فوائد الزوجة النكدية

[لولا]

من يعتقد ان الزوجة النكدية ليس لها فوائد فهو مخطئ !!!!!!

للزوجة النكدية فوائد كثيرة ومن أهمها:

1-تجعل لسان الزوج رطب بذكر الله

"طول اليوم تلاقيه بيدعي حسبي الله ونعم الوكيل !" mfb:

2-تساعد الزوج على غض البصر...

طبيعى جداااااا ..لأنه هيكره صنف الستات كله :P

3-تساعد الزوج على صلة الرحم..

ماهو طول النهار هربان عند مامته

4-تساعد الزوج على أن يحافظ على وزنه ورشاقة جسمه..

طبيعى جدا .. مااصل نفسه هتبقى مسدوده على طووووول smk:

*

*

*

اخيرا بقى ركزو فى دى عشان تشوفوا بس نعمة الست فى حياة الراجل نكدية ولا حتى ملالاك

تجعل من زوجها رجلاً عظيماً

لأنه طبعا بسبب قرفه وزهقه منها هيقعد اطول فترة ممكنة فى الشغل .. بالتالى هيحقق المثل القائل "راجل بيفهم اللى قال المثل دوت على فكره ;) "

وراء كل رجل عظيم امرأة

يعنى فى كل الأحوال الست فى حياة الراجل .. نعمة .. نعمة .. نعمة

قدروا النعمة بقى يا رجالة smk: :P

الفوائد منقولة .

لولا

[Scorpion]

يعني يا مدام لولا أفهم من كده ان الزوجة اللي مش نكديه ... جوزها غير صاحبنا اللي كتبتي عنه خالص ...

لا بيذكر الله .. و لا بيشوف اهله .. و تخين .. و فاشل في شغله .. و ليل نهار بيبصبص ؟؟؟

[لولا]

يعني يا مدام لولا أفهم من كده ان الزوجة اللي مش نكديه ... جوزها غير صاحبنا اللي كتبتي عنه خالص ...

لا بيذكر الله .. و لا بيشوف اهله .. و تخين .. و فاشل في شغله .. و ليل نهار بيبصبص ؟؟؟

بص يا سكوب..

ذكر ربنا انواع يا بنى .. فى ناس بتشكر وناس بتحتسب عند الله .. واهو كله فوايد برضه

وناس قاعدة فى بيت اهلها كل يوم وناس بتكتفى بمره فى الأسبوع

وناس ماتسدق تخلص الشغل وترجع الجنه ,,اهه قصدى البيت ..وناس الشغل عندها ارحم

المهم بقى فى موضوع البصبصه .. هههه مش مقتنعه بيه والله .. الراجل الللى متنكد عليه هو بقى اللى بيبصبص ...

اممممم وغالبا الراجل بيبيصبص طفاسه !!

المهم بقى ايه .. الست دى نعمة كبيره يا سكوب فى حياة اى راجل .. لو كنت مستريح معاها ضمنت جنة الدنيا ..

ولو كنت تعبان معاهاربنا هيعوضك بالجنه

ان شاااااااااااااااااااااااااااااااء الله

لولا

[Scorpion]

المهم بقى ايه .. الست دى نعمة كبيره يا سكوب فى حياة اى راجل .. لو كنت مستريح معاها ضمنت جنة الدنيا ..

ولو كنت تعبان معاهاربنا هيعوضك بالجنه

ايه ده يا مدام لولا .. يعني انا و الحمد لله (خمسة و خميسة .. يا ناس يا شر بطلوا قر ) مستريح مع ام جونيور ... حعيش بس في جنة الدنيا ... و بعد كده ... خلاص ... جهنم

( عقلي الباطن بيقوللي انه شايف واحد صاحبي بيقول .. ما انت كده كده نهايتك جهنم )

[myusername]

المهم بقى ايه .. الست دى نعمة كبيره يا سكوب فى حياة اى راجل .. لو كنت مستريح معاها ضمنت جنة الدنيا ..

ولو كنت تعبان معاهاربنا هيعوضك بالجنه

ايه ده يا مدام لولا .. يعني انا و الحمد لله (خمسة و خميسة .. يا ناس يا شر بطلوا قر ) مستريح مع ام جونيور ... حعيش بس في جنة الدنيا ... و بعد كده ... خلاص ... جهنم

( عقلي الباطن بيقوللي انه شايف واحد صاحبي بيقول .. ما انت كده كده نهايتك جهنم )

هو ايه حكاية عقلك الباطن معانا النهاردة؟

اللى يقول كده يبقى عبيط... هو فيه حد يا ابنى - و اسمح لى اقولك يا ابنى smk: - بيبقى عارف اذا كان هو نفسه آخرته جهنم ولا الجنة؟

خليها على الله بس... و متشيلش فى قلبك. و متخليش عقلك الباطن يشتغل كتير... mfb:

اما عن الست النكدية... مع احترامى للستات المصريات... بصراحة بحس انهم فيهم حتة نكد كده طبيعى... توماتيكى توماتيكى يعنى.

