حد يفهمني؟!!!!!

[رضوي]

السلام عليكم ورحمة الله وبركاته

اعزائي .......

ارجوا الافادة

احياناً يضطر كل منا للكذب ....... بطريقة او بأخري

ودة في حد ذاته مشكلة

طيب ساعات بكدب علشان لااقع فيما هو أكثر من الكذب كخيانة الامانة مثلا

علشان اقدر اوضح الموضوع ممكن اضرب مثال للتوضيح فقط ............ لو صديقتي قالت لي مش هاجي الشغل النهاردة علشان كذا وكذا وكذا ( وطبعاً كذا وكذا دة سر )

وياتي المدير مثلاً يسألني فين فلانة ......... اقوله ماجتش النهاردة ......... ليه يارضوي ؟

اقوله معلش اصلها مرهقة شوية .................. طيب كدة انا كذبت ؟

وماقلتش الحقيقة ............ دة مجرد مثال توضيحي

في ساعات بنضطر نكدب علشان نخبي اسرار

او علشان مانحرجش حد .......

ايا كان فهو كذب

وهو احد صفات المنافق الثلاث ( اذا حدّث كَذب)

[myusername]

بينى و بينك... انا مش هفتى, لانى معرفش.

انا طبعا هتكلم فى سياق المثل اللى انتى ضربتيه... هل انتى كذبتى عشان دفعتى ضرر عن شخص؟ دى نقطة..

طيب ما هو انتى ممكن تقولى عشان مرهقة.. و تبقى هى فعلا مرهقة, مع ان ده مش السبب الرئيسى...

على حد علمى, الموضوع متوقف على نيتك... يعنى ممكن تستخدمى مثلا كلمات ملتوية تحمل اكثر من معنى, بس انتى نيتك معنى محدد... و اللى قدامك يفهم الكلام غلط... و بالتالى ميبقاش وقع عليكى ذنب, و الله اعلم؟

و عموما... انتى اصلا نيتك فل و بيضة ان شاء الله... و استغفرى ربنا و ملكيش دعوة انتى بس.

[الباشمهندس ياسر]

كفيتم عن الكذب بالمعاريض

امير المؤمنين عمر

[tantrum]

الأخت رضوى

الكذب هوالكذب

و لم يستثنى إلا ما جاء بالحديث التالى

عن أم كلثوم بنت عقبة بن أبى معيط قالت : سمعت رسول الله صلى الله عليه وسلم يقول ( ليس الكذاب الذى يصلح بين الناس فينمى خيرا أو يقول خيرا ) وفى رواية أخرى زيادة هى : قالت : ولم أسمعه يرخص فى شىء مما يقول الناس إلا فى ثلاث ، تعنى الحرب ، والإصلاح بين الناس ، وحديث الرجل امرأته ، وحديث المرأة زوجها

و يمكنك الإستغناء عن ذلك بما يسمى المعاريض إن أمكنك و أسعفتك بديهتك

و المعاريض هى المهارة فى إستخدام كلامك و لكن بشرط الا يترتب ضرر على الغير من جراء ذلك.

و أمثلة المعاريض منها قول سيدنا إبراهيم (بل فعله كبيرهم هذا)

و يقال أن إبراهيم النخعي قد خط في بيته مسجدا فإذا جاء من لا يريد دخوله عليه قال لغلامه قول هو في المسجد

و يقال أن الأمام أحمد قد سئل عن المروزي وهو عنده ، ولم يرد أن يخرجه للسائل ، فوضع احمد إصبعه في كفه وقال : ليس المروزي هاهنا ، وماذا يصنع المروزي هاهنا ..

ومنه قول ابن جبير للحجاج حين أراد قتله وقال له ما تقول فى؟

قال : قاسط عادل .

فقال الحاضرون ما أحسن ما قال - ظنوا أنه وصفه بالقسط والعدل.

ولكن الحجاج بدهائه المعهود فهم نيته و قال يا جهلة سماني مشركاً ظالماً ثم تلى ( ( وَأَمَّا الْقَاسِطُـونَ فَكَـــــــانُوا لِجَهَنَّمَ حَطَبـــاً )

و ( ( ثُمَّ الَّذِينَ كَفَرُواْ بِرَبِّهِم يَعْدِلُونَ ) )

و فى الحالة التى سألتى عنها فقد مررنا جميعا بها وتعلمت مع الوقت أن الأفضل هو الإعتذار مقدما لمن طلبت منك ذلك بأنكى لن تستطيعى الكذب و ستتفهم ذلك.

تم تعديل 13 يناير 2010 بواسطة tantrum

[لولا]

قبل فترة كده كنت فى محل كوافير ودخلت عروسة مفروض انها حاجزه هى واهلها عشان يعملوا مكياج وتسريحات الفرح

الحقيقة العروسة كانت بجد لا تتمتع باى مواصفات جماليه ..

