المثقف المصري والخطاب الاستعلائي

[hanzalah]

الافاضل

من قبيل المصارحة الواجبة

و المصارحة واجبة في كل حين وهي أوجب عند الأزمات والنكبات

وما اكثرها في الواقع المصري منذ عقود

وبالتالي فحديثي هذا هو من قبيل المكاشفة

المكاشفة الباحثة عن حلول لظاهرة مرصودة وقائمة بالفعل

اقصد ظاهرة الخطاب الاستعلائي للمثقف المصري

الظاهرة بالتأكيد ليست وليدة اليوم

ولكني اليوم فوجئت بسيدة احترمها واقدر اتزانها وهي السيدة الوزيرة ميرفت التلاوي تقع في نفس الفخ

حيث قالت : (عيب أوي ان دولة فتفوته طلعت أول امبارح تعمل واحده علينا )

الكلمات بالنص من جريدة المصري اليوم عدد اليوم ص 18

الافاضل

الدول لاتقاس بعمرها ..

الدول تقاس بما قدمته لانسانها وشعبها من رفاهة عيش وعدالة توزيع !!

ان ننظر الى دولة تكونت سياسياً من سنوات قليلة وننتقدها لمجرد انها خرجت للوجود " سياسيا" منذ قليل

فهذا قمة اللاموضوعية من مثقفينا او ساستنا

كندا تكونت بشكلها الحالي في عقد الثمانينيات فقط !! فهل هي دولة متخلفة ورجعية وفتفوته في نظرنا !!

لايصح ان نفرش الملاية لكل من يختلف معنا

وحتى لكل من يسيء الى مصر

يجب ان نفصل بين من يهين شعب مصر وبين من يزدري نظام الحكم الموجود في مصر

دمتم بخير

:lol:

[msayed]

ولا مثقفين ولا حاجة يا أخى

دول موظفين ترقوا فى المناصب بفضل الملاية التى يفرشوها لأى واحد يزعل ولى النعم الحاكم بأمره

ده إنت لم بتسمعهم يتكلموا شوية بتقع على ظهرك من الضحك وعينيك بتدمع من الفرسة، ....... ومن ثقافة الملاية.

ده إنت هاتشيل شيل فى الموضوع ده

اصبر بس وها تشوف

هاتلاقى ناس فسروا كلامك أنك ضد مصر وضد دورها الإقليمى وإن البترول عماك وبتساند قطر لأنك بتشتغل فيها وخايف يتقطع عيشك وإنك أربعة وعشرين ساعة سايب ودانك لقناة الجزيرة.

تستاهل إنت إللى جبته لنفسك :lol:

أهرب أنا بسرعة بقى

[hanzalah]

صباح الفل ياكبير

انا بس عاوز اقول في البداية ان مصر مستحيل تكون حسني مبارك

ومستحيل تكون فاتن حمامه

ومستحيل تكون أي كاتب او صحفي او فنان او موظف أو اي انسان عايش في ارض مصر

مصر اكبر من اختزالها في اي شخص

وبالتأكيد مصر ليست انا محمد الشهير بحنظله ابن عم احمد الموظف الفقير

مصر اكبر بكثير من ان يمثلها فرد واحد بعينه ..

مصر هي الناس الغلابة التي تصنع اسم مصر كل يوم وهي تسعى لأكل عيشها بالحلال

وطظ ف كل من ينتحل اسم مصر بعد كده

[herohero]

مشكلة مصر والمصريين الالزلية محدش بيفهم الا احنا والكل مش بيفهم الهنود بيركبوا الفيل ف نظرنا والخليجين مش بيعرفوا حاجه هو شوية البترول اللي عندهم

انما احنا اللي عارفين في كل شيئ

انا عاوز اعرف هو احنا لازم نقارن نفسنا بغيرنا نقارن نفسنا بما كنا عليه من قبل هي ده مصر بتاعت زمان في الرقي والفن والااداب والثقافة مستحيل

هل مصر حاليا هتقدر تطلع جيل من العظماء زي زمان لا طبعا

هل مصر ممكن بالمنظر ده تحقق انجاز لا طبعا

اللي انشأ قناة الجزيرة مصر ي وراح بعدها عمل قناة العربية وانتهى به الامر لمكانه الاصلي ورجع لل بي بي سي

يعني مصر كافراد عندها وبزيادة كمان ناس كفاءات لكن ليه مش بنستفيد منهم كل اللي شاغلنا البلد الفتفوته والناس الحافية اللي كانت بتمشي في الصحراء

اتمنى نخلينا في حالنا بقى احنا ممكن نبقى احفاد اللي بنوا الاهرامات احنا احفاد الناس ده اشك