مفيش واحدة كده تبقى laid back؟ يعنى ريح و استريح...

تم تعديل 13 يناير 2010 بواسطة myusername

[عنبو]

على كده كل الرجاله المصريين عندهم الاوبشن ده

يعنى تلاقى ميحلاش عمل اى حاجه فى البيت الا يوم الجمعه

مافيش غسيل الا يوم الجمعه حتى مع الفل ماتك بتحس ان فيه غسيل برده

تلاقى مافيش هدة حيل الا يوم الجمعه

تلاقى كل حاجه يوم الجمعه

طيب لو فيه عيد تلاقى البيت كله اشدد طوارىء علشان العيد ويوم العيد تلاقى روح شوف دكتو علشان انا تعبانه قوى من هدة الحيل

طيب افرض كده يعنى ضحكت شويه تلاقيها كشرت فجأه علشان خايفه من الحسد او الضحك يخلص فبتقسمه على الايام

بس بجد المصريات ميه الميه وقت الازمات لكن فى الافراح والنغنغه لااااااا

طبعاً الكلام ليس بعااااام لانى ضد فكرة التعميم بس مما لا شك فيه هتلاقى اى صفه من دى موجوده فى اى واحده مصريه لكن احياناً ممكن يتجمعوا كلهم فى واحده وده اوبشن موجود

[Amr Radwan]

وصلني الايميل ده من كام يوم و اللي فكرت فيه نفس اللي فكر فيه سكوب

ربنا يستر و ما تكونش دي دعوة لكل الستات انهم يكونو "نكديين" عشان يجعلوا من رجالهم "عظمااااااااء"

الحذر يا نساء مصر من هذه الدعوة الهدامة :wub:

ده عشان نضحك بس مش عشان نطبقها :blink:

[سهران]

من يعتقد ان الزوجة النكدية ليس لها فوائد فهو مخطئ !!!!!!

لولا

فكرتيني بواحد صاحبي كان بيشتكي من مراتة النكدية ليل و نهـــــــار و بيقولي أنه متجوز حاجة كدة زي العربة الطائشة :blush2: بتخبط فيه يمين و شمال ...

فقلتله يعني معقول حياتك كلها صريخ و نكد بالشكل المرعب ده ... فقاللي أحقاقا للحق و علشان ما أظلمهاش و هي ليها ملكين برضه ..... البيت مش دايما فيه صريخ و خناق و نقار ... لا تخلوا الأيام مــــــن ساعـــــات الهدوء و السكينة و روقان البال .... و هي الساعات اللي بتكون فيها مــــــــراتي نايمــــــة :amb: :blush2:

ضيفي الميزة دي يا أستاذة ضمـــــــــــن الفوائــــــــــــــد العظيمة للنكــــــد الزوجـــــــي ..( وجود لحظات سعادة حقيقية أثناء نوم الزوجة النكدية )

تم تعديل 14 يناير 2010 بواسطة سهران

[jamalpody]

يحكي ان واحد متجوز أربعة ... أمريكية وسورية ولبنانية ومصرية

قام يصلي الفجر , سمع خروشة في الصالون ... راح يشوف فيه ايه .. لقى الأمريكية على جهاز الرياضة

قال لها ايه اللي مصحيكي بدري؟

my dear قالتله لازم أحافظ على رشاقتي ولياقتي وأعمل إيروبكس كل يوم

سمع خروشة في المطبخ ... راح يشوف فيه ايه .. لقى السورية بتعمل الفطار

قال لها ايه اللي مصحيكي بدري؟

قالتله ... إبن عمي .. حبيب قلبي .. باعملك حبة كبة وصحن تبولة... ما يهون عليا تنزل على ريق بطنك

سمع خروشة في غرفة النوم .. راح يشوف فيه ايه .. لقى اللبنانية قدام المراية بتضبط مكياجها

قال لها ايه اللي مصحيكي بدري؟

قالتله.. حياتي

عم جهز حالي عشان تصطبح بأحلى وش... بس تخلص صلاة ناطرتك يا روحي

سمع خروشة في الطرقة ... راح يشوف فيه ايه !