بالعامية كده وحشه مووووووت وعندها تساقط شديد فى شعرها لدرجة ان فروة راسها باينه جدا

اول ما شوفتها بجد صعبت عليا لأن دوت يوم فرحها ومفروض تكون فيه احلى بنت او على الأقل هى تحس بكده..

لكن اللى شفته فى عينين البنت انها كانت حزينه جدا وباين عليها قد ايه معندهاش اى ثقه فى نفسها

الكوافيرات بقى فى المحل لبنانيات لما جيه دورها تعمل شعرها لقيت الكوافيره بتقولها "شو ها القمر .. والله راح بتطلعى احلى عروس .. انت اصلا حلوه

ماشاالله وراح تبينى حلوه كتير الليلة "!!!!!!!!!!!!!!!!

طبعا كل اللى كان موجود عارف ان البنت الكوافيره بتكدب عليها كدب بين ..بتهيييييس يعنى ! .. بس كلنا اتبسطنا قوى انها بتكدب عليها كده!!

والبنت نفسها اخيرا ابتسمت ابتسامة صغيره وفكت التكشيرة اللى كانت فيها .

انا شايفه ان الكدب فى مواقف وظروف كتير بيكون فعلا مطلوب الأمثلة لا تعد ولا تحصى .

تحياتى

لولا

[SophiaAstrophy]

السلام عليكم ورحمه الله وبركاته والله يارضوى انا شايفه ان الكدب هو كدب فى الاخر ( فى الحالة التى سألتى عنها فقد مررنا جميعا بها وتعلمت مع الوقت أن الأفضل هو الإعتذار مقدما لمن طلبت منك ذلك بأنكى لن تستطيعى الكذب و ستتفهم ذلك)انا فعلا مع الرائ ده بجد لان للاسف الكدب مش بينفع.............................. ولكى تحياتى :sofa:

[تامر السعدني]

الأخت رضوى

الكذب هوالكذب

و لم يستثنى إلا ما جاء بالحديث التالى

عن أم كلثوم بنت عقبة بن أبى معيط قالت : سمعت رسول الله صلى الله عليه وسلم يقول ( ليس الكذاب الذى يصلح بين الناس فينمى خيرا أو يقول خيرا ) وفى رواية أخرى زيادة هى : قالت : ولم أسمعه يرخص فى شىء مما يقول الناس إلا فى ثلاث ، تعنى الحرب ، والإصلاح بين الناس ، وحديث الرجل امرأته ، وحديث المرأة زوجها

صدق رسول الله صلى الله عليه وسلم

ومفهوم المخالفة

أقصد لكلامي وليس لكلام نبينا عليه الصلاة والسلام

أقول مفهوم المخالفة يقتضي أن .....

ولا بلاش

كل لبيب بالإشارة يفهم!!!

ملحوظة لتانترم: ردي باقتباس من كلامك ملهوش علاقة بالرسالة --- يعني مفيش شبهة رشوة ولا حاجة بس علشان لقيتك جايب الحديث الفصل في الأمر : )

[ذهبية]

اعملى ما يملية عليكى ضميرك وحاسة انك بعدها مش هتندمى

[تامر السعدني]

خلينا نسأل سؤال محتاج لإجابة صريحة

لو أنا صاحب العمل هل اعتبر تغيب فلان عن العمل بدون عذر مقبول خيانة للأمانة أم لا؟؟

إذن السؤال هو فين الأمانة التي لا يجب أن نخونها

أن نلتزم بعقودنا ومواثيقنا أم نخالفها ثم نأتمن غيرنا على سبب مخالفتنا للأمانة؟

[reemragab]

خلينا نسأل سؤال محتاج لإجابة صريحة

لو أنا صاحب العمل هل اعتبر تغيب فلان عن العمل بدون عذر مقبول خيانة للأمانة أم لا؟؟

إذن السؤال هو فين الأمانة التي لا يجب أن نخونها

أن نلتزم بعقودنا ومواثيقنا أم نخالفها ثم نأتمن غيرنا على سبب مخالفتنا للأمانة؟

طبعا مفيهاش كلام

[Alshiekh]

السلام عليكم ورحمة الله وبركاته

اعزائي .......

ارجوا الافادة

احياناً يضطر كل منا للكذب ....... بطريقة او بأخري

ودة في حد ذاته مشكلة

طيب ساعات بكدب علشان لااقع فيما هو أكثر من الكذب كخيانة الامانة مثلا

علشان اقدر اوضح الموضوع ممكن اضرب مثال للتوضيح فقط ............ لو صديقتي قالت لي مش هاجي الشغل النهاردة علشان كذا وكذا وكذا ( وطبعاً كذا وكذا دة سر )

وياتي المدير مثلاً يسألني فين فلانة ......... اقوله ماجتش النهاردة ......... ليه يارضوي ؟

اقوله معلش اصلها مرهقة شوية .................. طيب كدة انا كذبت ؟

وماقلتش الحقيقة ............ دة مجرد مثال توضيحي

في ساعات بنضطر نكدب علشان نخبي اسرار

او علشان مانحرجش حد .......

