ادعو لأخوكم س س بالشفاء

[Lancelot]

ألف سلامة يا س س يا أخويا .... قدر الله و ما شاء فعل ....

يا رب تقوم لنا بالسلامة إنت و أخوك بإذن الله ....

أهم حاجة دلوقتي الراحة .... و لو قلقان علي الممرضتين الأسترالية و النيجيرية أنا موجود يا أخويا ...

[CoDeR]

حمدالله علي سلامتك يا س س يا جميل ..

و ربنا يعجل بشفي أخوك يااارب ..

[DARWEEN]

أدعو الله العظيم رب العرش العظيم أن يشفيكما

أدعو الله العظيم رب العرش العظيم أن يشفيكما

أدعو الله العظيم رب العرش العظيم أن يشفيكما

أدعو الله العظيم رب العرش العظيم أن يشفيكما

أدعو الله العظيم رب العرش العظيم أن يشفيكما

أدعو الله العظيم رب العرش العظيم أن يشفيكما

أدعو الله العظيم رب العرش العظيم أن يشفيكما

ألف ألف حمدالله على السلامه يابوالسيد وألف مليون سلامة لأخوك ربنا يتمم شفاؤكم على خير وتقوموا بالسلامه ... حسب مافهمت أنك كنت تؤدي مشاعر الحج فهي بإذن الله في ميزان حسناتكما وتكفيرا لذنوبكم .... رجاْ تطمئنا على أخيك

[بنت شعنونة]

سلامتكم الف سلامة يا سي السيد

ان شاالله اللي يكرهوك بجد

ويارب تكون اخر الألام

[أسد]

ألف حمد لله على السلامة

لم أدخل المنتدى منذ عشرة أيام تقريباً حيث أنني كنت في الحج

ألف سلامة عليك يا سي السيد

والحمد لله على سلامتك وسلامة أخوك

[se_ Elsyed]

الف شكر لكم جميعاً مرة آخرى ...

والحمد لله لقد رجعت إلى العمل اليوم قبل الموعد الذي حدده الطبيب لأني زهقت بصراحة من قعدت البيت ....

ولا تتصوروا إكتشافي لمدى الحب الذي لمسته من الناس الموجودين معي بالعمل ، ده انا لحد قبل الحادثة كنت فاكر نفسي شرير والناس كلها بتكرهني وده وضع طبيعي لأن الأدمنيستريشن طوب الأرض بيكرههم وهما دايماً بيلعبوا دور محمود المليجي الشرير في الأفلام العربي ....

[إبن مصر]

عقلى الباطن:

وكمان رجع الشغل وبيحبوه ...كتنا نيله فى حظنا الهباب :P

مين س.س حبيبى حمدا لله على السلامه.... والحمد لله كده مش حاسس بأى حاجه خالصصصصصص؟؟؟؟؟ :P

[جـورج]

عقلى الباطن:

وكمان رجع الشغل وبيحبوه ...كتنا نيله فى حظنا الهباب :P

مين س.س حبيبى حمدا لله على السلامه.... والحمد لله كده مش حاسس بأى حاجه خالصصصصصص؟؟؟؟؟ :P

واضح ان الناس كلها بتحبك تمام زى حب ابن مصر لـك

حمـدللـه على السلامـه

[نيرون]

عمى لا يارب انشاله انا ha)

ياريتنى انا يا معلمى cbyb:

مش ممكن مش ممكن cbyb: cbyb: cbyb:

وما حدش يقولى

انا حاسس انى اتزلطت من كيانى ..

كل مشاعرى فى الحديد

سى السيد!!!!

يحصله كده وناس تانيه تمشى على رجليها :P

رقيتك واسترقيتك

من عين كل مصرى شافك ومصلاش على النبى :P

طب

طب

ابعت قولى

حد يعبرنى

الا هو اختفاء الظالم عباده

انتم ما صدقتم

والنبى اشيلك الشنطه

اى حاجه يا سى السيد

اى حاجه

سلامتك يامعلم

يا كايدهم

وحازفهم :o

دى عين مشرفين زرق حئيده على النجاح منقتع النزير لسعادتك

و

و

بس

[se_ Elsyed]

الجدع نيرون ده شكله كده كارف على سمير رجب وهاينفخ فيه لحد ما فرقع وافتكر نفسي أمين شرطة .....

بس مش مشكلة هانشوف له صرفه ... إن شاء الله نعينه في العلاقات العامة ... بحيث العيان اللي يدخل عندنا المنتدى يقول آه يرد نيرون ويقول له " سلامتك من الآه ... سلامتك من الآه "

[إبن مصر]

:blink:

كاتنا نيله فى حظنا الهباب :P

[SANAA]

الف حمدلله علي سلامتك وربنا يتمم شفاك

وترجع للحياه الطبيعيه ان شاء الله

[DARWEEN]

جرى أيه يابو السيد أنت قاعد تهرج :angry: :angry: :angry:

زي مايكون كنت في الحادثه لوحدك

يا أبني طمنا على أخوك الله يكرمك

ربنا يتمم شفاه على خير يارب

[se_ Elsyed]

جرى أيه يابو السيد أنت قاعد تهرج  :angry:  :angry:  :angry:

زي مايكون كنت في الحادثه لوحدك

يا أبني طمنا على أخوك الله يكرمك

ربنا يتمم شفاه على خير يارب

أخي العزيز داروين .... تعودت طيلة حياتي بألا أُحمل الآخرين همومي وأشغلهم بي .. لأن كل واحد بالبلدي كده فيه اللي مكفيه ....

والحمد لله أنا مؤمن بقضاء الله وقدره في كل الاحوال " قل لن يصيبنا إلا ما كتب الله لنا "

أخويا الحمد لله عمل العملية وركبوا له شريحة و9 مسامير في ساقه وهاياخد حوالي شهر ونص راحة في البيت وبعد كده ممكن ينزل الشغل عادي وربنا يتمم شفاءه على خير ....