اللي مش عارفين يلموا زبالتهم ولا ينظمو مرورهم ولا عارفين يحلوا اي مشكلة بقى احنا اللي حكمنا حاكم زي محمد علي وبنى حاجات لحد دلوقت عايشة شوفوا كباري القناطر الخيرية

وغيره كتير هل احنا ننتمي لمثل هؤلاء الواحد بقى يتجنن الكل بنتريق عليه ومحدش فاهم الا احنا الكل مش متحضر زينا ، والنتيجه كلنا عارفينها

أبسط شيئ المصريين اللي في الخليج يقدروا يحكموا ايهما بيقيم اكتر المصري ام اللبناني ولا حتى الاردني ، فالاردني حاليا بقى سعره اكتر من المصري

هل ده منطق الكل مش فاهم واحنا اللي فاهمين وادي النتيجة

[hanzalah]

انا عاوز اعرف هو احنا لازم نقارن نفسنا بغيرنا نقارن نفسنا بما كنا عليه من قبل هي ده مصر بتاعت زمان في الرقي والفن والااداب والثقافة مستحيل

اردت فقط ان ارحب بيك وارفع لك القبعة على كلماتك الرائعة

مفروض فعلا أقارن نفسي بنفسي .. وبالتالي اعرف انا طالع ولا نازل في كل ميادين الحياة والآخرة

لو كنت اصلي الفجر من سنة واليوم اصبحت اتكاسل يبقى انا نازل بالتأكيد

لو كنت اجيب درجة نهائية في الكيمياء مثلا ودلوقت يادوب بانجح بقرار لجنة يبقى لازم اقف وافكر في حل لمشكلتي

ونفس الشيء على مستوى الدول

اين فعلا مصر التي نحياها اليوم من مصر قبل الثورة !!

[أبو اياد المصرى]

أنا لست معك فى هذا يا أخى لأنه لا يمكن أن تقارن مصر ذات السبعة ألاف سنة حضارة بأى دولة أخرى سواء عربية أو أفريقية ، وهذا ليس استعلاءاً ولكنها الحقيقة التى لابد أن يعيها الجميع ، وارجع للتاريخ ستجد أن معظم أنواع الاحتلال التى مرت على المنطقة العربية أول ما يشغل همهم للحصول على كامل المنطقة هم احتلال دولتين بالتحديد مصر والعراق والكل يعلم هذا جيداً ، وأقولها بمنتهى التواضع يا أخى لا تحاول مقارنة أى دولة شرق أوسطية أو أفريقية بمصر أو العراق، وهذا يقاس بالتاريخ وليس بالشعارات أو الكلام الزائف !!!!!!

[tantrum]

صباح الفل ياكبير

انا بس عاوز اقول في البداية ان مصر مستحيل تكون حسني مبارك

ومستحيل تكون فاتن حمامه

ومستحيل تكون أي كاتب او صحفي او فنان او موظف أو اي انسان عايش في ارض مصر

مصر اكبر من اختزالها في اي شخص

وبالتأكيد مصر ليست انا محمد الشهير بحنظله ابن عم احمد الموظف الفقير

مصر اكبر بكثير من ان يمثلها فرد واحد بعينه ..

مصر هي الناس الغلابة التي تصنع اسم مصر كل يوم وهي تسعى لأكل عيشها بالحلال

وطظ ف كل من ينتحل اسم مصر بعد كده

الأخ العزيز محمد بن عم أحمد الشهير بحنظله ( المغرد دوما خارج السرب أو هو سرب وحده)

الواقع يا عزيزى يفيد أن مصر هى ما يريده و يرسمه الإعلام المصرى (مع كل أسف ممكن)

و الناس الغلابة نوعين:

ناس غلابة جدا جدا بحيث أنهم لا يتمكنوا من متابعة الإعلام المصرى و بالتالى لا يتأثروا به.

و ناس غلابة نص و نص و دول مع الأسف بيتأثر معظمهم جدا بالإعلام و لو حب الإعلام أن يصور لهم أى شىء فمن الممكن أن يقتنعوا به و يتبنوا رأيه و يكون ذلك هو رأى مصر العام.

فيه باقى تاس مش غلابه خالص و دول اللى بيوجهوا الإعلام بالإضافة للإعلاميين نفسهم و معهم معظم المثقفين.