ايا كان فهو كذب

وهو احد صفات المنافق الثلاث ( اذا حدّث كَذب)

شوفى ياستى

الموظف او العامل ليس مضطرا لان يشرح اسباب تغيبه عن العمل ، تكفى عبارة " كان عندى ظروف " او " كان عندى ظرف طارئ "

وليس من حق صاحب العمل او المدير ان يسأل عن تلك الظروف والا اعتبر مستغلا لمنصبه.

وعموا لا أرى انك كنت مسئولة عن نقل اخبارها للمدير بقدر ان تبلغيه ان متغيبة لظروف تخصها.

[مغتربة]

الاجابه ابسط من كل ده

لما يسالك هى مجتش ليه

قوليله لما تيجى حضرتك اسالها

و لو غتت و سال يعنى هى مقلتلكيش ليه

قوليله ربنا اعلم بالاسباب

يعنى تلاعب بالالفاظ بدون كذب

[رضوي]

السلام عليكم ورحمة الله وبركاته

اخوتي واخواتي

جزاكم الله خيراً ............... ولكم مني كل الشكر والتقدير والتحية

ولكن

دعوني اوضح نقطة بسيطة جداً

المثال اللي ذكرته عن صديقتي عندما تتغيب عن العمل ويسألني المدير

هو مجرد مثال توضيحي ليس الا ........................ وليس هو المشكلة بعينها

المشكلة بصراحة احينا نضطر للوقوع في الكذب للاسباب اخري

هو دة اللي عايزة اقوله لحضراتكم ............ ولو كانت المشكلة في المثال فما ابسطها

لكم جزيل الشكر

تحياتي

[SophiaAstrophy]

السلام عليكم ورحمة الله وبركاته

اخوتي واخواتي

جزاكم الله خيراً ............... ولكم مني كل الشكر والتقدير والتحية

ولكن

دعوني اوضح نقطة بسيطة جداً

المثال اللي ذكرته عن صديقتي عندما تتغيب عن العمل ويسألني المدير

هو مجرد مثال توضيحي ليس الا ........................ وليس هو المشكلة بعينها

المشكلة بصراحة احينا نضطر للوقوع في الكذب للاسباب اخري

هو دة اللي عايزة اقوله لحضراتكم ............ ولو كانت المشكلة في المثال فما ابسطها

لكم جزيل الشكر

تحياتي]

السلام عليكم ورحمه الله وبركاته .........اختى العزيزه رضوى هو فعلا عندك حق يمكن فى اوقات الواحد بيضطر يكدب فى حاجات معينه بس للاسف لما يبقا فى شخص عزيز على الواحد قوى ( مش شخص معين ممكن بابا ..ماما .. اخواتى) بيزعل جدا لما يعرف انى بكدب عليه بس فى اوقات بجد الواحد مضطر انه يكدب ...كمثال ايضا( لو واحد مش عاجبه اكله معينه من زوجته وحاسس لو قالها انها واحشه هتزعل منه فاهيعمل ايه هيكدب طبعا ويقولها على الاقل اه حلوه ) وربنا يوفقك فى حياتك يارب .. واستغفر الله لذنبوبنا وللمؤمنين والمؤمنات...ولكى تحياتى wst::

[om marawan]

اختى رضوى العزيزة

اولا وحشتينى جداااا جدااا

ثانيا عاوزة اقولك انى فعلا كنت باقع فى المشكلة دى ولقيت فعلا ان الردود العامة افضل زى ماقال الاخوة او حتى اوصل للى قدامى انى مش عاوزة أرد أفضل

وكنت فى مرة ماكانش فيه فرصة للرد العام ده وكنت هارد على واحدة برد اضطر اكدب فيه ( مالهاش حل يعنى )

ولقيت ابو مروان قا لى كلمة واحدة

قالى مافيش حد ولا حاجة فى الدنيا تستاهل انك تكدبي

لو حد طلب منك حاجة ونسيتى قولى نسيت او مش عاوزة تعمليها اعتذرى بدل ماتقولى اعذار مثلا حتى لو زعل لكن هيحترم صراحتك والاهم انك مش هتكدبى

مهما كانت كذبة صغيرة وعلى فكرة عن تجربة فعلا الصدق منجى وعاوزة اقولك كمان انى بقيت اتجنب اصلا المواقف اللى هتضطرنى اكدب لانه عامل زى البير اللى بيدخله يلاقى نفسه بيطلع من مشكلة لمشكلة لا قدر الله

طبعا يستثنى من تحريم الكذب المواقف المذكورة فى الحديث وهي الحرب والاصلاح بين الناس وحديث الأزواج اللى طبعا مقصود بيه المجاملات بينهم والغزل مش يكدبوا على بعض فى كل حاجة يعنى هههههههه

مساءك معطر فل وياسمين وورد بلدي