احترمه جدا على صراحته .. وان كانت اقتربت من الوقاحه . ..وعدم اللياقه وقلة الذوق لانها جاءت فى وقت ما بعد فوزنا بمباراة نيجيريا .. احترمه لانه صرح لنا بكرهه وكره 90 % من شمال افريقيا لمصر .. وكنت سأحتقره لو نافق

وده فيديو تعليق القاهره اليوم على المباراه وبيتكلموا فى نفس الصدد لمن يحب ان يستزيد .. ياريت الناس تسمع الفيديو ده وتشوف اراء الناس من مصر والله كدت ابكى من احد الاراء وهو لمصرى عاش معظم عمره يعمل بالخليج .. الواحد بيدور على اى شئ يجمعنا ويوحد قلوبنا.. حتى ولو كلام

http://arabtube.tv/viewVideo.php?video_id=...p;ref=Ahmedmoha

تم تعديل 14 يناير 2010 بواسطة التونسى

[Abu Reem]

أنا شفت حلقة عمرو اديب عن هذا الموضوع ، وعرض فيها الايميلات بين قناة الجزيرة واسامة الشيخ ( مع العلم ان هذه الايميلات كانت قبل ان تقوم الجزيرة بالموافقة على مبلغ 5 مليون دولار لاحقا ولكن لم يوافق ايضا الجانب المصري ) ،،،

وقرأ عمرو اديب الشروط ، ولكن شرط الحصول على الأرشيف لم يذكره ولم يكن في الشروط ( شرط رقم 3 )

كما انهم طلب حق نقل مباراة واحدة من المسابقة المصرية ( ممكن أهلي وزمالك ) ولكن لم يذكر موضوع كأس السوبر ولا نهائي كاس مصر.

وطلبوا حقوق نقل مباريات فريق مصر التي تقام في مصر مع العلم ان مصر لن تلعب مباريات رسمية في مصر خلال 2010

- وطلبوا حق استخدام اجهزة البث الفضائي من داخل الملاعب..التي سيتم نقلها وهذا طبيعي

(( هذه الطلبات جاءت مقابل تخفيض المبلغ من 10 مليون دولار الى 8 مليون ) يعني طالما عاوز تخفيض قيمته 2 مليون دولار امنحني بعض الحقوق مقابلها ...!!!)))

وبعد كده وافقت قطر على تخفيض المبلغ الى 5 ملايين دولار ,,,,, ولم يوافق الجانب المصري؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والان أصبحت مباريات مصر ببلاش ووفروا علينا ( 50 مليون جنية مصري ) ولم ولن يستفيدوا من اي من هذه الشروط السابقة ،،،، ومازالنا نوبخ ونعاتب ونقول عليهم يهود ، وعاوزين ياخدوا نهر النيل ووووووووووووووووو.........عجبي ....

ونظل نسأل (( هيه ليه الناس بتكرهنا ))

[president]

شوف يا president

كنت داخل أعلق على الموضوع الأصلى ولكن إستفزنى تعليقك المبالغ فى الإنفعال إللى بتغير بيه إتجاه كل موضوع فى المنتدى.

الشعوب والأشخاص يبحثون ويخترعون عن اى رابط بينهم يتقووا به وإحنا بنتحجج بسلوك الحكومات الفاشلة -كل الحكومات- علشان نفرق قوتنا اللى تعبانة أصلاً.

يا سيدنا العروبة دى هى إلل خلت السعودية زمان توقف تصدير البترول فى حرب أكتوبر وكانت متوقعة الدنيات تتقلب عليها بعدها، حتى أن الملك فيصل عندما قابل وزير خارجية امريكا امر بعمل خيمة ووضع بعض المعيز حولها وقال : حتى تعلم أمريكا أننا يمكننا ان نعود لحياة الخيام.

والعروبة هى إللى خلت ليبيا والجزائر والسودان تبعث قوات تحارب معانا فى الحرب.

وهى إللى خلت هوارى بو مدين يمضى شيك على بياض لروسيا لتسليح مصر.

وهى إللى خلت مصر تقف مواقف كثيرة مع الدول العربية ضد الإحتلال.

وهى التى تجعل سوريا الآن تدعم بشكل أو بآخر المقاومة فى العراق.

العروبة أن لم تكن أيدلوجيا فهى مصلحة مشتركة تجمع كل الشعوب فى المنطقة وليست جنس وعرق، فتجد الصومالى والجيبوتى والإريتريى يعتبر نفسه عربى وهو غير عربى المنشأ ولكن تجمعه نفس الروابط التى تجمعنا.

الحكومات العربية الآن هى التى كفرت بالعروبة لأنها لا تحتاج إليها بل هى عائق لطموحهم الواطى ووجدت فى النوم تحت رجل أمريكا بديل يحمى كراسيها وعروشها ولكن الشعوب لم ولن تكفر بالروابط التى تربطنا -الدين - اللغة - الجغرافيا - المصير المشترك - الهم الواحد -القضايا المشتركة.

انت مش واخد بالك إن الصهاينة والأمريكان بيتعاملوا مع العرب كسلة واحدة وكل واحد ليه دوروه حسب أهميته وولاؤه؟

يعنى التعامل ده لا يستدعى أن نكون نحن دعاة بناء وتواصل فى ظل هذا الواقع البغيض وألا نكون دعاة بغض تقوقع على النفس وقلع إللى فى الرجل؟!!.

على العموم تقتنع بإللى تقتنع بيه ده شيء يخصك لكن إنك تقلع وتلبس فكده بتتعدى حدود الأدب والمنتدى ها يصبح عربخانة لو تعدى كل واحد حدود ادبه.

شوف يا msayed .

هو انا لازم ابقى متفق معاك عشان مغيرش اتجاه المواضيع ... هوا انا لازم اقول للفكر الحمساوى يعيش عشان اعجب ... حبيبى كل واحد له دماغه وفكره ...

بس ياريت تقولى مثال واحد من المواضيع اللى اتغيرت باتجهاتى ... عشان ابقى عارف بس ...

كل الحشو اللى قولته فى كلامك عارفه وحافظه صم وبنقعد نسمعه لبعض فى أى قعده ... مع اخوانا العرب

انا عارف انى كلامى معاك مالوش فايده فياريت تخليك فى افكارك وتسيبنى بدماغى ...

بتتكلم على اداب المنتدى وانفعلت قوى ... طب انا بانفعل على اللى بيتكلم عن مصر ....

انما لو واحد بيسال سؤال باستعاره مكنيه عن ان وزير الخارجيه المصريه واطى دا تسميه ايه ...

بقولك ايه ياريس ياريت تهدى شويه ومتفرضش وصايتك على حد .... اقول العرب معفنين منتنين دا رأى انا ... عايز تناقشه براحتك ناقشه ...انما بلاش شخصنه وتجاوز فى الكلام ...

ولا بس المفروض اننا نقول ان مصر واطيه عشان نعجب ... لنا عوده فى موضوع الأدب ده ...

خلص الكلام

تم تعديل 14 يناير 2010 بواسطة president

[president]

شوف يا president

كنت داخل أعلق على الموضوع الأصلى ولكن إستفزنى تعليقك المبالغ فى الإنفعال إللى بتغير بيه إتجاه كل موضوع فى المنتدى.

مازلت فى انتظار مثال واحد على مداخلاتى اللى بتغير المواضيع ... واسمحلى لو مجبتش مثال واحد ... تبقى انت بتجعجع ...

ومش عارف بتقول ايه ...على فكره بتجعجع دى عشان حدود الأدب يابتاع الأدب ...