لقى المصرية نافشة شعرها وبتتمطع وبتتاوب ولابسة البيجامة اللي نايمة فيها

قال لها ايه اللي مصحيكي بدري؟

قالتله

....

....

....

أنا رايحة الحمام وراجعة أنام ..... وبعدين انت مال أمك؟

[عيون الصقر]

دلوقتي عرفت سبب ان كل وا ماشى فى الشارع يقول حسبي الله ونعم الوكيل

[Simba]

الزوجة النكدية

هو فيه صنف تاني غيرها في مصر والرجالة معندهاش خبر ولا ايه

طب مش يطلعوا اعلان في التلفزيون عن توافر الصنف الجديد :closedeyes:

[الباشمهندس ياسر]

....

أنا رايحة الحمام وراجعة أنام ..... وبعدين انت مال أمك؟

دي منين يا عمنا

من فين بجد و الله البنات اللي بتقول كده

افتراءات محضة علي بناتنا الامامير

يا حبيبي .. دي هتقله خش اتخمد احسن اديا بتاكلني علي ضربك النهارده :closedeyes:

[لماضة مصرية جدا]

السلام عليكم و رحمة الله و بركاته

برضه انتو تااااااااااااااااااااااااااااني

أستاذ بمبا و هندزة ياسر... و انضم ليكوا استاذ جمبو.(هو انا معرفتش هو جمب اللودي... و لا جمبو لودي و لا ايه)

..... هو مش كنت قفشتكوا مرة كده بتشككوا في كفاءة المنتج المصري...

فين يا لمضمض... فين يا لمضمض....أيون لما كنا بنتكلم عن الانوثة و التقفيل المصري الصميم مقارنة بغيره م التقفيلات

ليه حاسة اني هلم عليكم ستات المنتدي........و نلعب عليكم نشااااااااااااااااااااان

إلي جميع ستات المنتدي.... ربات البيوت.... أو اللي شايله الصغنتوت.... او م اللي م الباب مش بتفوت..... اجمعن عندي حالا :blink: :blink:

و متنسيش تجيبي معاكي باللي ربنا يقدرك عليه

غطا حلة..... كيس مخدة (شفتوا العنف بقي).......ايد المقشة......

فيه رجل غريبة بتحاول تشكك في جودة المنتج المصري

ورونا الهمة بقي

بسم الله...... الله اكبر..... :closedeyes: :waving: :sad:

زغروووووووووووووووووووووتة........................هجوووووووووووووووووووووووووووم

(اضرب برجلك الشمال عشان ترهب العدوووووو....... محمد صبحي.... وجهة نظر)

لما تخلص حملة التطهير..... حد يرنلي ع القهوة

فوتكم بعافية

لماضة مالكوفيتش

[Simba]

بمبا

بمبا ايه بس ده حتي موفازا يزعل ويتقمص :closedeyes:

وبعدين يا لماضة يا اختنا محدش يقدر يشكك في كفاءة المنتج المصري دي كلها مزايا

المننتج مصري خالص صنع في مصر او في الخارج باشراف مصري كامل

_ واحيانا بخبرة اجنبية لما يكون الزوج عنده عقل ويتجوز من بره ويا حبذا لو كانت لبنانية :sad:

_ ذكية ولما تحب تصحي جوزها تشوف اي عيل ييعيط تحطه في دماغه :blink: ماهي الحياة مشاركة برضه

_ متعددة النغمات ( سبع البرمية _ الناس خيبتها السبت والحد_ صبرني يارب ) استحالة تشغليها علي الوضع الصامت :blink:

وبعدين انا دايما اقول ليه تتجوز واحدة لما ممكن تتجوز اربعة

تم تعديل 22 يناير 2010 بواسطة سمبا

[لماضة مصرية جدا]

السلام عليكم و رحمة الله و بركاته

أستاذي برومبا (و دي كومبيناشن من سبع البرمبة و سمبا و عليهم بمبا).....

يا ربي.......طب هي تكون مالتي فانكشنز... و متعددة النغمات (و منهم.... يا سبعي.... يا جملي..... يا مستتني... ياللي جيبلي النابوليا بالشيء الفولاني)

و لا تقولك يا زلمة.....ا

نا اصحابي لما بشفوهم بيقولوا الجملة دي (كيفك يا زلمة ......منيح).....