المهم:

أنا مع msayed أنك ممكن تورط نفسك فى حقل ألغام بموضوعك

وقد لا تسلم من أتهامات عدة

و لكن بما أنك بدأت...سنحاول أن ندعمك... و نبدأ المكاشفة

فكان فيه أسئلة نفسى أسالها فى موضوع (المصريون الجدد) و لكنى -بصراحه- أثرت السلامة

و الأسئلة هى:

1- هل من ينقد الأوضاع المصرية عندما لا يرى إلا ما يستحق النقد.ـــــــــــــ بمنتدى مصرىـــــــــــمهموم بمصرــــــــــ يلام على ذلك؟ ( إطالة الشرط الإعتراضية مقصود)

2- من لا يرى بمصر سوى أمور تستحق النقد هل هو مريض أم غير أصيل أم ينقصه الإنتماء أم يرجو الخير لمصر ؟؟؟؟

3- ما مبرر الشوفينية المصرية التى باتت غير خافية على أحد مؤخرا.

4- ما هى الأمور التى لا تستحق النقد بمصر.

أنتهت أسئلتى و الله المستعان على ما سنلقاه.

الرجاء التمهل قبل إطلاق الرصاص (مع الإعتذار للأخ الكريم أبو محمد)

تم تعديل 13 يناير 2010 بواسطة tantrum

[president]

تسمحلى اشرح وجهة نظرى فى نقطه معينه ... برغم ان النقطه دى اثيرت قبل كده ....

عايز أضرب مثال صغير يوضح الخلاف فين وياريت يكون كل واحد أمين فعلا مع نفسه وهوا بيطبق المثال ده ...

لو أى واحد فينا عنده أخ والأخ ده عمل شوية مشاكل جوه بيته مش مع غيره مثلا ... يعنى اتخانق معاك ... مهمل فى دراسته ... حاجات زى كده ...

يقوم واحد من جيرانك وجاى يقولك دا أخوك قليل الأدب ومترباش سيبك بقى اذا كان جارك دا زباله او محترم مش مشكلتنا ؟؟

انت هترضى بكده وتقبل على اخوك كده ؟؟ هوا اللى بينتقده ده بينتقده بصفة ايه بالظبط ؟؟ ألا صحيح (كلمة هوا بالف فى الأخر ولا من غير ألف)

انا الوحيد بس اللى من حقى انتقد اخويا ...طيب لو انت مسالم وبتخلى اللى رايح واللى جاى يديك كلمتين عشان أخوك ..

طيب لما تيجى انت تنتقد جارك ياترى هيعمل فيك ايه ؟؟ خلى بالك مشاكل أخوك جوه البيت ..

لو عممنا الموضوع ... مصر فيها مشاكل ... لأ طبعا مصر فيها بلاوى مش مشاكل ... هل مشاكل مصر فيها اعتداء على الغير ؟؟ لأ طبعا

يبقى مين من حقه ينتقد البلد ؟؟ هم المصريين والمصريين فقط ...

ياترى المصريين اللى هنا اللى بيقولوا المفروض اننا منعملش وصايه على العرب ومنستعلاش عليهم ليه عايزين غيرنا يعمل وصايه علينا ؟؟

ليه لما غيرنا ينتقدنا من العرب نصقفله ونهلله ولما يجى مصرى يرد نقول عليه ايه ده ايه الأستعلاء الغريب ده ؟؟؟

دا احنا مره كان فى موضوع فى بلد شقيق مافهوش اى نقد شديد واحد من الأخوه الأفاضل قال احنا ليه بنعمل وصايه على غيرنا ونعيش الدور

مع انه أكتر واحد معجب بالمواضيع اللى بتتنقد فيها الجزيره القطريه مصر .. قمة التناقض اللى مش لاقيله تفسير ... ياترى ايه التفسير صحيح ؟؟؟

ايه المفرض فى رأى صاحب الموضوع ان لما دوله تتعدى علينا بالقول وتتدخل فى امورنا ..تفتكر ايه الرد المناسب ؟؟؟ اوعى يكون من الرد من نوعية كمان واشجينى ...

أخر سؤال محيرنى

هوا أحنا بجد مش فاهمين الكلام ده ؟؟ ولا مش عايزين نفهمه ؟؟ ولا فاهمينه كويس بس اجندتنا الداخليه مش متفقه معاه ؟؟؟

ياترى لسه فكر كتير من الناس .. ان اللى بيبقى محموق عشان البلد لما تتشتم من اى حد مهما كان دا عشان ولى النعم يرضى عليه ويبقى... ويبقى.. الى أخر القاموس الجاهز ؟؟

انا عن نفسى لما حد مش مصرى بيفتح بقه عن البلد ..بياخد اللى فيه النصيب ....

بس خساره فعلا ان ولى النعم مبيعرفش حاجه عنى ..مش كان ممكن يظبطنى كده بأى حاجه ....

