ممكن تبتسم ابتسامة .. بس ابتسامة . .

[doha]

[hebapharm]

يسلم ذوقك...أجمل حاجه ممكن الواحد يشوفها قبل ماينام

دائرة الرزق

تصبحي على كل الخير

[mama nona]

تسلم ايديكى يا ضحى

عجبنى اوى اوى

فعلا حاجة تلمس القلوب

[MaYousof]

عجبني جدا ..

شكرا على الابتسامة اللي جبتها لي

[عنبو]

الله بجد تسلم ايدكى

حاجه تمس القلب بجد

فعلاً تبسمك فى وجه اخيك صدقه

الواحد المفروض ميبخلش على الناس بأى مساعده او كلمه حلوه واكيد ربنا هيعوضها له

تسلم ايدك يا ضحى

[بركة]

جت في وقتها يا ضحى

محدش ييأس من عمل المعروف ونشر المحبة والخير والمشاعر الانسانية

حتى على من لا يعرفهم

رب كلمة أو ابتسامة أو طبطبة تكون سبب لإدخالنا السرور على قلب

ويتنامى الخير وتتكاثر الحسنات ويعم الحب والايمان بالرزاق الودود المنعم سبحانه

ربنا يسعدك يا ضحى ويجعل اللي عملتيه فيّ في ميزان حسناتك يارب :lol:

[ذهبية]

اولا الموسيقى راااااااااااائعة تحفة

الفكرة اروع اللى يعمل اى خير مهما طال الزمن يلف و يلاقى نتيجة هذا الخير بيرجع لة فى الاخر

الف شكر يا ضحى بجد حلوة قوى

[لماضة مصرية جدا]

السلام عليكم و رحمة الله و بركاته

استاذة ضحي.....جزاكي الله كل خير

طب ده كل مشهد منهم حكاية لوحده....

أنا قلبي و الله طار مع الحمام....... و حسيت بحضن البنت مع مامتها في اخر الكليب

هو احلي حاجة ان كل واحد ميعرفش التاني و الدايرة بكرم ربنا كبرت و كبرت........سبحانك يا ربي.....انت الرحيم و الكريم أوي

صباحكم صلاة....

و ضهركم مناجاة.......

و عصركم تأمل..... و مغربكم اجتهاد.....

و عشاكم....صمت بيقين

..... و ليلكم صمت بيقين

و ركعتين في جوف الليل......ونس بالقرب من الله

[doha]

جزاكم الله جميعا كل خير ..

اكتر حاجه عجبتني في الكليب انه انتزع مني الابتسامه انتزاعا ..

يعني غصب عني لقيتني ببتسم معاهم والمواقف حسيتها فعلا لمست قلبي وحسيت قد ايه العطاء جميل واجمل منه انك تقدمه مع ابتسامة ..

ولقيتني بقول في نفسي زي ماقال عنبي . . صدق الحبيب .. تبسمك في وجه اخيك صدقة ..

بصراحة اول مرة احس عمليا ان الابتسامة ممكن تكون اغلى كتير من الفلوس . .

[لماضة مصرية جدا]

السلام عليكم و رحمة الله و بركاته

حبيت ارفع الموضوع عشان نبتسم النهاردة...... صدقة لا تنتهي

و نجرب ليوم واحد ان تلقي السلام علي من عرفت و من لم تعرف

اللهم تقبل

[shiko]

الرسالة دى دلوقتى وقتها ...

صدق رسولنا الكريم

تبسمك فى وجه اخيك صدقة...

جزاكى الله خيراً يا استاذة ضحى ...على الصدقة الجميلة اللى انتى نشرتيها بين الحضور هنا

وتعليقاً على الكليب اتهيألى من الموسيقى ومن وجوه الناس ده كليب تركى ؟؟

هو فعلا اكتر من هايل مزيكا وتصوير ..وادائه اكتر من رائع

[Salwa]

شكرا جزيلا استاذة ضحى ...بجد يعنى موضوع رائع ....وشكرا جزيلا لماضة مصرية جدا جداااا لرفع الموضوع .

ايوة ياشيكو ده كليب تركى ...(( شوفى بيشربوا ايه وانتى تعرفى ؟؟...وشوفى المناظر !!!)).

نيجى بقى للكليب.. ..

الابتسامة والخير..