بدور علشان اشوف سيادة الفيل ابو زلومة اللي جاي م الهند.....و هتركب عليه و تدفعه دم قلبه.... عشان تبقي منيحة

سؤالي بقي

ليه كل الزلومات......بيفكروا دايما يتجوزوا تاااااااااااااااااااااااااااااااني؟؟؟ نكدية بقي و لا حتي مهلبية..... دايما فيه حلم كده.... نعمل فيكوا ايه؟؟؟

تقبروني.... حد يرد عليا؟؟

[Simba]

السلام عليكم و رحمة الله و بركاته

أستاذي برومبا (و دي كومبيناشن من سبع البرمبة و سمبا و عليهم بمبا).....

يا ربي.......طب هي تكون مالتي فانكشنز... و متعددة النغمات (و منهم.... يا سبعي.... يا جملي..... يا مستتني... ياللي جيبلي النابوليا بالشيء الفولاني)

و لا تقولك يا زلمة.....ا

نا اصحابي لما بشفوهم بيقولوا الجملة دي (كيفك يا زلمة ......منيح).....

بدور علشان اشوف سيادة الفيل ابو زلومة اللي جاي م الهند.....و هتركب عليه و تدفعه دم قلبه.... عشان تبقي منيحة

سؤالي بقي

ليه كل الزلومات......بيفكروا دايما يتجوزوا تاااااااااااااااااااااااااااااااني؟؟؟ نكدية بقي و لا حتي مهلبية..... دايما فيه حلم كده.... نعمل فيكوا ايه؟؟؟

تقبروني.... حد يرد عليا؟؟

وحياتك الترجمة بسرعة يا لماضة بس مع طبق بليلة وصاية :lol:

[Simba]

تئبر قلبي

دي كلمة سورية بحبها خالص اول مرة اسمعها سمعتها في مسلسل هناء وجميل يا سلام لو كانت هناء ترضي تتجوزني :wub:

المسلسل كان جزئين

اول جزء جميل طالع خجول جداااا ومش بيبص لاي واحدة وهو هيتفرس انه مراته مش بيتغير عليه وكان بيعمل المستحيل علشان مراته تشك فيه وهي ابدا علشان عارفاه وحفظاه

مراتي كانت بتقولي شفت المفروض الراجل يبقي كده مؤدب وعينه لا تيجي يمين ولا شمال :lol:

في الجزء التاني اتصدمت

جميل اتشقلب حاله وجنن هناء بعلاقاته

ما علينا احنا دي ناس في سوريا خلينا في مصر والعتبة

انا اقولك اي زلمة تاني عايز يتجوز ليه

طفاسة بعيد عنك :lol:

بس طفاسة مشروعة wst::

تم تعديل 22 يناير 2010 بواسطة سمبا

[لماضة مصرية جدا]

السلام عليكم و رحمة الله و بركاته

أستاذي برومبا (و دي كومبيناشن من سبع البرمبة و سمبا و عليهم بمبا).....

يا ربي.......طب هي تكون مالتي فانكشنز... و متعددة النغمات (و منهم.... يا سبعي.... يا جملي..... يا مستتني... ياللي جيبلي النابوليا بالشيء الفولاني)

و لا تقولك يا زلمة.....ا

نا اصحابي لما بشفوهم بيقولوا الجملة دي (كيفك يا زلمة ......منيح).....

بدور علشان اشوف سيادة الفيل ابو زلومة اللي جاي م الهند.....و هتركب عليه و تدفعه دم قلبه.... عشان تبقي منيحة

سؤالي بقي

ليه كل الزلومات......بيفكروا دايما يتجوزوا تاااااااااااااااااااااااااااااااني؟؟؟ نكدية بقي و لا حتي مهلبية..... دايما فيه حلم كده.... نعمل فيكوا ايه؟؟؟

تقبروني.... حد يرد عليا؟؟

وحياتك الترجمة بسرعة يا لماضة بس مع طبق بليلة وصاية :lol:

طب شو

بدنا نتكلم ع الترجمة

ما بتعرف تقبرني

و لا حتي

توأبوشني

طب....

ما بتعرف

تشكول آسي

شو

ما بيصير هيك

[Simba]

طب شو

بدنا نتكلم ع الترجمة

ما بتعرف تقبرني

و لا حتي

توأبوشني

طب....

ما بتعرف

تشكول آسي

شو

ما بيصير هيك

شفني اهو أنت اتبرئتي من اللهجة المصرية :lol: :lol:

المفروض يعملوا في مصر قانون لتشجيع الزواج

تزوج مصرية وخد معها شامية من اختيارك سورية او لبنانية

[الباشمهندس ياسر]

بلا تقبريييييييني بلا الليلة دي

مفيش اجدع من

امووووووت انا

و شفتك جيت علي صف سناني

اه يااااااا اه

هو فيه كده

القمر ماشي ع الارض يا نااااااس

البلدي يوكل

و برده اموت انا