تحياتى يامصر

[الغريب]

كدة بصراحة أنا توهت في المحاوارت فين ياجماعة المشرفين يسنجفو الموضوعات كدة ويروقوها أنا كنت في موضوع الأقباط بعد كدة خبطت في موضوع المصريون الجدد ورجعت لاقيت موضوع المثقفين وكلها موضوعات بتلتقي على أسس واحد عاوزين نجمعها كلها علشان نحقق فايدة نفيد ونستفيد

أنا قلت ولسه مصمم أن الشعب المصري أثبت الوهن الشديد جدا لما ساقه الإعلام في أحداث مباراة مصر والجزائر وبعد كدة الشعب المصري بردو أثبت الوهن لما ساقه الإعلام في أحداث الجدار الفولازي وبعد كدة أثبت الوهن في أحداث تشفير قناة الجزيرة لبطولة أفريقية والإعلام ساقه ضد القناة

بس هو فعلا الشعب أثبت الوهن ولا الإعلام في وادي والناس في وادي تاني طيب أزاي هنقيس النبض الحقيقي للمواطن المصري ، في رأيي أن المصري بقى ملوش معالم وماشي مع الريح

[تامر السعدني]

كدة بصراحة أنا توهت في المحاوارت فين ياجماعة المشرفين يسنجفو الموضوعات كدة ويروقوها أنا كنت في موضوع الأقباط بعد كدة خبطت في موضوع المصريون الجدد ورجعت لاقيت موضوع المثقفين وكلها موضوعات بتلتقي على أسس واحد عاوزين نجمعها كلها علشان نحقق فايدة نفيد ونستفيد

أنا قلت ولسه مصمم أن الشعب المصري أثبت الوهن الشديد جدا لما ساقه الإعلام في أحداث مباراة مصر والجزائر وبعد كدة الشعب المصري بردو أثبت الوهن لما ساقه الإعلام في أحداث الجدار الفولازي وبعد كدة أثبت الوهن في أحداث تشفير قناة الجزيرة لبطولة أفريقية والإعلام ساقه ضد القناة

بس هو فعلا الشعب أثبت الوهن ولا الإعلام في وادي والناس في وادي تاني طيب أزاي هنقيس النبض الحقيقي للمواطن المصري ، في رأيي أن المصري بقى ملوش معالم وماشي مع الريح

اتفق معك يا سيدي أن الشعب المصري يعيش حالة من عدم وضوح الرؤوية لافتقاره إلى القيادة التي يلتف حولها

والناس فيها خير كتير وبرضو فيه شر أكيد

بس الحل لكل المشاكل:

وجود قيادة واعية حريصة على الناس تأخذ بزمام الأمر وتسير بالناس في الطريق السليم

اللهم اصلح حال بلدنا فبها ينصلح حال الأمة إن شاء الله

[Ahmed Anwer]

اتفق تماما مع صاحب الموضوع

و للأسف السبب في هذه النغمة بعض أشباه الإعلاميين و كلاب السرايا اللي بيطلقهم النظام علي أي بلد اخري عند الحاجة

بس فيه نقطة

الأخوة العرب لا يفرقون بين الوطنية و الاعتزاز بالانتماء و بالتعالي

يعني أنا لو واحد سعودي جه قالي نحن مهبط الوحي ،، و منبع الإسلام أو واحد عراقي جه قالي نحن عاصمة الخلافة أو واحد اماراتي جه قالي نحن من حققنا معجزة دبي أو أو أو

هل هذا يعتبر تعالي علي كمصري ؟؟؟

أنا لا أري ذلك إطلاقا ،، أراه مجرد وطنية و اعتزاز و فخر و حق مشروع لكل انسان

لكن مشكلة الأخوة العرب و ده عن حوار انهم بيعتبرونا مغرورين

و ده سوء فهم تام منهم

لكن أنا ضد اللي يقول الخليجين بهايم معاها فلوس و الجزائريين مش عارف أيه و أمثال ذلك و كأننا ملائكة

ياريت نفتكر تريقة اعلامينا اللاذعة علي بعض الدول بعضها حتي من أفضل الشعوب زي الامارات مثلا

فاكرين لما حاكم الشارقة كان عايز يتبرع لاتحاد الكتاب العرب أو شئ من هذا القبيل و بهدلوه

الخلاصة الوطنية و اعتزازنا ببلدنا و فخرنا بيها حق مشروع ،، شاء من شاء و أبي من أبي

و لكن التعالي و السخرية من الآخريين مرفوض تماما

[msayed]