الاحساس الانسانى .

يعنى اللى عمل الكليب ده اكيد انسان بمعنى الكلمة .

البنت بكل براءة وعفوية اتصرفت...بكل بساطة اعطت للفتاة مناديل ورق تبيعها وترزق منها ...لم تنتظر حتى ان تأخذ اجر ..وهذا يدا على انها ايضا لم تستغل فرصة ضعف البنت واحتياجها للمنديل ..!!!....فكرة اعطاءها ماتحتاجه (( بدون ان تطلب ))..

الباقى ...كان تصرف ناتج عن احساس بالرضا...او السعادة ...(( هو ..احساس بالسعادة..ثم..الرضا ))..

لاحظوا شئ غريب بيحصل...

هى تصرفات عفوية طبيعية ممكن تحصل كل يوم ..

يوجد تعبير مصرى جميل ..لانقف امامه ولا نتأمله ..(( ربنا يحنن قلبك على امك...ربنا يحنن قلبك على اخواتك ...ربنا يحنن قلبك على ولادك ...ربنا يحنن قلبك على اللى يحتاجك ))..

هو ده معنى كلمة ....ربنا يحنن قلبك .

مش اى حد بيكون (( قلبه حنين ))..

وعلشان كدة ..

دايما الدائرة الجميلة دى بتبدأ ب...(( حد ))...صاحب القلب الحنين ..

ربنا يحنن قلوب البشر كلها ...على بعضها .

دمتم جميعا فى رعاية الله ..

[aimen]

تسلم ايدك يا مدام ضحى على الفيديو

تقبلى تحياتى :rolleyes: :roseop:

[الباشمهندس ياسر]

لاحظوا شئ غريب بيحصل...

هى تصرفات عفوية طبيعية ممكن تحصل كل يوم ..

يوجد تعبير مصرى جميل ..لانقف امامه ولا نتأمله ..(( ربنا يحنن قلبك على امك...ربنا يحنن قلبك على اخواتك ...ربنا يحنن قلبك على ولادك ...ربنا يحنن قلبك على اللى يحتاجك ))..

هو ده معنى كلمة ....ربنا يحنن قلبك .

مش اى حد بيكون (( قلبه حنين ))..

وعلشان كدة ..

دايما الدائرة الجميلة دى بتبدأ ب...(( حد ))...صاحب القلب الحنين ..

ربنا يحنن قلوب البشر كلها ...على بعضها .

دمتم جميعا فى رعاية الله ..

ربنا يزيد قلوبنا جميعا حنية ع الخلق كلها

[aimen]

رسـالة الموبايل كانت :

Sevgilim, Özür Dilerim..Seni Seviyorum

حبيبى, آسـفـه .. أُحــبك

***********

المـوسيقى المصاحبة للفيلم

Melih Kibar - Sucu Çoçuk

رابط الموسيقى

http://www.BLOCKED77/file/136811872/e812...Sucu_cocuk.html

[أم مروان]

السلام عليكم

تسلم ايديك يا مدام ضحى

الكيب روووووووووووووووعة

انا حساتة قوى لدرجة انى بكيت وكل اللى قدرت اقوله سبحان الله

جزاكى الله كل خير

[shiko]

بالرغم ...من الجراح الطفيفة .....الوجودة بداخلنا

تبقى دائما تلك الابتسامة ...لها مفعول السحر ...

[رضوي]

السلام عليكم ورحمة الله وبركاته

اعظم ابتسامة في الدنيا هي ابتسامة الرضا

وياسلام بقي لو تيجي الابتسامة دي اول لما تحصل كارثة

اول لما تحصلك اي حاجة غير سعيدة .......... وتلاقي نفسك تبتسم ابتسامة صافية تعبر عن رضاك علي قضاء الله ........

الدنيا بحالها ,,,,,,,, ماتساويش ابتسامة الرضا دي

ساعتها بس

تحس ان الدنيا مهما كانت.................. سرااااااااااااااااااااااااااااااااااااااااااااب هزيل

وانك تطمع فيما هو أعظم من الدنيا

لأنها في النهاية

قبح جميل

هي دي اجمل ابتسامة عرفتها

ربنا يديم ساعدتكم ............ وبدل الابتسامة ...... تبقي ضحكة بصوت عالي طالعة م القلب وتهز الدنيا