اتفق تماما مع صاحب الموضوع

و للأسف السبب في هذه النغمة بعض أشباه الإعلاميين و كلاب السرايا اللي بيطلقهم النظام علي أي بلد اخري عند الحاجة

بس فيه نقطة

الأخوة العرب لا يفرقون بين الوطنية و الاعتزاز بالانتماء و بالتعالي

يعني أنا لو واحد سعودي جه قالي نحن مهبط الوحي ،، و منبع الإسلام أو واحد عراقي جه قالي نحن عاصمة الخلافة أو واحد اماراتي جه قالي نحن من حققنا معجزة دبي أو أو أو

هل هذا يعتبر تعالي علي كمصري ؟؟؟

أنا لا أري ذلك إطلاقا ،، أراه مجرد وطنية و اعتزاز و فخر و حق مشروع لكل انسان

لكن مشكلة الأخوة العرب و ده عن حوار انهم بيعتبرونا مغرورين

و ده سوء فهم تام منهم

لكن أنا ضد اللي يقول الخليجين بهايم معاها فلوس و الجزائريين مش عارف أيه و أمثال ذلك و كأننا ملائكة

ياريت نفتكر تريقة اعلامينا اللاذعة علي بعض الدول بعضها حتي من أفضل الشعوب زي الامارات مثلا

فاكرين لما حاكم الشارقة كان عايز يتبرع لاتحاد الكتاب العرب أو شئ من هذا القبيل و بهدلوه

الخلاصة الوطنية و اعتزازنا ببلدنا و فخرنا بيها حق مشروع ،، شاء من شاء و أبي من أبي

و لكن التعالي و السخرية من الآخريين مرفوض تماما

كلامك مظبوط

فكل واحد من حقه يفخر ببلده ولكن بما لا يؤذى شعور غيره

يعنى لما أقول إن مصر حضارة سبعة آلاف سنة أو خير أجناد الأرض أو مقبرة الغزاة أو كنانة الله فالكلام ومقبول

لكن إن مصر الأخت الكبرى فالكثير لا يقبلونه فكل شعب يرى من تاريخه أنه ينبغى أن يكون هو الكبير. وبصراحة أنا لا أقبل الوصف ده أيضاً.

لما أقول ليل نهار إن مصر علمت العرب (من باب المن) فلن يقبلوا ذلك أيضاً ولكن ما أراه أنهم هم من يقولوا ذلك وتكون أقوى.

أو أقول إن مصر ضحت بالكثير من أجل العرب، فأظن العرب لو قبلوا ذلك ظاهراً لكن هذا يستفزهم داخلياً وممكن يظهر هذا الإستفزاز فى صور أخرى.

ولكن ممكن تفرض هذا المعنى بأفعالك بدون كثر كلام.

والحقيقة إن مصر عندما كانت تفعل لم تكن تتكلم وكان الآخرون هم من يشكرون وعندما أصبحت حكومتها عاجزة لا تفعل أصبحت تتكلم كثيراً.

وأظن بموقف واحد من رجب طيب أردوغان ضد الصهاينة رفع رصيد تركيا مائة ضعف فى قلوبنا كلنا ونال رهبة الصهاينة وأصبح رد فعله محل تقدير.

لو ظل مثقفى تركيا مائة عام يسبحون بحمد تركيا ليل نهار فلن يرفعوا قدر تركيا ملي متر واحد بل بالعكس لصاروا مضحكة الكون.

[hanzalah]

أنا لست معك فى هذا يا أخى لأنه لا يمكن أن تقارن مصر ذات السبعة ألاف سنة حضارة بأى دولة أخرى سواء عربية أو أفريقية ، وهذا ليس استعلاءاً ولكنها الحقيقة التى لابد أن يعيها الجميع ، وارجع للتاريخ ستجد أن معظم أنواع الاحتلال التى مرت على المنطقة العربية أول ما يشغل همهم للحصول على كامل المنطقة هم احتلال دولتين بالتحديد مصر والعراق والكل يعلم هذا جيداً ، وأقولها بمنتهى التواضع يا أخى لا تحاول مقارنة أى دولة شرق أوسطية أو أفريقية بمصر أو العراق، وهذا يقاس بالتاريخ وليس بالشعارات أو الكلام الزائف !!!!!!

اخي الكريم .. تحية طيبة

حسناً يا أخي .. مصر لها 7000 سنة من الحضارة .. في هذا الزمن كان هناك بشر يعيشون في مناطق اخرى من العالم

أليس كذلك !!

اذن مجرد اننا موجودين من زمان ليس معيار تفاضل .. ونحن بكل تأكيد متفقون على ذلك ..

بالتأكيد مقصودك هو أننا كانت (واخد بالك من كانت) .. كانت لدينا حضارة بمعنى استقرار ومدنية

في وقت كان البشر الآخرون ليست لديهم مدن و قوانين وفنون !!

رائع جداً ..

سؤالي الأول هو : هل اليوم الذي نعيشه حالياً .. تجد فيه أي أثر لتلك الحقيقة التاريخية !!؟؟

بكلمات اخرى .. هل من بدأ بعدنا مشوار الرقي والمدنية والحضارة .. لحق بنا .. ام سبقنا في ميادين شتى ؟

اترك لك الاجابة

وسؤالي الثاني :

هل حضارة الفراعنة نفسهم كانت خالية من الاخطاء وكان الانسان المصري يعيش في جنة الله في ارضه ام في قهر وظلم وتظالم ايضا !!

الم يكن فرعون يقول انه اله ويتمتع بكل خيرات الارض بما يشكل تظالم اجتماعي صارخ للفلاح و الموظف المصري البسيط

الم يكن فرعون يقتل ابناء بني اسرائيل الذكور ويستحيي نسائهم !!

ألم يكن الفنان و الكاهن نفسه معرض لبطش الفرعون الجديد لأنه ينتمي الى الجيل القديم والعهد البائد !!

برضه اترك لك الاجابة لنرى هل كانت الحضارة تحمل ميزات واضحة وعيوب صارخة !!

أم كانت كلها تكريم لمواطني هذا البلد

[hanzalah]

اخي العزيز Tantrum

والله يا اخي انت من الناس اللي بيفكروني بشبابي ..

بأقرأ لك في رزانتك وهدوءك وأقرأ لك في ثورتك واندفاعك وفي كل الحالات اشعر بداخلي اني (اريد) أن أقرأ لك ..

دمت بخير ..

أما عن الاسئلة الاربعة فيمكن أن نقول التالي ياسيدي الكريم ..

هل من ينقد الأوضاع المصرية عندما لا يرى إلا ما يستحق النقد.ـــــــــــــ بمنتدى مصرىـــــــــــمهموم بمصرــــــــــ يلام على ذلك؟ ( إطالة الشرط الإعتراضية مقصود)

اجابتي لا .. وعلى من يهاجمه ان يكون موضوعي .. طالما التزم الناقد بالموضوعية ايضا وعرض نقاطه نقده بشكل واضح

من لا يرى بمصر سوى أمور تستحق النقد هل هو مريض أم غير أصيل أم ينقصه الإنتماء أم يرجو الخير لمصر ؟؟؟؟

هنا بالتأكيد لا أتفق .. لأن مصر مثلها مثل كل دول العالم .. فيها الخير والشر .. فيها الجميل والقبيح

ومن غير المعقول ان نكون نحن ابناء مصر من يراها قبيحه على طول الخط ولايرى فيها شيء جميل .. والا فعلاما قعودنا ها هنا يا اخا العرب ..

ما مبرر الشوفينية المصرية التى باتت غير خافية على أحد مؤخرا

بقراءتي البسيطة في علم النفس أجد أنها نوع من الاسقاط .. بمعنى أنا زي الفل والجيران وحشين ع الآخر ..

لو احنا ف مصر نعيش الحالة العادية لكل دولة لديها انجازات ضخمة ولديها مشاكل محددة وتعمل على حلها ..

وقتها لن تجد شوفينية .. ستجد خطاب متعقل رزين حول المشاكل لحلها وحول الانجازات للمحافظ عليها وتنميتها ..

ما هى الأمور التى لا تستحق النقد بمصر

سؤال جميل .. واجابتي المتواضعة هو احنا

الشعب المصري هو اعظم واجمل شيء في مصر .. اكيد فيهم سلبيات .. لكن ايجابياتهم اكتر .. واهمها ايمانهم بان بكره احسن من النهارده

تم تعديل 14 يناير 2010 بواسطة hanzalah

[hanzalah]

اخي الكريم president

تحية طيبة

ياترى المصريين اللى هنا اللى بيقولوا المفروض اننا منعملش وصايه على العرب ومنستعلاش عليهم ليه عايزين غيرنا يعمل وصايه علينا ؟؟

ليه لما غيرنا ينتقدنا من العرب نصقفله ونهلله ولما يجى مصرى يرد نقول عليه ايه ده ايه الأستعلاء الغريب ده ؟؟؟

يبدو ان وصلك فكره مشوشة عما نريد نقاشه هنا اخي الفاضل ..

نتحدث عن خطاب المثقف المصري والدبلوماسية المصرية والخارجية المصرية ..

و الذي يجد فيه المتابع نبرة تعالي واضحة عندما يكون موجه الى جار (قد يكون عربي او افريقي او اسلامي)

و بالتأكيد أنا - أو نحن - لا نطلب او نرضى ان يعمل الآخر وصايه علينا

اتمنى ان تكون الصورة اوضح عن ذي قبل ..

اما عن المثال الذي تفضلت به حول اخي سيء الادب وقبولي بانتقاد الآخرين له .. فيا أخي الكريم

سواء انا رضيت أم ابيت .. قليل الادب بيجيب لاهله الشتيمه

يعني عوراتنا لايمكن - نظرياً - ان نداريهم .. ليس لان المثل يقول : هو اللي بيزمر بيخبي دقنه !!!

ولكن ايضا لان العالم قرية صغيرة متصله على بعضها البعض

تم تعديل 14 يناير 2010 بواسطة hanzalah

[msayed]

ما هى الأمور التى لا تستحق النقد بمصر

سؤال جميل .. واجابتي المتواضعة هو احنا

الشعب المصري هو اعظم واجمل شيء في مصر .. اكيد فيهم سلبيات .. لكن ايجابياتهم اكتر .. واهمها ايمانهم بان بكره احسن من النهارده

والله صدقت يا hanzalah

لما الواحد بيسمع رأى الناس حتى البسطاء منهم فى قضايا بلدهم وتفاؤلهم بأحس إن المستقبل هايكون بخير إن شاء الله

[president]

يبدو ان وصلك فكره مشوشة عما نريد نقاشه هنا اخي الفاضل

نتحدث عن خطاب المثقف المصري والدبلوماسية المصرية والخارجية المصرية ..

و الذي يجد فيه المتابع نبرة تعالي واضحة عندما يكون موجه الى جار (قد يكون عربي او افريقي او اسلامي)

الفاضل hanzalah .

وجدت فعلا نفسى مشوشا بس مش من النقاش من حاجه تانيه ....

هوا احنا ايه اللى عايزينه كمصريين ؟؟ السؤال دا محيرنى جدا

يعنى لو حصل هجوم شديد علينا من اى دوله ولم يكن هناك رد قاسى ونبرات متعاليه ... لأتهمنا الحكومه والمثقفين بالخنوع والتفريط فى كرامة البلد ...

وبنقول الله يرحمك ياسادات لو كنت عايش كنت بعتلهم فرقه وربتهم .. تنكر حضرتك ان ده هيتقال ؟

لو ردينا الأساءه بالأساءه أتهمنا بالتعالى والمبالغه فى الرد ... طب ايه المفروض نعمله عشان نبقى راضين عن نفسنا؟؟

لو انت مكان المثقف المصرى واتهمت بضرواه زى العماله والخيانه وغيرها ياترى رد فعلك هيكون ايه ؟؟

تحياتى

[msayed]

لو عممنا الموضوع ... مصر فيها مشاكل ... لأ طبعا مصر فيها بلاوى مش مشاكل ... هل مشاكل مصر فيها اعتداء على الغير ؟؟ لأ طبعا

يبقى مين من حقه ينتقد البلد ؟؟ هم المصريين والمصريين فقط ...

ياترى المصريين اللى هنا اللى بيقولوا المفروض اننا منعملش وصايه على العرب ومنستعلاش عليهم ليه عايزين غيرنا يعمل وصايه علينا ؟؟

ليه لما غيرنا ينتقدنا من العرب نصقفله ونهلله ولما يجى مصرى يرد نقول عليه ايه ده ايه الأستعلاء الغريب ده ؟؟؟

دا احنا مره كان فى موضوع فى بلد شقيق مافهوش اى نقد شديد واحد من الأخوه الأفاضل قال احنا ليه بنعمل وصايه على غيرنا ونعيش الدور مع انه أكتر واحد معجب بالمواضيع اللى بتتنقد فيها الجزيره القطريه مصر .. قمة التناقض اللى مش لاقيله تفسير ... ياترى ايه التفسير صحيح ؟؟؟

ياترى لسه فكر كتير من الناس .. ان اللى بيبقى محموق عشان البلد لما تتشتم من اى حد مهما كان دا عشان ولى النعم يرضى عليه ويبقى... ويبقى.. الى أخر القاموس الجاهز ؟؟

انا عن نفسى لما حد مش مصرى بيفتح بقه عن البلد ..بياخد اللى فيه النصيب ....

بس خساره فعلا ان ولى النعم مبيعرفش حاجه عنى ..مش كان ممكن يظبطنى كده بأى حاجه ....

تحياتى يامصر

بما إن الكلام معظمه موجه لى وفيه سوء تفاهم كبير بيننا ولا أنا ولا إنت عاوزينه يزيد عن كده فاسمح لى بهذه التوضيحات.

بداية أنا ضد أى واحد يشتم مصر وفى نفس الوقت شايف إن المصرى إللى بيشتم أى دولة تانية فهو بينقص من قدرنا.

زى إللى حصل فى موضوع الجزائر بالظبط، شوية منهم شتمونا فبدل ما ناخذ شتيمتهم ونذبحهم ونفضحهم أمام شعبهم طلع بعض الإعلاميين فشتموا الشعب الجزائرى كله فضاع حقنا.

تفتكر لما قطر تنتقد سياسة مصر وبعدين يطلع كاتب أو رئيس تحرير جريدة قومية يقول"الجزيرة قناة طالع لها دولة" أو "قطر إمرأة وقناة" فهل هو كده رد على قطر؟! لأ طبعاً ده رد صبيانى غير مسؤول من باب فش الغل والسلام. كان ممكن الرد يكون ببساطة وبدون إنفعال فى نقد سياسات قطر وتعاملها مع الصهاينة ويكون الرد بالمثل. ومعلوم إن كل حكومة علشان تدارى تقصيرها بتتمحك فى مصر، وكلهم تعبانين زى بعض.

وعشان تعرف موضوع ولى النعم إرجع لرأى بعض الكتاب والسياسيين فى البرادعى قبل وبعد وشوف واحكم.

وبعدين فيه نقطة دقيقة جداً، فأنا لم أعترض أبداً على إنتقاد الحكومات ولكن ستجد زعلى لما واحد بيطلع ينتقد شعب كده بإجماله. لأنه بصراحة إللى بينتقد شعب من بابه لازم يعرف إنه ظالم. زى الواقعة التى ذكرتها أنت والتى خرج زميل وقال إن السعوديات عندهم كبت، فهو رأى غير مبنى على أى دراسة وأيضاً مش من حقنا. ولو حد قاله علينا هانغضب ونهيج عليه فليه نهيج الناس علينا بدون داعى؟ ولو استعملنا نفس المقياس فنقبل رأى أى سفيه يتفرج على فيلم مصرى خليع ويقول كل المصريين بيشربوا خمرة ونساءنا فاسدات.

عارف أنا أقبل إن أى واحد ينتقد حكومة مصر وأنا أنتقد حكومته فى حوار هادىء منطقى لكن إنه يسخر منها فبأحس أنه بيستهزأ بى أنا.

يعنى إحنا متفقين فى المضمون لكن مختلفين فى الطريقة.

تم تعديل 14 يناير 2010 بواسطة msayed

[hanzalah]

الفاضل

تحية طيبة

لو ردينا الأساءه بالأساءه أتهمنا بالتعالى والمبالغه فى الرد ... طب ايه المفروض نعمله عشان نبقى راضين عن نفسنا؟؟

أنا بدي أوضح ان مقصودي هو كيف نقول نحن المصريين للعالم (وليس للعرب فقط) ها نحن ذا .. كيف نقدم صورة عن أنفسنا

وليس مقصودي كيف نرد اساءة من حولنا (لانه وقتها سنتكلم عن إساءة الجيران و الشرق والغرب وكل من يسيء من أي بقعة في العالم)

كمثال صارخ حول كيف يشوه ابناء مصر صورتهم وصورة بلدهم بأيديهم

قرأت اليوم في جريدة الوفد (ص 10) كتبت فكرية احمد - من هولندا مقالة تنخلع لها قلوب كل وطني محب لبلده

العنوان

يا أبناء مصر .. اتقوا الله في وطنكم

تحدثنا كيف وجدت هي بنفسها في هولندا ان عدد لايستهان به من شباب هذا البلد يقدم على اللجوء السياسي لهدولندا تحت أسباب تكسف

منها ان يقول عن نفسه انه شاذ جنسيا ومضطهد في بلده !!

منها ان يقول انه مسلم وارتد عن دينه ومضطهد في بلده

منها ان يقول انه مسيحي و يتم اضطهاده في بلده بسبب دينه .. وهكذا

هذه صورة صارخة كيف يمكن لانسان ان يشوه - بارادته وبحساباته - صورة نفسه ووطنه في عيون الآخرين

وبالتالي اعود الى الخطاب المتعالي للمثقف

هل صعب أن يعرض المثقف والمسؤول قضيته أو وجهة نظره بدون تجريح في الآخرين ؟! أو معايرتهم بأننا كنا زمان احسن منهم ؟!